Hasen Injamo

ስለገንዘብ በጻፍኩ ቁጥር የማስታውሳቸው ሰው አጼ ምኒልክ አንዱና ዋነኛው ናቸው:: 1896 ላይ ነጻነታችንን ብናስከብርም ከአድዋ ድል 48 ዓመታት በሗላ 1944 ላይ ግን በቅኝ ግዛት ስር ገብተናል:: በዚህ ወቅት ቢኖሩ ኖሮ የብሬተን ውድስን ስምምነት ይፈርማሉ ተብሎ አይታሰብም:: ነጻነታችንን ታሳቢ በማድረግ 1944 ላይ በልዩ ክብር (VIP) ተጠርተን ግን የአሜሪካን ዶላርን የዓለም መገበያያ የሚያደርገው ስብሰባ ላይ የወከልናቸው አሜሪካውያን ነበሩ:: የሚያስቀው ዛሬም ላይ ፋይናንስና ኢኮኖሚክስ የምንማረው በአሜሪካ መጻሕፍት ለያውም እንደወረደ መሆኑ ነው:: ከድንበር የማይወጣ ብር ይዘን በዶላር ቦታ ተክተን ሀገራዊ ጥናት እንሠራለን:: እከክ በእከክ ሆንን::

ዜናው:- ዶላር ጉዱ ፈላ ይላል ወዴት ነው የሚፈላው? =============== በእርግጥ ባለበት የማይቀየር ፈጣሪ ብቻ ነው:: ዶላር የሆነ ወቅት ጉዱ መፍላቱ አይቀርም:: ጀምሮታል:: ግን በጣኣኣኣኣኣም ሩቅ ነው:: ይህንን የምንመልሰው በማቲማቲክስ ነው:: ምላሹ ፋይናንስና ኢኮኖሚክስ ለተማረም ላልተማረም በሚገባ መንገድ ይቀርባል። ኢትዮጵያ 1 ቢሊዮን ብር አትማ ከናይሮቢ ዕቃ ብትገዛ... ብሩ ናይሮቢ ውስጥ ምንም ስለማይሠራ ኬንያውያን መልሰው አዲስ አበባ ይዘውት መጥተው እቃ ይገዙበታል። 1 ቢሊዮን ብራችን ሄደ፤ 1 ቢሊዮን ብራችን መልሶ መጣ፤ ስለዚህ ተጣፋ። ኬንያውያንም ሽሊንግ ይዘው መጥተው እቃ ገዝተው ቢሄዱ፣ እኛም ሽልንጋቸውን ይዘን ሄደን እቃ ገዝተን እንመጣለን። ሁሉም የየራሱን መገበያያ እየያዘ ድንበር ቢያቋርጥ ኖሮ ንግዱ "ውኃ ቅዳ ውኃ መልስ" በሆነ ነበር። ሒሳቡ (ማትሱ) የሚጀምረው እዚህ ጋር ነው፦ የአሜሪካ ዶላር ከድንበር ይወጣና እቃ ይዞላት ይመጣል። መልሶ ግን ወዲያው አሜሪካ ገብቶ እቃ ይዞ እንዳይወጣ ስሌት መሥራት እና ይህንን ሁሉ የገንዘብ ፍሰት ማኔጅ ማድረግ አለባት። ጨዋታው ማቲማቲክስ ላይ ነው (ትራዲሽናል ኢኮኖሚክስ በደንብ አይፈታውም፣ ፍላጎቱ ያላቸው Triffin Dilemma የሚለውን ጽንሰ-ሀሳብ ማንበብ ይችላሉ)። ለመሆኑ ከአሜሪካ የወጣው ዶላር ወዲያው ተመልሶ እንዳይገባ ምን ይደረጋል? ውድ ውድ እቃ ወደ አሜሪካ ስለሚገባ አሜሪካ ውስጥ መግዛት አያዋጣም። ዶላር ጠንካራ ስለሚሆን ማምረቻም ውድ ነው:: ስለዚህ ዓለም ዶላሩን ይዞ ቻይና ይሄዳል። ከዚያ በርካሽ ይገዛበታል። ቻይና ደግሞ ዶላር በሀገሯ ውስጥ ምንም ስለማይሠራ ለደሃ ሀገራት ታበድረዋለች፤ አልያም ውጭ ሀገር ሄዳ ኢንቨስት ታደርገዋለች። በምትኩ ከውጭ ሀገር ዶላር ሳይሆን ጥሬ እቃ (ማዕድን) ይዛ ትገባለች። ጥሬ እቃውን እያቀለጠች መልሳ እቃ አምርታ ትሸጣለች። የራሷን እቃ በራሷ ዩዋን (Yuan) መሸጥ ግን አያዋጣትም፤ የገንዘቧ ዋጋ ከፍ ሲል ምርቷ ውድ ስለሚሆን ይጥላታል። ለዚህም ነው እኛ ብራችንን እንድናረክስ (Devalue እንድናደርግ) ስንገደድ፣ ቻይና ደግሞ በተቃራኒው ዩዋንን እንድታጠናክር ጫና የሚደረግባት። ጉዳዩ ማቲማቲክስ ነዋ! "ታዲያ ተመልሶ አሜሪካ የገባው ዶላርስ ምን ይሆናል?" ከተባለ በሁለት መልኩ ይቃጠላል። አንደኛው በእሳት... ሁለተኛው ደግሞ በኢንተረስት (ወለድ)፣ በታክስና እዚያው በአሜሪካ ገበያ በመበላት ይቃጠላል። እዚህ ጋር ልብ በሉ፦ ታክስ ለአሜሪካ መንግሥት የሚከማች ገቢ ሳይሆን፣ በገበያው ውስጥ የተረፉ ትርፍ ዶላሮችን ማቃጠያ ምድጃ ነው። ከብዙዎች ጋር ቶሎ የማንግባባው ለዚህ ነው። እኛ በአሜሪካ መጻሕፍት ተምረን የእነሱን የታክስ ፖሊሲ ስንኮርጅ፣ ያንን አውዳሚ ምድጃ አብረን እንደኮረጅን አናስተውልም። በዚህ በተሳሳተ መንገድ ታክስን በሰበሰብን ቁጥር የሥራ እንቅስቃሴን ገድበን ሙስናን ነው የምንጨምረው። ይህ ሃሳብ ትንሽ ጠጠር ማለቱ ስለማይቀር በቅርቡ በቪዲዮ በሰፊው ይዤው እመጣለሁ። ስናጠቃልል:- ቻይና ዶላርን በዩዋን ልተካ ካለች ብዙ ፈንጂዎችን ትረግጣለች። ሚሊቴሪዋ እጅግ ጠንካራ መሆን የግድ ይለዋል። በዶላር የተዋዋለቻቸውን ብድሮች በሙሉ በእቃ (በማዕድን) ማስፈረም ይጠበቅባታል። ካልሆነ ለማያቋርጥ ጸ^ብ እና ጦ^ርነት እራሷን ማዘጋጀት አለባት:: ምክንያቱም አሜሪካ የምትዋ^ጋው ለግዛት ሳይሆን ለፋይናንስ ሥርዓቷ ማረጋጊያ ጭምር ነው። እኛም ደሃዎቹና ማይማን ሀገራት መሞ^ት ይጠበቅብናል:: ባይሆን ለምንሞ^ትለት ጉዳይ አስቀድመን ሒሳብ (ማትስ) መሥራት አለብን:: 1944 ላይ ዶላር ይምራ ብሎ የፈረመ ሀገር በቀላሉ የማይወጣው ቅርቃር ውስጥ ገብቷል:: እዚህ ጋር የምጽፈውን ነገር እና መሰል ትምህርቶች በየቦታው መውሰድ አለብን:: (መ-ገንዘብን ያነበበ ይበራለታል)

ትምህርት አያስፈልግም እያስባለ ያለው ድህነት ነው:: ምክንያቱም እየተማርንበት ያለነው ካሪኩለም ድህነትን ከሀገር እንዴት እንደምናባርር አያሳይም:: ሀገርም መንግሥትም ደሃ ሆኖ አንተ በየት በኩል ልትከብር ነው? መፍትሔው አለመማር ሳይሆን ያልተማርነውን ጨምረን በመማር ብቻ ነው:: ካልተማርክማ ሌላውን ተወውና ዳቦ ለመግዛት በቴሌብር ማን ሊከፍልልህን ነው? ምን እንማር? 1ኛ) የቀለም ትምህርት 2ኛ) የልምድና የሙያ ትምህርት 3ኛ) የፋይናንስ ትምህርት የፋይናንስ ትምህርት መማር ያለባቸው የአካውንቲንግና ፋይናንስ ተማሪዎችም ጭምር ነው:: ኮሌጆች ውስጥ የሚማሩት የቀለም አካውንቲንግና ፋይናንስ ነው:: አብዛኞቹ ደሃ ናቸው:: ብር ሲቆጥር ከሚውል የባንክ ሠራተኛና ኮብልስቶን አንጣፊ ይሻለዋል:: አብዛኞቹ ባንከሮች ሲስተሙ እንዴት እንደሚሠራ የእኔን መጽሓፍ ነው የሚያነቡት:: ከሚልኩልኝ ምስጋና በመነሳት ነው:: ኢኮኖሚክስ ስለተማር ስለኢኮኖሚ ታውቃለህ አይባልም:: የግድ የፋይናንስ ዕውቀት ሊኖርህ ይገባል:: ካልሆነ ሀገርንም ጭምር ትገ^ድላለህ:: በዶላር ቦታ ከሞያሌ የማያልፍ ብር ተክተህ ብትጠበብ ሀገር ታበላሻለህ:: የእነርሱ ዶላር ካፒታል K ከየትም ሀገር ይገዛል:: የእኛ ብር ግን Capital K መሆን አይችልም:: ስለዚህ ይህንን ቫሪያብል ዜሮ ሲሆንብህ ውጤቱ ምን ሊሆን እንደሚችል አስበው::

አንድ ሀገር ውስጥ ታክስ ካለ ... የሚያበድር ካለ ... የድርጅታችሁን የሀብት መዋቅር 100% ብድር አድርጉት ይላሉ ባለኖቤሎቹ ሞጂሊያኒ እና ሚለር:: ሙሉ ለሙሉ በሞኝ ቆጣቢዎች ብር ሥሩ እንደማለት ነው:: ብዙ ምሁራን የአሜሪካና እንግሊዝን መጽሓፍ አንብበው ይሸወዳሉ:: በአክሲዮን የሚታደግና ትልቅቅቅቅዬ ኩባንያ የሚቋቋም ይመስላቸዋል:: እስቲ ሀገራችን ውስጥ ካሉ ትላልቅ ኩባንያዎች ምን ያህሉ አክሲዮን ናቸው? ብትል አንድ ብለህ ለመቁጠር ትቸገራለህ:: የሉም:: ባንኮች እንኳ የግድ ሆኖባቸው, ብሔራዊ ባንክ ከላይ እየተቆጣጠራቸው, የሕዝቡ ሁሉ ብር እነርሱ ጋር እየተቀመጠ, ለ22 ሺህ ሆነው ከፍተው, 5 ቢሊዮን ብር ለመሙላት መከራቸውን ይበላሉ:: እዚህ ጋር ሲደርሱ ይደግሳሉ ሁላ:: ወንድሜ ሁለት ባልና ሚስት የከፈቱዋቸው ፋብሪካዎች በቢሊዮን ብር ይተመናሉ:: ለ22 ሺህ ሆነህ የከፈትከው አክሲዮን ትርፍ ሲያመጣ ለ22 ሺህ ሆነህ ነው የምትካፈለው:: ሁሉንም ታክስ ተቆርጦለት ትርፍ ስትከፋፈል ሁላ 15% ዲቪደንድ ታክስ አለው:: ፍኖተ ካርታውን በመ-ገንዘብ 2 ቁልጭ ብሏል:: ገንዘቡ እራሱ እዳ (credit) ነው:: Credit ሌላው ስሙ debt ነው:: Debit እንዳታምታታ:: በጣም የተለያዩ ናቸው:: እና ዋናው ብሔራዊ ባንክ ብር ነው ብሎህ ቁጥር ያለው ቦኖ ነው የሚያትመው:: ጭራሽ ቦኖ የማያትም ንግድ ባንክ ከየት ያመጣል? ሁለቱም ባንኮች ገንዘብ የላቸውም:: እዳ (debt) ነው የሚያጫውቱት:: ስለዚህ አክሲዮን እያልክ ከምትሟዘዝ እንደ ካፒታሊስቱ debtን አጫውት:: ትንሽ ታክስ ከመክፈል legally ምንም ታክስ ወደ አለመክፈል የሚያሻግረው ብቸኛው መንገድ በእዳ መነገድ ነው:: መንገዱ አስማት ነው ስልህ!

ኢትዮጵያ ውስጥ ብዙ ችግር አለ ማለት ብዙ ሥራ አለ ማለት ነው:: ጦ^ርነት አለ ማለት ሌላው ይቅና ጥ^ይት በደንብ ይሸጣል:: ማስታረቅ እራሱን የቻለ ቢዝነስ ነው:: ዳቦ ተወደደ ማለት የስንዴ እጥረት አለ:: በቀጭን ምሳሌ ቤት ሲቀየር ጫኝና አውራጅ ካስቸገረ የፓኪንግ ኤንድ ሙቪንግ ሥራ ተከፍቶልሃል:: ችግር ካለ ችግር ብቻ አታውራ:: በእርግጥ ችግርም ማውራት ቢዝነስ ነው:: የገቢ እናቱም አጎቱም ችግር ናቸው:: መጽሓፍ አሳትሞ መደህየት ትልቅ ችግር ነበር:: እኔ ቅድመ ሕትመት በፖስታ ቤት ጀመርኩት:: በአራት ዓመት የማያልቅ ጣጣ በአራት ወር ጥንቅቅ አድርጌ ጭጭ አደረግሁት:: ሽሽት አያዋጣም:: ወንድ ልጅ እንዴት ገቢዎችን ፈርቶ ፈቃድ ይመልሳል? መባጠስ ነው እንጂ! እነርሱ ሲያስቸግሩ ኮራ^ፕሽን ይጦፋል:: ይህ ደግሞ በአቋራጭ ከባሪ ድግሱ ነው:: ገቢዎች አሪፍ ከሆኑማ ምኑን ነገድከው?

ይህንን በተከታታይ ማብራራት አለብኝ:: የተፈጥሮ ሳይንስ ተምሬ ነው ወደ ሶሻል የሄድኩት:: የትኛውም ችግሮች ላይ ቁጥር አንድ መፍትሔ ትምህርት ነው የማደርገው:: ስተችም ካሪኩለም update አለመደረግ እንጂ በፍጹም ትምህርትን አልተችም:: Well, የዩኒቨርሲቲ ትምህርቶቻችን ከትራዲሽናል አልፎም ጎጂ ባሕል የሆነበት ምክንያት ካሪኩለማቸው ከኛ ስለራቀ ነው:: አካውንቲንግና ፋይናንስ እንዲሁም ቢዝነስ ማኔጅመንት በአርትም በሳይንስም ወስጃለሁ:: ሁሉንም የተማርነው በአሜሪካና እንግሊዝ መጻሕፍት ነው:: እዚያ ሀገር ብንሰደድ ልንሠራባቸው እንችልለን:: ለእነርሱ ሀገር ምርጥ ናቸው:: ለእኛ ግን መሠረታዊ ነገር ስተዋል:: ፋይናንስ ላይ አሜሪካ ዶላርን የተጠቀመችበትን ቦታ እኛ ብርን ተክተን ብንሠራው ግ^ግ ከማውጣትና እንጥል ከመቧጠጥ ከንፈር ከመተልተል የባሰ ጎጂ እና አውዳሚ ነው:: ጎጂ ባሕሉ ምንድነው ታልኸኝ አልተማረም እንዳትል የዲግሪ ዓይነት ጭኗል:: ተምሯል እንዳትል ኑሮን መምራት እንደ አዲስ ታልተማሩት ዘንድ ሄዶ ተቀጥሮ ይማራል:: ኢኮኖሚክስ የማይጠረቃ ፍላጎት እና የሚያልቅ ሪሶርስ ብሎህ ጀምሮ ተፈጥሯዊ ምንነታቸውን አያስረዳህም:: የተፈጥሮ ሳይንስን ካልተማርክ የሆኑ የኃይማኖት ሰዎች እንደሚያንካልቡህ ያለ ቦታ ትንካለባለህ:: ዕውን ሪሶርስ አላቂ ነው? ወይስ የአስተሳሰብ አድማሳችንን ማስፋት አቅቶን ነው? ኢኮኖሚክስን እዚህ ጋር ቻሌንጅ ካላደረግኸው በፎርማላ ቻሌንጅ አድርጎ ከፎርሙላውም ከሀብትም ሳትሆን ትንቀዋለላለህ::

መ-ገንዘብ 2ን እንድጽፍ ካበረታቱኝ ነገሮች አንድ የብሪክስ እና የ New Development Bank ጉዳይ ነው:: የባንኩ መመሥረቻ ጽሑፍ በዝርዝር ሄጄበታለሁ:: በዋና ገጽ ዋና ዋና ነጥቦች ዝርዝር መመሥረቻ ጽሑፍ ምንነት ደግሞ በአባሪ Appendix ላይ አስፍሬያለሁ:: ምን ማድረግ እንዳለብን ከ1944ቱ ብሬተን ውድስ ጋር በማመሳከር ያኔ በአሜሪካ የተሸወድነውን ዛሬም በቻይና እንዳንሸወድ ትኩረት ሰጥቼበታለሁ:: ወደ ባንኩ ለመቀላቀል የሚያስችል ረቂቅ አዋጅ የሚኒስትሮች ምክር ቤት ወደ ተወካዮች ምክር ቤት መርቶታል:: ወይ ረቂቁን ብናገኝ ወይ በ NDB ላይ ያየሗቸው ክፍተቶችን በመጽሓፌ ስላሰፈርኩ ብታዩዋቸው::

👆🏾👆🏾የገቢዎች ሚኒስቴር የዕቃዎች ስሪት አገር ቅድመ መረጃ አሰጣጥ (Advance Ruling on Rule of Origin Directive) መመሪያ ቁጥር 1131/2018 አውጥቷል::

የመንግሥት ዋነኛ ድርሻዎች ውስጥ አንዱ መሬትና መኖሪያ ቤትን ማቅረብ ቢሆንም የግለሰብ ቤት ኪራይ መወሰንን እንደ ዋነኛ ሥራ የያዘ ይመስላል:: እንዴት እንደማናድግ መ-ገንዘብ 2 ላይ የተከተበች እብ^ደት እንመልከት:: አንድ ሰው ከቤቱ አስር ብር የሚያወጣ ድንች በቀኝ እጁ እንዲሁም አስር ብሩን በግራ እጁ ይዞ ገበያ ሄዶ ድንቹና ብሩን ከቀኝ ወደ ግራ አለዋውጦ "ሽጫለሁ ገዝቻለሁ" ብሎ ቢመለስ ይህ ያልታሰረ እብ^ድ ነው:: መሬት የመንግሥት (የሕዝብ) ነው:: ስለዚህ መንግሥት መሬት የተባለ በሙሉ በቀኝ እጁ ይዟል:: ገንዘብ መፍጠር በእጁ ነው:: ሕዝቡ ሁለቱም << ይሁን, አስተዳድር, በፍትሕ አድል >> ብሎ ሰጥቶታል:: መንግሥት ሆዬ ያላጣውን ብር ባላጣው መሬት አለዋውጦ "17 ቢሊዮን ብር ከሊዝ እና ከግብር ሰብስቧል" ብሎ የስኬት ዜና ይሠራል:: ብር ቸግሮታል ወይ? ልክ የራሱን ድንች በራሱ 10 ብር እንደለወጠው ሰውዬ ማለት ነው:: በፊዚክስም በማትስም መንግሥት ሥራ ሠራ የሚባለው ቤትን መገንባት, ማስገንባትና ግንባታን የሚያደናቅፉ ማናቸውም እንቅፋቶችን ማንሳት ነው:: ልጁም ሥራ ሠራ የሚባለው ገበያ ሄዶ እራሱን በራሱን አርክቶ መምጣት ሳይሆን ድንች ማምረት ነው:: ታክስ የመንግሥት "መንግሥት ሆኛለሁ, አዛችሗለሁ" ዓይነት የመሰለ "ግብረ መዳፍ - (ማስተር^ቤሽን)" ነው:: ትራዲሽናል ፋይናንስና ኢኮኖሚክስ የምትፈልጡ ሰዎች ደጋግማችሁ አንብቡት:: ያጥወለውላችሗል:: ምክንያቱም ገንዘብ እንደሌለ ኮሌጅ ውስጥ አላስተማሩዋችሁም::

መ-ገንዘብ 3 ለልጆች የፋይናንስ ትምህርት የግድ ልጆች ማወቅ አለባቸው:: በተለይ በዚህ ክረምት ማንበብ ካለባቸው መጽሐፎች አንዱ ይሆናል:: ጽፌ ጨርሼ ከሰሞኑ ሕትመት ይጀመራል:: ስለዚህ እንደተለመደው ቅድመ ሕትመት ክፍያ ስለሚሆን ተዘጋጁ:: ዋጋና አካውንት አሳውቃለሁ:: በተለያዩ ምክንያቶች መ-ገንዘብ 2ን ያልወሰዳችሁ ምእመናን ከሰሞኑ ትወስዱ ዘንድ ይደረጋል:: "ሀጂ ከፍዬ አልደረሰኝም" የሚል ሁሉ በራሱ ችግር ነበር:: ስልኬ ጠፍቶ, ክፍለሃገር ሄጂ ወዘተ. ለልጆቹ ግን አንድ ሰው ተመድቧል:: ዋጋና አካውንት አሳውቃለሁ::

ሰሞኑን ምግብና ጤና ነክ ቪዲዮዎችን እያየሁ ነበር:: ሁሉም ባይባልም ስለሆነ ምግብ ዘር አደገ^ኛነት ነው የሚያወሩት:: ከጥርስ ሐኪሞች ጀመርኩ:: ጥርሳችሁን ከቦረሻችሁ በሗላ ሳሙናውን አትጉመጥመጡት:: ምክንያቱም ለጥርስ ጤንነትና ጥንካሬ አሪፍ ነው የሚለውን ይዤ .. ኮልጌቱንም በአፌ ይዤ አፌን እንደከደንኩ ጉዞ ጀመርኩ:: በጣም ራበኝ:: ከአፌ አረፋ ሲወጣ የኮልጌቱ ይሁን የድካም አልገባኝም:: ያንን የመሰለ ረሃብ በክትፎ ላባርረው ስል የስጋና የቅቤ አደገኛነት የሰማሁትን አስታወስኩ:: ከዚያ ሽሮ ቤት ልገባ ስል የዘይት አደገኛነት ቪዲዮ ትዝ አለኝ:: እንዲሁ እንደባከንኩ ለምን ሙዝ ገዝቼ በዳቦ አላስታግሰውም ስል ስለስንዴ ዳቦ አደገኛነት ብዙ ቪዲዮ አይቻለሁ:: ሁሉንም ምግብ አደ^ገኛ አድርገው የቀረው አፈር ሆነብኝ:: የከተማ አፈር ስለማይታመን ወደ ሰማይ ሳንጋጥጥ አሞራ ኩሷን ለቀቀችብኝ:: ለጥቂት ሳተኝ እንጂ አፌ ውስጥ ገብቶ ከኮልጌቱ አረፋ ጋር ተቀላቅሎ ልወዛገብ ነበር:: ጾሜ ልዋል ብዬ የፍየል ቁርጥ በላሁ:: አደራ ሐኪሞች የፍየል ስጋ ላይ አትምጡብን:: እሷም ለሕክምና አትሄድም:: እሯሳ ነች የምትቀምመው:: አሁንም የምጠላው ከሚገ^ድለኝ የምወደው ይግደ^ለኝ ብዬ ያሻኝን መብላት ጀምሬያለሁ::

ብርም ይሁን ዶላር ገንዘብ እንዳልሆኑ, ታክስም ገቢ እንዳልሆነ የተረዳ ሰው ሀገርን ይቀይራል:: አፍሪካውያን ይህ ስላልገባቸው ነው የሚኳትኑት:: ንብረታቸውን በባዶ ቁጥር ይቀይራሉ:: በቅኝ ገዢ አፍና ምሳሌ ተምረው ለውጥ ይፈልጋሉ:: በዕርዳታ የሚያድጉ ይመስላቸዋል:: የአፍሪካ መንግሥት ደግሞ መንግሥትነቱን የሚያሳየው በመደብደብ, ሕዝቡን በመስ^ደብ እና ያለመከሰስ መብት በመያዝ ነው:: ሰካራም አባት ዓይነት ነገር:: ባናቱም ታክስ ደግሞ ገቢ ይመስለዋል:: የማያልቅ ብር እና መሬት በእጁ እንዳለ አያውቅም:: መሬቱ ከተሠራበት, ብሩም ወጪ ከተደረገ የሚያልቅ ይመስለዋል:: መሬትም ውኃም ብርም አያልቁም:: Circulate ነው የሚያደርጉት:: በደንብ circulate እንዲያደርጉ ሥራ ማስኬድ ነው ጋሽዋ! የመንግሥት ትክክለኛ ሥራ በግለሰብ ደረጃ የማይሠሩ ኢንፍራስትራክቸር መገንባትና ሰላምን ማስጠበቅ ነው:: እኛ ጋር ዝም ብላችሁ እዩት::

ስጋትን (Risks) በተመለከተ ========= በተግባር ያለው የቲዎሪው ተቃራኒ የሆነው <<ኢስላማዊ>> የሚባለው የባንክ አሠራር እና መደበኛው የባንክ አሠራር ልዩነት 👉🏼ኢስላማዊ የሚባለው ባንኮችን ሙሉ ለሙሉ ከስጋት (Risk) ነጻ አድርጎ በተበዳሪ እና በቆጣቢ ላይ የሚጭን በንግድ ታሪክ እንዲህ ያለ ኪራይ ሰብሳቢ ኢምፔሪያሊዝም ታይቶ አይታወቅም:: 👉🏼መደበኛው (conventional) የሚባለው በተሻለ ስጋት (risks) ይጋራል:: በፍትሕ ከለካናቸው መደበኛው በብዙ እጥፍ ይሻላል:: ======= ቲዎሪና ተግባር የምሥራቅና ምዕራብ ያህል ርቀት ነው ያላቸው:: ሁለት ምሳሌ ልጥቀስ 1ኛ) የቁጠባ ላይ ስጋት (Deposit Risk) መደበኛው ባንክ ቢሠራም ባይሠራም ለቆጣቢዎች የግሽበት ማካካሻ ቢያንስ 7% ይከፍላል:: ኢስላማዊ የሚባለው ቢሠራም ባይሠራም ብሩን በነጻ ነው የሚወስደው:: ምንም ዓይነት የቁጠባ ሪስክ አይወስድም:: በእንዝህላልነት ካልሆነ በስተቀር ባንኩ በአደጋ ቢወድም ቁጠባውን የመክፈል ግዴታ ሁላ የለበትም:: 2ኛ) ቀድሞ መክፈል (Early Settlement) መደበኛው ባንክ ቀድሞ የከፈለ ተበዳሪ ላልተጠቀመበት ወቅት ለባንኩ ወለድ አይከፍልም:: የውል ማፍረሻም በተመለከተ ቅጣት ይኑረው አይኑረው ውሉ ላይ በግልጽ ይቀመጣል:: ኢስላማዊ የሚሉት ግን ቀድሞ የከፈለ እስከ ብድሩ ፍጻሜ ቀን ያለውን ወለድ ለባንኩ ይከፍላል:: ወለድ የሚል ስም ከተሰጠው ሀራም ስለሚሆን ማርክአፕ ወይም ኮሚሽን ይባላል:: አሰያየሙ ሀላል ያደርገዋል ብለው ያምናሉ:: በቅርቡ ደግሞ "በባንክ መልካም ፈቃድ ..." የሚል አሻሚ የውል ማፍረሻ አንቀጽ ማድረግ ጀምረዋል:: ችግሩ ያለው የካፒታሊስት የወለድና ታክስ የፋይናንስ ሲስተምን ሀላል ነው ብሎ መቀበል, ከአየር የቀጠነ ብቻ ሳይሆን ባዶ ቁጥርን ገንዘብ ነው ብሎ ማመን, የአሜሪካንን ዶላር የአምላክ ገንዘብ እንደሆነ ወስዶና እልቅናውን ተቀብሎ የሌሎች የባ^ሪያ ሀገራትን መገበያያን እንደ ባሪ^ያ ገንዘብ መቁጠር ላይ ነው ችግሩ:: መፍትሔ:- የአሜሪካ ባሪ^ያ መሆንህን ከተረዳህ በሗላ መፍትሔውን እነግርሃለሁ:: መጀመሪያ ከመጃጃል ውጣ:: የማታውቁ ስለሆነ ነው እኮ ስለሸሪዓ ምንም ዓይነት ዕውቀት የሌላቸው ለያውም ሙስሊም ያልሆኑ ባንከሮች "ሼሪያ, ዋዲያ, መራባ, ቃርዳ ..." እያሉ የሚያጃጅ^ሉዋችሁ:: በግልህ ተጃ^ጃል:: ግን ወደ ኢስላም አታስጠጉት::

የተከበሩ አቶ ካሙዙ ካሳ በየካ ክፍለከተማ ምርጫ ጣቢያ ላይ በከፍተኛ ድምጽ አሸንፈዋል:: መልካም የሥራ ዘመን ይሁንልዎ! ብዙ ምእመን በተከበሩ አቶ ካሙዙ መወዳደር ሲያለምጥ ነበር:: ሆኖም ግን አንድ ነገር ልንገራችሁ:: ችግሩ ያለው ምእመኑ ጋር ነው:: ምክንያቱም ዲሞክራሲያዊ ምርጫን እንደ መፍትሔ የወሰደ ክፍል ስለሚመረጠው ሰው ባይተች ጥሩ ነው:: በዲሞክራስያዊ ሥርዓት የሚቆጠረው ድምጽ ነው እንጂ ሰርተፊኬት አይደለም:: ምናልባት ተመራጩ ሰርተፊኬቱ ይታይ ይሆናል:: የመራጩ ግን በጣት ቢፈርም ባይፈርም, ጆሮው ቢሰማ ባይሰማ, መናገር ቢችል ባይችል ድምጹ እኩል ነው:: የሳይንቲስም የአርቲስትም ድምጽ እኩል እስከሆነ ድረስ ምርጫችሁን ብታከብሩ ባይ ነኝ:: የፋይናንስ ሲስተሙም የኮሎኒያሊስት ባንክ ያማልዳል እስካላችሁ ድረስ ድህነትን ኑሩት:: ዲሞክራሲያዊ ምርጫ ያዋጣል እስካላችሁ ድረስ ተመራጩን አክብሩ:: _ የፋይናንስ ሥርዓቱና የዲሞክራሲያዊ ሥርዓቱ ለአፍሪካ መፍትሔ ያመጣሉ የሚል ግምት የለኝም:: ማሻሻሉ ላይ ግን ሁሉም ይሳተፍ::

ዛሬ ሰኔ 15 ነው:: የሒሳብ ሪፖርቶቻችሁን ከሰኔ 30 በፊት አጠናቅቁ:: ቀጣይ ዓመት ፈቃድ ማደስ ካምናው ሊብስ ስለሚችል ከወዲሁ በጀት ዓመቱ ሳያልቅ ማረም ያለባችሁ አርሙ:: ዛሬውኑ አካውንታቶቻችሁን ወጥራችሁ ያዙ:: Bank reconciliation እና stock reconciliation ሥሩ:: PLCዎች ደግሞ ዲቪደንድ ብትከፋፈሉ ጥሩ ነው:: ለምን መሰላችሁ:- ሳትበሉ ሳትጠጡ ሁለት ሦስት ዓመት ቀርቶ አንድ ዓመትም አይቻልም:: ሌላ ቢዝነስ አላችሁ የሚል ፍንጭ ይሰጣል:: ዲቪደንድ ዲክሌር ስታደርጉ 15% ታክስ አለባችሁ:: (ከአክሲዮን ይልቅ ብድ^ር ይሻላል የምንለው ለዚህ ነው:: ብ ድ ር ደግሞ ከባንክ ነው:: ከሌላ ቦታ ማለትም በግል ባ ት በ ዳ ደ ሩ ይመከራል)::

አባትህ ሕጋዊ ቤት ከተወልህ በፋይናንስ ሲስተሙ ውስጥ ከ50% እስከ 75% አሟልቶልሃል:: ቀሪው ያንተ ነው:: ካልሆነ ዕድሜህን እንክት አድርጎ በልቶታል:: ድሮ ሲያስብ የነበረው በታችኛው ጭን-ቅላቱ ነበር:: አሁን 25 ዓመትህ ከሆነና ገና ከለት ጉርስ ጋር ነፍስ ውጪ ነፍስ ግቢ ላይ ከሆንክ ይህንን ለማሟላት ሀያ ዓመት ሊያስፈልግህ ይችላል:: እላይ ያስቀመጥኩት ፐርሰንት ከዚያ በመነሳት ነው:: ስለዚህ ከእከክ ውጭ የንብ^ረት ውርስም ሳይኖርህ, ቅጥር እና ቁጠባ ጠልተህ በሞቲቬሽናል ንግግር የምትመረቅን ከሆንክ ንቃተ ሕሊናህ ካባትህ የባሰ ነው:: መቸም የብልት ትልቅ እና የአባት ትንሽ የለም ይባላልና ሁለቱም ክብር ይግባቸው:: ያው ቅጥር ግዴታህ ነው:: ቁጠባም አማራጭ የለውም:: ምናልባትም ግሽበት ቁጠባህን እንዳይበላብህ በ $USD እና USDT ማድረግ ጥሩ ነው:: USDT, stable coin 🪙 ላይ ለመቆጠብ ፓስፖርት ወይም ፋይዳ እና ሰልፊ ያለው ካሜራ በቂ ነው:: ቪዲዮህን ይወስዳሉ, ሮቦት እንዳልሆንክ ለመለየት ምላስህን አውጣ, ዐይንህን አጉረጥርጥ ሊሉህ ይችላሉ:: የትም አታመልጥም:: አጭበ^ረብራለሁ ብትል አልጎሪዝሙ ጎልጉሎ ያወጣሃል:: አንዴ ልታጭ^በረብር ትችል ይሆናል:: ወደመሰል ፕላትፎርም ድርሽ አትልም:: ሜታዳታ ነዋ! የ USD አካውንት ባንኮቻችንም እየከፈቱ ናቸው:: ከ USDT ወደ $USD ይስባል ብለን እንጠብቃለን:: የካፒታል ስደት እንዳይከሰት ከፍተኛ ጥንቃቄ ያስፈልጋል:: በቅጥር ያገኘኸውን ቁጠባ ብዙም ሳትዘገይ ወደ ንብረት ከዚያም ወደ ቢዝነስ ትገባለህ:: እንጂ የሚረግምህ ልጅማ ዝም ብለህ እንዳትጥል:: አሁን እኮ ልጄ እንዳይረግመኝ ሆኗል! ለጊዜው ለሽንት መሽኛነት ካገለገለ በቂ ነው:: የፋይናንስ ሲስተሙ ከጊዜ ወደ ጊዜ እየቆለፈ እየሄደ ነው::

እንድትረጋጉ እንጂ ለገንዘብ እንድትሯሯጡ አልጽፍም:: ስለገንዘብ ሲስተም ይበልጥ ባወቃችሁ ቁጥር ይበልጥ ትንቁ^ታላችሁ:: ለምሳሌ ድሮ ገንዘብ ያለ ይመስለኝ ነበር:: ግንሳ! ገንዘብ ከሲስተም ከወጣ 80 ዓመት እንዳለፈው ሳውቅ ለገንዘብ መሮጥ አቆምኩ:: ገንዘብ የዱቤ ቁጥር ሆኗል:: ቁጥር ደግሞ አያልቅም:: ለማያልቅ ቁጥር የሚያልቅ ዕድሜዬ ላይ ቁማር አልጫወትም:: ገንዘብ የክሬዲት ሲስተም ነው:: ስለገንዘብና ስለንብረት ከምታውቀው በላይ ስለክሬዲት ሲስተም ማወቅ ይጠቅማል:: መንግሥት እራሱ ገንዘብ ያለ ይመስለዋል:: ጭራሽ በታክስ እንደሚታደግ ያስባል:: ሀገሪቷን ሲዖል የሚያስመስሉ ኃላፊዎች ገንዘብ እንደሌለ ስለማያውቁ ነው:: ገንዘብ ከሌለ በምንድነው የምንገበያየው ያለ ሰው መንቃት እየጀመረ ነው::

አንድ ወዳጄ ሶስት ቢዝነሶችን ያስተዳድራል። ማኔጀሩ ራሱ ነው። እና ''አንደኛው ቢዝነስ ላይን ለሶስት ዓመት በተከታታይ ኪሣራ አስመዝግቧል፤ ልዘጋው ነው'' አለኝ። ሰነዶቹን መረመርኩ። መዘጋት ሳይሆን መቀጠል ያለበት ሆኖ ነው የተገኘው። እንዴት? አንድ አመራር ላይ ያለ ሰው በጣም ማወቅ ካለበት ነገሮች አንዱ ቁጥሮችን መረዳት ነው። የፋይናንስ እውቀቱ ውሳኔ ሊያሰጥ በሚችል ደረጃ ላይ መገኘት አለበት። ከምርጥ ባልደረቦቼ ጋር በጣም ደስ እያለኝ ከምሰጣቸው ሥልጠናዎች አንዱ የፋይናንስ ባክግራውንዱ ብዙም ሳይኖራቸው የቢዝነስ አመራር ላይ የሚገኙ ወይም የቢዝነስ ባለቤትና አመራር የሆኑ ሰዎችን አትራፊ ውሳኔ ሰጪዎች ማድረግ ነው። ተመዝገቡ። 👇 ስልጠናው:- ''Finance for Non-Financial Managers'' የሚሰጥባቸው ቀናት: ለ 3 ቀናት ሐምሌ 07፣ 08 እና 09 , 2018 ሰዓት: ግማሽ ቀን ጠዋት ጠዋት ክፍያ: ቫትን ጨምሮ 13,800 ብር ACC. No. 1000762139646 HAB Management and Technologies መመዝገቢያ ሊንክ:  1. በድርጅቱ ድረ-ገጽ www.hab.et/register 2. በቴሌግራም t.me/hab_management