ያሬዳውያን

🍀🍀🍀🍀🍀 መዝሙር ዘሰንበት 🌼🌼🌼🌼🌼 ሃሌ ሉያ ይሠጠዎ ወይሰምዖ ጸሎቶ፤ ለኩሉ ዘሰአሎ፤ እግዚአ ለሰንበት አምላከ ምሕረት ፤ማ፦ ያርኁ ክረምት በበዓመት፤ ይሰምዑ ቃሎ ደመናት አመላለስ፦ ያርኁ ክረምት በበዓመት/2/ ይሰምዑ ቃሎ ደመናት/4/ 👇👇👇👇👇🇪🇹 👉@EOTCmahlet👈 👉@EOTCmahlet👈 👉@EOTCmahlet👈 🇪🇹👆👆👆👆👆👆🇪🇹 @EOTCmahlet #ይቀላቀሉ & #ለወዳጅዎ_ሼር_ያርጉ

💠💠💠💠💠💠💠💠💠💠💠💠💠 ሥርዓተ ማኅሌት ዘሐምሌ ሥላሴ 🍀🍀🍀🍀🍀🍀🍀🍀🍀🍀🍀🍀🍀🍀 ሥርዓተ ነግሥ ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገአርየ፡ ሃሌ ሉያ ሃሌ ሉያ፡ ወኢትሚጥ ገጸከ እምኔየ፡ በዕለተ ምንዳቤየ አጽምእ እዝነከ ኀቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። @EOTCmahlet ነግሥ ሰላም ለአብ ዘእምቅድመ ዓለም ነጋሢ: ለወልድ ሰላም ሥጋ ማርያም ለባሲ: ለመንፈስ ቅዱስ ሰላም ኃጢአተ ዓለም ደምሳሲ: ኃይልየ ሥላሴ ወፀወንየ ሥላሴ: በስመ ሥላሴ እቀጠቅጥ ከይሴ። @EOTCmahlet ዚቅ አምላክነሰ ኃይልነ አምላክነሰ ፀወንነ: አምላከ አሕዛብ ዕብነ ወዕፀ ኪነት ኢኮነ። @EOTCmahlet @EOTCmahlet መልክአ ሚካኤል ሰላም ለአጽፋረ እግርከ ፍናዋተ ረድኤት በተኃልፎ: ዘኢተዳደቆን እብነ አዕቅፎ: ሚካኤል ቀዳሲ ትሥልስተ አካላት በኢያዕርፎ: ኢትኅድገኒ በዓለም እስመ ኪያከ እሴፎ: አልቦ ብእሲ ዘየኀድግ ሱታፎ፡፡ @EOTCmahlet ዚቅ ቅዱስ ቅዱስ ቅዱስ እግዚአብሔር: ዘይሴባሕ እምትጉሃን: ወይትቄደስ እምቅዱሳን፡፡ @EOTCmahlet @EOTCmahlet ማኅሌተ ጽጌ ተፈሥሒ ማርያም እንተ ኢተአምሪ ብእሴ: ዘጸገይኪ ለነ አሐደ እምነ #ሥላሴ: እንዘ እዘብጥ ከበሮ ቅድመ አዕላፈ ኤፍሬም ወምናሴ: ለተአምርኪ እነግር ውዳሴ: ማርያም እኅቱ ለሙሴ። @EOTCmahlet ወረብ ተፈሥሂ ማርያም እንተ ኢተአምሪ ብእሴ ተፈሥሂ ማርያም/፪/ ዘጸገይኪ ለነ አሐደ እምነ #ሥላሴ ዘጸገይኪ ለነ/፪/ @EOTCmahlet @EOTCmahlet ዚቅ ይሴብሑኪ ወይገንዩ ለስምኪ: ዘእምሥሉስ ቅዱስ ቃል ኃደረ ላዕሌኪ: ወትሰመዪ ማኅደረ መለኮት። @EOTCmahlet @EOTCmahlet መልክአ ሥላሴ ሰላም ለህላዌክሙ ዘይመውዕ ህላዌያተ: ለረኪበ ስሙ ኅቡእ አመ ወጠንኩ ተምኔተ: እምግብርክሙ ሥላሴ ሶበ ረከብኩ አስማተ: መለኮተ ለለአሐዱ ዘዚኣክሙ ገጻተ: እንበለ ትድምርት እሰሚ ወእሁብ ትድምርተ። @EOTCmahlet @EOTCmahlet ዚቅ ሃሌ ሃሌ ሃሌ ሉያ ሃሌ ሃሌ ሉያ: አአትብ ወእትነሣእ: በስመ አብ ወወልድ ወመንፈስ ቅዱስ: ሠለስተ አሥማተ ነሢእየ እትመረጎዝ: እመኒ ወደቁ እትነሣእ: ወእመኒ ሖርኩ ውስተ ጽልመት: እግዚአብሔር ያበርህ ሊተ በእግዚአብሔር ተወከልኩ፡፡ @EOTCmahlet @EOTCmahlet አመላለስ ሃሌ ሃሌ ሃሌ ሉያ/፪/ ሃሌ ሃሌ ሉያ/፪/ @EOTCmahlet @EOTCmahlet መልክዐ ሥላሴ ሰላም ለሕጽንክሙ ምርፋቀ ጻድቃን አግብርቲሁ: ማያተ ኢያሱ ሥላሴ እለ ትውኅዙ እምሕሊናሁ: እንዘ በአፍአሁ አንትሙ ወአንትሙ በውሣጤሁ: ኢነጸረ ኀበ ሐይመት ከመ አብርሃም አቡሁ: ወመስኮተ ነቢይ ዳንኤል ኢፈቀደ ያርኁ። @EOTCmahlet @EOTCmahlet ዚቅ በአፍዓኒ አንትሙ: ወበውሣጤኒ አንትሙ: በገዳምኒ አንትሙ: ብርሃኑ ለኢያሱ አንትሙ ፡፡ @EOTCmahlet @EOTCmahlet ወረብ በአፍአኒ አንትሙ ወበውሣጤኒ አንትሙ/፪/ በገዳምኒ አንትሙ ብርሃኑ ለኢያሱ ንጉሠ ነገሥት/፪/ @EOTCmahlet @EOTCmahlet መልክዐ ሥላሴ ሰላም ለኅሊናክሙ በከዊነ ኄር ዘተሐምየ: እምከላውዴዎን አብርሃም ዘምድረ ካራን ኀረየ: ሥላሴክሙ ሥላሴ ሶበ ይኔጽር ዕሩየ: ፫ተ ዕደወ ሊሉያነ ውስተ ርእሰ ኀይምት ርእየ: ወለ፩ዱ ነገሮ ረሰየ። @EOTCmahlet @EOTCmahlet ዚቅ ወጽአ እምድረ ካራን: ወቦአ ብሔረ ከነዓን: ተአመነ አብርሃም በእግዚአብሔር: እንበይነዝ ጽድቀ ኮኖ፡፡ @EOTCmahlet @EOTCmahlet ወረብ ወጽአ እምድረ ካራን ወቦአ ዝየ ረከብነአ/፪/ ተአመነ "አብርሃም"/፪/በእግዚአብሔር/፪/ @EOTCmahlet @EOTCmahlet መልክዐ ሥላሴ ሰላም ለሐቌክሙ ዘቅናተ ኂሩት ቅናቱ: ሊሉያነ ፆታ ሥላሴ እምአምላከ በለዓም ከንቱ: ኀበ መስፈርትክሙ ጽድቅ እስመ ያበጽሕ ትእምርቱ: ተደለዉ ከመ ይሑሩ ምሕዋረ ዕለታት ሠለስቱ: በዓለ መሥዋዕት አብርሃም ወይስሐቅ መሥዋዕቱ። @EOTCmahlet @EOTCmahlet ዚቅ አብርሃም ወሰዶ ለይስሐቅ ወልዱ ከመ ይሡዖ: አውረደ ሎቱ ቤዛሁ በግዓ: እኁዝ አቅርንቲሁ በዕፀ ሳቤቅ: ዕፀ ሳቤቅ ብሂል ዕፀ ሥርየት መስቀል: አብርሃምኒ ርእዮ በውስተ ምሥዋዕ: ሕዝቅኤልኒ ርእዮ በልዑላን: ሙሴኒ ርእዮ በዓምደ ደመና: በነደ እሳት: ፈያታዊኒ ርእዮ በዲበ ዕፀ መስቀል አምነ፡፡ @EOTCmahlet @EOTCmahlet ወረብ አብርሃም ወሰዶ ለይስሐቅ ወልዱ ከመ ይሡዖ/፪/ አውረደ ሎቱ "ቤዛሁ በግዐ"/፪//፪/ @EOTCmahlet @EOTCmahlet መልክዐ ሥላሴ ለዘበነጊድ አቅረብኩ መካልየ ልሳን ስብሐታተ: መጠነ ራብዕ ዐሥር እንዘ አተሉ ስብዐተ: ህየንተ ፩ዱ #ሥላሴ እለ ትፈድዩ ምእተ: ጸግዉኒ እምገጽክሙ ንዋየ ገጽ ትፍሥሕተ: ወዲበ ፲ቱ አህጉር ሀቡኒ ሢመተ። @EOTCmahlet @EOTCmahlet ዚቅ ስብሐት ለአብ ለአኃዜ ኲሉ ዓለም: ስብሐት ለወልድ ለዘአክበራ ለማርያም: ስብሐት ለመንፈስ ቅዱስ ለዘያርኁ ክረምተ በበዓመት። @EOTCmahlet @EOTCmahlet ወረብ ስብሐት ለአብ ለአኃዜ ኲሉ ዓለም ስብሐት ለወልድ ለገባሬ ኲሉ ዓለም/፪/ ስብሐት ለመንፈስ ቅዱስ ለዘያርኁ ክረምተ በበዓመት/፪/ @EOTCmahlet @EOTCmahlet መልክዐ ተክለሃይማኖት ሰላም ለኅሊናከ ዘኮነ መምለኬ: ሥላሴ ዕሩየ እንበለ ውሳኬ: ተክለሃይማኖት ቄርሎስ ዘላፌ ረሲዓን እለ እውጣኬ: ባርከኒ አባ ለወልድከ ዝኬ: እስመ ልማዱ ለመምህር ቡራኬ። @EOTCmahlet @EOTCmahlet ዚቅ አንትሙሰ ከመ ዕብነ ህይወት ተሐነጹ ቤቶ ለመንፈስ ቅዱስ: ወለክህነቱ ቅዱስ: ከመ ታዕርጉ መሥዋዕተ ወትንግሩ ሠናይቶ ለዘጸውዓክሙ: አባ ባርከኒ ተክለሃይማኖት አባ: ከመ ባረኮ አብርሃም ለይስሐቅ ወልዱ። @EOTCmahlet @EOTCmahlet ወረብ አንትሙሰ ዕብነ ህይወት ተሐነጹ ቤቶ ለመንፈስ ቅዱስ/፪/ ወለክህነቱ ቅዱስ ታዕርጉ ከመ ታዕርጉ መሥዋዕተ/፪/ @EOTCmahlet @EOTCmahlet ምልጣን በእምርት ዕለት እንተ ርእያ አብርሃም መዘምራኒሃ ለደብረ ብርሃን አርያም እንዘ ይብሉ ይዜምሩ በልሳን ዘኢያረምም አማን መንግሥተ ሥላሴ ዘለዓለም። @EOTCmahlet @EOTCmahlet አመላለስ አማን በአማን/፬/ መንግሥተ ሥላሴ ዘለዓለም/፬/ @EOTCmahlet @EOTCmahlet ወረብ በእምርት ዕለት እንተ ርእያ አብርሃም መዘምራኒሃ ለደብረ ብርሃን አርያም ደብረ ብርሃን/፪/ እንዘ ይብሉ ይዜምሩ በልሳን ዘኢያረምም አማን መንግሥተ ሥላሴ ዘለዓለም/፪/ @EOTCmahlet @EOTCmahlet እስመ ለዓለም ዘሰንበት መፍቀሬ ሰብእ ክርስቶስ ፈኑ ሣህለከ ወምህረትከ ዘአንተ ታርኁ ክረምተ በጸጋከ ወትሴሲ እመዝገብከ ስብሐት ለከ ወዓቢይ ኃይልከ ዘሠራዕከ ሰንበተ ለሰብአ ዕረፍተ ዘሠርዓ ለአብርሃም ወመሐለ ለይስሐቅ ወአቀመ ሰምዓ ለያዕቆብ፤ ንስእለከ ወናስተበቁዓከ፤እስመ ኵሉ ዘሥጋ ያንቀዓዱ ኀቤከ 👇👇👇👇👇🇪🇹 👉@EOTCmahlet👈 👉@EOTCmahlet👈 👉@EOTCmahlet👈 🇪🇹👆👆👆👆👆👆🇪🇹 @EOTCmahlet #ይቀላቀሉ & #ለወዳጅዎ_ሼር_ያርጉ

ማህሌቱን ለምትቆሙ ሁሉ መልካም አገልግሎት ይሁንላችሁ ❤️🙏

ሰላም በአዲስአበባ ለምትገኙ የቻናላችን ቤተሰቦች እንኳን ለቅዱስ ጴጥሮስ እንዲሁም ለቅዱስ ጳውሎስ የሰማዕትነት በዓል በሰላም አደረሳችሁ ሐምሌ ፭ አርብ የሁለቱን ሐዋርያት  ሰማዕትነት ለማክበር በብርሃናተ ጴጥሮስ ወጳውሎስ ቤተክርስቲያን ተጠርተዋል ማህሌቱም የሠርክ ጉባኤ እንዳለቀ ጀምሮ 14 (የክብረ በዓል እና የቤት ቀለም) ወረቦች የሚወረቡበት ብፁዓን አበው ሊቃነ ጳጳሳት ፣ሊቃውንት ፣ መምህራን ፣ዘማሪያን ና ብዙ ምዕመናን በተገኙበት ይከብራል የቻላችሁ ከማህሌቱ ጀምሮ በመገኘት አክብሩ አድራሻ 🫴 ከፒያሳ ወይም አውቶብስተራ ወደ አስኮ በሚወስደው መንገድ ከጀነራል ዊንጌት ኮሌጅ አጠገብ

🥀🥀🥀🥀🥀🥀🥀🥀🥀🥀🥀🥀🥀🥀 ሥርዓተ ማኅሌት ዘሐምሌ ጴጥሮስ ወጳውሎስ 🌸🌸🌸🌸🌸🌸🌸🌸🌸🌸🌸🌸🌸🌸 ሥርዓተ ነግሥ:- ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገዓርየ፡ ሃሌ ሉያ ሃሌ ሉያ፡ ወኢትሚጥ ገፀከ እምኔየ፡ በዕለተ ምንዳቤየ አጽምእ ዕዝነከ ኃቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል። @EOTCmahlet @EOTCmahlet መልክዐ ሥላሴ ሰላም ለቃልክሙ መታሬ እሳት ነዳዲ: ሥሉስ ቅዱስ ንዋያተ ዕፁብ ነጋዲ: አመ በንስሐ ተወልዱ እምጸጋክሙ ወላዲ: ተወፈየ መርኆ ሰማይ የማነ ጴጥሮስ ከሐዲ: ወመምህረ ወንጌል ኮነ ጳውሎስ ሰዳዲ። @eotcmahlet @eotcmahlet ዚቅ ጸጋ ዘአብ ኂሩት ዘወልድ: ሱታፌ ዘመንፈስ ቅዱስ: ተውህቦሙ ለሐዋርያት። @eotcmahlet @eotcmahlet ነግሥ ሰላም ለመልክዕክሙ እመልክዐ አዳም ዘተቶስሐ: እግዚአብሔር መሐሪ ዘኮነክሙ መርሐ: ፲ወ፪ እለ ሰበክሙ ቃለ ንስሐ: ሥረዩ ኃጢአትየ ወጌጋይየ ብዙኀ: በእንተ ማርያም ድንግል በህሊናሃ ወድንግል በሥጋሃ። @eotcmahlet @eotcmahlet ዚቅ ሐዋርያተ ሰላም ክቡራነ ስም: ሥረዩ ኃጢአተ ዓለም: በእንተ ኢየሱስ ክርስቶስ ወበእንተ ድንግል እም። @eotcmahlet @eotcmahlet መልክዐ ገብረ መንፈስ ቅዱስ ሰላም ለመቃብሪከ በመካነ ሐዋዝ ሃሌሉያ፡ወለትንሣኤከ ድኅረ ዘይከውን በዕለተ ምርያ፡ገብረ መንፈስ ቅዱስ ሞተከ ታብዕል ኢትዮጵያ፡ለጴጥሮስ በዓለ መርኆ ወለጳውሎስ ሐዋርያ፡ከመ ተዝካሮሙ ታብዕል ሮምያ። @eotcmahlet @eotcmahlet ዚቅ ንግበር ተዝካሮሙ ለእለ እግዚእ ኃረዮሙ ዓጽናፈ ዓለም በጽሐ ነቢቦሙ። ወረብ- ንግበር ተዝካሮሙ ንግበር ተዝካሮሙ ለእለ እግዚእ ኃረዮሙ/2/ ዓጽናፈ ዓለም በጽሐ ነቢቦሙ ነቢቦሙ ዓጽናፈ ዓለም/2/ @eotcmahlet @eotcmahlet መልክዐ ጴጥሮስ ወጳውሎስ ሰላም ለዝክረ ስምክሙ ዘአልባስጥሮስ አፈው: ወለሥዕርትክሙ ጸሊም ዘድላሌሁ ፍትው: ምቱረ ክሣድ ጳውሎስ ወጴጥሮስ ቅንው: ተራወጸ ውስተ ልብየ ምስል መዓዛሁ ቅድው: ደመ ስምክሙ ሐዋርያ ዘኅብሩ ከዋው። @eotcmahlet @eotcmahlet ዚቅ ሃሌ ሉያ: ከዋው እገሪሆሙ: ለእለ ይዜንዉ ዜና ሠናየ: ዘእግዚአብሔር ፈነዎ: ቃለ እግዚአብሔር ይነግር። @eotcmahlet @eotcmahlet አመላለስ ሃሌ ሉያ/፪/ ከዋው እገሪሆሙ/፪/ @eotcmahlet @eotcmahlet ወረብ ከዋው እገሪሆሙ ለእለ ይዜንዉ ዜና ሠናየ ለእለ ይዜንዉ/፪/ ዘእግዚአብሔር ፈነዎ ይነግር ቃለ እግዚአብሔር/፪/ @eotcmahlet @eotcmahlet መልክዐ ጴጥሮስ ወጳውሎስ ሰላም ለአዕዛኒክሙ ለሰሚዓ ወንጌል ዘተሰብሐ: ወለመላትሒክሙ ቀይሐት እምነ ሮማን ዘቄሃ: መሥዋዕተ አምልኮት ኩኑ ወዘመሃይምናን ምክሐ: ደምከ ጴጥሮስ ወልደ ዮና በጽዋዓ መስቀል ተቀድሐ: ወደመ ጳውሎስ ሐዋርያ ሰማያተ ጸርሐ። @eotcmahlet @eotcmahlet ዚቅ ኢየሩሳሌም ኢየሩሳሌም እንተ ትቀትሎሙ ለነቢያቲሃ: ወትዌግሮሙ ለሐዋርያቲሃ: ሚ መጠን ዘተክዕወ ዲቤሃ: እምደመ ጳውሎስ ሐዋርያ: እስከ ደመ ጴጥሮስ ወልደ ዮና። @eotcmahlet ወረብ ሚ መጠን ዘተክዕወ ዲቤሃ ለኢየሩሳሌም/፪/ እምደመ ጳውሎስ ሐዋርያ እስከ ደመ ጴጥሮስ ወልደ/፪/ @eotcmahlet @eotcmahlet ዓዲ እግዚአብሔር : እንተ ተሰመይኪ ገነተ: ደሞሙ ለሰማዕታትኪ ውኅዘ ከመ ማይ: ድምፀ ነጎድጓዶሙ በጽሐ እስከ ሰማይ። @eotcmahlet @eotcmahlet መልክዐ ጴጥሮስ ወጳውሎስ ሰላም ለዘባናቲክሙ በምኲራባት እለ ተቀሥፋ: ወለእንግድዓክሙ ዘሰፍሐ መልዕልተ ጠበብት ወፈላስፋ: በእንተ ኢየሱስ ክርስቶስ ዘተጸፍአ ቅድመ ቀያፋ: ሀበኒ ጴጥሮስ መስቀለከ ይኲነኒ ተስፋ: ወጳውሎስ ዉቅየተከ እንተ ደም ለከፋ። @eotcmahlet @eotcmahlet ዚቅ እስመ አሐዱ ውእቱ መንፈስ ቅዱስ: ዘተሠውጠ ላዕለ ኲሎሙ ሐዋርያት: በመንፈስ ቅዱስ ነበቡ በነገረ ኲሉ በሐውርት: ይኲነኒ አክሊለ መዊዕ ወተስፋ: በረከቶሙ ለሳውል ወኬፋ። @eotcmahlet @eotcmahlet ወረብ እስመ አሐዱ ውእቱ መንፈስ ቅዱስ ዘተሰውጠ ላዕለ ሐዋርያት/፪/ በመንፈስ ቅዱስ ነበቡ በነገረ ኲሉ በሐውርት/፪/ @eotcmahlet @eotcmahlet መልክዐ ጴጥሮስ ወጳውሎስ ሰላም ዕብል ብርሃናተ ፪ኤተ: በዓውደ ንጉሥ ኔሮን እለ ፈጸሙ ሩጸተ: ጳውሎስ ወጴጥሮስ ዘያጸንዑ ፀበርተ: አሐዱ በመስቀል ተሰቅለ ቊልቊሊተ: ወካልዑ (ወአሐዱ) ተመትረ ክሣዱ ክብርተ። @eotcmahlet @eotcmahlet ዚቅ ሃሌ ሉያ ሃሌ ሉያ: ብርሃናተ ዓለም ሐዋርያተ ሰላም ሱቱፋነ ሕማም: አሥራበ ምሕረት ከዓዉ እምአርያም። @eotcmahlet @eotcmahlet ወረብ ሐዋርያተ ሰላም "ብርሃናተ ዓለም"/፪/ አሥራበ ምሕረት ከዓዉ ከዓዉ እምአርያም/፪/ @eotcmahlet መልክዐ ጴጥሮስ ወጳውሎስ ተዘኪረከ ክርስቶስ ዘሐዋርያት ኲሎሙ: ህየንተ ክቡር ደምከ እለ ከዓዉ ደሞሙ: አክሊለ ስምዕ ሀበኒ ከመ እሳተፍ ገድሎሙ: ወደምስስ ለአጽራርየ እመጽሐፈ ህይወት ዝክሮሙ: ከመ ለይሁዳ ረሲዕ ተደምሰሰ ስሙ። @eotcmahlet @eotcmahlet ዚቅ ስምዖን ጴጥሮስ ወአኃዊሁ ሱቱፋነ ሕማምከ: እለ ከዓዉ ደሞሙ ህየንተ ደምከ: ከመ ይኩን ተውሳከ ለሴጠ አሕዛብ በስብከተ ወንጌልከ: በከመ ተቶስሐ መዓዛ ክህነትከ በክህነቶሙ: ቶስሕ ስእለተነ በስእለቶሙ: ጸግወነ ሎሙ ከመ ንድኃን ቦሙ። @eotcmahlet @eotcmahlet ወረብ ስምዖን ጴጥሮስ ወአኃዊሁ "ሱቱፋነ ሕማምከ"/፪//፪/ እለ ከዓዉ ደሞሙ ደሞሙ ህየንተ ደምከ/፪/ @eotcmahlet @eotcmahlet መልክዐ ኢየሱስ ሰላም ለእራኅከ መክፈልተ ሕማማት ሱቱፍ: ወቅንዋቲሁ እኤምሕ በአፍ: ኢየሱስ ክርስቶስ በላዕለ ቅዱሳን ዕሩፍ: ይፀነስ ውስተ ከርሥየ ዘርአ ቃልከ መጽሐፍ: ጸዳለ እምጸዳል ከመ ትፀንስ ዖፍ። @eotcmahlet @eotcmahlet ዚቅ እግዚአ ውእቱ ለሰንበት ውእቱ: አቡሃ ለምሕረት ውእቱ: ኃያል ወብዙኅ ሣህል ውእቱ: ዘባሕቲቱ በቅዱሳኒሁ ዕሩፍ። @eotcmahlet @eotcmahlet ምልጣን ይቤሎ ጴጥሮስ ለጳውሎስ ጥባዕኬ እኁየ ጳውሎስ ወኢትናፍቅ እምዝ ዳግመ ኢንመውት ዳግመ ወእምዝ ዳግመ ኢንመውት። @eotcmahlet @eotcmahlet አመላለስ፦ ወእምዝ ዳግመ /2/ ዳግመ ኢንመውት/4/ ወረብ ይቤሎ ጴጥሮስ ለጳውሎስ ጥባዕኬ እኁየ ጳውሎስ እኁየ/፪/ ወኢትናፍቅ ዳግመ እምዝ ዳግመ ኢንመውት/፪/ እስመ ለዓለም ሕዝብ ቅዱሳን ሐዋርያት ክቡራን: አርድዕት ልዑላን አዕማደ ቤተክርስቲያን: ሰመየ ስሞሙ ደቂቀ ብርሃን ጴጥሮስ ወጳውሎስ: ወኲሎሙ ሐዋርያት: ፈድፋደ ቦሙ ሞገሰ በኀበ ኲሎሙ ሕዝብ። @eotcmahlet ወረብ ሕዝበ ቅዱሳን ሐዋርያት ክቡራን አዕማደ ቤተክርስቲያን/፪/ ሰመየ ስሞሙ ደቂቀ ብርሃን ጴጥሮስ ወጳውሎስ/፪/ 🇪🇹👇👇👇👇👇👇🇪🇹 👉@EOTCmahlet👈                  👉@EOTCmahlet👈 👉@EOTCmahlet👈 🇪🇹👆👆👆👆👆👆🇪🇹       @EOTCmahlet   #ይቀላቀሉ & #ለወዳጅዎ_ሼር_ያርጉ