BUREAU OF FINANCE - ADDIS ABABA CITY ADMINISTRATION - Page

በሁለት ወራት አፈፃፀም አበረታች ውጤት መመዝገቡ ተገለጸ፡፡ ######################## መስከረም 12/2019 ዓ.ም ፋይናንስ ቢሮ በፋይናንስ፣ ገቢና ንግድ ክላስተር ስር የሚደራጁ ተቋማት የከተማ አስተዳደሩን ገቢ አሰባሰብ፣ ዘመናዊ የንግድ ቁጥጥር ሥርዓት እና የፋይናንስ አስተዳደር ግልጽነትና ተጠያቂነት ማሻሻያ የማስፈጸሚያ ዕቅድ እንዲሁም የሐምሌ እና ነሐሴ ወራት የዕቅድ አፈጻጸም ሪፖርት በቅንጅቱ ቴክኒክ ኮሚቴ ተቃኝቷል። በፋይናንስ ቢሮ የለውጥና መልካም አስተዳደር ዳይሬክቶሬት ዳይሬክተር አቶ አሸናፊ ታደሰ የቅንጅቱን የ2019 ዓ.ም ዕቅድ እና የሁለቱን ወራት ሪፖርት ሲያቀርቡ  የክላስተሩ ዋና ዋና ስትራቴጂካዊ ትኩረቶች፦ ትስስር ከተፈጠረላቸው ተቋማት በ2018 በጀት ዓመት ከተሰበሰበው 350.1 ቢሊዮን ብር ገቢ በ2019 በጀት ዓመት ወደ 502.27 ቢሊዮን ብር ማሳደግ፣ ዘመናዊ የንግድ ቁጥጥር ሥርዓት በመዘርጋት ሕገ-ወጥ የንግድ እንቅስቃሴን መከላከልና ሕግ ተገዥነትን ማሻሻል፣ የፋይናንስ አስተዳደር ግልጽነትና ተጠያቂነትን ማጠናከር፣ የኢንፎርሜሽን ቴክኖሎጂ አገልግሎትን ማሻሻል ናቸው ብለዋል። በቢሮ ኃላፊ ደረጃ የፋይናንስ ዘርፍ ምክትል ቢሮ ኃላፊ አቶ ዮሴፍ ጣሌ  ተቋማት ተሻጋሪ የሆኑ ተግባራትን በጋራ በማከናወን፣ የተወሳሰቡ ችግሮችን በመፍታት እና ለተገልጋዩ የተሻለ አገልግሎት ለመስጠት ትብብርን፣ ተግባቦትንና የሀብት መጋራትን ማጎልበት እንደሚገባ ጠቁመዋል። የዜጎችን ፍላጎት ለማሟላትና ምላሽ ሰጪነትን ለማሻሻል የተዘጋጀው የ2019 ዓ.ም ዕቅድ በሁለቱ ወራት አፈጻጸም 90 በመቶ ገቢ ማሰባሰብ መቻሉን ገልጸው፣ ይህም አበረታች ውጤት መሆኑን አብራርተዋል። በቀጣይም እንደ ተቋም የተሰበሰበውን ገቢ ወደ ከተማ አስተዳደሩ ትሬዠሪ (ካዝና) ፈሰስ ከማድረግ አንጻር ያሉትን ውስንነቶች በማረም፣ በመጀመሪያው ሩብ ዓመት ማጠቃለያ ላይ የበለጠ ከፍተኛ ውጤት ማስመዝገብ እንደሚቻል እምነታቸውን ገልጸዋል።   ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !! ዌብሳይት:- aabof.com.et ፌስቡክ:-https://www.facebook.com/aabof.gov.et?mibextid=ZbWKwL ቴሌግራም:- https://t.me/AACABOFP ዩቲዩብ:- youtube.com/channel/UCTPN7Re7T7tp_ekAhVuw2uA ዋትሳፕ:-https://chat.whatsapp.com/FLSn12vRmsR9JsKUVDWxgtuuuu