RSN WEB

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Jun 29 - Jul 5, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၁၀ ခု ခွဲ၍ ဖော်ပြထားသည်။ 🔖 စစ်မှုထမ်းသင်တန်း အမှတ်စဉ် ၂၆ ၊ ၂၄ နှင့် ၃

· ဇွန်လ ၂၉ ရက်နေ့တွင် စစ်မှုထမ်းသင်တန်း အမှတ်စဉ် ၂၆ စတင်ကြောင်း စစ်တပ်မှ ကြေညာခဲ့သည်။ · ဇူလိုင်လ ၃ ရက်နေ့တွင် စစ်မှုထမ်းသင်တန်း အမှတ်စဉ် ၂၄ ပြီးဆုံးကြောင်း ထုတ်ပြန်ထားသည်။ · ထို့ပြင် ဇူလိုင်လ ၁ ရက်နေ့တွင် စစ်မှုထမ်းသင်တန်း အမှတ်စဉ် ၃ မှ အသက်ရှင်ကျန်ခဲ့သေးသည့် သင်တန်းဆင်းများကို စစ်မှုထမ်းကာလပြီးမြောက်ကြောင်း လက်မှတ်များထုတ်ပေးခဲ့သည်ဟု ဆိုသည်။

———— 🔖 စစ်တပ်အတွက် ယတြာများစီစဉ်ပေးခဲ့သူ သတ်ဖြတ်ခံရ

· အကြမ်းဖက်စစ်တပ် ခေါင်းဆောင်ပိုင်းများဖြစ်သည့် သန်းရွှေ နှင့် သိန်းစိန်လက်ထက်တို့၌ ၎င်းတို့အတွက် အခါတော်ပေး၊ ဗေဒင်၊ ယတြာ အလုပ်များလုပ်ပေးခဲ့သူ ဒေါက်တာဖေဉာဏ် ဇူလိုင်လ ၂ ရက်နေ့ မနက်ပိုင်းတွင် ရန်ကုန်တိုင်း၊ မှော်ဘီမြို့နယ်၊ ၂ ရပ်ကွက်၊ စန္ဒကူးမြိုင်ရိပ်သာဘုန်းကြီးကျောင်းဝန်း၌ သွေးအိုင်ထဲ သေဆုံးနေခဲ့ကြောင်း စစ်တပ်လော်ဘီ မီဒီယာများမှ သတင်းထုတ်ပြန်ထားသည်။ · လွန်ခဲ့သည့် ၁၅ နှစ် သိန်းစိန်လက်ထက်တွင် သင်္ဃန်းစည်း ဘုန်းကြီးဝတ်နေခဲ့သူဖြစ်သည်။ ဘုန်းကြီးဘွဲ့အမည် ဦးပညာဝံသဖြစ်ပြီး သေဆုံးချိန် အသက် ၇၅ နှစ်ရှိပြီဟု ဆိုသည်။ ရက်ဘက်ထဲ ချွန်ထက်သည့်အရာ ထိုးသွင်းခံရပြီး သေဆုံးနေခြင်းဖြစ်ကြောင်း သိရသည်။

———— 🔖 ထောင်တွင်း တိုင်ကြားစာများ ဆုတ်ဖြဲခံရ

· အင်းစိန်ထောင်တွင်း၌ နိုင်ကျဉ်းများ ရေးသားထားသည့် တိုင်ကြားစာများကို ထောင်ဝန်ထမ်းများက ဆုတ်ဖြဲပစ်ခဲ့ကြောင်း DVB မှ သိရှိရသည်။ · လွန်ခဲ့သည့် အပတ်က စစ်တပ်၏ လူ့အခွင့်အရေးကော်မရှင်အဖွဲ့မှ အင်းစိန်ထောင်ထဲ ဝင်စစ်ဆေးပြီးနောက် ထောင်တွင်းအခြေအနေများကို ၎င်းတို့ထံ တိုင်ကြားနိုင်ကြောင်း ပြောခဲ့၍ နိုင်ကျဉ်းများက စာပေးပို့ဖို့ လုပ်ခဲ့ခြင်းဖြစ်ကြောင်း သိရသည်။

———— 🔖 ဗိုလ်ချုပ်ကြေးရုပ်များကို ဖျက်ဆီး

· တောင်ဥက္ကလာမြို့နယ်၊ သာကေတမြို့နယ်နှင့် ကော့မှူးမြိုနယ်တို့ရှိ ဗိုလ်ချုပ်ကြေးရုပ်များကို အကြမ်းဖက် စစ်တပ်နှင့်အဖွဲ့များမှ ဇူလိုင် ၁ ရက်နေ့ နှင့် ၂ ရက်နေ့ ညဘက်တွင် ခိုးကြောင်ခိုးဝှက် ဖြိုချဖျက်ဆီးသွားကြောင်း သိရှိရသည်။ · တောင်ဥက္ကလာမြို့နယ်၊ ပဒေသာကားမှတ်တိုင်အနီးရှိ သုမင်္ဂလာပန်းခြံထဲ ဗိုလ်ချုပ်ကြေးရုပ် ၂ ရုပ်ရှိသည့်အနက် ၁ ရုပ်ကို ဖျက်ဆီးသွားသည်။ သာကေတမြို့နယ်၊ နယ်မြေရုံးအနီးရှိ မြကန်သာပန်းခြံထဲမှ ကျောင်းသားခေါင်းဆောင် ကိုအောင်ဆန်း ကြေးရုပ် ၁ ရုပ်ကိုလည်း ဖျက်သည်။ ကော့မှူးမြို့နယ်၊ စည်ပင်သာယာရေးရုံးဝင်းအတွင်း စိုက်ထူထားသည့် ဗိုလ်ချုပ်ကြေးရုပ်လည်း ဖျက်ဆီးဖယ်ရှားခံလိုက်ရကြောင်း Khit Thit မှ သိရှိရသည်။ · ဖျက်ဆီးအပြီး နောက်နေ့တွင် ပန်းခြံ ၂ ခုတဝိုက် အကြမ်းဖက်ရဲများ လုံခြုံရေးချပြီး အပြင်လူဝင်ခွင့် ပိတ်ပင်ထားခဲ့ကြောင်းလည်း သိရသည်။

———— 🔖 ရေငုပ်သင်္ဘောငယ် ၁ စင်း တည်ဆောက်နေ

· ရေငုပ်သင်္ဘောငယ် ၁ စင်း ရန်ကုန်တိုင်း၊ သန်လျင်ရေတပ်သင်္ဘောကျင်း၌ တည်ဆောက်နေသည်ကို Janes အဖွဲ့က ထုတ်ဖော်ထားကြောင်း Khit Thit မှ သိရှိရသည်။ · ယခုနှစ် မတ်လတွင်း ရိုက်ကူးထားသည့် ဂြိုလ်တုဓာတ်ပုံများမှ တွေ့ရှိခဲ့သည်ဟု သိရသည်။ ကမ်းရိုးတန်းစစ်ဆင်ရေးသုံး ရေငုပ်သင်္ဘောမျိုးဖြစ်ပြီး လျှို့ဝှက်ထောက်လှမ်းရေး၊ လျှို့ဝှက်သယ်ယူပို့ဆောင်ရေး၊ အထူးမစ်ရှင် စသည်တို့ကို လုပ်ဖို့ ရည်ရွယ်နိုင်သည်ဟု ဆိုသည်။

➡️ ဆက်လက်ဖတ်ရှုရန် 06 Jul 2026 #RangoonScoutNetwork #YGN_weekly