Hasen Injamo

ይልቃል ጌትነት በሰማያዊ ፓርቲ ይሁን በግራጫ ፓርቲ ምክንያት ታስሮ የረሃብ አድማ መታ:: ከዚያ ሊሞት ሲል ፕሮፌሰር መስፍን ወልደማርያም በነፍሱ ደረሱና:- ይልቅስ ይልቃል አሉት ... ድፍን ሀገሩ ረሃብተኛ በሆነበት ሀገር የረሃብ አድማ ብትመታ መሳቂያ ነው የምትሆነው:: ዜና እንድትሆን ከፈለግህ የጥጋብ አድማ መተህ ሰውነትህ መለስ ብሎልህ ስትወዛ እነተፈራ ዋልዋ እነደብረ ጽዮን እርሱ ይፈታና እኛን እሰሩን ብለው እጣ ይጣጣሉብሃል ብለውት መብላት ጀመረ ይባላል:: ብቻ ስጋ ያለመብላት አድማ የጠሩት የኤአይ በሬዎችና ጅቦች ይሆኑ እንዴ? ዛሬ በሄድኩበት ሁሉ ኤስ ኤች ዩ RO ሆነብኝ::

ሁሉንም ፈትኑ:: የተመቻችሁን ያዙ:: ===== 1. ኤቲስት (Atheist - ኢ-አማኝ) አመለካከት: "አምላክ ወይም ፈጣሪ የለም" ብሎ ያምናል። መግለጫ: ማንኛውንም የተፈጥሮ በላይ ኃይል ወይም አምላክ አይቀበልም። የዓለምን መፈጠር እና መንቀሳቀስ በተፈጥሮ ሕጎች እና በሳይንሳዊ መረጃዎች ብቻ ይረዳል:: 2. ቴይስት (Theist - አምላክ አምላኪ / አማኝ) አመለካከት: "ዓለምን የፈጠረ እና አሁንም የሚመራ አምላክ አለ" ብሎ ያምናል። መግለጫ: አምላክ ከፍጥረቱ ጋር ቀጥተኛ ግንኙነት አለው (ጸሎት ይሰማል፣ ተአምራትን ያደርጋል፣ ነቢያትን ይልካል) ብሎ ያምናል። 3. አግኖስቲክ (Agnostic - ተጠራጣሪ / ያልወሰነ) አመለካከት: "የአምላክ መኖር ወይም አለመኖር በሰው ልጅ አእምሮ ሊታወቅ አይችልም" ይላል። መግለጫ: አምላክ ለመኖሩም ሆነ ላለመኖሩ በቂ እና አሳማኝ ማስረጃ የለም ብሎ ስለሚያስብ "አምላክ አለ" ወይም "የለም" ብሎ እርግጠኛ ከመሆን ይቆጠባል። 4. ዲይስት (Deist - የተፈጥሮ አምላክ አማኝ) አመለካከት: "አምላክ ዓለምን ፈጥሯል፤ ነገር ግን አሁን ጣልቃ አይገባም" ብሎ ያምናል። መግለጫ: ፈጣሪ ዓለምን እና የተፈጥሮ ሕጎችን ፈጥሮ እንደ ሰዓት ካስኬደ በኋላ ትቷታል። ጸሎት፣ ተአምራት ወይም ሃይማኖታዊ መጻሕፍት አያስፈልጉም ብሎ ያምናል። 5. ፓንቴይስት (Pantheist - ተፈጥሮ-አምላኪ) አመለካከት: "ዓለም/ተፈጥሮ እና አምላክ አንድ ናቸው" ብሎ ያምናል። መግለጫ: አምላክ ከዓለም ተለይቶ የሚኖር አካል ሳይሆን፣ አጽናፈ ዓለም (Universe) እና ተፈጥሮ በሙሉ እራሱ አምላክ ነው ብሎ ያምናል። 6. ሚሶቴይስት (Misotheist - አምላክ ጠሊ) አመለካከት: "አምላክ አለ፤ ነገር ግን ክፉ/ጨካኝ ስለሆነ እጠላዋለሁ" ይላል። መግለጫ: በአለም ላይ ያለውን መከራ እና ስቃይ በማየት አምላክ እንዳለ ቢያምንም፣ አምላክን እንደ አፍቃሪ ሳይሆን እንደ ጨካኝ ወይም ኢ-ፍትሐዊ አካል አድርጎ ይመለከተዋል፤ ስለዚህም ይጠላዋል። 7. ሄኖቴይስት (Henotheist - ከአንድ በላይ አማልክት ባሉበት አንዱን አብልጦ አምላኪ) አመለካከት: "ብዙ አማልክት እንዳሉ ይቀበላል፤ ነገር ግን አንዱን ዋና አምላክ አድርጎ ያመልካል"። መግለጫ: የሌሎችን አማልክት ህልውና ሳይክድ፣ ለእሱ ወይም ለወገኑ ግን አንዱን የተወሰነ አምላክ ብቻ የላቀ አድርጎ ያመልካል። 8. ፖሊቴይስት (Polytheist - ብዙ-አማልክት አምላኪ) አመለካከት: "ከአንድ በላይ የሆኑ ብዙ አማልክት አሉ" ብሎ ያምናል። መግለጫ: እያንዳንዱ አምላክ የየራሱ የኃይል ወይም የተፈጥሮ ክፍል (የዝናብ፣ የፀሐይ፣ የጦርነት አምላክ...) አለው ብሎ ያምናል። (ለምሳሌ፦ የጥንታዊ ግሪክ እና ሮማውያን እምነት)። 9. ሞኖቴይስት (Monotheist - አንድ-አምላክ አምላኪ) አመለካከት: "በእውነት ያለ እና የሚመለክ አምላክ አንድ ብቻ ነው" ብሎ ያምናል። መግለጫ: ከእሱ ውጭ ያሉ አማልክትን በሙሉ የሉም ወይም ሀሰተኛ ናቸው ብሎ ይኖራል። 10. ፓነንቴይስት (Panentheist - አምላክ በተፈጥሮ ውስጥ እና ከዚያም በላይ) አመለካከት: "ዓለም በአምላክ ተከቦ ይኖራል፤ ነገር ግን አምላክ ከዓለም ይበልጣል" ብሎ ያምናል። መግለጫ: ተፈጥሮ የአምላክ አካል ቢሆንም፤ ግን አምላክ ከፍጡራኑ እና ከአጽናፈ ዓለም ወሰን በላይ የሆነ የራሱ ህልውና አለው ብሎ ያምናል። (ወሃb እዚህ ግድም ይመደባል) 11. ኦቶቴይስት (Autotheist - እራስ-አምላኪ) አመለካከት: "እራሴ ወይም የሰው ልጅ እራሱ አምላክ ነው" ብሎ ያምናል። መግለጫ: ከውጭ የሚጠበቅ መንፈሳዊ ኃይል የለም፤ የሰው ልጅ የራሱ ህይወት፣ እጣ ፈንታ እና መንፈሳዊነት የበላይ ገዢ እራሱ ነው የሚል አስተሳሰብ ነው። 12. ዲስቴይስት (Dystheist - አምላክ ሙሉ በሙሉ መልካም አይደለም) አመለካከት: "አምላክ አለ፤ ነገር ግን ሙሉ በሙሉ ቸር/መልካም አይደለም" ብሎ ያምናል። መግለጫ: አምላክ ፍጹም መልካም እንዳልሆነ እና አንዳንዴም ክፉ ወይም ግራ የሚያጋባ ባህሪ ሊኖረው እንደሚችል እንደ ፍልስፍናዊ እውነታ ይቀበላል። 13. ኢግኖስቲክ (Ignostic - የትርጉም ጥያቄ አቅራቢ) አመለካከት: "'አምላክ' የሚለው ቃል ግልጽ የሆነ ትርጉም ስለሌለው ስለ እሱ መከራከር ትርጉም የለውም" ይላል። መግለጫ: አምላክ አለ ወይም የለም ብሎ ከመከራከር በፊት "ለመሆኑ አምላክ ማለት ምን ማለት ነው?" የሚለው ትርጉም በግልጽ ካልተበየነ በቀር ውይይቱ ፍሬ አልባ ነው ብሎ ያምናል። 14. አፓቴይስት (Apatheist - ደንታ-ቢስ) አመለካከት: "አምላክ ቢኖርም ባይኖርም ለእኔ ምንም አያግደኝም/አያስጨንቀኝም" ይላል። መግለጫ: የአምላክ መኖር ወይም አለመኖር በሰው ልጅ እለታዊ ህይወት ላይ ምንም የሚያመጣው ለውጥ የለም ብሎ ስለሚያስብ ስለ ጉዳዩ ማሰብም ሆነ መከራከር አይፈልግም።

<<በቤት ኪራይ ተሰቃየን:: መሄጃ አጣን:: እሺ መሬት ስጡን:: አዲሱ ትውልድ የት እንግባ>> እያለች ታለቅሳለች:: ይህ የሚሊዮኖች ኢትዮጵያውያን ጥያቄ ነው:: 1968 ላይ መሬት ላራሹ ተብሎ አዋጅ ታውጆ ትውልዱ መሬት አገኘ:: ከዚያ ወዲህ መሬት የሚባል ነገር አልተሰጠም:: መንግሥት መሬትን የሚያህል ሀብት አንቆ ይዞ ሊደባ^ደብ የሚሄደው የግለሰብ አከራዮች ጋር ነው:: መንግሥት ብር, መሬት, ቀረጥ, ሕግ ሁላ ይዞ ያልቻለውን መንግሥታዊ ሪል ኢስቴት ማለትም ኮንዶሚኒየም ሳይሰጥ... የግል አልሚዎች ካላሟላችሁ ይላል:: መንግሥት መሬትን በአግባቡ ማደል ሲገባው በሊዝ ያከራያል:: ትውልዱ ይሰቃያል:: ቢቸግራቸው ተሰደው ለፍተው መጥተው የወጠሩትንም ላስቲክ ያፈርሱባቸዋል:: መንግሥት መሬት ይስጥ, ኮንዶሚኒየም ይገንባ, የግሎችም የተረፈውን ይሸፍኑ:: በዋለ ባደረ ቁጥር ትውልዱ እየጨመረ የቤት ግንባታ ባለበት ቆሞ ወይም ቀንሶ እንዴት ሊጣጣም ይችላል? መጠለያ መሠረታዊ ፍላጎት ስለሆነ ወደድንም ጠላንም አብዮት ያስነሳል:: ምግብ መሠረታዊ ስለሆነ አብዮት ያስነሳል::

በመደበኛ ባንክ እና በወለድ በነጻው ባንክ መሃል ያለው መሠረታዊ ልዩነት ስጋትን (Risk)ን መጋራት ነው:: መደበኛውና ለዘመናት የምናውቀው ባንክ በተወሰነ መልኩ ስጋት (risk) ይጋራል:: ለቆጣቢ መጠነኛ የግሽበት ማካካሻ ይሰጣል:: ከተበዳሪም በኩል ያልሠሩበትን ዘመን ትርፍ አያስከፍልም:: ውሉም ግልጽ ነው:: ወለድ በነጻው ግን በፍጹም ስጋት (Risk) አይጋራም:: ቆጣቢ ብር በነጻ ያመጣል:: ተበዳሪም "የተሸጠ ዕቃ አይመለስም" በሚል አሠራር ያልሠራበትን ዘመን ትርፍ ይከፍላል:: ባንኩ ብር ማከራየቱን ባላየ ለማለፍ ሲሚንቶ ወይም ብረት ልግዛልህ ይላል:: ከደሃ ቆጣቢ ደግሞ ሲሚንቶ ቆጥቡ ... ብረት ቆጥቡ አይልም:: አታሎ በነጻ ይቀበልና በትርፍ ያበድራል:: ውሉ እጅግ የተቀሸበና ግልጽነት የጎደላቸው አናቅጽ አሉበት:: ብዙ ውሎች እጄ ላይ ስላሉ ነው:: የኢስላም ሕግጋትን በጽኑ ይጻረራሉ:: ባንኩ በመደበኛው አሠራር ሲጋራቸው የነበሩ ስጋቶችን (Risks) ከራሱ ላይ ሲያሸሽ ወለድ በነጻ ይሆናል:: በነገራችን ላይ ከቲዎሪው በተቃራኒው ነው:: ሙዷረባን እንዴት 180 ዲግሪ እንደገለበጡት ፊያት መገበያያና ወለድ መጽሓፍ ላይ በዝርዝር አለላችሁ::

ለፋይናንስ ሲስተሙ ግማሽ መንገድ (50%) ለመጓዝ ቤት መግዛት ነው ተባብለናል:: ታዲያ ቤት ስትገዙ ሁለት ነገሮች መሟላታቸውን ከግምት አስገቡ:: አንደኛው ዲጂታል ካርታ መያዙን ሲሆን ሁለተኛው ደግሞ ካርታው የያዘው ማነው? የሚለው ነው:: ባለይዞታው አሁናዊ የትዳር ሁኔታው ወሳኝ ነው:: ተፋተው ወዲያው ያላገባ ሊያወጡ ይችላሉ:: የንብረት ክፍፍል ውሳኔ ከነአፈጻጸሙ ካልያዙ ዱዲ መክፈል አያስፈልግም:: እዚሁ ጋር የእዳ, ዋስትናና እግድ ጉዳዮች ይታያሉ:: ከእነዚህ ሁሉ ጽድት ያለ ካላገኘህ መክፈልህ ቤት አለኝ አያስብልህም:: ለሪል ኢስቴት ቀብድ ከከፈልክ ቤት ሳይሆን ኢንቨስትመንት ነው:: በአንዴ ከምከፍል እየሠራሁ ቤት ይኑረኝ ዐይነት ነገር ነው:: ታማኝ አልሚ ካገኘህ እድለኛ ነህ:: በሒደት ቤት ይኖርሃል:: ካላገኘህ ግን በርቶብሃል:: ሿሿ ላይ ነህ:: ውሱን ጥሩ አልሚዎች አሉ:: እነርሱም በሚወጡ ሕጎችና መመሪያዎች ሊወላከፉ ይችላሉ:: ገንብተው ካርታ ለመበተን ቢያንስ የውስጥ ፓርቲሽን መጨረስ አለባቸው:: ለየቤቱ ስም ለማዞር በርና መስኮት ገጥመው የመጠቀሚያ ፈቃድ አውጥተው ከገቢዎች ክሊራንስ መጨረስ አለባቸው:: ምሳሌ:- አንድ ሕንጻ 60 ቤቶች ቢኖሩት 60 ሽንሽን ካርታ እና 60 የገቢዎች ክሊራንስ ይኖሩታል:: ክሊራንሱ የሚያገለግለው ለሦስት ወራት ብቻ ነው:: ባንኮች የሚሰሙህ ዲጂታል ካርታ ስትይዝ ብቻ ነው:: ቤቱ የሌላ ሰው ከሆነ የብድር ዋስ ሊሆንህ ይችላል:: እናልህ ካርታ የሌለው ስቴዲዮም አለኝ ከምትል ሰነዱ ጽድት ያለ ስቱዲዮ ይሻልሃል:: የሀብታምነት ጉዞ ላይ 50% ደርሰሃል:: ቀሪው ንግድ ፈቃድ አውጥቶ ቢዝነስ መሥራት ነው:: (መ-ገንዘብ 2 እና 3 ይህንን ያስረዳሉ)::

አሁን በቅርብ ያለው ስልጠና ይህ ብቻ ነው:: ኢምፖርት ግን እናሳውቃለን::

''Finance for Non-Finance Managers'' ለ 3 ቀናት ጥቅምት 10, 11 እና 12 ጠዋት ክፍያ: ቫትን ጨምሮ 13,800 ብር ACC. No. 1000762139646 HAB Management and Technologies መመዝገቢያ ሊንክ: 1. በድርጅቱ ድረ-ገጽ www.hab.et/register ወይም 2. በቴሌግራም t.me/hab_management 3. 🤳 +251990555599

''Finance for Non-Finance Managers'' ለ 3 ቀናት ጥቅምት 10, 11 እና 12 ጠዋት ክፍያ: ቫትን ጨምሮ 13,800 ብር ACC. No. 1000762139646 HAB Management and Technologies መመዝገቢያ ሊንክ: በድርጅቱ ድረ-ገጽ www.hab.et/register ወይም 2. በቴሌግራም t.me/hab_management 🤳 +251990555599

ከስልጠና ወደ ስልጠና ያለረፍት እየተጓዝን ነው:: ከሁሉም የሚገርመው 5 የተለያዩ ዓይነት ስልጠናዎችን አዘጋጅተን ቢያንስ ሦስቱን የተሳተፉ ብዙ ናቸው:: አምስቱንም የወሰዱ አሉ:: ሳናውቀው ለካ ብዙ ቤተሰብ አለን:: ደስ ይላል:: ይህኛው ፎቶ ከትናንትና ወዲያ ሐሙስ የተጠናቀቀው የኢምፖርት ስልጠና ነው:: የኢምፖርት ይቀጥላል:: የትራንዚቱን በትራንዚተር ብቻ ሳይሆን ጉምሩክ በሠሩና በቂ ስልጠና ባላቸው አሰልጣኞች ... የውጭ ምንዛሪ ላይ ምርጥ በሚባሉ ባንኮች የ International Banking Divisions ባለሙያዎችን ... የ Single windowsም እንደዚያው በባለሙያ ... የቻይናውም ከቻይና Live እንገባለን:: ሌላውም በሚመለከተው ክፍል ነው የሚሰጠው:: ዳሸን ባንኮች ገራሚ ስልጠና ነው የሰጡልን:: አንድ እርምጃ የቀደመ ስልጠና:: _ Finance for non-financial managers የሚል ስልጠና የፊታችን ማክሰኞ, ረቡዕና ሐሙስ የሦስት ግማሽ ግማሽ ቀናት ስልጠና አለ:: ምዝገባ መጨረሻው ቀን ላይ ነን:: ቦታ አዲስ አበባ አፍሪካ ሕብረት አካባቢ በአካል ብቻ

መ-ገንዘብ መጽሓፍ ከፍሎ በወቅቱ አድራሻ በትክክል ጽፎ ያልተላከለት ያለ አይመስለኝም:: እስካሁን ያልደረሰው ምእመን - ወይ ፖስታ ቤቶች ሲደውሉ ስልኩ ዝግ የሆነ - ወይ ወትሮም አድራሻ ያልሞላና ዘግይቶ ሰጥቶን ፕሮሰስ ላይ ያለ - ወይ ከነጥራሹኑ ያልሰጠን - ወይ Bot ላይ ሲሞላ የሆነ ለተወሰነ ሰዓታት ክራሽ ያደረገ ወቅት ነበር:: ያኔ ሞልቶ ሳይደርሰን የቀረ:: ቢሆንም ቢሆንም 99% ፐርሰንት በላይ ለከፈለ አድርሻለሁ:: የቀረ ምእመን በክብር የማድረስ ውዴታ አለብኝ:: መጨረሻ ላይ አድራሻ ሰጥታችሁኝ ያልተላከ እጅግ few የሚባል ሰው አለ:: አጣራና በቅርቡ እልካለሁ:: ማጣሪያው ነው የሚያደክመው:: እንዳያመናጭቁዋችሁ እኔው እራሴው ነኝ የማስተናግደው:: ያልገዛ ግን ጃእፈር ጋር

መኖሪያ ቤት ከምትገዛ በብሩ ነግድበትና በትርፉ ቤት ትገዛለህ ይባል ነበር:: በወቅቱ ስህተት ላይሆን ይችላል:: ምክንያቱም ግሽበት ብዙም ስላልተስፋፋ የእቃ ይሁን የቤት ዋጋ ጭማሪ ብዙም አይራመድም ነበር:: አሁን ግን ተቃራኒው ነው ያለው:: ስለዚህ አሁን ደግሞ እጅህ ላይ ባለው ብር ቤት ትገዛና ቤቱን አስይዘህ በሞኝ የቁጠባ ብር ትነግዳለህ:: ይህ ሲባል ከሰው ሰው ይለያያል:: ሥራህ ፈጣን ትርፍ የሚያመጣበት ወቅት ላይ ከሆንክ ንግድህን አጧጡፍ:: ግን ቤት ለመግዛት አትዘግይ:: ምክንያቱም ከባንክ የመጀመሪያውን ብድር ለማግኘት ያለው ውጣ ውረድ ቀላል አይደለም:: ከዚያ ግን የሞባይል ካርድ መሙላት በለው:: ቤት ግዛ ስልህ ደግሞ አደራ:: ዲጂታል ካርታ የያዘና የባለቤትነት ችግር የሌለበት ማለትም ባለትዳሮች የተስማሙበት እና የውርስ ችግር የሌለበት ይሁን:: ይሄ ሪል ኢስቴት ላይ ቀብድ ከፍሎ ቁጭ ማለት ክሪፕቶከረንሲ ላይ የሆነ ብር ቀርቅረህ የሚሆነውን እንደመጠባበቅ ነው:: እርሱን ታማኝ ገንቢ ካገኘህ እና እንደ ኢንቨስትመንት ከቆጠርከው ጥሩ ሊሆን ይችላል:: ቀስ እያልክ ቤት ይኖርሃል:: ይህኛው ባንዴ መግዛት ለማይችል እና ባወጣው ያውጣው ለሚል ነው:: እርሱን አላልኩም:: እኔ እያወራሁ ያለሁት ስለፋይናንስ እና ታክስ አድቫንቴጅ ነው:: አስማት የሚመስለውን የእድገት ምሥጢርን ነው:: ጅብ ግልቢያ ሁሁይ የለውም:: Pure ማትስ ነው:: በራስህ ንጹሕ ብር ግንባታውም ሰነዱም የተጠናቀቀ ቤት ትገዛና ብሩን በንግድ ፈቃድህ በኩል ትስበዋለህ:: ይህንን multiply ✖️ ማድረግ ነው:: መኪና አስቀድሞ መሯሯጥ የሚመርጥ ይኖራል:: ይህም ስህተት ላይሆን ይችላል:: የፋይናንስ ሥርዓቱ መቆሚያ ሁለቱ እግሮች ኢንተረስና ታክስ ናቸው:: እነርሱን ነው የምታጫውተው::

የግብርና ባንክ በቅርቡ እንደሚቋቋም ሰምተናል:: በጣኣኣኣኣም ደስ ይላል:: እኔ ላቋቁመው ሳይሆን ላስቋቁመው ብዙ ወትውቻለሁ:: ምክንያቱም በግለሰብ ደረጃ የሚቋቋም ተራ ባንክ አይደለም:: እጅግ በጣም ግዙፍ እና ሀብታም ባንክ ስለሆነ ብዙ ዝግጅት የሚፈልግ ነው:: መንግሥት ቀድሞም አስቦበት ይሆናል አላውቅም:: እንደዚያ ነው ብለን እናስብ:: የእኔ አካሄድ የሚመለከታቸው የመንግሥት ቢሮዎች በአንክሮ እንዲመለከቱት ማድረግ በመሆኑ ቀዳማይ ታርጌቴ አዲስ አበባ ዩኒቨርሲቲ እና የመንግሥት ሚዲያ አደረግሁ:: አዲስ አበባ ዩኒቨርሲቲ ያስፈለገው ካሪኩለም እንዲያሻሽል ሲሆን የመንግሥት ሚዲያ ደግሞ ስለባንኩ ምንነት እንዲያስረዳ ነበር:: ለዚህም ETVን በተለይ ጋዜጠኛ አብርሃምና የዝግጅት ክፍሎችን አመሰግናለሁ:: ቀጣይ የነበረው የግብርና ሚኒስቴር እና ብሔራዊ ባንክ ነበሩ:: ለዚህም Concept note አዘጋጅቼ ሞቅ ያለ ፕሮግራም ልናዘጋጅ ሰነዶቹን ልኬ ነበር:: ችግሩ ስሜን አልጽፍበትም:: ማንም ይጀምረው ማን ዋናው መጀመሩ ነው:: እኔ በሠራሁት ጥናት ግብርና ባንክ በጣም ሀብታም ባንክ ነው:: ምክንያቱም የሀብቱ ምንጭ ፊያት ሳይሆን ምርት ነው:: ማእድናትም ጭምር ስከሚያካልል ንግድ ባንኮች የውጭ ምንዛሪ የሚለምኑት ከግብርና ባንክ ነው:: ፔፐሩን ከፈለጋችሁ በኮሜንት አለላችሁ:: ሙሉ ፔፐር 👇🏼👇🏼👇🏼 https://etd.aau.edu.et/server/api/core/bitstreams/d2a9e377-3330-48ac-9ea5-b4b0593b8820/content 👇🏼👇🏼👇🏼ከጆርናል www.ijmdrr.com/admin/downloads/070820234.pdf

የኢትዮጵያ ብሔራዊ ባንክ CBDC እጀምራለሁ ብሏል:: CBDC ምንድነው? ከንግድ ባንክ ዲጂታል መገበያያ በምን ይለያል? ይህንን ነጥብ ለታዳጊዎች በሚገባ ቋንቋ ሳይቀር ጽፌዋለሁ:: ለልጆች በሚገባ መልኩ መጻፍ ይከብድ ነበር:: ያው ግን ተወጥቼዋለሁ:: በአዋቂዎችም በታዳጊዎችም መጽሓፍ ውስጥ አለላችሁ:: የገዛችሁ ሰዎች መልሳችሁ ገርቡት:: BRICS ደግሞ እንደ መገበያያ ያስቀመጠው ወርቅ የደገፈው CBDC ነው:: ብሪክስ ግብይቱ ከንግድ ባንክ ይልቅ ብሔራዊ ባንክ ጋር ይሆናል:: ብሔራዊ ባንክ ከወርቅ ጋር ትስስር አለ:: ብሪክስም ከእኛ ጋር የምትዋዋሉት በባዶ ፊያት ሳይሆን ወርቅ ጋር የተደገፈ ሲቢዲሲ ይሁን ብለዋል:: እኛም ወርቅን ማንጠር ጀምረናል:: ብቻ ደስ የሚል ነገር ይታየኛል:: ያድርገው:: ስለግብርና ባንክ ስሰማ ደግሞ በደስታ እንባዬ ነው የመጣው:: በትክክል የሚተገበር ያድርገው::

የግብርና ባንክ በሦስት ወራት ውስጥ ይጀመራል የሚል ዜና Capital መጽሔት ላይ አነበብኩ:: Congratulations 🎈🎉🍾 ========= የቻይና ግብርና ባንክ ባየሁ እና በተጠቀምሁ ቁጥር ሀገሬ ላይ እንደሚኖረን እመኝ ነበር:: ይልቅስ የአዲስ አበባ ዩኒቨርሲቲ ፔፐሬም በዚሁ ላይ ነው:: ፔፐሩም ከጋዜጠኛ አብርሃም ታደሰ ጋር በተከታታይነት አቅርበነዋል:: የባንኩ ሠራተኞች ዝግጅት በተመለከት ተጨማሪ ባለሙያ ከአዲስ አበባ ዩኒቨርሲቲ ጋብዤ በETV አቅርበነዋል:: በመጽሓፎቼም ርዕስ ሰጥቼ የዕድገታችን የመፍትኄ አካል አድርጌ ሠርቼዋለሁ:: ልዩ ትኩረት ከሰጠሗቸው ጉዳዮች ግብርና ባንክ ከበፊተኞቹ ነው:: መንግሥት ትኩረት ሰጥቶ ለመጀመር መድረሱ የተሰማኝ ደስታ ወደር የለውም:: ፎቶ:- ቻይና ከ Agricultural Bank of China (ABC) ፊትለፊት

ሆድህ ሲበዛ ጾታህ ይቀያየራል:: (ዋናው ፖስቱ ግን ይህ አይደለም)::

ብዙ ቢዝነስማኖች እና ውማኖች የተዝረከረከ ድርጅታቸውን ሲስተም እንዳሲዝላቸው ይጠይቁኛል:: -> መጀመሪያ ረጅምምም የተዝረከረከ ሳቅ እስቃለሁ:: ፖለቲካውና የሕግ ሥርዓቱ ሥርዓት ባልያዘበት ሀገር እንደውም እብ^ድ የዘገነው በሶ ማስመሰል ነው እንጂ የምን ሲስተም መዘርጋት አመጣህ? ጨበጥ አድርገው:: ወንድሜ ከቻልክ አሮጌና አዲስ ሁለት ዓይነት መኪና ግዛ:: ትራፊኮችን ከፈራህ ገመቺሱን ይዘህ ውጣ:: መብራት ብትጥስ እንኳ አያስቆሙህም:: አሮጌ ከያዝክ እኮ ይቀምሉታል አይገልጸውም:: ዝንጀሮ እንኳ ልጇን እንዲህ አትቀምልም:: የሱሪ ቀበቶ አላሰርክም ብለው ሊከሱህ ይችላሉ:: Well, አጋቾችን ከፈራህ ደግሞ አሮጌውን ይዘህ ውጣ:: ኑሮ በዘዴ (ኢኮኖሚክስ) እንዲህ ነው:: ሐቀኛ ግብር ከፋይ ሁን:: ግን የሽልማት ቀን ተወካይ ወይም ጥበቃህን ላክ:: የከፈልከውን ታክስ ለዴሲማል 0.3 ሲያካፍሉት ሽያጭህ ጋር ይደርሳሉ:: ይህ እኮ ደረሰኝ የቆረጠለት ነው:: ያልቆረጠለት አምስት እጥፍ እንቅስቃሴ አለው ብለው አዋክበው በቀጣይ ዓመት አጭ^በርባሪ ተብለህ ልትቆለመም ትችላለህ:: ቢሆንም ቢሆንም ሥርዓት የያዘ ድርጅት ከፈለጋችሁ ሁለት ይኑራችሁ:: አንደኛው ዘመኑን እየዋጀ በመዋቅር ይሂድ:: ነባሩ እንደ ካራቺና ሌጎስ ባለበት ትቶ አቡጃና ኢስላማባድ መመሥረት ነው:: ____ እንዲህ እንዲህ ያሉ የኑሮ በዘዴ ትምህርቶችን ከፈለጋችሁ AK ዓርባ ሰባት ላይ የዱዓ ይዛችሁ ብቅ በሉ::

አሚርነት መጣሁልሽ

መሪ ስትሆን ሕዝቡን አንድ የሚያደርግ ባለሥልጣን ስታገኝ አባርረው:: በጥሩ ቀርቶ በመጥፎ ካስተባበረ ጠላ-ትህ ነው:: የትራንስፖርትና ሎጂስቲክስ ሚኒስቴር ምእመኑን በአንድ የተቃውሞ አጀንዳ ሲያሰልፍ ነው የቆየው:: ምሳሌ:- ታርጋ ሁሉንም ሾፌር ይመለከታል:: ስለዚህ የማይተባበር የለም:: So divide and mis-rule (ቸርችረህ ሽጠው) ነው የሚተገበረው:: ቅድሚያ የቤት መኪና ብቻ ቢል ... ምእመኑ በብሔ^ር ማለቴ በታርጋ ተከፋፍሎ አይተባበርም ነበር:: ከዚያ ዓመት ጠብቆ ታክሲ ብቻ ይቀይር ይላል:: ጫጫታ ሲነሳ ነዳጅ ተደጎመ ብሎ 80 ሳንቲም ይቀንሳል:: ወር ጠብቆ 60 ሳንቲም ይቀንስና ከሁለት ወር በሗላ 4 ብር ጨምሮ ያካክሳል::