በአዲስ አበባ ከተማ አስተዳደር የከተማ ውበትና አረንጓዴ ልማት ቢሮ

የመዲናዋ የዘንድሮው አረንጓዴ አሻራ ችግኝ ተከላ አፈጻጸም እስከአሁን 79% መድረሱ ተገለፀ። በዚህ 2018/19 ዓ.ም በአዲስ አበባ ከተማ አስተዳደር ስር በሚገኙ ሁሉም ክፍለ ከተሞች የተለያዩ የችግኝ ዓይነቶችን በየአካባቢያቸው በመትከል አረንጓዴ አሻራቸውን ለማሳረፍ በታቀደው የክረምት የአረንጓዴ አሻራ የችግኝ ተከላ ዕቅድ መሠረት እስካሁን ባለው ጊዜ ከፍተኛ አፈጻጸም መመዝገቡ ተገለፀ። በከተማ አቀፍ በወጣው መረጃ መሠረት በክረምቱ የችግኝ ተከላ መርሐ-ግብር በአጠቃላይ 6,000,807 ችግኞችን ለመትከል የታቀደ ሲሆን እስካሁን ባለው ጊዜ 4,759,435 ችግኞችን በመትከል ዕቅዱን በ79% ማሳካት ተችሏል። ከተተከሉት ችግኞች መካከል 2,268,991 የጥላ ዛፎች፣ 2,102,297 የውበት ዛፎች እንዲሁም 388,147 የፍራፍሬ ችግኞች መሆናቸው ተመልክቷል። በዚህ የታላቅ አረንጓዴ አሻራ መርሃ ግብር ላይ የኅብረተሰቡ ተሳትፎ ከፍተኛ የነበረ ሲሆን በአጠቃላይ 756,575 ነዋሪዎች በተከላው ላይ ተሳትፈዋል። ከነዚህም መካከል 360,480 ወንዶች ሲሆኑ 396,095 ሴቶች በመሆን ከፍተኛ ቁጥር ያለውን የኅብረተሰብ ክፍል ድርሻ ይዘዋል። የችግኝ ተከላው ቀሪ ዕቅዶችን ሙሉ በሙሉ ለማሳካትና የተተከሉትንም የመንከባከብ ሥራ ተጠናክሮ እንደሚቀጥል ተገልጿል።