Available now! Telegram Research 2025 — the year's key insights 
CJ Platform
Open in Telegram
We are freedom and voices. Website Link: https://cjplatform.com/
Show more4 888
Subscribers
+124 hours
-187 days
-8730 days
Data loading in progress...
Similar Channels
Tags Cloud
No data
Any problems? Please refresh the page or contact our support manager.
Incoming and Outgoing Mentions
---
---
---
---
---
---
Attracting Subscribers
July '26
July '26
+9
in 1 channels
June '26
+53
in 4 channels
Get PRO
May '26
+57
in 12 channels
Get PRO
April '26
+33
in 6 channels
Get PRO
March '26
+40
in 8 channels
Get PRO
February '26
+43
in 6 channels
Get PRO
January '26
+47
in 7 channels
Get PRO
December '25
+41
in 8 channels
Get PRO
November '25
+58
in 3 channels
Get PRO
October '25
+57
in 7 channels
Get PRO
September '25
+87
in 5 channels
Get PRO
August '25
+99
in 2 channels
Get PRO
July '25
+80
in 6 channels
Get PRO
June '25
+37
in 8 channels
Get PRO
May '25
+56
in 6 channels
Get PRO
April '25
+94
in 2 channels
Get PRO
March '25
+238
in 8 channels
Get PRO
February '25
+32
in 3 channels
Get PRO
January '25
+53
in 3 channels
Get PRO
December '24
+97
in 7 channels
Get PRO
November '24
+92
in 6 channels
Get PRO
October '24
+126
in 5 channels
Get PRO
September '24
+233
in 6 channels
Get PRO
August '24
+420
in 6 channels
Get PRO
July '24
+1 021
in 6 channels
Get PRO
June '24
+438
in 6 channels
Get PRO
May '24
+243
in 5 channels
Get PRO
April '24
+308
in 9 channels
Get PRO
March '24
+454
in 11 channels
Get PRO
February '24
+1 070
in 9 channels
Get PRO
January '24
+334
in 2 channels
Get PRO
December '23
+354
in 4 channels
Get PRO
November '23
+554
in 5 channels
Get PRO
October '23
+161
in 14 channels
Get PRO
September '23
+37
in 0 channels
Get PRO
August '23
+38
in 0 channels
Get PRO
July '23
+33
in 0 channels
Get PRO
June '23
+33
in 0 channels
Get PRO
May '23
+136
in 0 channels
Get PRO
April '23
+325
in 0 channels
Get PRO
March '23
+185
in 0 channels
Get PRO
February '23
+167
in 0 channels
Get PRO
January '23
+496
in 0 channels
Get PRO
December '22
+353
in 0 channels
Get PRO
November '22
+442
in 0 channels
| Date | Subscriber Growth | Mentions | Channels | |
| 05 July | +2 | |||
| 04 July | +4 | |||
| 03 July | +2 | |||
| 02 July | +1 | |||
| 01 July | 0 |
Channel Posts
တိုင်ဖွန်းမုန်တိုင်းများနဲ့ ဒီတစ်ပတ် ဘာထူးမလဲ
CJ Platform
CJ Platform က အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တပတ်စာအတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ဒီကနေ့ ဇူလိုင် ၅ ရက်နေ့ကနေ ဇူလိုင်လ ၁၁ ရက်နေ့အထိ တစ်ပတ်အတွင်း ဖြစ်ပေါ်လာမယ့် ဒေသအလိုက် မိုးလေဝသ အခြေအနေတွေကို မပြောပြမီ ဒီတစ်ပတ်အတွင်း ဘင်္ဂလားပင်လယ်အော်နဲ့ တောင်တရုတ်ပင်လယ်တို့မှာ ဖြစ်ပေါ်နိုင်တဲ့ မုန်တိုင်းနဲ့ အနောက်တောင် မုတ်သုံလေ အရှိန်ကို မိုးလေဝသ ခန့်မှန်းမော်ဒယ်တွေမှာ တွေ့ရှိချက်တွေကို အရင်ဆုံး ပြောပြပေးပါမယ်။လက်ရှိ အခြေအနေမှာတော့ ဘင်္ဂလားပင်လယ်အော်မှာ ဖြစ်ပေါ်နေတဲ့ အားကောင်းတဲ့ လေဖိအားနည်းရပ်ဝန်းက အိန္ဒိယနိုင်ငံ ကုန်းတွင်းပိုင်းကို ဝင်ရောက်သွားပြီး၊ တောင်တရုတ်ပင်လယ်က တိုင်ဖွန်းမုန်တိုင်း မေဆတ် (MAYSAK) ကလည်း တရုတ်နိုင်ငံ တောင်ပိုင်း ကုန်းတွင်းပိုင်းကို ဝင်ရောက်သွားပြီ ဖြစ်ပါတယ်။
#CJPlatform #မိုးလေဝသ #WeeklyWeather #BAVI #TyphoonWarning
Youtube တွင် ဆက်လက်ကြည့်ရှုရန် >>>https://youtu.be/g6t0Pt4n6gA
| 2 |  အင်အားပြင်း ငလျင်အတွင်း သေဆုံးမှုမြင့်တက်ခဲ့သည့် Sky Villa တည်ဆောက်သူကို ထောင်ဒဏ် ၅ နှစ် အမိန့်ချ
CJ Platform
ပြီးခဲ့တဲ့ ၂၀၂၅ ခုနှစ် မတ်လ ၂၈ ရက်နေ့က လှုပ်ခတ်ခဲ့တဲ့ စစ်ကိုင်းငလျင် (မန္တလေးငလျင်) အတွင်း လူအသေအပျောက် အများဆုံး ဖြစ်ပွားခဲ့ရတဲ့ "Sky Villa" ကွန်ဒို ပြိုကျမှုဖြစ်စဉ်နဲ့ ပတ်သက်ပြီး NTL Construction Company ပိုင်ရှင် ဦးနိုင်ထွန်းလင်း ကို ရာဇသတ်ကြီးပုဒ်မ ၃၀၄-(က) နဲ့ ထောင်ဒဏ် ၅ နှစ် ကျခံစေရန် တရားရုံးက အမိန့်ချမှတ်လိုက်တယ်လို့ တရားရုံးနဲ့ နီးစပ်သူတွေဆီကနေ သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/572026-2/ | 199 |
| 3 | ဗိုက်ကင်းတွေလှေဆက်လှော်နိုင်မလား၊ ဆမ်ဘာသားတွေသီချင်းဆက်ဆိုနိုင်မလား
CJ Platform
ကမ္ဘာ့ဖလား ရှုံးထွက် (၁၆) သင်းအဆင့်ရဲ့ စိတ်ဝင်စားစရာအကောင်းဆုံး ပွဲစဉ်တွေထဲက တစ်ပွဲဖြစ်တဲ့ ဘရာဇီးအသင်းနဲ့ နော်ဝေအသင်းတို့ရဲ့ ပွဲစဉ်ဟာ ကြယ်ပွင့်ကစားသမားတွေ ထိပ်တိုက်တွေ့ဆုံမယ့် ပွဲတစ်ပွဲ ဖြစ်လာနေပါတယ်။ ရှုံးထွက်အဆင့်မှာ အမှားတစ်ချက်ကပဲ ပြိုင်ပွဲကနေ ထွက်ခွာရနိုင်တာကြောင့် နှစ်သင်းစလုံး သတိကြီးကြီးထားပြီး ကစားဖို့ လိုအပ်နေတာပါ။ ဒါကြောင့် ဗိုက်ကင်းတွေရဲ့ အံ့အားသင့်ဖွယ် ခရီးစဉ် ဆက်လက်အသက်ဝင်မလား၊ ဒါမှမဟုတ် ဆမ်ဘာသားတွေရဲ့ ချန်ပီယံအိပ်မက် ဆက်လက်ရှင်သန်မလား ဆိုတာကတော့ ပရိသတ်တွေ စောင့်ကြည့်ရတော့မှာ ဖြစ်ပါတယ်။
ယခုပွဲစဉ်ရဲ့ အဓိက စိတ်ဝင်စားဖွယ်အချက်ကတော့ အာလင်း ဟာလန်း နဲ့ ဗီနီစီးယပ်စ် ဂျူနီယာ တို့ရဲ့ ထိပ်တိုက်အားပြိုင်မှုပဲ ဖြစ်ပါတယ်။ ဟာလန်း ဟာ နော်ဝေအသင်းရဲ့ အဓိက ဂိုးသွင်းလက်နက်ဖြစ်ပြီး တိုက်စစ်ဇုန်ထဲမှာ အန္တရာယ်အရှိဆုံး ကစားသမားတစ်ယောက်ဖြစ်သလို၊ အခြားတစ်ဖက်မှာတော့ ဗီနီစီးယပ်စ် ဟာ ဘရာဇီးအသင်းရဲ့ ဘယ်တောင်ပံကို အရှိန်အဟုန်နဲ့ ဖောက်ထွက်နိုင်တဲ့ ကစားသမားဖြစ်ပြီး တစ်ဦးချင်း ကျော်ဖြတ်နိုင်စွမ်းကလည်း ပွဲရလဒ်ကို အချိန်မရွေး ပြောင်းလဲသွားစေနိုင်တာပါ။
နည်းစနစ်ပိုင်းအရ ဘရာဇီးအသင်းဟာ ဘောလုံးပိုင်ဆိုင်မှုကို အခြေခံပြီး တောင်ပံနှစ်ဖက်ကနေ တိုက်စစ်တည်ဆောက်ဖို့ ကြိုးစားလာမှာ ဖြစ်ပါတယ်။ ကွင်းလယ်ပိုင်းကို ထိန်းချုပ်နိုင်ရင် ဗီနီစီးယပ်စ်၊ ဘရူနို ဂွီမာရေးစ် တို့က တိုက်စစ်အစုအဖွဲ့အတွက် နေရာလွတ်တွေ အများကြီး ဖန်တီးပေးနိုင်မှာ ဖြစ်ပါတယ်။
နော်ဝေအသင်းကတော့ နောက်တန်းကို ကျစ်ကျစ်လျစ်လျစ် ထားရှိပြီး၊ ဘောလုံးပြန်လည်ရရှိတာနဲ့ ဟာလန်း ထံသို့ တိုက်ရိုက်ပေးပို့တဲ့ ပုံစံကို အသုံးပြုလာနိုင်ပါတယ်။ ဘရာဇီးအသင်းရဲ့ တောင်ပံကစားသမားတွေ ရှေ့တက်လာတဲ့အချိန် နောက်တန်းက ပေါ်ထွက်လာမယ့် နေရာလွတ်တွေကို ထိရောက်စွာ အသုံးချနိုင်ရင် နော်ဝေအသင်းဘက်မှာလည်း အခွင့်အရေး ရှိနေတာပါ။ အထူးသဖြင့် ပြစ်ဒဏ်ဘော (Set-piece) တွေကလည်း နော်ဝေအသင်းအတွက် အရေးကြီးတဲ့ လက်နက်တစ်ခု ဖြစ်လာနိုင်ပါတယ်။
ဘရာဇီးအသင်းက တစ်ဦးချင်း အရည်အသွေး၊ ဘောလုံးထိန်းချုပ်နိုင်မှုနဲ့ တိုက်စစ်ဖန်တီးနိုင်စွမ်းမှာ အပြတ်အသတ် အားသာချက် ရှိနေပေမဲ့လည်း၊ နော်ဝေအသင်းရဲ့ စည်းကမ်းရှိတဲ့ ခံစစ်စုဖွဲ့မှု၊ ဟာလန်း ရဲ့ အဆုံးသတ်စွမ်းရည်နဲ့ မာတင် အိုဒီဂတ် ရဲ့ ဖန်တီးနိုင်စွမ်းတွေကို ဘရာဇီးတို့ မဖြစ်မနေ သတိထားရမှာပါ။ ဘယ်အသင်းက ကွင်းလယ်ပိုင်းကို ပိုမိုထိန်းချုပ်နိုင်မလဲဆိုတာက ယခုပွဲစဉ်ရဲ့ အဓိကအဖြေ ဖြစ်လာဖို့ ရှိနေပါတယ်။
နော်ဝေအသင်းရဲ့ စနစ်တကျ ပြင်ဆင်လာမယ့် ခံစစ်ကစားပုံကြောင့် ဘရာဇီးအသင်းအတွက် ထင်သလောက် လွယ်ကူမှာ မဟုတ်ဘဲ၊ တစ်ဖက်နဲ့တစ်ဖက် သတိကြီးစွာ ထားပြီး ကစားကြမှာဖြစ်လို့ သွင်းဂိုးနည်းပါးမယ့် ပွဲစဉ်တစ်ပွဲ ဖြစ်လာနိုင်ကြောင်း သုံးသပ်ရပါတယ်။
#CJPlatform #ကမ္ဘာ့ဖလား #ဘရာဇီး #နော်ဝေ #နိုင်ငံတကာအားကစား | 188 |
| 4 |  No text... | 184 |
| 5 | ဥက္ကံမြို့မှာ လေဆင်နှာမောင်းတိုက်ခတ်မှုကြောင့် နေအိမ် ၁၂ လုံး ပျက်စီး
CJ Platform
ရန်ကုန်တိုင်း၊ တိုက်ကြီးမြို့နယ်၊ ဥက္ကံမြို့၊ ဖိုးတီကုန်းကျေးရွာမှာ ပြီးခဲ့တဲ့ ဇူလိုင်လ ၄ ရက်နေ့ ညနေ ၅ နာရီအချိန်က မိုးသည်းထန်စွာ ရွာသွန်းပြီး လေဆင်နှာမောင်း တိုက်ခတ်ခဲ့တာကြောင့် လူနေအိမ် ၁၂ လုံး ပျက်စီးဆုံးရှုံးခဲ့ကြောင်း ဒေသခံတွေဆီကနေ သိရပါတယ်။
မနေ့ညနေ ၅ နာရီအချိန်ခန့်က မိုးသည်းထန်စွာ ရွာသွန်းပြီး လေဆင်နှာမောင်း တိုက်ခတ်ခဲ့မှုကြောင့် တဲအိမ် ၁ လုံး ပြိုကျပျက်စီးခဲ့ကာ၊ သွပ်မိုးပျဉ်ထောင်အိမ် ၁၁ လုံး အမိုးလန်ပျက်စီးခဲ့ရတယ်လို့ ဒေသခံတစ်ဦးက CJ Platform ကို ပြောပါတယ်။
"မိုးရွာသွန်းနေတဲ့အချိန် လေကတအား ပြင်းပြင်းထန်ထန် တိုက်ခတ်တော့ နေအိမ်တွေ သွပ်မိုးတွေ အကုန်လန်ကုန်တယ်။ တဲအိမ် ၁ လုံးကတော့ ပြိုကျသွားပါတယ်။ လက်ရှိ ယာယီနေထိုင်ဖို့အတွက် မီးသတ်တပ်ဖွဲ့က ကူညီစီစဉ်ပေးနေပါတယ်" လို့ သူက ပြောပြပါတယ်။
လေပြင်းတိုက်ခတ်မှုကြောင့် ပြိုကျပျက်စီးသွားတဲ့ နေအိမ်တွေကို မြို့နယ်မီးသတ်တပ်ဖွဲ့နဲ့ လူမှုကယ်ဆယ်ရေးအဖွဲ့တွေက သွားရောက်ကူညီ ဆောင်ရွက်ပေးခဲ့တယ်လို့ မီးသတ်ဦးစီးဌာနနဲ့ နီးစပ်သူတစ်ဦးက CJ Platform ကို ပြောပါတယ်။
"ပျက်စီးသွားတာ နေအိမ် ၁၂ လုံး ဆိုပေမဲ့လည်း လူဦးရေ ၄၀ ကျော်လောက် နေစရာအခက်အခဲ ဖြစ်သွားတယ်။ လက်တလောမှာ အစိုးရဆီက ထောက်ပံ့မှုတွေ မရရှိခင်အထိတော့ ဘုန်းကြီးကျောင်းမှာ ခေတ္တခဏ ရွှေ့ပြောင်းနေထိုင်ကြရတယ်" လို့ ၎င်းက ဆိုပါတယ်။
လက်ရှိအချိန်မှာ လေဘေးသင့်ခဲ့ရတဲ့ ပြည်သူတွေဟာ ဖိုးတီကုန်းကျေးရွာ ဘုန်းကြီးကျောင်းနဲ့ ဆွေမျိုးနီးစပ်ရာ နေအိမ်တွေမှာ ခေတ္တခဏ ဝင်ရောက်ခိုလှုံ နေထိုင်နေကြရတယ်လို့ သူက ဆက်ပြောပါတယ်။
ပြီးခဲ့တဲ့ ဇွန်လ ၁၂ ရက်နေ့ကလည်း လှည်းကူးမြို့နယ်၊ အုန်းနှဲကုန်းကျေးရွာမှာ မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် လူနေအိမ် ၁၅ လုံး ပျက်စီးဆုံးရှုံးခဲ့တဲ့ ဖြစ်စဉ်မျိုး ရှိခဲ့ဖူးကြောင်း ဒေသတွင်းမှတ်တမ်းတွေအရ သိရပါတယ်။
ဓာတ်ပုံ - လူမှုကယ်ဆယ်ရေးအဖွဲ့
#CJPlatform #ရန်ကုန်တိုင်း #တိုက်ကြီးမြို့နယ် #လေဆင်နှာမောင်းတိုက်ခတ်မှု #ဒေသတွင်းသတင်း | 181 |
| 6 |  +4No text... | 198 |
| 7 | တွံတေးတူးမြောင်းအတွင်း သင်္ဘောနှစ်စီးတိုက်မိပြီး ရေယာဉ်လုပ်သားတစ်ဦး ပျောက်ဆုံး
CJ Platform
ရန်ကုန်တိုင်း၊ တွံတေးတူးမြောင်းအတွင်းမှာ ပြီးခဲ့တဲ့ ဇူလိုင်လ ၄ ရက်နေ့ ည ၁၀ နာရီကျော်အချိန်ခန့်က သင်္ဘောနှစ်စင်း ဝင်ရောက်တိုက်မိရာကနေ တစ်စင်းနစ်မြုပ်သွားခဲ့ပြီး၊ ရေယာဉ်လုပ်သားတစ်ဦး ရေထဲသို့ ပြုတ်ကျပျောက်ဆုံးနေတယ်လို့ မြို့ခံတွေဆီကနေ သိရပါတယ်။
မနေ့ည ၁၀ နာရီအချိန်က မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် တွံတေးတူးမြောင်း ရေမိုင် ၂၀ အတွင်း၌ ဆန်တင်သင်္ဘောတစ်စင်းနဲ့ "ဇော်မြင့်မြတ် - ၁" သင်္ဘောတို့ ဝင်ရောက်တိုက်မိခဲ့တာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။
"မိုးကလည်းရွာ၊ လေကလည်း အရမ်းတိုက်ခတ်နေတော့ သင်္ဘောနှစ်စင်း တိုက်မိကြတာပါ။ ခရီးသည်တွေကတော့ ဘာမှမဖြစ်ပါဘူး၊ အကုန်လုံး ဘေးကင်းလုံခြုံကြပါတယ်။ ရေယာဉ်လုပ်သားတစ်ယောက်ပဲ ရေထဲပြုတ်ကျသွားပြီး အခုထိ ရှာမတွေ့သေးတာပါ" လို့ သူက ပြောပြပါတယ်။
အဆိုပါ သင်္ဘောနှစ်စီးတိုက်မှုဖြစ်စဉ် ဖြစ်ပွားရာသို့ တွံတေးမြို့နယ်မီးသတ်တပ်ဖွဲ့၊ နယ်မြေခံမီးသတ်တပ်ဖွဲ့ဝင်တွေနဲ့အတူ ဒေသခံပြည်သူတွေကပါ ပူးပေါင်းကာ ကူညီကယ်ဆယ်ရေးလုပ်ငန်းတွေ သွားရောက်လုပ်ဆောင်ပေးခဲ့တယ်လို့ သူက ဆိုပါတယ်။
ပြီးခဲ့တဲ့ မေလ ၂၈ ရက်နေ့ ည ၈ နာရီအချိန်ကလည်း လမ်းမတော်ဆိပ်ကမ်းကနေ ဒလမြို့သို့ ကူးခတ်မယ့် စက်လှေတစ်စီး တိမ်းမှောက်ခဲ့တာကြောင့် အမျိုးသားသုံးဦး ရေနစ်သေဆုံးခဲ့တဲ့ ဖြစ်စဉ်ရှိခဲ့ဖူးပါတယ်။
မိုးလေဝသနှင့် ဇလဗေဒညွှန်ကြားမှုဦးစီးဌာန (မိုးဇလ) ကလည်း "အားကောင်းသော လေဖိအားနည်းရပ်ဝန်း၏ အရှိန်ကြောင့် မိုးသည်းထန်စွာ ရွာသွန်းခြင်း၊ လေပြင်းတိုက်ခတ်ခြင်း၊ ရုတ်တရက် ရေကြီးခြင်းနဲ့ မြေပြိုခြင်း စတဲ့ သဘာဝဘေးအန္တရာယ်တွေ ဖြစ်ပေါ်လာနိုင်တဲ့အတွက် ကုန်းမြင့်ဒေသနဲ့ မြစ်ငယ်၊ ချောင်းငယ်အနီးမှာ နေထိုင်ကြသူတွေအနေနဲ့ ကြိုတင်သတိပြု နေထိုင်ကြဖို့" အသိပေး နှိုးဆော်ထုတ်ပြန်ထားပါတယ်။
ဓာတ်ပုံ - အရန်မီးသတ်တပ်ဖွဲ့ (တွံတေးမြို့)
#CJPlatform #ရန်ကုန်တိုင်း #တွံတေးတူးမြောင်း #သင်္ဘောတိုက်မှု #ဒေသတွင်းသတင်း | 186 |
| 8 |  No text... | 182 |
| 9 | အောင်မြေသာစံတွင် အရက်မူးပြီး သေနတ်ပစ်ဖောက်သူကို ဖမ်းဆီး
CJ Platform
မန္တလေးတိုင်း၊ အောင်မြေသာစံမြို့နယ်၊ ညောင်ကွဲရပ်ကွက်မှာ အရက်မူးပြီး ဆဲဆိုကာ သေနတ်ပစ်ဖောက်ခဲ့တဲ့ အမျိုးသားတစ်ဦးကို ပြီးခဲ့တဲ့ ဇူလိုင်လ ၄ ရက်နေ့ မွန်းလွဲ ၂ နာရီခွဲအချိန်က ပြင်ဦးလွင်မြို့နယ်အတွင်းမှာ ရဲတပ်ဖွဲ့က ဖမ်းဆီးရမိခဲ့တယ်လို့ မြို့ခံတွေဆီကနေ သိရပါတယ်။
ပြီးခဲ့တဲ့ ဇူလိုင်လ ၃ ရက်နေ့ ညနေ ၅ နာရီအချိန်ခန့်က အောင်မြေသာစံမြို့နယ်၊ ညောင်ကွဲရပ်ကွက်၊ ၁၁ x ၁၂ လမ်းကြား၊ ၈၆ x ၈၇ လမ်းပေါ်ရှိ နေအိမ်တစ်အိမ်သို့ လာရောက်ကာ ဆဲဆိုစိန်ခေါ်ပြီး သေနတ်ပစ်ဖောက် ထွက်ပြေးသွားတဲ့ အမျိုးသားကို ပြန်လည်ဖမ်းဆီးရမိခဲ့တာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။
"သူ့ရဲ့ ဆွေမျိုးအိမ်ကို အရက်မူးပြီး လာရောက်ဆဲဆိုတာ။ ဆဲဆိုနေရင်း အိမ်ရှင်အမျိုးသားကို စိန်ခေါ်ထုတ်တယ်။ အပြင်မလာလို့ သေနတ်နဲ့ ပစ်ခတ်ပြီး ကားမှန်တွေကိုပါ ရိုက်ခွဲဖျက်ဆီးသွားတာ။ သေနတ်ပစ်သွားတဲ့သူက ထောင်ကနေ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတာ မကြာသေးဘူး" လို့ သူက ပြောပြပါတယ်။
ဖမ်းဆီးရမိသူ အမျိုးသားမှာ ဦးစောနိုင်ဦး (ခ) ဦးအောင်နိုင် ဖြစ်ပြီး၊ ၎င်းဟာ ပြီးခဲ့တဲ့ ၂၀၁၄ ခုနှစ်က မူးယစ်ဆေးဝါးအမှု၊ လက်နက်အမှုတွေနဲ့ ထောင်ဒဏ် ၄၂ နှစ် ကျခံခဲ့ရရာကနေ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာသူ ဖြစ်တယ်လို့ ကျေးရွာအုပ်ချုပ်ရေးအဖွဲ့နဲ့ နီးစပ်သူတစ်ဦးက CJ Platform ကို ပြောပါတယ်။
"၂၀၁၄ ခုနှစ်ကတည်းက ဆေးမှု၊ လက်နက်မှုတွေနဲ့ နှစ်ရှည်ထောင်ဒဏ် ကျခံနေရတာ။ ပြန်လွတ်လာတာ မကြာသေးဘူး။ အခု ပြဿနာထပ်ဖြစ်တော့ သက်ဆိုင်ရာ ရဲစခန်းက ပုဒ်မ ၄ ခုနဲ့ အမှုဖွင့်လှစ်ထားတယ်" လို့ သူက ဆိုပါတယ်။
လက်ရှိအချိန်မှာ အောင်မြေသာစံမြို့နယ်၊ အမှတ် (၄) နယ်မြေရဲစခန်းက ဦးစောနိုင်ဦး (ခ) ဦးအောင်နိုင် ကို ရာဇသတ်ကြီးပုဒ်မ ၃၀၇/၂၉၄/၅၀၆/၄၄၀ တို့နဲ့ အမှုဖွင့်လှစ်ကာ အရေးယူဆောင်ရွက်နေကြောင်း အုပ်ချုပ်ရေးအဖွဲ့နဲ့ နီးစပ်သူတွေထံကနေ စုံစမ်းသိရှိရပါတယ်။
ဓာတ်ပုံ - လူမှုကွန်ရက်
#CJPlatform #မန္တလေးတိုင်း #အောင်မြေသာစံမြို့နယ် #သေနတ်ပစ်ဖောက်မှု #ဒေသတွင်းသတင်း | 202 |
| 10 |  လေဖိအားနည်းရပ်ဝန်းကြောင့် ကမ်းရိုးတန်းမှာ လှိုင်းကြီးနိုင်
CJ Platform
မနက်ဖြန် ဇူလိုင်လ ၅ ရက်၊ တနင်္ဂနွေနေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို ပြောပြသွားပါတော့မယ်။အရင်ဦးဆုံး ဘင်္ဂလားပင်လယ်အော်အတွင်း မုန်တိုင်းဖြစ်လာနိုင်ခြေ မရှိပေမဲ့၊ အားကောင်းတဲ့ လေဖိအားနည်းရပ်ဝန်းနဲ့ တောင်တရုတ်ပင်လယ်က တိုင်ဖွန်းမုန်တိုင်း မေဆတ် (MAYSAK) ရဲ့ အရှိန်ကြောင့် မြန်မာ့ကမ်းရိုးတန်း တစ်လျှောက် လှိုင်းလေပြင်းထန်နိုင်ပြီး နိုင်ငံတစ်ဝန်း မိုးကြီးနိုင်မယ့် အခြေအနေ ရှိနေပါတယ်။အိန္ဒိယမိုးလေဝသဌာန (IMD) နဲ့ ထိုင်းမိုးလေဝသဌာန (TMD) တို့ရဲ့ ဒီနေ့ ထုတ်ပြန်ထားချက်တွေအရ ဘင်္ဂလားပင်လယ်အော် အနောက်မြောက်ပိုင်းမှာ ဖြစ်ပေါ်နေတဲ့ အားကောင်းတဲ့ လေဖိအားနည်းရပ်ဝန်းဟာ မုန်တိုင်းအဆင့်အထိ ထပ်မံ အားကောင်းလာဖို့ နည်းပါးသွားပြီ ဖြစ်ပါတယ်။
#CJPlatform #မိုးလေဝသ #WeatherUpdate #Monsoon #လေဖိအားနည်းရပ်ဝန်း
Youtube တွင် ဆက်လက်ကြည့်ရှုရန် >>https://youtu.be/Wlcv_Z_JsCY | 287 |
| 11 |  လုပ်ငန်းခွင်တောင်းဆိုမှုတွေမှာ အလုပ်ရှင်က ခံစားခွင့်အနည်းငယ်တိုးပေးပြီး တစ်နှစ်အတွင်း ထပ်မတောင်းဆိုအောင် ချုပ်လာ
CJ Platform
လုပ်ငန်းခွင်အတွင်း စုပေါင်းတောင်းဆိုမှုတွေမှာ အလုပ်ရှင်ဘက်က အလျှော့အတင်းလုပ်ကာ တစ်နှစ်အတွင်း နောက်ထပ်မတောင်းဆိုဖို့ ကတိတောင်းခံပြီးမှသာ ပြေလည်မှုရယူတာမျိုးတွေ လုပ်ဆောင်လာကြတယ်လို့ အလုပ်သမားအရေး လှုပ်ရှားသူတွေက ပြောကြားလိုက်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/472026-3/ | 306 |
| 12 |  ထန်းတပင်မှာ KG ကျောင်းသူလေးကို အဓမ္မကျင့် သတ်ဖြတ်ပြီး နားကပ်လုယက်မှုဖြစ်ပွား
CJ Platform
ရန်ကုန်တိုင်း၊ ထန်းတပင်မြို့နယ်၊ တူးချောင်းကျေးရွာမှာ ပြီးခဲ့တဲ့ ဇူလိုင်လ ၃ ရက်နေ့က အသက် ၅ နှစ်အရွယ် KG ကျောင်းသူလေးကို အဓမ္မကျင့် သတ်ဖြတ်ပြီး၊ ဝတ်ဆင်ထားတဲ့ ရွှေနားကပ်ကို ဖြတ်တောက်လုယူသွားတဲ့ ဖြစ်စဉ်တစ်ခု ဖြစ်ပွားခဲ့ကြောင်း ဒေသခံတွေဆီကနေ သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/472026-2/ | 375 |
| 13 |  No text... | 326 |
| 14 | ရန်ကုန်-မန္တလေးအမြန်လမ်းတွင် ကားတစ်စီး အရှိန်မထိန်းနိုင်ဘဲ လမ်းလယ်ကျွန်းသစ်ပင် ဝင်တိုက်၊ အမျိုးသား ၃ ဦး ဒဏ်ရာရ
CJ Platform
ရန်ကုန်-မန္တလေးအမြန်လမ်းမကြီးမှာ မော်တော်ယာဉ်တစ်စီး အရှိန်မထိန်းနိုင်ဘဲ လမ်းလယ်ကျွန်းပေါ်က သစ်ပင်ကို ဝင်ရောက်တိုက်မိတာကြောင့် ယာဉ်ပေါ်ပါ အမျိုးသား ၃ ဦး ထိခိုက်ဒဏ်ရာရရှိခဲ့တဲ့ ဖြစ်စဉ်တစ်ခု ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ရဲ့ ထုတ်ပြန်ချက်အရ သိရပါတယ်။
ဒီကနေ့ ဇူလိုင်လ ၄ ရက်နေ့ ညနေ ၂ နာရီ ၅၀ မိနစ်အချိန်ခန့်က ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၁၈၁/၅ အနီး၌ မော်တော်ယာဉ်တစ်စီး လမ်းချော်ကာ အရှိန်မထိန်းနိုင်ဘဲ လမ်းလယ်ကျွန်းပေါ်က သစ်ပင်ကို ပြင်းထန်စွာ ဝင်ရောက်တိုက်မိခဲ့တာ ဖြစ်ပါတယ်။
ယာဉ်တိုက်မှုကြောင့် မော်တော်ယာဉ်ပေါ်မှာ လိုက်ပါလာတဲ့ အမျိုးသား ၃ ဦး ထိခိုက်ဒဏ်ရာ (မစိုးရိမ်ရ) ရရှိခဲ့ပြီး၊ ဒဏ်ရာရရှိသူတွေကို လူငယ်တွဲလက်လူမှုကူညီရေးအသင်းမှ လူနာတင်ယာဉ်ဖြင့် နေပြည်တော် ကုတင် (၁,၀၀၀) ဆေးရုံသို့ ပို့ဆောင်ပေးခဲ့တယ်လို့ သိရပါတယ်။
အဆိုပါ ယာဉ်တိုက်မှုဖြစ်စဉ်ဖြစ်ပွားရာသို့ သာဂရအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်တွေက ကယ်ဆယ်ရေးယာဉ်၊ ရှာဖွေကယ်ဆယ်ရေး ပစ္စည်းကိရိယာတွေနဲ့အတူ သွားရောက်ကူညီ ဆောင်ရွက်ခဲ့ကြောင်း စုံစမ်းသိရှိရပါတယ်။
ဓာတ်ပုံ - မြန်မာနိုင်ငံ မီးသတ်တပ်ဖွဲ့
#CJPlatform #ရန်ကုန်မန္တလေးအမြန်လမ်း #ယာဉ်တိုက်မှု #မော်တော်ယာဉ်တိမ်းမှောက်မှု #ဒေသတွင်းသတင်း | 308 |
| 15 |  No text... | 2 |
| 16 | တန့်ဆည်အနောက်ခြမ်းတွင် ခရီးသည်တင်ကုန်စုံကားတစ်စီး ဓားပြတိုက်ခံရပြီး သိန်း ၄၀ ကျော်ပါသွား
CJ Platform
စစ်ကိုင်းတိုင်း၊ တန့်ဆည်မြို့နယ်အနောက်ခြမ်းနဲ့ မင်းကင်းမြို့နယ်အစပ်မှာ ခရီးသွားကုန်စုံကားတစ်စီး ဓားပြတိုက်ခံရပြီး ငွေကျပ်သိန်း ၄၀ ကျော် ပါသွားခဲ့တဲ့ ဖြစ်စဉ်တစ်ခု ဖြစ်ပွားခဲ့တယ်လို့ ဒေသခံတွေဆီကနေ စုံစမ်းသိရှိရပါတယ်။
ပြီးခဲ့တဲ့ ဇူလိုင်လ ၂ ရက်နေ့က ဖြစ်ပွားခဲ့တဲ့ အဆိုပါ ဓားပြတိုက်ခံရတဲ့ နေရာဟာ ကလေးဝမြို့နယ်ကနေ တန့်ဆည်မြို့နဲ့ ရေဦးမြို့ဘက်သို့ ချိတ်ဆက်ထားတဲ့ လမ်းပိုင်း၊ တန့်ဆည်မြို့နယ်အနောက်ခြမ်း ၃၉ မိုင်နေရာဝန်းကျင်မှာ ဖြစ်ပွားခဲ့တာဖြစ်ပြီး၊ အခင်းဖြစ်ပွားရာနေရာဟာ တန့်ဆည်မြို့နယ်၊ ရွာသာယာကျေးရွာနဲ့ ၃၅ မိုင်ခန့် ကွာဝေးကြောင်း သိရပါတယ်။
အဲဒီလမ်းပိုင်းဟာ မဟာမြိုင်တောအစ ခရီးသွားကားတွေနဲ့ ရေဦးမြို့၊ တန့်ဆည်မြို့ဘက်မှ မော်လိုက်မြို့၊ ဖောင်းပြင်မြို့၊ ဟုမ္မလင်းမြို့ဘက်သို့ ဆီ၊ အရက်၊ ဘီယာ၊ အအေးနဲ့ ကုန်မျိုးစုံ တင်ဆောင်ကာ ဈေးရောင်းသွားကြတဲ့ ကားကြီး၊ ကားလေးများ အဓိက အသုံးပြုသွားလာနေတဲ့ လမ်းပိုင်း ဖြစ်တယ်လို့ ဒေသခံတွေက ဆိုပါတယ်။
"အဆိုပါဘက်က မဟာမြိုင်တောအစဆိုတော့ တစ်ရွာနဲ့တစ်ရွာကလည်း အလှမ်းဝေးတယ်။ လမ်းရဲ့ ဘေးဝဲယာကလည်း တောတွေဖြစ်ပြီး ကျေးရွာတွေနဲ့ ဝေးတဲ့နေရာပါ" လို့ တန့်ဆည်မြို့နယ် ဒေသခံတစ်ဦးက CJ Platform ကို ပြောပြပါတယ်။
ဇူလိုင်လ ၂ ရက်နေ့က ဖြစ်စဉ်မှာ ကားနဲ့အတူ ငွေကျပ် သိန်း ၄၀ ကျော် ဓားပြတိုက်ခံရပြီးနောက်၊ ဒေသခံတွေနဲ့ မြို့နယ်အခြေစိုက် ပြည်သူ့ကာကွယ်ရေးအဖွဲ့ (ပကဖ) အဖွဲ့ဝင်တွေ ပူးပေါင်းကာ လိုက်လံရှာဖွေရာမှာ တောတွင်းနေရာတစ်ခုမှာ ယူဆောင်သွားတဲ့ကားကို ထန်းရွက်တွေနဲ့ ပတ်လည်အုပ်ကာ ဝှက်ထားခဲ့ပြီး ကားပတ်လည်မှာ မိုင်းတွေ ဆင်ထားခဲ့တယ်လို့ သိရပါတယ်။
“ကားတော့ ပြန်တွေ့ပြီ။ အရင် တန့်ဆည်လက်နက်ကြီးအဖွဲ့ ထိုင်ခဲ့ဖူးတဲ့ စခန်းဟောင်းနေရာထဲမှာ ကားကို ထန်းရွက်တွေနဲ့အုပ်ထားပြီး မိုင်းတွေ ဆင်ထားတာ တွေ့ရတာ။ အခု ကားထားခဲ့တဲ့ ဌာနေဟောင်းက အဖွဲ့ခေါင်းဆောင်က မန္တလေးမြို့မှာ အဖမ်းခံရလို့ အဖွဲ့ပျက်သွားပြီ။ အဖွဲ့ဝင်တွေလည်း အခြားအဖွဲ့တွေထဲ ရောက်ကုန်ပါပြီ” လို့ တန့်ဆည်မြို့နယ်က ရဲဘော်တစ်ဦးက CJ Platform ကို ပြောပါတယ်။
အဆိုပါ လမ်းပိုင်းမှာပင် ယခု ၂၀၂၆ ခုနှစ်အတွင်းမှာ အလားတူ ဓားပြတိုက်မှုဖြစ်စဉ် ရှိခဲ့ဖူးပြီး၊ ကားတစ်စီးနှင့် ငွေကျပ်သိန်း ၁၀၀ ဓားပြတိုက်ခံခဲ့ရဖူးတယ်လို့ သိရကာ၊ ဓားပြတိုက်မှုဖြစ်စဉ်တွေမှာ ပါဝင်သူတွေကိုတော့ ဆက်လက်စုံစမ်းနေဆဲဖြစ်ကြောင်း သိရပါတယ်။
#CJPlatform #စစ်ကိုင်းတိုင်း #တန့်ဆည်မြို့နယ် #ဓားပြတိုက်မှု #ဒေသတွင်းသတင်း | 270 |
| 17 |  ဒီကနေ့ ဇူလိုင် (၄)ရက် စနေနေ့အတွက် မိုးလေဝခသန့်မှန်းချက်
အပူပိုင်းမုန်တိုင်း “မေဆက်”က မြန်မာနိုင်ငံအပေါ် သက်ရောက်နိုင်လား
CJ Platform
ဒီကနေ့ ဇူလိုင်လ ၄ ရက်နေ့အတွက် ဖြစ်ပေါ်လာနိုင်တဲ့ နောက်ဆုံးရ မြေငလျင်သတင်းနဲ့ မိုးလေဝသ ခန့်မှန်းချက်တွေကို ပြောပြသွားပါတော့မယ်။ပထမဆုံး မြေငလျင်သတင်းကို ပြောရရင်... ဒီနေ့ ဇူလိုင်လ ၄ ရက် မနက် ၆ နာရီ ၅၁ မိနစ်ခန့်က ရန်ကုန်တိုင်း၊ ထန်းတပင်မြို့ရဲ့ တောင်-အရှေ့တောင်ဘက် (၃) မိုင်ခန့်အကွာ၊ အနက် (၁၅) ကီလိုမီတာကို ဗဟိုပြုပြီး အင်အား 3.5 M (ရစ်ချ်တာစကေး ၃ ဒသမ ၅) ရှိတဲ့ အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားခဲ့ပါတယ်။ ဒီမြေငလျင်ဟာ စစ်ကိုင်းပြတ်ရွေ့နဲ့ ဆက်စပ်တဲ့ တောင်ပိုင်းတစ်ကြောက ပြတ်ရွေ့စနစ်တွေ ဖိအားပြန်ညှိမှု ဖြစ်တယ်လို့ ငလျင်ပညာရှင်အချို့က သုံးသပ်ကြပါတယ်။
#CJPlatform #မိုးလေဝသ #WeatherUpdate #Monsoon #EarthquakeYangon
Youtube တွင် ဆက်လက်ကြည့်ရှုရန် >>https://youtu.be/PDiT6LhvyAY | 300 |
| 18 |  No text... | 276 |
| 19 | အာဂျင်တီးနားကို နောက်ဆုံးအချိန်အထိ ဒုက္ခပေးနိုင်ခဲ့တဲ့ ကိတ်ဗာဒီ
CJ Platform
ကမ္ဘာ့ဖလား ရှုံးထွက် (၃၂) သင်းအဆင့် ပွဲစဉ်မှာတော့ အာဂျင်တီးနားအသင်းဟာ ကိတ်ဗာဒီအသင်းကို (၃-၂) ဆိုတဲ့ ရလဒ်နဲ့ အသည်းအသန် အနိုင်ရရှိပြီး နောက်တစ်ဆင့်သို့ တက်ရောက်သွားနိုင်ခဲ့ပြီ ဖြစ်ပါတယ်။
ယခုပွဲစဉ်ရဲ့ အဓိက ချီးကျူးခံရသင့်တဲ့အသင်းကတော့ ကိတ်ဗာဒီအသင်းပဲဖြစ်ပြီး၊ အာဂျင်တီးနားအသင်းလို ကမ္ဘာ့အင်အားကြီးအသင်းတစ်သင်းကို ရင်ဆိုင်ရာမှာ ကြောက်ရွံ့ခြင်းမရှိဘဲ တိုက်စစ်ဆင်သင့်တဲ့အချိန်မှာ ရဲရဲဝံဝံ တိုက်စစ်ဆင်ကစားခဲ့ကာ နောက်ဆုံးမိနစ် ဝီစီသံထွက်တဲ့အချိန်အထိ အာဂျင်တီးနားအသင်းကို ဖိအားပေးနိုင်ခဲ့တာကတော့ ကိတ်ဗာဒီတို့အကြောင်းကို ကမ္ဘာ့ပရိသတ်တွေ အမြဲသတိရနေစေမယ့် အချက်တစ်ချက် ဖြစ်ပါတယ်။
အာဂျင်တီးနားအသင်းက ဘောလုံးပိုင်ဆိုင်မှု အသာစီးနဲ့ ပွဲကို ထိန်းချုပ်ဖို့ ကြိုးစားခဲ့ပေမဲ့လည်း ကိတ်ဗာဒီအသင်းကတော့ ခံစစ်ပိတ်ကစားရုံတင်မကဘဲ ဘောလုံးပြန်လည်ရရှိတာနဲ့ မြန်မြန်ဆန်ဆန် တန်ပြန်တိုက်စစ်ဆင် ကစားခဲ့တာပါ။ အထူးသဖြင့် တောင်ပံကနေ အရှိန်အဟုန်နဲ့ ထိုးဖောက်မှုတွေ၊ ရှေ့တန်းကနေ ပြင်းပြင်းထန်ထန် ဖိအားပေးမှုတွေက အာဂျင်တီးနားအသင်းရဲ့ ခံစစ်ကို မကြာခဏ အမှားလုပ်မိစေခဲ့ပါတယ်။
အာဂျင်တီးနားအသင်းအတွက်တော့ တိုက်စစ်ပိုင်းက ရရှိလာတဲ့ အခွင့်အရေးတွေကို အကောင်းဆုံး အသုံးချနိုင်ခဲ့တာကြောင့် အနိုင်ရရှိခဲ့ပေမဲ့လည်း၊ ခံစစ်ပိုင်းကတော့ အနည်းငယ် မတည်မငြိမ်ဖြစ်ခဲ့ပြီး နှစ်ဂိုးအထိ ခွင့်ပြုခဲ့ရသလို နောက်ဆုံးမိနစ်ပိုင်းတွေမှာလည်း ကိတ်ဗာဒီအသင်းရဲ့ ဖိအားအောက်မှာ အမှားငယ်လေးတွေ ဆက်တိုက် မြင်တွေ့ခဲ့ရတာ ဖြစ်ပါတယ်။ ရှေ့ဆက်ရမယ့် ရှုံးထွက်ပွဲစဉ်တွေမှာ ယခုထက် ပိုမိုခက်ခဲလာနိုင်တာကြောင့် ယခုထက်ပိုပြီး တည်ငြိမ်တဲ့ ခံစစ်ကစားပုံကို အာဂျင်တီးနားအသင်းတို့ မဖြစ်မနေ လိုအပ်နေတာတော့ အမှန်ပဲ ဖြစ်ပါတယ်။
ကိတ်ဗာဒီအသင်းကတော့ ရလဒ်အရ ပြိုင်ပွဲကနေ နှုတ်ဆက်ခဲ့ရပေမဲ့လည်း သူတို့ရဲ့ စိတ်ဓာတ်၊ စည်းလုံးမှုနဲ့ နည်းစနစ်ပိုင်းဆိုင်ရာ စွမ်းဆောင်ရည်က ပရိသတ်တွေရဲ့ လေးစားမှုကို အပြည့်အဝ ရရှိခဲ့ပြီး၊ လီယွန်နယ် မက်ဆီ ဦးဆောင်တဲ့ ကြယ်ပွင့်ကစားသမားတွေနဲ့ ပြည့်နှက်နေတဲ့ အာဂျင်တီးနားအသင်းကို နောက်ဆုံးအချိန်အထိ အကြိတ်အနယ် ယှဉ်ပြိုင်နိုင်ခဲ့တာဟာ သူတို့အတွက် ဂုဏ်ယူစရာ မှတ်တမ်းတစ်ခုအဖြစ် ကျန်ရှိနေစေမှာ အမှန်ပါပဲ။
အာဂျင်တီးနားအသင်းအတွက်တော့ အသင်းခေါင်းဆောင် မက်ဆီ ရဲ့ ဦးဆောင်မှုနဲ့အတူ ရှေ့ဆက်လှမ်းနေဆဲဖြစ်ကာ၊ ယခုပွဲစဉ်မှာဆိုရင်လည်း မက်ဆီ အနေနဲ့ (၁) ဂိုးသွင်း၊ (၁) ဂိုးဖန်တီးမှု ရလဒ်နဲ့အတူ ကမ္ဘာ့ဖလား ပြိုင်ပွဲတစ်လျှောက် (၈) ပွဲဆက်တိုက် ဂိုးသွင်းယူနိုင်တဲ့ စံချိန်သစ်ကို ဆက်လက် ရေးထိုးသွားနိုင်ခဲ့ပြီ ဖြစ်ပါတယ်။
အာဂျင်တီးနားအသင်း အနေနဲ့ကတော့ နောက်တစ်ဆင့်မှာ အီဂျစ်အသင်းနဲ့ တွေ့ဆုံရမှာ ဖြစ်ပြီး၊ ကိတ်ဗာဒီအသင်းကတော့ သူတို့ရဲ့ မကြောက်မရွံ့ ကစားပုံနဲ့အတူ သူတို့ဟာ ဘယ်လိုအသင်းမျိုးလဲဆိုတာ ပြသနိုင်ခဲ့သလို၊ ကမ္ဘာ့ဘောလုံးလောကကို “အသင်းငယ်ဆိုတိုင်း လျှော့တွက်လို့မရဘူး” ဆိုတဲ့ သင်ခန်းစာတစ်ခုကို ထပ်မံအသိပေးလိုက်ပြီ ဖြစ်ကြောင်း သုံးသပ်ရပါတယ်။
#CJPlatform #ကမ္ဘာ့ဖလား #အာဂျင်တီးနား #ကိတ်ဗာဒီ #နိုင်ငံတကာအားကစား | 301 |
| 20 |  အသက်မပြည့်သေးတဲ့ စစ်မှုထမ်း ၁၀၀ ကျော် မိဘတွေထံ ပြန်လည်အပ်နှံပေးခဲ့တယ်လို့ စစ်အုပ်စုပြော
CJ Platform
ပေါ်တာဆွဲ ဖမ်းဆီးမှုအပါအဝင် နည်းလမ်းမျိုးစုံနဲ့ စစ်မှုထမ်းဆင့်ခေါ်ခြင်း ခံခဲ့ရတဲ့ အသက်မပြည့်သေးသူ ကောင်စီ/စစ်အုပ်စုလက်အောက်ခံ ကလေးငယ် ၁၁၃ ဦးကို မိဘအုပ်ထိန်းသူတွေထံ ပြန်လည်အပ်နှံပေးခဲ့တယ်လို့ စစ်အုပ်စုခန့် ကာကွယ်ရေးဝန်ကြီး ဗိုလ်ချုပ်ကြီး ထွန်းအောင် က ပြောကြားလိုက်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/372026-5/ | 331 |
