INFO HEALTH CENTER

አጫጭር ስልጠና ለምን ያስፈልጋል? የጤና ሳይንስ በየጊዜው ይለዋወጣል። አዳዲስ መመሪያዎች፣ ቴክኖሎጂዎች፣ የህክምና አሰራሮች እና እውቀቶች ይመጣሉ። ስለዚህ አንድ ባለሙያ ከተመረቀበት ቀን ጀምሮ ያገኘውን እውቀት ብቻ ይዞ መቀጠል አይችልም ማለት ነው። አጭር ስልጠናዎች በዚህ ሂደት ውስጥ ትልቅ ሚና አላቸው። አዲስ እውቀትን ለመጨመር፣ ክህሎትን ለማጎልበት ወይም በስራ ላይ ያለ ችግርን በተሻለ መንገድ ለመፍታት ይረዳሉ። ነገር ግን አጫጭር ስልጠና መውሰድ = የተከታታይ ሙያ ማጎልበቻ ስልጠና ማጠናቀቅ ማለት አይደለም። ተከታታይ ሙያ ማጎልበቻ ማለት በጊዜ ሂደት እውቀትን፣ ክህሎትን፣ አመለካከትን እና የሙያ አፈጻጸምን በቀጣይነት ማሻሻል ነው። ስለዚህ ስልጠና ስንወስድ፣ “ሰርተፊኬቱን አገኘሁ?” ብቻ ሳይሆን፣ 👉 “ምን ተማርኩ?” 👉 “በስራዬ ላይ ምን ቀየርኩ?” 👉 “ለታካሚዬ የምሰጠው እንክብካቤ ምን ያህል ተሻሻለ?” ብለን መጠየቅ ይገባናል። እንዲሁም የስልጠና ተሳትፎ በገንዘብ፣ በጊዜ፣ በሙያዊ ፍላጎት እና በሌሎች ሁኔታዎች ሊወሰን ይችላል። ስለዚህ ባለሙያዎችን ስልጠና ስለማይወስዱ መወንጀል ሳይሆን፣ ጥራት ያለውና በስራ ላይ የሚውል የሙያ ልማት እድል መፍጠር ያስፈልጋል። 👉አንድ ሰርተፊኬት ስልጠና እንደወሰድን ያሳያል፤ የተሻለ ባለሙያ መሆናችንን ግን ተግባራችን ያሳያል። የዛሬ ውይይት፦ እርስዎ አጫጭር ስልጠናን የሚመለከቱት እንደ የሙያ ፈቃድ ማደሻ መስፈርት ብቻ ነው? ወይስ እውነተኛ የሙያ ማጎልበቻ መሳሪያ? 👇 ሀሳብዎን ያካፍሉ።