Hakim

ዳማ ከሴ ለምቺ ህመም መድሀኒት ነው? ከቀላል ህመም አንስቶ ሒወትን ሊነጥቅ የሚችል ህመም የሚያስከትል ተላላፊ ቫይረስ እና መዘዙ : ምቺ የሚለው ስያሜው ከፀሐይ ብረሐን ጋር የተያያዘ ይመስላል። ለመሆኑ ምቺ እና የፀሐይ ሙቀት ያላቸው ዝምድና ምን ይመስላል? ከጠቅላላው የአለም ህዝብ ውስጥ 60 በመቶ በሚሆኑት ላይ ቫይረሱ ይገኛል። 3.6 ቢሊዮን ሰዎች በምቺ አምጪ ተህዋሲያን ቫይረስ ተጠቅተዋል። የተሰራፋና ችግር ነው። ምቺ በቫይረስ የሚመጣ ተላላፊ ህመም ነው። በቀላል አካላዊ ንክኪ ቫይረሱ ከሰው ወደ ሌላ ሰው ይሸጋገራል። ቫይረሱ ወደ ሰው በንክክ ከደረሰ በሗላ ቀስ እያለ ወደ መዳረሻ ክፍሉ ይጓዛል። በመጨረሻም ከአንገት በላይ በሚገኘው የነርቭ ዘንግና በወገብ አካባቢ በሚገኙ የነርቭ-ዘንጎች ላይ ይሸሸጋል። ተሸሽጎ እስከ ሒወት ፍፃሜ ድረስ ከሰውዬው ጋር ከዘመን ዘመን ይጓዛል። አንድ ግዜ ወደ ሰው ገባ በምንም መንገድ ቫይረሱን ማባረር አይቻልም። በምራቅ ፤ በቆዳ በሚፈጠር ቀጠተኛ አካላዊ ንክኪ ዋነኛ የመተላለፊያ መንገዶች ናቸው። በወሊድ ግዜ ከእናት ወደ ልጅ ፣ በፆታዊ ግንኙነት ወቅት እና በሌሎች መደበኛ አካላዊ ንክኪዎች ቫይረሱ ይዛመታል። ቫይረሱ ከተሸሸገበት ምሽግ በመውጣት ህመም የሚፈጥርባቸው አጋጣሚዎችን ይጠቀማል። ከነዚህ መካከል የፀሐይ ብረሐን አንዱ ነው። የፀሐይ ሙቀት ቫይረሱን ከምሽጉ እንዲወጣ ምቹ መደላድልን ይፍጥርለታል። ለዚህም ነው በኛኛ ማህበረሰብ የሚታሰበው እሳቤ ምቺን ከፀሐይ ብረሐን ጋር አገናኝቶ ምቺ እንዳያማታይ ለማለት የተገደዱት። አዎ ምቺ እንዳያማታችሁ ተጠንቀቁ ። ቫይረሱ ሌሎች አጋጣሚዎችን ተጠቅሞ ምቺ ህመምን በአንድ ሰው ላይ ደጋጎሞ ይፈጥራል ። ጭንቀት ፣ ውጥረት ፣ የበሽታ የመከላከል ሐይል መላላት ፣... ለቫይረሱ ማገርሸት መንስኤዎች ናቸው። እነዚህ ሁነቶች የተሸሸገው ቫይረስ አቅም እንዲፈጥር ያደርጋሉ። በመጨረሻም ቫይረሱ የበላይነትን ተቀዳጅቶ ምቺ ህመምን ያስከትላል። ቫይረሱ ከምቺ ህመም በሻገር በልዩ ልዩ የሰውነት ክፍሎች ላይ ችግር ያመጣል። በአይን ፣በጉረሮ፣ በቆዳ፣ በአንግል፣ በአንጎል-ሽፋን ፣ በሳንባ ፣...ላይም ጉዳት ያስከትላል። በተለይ በአይን እና በአንጎል ላይ የሚያስከትለው ጉዳት የከፋ ነው። ለሞት የሚያደርስ ህመምን በአንጎል ላይ ያስከትላል። የአንጎል ብግነት፣ ማጅራት ገትር እና እስትሮክ የሚባል የአንጎል አካላዊ ህመሞችን ያመጣል። ከዚህ ቫይረስ ጋር በስፋት የሚነሳው ምቺ ህመም የሚባለው ነው። በምቺ ከተያዘ ሰው ጋር ምንም አይነት አካላዊ ግንኙነት ባለማድረግ እራስዎን ከዚህ የሒወት ዘመን በሽታ አምቺ ተህዋሲያን ይጠብቁ። ቫይረሱን ጨርሶ ማጥፋት የሚችል የህክምና አማራጭ እስካሁን የለም። የማስታገስ ህክምና እና ወደ ምሽጉ እንዲመለስ የማድረግ ህክምና አማራጮች ብቻ ናቸው ያሉን። ምቺን በቤት ውስጥ ማከም ማስታገስ ይቻላል። ለዚህ ደ'ሞ ሁነኛ መንገድ ዳማ ከሴ ቅጠል ነው። Ursolic acid ቅመምን በመያዙ የምቺ ህመም አምጪ ተህዋሲያንን ይዋጋል። ቅጠሉ ተፈጥሯዊ ፀረ-ህመም እና ፀረ-ተህዋሲያን ቅመሞችን የተሸከመ ነው። ብዙዎቹ በግቢአቸው ውስጥ ይኸን ተፈጥሯዊ መድሐኒት ይተክላሉ ፤ አሁንም ይትከሉ ይታከሙ። References 1. Harfouche M, AlMukdad S, Alareeki A, Osman AMM, Gottlieb S, Rowley J, Abu-Raddad LJ, Looker KJ. Estimated global and regional incidence and prevalence of herpes simplex virus infections and genital ulcer disease in 2020: mathematical modelling analyses. Sex Transm Infect. 2025 May 19;101(4):214-223. doi: 10.1136/sextrans-2024-056307. PMID: 39658199; PMCID: PMC12128767. 2. Kamelnia E, Mohebbati R, Kamelnia R, El-Seedi HR, Boskabady MH. Anti-inflammatory, immunomodulatory and anti-oxidant effects of Ocimum basilicum L. and its main constituents: A review. Iran J Basic Med Sci. 2023;26(6):617-627. doi: 10.22038/IJBMS.2023.67466.14783. PMID: 37275758; PMCID: PMC10237160. @HakimEthio