Botahtaung Scout Channel

ဇွန်လ ၂၉ ရက်နေ့တွင် ရရှိထားသော Windy App ၏ အမြင့်ပေ ၅,၀၀၀ (850 hPa) လေစီးကြောင်း ခန့်မှန်းချက် updated ပုံများအရ ဇူလိုင်လဆန်းပိုင်းတွင် ဖြစ်ပေါ်မည့် စနစ်သည် အချိန်ကာလအလိုက် သိသာထင်ရှားသော အဆင့်ဆင့်ပြောင်းလဲမှုများ ရှိနေသည်ကို တွေ့ရပါသည်။ လေစီးကြောင်းပုံများကို ကိုးကား၍ အချိန်ကာလအလိုက် စနစ်၏ ဖြစ်ပေါ်နိုင်မှု၊ Model Confidence နှင့် မြန်မာနိုင်ငံအပေါ် သက်ရောက်မှုများကို အောက်ပါအတိုင်း အသေးစိတ်သုံးသပ်ခန့်မှန်းထားပါသည် - ၁။ အချိန်ကာလအလိုက် မော်ဒယ် ၃ ခု၏ ခန့်မှန်းချက်များ ဇူလိုင် ၃ - ၄ ရက် အခြေအနေ 🔶 ECMWF ခန့်မှန်းချက် - ဘင်္ဂလားပင်လယ်အော် မြောက်ပိုင်း (ဘင်္ဂလားဒေ့ရှ်နှင့် အိန္ဒိယအစပ်) တွင် ဗဟိုလေဖိအား 991 hPa ရှိသော အားကောင်းသည့် လေဝဲစနစ်တစ်ခုကို ပြသနေသည်။ အနောက်တောင်မုတ်သုံလေကို မြန်မာ့ကမ်းရိုးတန်းဆီသို့ ပြင်းထန်စွာ ဆွဲသွင်းနေပါသည်။ 🔶 GFS ခန့်မှန်းချက် - ပိုမိုအားကောင်းသော စနစ်အဖြစ် ပြသနေပြီး 990 hPa ဝန်းကျင်) ဗဟိုချက်သည် အိန္ဒိယနိုင်ငံ ဩဒိဿ (Odisha) ကမ်းခြေနှင့် ပိုမိုနီးကပ်သည်။ မြန်မာနိုင်ငံဘက်တွင် 850 hPa လေစီးကြောင်းမှာ အလွန်ပြင်းထန်နေသည်။ 🔶 ICON ခန့်မှန်းချက် - ဘင်္ဂလားပင်လယ်အော် မြောက်ပိုင်းတွင် လေဝဲစနစ်တစ်ခု စတင်အခြေပြုနေသော်လည်း ဗဟိုချက်မှာ အခြားမော်ဒယ်များလောက် ထင်ရှားခြင်းမရှိဘဲ ပျံ့နှံ့နေသည်။ ဇူလိုင် ၅ - ၆ ရက် အခြေအနေ 🔶 ECMWF ခန့်မှန်းချက် - မုန်တိုင်းစနစ်သည် အိန္ဒိယ/ဘင်္ဂလားဒေ့ရှ် ကုန်းတွင်းပိုင်းသို့ ဆက်လက်ရွေ့လျားသွားပြီး အရှိန်အနည်းငယ်လျော့ကာ 994 hPa အဆင့်ဖြစ်သွားသည်။ မုန်တိုင်း၏ လေစီးကြောင်းသည် မြန်မာနိုင်ငံအထက်ပိုင်းအထိ ဝိုက်၍ စီးဝင်နေဆဲဖြစ်သည်။ 🔶 GFS ခန့်မှန်းချက် - မုန်တိုင်းစနစ်သည် အိန္ဒိယနိုင်ငံ ကုန်းတွင်းပိုင်းသို့ အနောက်မြောက်ဘက်အတိုင်း ဆက်လက်ဝင်ရောက်သွားသည်။ တစ်ချိန်တည်းမှာပင် ဘင်္ဂလားပင်လယ်အော်အရှေ့မြောက်ပိုင်း (မြန်မာ့ကမ်းရိုးတန်းအနီး) တွင် မုတ်သုံလေစီးကြောင်း ကြမ်းတမ်းမှုကြောင့် နောက်ထပ် လေဖိအားနည်းဆဲလ်ငယ်တစ်ခု ထပ်မံဖြစ်ပေါ်လာနိုင်သည့် အရိပ်အယောင် ပြသနေသည်။ 🔶 ICON ခန့်မှန်းချက် - အိန္ဒိယနိုင်ငံအလယ်ပိုင်း (အင်ဒေါမြို့အနီး) တွင် အလွန်အားကောင်းသော ကုန်းတွင်းမုန်တိုင်းကြီးအဆင့် 989 hPa ဖြစ်သွားပြီး၊ ဘင်္ဂလားပင်လယ်အော်အတွင်း၌မူ မုတ်သုံလေစီးကြောင်းအားကောင်းလျှက်ကျန်ရှိနေသည်။ ဇူလိုင် ၆ ရက် မွန်းလွဲ/ညပိုင်း အခြေအနေ 🔶 ECMWF ခန့်မှန်းချက် - မုန်တိုင်းစနစ်သည် ကုန်းတွင်းပိုင်းတွင် ဆက်လက်အားလျော့သွားသော်လည်း၊ ဘင်္ဂလားပင်လယ်အော်အတွင်း မုတ်သုံလေစီးကြောင်း (Monsoon Trough) မှာ မြန်မာနိုင်ငံ ရခိုင်ကမ်းရိုးတန်းကို ဖြတ်ကျော်လျက် တည်ရှိနေဆဲဖြစ်သည်။ 🔶 GFS ခန့်မှန်းချက် - အိန္ဒိယဘက်ရှိ စနစ်ဟောင်း အားလျော့သွားချိန်တွင် ဘင်္ဂလားပင်လယ်အော်မြောက်ပိုင်း၌ လေဖိအားနည်းရပ်ဝန်းအသစ်တစ်ခု ထပ်မံအစပျိုးလာသည့် ပုံစံမျိုး တွေ့ရသည်။ 🔶 ICON ခန့်မှန်းချက် - ကုန်းတွင်းပိုင်းစနစ်သည် ဆက်လက်အားကောင်းနေပြီး ဘင်္ဂလားပင်လယ်အော်တစ်ခုလုံးတွင် အနောက်တောင်မုတ်သုံလေ အားကောင်းပြီး လေစီးကြောင်း ဖြောင့်တန်းစွာ တိုက်ခတ်နေသည်။ ၂။ Model Prediction Confidence (ခန့်မှန်းချက်အပေါ် ယုံကြည်စိတ်ချရမှု) 🔶 ဖြစ်ပေါ်နိုင်မှုအပေါ် Confidence အဆင့် - မြင့် (High Confidence) - မော်ဒယ် ၃ ခုစလုံးသည် အမြင့်ပေ ၅,၀၀၀ လေစီးကြောင်းအရ ဇူလိုင် ၃ ရက်မှ ၆ ရက်အတွင်း ဘင်္ဂလားပင်လယ်အော်၌ လေထုမငြိမ်မသက်မှု ပြင်းထန်မည်ဖြစ်ကြောင်း တညီတညွတ်တည်း ပြသနေသည်။ 🔶 လမ်းကြောင်းအပေါ် Confidence အဆင့် - မြင့် (High Confidence) - ယခင်ရက်များကကဲ့သို့ မြန်မာနိုင်ငံဘက်သို့ ဦးတည်မည့်အခြေအနေမျိုး မတွေ့ရတော့ဘဲ၊ စနစ်သည် အနောက်မြောက်ဘက် (အိန္ဒိယနိုင်ငံ ကုန်းတွင်းပိုင်း) သို့သာ ရွေ့လျားမည် ကို မော်ဒယ်အားလုံးက အတည်ပြုပြသနေကြပြီ ဖြစ်ပါသည်။ ၃။ မြန်မာနိုင်ငံအပေါ် သက်ရောက်နိုင်မည့် အခြေအနေ - မုန်တိုင်းဗဟိုချက်သည် အိန္ဒိယဘက်သို့ ဝင်ရောက်သွားမည်ဖြစ်သော်လည်း၊ အမြင့်ပေ ၅,၀၀၀ ရှိ မုတ်သုံလေစီးကြောင်း (850 hPa Monsoon Westerlies) သည် မြန်မာနိုင်ငံ ရခိုင်ကမ်းရိုးတန်းနှင့် မြစ်ဝကျွန်းပေါ်ဒေသများပေါ်သို့ တိုက်ရိုက် အရှိန်အဟုန်ပြင်းစွာ ဖြတ်သန်းတိုက်ခတ်နေသည် ကို ရက်အလိုက် တွေ့ရပါသည်။ ထို့ကြောင့် - ⚠️ မိုးသည်းထန်စွာရွာသွန်းခြင်း (ဇူလိုင် ၃ - ၆ ရက်) - ရခိုင်ပြည်နယ်၊ ချင်းပြည်နယ်နှင့် ဧရာဝတီမြစ်ဝကျွန်းပေါ်တွင် မုတ်သုံလေစီးကြောင်းမှဆွဲသွင်းလိုက်သော အစိုဓာတ်ပမာဏ အလွန်မြင့်မားသဖြင့် ဇူလိုင် ၃ ရက်မှ ၆ ရက်အတွင်း အဆက်မပြတ် မိုးကြီးခြင်း၊ မိုးရေချိန်လက်မ စံချိန်တင်မြင့်တက်ခြင်းများ ဖြစ်ပေါ်နိုင်ပါသည်။ ⚠️ စစ်ကိုင်းတိုင်း၊ မကွေးတိုင်းနှင့် မန္တလေးတိုင်း - မုန်တိုင်းကုန်းတွင်းပိုင်းဝင်ပြီးသွားချိန် (ဇူလိုင် ၅-၆) တွင် မုတ်သုံလေသည် မြန်မာနိုင်ငံအထက်ပိုင်းအထိ ဝိုက်၍ စီးဝင်မည်ဖြစ်ရာ မြန်မာနိုင်ငံအလယ်ပိုင်းနှင့် အထက်ပိုင်းတို့တွင်လည်း မိုးရွာသွန်းမှု ပိုမိုအားကောင်းလာပါမည်။ ⚠️ လေပြင်းတိုက်ခတ်ခြင်း - ကမ်းရိုးတန်းဒေသများတွင် 850 hPa အဆင့်၌ လေတိုက်နှုန်း ပြင်းထန်နေသဖြင့် မြေပြင်တွင်လည်း မိုးသက်လေပြင်းကျရောက်ပါက တစ်နာရီလျှင် မိုင် ၄၀ မှ ၄၅ မိုင်အထိ ရုတ်တရက် တိုက်ခတ်နိုင်ပါသည်။ ⚠️ ဘေးအန္တရာယ်သတိပေးချက် - ရက်ဆက်မိုးကြီးနိုင်သဖြင့် ရခိုင်ရိုးမနှင့် ချင်းတောင်တန်းအနီးရှိ မြို့နယ်များတွင် မြေပြိုမှု (Landslide) အန္တရာယ်နှင့် ကမ်းရိုးတန်းအနီးတွင် လျှပ်တပြက်ရေကြီးမှု (Flash Flood) များအတွက် ကြိုတင်ပြင်ဆင်မှုများ ပြုလုပ်ထားသင့်ပါသည်။ ၄။ နိဂုံးချုပ်သုံးသပ်ချက် - ⚠️ ဘင်္ဂလားပင်လယ်အော်မြောက်ပိုင်းတွင် ဖြစ်ပေါ်နိုင်သည့် လေဖိအားနည်းရပ်ဝန်း/မုန်တိုင်း (storm system) သည် မြန်မာ့ကမ်းရိုးတန်းဒေသများသို့ တိုက်ရိုက်ဝင်ရောက်မည့် မုန်တိုင်းမဟုတ်ပဲ "ရက်ရှည်မိုးသည်းထန်စွာရွာသွန်းပြီး ရေကြီးရေလျှံမှုဖြစ်စေနိုင်မည့် အားကောင်းသောမုတ်သုံမိုးအန္တရာယ် (Monsoon Hazard)" အဖြစ်သက်ရောက်နိုင်မည်ဖြစ်ကြောင်း သုံးသပ်ရပါသည်။

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Jun 22 - 28, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၆ ခု ခွဲ၍ ဖော်ပြထားသည်။ 🔖 အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၃ မြို့နယ်တို့မှ လူ ၁၀ ဦး၏ ဖြစ်စဉ်ကို သိရှိလိုက်ရသည်။ · လှိုင်၊ ဗဟန်းနှင့် မင်္ဂလာတောင်ညွန့်မြို့နယ်တို့၌ ဖမ်းဆီးခံခဲ့ကြရခြင်းဖြစ်သည်။ · လမ်းပေါ်ရမ်းသမ်းဆွဲခံရသူ ၄ ဦး၊ ကားမှတ်တိုင်အနီးထိုင်နေစဉ် ဆွဲခံရသူ ၁ ဦးနှင့် ဧည့်စာရင်းစစ်ပြီး ဖမ်းခေါ်ခံရသူ ၅ ဦးတို့ဖြစ်သည်။

———— 🔖 ဧည့်စစ်/လူရှာဖြစ်စဉ်များ

· ယခု သီတင်းပတ်အတွင်း ဧည့်စစ်လူရှာဖြစ်စဉ်များအနက် မြို့နယ် ၇ မြို့နယ်မှ ဖြစ်စဉ် ၉ ခုကို သိရှိခဲ့ရသည်။ · လှိုင်၊ စမ်းချောင်း၊ ဗဟန်း၊ မရမ်းကုန်း၊ အလုံ၊ သင်္ဃန်းကျွန်းနှင့် လှိုင်သာယာမြို့နယ်တို့၌ ဧည့်စစ်သွားခဲ့ခြင်း ဖြစ်သည်။

———— 🔖 သင်္ဃန်းဝတ် မဘသများ အင်အားပြ

· ဇွန်လ ၂၃ ရက်နေ့ မနက်ပိုင်းတွင် ရန်ကုန်တိုင်း၊ သင်္ဃန်းကျွန်းမြို့နယ်တရားရုံးရှေ့၌ သင်္ဃန်းဝတ် မဘသအဖွဲ့များ စုဝေးပြီး အင်အားပြခဲ့ကြကြောင်း People's Spring မှ သိရှိရသည်။ မဘသဘုန်းကြီး ဦးလက္ခဏသာရကို ဝစ်သောက်ကားစီးမှု၊ ကားပေါ် ဓားတွေ့ရှိမှုများကြောင့် သင်္ဃန်းကျွန်းမြို့နယ်ရှိ သံဃာစည်းကမ်းထိန်းသိမ်းရေးအဖွဲ့များက ဖမ်းဆီးပြီး အင်းစိန်ထောင်ပို့လိုက်၍ မကျေနပ်သောကြောင့် အင်အားပြကန့်ကွက်ခဲ့ကြသည်ဟု သိရသည်။ ဖမ်းဆီးခံရသည့် မဘသဘုန်းကြီးမှာ အကြမ်းဖက်စစ်တပ်၊ ကြံ့ဖွံ့ပါတီတို့နှင့်ပူးပေါင်းထားသည့် လော်ဘီတဦးဖြစ်ကြောင်းလည်း ကန့်ကွက်ခဲ့သူ သင်္ဃန်းဝတ်တဦးက ဆိုသည်။

———— 🔖 ဘေးတွဲများကို လိုင်စင် ထုတ်မပေး

· ရန်ကုန်တိုင်းအတွင်း ပြေးဆွဲနေသည့် ဘေးတွဲဆိုင်ကယ် အစီး ၈ သောင်းကျော်ကို လိုင်စင်ထုတ်ပေးဖို့ မရှိဟု စစ်တပ်မှ ပြောကြားထာသည်။ ၎င်းတို့လိုင်စင်ထုတ်ပေးနေသည့် ယာဉ်အမျိုးအစားထဲ မပါဝင်လို့ဟု ဆိုသည်။

———— 🔖 မူးယစ်ဆေး ဖျက်ဆီးပြ

· ဇွန်လ ၂၆ ရက်နေ့တွင် လှိုင်သာယာ (အနောက်ပိုင်း) မြို့နယ်၊ထဲ မူးယစဆေးဝါးနေ့အဖြစ် ဒေါ်လာ ၃၂၁ သိန်းခန့် ပမာဏရှိ မူးယစ်ဆေးများ မီးရှို့ဖျက်ဆီးခဲ့သည်ဟု စစ်တပ်မှ သတင်းထုတ်ပြန်ထားသည်။

———— 🔖 မလေးရှားမှ ပြန်လွှတ်လိုက်သူများ ရန်ကုန်ရောက်

ယခုအပတ်တွင်း မလေးရှားနိုင်ငံ၊ ဂျိုးဟိုးပြည်နယ်၊ ပွန်တီယန်ခရိုင်၊ အချုပ်စခန်းမှ ပြစ်ဒဏ်စေ့လွတ်မြောက်လာသည့် မြန်မာနိုင်ငံသား ၁၃၂ ဦးကို ရန်ကုန်မြို့သို့ ပြန်ပို့လိုက်ကြောင်း Khit Thit မှ သိရှိရသည်။ မလေးရှား လဝကဥပဒေချိုးဖောက်မှု၊ မူးယစ်ဆေးမှု စသည့်ပြစ်ဒစ်များဖြင့် ထောင်ကျခဲ့သူများဟု ဆိုသည်။

29 Jun 2026 #RangoonScoutNetwork #YGN_weekly

ရန်ကုန်မှာ စစ်မှုထမ်းပတ်စဉ် (၂၆) အတွက် လူငယ်များကို စစ်သင်တန်းကျောင်းများသို့ ပို့ဆောင်နေ CJ Platform ရန်ကုန်တိုင်းအတွင်းမှာ စစ်မှုထမ်းပတ်စဉ် (၂၆) အတွက် စစ်အုပ်စုက ဖမ်းဆီးပေါ်တာဆွဲထားတဲ့ လူငယ်တွေကို ဇွန်လ ၂၈ ရက်နေ့ နံနက်အစောပိုင်းက တိုက်ကြီးမြို့နယ်နဲ့ လှည်းကူးမြို့နယ်ရှိ စစ်သင်တန်းကျောင်း နှစ်ကျောင်းသို့ ပို့ဆောင်နေတယ်လို့ မြို့ခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2962026-2/

ဗိုလ်တထောင် * သိမ်ဖြူလမ်းမပေါ် အနော်ရထာလမ်းထောင့် ဆစ်ဘုရားကျောင်းရှေ့ ခွေးဘဲဥ အထီး ၁၊ အမ ၂ အစာကောက်နေခဲ့ * 9:51 AM (Delayed) #RSG သတင်းပေးပို့ရန် @Bo1000_Informer

ခြင်ကျား(Aedes) (ဇွန်လ၊ ၂၀၂၆ ခုနှစ်) ▪️ခြင်ကျားသည် နေ့အချိန်တွင် ပိုကိုက်သည်။ ▪️ခြင်ကျားလောက်လန်းသည် ရေကြည်ရေသန့်နှင့် မိုးရေတင်ကျန်နိုင်သည့် နေရာများတွင် ပေါက်ပွါးပါသည်။ ▪️ခြင်ကျားလောက်လန်းပေါက်ပွါးနိုင်သောနေရာများမှာ - ရေသိုလှောင်နေရာများဖြစ်သည့်ရေစည်၊ ရေအိုး၊ ရေကန်များ -ဘုရားပန်းအိုး၊ နတ်ပန်းအိုး၊ အလှပန်းအိုးများ -မိုးရေတင်ကျန်နိုင်သည့်ဘူးခွံ၊ တာယာဟောင်းများ၊ သစ်ပင်အခေါင်းနှင့် ခုတ်ပြီးအငုတ်ကျန်ခဲ့သောဝါးဆစ်များ ▪️ခြင်ကျားအကိုက်ခံရပါက သွေးလွန်တုပ်ကွေးရောဂါ ဖြစ်ပွားနိုင်ပါသည်။ တယ်လီကျန်းမာ အခမဲ့အွန်လိုင်းဆေးခန်း ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ

🆕 DAILY HIGHLIGHTS (23-27 JUN 2026) •••••••••••••••®••••••••••••••• 💥 စစ်ရေးထူးခြားသတင်းများ ကပစ(၁၆)အနီးက ကာကင်းစခန်းတွေAAနဲ့ မဟာမိတ်တွေ ထပ်သိမ်း – PS ဧရာဝတီတိုင်း ရေကြည်မြို့နယ် က စစ်တပ် ပွိုင့် ၃ ခုကို သိမ်းပိုက် ရရှိကြောင်း AA ထုတ်ပြန် – THN စစ်တပ် Mi-17 ကို​ PDF နဲ့ပကဖ​တွေက FPVဒရုန်းနဲ့ တိုက်ခိုက်ဖျက်ဆီး – PS အိန္ဒိယက ဒေါ်လာသန်းချီကူညီထားတဲ့ မုံရွာ-ကလေးဝလမ်းစီမံကိန်း ရွာတွေကို စစ်တပ်ပြန်ထိန်းချုပ် – BBC ———— 🔍 နိုင်ငံရေးထူးခြားသတင်းများ တရုတ်ကွန်မြူနစ်ပါတီက ဒေါ်အောင်ဆန်းစုကြည်မွေးနေ့ဆုတောင်းပေးတယ်လို့ NLD ပြော – BBC ———— 🟢 နိုင်ငံခြားရေးထူးခြားသတင်းများ စစ်တပ်က ရွေးကောက်ပွဲကို မတရားနည်းများဖြင့် အဓမ္မကျင်းပခဲ့သည်ကို စိစစ်တွေ့ရှိရဟု ကုလသမဂ္ဂက အစီရင်ခံထုတ်ပြန် – KT BIMSTEC အတွင်းရေးမှူးချုပ် တာဝန် ၃ နှစ် မအလအဖွဲ့ လွှဲပြောင်းယူခွင့်ရ – KT ———— 🔖 ကျားဖြန့် မြန်မာနိုင်ငံမှ ကျားဖြန့်အွန်လိုင်းငွေလိမ်ဂိုဏ်းများက အမေရိကန်၏ အမျိုးသားလုံခြုံရေးကို ခြိမ်း ခြောက် ကြီးထွားလာနေဟု အမေရိကန်လက်ထောက်နိုင်ငံခြားရေးဝန်ကြီး သတိပေး – KT ———— ➕ အခြားထူးခြားသတင်းများ သုံးစွဲသူတွေအချက်အလက်ကိုင်ပြီး AYA Bank ကို ဟက်ကာအဖွဲ့ ငွေညှစ်မှုဖြစ် – BBC #RangoonScoutNetwork

တောင်ဒဂုံ ပျောက်ဆုံးလူငယ်ကို ၂ ပတ်ကျော်ကြာမှ စစ်မှုထမ်းထဲရောက်နေကြောင်း မိသားစု သိ 27 June 2026 By Ko Myo/ MPA ရန်ကုန်မြို့၊တောင်ဒဂုံမြို့နယ်အတွင်း ညဘက် အိမ်ပြန်လာစဉ် ပျောက်ဆုံးသွားသော လူငယ်ကို ၂ပတ်ကျော်အကြာ၌ စစ်မှုထမ်းသင်တန်းရောက်နေကြောင်း သိရှိရသည်ဟု မိသားစုဝင်နှင့် နီးစပ် သူတစ်ဦးက ဆိုသည်။ အသက်၃၀ကျော်အရွယ်ရှိ ယင်းလူငယ်သည် ဇွန်လ၁၁ရက်ညက တောင်ဒဂုံမြို့နယ်၊ယောက်ကော် ပန်းခြံအနီးတွင် ပျောက်ဆုံးသွားခြင်းဖြစ်ပြီး ဇွန်လ၂၆ရက်ကျမှ စစ်မှုထမ်းသင်တန်းကျောင်းတစ်ခု သို့ ရောက်ရှိနေကြောင်း ၎င်းက ဖုန်းဆက်သဖြင့် သိရခြင်းဖြစ်သည်။ သတင်းအပြည့်အစုံ ဖတ်ရှုရန် >>> https://mpanews.info/headline/10542/

ဗိုလ်တထောင် * ရခကား Honda fit အပြာရောင် ၁ စီး (4J 7972) ဗိုလ်တထောင်ခွေးစခန်းကနေထွက်လာကာ ကုန်သည်လမ်းဘက် ရှေ့ရှုသွားခဲ့ * 12:38 PM (Delayed) #RSG သတင်းပေးပို့ရန် @Bo1000_Informer

ဗိုလ်တထောင် * ဗိုလ်ချုပ်လမ်းပေါ် ‌၄၅ လမ်း နဲ့ ၄၆ လမ်းထိပ် ညာဘက် ခွေးဘဲဥ အမ ၂ ရှိ‌နေ * 11:27 AM #RSG သတင်းပေးပို့ရန် @Bo1000_Informer

ရန်ကုန်တွင် သက်တော် ၂၀ အရွယ် သံဃာတော်တစ်ပါးကို စစ်တပ်က ပေါ်တာဆွဲ ဖမ်းဆီးသွားပြီး စစ်မှုထမ်းသင်တန်းကျောင်းပို့ဆောင်၊ အလုပ်သွားသည့် ကိုငြိမ်းချမ်းဦးလည်း အဆက်အသွယ်မရတော့ဘဲ ပျောက် ဆုံးနေ ရန်ကုန်၊ ဇွန် ၂၇ ရန်ကုန်မြို့တွင် ဘုန်းကြီးဝတ်နေသည့် သက်တော် ၂၀ အရွယ် သံဃာတစ်ပါးကို စစ်မှု ထမ်းရန် စစ် တပ်က ပေါ်တာဆွဲ ဖမ်းဆီးသွားခဲ့ပြီး စစ်မှုထမ်းသင်တန်းကျောင်းပို့ဆောင်လိုက်ကြောင်း အဆိုပါ သံဃာတော်၏ မယ်တော်ဖြစ်သူက လူမှုကွန်ရက်မှတစ်ဆင့် ထုတ်ဖော်ပြောဆိုထားသည်။ စစ်မှုထမ်းရန် ပေါ်တာဆွဲခံရသူများ၏ အမှုများကို လိုက်လံကူညီဆောင်ရွက်ပေးနေသည့် "ငြိမ်းချမ်းရေးဆရာတော်" ထံသို့ အမျိုးသမီးတစ်ဦးက လာရောက်လျှောက်ထားခဲ့ရာတွင် သူ၏ အသက် ၂၀ နှစ်အရွယ် သားဖြစ်သူ ကိုဟိန်းမင်းဇော်သည် ဘုန်းကြီးဝတ်နေစဉ် ပေါ်တာဆွဲ ဖမ်းဆီးခံရပြီး စစ်မှုထမ်း သင်တန်းကျောင်း ပို့ဆောင်ခံရကြောင်း ထုတ်ဖော်ပြောဆိုသည်။ ရန်ကုန်တွင် ဘုန်းကြီးဝတ်နေသည့် ကိုဟိန်းမင်းဇော်သည် မကွေးတိုင်း၊ မြိုင်မြို့နယ်မြောက်ပိုင်းမှ စစ်ဘေးရှောင်လာခြင်းဖြစ်ပြီး ရန်ကုန်တွင် သင်္ကန်းဝတ်ဖြင့်ပင် ပေါ်တာဆွဲ ဖမ်းဆီးခံရကာ စစ်မှုထမ်းအဖြစ် ပို့ဆောင်ခံရခြင်းဖြစ်ကြောင်း သိရှိရသည်။ ကိုဟိန်းမင်းဇော်သည် မကွေးတိုင်း၊ မြိုင်မြို့နယ်မှ ရန်ကုန်မြို့သို့ စစ်ဘေးရှောင်လာပြီးနောက် သာသနာ့ဘောင်သို့ ဝင်ရောက်ခဲ့ကြောင်း၊ ရန်ကုန်မြို့တွင် ဘုန်းကြီးဝတ်နေစဉ်ပင် စစ်တပ်၏ ပေါ်တာဆွဲ ဖမ်းဆီးခြင်းခံခဲ့ရကြောင်း၊ ဘုန်းကြီးဝတ်နေသော ကိုဟိန်းမင်းဇော်ကို သင်္ကန်းချွတ်ပြီးနောက် စစ်တပ်က လက်ရှိတွင် စစ်မှုထမ်း အပတ်စဉ် ၂၂ သင်တန်းသို့ ပို့ဆောင်ခဲ့ကြောင်း၊ စစ်သင်တန်းတက်ရောက်ခဲ့ရပြီးနောက် လက်ရှိအချိန်အထိ စစ်တပ်ထဲတွင် ရှိနေဆဲဖြစ်ကြောင်း သိရှိရသည်။ တစ်ဖက်တွင်လည်း ဇွန်လ ၂၅ ရက် နံနက် ၉ နာရီခန့်အချိန်မှစတင်၍ ရန်ကုန်မြို့မှ နေထိုင်သော ကိုငြိမ်းချမ်းဦးသည် အလုပ်သို့ ထွက်ခွာသွားပြီးနောက် မိသားစုနှင့် အဆက်အသွယ် လုံးဝပြတ်တောက်သွားခဲ့ကာ ယနေ့အချိန်အထိ နေအိမ်သို့ ပြန်လည်ရောက်ရှိလာခြင်း မရှိသေးကြောင်း မိသားစုက လူပျောက်ကြော်ငြာများကို လူမှုကွန်ရက်မှတစ်ဆင့် ထုတ်ပြန်ထားသည်။ မိသားစု၏ လူမှုကွန်ရက်တွင် ကြေညာချက်အရ ကိုငြိမ်းချမ်းဦး၏ ဖုန်းမှာ ဆက်သွယ်၍ မရတော့ဘဲ ဖြစ်နိုင်သည့် နေရာများ၊ ဆေးရုံများနှင့် ဆေးခန်းများကို လိုက်လံစုံစမ်းခဲ့သော်လည်း ယခုအချိန်အထိ သတင်းအစအန မရရှိသေးကြောင်း သိရသည်။ ကိုငြိမ်းချမ်းဦးသည် ပျောက်ဆုံးချိန်တွင် အနီရောင်အစင်းပါ အင်္ကျီဝတ်ဆင်ထားပြီး လက်တွင် တက်တူးရှိကာ မျက်မှန်တပ်ဆင်ထားသူဖြစ်ကြောင်း၊ ထို့ပြင် အလွန်စိုးရိမ်တတ်သူဖြစ်သဖြင့် မိသားစုဝင်များ အထူးစိတ်ပူနေကြောင်း သိရသည်။ ရန်ကုန်ခေတ်သစ်သတင်းဌာနက ကိုငြိမ်းချမ်းဦး၏ မိသားစုထံသို့ ဖုန်းဖြင့် ဆက်သွယ်မေးမြန်းသော်လည်း မိသားစုက တစ်စုံတစ်ရာ မှတ်ချက်မပြုလိုဘဲ နောက်မှ ပြန်လည် ဆက်သွယ်ရန် ပြောဆို ဖုန်းချသွားခဲ့သည်။ မိသားစုက ကိုငြိမ်းချမ်းဦးကို တွေ့ရှိထားသူများ သို့မဟုတ် ဖမ်းဆီးထိန်းသိမ်းထားသူများရှိပါက ၎င်း၏ မိခင်ကို စာနာထောက်ထားသည့်အနေဖြင့် အမြန်ဆုံး အကြောင်းကြားပေးရန် မိသားစုက မေတ္တာရပ်ခံထားသည်။

ရန်ကုန်မှာ မြေလွှာတုန်ခါမှုတွေ ဘာကြောင့်ဖြစ်နေလဲ (ရုပ်/သံ) ဧရာဝတီ၊ ဇွန် ၂၇၊ ၂၀၂၆ ရန်ကုန်တိုင်း သာကေတမြို့နယ်မှာ ဇွန်လ ၂၄ ရက် မနက် ၁၀ နာရီခွဲ လောက်က ငလျင်လှုပ်သလို မြေလွှာတုန်ခါမှု နှစ်ကြိမ်ဖြစ်ပွားခဲ့တယ်လို့ မြို့ခံတွေက ဧရာဝတီကိုပြောပါတယ်။ ဒီလိုအလားတူဖြစ်စဉ်မျိုး ဇွန်လ ၆ ရက်နေ့ မနက်ပိုင်းကလည်း လှိုင်မြို့နယ်မှာ ဖြစ်ပွားခဲ့သေးတယ်လို့ မြို့ခံတွေက ပြောပါတယ်။ ဒါပေမယ့် ငလျင်တိုင်းတာရေးစက်တွေကနေတဆင့် ရရှိတဲ့ အချက်အလက်တွေကို အချိန်နဲ့ တပြေးညီဖော်ပြပေးနေတဲ့ အမေရိကန် ပြည်ထောင်စု ဘူမိဗေဒလေ့လာရေးဌာန (USGS) နဲ့အတူ အာဏာသိမ်းအစိုးရ လက်အောက်ခံ မိုးလေဝသနဲ့ ဇလဗေဒညွှန်ကြားမှုဦးစီးဌာနတို့ရဲ့ အင်တာနက် စာမျက်နှာတွေမှာတော့ အဲ့ဒီနေ့တွေက ငလျင်လှုပ်ခတ်ခဲ့ကြောင်း ထုတ်ပြန်ထားတာမတွေ့ရပါဘူး။ မြေငလျင်ပညာရှင် ဒေါက်တာမျိုးသန့်ကတော့ ဒီဖြစ်စဉ်တွေကို မြေကျွံမှုအဖြစ် စဉ်းစားချက်တွေရှိကြပေမယ့် တိကျသေချာတဲ့ အချက်အလက်တွေကို ထပ်မံသိရှိနိုင်ဖို့အတွက်တော့ လိုအပ်တဲ့ ကွင်းဆင်း ဆန်းစစ်ချက် သုတေသနတွေလုပ်ဆောင်ဖို့ လိုမယ်လို့ ဆိုပါတယ်။ https://youtu.be/WBzR2As2Xas #မြန်မာ #ဧရာဝတီ #ငလျင် #မြေကျွံ #ဘူမိဗေဒ #ရန်ကုန် #သာကေတ #လှိုင် #WhatsHappeningInMyanmar

ဗိုလ်တထောင်၊ မြို့နယ်ရဲခွေးစခန်း * ရဲခွေး DC ၁ စီး * ဗိုလ်တထောင်ဘုရားလမ်းပေါ် မြို့နယ်ရဲခွေးစခန်း အသစ်ဆောက်ထားတဲ့ အဆောက်အအုံ ခြံစည်းရိုးရှေ့ နောက်ထိုးရပ်ထား * 5:10 PM (Delayed) သတင်းပေးပို့ရန် @Bo1000_Informer

ဗိုလ်တထောင် * စစ်ခွေး Faw ခေါင်းတို ၁ စီး (၅၆၇၉) ခေါင်းခန်း ရေခွေးကိုယ်တိုင်မောင်း * မဟာဗန္ဓုလတံတားအောက်ဘက်ကနေ အောက်ပုဇွန်တောင်လမ်းအတိုင်း သန်လျက်စွန်းထဲဝင်သွား * 5:00 PM (Delayed) သတင်းပေးပို့ရန် @Bo1000_Informer

ဗိုလ်တထောင် * ရဲခွေး saloon ၁ စီး (111/9k-7309) * ဗိုလ်ချုပ်လမ်းပေါ် ၄၆ လမ်းမှတ်တိုင်ထိပ် ရပ်ထား * 2:21 PM သတင်းပေးပို့ရန် @Bo1000_Informer

ပန်းဘဲတန်း * ခွေးဘဲဥ ၁ ကောင်၊ ဆိုင်ကယ်နဲ့ ဗိုလ်ချုပ်လမ်းအတိုင်း ဗိုလ်ချုပ်ဈေးဘက်ကနေ ရဆူးလေဘုရားပွိုင့်ဘက်သွား * 2:19 PM သတင်းပေးပို့ရန် @Bo1000_Informer

ဗိုလ်တထောင်၊ ကားဖမ်း * ဗိုလ်ချုပ်လမ်းပေါ် ‌၄၅၊ ၄၆ လမ်းထိပ် ဘယ်ဘက်အခြမ်း ဘယ်ဘက်အခြမ်း ဘဲဥ မီးတန်းကား ၁ စီးနဲ့ ခွေးဘဲဥ အထီး ၁ ကောင် ရှိနေ * 9:17 AM #RSG သတင်းပေးပို့ရန် @Bo1000_Informer

လှိုင်မြို့နယ်၊ (၁၃)ရပ်ကွက်တွင် လပေး ထမင်းဟင်းရောင်းသူ ဦးကြည်ကို စစ်တပ်က မတရားပုဒ်မများဖြင့် ထောင်ဒဏ် ၁၃နှစ်ချမှတ် ဇွန်လ ၂၆ ရက် ရန်ကုန်တွင် လပေး ထမင်းဟင်းရောင်းသူ ဦးကြည်မျိုးဇော်(ခ) ဦးကြည်ကို စစ်ကော်မရှင်က မတရားပုဒ်မများဖြင့် ယနေ့( ဇွန် ၂၅ရက်)တွင် ထောင်ဒဏ် ၁၃ နှစ်ချမှတ်ခဲ့ကြောင်း Justice Network For Political Prisoners (JNPP) တာဝန်ခံ မယုမိစံက MPA သို့ပြောသည်။ " ၅၀၅ က နဲ့ ထောင်သုံးနှစ်ချခံထားရတယ်။ နိုင်ငံရေးမှုတွေဖြေလျော့တော့ ထုတ်ပေးလိုက်တယ်။ ထောင်ရဲ့အပြင်ကို ထုတ်ပြီးတော့ ရဲစခန်းလည်းရောက်ကော ၅၀ည ကျန်သေးတယ်ဆိုပြီး ထောင်ထဲကို ပြန်ထည့်လိုက်တယ်။  ၅၀၅နဲ့က သုံးနှစ်ချပြီးသား ဒီနေ့မှာ ဆယ်နှစ်ထပ်ချလိုက်တာ  ၊ စုစုပေါင်း ၁၃နှစ်ဖြစ်သွားတာ " ဟု မယုမိစံကပြောသည်။ ဦးကြည်သည် အသက် ၅၄နှစ်အရွယ် သက်ကြီးရွယ်အိုတစ်ဦး ဖြစ်သည့်အပြင် လက်ရှိတွင် နှလုံးအဆို့ရှင်ကျဉ်းခြင်း၊ နှလုံးအဆီဖုံးခြင်းနှင့် ကျောက်ကပ်ရောဂါဝေဒနာတို့ ခံစားနေရပြီး ဆေးစွဲသောက်နေရသူဖြစ်သည်။ ထိုကဲ့သို့ ရောဂါဝေဒနာများ ခံစားနေရသည့် ဦးကြည်သည် အကျဉ်းထောင်များအတွင်း ဆေးဝါးမလုံလောက်မှု ပြဿနာများနှင့် ကြုံတွေ့နေရသဖြင့် အသက်အန္တရာယ်အတွက်ပါ စိုးရိမ်ရသည့် အခြေအနေသို့ ရောက်ရှိနေသည်။ "တစ်ဖက်မှာလည်း ဦးကြည်ရဲ့ မိသားစုဟာ စီးပွားရေးအဆင်မပြေဘဲ အလွန်ကျပ်တည်းပြီး ဒုက္ခရောက်နေရတယ် ။ မိသားစုဝင်တွေဟာ စားဝတ်နေရေးအတွက် မနည်းရုန်းကန်နေရတဲ့အတွက် အကျဉ်းထောင်ကို သွားပြီး ထောင်ဝင်စာတွေ့ဖို့တောင်မှ အလွန်ခက်ခဲနေတယ်" ဟု မယုမိစံက ဆိုသည်။ ဦးကြည်ကို ပြီးခဲ့သည့် ဇန်နဝါရီလ ၅ ရက်နေ့ညနေက လှိုင်မြို့နယ်၊ (၁၃)ရပ်ကွက် နေအိမ်တွင် အုပ်ချုပ်ရေးအဖွဲ့ဝင်များ၊ အရပ်ဝတ်များ အပါအဝင်လူ ရှစ်ဦးခန့်က လာရောက်ဖမ်းဆီးသွားခဲ့ခြင်းဖြစ်သည်။ ကနဦးတွင် K Pay အဝင်အထွက်များသည်ဟု အကြောင်းပြကာ စစ်ကြောရေးသို့ ဖမ်းဆီးခေါ်ဆောင်သွား ပြီးနောက် သုံးရက်အကြာ ဇန်နဝါရီလ ၈ ရက်နေ့ညနေတွင် လှိုင်မြို့နယ် ရဲစခန်းသို့ ပြန်ရောက်လာသည်ဟု သိရသည်။ ထိုအချိန်မှ တော်လှန်ရေးကို ငွေကြေးထောက်ပံ့သည်ဟုဆိုကာ အကြမ်းဖက်မှုတိုက်ဖျက်ရေးဥပဒေ ပုဒ်မ ၅၀(ည)၊ နိုင်ငံတော်ဆူပူအောင် လှုံ့ဆော်မှုဆိုင်ရာ ရာဇသတ်ကြီးဥပဒေ ပုဒ်မ ၅၀၅(က) ဖြင့် အမှုဖွင့်ခံခဲ့ရခြင်းလည်းဖြစ်သည်။ ဦးကြည်သည်  YBS ယာဉ်မောင်းတစ်ဦး ဖြစ်ခဲ့ပြီး စစ်တပ်အာဏာသိမ်းပြီးနောက် ၂၀၂၁ ခုနှစ် အစောပိုင်းကလည်း ပုဒ်မ ၅၀၅ (က) ဖြင့် ဖမ်းဆီးခံရပြီး ၂၀၂၃ ခုနှစ်တွင် ပြန်လည်လွတ်မြောက်ခဲ့သူလည်း ဖြစ်သည်။ ၎င်း YBS မောင်းစဉ်က ခရီးသည်များကို ရေသန့်ဒါနပြုသည့်အတွက် လူချစ်လူခင်များသူ တစ်ဦးလည်းဖြစ်သည်။ စစ်ကော်မရှင်သည် နိုင်ငံရေးတက်ကြွလှုပ်ရှားသူများနှင့် အရပ်သားပြည်သူများကို ဖမ်းဆီးပြီးနောက် နှစ်ရှည်ထောင်ဒဏ်များကို မညှာမတာ ချမှတ်လေ့ရှိသည်။  အကျဉ်းထောင်အသီးသီးတွင် အကျဉ်းသားများအတွက် ကျန်းမာရေးစောင့်ရှောက်မှု အလွန်အားနည်းနေသည်။ အထူးသဖြင့် နိုင်ငံရေးအကျဉ်းသားများမှာ ဆေးဝါးလုံလောက်စွာ ကုသခွင့်မရဘဲ ထောင်တွင်း၌ သေဆုံးရသည့် ဖြစ်စဉ်များအထိ ရှိနေသည်။ ဓာတ်ပုံ-လူမှုကွန်ရက် #MPA