ተዋሕዶን እንወቅ።

🌻 ዓመቱን ሙሉ ኖረው ይህችን ቀን ሳያዩ ትላንት የሞቱ አሉ ። የኖርነው ስለ ፈለግን ሳይሆን ስለ ተፈቀደልን ነው ። ይህች ቀን ከሰው የምትሰጥ ብትሆን ኖሮ ባላገኘናት ነበር ። እነዚያ የሞቱት በሞኝነት ፣ እኛ የቀረነው በብልጠት አይደለም ። በሕይወት መኖር የአንድ አምላክ ስጦታ ነው ። ያለፈውን ዓመት ስህተት አትድገሙት ። ያለ ፍቅር መውደድን ፣ ያለ እምነት መጸለይን ፣ ያለ ቸርነት መስጠትን ፣ ያለ መቅረዝ ጨለመብኝ ማለትን ፣ ያለ ንስሐ መልካም ቀን መመኘትን ወደ ኋላ ጣሉት ። ዛሬን አይሻገር ፣ ዘንድሮን አይለፍ ። ለማግኘት ማጣት ፣ ለመክበር መዋረድ ፣ ለመኖር መሞት ፣ ለማበብ መክሰም ፣ የእግዚአብሔርን ካሣ ለማግኘት በሰው መገፋት ወሳኝ መሆኑን አትርሱ ። 🌻 "እንዲሁ ምንም ሳልሠራ ዘመኔ ለሚያልፈው ለእኔም ጸልዩ ። እስከ ዛሬዋ ቀን ድረስ አብረን በፍቅር ስለ ቆየን አመሰግናችኋለሁ ። እንኳን ለዚህች ቀን አበቃን! ዓመቱን የሰላም ያድርግልን !"

JOIN @Applied_CHRISTIANITY