ግጥም ብቻ 📘

ልማድ ቢሆንብን ቃሉ ከአፋችን "እንዴት ነህ?" ስንባል ደህና ነው መልሳችን ለሰው የማይነግሩት ቢሆን ታሪካችን ይሸሸግ ጀምሯል በሶስት ፊደላት ጥልቁ ህመማችን :- "እንዴት ነህ?" :- ደህና ነኝ!! በኪሩቤል አሰፋ @Ebuh_bhr @getem @getem @getem

ጥላሞት (shadow) አንድ ጥያቄ አለ ነብሴን ሁልግዜ የሚያብሰለስላት ገሀድ የማይገልጠው ማነው የኔ ጠላት? ማነው እንቅፋቴ ጉድባ ለመንገዴ ሌላ አካል አለ ወይስ ክፉ ገዴ? ማነው ከነብሴ ጋር ያረገኝ ባላንጣ ህዋው ነው ጠላቴ ወይስ ክፉ እጣ? ጀርባዬን ለህልሜ ማነው ያሰጠኝ ሰብ ወይስ አቅቶኝ ነው ተስኖኝ ነው ማሰብ? ማነው ማነው ማነው? በዳይ ስጋ ችሮኝ 'ሚያስረግም ዕለቴን ሬት ሆኖ ኑሮ 'ሚያስናፍቀኝ ሞቴን ማነው ማነው ማነው? ስደምር ስቀንስ ስመትር ስለካ እኔ ፊት የቆምኩት ራሴው ነኝ ለካ። ይሄን ያወቅሁኝ ቀን ይሄ የገባኝ 'ለት ፊት የቆመው እኔን ገለል አረግሁለት። አሁን ጸሐይ ወጣ። ✍️©እስራኤል @AdamuReta @getem @getem @getem Inspiration(ንሸጣ) : psychological podcast about self sense and shadow

እዉነት እንዳይመስልሽ . . ዛሬ ......ምን ብትደምቂ፤ ከቆነጃጅቱ እጅጉን ብትልቂ፤ ኑሮ ተመችቶሽ ያ.... ፊትሽ ቢወዛ፤ ወደድኩሽ የሚለዉ አፍቃሪሽ ቢበዛ ፤ ሴትነትሽ ማለት... መልክ ከመሰለሽ፤ ፍፁም አትመኪ እዉነት እንዳይመስልሽ፤ አንቺን ሳያማክር........ የጠቆረዉ ፀጉርሽ.. በሽበት ይተካል፤ ጸአዳዉም መልክሽ በፍጥነት ይረግፋል፤ ሴትነትሽ ማለት መልክ ከመሰለሽ፤ ፍፁም አትመኪ እዉነት እንዳይመስልሽ። .......................................... በዔደን ታደሰ @topazionnn @getem @getem

ትናንትና ጠዋት ፀሐይ የመሰለች ቆንጆ ልጅ አይቼ በሊቀ መልዓኩ እንዴት ምታምሪው አልኩኝ ድምፅ አውጥቼ ትንሽ ኮራ እያለች ጥቂት ፈገግ ብላ አለችኝ "ከላይ ነው" ባለቤቱ የፈራው "ዉስጥሽ"ስ እንዴት ነው ?                   ዘረ-ሠናይ @SenayArt @getem @getem @paappii

ሀገር ስጠኝ... ሀገር ስጠኝ እስቲ ወዳጄ ማለት ሚያስችለኝ ''እዛ ሄጄ ሁሉ በእጄ ሁሉ በደጄ" ሀገር ስጠኝ የምኮራበት መልስ የሌላቸው እንቆቅልሾች የማይበዙበት ግራ ሲገባኝ ምን አውቄልህ ማልባልበት እስቲ ሀገር ስጠኝ አንድ ትልቅ ከሰፈር ጎሳ ከብሄር ሚልቅ ሀገርን ስጠኝ ሰላም ያለበት ሰው ለፍቶ ሰርቶ የሚያተርፍበት ካለሰቀቀን የሚኖርበት:: 📝📝📝📝📝📝📝📝📝📝📝📝📝        ✍️ @BEGITIMENAWGA @getem @getem @getem

እኔ እንደናፈቅኩሽ ታውቂያለሽ አውቃለሁ አንቺ ሌላ ወደሻል ሌላ ተላምደሻል አዎን ሰምቻለሁ የሰማሁት ነገር ሀሰት ይሁን ብዬ አምላክ ለምኛለሁ ሻማውን ለኩሼ ጧፍ እያበራሁኝ ተማፅኘዋለሁ አንቺን ያጣሁ ዕለት ጠፍቷል የኔ ብርሃን እንደ አምላክ ስቅለት ያውም በእኩለ ቀን ይሄን ሁሉ መዓት እያየሽው ባይንሽ  ነገ የተሻለ ነው ለምን ትይኛለሽ ? የኔ ፀሐይ ትናንት ማለፉን እያየሽ የኔ ጀንበር አንቺ መሆንሽን እያወቅሽ ? በርግጥ ነገ እንዳለ በልቤ አምናለሁ ቀኑ መሽቶ ይነጋል ይህንን አውቃለሁ ግን ታውቂያለሽ አንዳንዴም የ ጀንበር መውጣቷ ሌሊት አያነጋም ጎህ መቅደዱ ብቻ ጨለማ አያጠፋም በትር የያዘ ሁሉ ባህሩን አይከፍልም ባለ ወንጭፍ ሞልቶ ጎልያድን አይጥልም ገባኦን ካልሆነ አትቆምም ፀሐይም አንቺ የሌለሽበት ሁሌ ጨለማ ነው ጀንበር ባትጠልቅም                         ዘረ-ሠናይ                @SenayArt @getem @getem @getem

የትኛው ነሽ አንቺ ፀደይ ነሽ መስከረም ? ግማሽ መልክሽ አደይ ግማሽ መልክሽ አረም። ግማሽ የሚቀጠፍ ግማሽ የሚነቀል ፣ የትኛውን ልመን ምንሽን ልቀበል፤ የተኛው ነሽ አንቺ ምህረት ወይስ በቀል? ስምዖንን መስለሺኝ መስቀሌን ስትይዢ ለአንድ ሠሞን ፍዳ፣ በየት ዞረሽ ሸጥሽኝ ለብቻ መከራ ደግሞ እንደ ይሁዳ። ✍️©እስራኤል    (@AdamuReta) @getem @getem @getem

🗣የሰው ወሬ🗣 መቼም ቢሆን ላይቆም ነገር ምን ብትሰራ ላይቀየር ላያስገኝህ ትንሽ ፍሬ ጆሮ አትስጠው ለሰው ወሬ። 📝📝📝📝📝📝📝📝📝📝📝📝📝        ✍️ @BEGITIMENAWGA @getem @getem @getem

ትናንትና ማታ እጅጉን ናፍቀሽኝ ያ ክፉ ትዝታሽ አላስተኛህ ብሎኝ ድምፄን ከፍ አድርጌ ስምሽን ጠራሁኝ እንደ ደብተራ አስማት እንደ ጴጥሮስ ክህደት በአንዴ ባይሆንልኝ ሶስቴ ደጋገምኩት ሰልስቱም አልሆነ ሃያ አንዴ ጮኬ በማርያም ለመንኩኝ አርባ አንድ አድርጌ ኪሪያላየሶን አልኩኝ ጠራሁሽ በናፍቆት ጠራሁሽ በፍቅር ወይ አንቺ ነይልኝ ወይ ትዝታሽ ይቅር                    ዘረ-ሠናይ                 @SenayArt @getem @getem @getem

አምላኬ ባትረዳኝ ብትከዳኝ እንደሰው  ሀጥያቴን ብትቆጥር በደሌን ብትጠቅሰው እንኳንስ በአንተ ዘንድ አልመችም ለሰው ክፋት ያገረሸ ተንኮል ያጠለሸ ሰውነት አዝዬ ከፊትህ ቆሜያለሁ ዛሬም ማረኝ ብዬ ምን ይሆን ምላሽህ አልልም በአንተ ፊት አውቀዋለሁኛ!! ባትምረኝ ከጥፋት ባታወጣኝ ከመዓት አልኖርም አንድ ቀን እንኳንስ ለአመታት። BY፦LIONEL YOHANNES @getem @getem @paappii