Dr. Eyob Mamo

“ወደላይ” እና “ወደታች” የመምረጥ መርሆች! ሰዎችን ለወዳጅነት ወይም ለአጋርነት ስንመርጥ ወደ ላይ እንድንመርጥ እንመከራለን፡፡ ወደላይ መምረጥ ማለት ካለንበት ደረጀ ሊያሳድጉን የሚችሉ ሰዎችን መምረጥ ማለት ነው፡፡ ይህ ሃሳብ ሲነሳ፣ “ከእኛ በታች ያሉትንስ ማን ያሳድጋቸው?” የሚል ጥያቄ ማጫሩ አይቀርም፡፡ እዚህ ላይ ነው እንግዲህ “ወደታች መምረጥ” የሚለው መርህ የሚመጣው፡፡ ወሳኙ በሁለቱ መካከል የማመዛዘን ጉዳይ ነው፡፡ “ወደላይ” መምረጥ! 1. ለማደግ ስትፈልጉ፣ ከእናንተ የላቀና ያደገ ሰውን ምረጡ። 2. ፈጣንና ቀልጣፋ ተግባር ማከናወን ስትፈልጉ፣ ከእናንተ ቀድሞ የሄደን ሰው ምረጡ። 3. ትኩረታችሁን በዋናው ዓላማችሁ ላይ ለመጠበቅ ስትፈልጉ፣ ከእናንተ ጋር ተመሳሳይ ረእይ ያለውን ሰው ምረጡ። 4. ለውጤታማነታችሁ ተጠያቂ መሆን ስትፈጉ፣ የሚሞግታችሁንና ወደ ተሻለ ደረጃ የሚያነሳሳችሁን ሰው ምረጡ። 5. ረጅም ርቀት መጓዝ ስትፈልጉ፣ ከእናንተ ጋር የሚራመድንና የሚደግፋችሁን ሰው ምረጥ። “ወደታች” መምረጥ! 1. አንድ ሰው እንዲያድግ መርዳት ስትፈልጉ፣ የምታውቁት አስተምሩ። 2. አንድ ሰው ከፍ እንዲል መርዳት ስትፈልጉ፣ እሱ በራሱ ባያምንም በእሱ እመኑ። 3. አንድ ሰው እንዲሻሻል መርዳት ስትፈልጉ፣ ከምቾት ቀጠናው ወጥቶ እንዲሞክር ሞግቱት። 4. አንድ ሰው እንዲሳካለት መርዳት ስትፈልጉ፣ ለስኬቱ የሚያስፈልጉትን መሣሪያዎችና ክህሎቶች አሟሉለት። 5. አንድ ሰው በራሱ እንዲቆም መርዳት ስትፈልጉ፣ በእናንተ ላይ እንዲደገፍ ሳይሆን በራሱ እንዲያስብና ውሳኔ እንዲያደርግ አስተምሩት። ሁል ጊዜ ወደላይ ብቻ ስትመርጡ የተቀበላችሁትን የምትሰጡት ሰው ስለማይኖራችሁ ከራሳችሁ ያለፈ ሕይወት አይኖራችሁም፡፡ በተቃራኒው፣ ሁል ጊዜ ወደታች ስትመርጡ ቀስ በቀስ ወደ እነሱ ደረጃ መውረዳችሁና እድገታችሁ መገታቱ አይቀረም፡፡ https://t.me/Dreyob https://m.youtube.com/user/naeleyob623 https://www.facebook.com/Dr-Eyob-Mamo-1050816404958639/