Hasen Injamo

መለኪያ ስናሻሽል ከውጭ ብድር እስከ አገር ውስጥ ታክስ መቶኛ (ratio) ስለሚቀየር የብድር ጫና እና የታክስ ጫና ይቀየራል:: በቀላል አነጋገር:- ቀድሞ የነበረብን የውጭ ብድር አሃዝ ባለበት ነው:: የምርት ዕድገት አሃዝ ሲያድግ ፐርሰንቱ ይለያያል:: ምሳሌ መቶ ሺህ ብር የሚያወጣ ቤት ያለህ ወቅት ብድርህ አስር ሺህ ነበር እንበል:: ዛሬ የቤትህ ግምት አምስት መቶ ሺህ ብር ቢደርስ ያለብህ አስር ሺህ ብድር ኢምንት ይመስላል:: ስለዚህ ብዙ መበደር ትችላለህ:: ታክስ በተቃራኒው ነው:: ድሮ የምንሰበስበው ከኢኮኖሚያችን አኳያ አናሳ ነበር እየተባለ ነበር:: ጭራሽ የኢኮኖሚያችን አሃዝ ከፍ ብሎ ሲታይ የታክ አሰባሰብ ይበልጥ ይጠጥራል ማለት ነው::

አተማመንን መከለስ አዲስ ነገር አይደለም:: አዳዲስ ነገሮች ሲመጡ ማስሊያና መለኪያዎች ይቀየራሉ:: ምሳሌ Ai ሲመጣ መምሕራን ተማሪዎቻቸውን የሚለኩበትን መስፈሪያ እየቀየሩ ናቸው:: የቤት ሥራ ብዙም ተማሪን አይለካም:: ልክ እንደዚሁ ኢኮኖሚውም ላይ መለኪያ እየተሻሻለ ይሄዳል:: የብሔራዊ ሂሳብ ሥርዓት (SNA) እድገት በዘመናት የአንድ አገርን ኢኮኖሚ በትክክል ለመለካት የሚጠቀሙት ዓለም አቀፍ የሂሳብ መስፈርት ከጊዜ ወደ ጊዜ እየተሻሻለ መጥቷል። 📌 1953 – SNA 1953 የመጀመሪያው ዘመናዊ ዓለም አቀፍ ማዕቀፍ። 📌 1968 – SNA 1968 የተሻሻለ የብሔራዊ ሂሳብ ሥርዓት። 📌 1993 – SNA 1993 የኢኮኖሚ እንቅስቃሴዎችን በበለጠ ሁኔታ የሚለካ ማዕቀፍ። 📌 2008 – SNA 2008 ዘመናዊ የኢኮኖሚ እንቅስቃሴዎችን በስፋት ያካተተ ማዕቀፍ። 📌 2025 – SNA 2025 አዲሱ የዓለም አቀፍ የብሔራዊ ሂሳብ ማዕቀፍ። ማስታወሻ፦ ኢትዮጵያ በቅርቡ ባካሄደችው የGDP ዳግም ስሌት SNA 2008ን ተጠቅማለች። SNA 2025 ደግሞ አዲሱ ዓለም አቀፍ መስፈርት ነው። ዋናው መልዕክት፦ ኢኮኖሚው ሲቀየር፣ ኢኮኖሚውን የምንለካበት መሣሪያም አብሮ መሻሻል አለበት።

የካፒታሊዝም ፍቅርም ጥላቻም ... የሶሻሊዝም ፍቅርም ጥላቻም ኖሮኝ አያውቅም:: ለወደፊትም አይኖረኝም:: የጥናቴ ትኩረቶች መሠረቶች ላይ ነው:: የሀብት እድገትን ለማጥናት ፋይናንስና ፋይናንሻል ሲስተሙን ትቶ ምን እንደሚጠና አላውቅም:: እንደዚያ የሚዳክሩና የሚቸገሩ እያየሁ ስለሆነ:: ማቲማቲክስን ትቶ ፋይናንስን ላጥና ያለ ሰው ደግሞ የትም አይደርስም:: ለምን መሰላችሁ:- ገንዘብ ቁጥር ሆኗል:: ቁጥርን ያላወቀ ገንዘብን ሊያውቅ አይችልም:: "1 ስንት ነው?" ብሎ ትክክለኛ ትርጉሙ ማወቅ አለበት:: 1 በሬ, 1 ሰው, 1 ብርጭቆ, አንድ ምሳ, 1 ብር እንላለን:: 1 ግን ስንት ነው? የትኛው ነው ትክክለኛው 1? አንድ እና 1ስ እኩል ናቸው? ለዚህ ነው እኮ የኢትዮጵያ ብሔራዊ ባንክ ወርቅን ከዋጋው በላይ ከገዛ በወርቅ ሀብት ሀብታም እንሆናለን ብዬ ስጽፍ ብዙ ሰው ግራ ተጋብቶ የነበረው:: ጨዋታው ማቲማቲክ ነዋ! አንድ ኩንታል ወርቅ ለብሔራዊ ባንክ ቢገባ የብሔራዊ ባንክ ወጪ መዳፍ የሚያክል የባንክ ቼክ ነው:: ምክንያቱም ሕዝቡ ሲኞራዊ መብት ሰጥቶታል:: ስለዚህ ብሔራዊ ባንክ የፈለገ ውድ ፊያት ቢከፍል ምንም ኪሳራ የማይነካው:: ወርቅ ገባ ... ቁጥር ወጣ:: Period! ግሽበት እንዳይፈጠር ገቢዎች በታክስ ያስተካክለዋል:: እዚህም ጨዋታው ማቲማቲክስ ነው:: ይህንን ለማወቅ የግድ ገንዘብ በጠጣር, በፈሳሽ እና በጋስ መልክ እንደማይገኝ ቀድሞ ማወቅን ይጠይቃል:: ያኔ ነው ካፒታሊዝም ይሻላል ... ሶሻሊዝም ክፉ ነው ደግ ነው ልንል የምችለው::

ከሰሞኑ በገቢዎች ሚኒስቴር በኩል ቢተገበሩ የሚል ሐሳብ አንስቼ ነበር:: ልድገመው:: ታክስ እና ግብር የተዳዳሪ ግዴታ እና የአስተዳዳሪ ደግሞ በፍት የማስተዳደር እና የማገልገል ግዴታ ነው:: ታክስ ካስፈለገበት ዋነኛ rationale ውስጥ ቀዳማዊው ለሀገር መከላከያ እና ለጸጥታ ጥበቃ ነው:: ስለዚህ አንድ ታክስ ከፋይ በሁለት መንገድ ሊከፍል ይችላል:: አንደኛው እራሱን ከወንጀል በማቀብ ሲሆን ሁለተኛው ባገኘው ሰላም ምክንያት ከሠራው ላይ የጸጥታና የሰላም ኪራይ ይከፍላል:: ስለዚህ አንድ ሰላማዊ ዜጋ እራሱን ከወንጀል ካቀበ የጸጥታ በጀት ቆጥቧል ማለት ነው:: ወንጀል ቢሠራ ኖሮ እርሱን ለማስታገስ ብዙ ፖሊስና ዳኛ እንዲሁም መንግሥት ሥራ ይፈታሉ:: ለእኔ ትልቁ ታክስ ከፋይነት በወንጀል አለመሳተፍ ሲሆን ትልቁ ታክስ አጭበርባሪነት ደግሞ ቦ^ዘኔነት ነው:: በሥራ የተጠመደ ሰው በተጠመደው ሰዓት ልክ ታክስ እየከፈለ ነው:: Well, እንግዲህ ታዲያ ለምን የወንጀል score እየተያዘ ከታክስ ጋር አይጣፋም? ለምሳሌ ምንም ወንጀል ውስጥ ያልተሳተፈ ሰው ቢቻል የታክስ ማካካሻ, ካልሆነም የታክስ ነጻ ወይም በRegressive የታክስ ስሌት ቢጠየቅ ዜጎች በዚህ እየተወዳደሩ ሀገራችንን ሰላም ማድረግ እና የፖሊስ ኃይሎችን ከጸጥታ ጠባቂነት ወደ ኢንደስትሪ አምራችነት እየቀነስን እንሄዳለን:: መጽሓፎቼም ላይ አንስቸዋለሁ:: ወደ ትግበራ ይመጣ ይሆናል:: _________ እዚህ ጋር የምጽፋቸው ነገሮች በሙሉ ከግለሰብ እስከ ሀገረ መንግሥት ቢጠቅሙ እያልኩ ነው:: ከመንግሥትም ይሁን ከተቃዋሚ ጋር አልነካካም:: በፕሮፌሽን ደረጃ ሊጠቅሙና ወደ ሥራ ሊተገበሩ የሚችሉ ነገሮችን እጽፋለሁ:: ሐሳቤ በራሱ መንገድ ሲሄድ መስቀለኛው ጋር የሆነን ቡድን ሊደግፍም ሊቃወምም ይችላል:: ከዚያ አቋርጦ ያልፋል::

ሙአዘ ኡስታዛት ዲያቆን ዳንኤል ክብረት የመጅሊሱን ጉባዔ ከፊት ረድፍ ሆኖ በመምራት ላይ

ያደረ ታክስ እና የጸባይ ሽልማት (ርዕሱ ነው) ======= ገቢዎች ወደ ሗላ ሄደው ኦዲት እያደረጉ እና የባንክ አካውንት እያዩ ምእመኑ ሰምቶት የማያውቀው ግብር እየጫኑ ናቸው:: ጉዳዩ በግለሰብ ወይም በውሱን ቢሮ ደረጃ ይሁን በሚኒስቴር መሥሪያ ቤት ደረጃ አቅጣጫ ተይዞ ይሁን እርግጠኛ አይደለሁም:: በችርቻሮ የሚተዳደር እና መኪናም ይሁን ቤት እንኳ ያልገዛ ዘመድ 185 ሚሊዮን ብር ክፈል ተብሎ ሰምቶ ዝም ብሏል:: ምን ያድርገው? ጆሮው ሰምቷል:: ያለው አማራጭ ከት ብሎ መሳቅ, ስቅስቅ ብሎ ማልቀስ, ዝም ብሎ መቃም, ወደ ጫካ መቀላቀል ነው የሚሆነው:: ፈጠራ ሳይሆን አሁን የሆነ እና እየሆነ ያለ ነው:: ግብር እየተጠየቀ ያለው ዓመታት እኮ ኮቪድ የነበረበት, በጦ^ርነት ሥራ የተበላሸበት, ንብረቶች የወደሙበት ዓመታትን ይጨምራል:: አንድ ነገር ገመትኩ:: ዲጂታል ሥርዓቱ ለገቢዎች ሙሰኞች አልተመቸም:: ምክንያቱም ሁሉም ነገር ይታወቃል:: ጉ^ቦ መብሊያ ክፍተት ሲጠፋ የድሮ ፋይል እየጎረጎሩ መደራደር ይመስለኛል:: ይህም አልበቃ ካለ "አያትህ ነጋዴ ነበሩ:: በል አምጣ" መባል ሊጀመር ይችላል:: እንደ መፍትሔ:- በሥርዓት መጓዝ ማንም አይጠላም ብዬ አልጎዘጎዝም:: ግልጽ ነው:: ለሥርዓት ማስከበሪያው ግን ሥርዓት ይበጅለት:: Cutoff ይሰጠው:: ያለፉ የለውጡ ወቅት እና እየቀጠሉ ያሉ ምስቅልቅሎች ከግምት ይግቡ:: ከዚያ አንድ አዲስ መፍትሔ ልጠቁም:: ቸርቻሪ ነጋዴው የወንጀል ሪከርዱ ይታይ:: ምንም ዓይነት የግልም ይሁን የቡድን ወንጀል ውስጥ ካልተሳተፈ ይህንን ጸባዩን እንደ እሴት ይያዝለት:: Score ይመደብለት:: በዚያ ይካካስ:: ለቀጣይ ንግዱን በሥርዓት እንዲመራ ተሃድሶ ገብቶ ሰልጥኖ ሥራውን ይቀጥል:: ይህ መፍትሔ ሌሎች potential ወንጀለኞችንም ያስታግሳል:: ለሰላም አስተዋጽኦ ይኖረዋል:: የግብር አንዱ ዓላማ ለጸጥታ አካላት የሚከፈል መዋጮ ማዋጣት ነው:: ሥራ ሳይሠሩ, ለጸጥታ አካላት መዋጮ (ግብር) ሳያዋጡ ወንጀል ላይ የሚዘወትሩ እና ወንጀል ላይ ሳይሳተፉ ግን የተወሰነ እያዋጡ ለሥራ ተፍ ተፍ የሚሉት እኩል መታየት የለባቸውም:: ሪከርዱ ታይቶ Score ይደረግ:: ምንም ዓይነት ወንጀል ላይ ካልተሳተፈ ምሳሌ Triple AAA ይይዛል:: አንገቱን ደፍቶ እንዲሠራ ላስቻለው ሰላም ታክስ ያዋጣል:: በሥራ ተጠምዶ ወንጀል ባለማሰቡ ደግሞ የግብር ጫና ሊቀነስለት አልፎ ተርፎም ነጻ ሊባል ሁላ ይችላል:: ሥራ ሲፈጥር ወንጀለኛን በሥራ በሥራ በመጥመዱ በፈጠረው የሥራ እድል ልክ ማካካሻ (incentive) ሊሰጠው ይመቻል::

በ Emnet Teshome ከሚባል የፌስቡክ ገጽ ===== 🔔 ገቢዎች ዓመታዊ ግብር ለማሳወቅ ለምትሄዱ ሁሉ ዓመታዊ ግብር ግመታ በትንሹ 50,000 ብር እንድትከፍሉ በቅድመ ኦዲት የተስተካካለ በሚል መነሻ 2,000,000 ተክለው ኦዲት ይሰራሉ። (ከዚህ በፊትም ይደረግ ነበር) ሰሞኑን ይህ ደንብ የለም ተብሎ ከሰራችሁት ውጪ የሚጣል የተስተካካለ ግመታ/ልዩነት የሚከፈል ክፍያ የለም ተብሏል። ስለዚህ ልዩነት ልትከፍሉ ከነበረ ጠብቁ ሂሳብ የሰራውን ኦዲተር ለምን ከየት መጣ ብላችሁ በዝርዝር ጠይቁ!!! ላለመመላለስ በኦንላየን የላካችሁት ሙሉ ዶክመንት withholding እና የሂሳብ ባለሞያ የሰራቸውን/የጻፋቸውን ስሌቶች በሙሉ ይዛችሁ ሂዱ! ኦዲተሩ የሰጣችሁ ሊስት እና የተጠየቁ ክፍያዎች ካልገባችሁ የውስጥ ኦዲተሩን እና የሂሳብ ሰራተኛችሁን ጠይቁ! ✍️ ይህን የጻፍኩት ትናንት ልዩነት ክፈሉ ተብለን ዛሬ ለመጠየቅ ስሄድ ደንብ የለውም እንዲ አይነት አሰራር የለም ይቅር ተብሏል ብለው ሰምቼ ነው። እኔም አትክፈል ጠብቅ ተብዬ ወጥቻለሁ። በተጨማሪም emergency fund, trust fund, red cross አሁን Etax system ላይ ገብተዋል ነገር ግን ለክፍያ active አይደሉም። እንደ በፊቱ በማንዋል (bank transfer) ብትከፍሉ ተቀባይነት አይኖረውም! ክፍያው በ tele birr ወይም ደራሽ ብቻ ነው። Etax ተጠቃሚ ካልሆናችሁ የonline ክፍያውን አትገደዱም። የተያያዘው ፎቶ ድርጅቱ የሰራው 164k የውስጥ ኦዲተር መነሻ የተከለው 2M ድርጅቱ መክፈል የሚጠበቅበት 18k ገቢዎች የሚጠብቀው ዝቅተኛ ክፍያ 50k ድርጅቱ በኳርተር የከፈለው ተቀናንሶ 50k - 14k= 35k ድርጅቱ አሁይ ይቀርብኛል ብሎ አምኖ የከፈለው= 18k 🔣 35k - 18k= 16k ገቢዎች ለሚጠብቀው ክፍያ የቀረ ግምት 16k ስለዚህ ድርጅቱ ባላተረፈው ትርፍ ልዩነት 16ሺህ እንዲከፍል ተወስኗል። (አሁን ይሄ አሰራር ቀርቷል ተብሏል) ስለዚህ ከዚህ በኋላ ኦዲት የምትደረጉ ወይም ለመክፈል የምትሄዱ ክፍያ ከመፈጸማችሁ በፊት ለምን በሉ ከሂሳብ ሰራተኛችሁና ኦዲተሩ ጋር ቁጭ ብላችሁ አሰሩ። በተቻለኝና በገባኝ ጽፌዋለሁ/ገልጬዋለሁ 🤔 ሂሳብ ስሌቱ ሌላ ስም ከተሰጠውም 🤷‍♂️ ብቻ ከመክፈላችሁ በፊት ክፈሉ የተባላችሁት ምን ምን እንደሆነ እና withholdings መቀነሱን እዩት በኳርተር የከፈላችሁትንም አስሉ 😉 መልካም ቀን 🙌

የራስ እጅ መጥኖ ያጎርሳል የሰው ጉርሻ ወይ ያንቃል ወይ ያንሳል ከቅጥር ሕይወቴ ከግማሽ በላይ የሚሆነው በዕርዳታ ድርጅት ውስጥ ነው ያለፈው:: ሆኖም ግን የዕርዳታ ሥራ ላይ ስሠማራ አታዩኝም:: ችግረኛን የሚያባዙት ዕርዳታ ሰጪዎች እንደሆኑ አምናለሁ:: የዕርዳታ ሥራ የሚሠሩ ሰዎች አይመቹኝም:: ደቾችን (የሆላንዶችን) የታደገ አንድ ፖሊሲ ልንገራችሁ:: የዋሴናር ስምምነት ይባላል:: በመ-ገንዘብ 2 መጽሓፍ አንስቸዋለሁ:: ሆላንድ በአደገኛ ወረርሽኝ ተጠቃች:: በሽታውም "Dutch Disease” በመባል ይታወቃል:: በቫይረስ ወይም ባክቴሪያ የሚተላለፍ ሳይሆን በጋዝ የሚመጣ መርገምት ነው:: በሽታውም የ1960ዎቹ የተፈጥሮ ጋዝ ግኝት ነበር:: ብዙ ሆላንዳውያን እንደ ጸጋ ቢቆጥሩትም ታላላቆች ግን የደች መጥፊያ እንደሆነ ገመቱ:: ሕዝቡ እስኪገባው ጋዙ በገፍ መውጣት ጀመረ:: ዶላር ጎረፈ:: ጋዝ እየሸጡ ስንዴና ዘይት መግዛት ቀላል ሆነ:: የሆላንድ ፋብሪካዎች እየከሰሩ መሄድ ጀመሩ:: መሃንዲስ ፈላጊ እያጣ መጣ:: ሌሎች ምሩቃንም ሥራ ማጣት ቀጠሉ:: ዶላር ግን መጉረፉን አላቆመም:: በጎን የሥራ አጥ ቁጥር እየጨመረና ምስቅልቅሉ እየተዛመተ ሄዶ ሀገር ልትፈርስ ሲሆን ጊዜ ነው በፖልደር ሞዴል እንዳን ያሉት:: ፖልደር ማለት ከባሕር ወለል በታች ያለ መሬት ነው:: መንግሥትም ሕዝብም እየተፎካከሩ መጥለቅለቅ ከመጣ ማንም አይተርፍም:: የጋዝ መውጣት በልክ ይሁንና ሌሎች ፋብሪካዎቻችን ይንቀሳቀሱ ብለው ወደ አቅላቸው ተመለሱ:: ይህ በሽታ አብዛኛውን የዐረብና የአፍሪካ ሀገራትን አጥቅቶ ለምስቅልቅል ዳርጎኣቸዋል:: እንደ ኮንጎ ሀብታም ድሃም የሌለው በዚህ በሽታ ምክንያት ነው:: የስዑድ ዐረብያው ንጉሥ ፈይሶል ልክ ነዳጅ እንደወጣላቸው የስንዴ እርሻ ውስጥ ገቡ:: ባገኙት ዶላር በመታገዝ ሀገሩን በእርሻ አንጣለሉት:: በረሃውን መቀየር ውስጥ ገቡ:: የአሜሪካው ሄነሪ ኪሲንጀር የስንዴ ክምር በመርከብ አምጥቶ አጥለቀለቀው:: ንጉሡ እምቢ አሉ:: "ነዳጁን ትጠጡት እንደሆነ እናያለን" ብሎ ተመናጭቆ የሄደበት ዶክመንት አይቼ ገረመኝ:: ስንዴ ካላመረትን በተውሶ ስንዴ መቼም ነጻ አንወጣም በሚል በጽኑ ቆሙ:: ብዙም ሳይቆዩ አሜሪካ ይኖር በነበረ ቤተሰባቸው አስ^ገደሉዋቸው:: እነሆ ባሪያ ሆነው ዙሪያቸውንም ባሪያ አድርገው ይኖራሉ:: እና በዕርዳታ ሥራ የተሰማራ ሰው እንደ ገ^ዳይ በሽታ ነው የማየው:: ችግርተኛስ አንዴ ቸግሮታል:: መፍትሔው ሥራ እንዴት እንደሚሠራ ማስተማር እንጂ ጉርስ መስጠት አይደለም:: በዚህ ዘመንማ ጭራሽ በቪዲዮ ያልታየ ምጽዋት እንደ ኪሳራ ይቆጠራል:: መረዳዳት ወይም ትብብር ጥሩ ነው:: ዕለታዊ ጉርሻ ግን ያጠፋ^ናል:: አጥፍቶናልም::

ጊዜ ኖሮኝ በፋይናንስ ጉዳይ ስንትና ስንት የሚብራሩ ነገሮች ነበሩ:: የወረቀት ፊያትን ማስረዳት ስጀምር ያለመጡ ነበሩ:: ያ ዘመን አልፎ የዲጂታል ሜታዳታ ተረከበ:: አሁን ቀጣዩ አንተ የማታዘው እርሱ ግን የሚያዝህ ሥርዓት እየተተከለ ነው:: እስከ 2030 ብዙ ነገር መጠናቀቅ አለበት ተብሎ aggressively እየተሠራ ነው:: ያኔ ገንዘቡ እኛ አናዘውም:: ያዘናል እንጂ:: ንብረት የያዘ ይመነዝራል:: ያልያዘ ያለው አማራጭ ሁለት ሦስት ቦታ እየተቀጠረ በክሬዲት ካርድ ዕድሜውን ቀጥሎ ለልጆቹ ተመሳሳይ ሕይወት ያወርሳል:: እንደ ግለሰብ ንብረት መያዣ ጥቂት ጊዜ ነው ያለው:: አንዳንድ እስላሞችና ሙስሊሞች እንድንከራከር ይፈልጉ ነበር:: የደላው ሙቅ ያኝካል ነው ነገሩ:: የሆነ ጊዜ የሙስሊሞች ቴሌዢዥኖች ፕሮግራም እንድናዘጋጅ ሲደውሉ ... ጉዳዩ ፕሮግራም የማሳመር ... ክፍተት የመሙላት ... ወይም አጉል የመወያየት አይደለም:: የነፍስ ወከፍ ግዴታ ነው:: አንዳንድ የዋሆች የዓብዱልቃዲር አመለካከት ይመስላቸዋል:: አዲስ ነገር እያወራሁ አይደለም:: ያለ እና እየኖርነው ያለነው ግን የተዘናጋንበት መሠረታዊ ጉዳይ ነው:: መዓት እያወራሁ, እየቃዠሁ, እያስጨነቅሁ አይደለም:: በቂ ጭንቀት ይዞናል:: ሮጠን የማንደርስበት ነገር ውስጥ ሳንገባ አንዘናጋ ለማለት ነው:: በእንጥልጥል የቀረ ንብረት ካለ ቶሎ አስከብር:: ልቀማ ብሎ የሚመጣ ካለም ፋ^ስህን ስለህ ጠብቅ:: አንዳንድ ጅ^ል የምር ፋ^ስ ሊስል ይችላል እኮ::

መ-ገንዘብ 2 የአዋቂዎቹ ማለት መ-ገንዘብ 1ን ያጠቃልላል:: የታዳጊዎቹ የተዘጋጀው ሌሎቹ ከበድ ስለሚሉ ነው:: ጃእፈር ጋር የገባው ሳያልቅ አይቀርም:: መኖሩን ቀድማችሁ ብትደውሉ መልካም ይመስለኛል:: ተጨማሪ ይታተም አይታተም ሲወሰን አሳውቃለሁ:: ስልኩ በኮሜንት

ኢምፖርት በዚህኛውም ዙር ወዲያው ሞልቷል:: የሚገርመኝ የሪፈራል ሰው ይበዛል:: ማለትም በጥቆማ የሚመጣ ... ከሌላ ስልጠናችን ዞሮ የሚገባ:: አቦ ሀብታም ያድርጋችሁ:: ከዚህ በፊት የሰለጠናችሁ ደግሞ የምንገናኝባቸው መድረኮች ይኖሩናል:: የኢምፖርት ሒሳብ ማስሊያ Microsoft Excel አሪፍ አድርጌ ሠርቸዋለሁ:: ትንሽ ማስተካከያ ይፈልግ ስለነበር ሰሞኑን እሱ ላይ ነበርኩ:: አስተካክዬ ጨረስኩ:: ምክንያቱም በሁሉም ሴናሪዮ ቼክ መደረግ እና ቀለል ማድረግ ይጠይቃል:: ለአንድ ኢምፖርት የሦስት ሀገራት መገበያዎች እና ሁለት ዓይነት ክፍያዎችን በቀላል አገላለጽ ማቀናጀት ቀላል አይደለም:: ደረሰኝ ያላቸው እና የሌላቸው ክፍያዎች አሉ:: ሁሌም ይኖራሉ:: እነዚህ ሁለቱም ወጪዎች ቴክኒካሊ የዕቃው አካል ናቸው:: ደረሰኝ ኖሮኣቸው እንኳ የማይያዙልን አሉ:: ከአየር መንገድ የበረራ ደረሰኝ ይዘህ ገቢዎች "የሄድከው ልትዝናና ቢሆንስ?" ሊልህ ይችላል:: ሁሉም ነጋዴ ደግሞ ወጪውን ሸፍኖ ማትረፍ ይፈልጋል:: አንድ አፕልኬሽን ሲዘጋጅ ሙሉ መስመሩን የሚያውቀው መሆን አለበት:: እራሴ ኢምፖርት ስለማደርግ, ድሮ የኢምፖርተሮችን ሒሳብ እስከ ኦዲት ክርክር ስለሄድኩበት አውቀዋለሁ:: እንዲህም ሆኖ የሚያመልጡኝ recent ጉዳዮች ስለሚኖሩ ለሌላ ታማኝ ባለሙያ አሻግራለሁ:: ገቢዎች በቲዎሪ ደረጃ ቀረጥ የሚያሰሉት በ CIF (Cost insurance freight) ቢሆንም ግን ትግበራው ላይ ግን ሌሎች ወጪዎችም አሉ:: ደረሰኙ አንድ ሆኖ ግን ለገቢዎች ኮስት እና ለጉምሩክ ቀረጥ ተብለው ለሁለት የሚሰነጠቁ ወጪዎች አሉ:: ለማንኛውም ለሰልጣኞቻችን ለድሮዎችም ጭምር እንልከዋለን:: ያልገባችሁ ምእመናን አንዴ እንገርበዋለን::

ፌስቡክ ላይ ሂዱበት https://www.facebook.com/share/19cJ6SeifV/?mibextid=wwXIfr

ሀጂ የደመወዝ መዳረሻ ከቴሌብር ብበደር ሀራም ይሆናል ወይ? -> መድረስ ከቻልክ ችግር የለውም:: ዋናው ትደርሳለህ ወይ ነው ነጥቡ:: ከ10 ዓመታት በላይ ስናገር ኖሬያለሁ:: ይህኛው የፋይናንስ ሲስተም ሲበዛ ጨካኝ ነው:: ከወለድ ነጻ ይመጣል ብለህ አትጠብቅ:: መቼም አይመጣም:: ትናንትና እንደማይመጣው:: ከመደበኛው ቢብስ እንጂ አይሻልም:: ስለዚህ ከደመወዝ መበደሩን እርሳው:: ጉዳዩ ቤት አስይዘህ ከንግድ ብትበደርም አትደርስበትም:: በዚህ ሦስት ዓመት እኔም አንተም ፈጥነን ንብረት እንያዝ:: የማይፈራ ዑለማእ ቢኖር ጥሩ ነበር:: አንዳንዶቹ ካንተ የባሰ ቸግሯቸው ጺም እና አማማ ለባንክ እያከራዩ ናቸው:: ጭራሽ ባንተ ድህነት ላይ ፎቅ ይገነባሉ:: ፑ! ደህና የምትላቸው ዑለሞች ደግሞ ትንሽ ትንፍሽ ቢሉ በጺም አከራዮቹ ይሰ^ደባሉ:: ስ^ድቡን አይችሉትም:: እኔም ቆዳዬ አደንድኜ ሰ^ዳቢዎችን ቦልኬ ነው የተቋቋምኩት:: በዚያኛው ፌስቡክ አካውንቴ እኮ 5K የሚደርስ ተቦላኪ አለ:: መቸም ደመወዝ መዳረሻ ጠየቅኸኝም አይደል? መንግሥት እያለልህ ከመሥሪያ ቤት ጓደኛም ይሁን ከዘመድ አትበደር:: ለግለሰቦች ነውርህን ትዘከዝካለህ:: ኢማን እና ታማኝነትህን አስይዘህ ነው የምትበደረው:: ደመወዝተኛ በነበርኩ ወቅት እንዴት እንደሚጨንቅ አውቀዋለሁ:: ቴሌብር ስለኢማንህ አያገባውም:: በሰከንዶች ያበድርሃል:: ነውርህን ይሸፍንልሃል:: ከዚህ አዙሪት ግን ቶሎ ውጣ:: ጊዜ የለንም:: ሲስተሙ እየቆለፈ እየመጣ ነው::

የኢትዮጵያ ባንኮችን ብድር ሢሦ የሚበደሩት አስር ሰዎች ናቸው:: የዓለም 75% ሀብት የተያዘው አስር ፐርሰንት በማይሞሉ ሰዎች ነው:: ይህ ለምን እንደሆነ በመ-ገንዘብ መጽሓፍ በደንብ ተብራርቷል:: እኔ ሲስተሙ ምን እንደሚመስል ከእነመፍትሔው ጽፌያለሁ:: ብዙ ጸሓፍትም ጽፈዋል:: ከየትኞቹ እንደምንሆን ውሳኔው የየግላችን ነው::

👆🏾👆🏾 እየሞላ ስለሆነ ግቡ ‘’IMPORT from A to Z’’ ለ 3 ቀናት ኅዳር 8 -10 ጠዋት ክፍያ: ቫትን ጨምሮ 13,800 ብር ACC. No. 1000762139646 HAB Management and Technologies መመዝገቢያ ሊንክ: በድርጅቱ ድረ-ገጽ www.hab.et/register ወይም 2. በቴሌግራም t.me/hab_management

በግል ሴቪንግ የሚንቀሳቀስ ምንጩ ያልታወቀ እንቅስቃሴ የባንክ ሲስተም Block እና Lock 🔒 እያደረገ ነው:: በዚህ ወቅት የገቢህ ምንጭ ከሁለት አቅጣጫ ብቻ እየሆነ ነው:: 1ኛ) ንግድ ፈቃድ አውጥቶ በደረሰኝ የገቡ ገቢዎች 2ኛ) ተቀጥሮ በደመወዝ እና አክሲዮን ገዝቶ በዲቪደንድ መልክ ነው የሚሆኑት ሌሎች ገቢዎች እንኳ ቋሚ ስላልሆኑ ብዙ ምድብ አናወጣላቸውም:: _____ በችርቻሮም ይሁን ጅምላ ንግድ ተሠማርታችሁ ግን ከኢምፖርተር የምትረከቡ ምእመናን የኢምፖርት ስልጠናው ይመለከታችሗል:: በ Less than Container Load (LCL) ሞድ ለምሳሌ 2 ሜትር ኪዩብ (CBM) መጫን ብጀምሩ ሲስተሙን ትለማመዱበታላችሁ:: (የተለያዩ መጠኖች ያሉዋቸው የመርከብ 🚢 ኮንቴይነሮች አሉ:: መደበኛዎቹን ብንወስድ ቮሊዩም ላላቸው እቃዎች ባለ68 ሜት ኪዩብ እና ለባለክብደት እቃ 28 ሜትር ኪዩብ በሚል ያዙት):: ስለዚህ በጣምራ አንዱን ሞልቶ ማምጣት ይቻላል:: ታዲያ አሁን ላይ ንግድ ፈቃድ የግድ ብሏል:: ባላችሁ ፈቃድ ላይ ኢምፖርት ታክሉበታላችሁ ከሌላችሁም ታወጣላችሁ:: ያው የራሱ ቅድመ ሁኔታዎች አሉት:: እንዴት እንደሚቀናጅ እና ፈቃድ እንዴት እንደሚወጣ ስልጠናዎቻችን ላይ አለ:: ሁሉንም በባለ ሙያ ነው:: Almost ሞልቶ ሊዘጋ ስለሆነ ግቡለት:: ዝርዝር በኮሜንት አለ:: ዊዝሆልድ የምትቆርጡ ተመዝጋቢዎች ቆርጣችሁ አስገቡና የዊዝሆልድ ደረሰኙን አምጡልን::

የባንክ ሒሳባችሁ ከታገደ ከንግድ ፈቃድ ጋር የተያያዘ ሊሆን ስለሚችል TIN እና የታደሰ ንግድ ፈቃድ ይዛችሁ የከፈታችሁበት ባንክ ሄዳችሁ ማስለቀቅ ትችላላችሁ:: ምክንያቱም ከንግድ ፈቃድ ጋር ያልተያያዙ የባንክ አካውንቶች ላይ ብሮች ሲዘዋወሩ ሲስተሙ እየዘጋ ነው:: ቀጣይ አቅጣጫ የራስን እድል በራስ መወሰን እስከ መቀጠር የሚል ነው:: የቀጣሪነት ወይም የተቀጣሪነት እድላችሁን እራሳችሁ ናችሁ የምትወስኑት:: መቼለት ቴሌግራም "ቀጣሪ ወይስ ተቀጣሪ?" Live ፕሮግራሜ ይህንን የተመለከተ ነበር:: የባንኩንም አንስቼዋለሁ:: ወይ ድርጅት ከፍተህ ቀጣሪ ትሆንና እያንዳንዱ እንቅስቃሴህ በደረሰኝ ይሆናል ወይ ተቀጣሪ ሆነህ ገቢህ በፔይሮል ይሆናል:: (መ-ገንዘብ 2 ስለዚህ ጉዳይ ነው የሚያወራው)::