DW Amharic

አፍሪቃ ሀገራት መሪዎች በጸጥታው ጥበቃ ምክር ቤት ዉስጥ ቦታ እንዲሰጣቸው ከመጠየቅ እስከ አጠቃላይ የዓለም አቀፍ አስተዳደር ስርዓቱ ሙሉ በሙሉ እንዲሻሻል ከፍ ባለ ድምጽ ጠይቀዋል። https://tinyurl.com/dur9ktz5

ደቡብ አፍሪቃዉያን ሴቶች የመንግሥት ይፋዊ መግለጫዎች ደህንነታቸውን አላረጋገጡላቸውም ። ይህንኑ ተከትሎ በኬፕ ታውን ከተማ ሰሞኑን በመቶዎች የሚቆጠሩ ሴቶች 'በቃን!' ሲሉ ወደ ጎዳና ወጥተዋል። https://tinyurl.com/d4p7kyvr

የዶቼ ቬለ ተካታታዮች እናንተም፤ለአድማጮች ማኅደር ዝግጅት ልትጽፉ ወይም የድምጽ መልዕክት ልትልኩ ከፈለጋችሁ amharic@dw.com የኢሜል አድራሻችን ነው። 0049-228-429-164995 ደግሞ የድምጽ መልዕክት መቀበያ ስልካችን ነው።በፌስ ቡክ ሜሴንጀር ወይም የቴሌግራም አድራሻችንን በመጠቀም የጽሑፍም ሆነ የድምጽ መልዕክት መላክ ትችላላችሁ። https://tinyurl.com/cpab79ap

የመስከረም 16 ቀን 2019 የዓለም ዜና • "የውጭ ኃይሎች በኢትዮጵያ የውስጥ ጉዳይ ጣልቃ ከመግባት እንዲታቀቡ" ሩሲያ አሳሰበች። ባለፉ ቀናት የተፈጠሩ ኩነቶች ለኢትዮጵያ "አንድነት፣ ሉዓላዊነት እና መረጋጋት" "ሥጋት" እንደሚሆኑ የተባበሩት አረብ ኤሚሬቶች ውጭ ጉዳይ መሥሪያ ቤት ገልጿል። • የኢትዮጵያ መከላከያ ሠራዊት በትግራይ ክልል በሚገኙ አምስት ትምህርት ቤቶች እና በአማራ ክልል በምትገኘው ቆቦ ከተማ ላይ በፈጸማቸው ድብደባዎች ሰዎች መገደላቸውን እና መቁሰላቸውን የተባበሩት መንግሥታት የሰብአዊ መብቶች ኮሚሽን አስታውቋል። • በመቐለ ባለፈው ዓመት የኢትዮጵያ መከላከያ ሠራዊት ፈጽሞታል የተባለ ጥቃት እንደ “የጦር ወንጀል ሊመረመር እንደሚገባ ሒውማን ራይትስ ዎች ጥሪ አቀረበ። • የደቡብ ሱዳን ፕሬዝደንት ሳልቫ ኪር ሚያርዲት የፖለቲካ ፓርቲዎች የአገሪቱን የምርጫ ሕግ እንዲያከብሩ ጥሪ አቀረቡ። • ከመኖሪያ ቤታቸው የተፈናቀሉ ከ117 ሚሊዮን በላይ ሰዎች ወደ ቀያቸው እንዲመለሱ በጥልቅ የተከፋፈሉ የዓለም አገራት ግጭቶችን በማስቆም ላይ ትኩረት ሊያደርጉ እንደሚገባ የተባበሩት መንግሥታት የስደተኞች ጉዳይ ከፍተኛ ኮሚሽነር ባርሐም ሳሊሕ አሳሰቡ • ጀርመን ከ60 ዓመታት በኋላ ለመጀመሪያ ጊዜ የኦሎምፒክ ጨዋታዎችን ለማስተናገድ ጥያቄ እንደምታቀርብ ፕሬዝደንት ፍራንክ ቫልተር ሽታይንማየር ተናገሩ። https://tinyurl.com/yc47v9hm

መስቀል በዓል በደማቁ ከሚከበርባቸው የኢትዮጵያ ክፍሎች አንዱ ኦሮሚያ ክልል ነው፡፡በተለይም በወለጋ እና የሸዋ ዞኖች በልዩ የመስቀል ብቻ በሆኑ ዜማዎች ደምቆ የሚከበረው መስቀል በዓል ልዩ የበዓል ምግብና የአከባበር ለዛም አለው፡፡ በዘንድሮው ዓመት ግን በዓሉ እንደወትሮው አለመከበሩን ነዋሪዎች ገልፀዋል። https://tinyurl.com/mvstwdev

በአዲስ አበባ ከተማ የዘንድሮው የመስቀል በዓል አከባበር ከሌሎቹ ዓመታት የበዓሉ አከባበር ጋር ሲነፃፀር አነስተኛ ቁጥር ያለው ህዝብ የተገኘበት ነው ተብሏል።ከታዳሚ ቁጥር ባሻገር በዓሉን የሚጎበኙ የውጭ ሀገር ጎብኚዎች ቁጥርም አንስተኛ ሆኖ ታይቷል። https://tinyurl.com/564xphtt

የኢትዮጵያ መከላከያ ሠራዊት በድሮን የታገዙ የአየር ድብደባዎችን ጨምሮ መስከረም 12 ቀን 2019 በትግራይ ክልል በሚገኙ አምስት ትምህርት ቤቶች ላይ በፈጸመው ጥቃት ሰዎች መገደላቸውን እና መቁሰላቸውን የተባበሩት መንግሥታት የሰብአዊ መብቶች ኮሚሽን አስታወቀ። በአማራ ክልል በምትገኘው ቆቦ ከተማ ላይ መከላከያ ሠራዊት መስከረም 13 ቀን 2019 በሞርታር በፈጸመው ሌላ ጥቃት ሲቪል ሰዎች መገደላቸውን ኮሚሽኑ ትላንት አርብ ይፋ አድርጓል። "የኢትዮጵያ መንግሥት ኃይሎች ከህዝባዊ ወያነ ሓርነት ትግራይ እና አጋሮቹ የገጠሙት ውጊያ መባባስ እና በሰላማዊ ሰዎች ላይ እያሳደረ የሚገኘው ጎጂ ተጽዕኖ" እንዳሳዘናቸው የተባበሩት መንግሥታት የሰብአዊ መብቶች ኮሚሽነር ፎልከር ቱርክ ገልጸዋል። ኮሚሽነሩ "ሁሉም ወገኖች ሲቪሎችን ከጉዳት እንዲጠብቁ፤ ሰብአዊ ርዳታ ለቸገራቸው ሁሉ ደሕንነቱ በተጠበቀ መንገድ ያለገደብ እንዲደርስ አስፈላጊውን እርምጃ እንዲወስዱ" አሳስበዋል። "የኢንተርኔት እና የቴሌኮምዩንኬሽን አገልግሎቶች መቆራረጥ ሲቪሎች ደሕንነታቸው ወደሚጠጠበቅበት አስተማማኝ ቦታ ለመሸሽ ያላቸውን አቅም ሊገድብ እና የረድኤት ሠራተኞች ለቸገራቸው እርዳታ እንዳያደርሱ እክል ሊፈጥር እንደሚችል" አስጠንቅቀዋል። በትግራይ ክልል ሕጻናትን ጨምሮ የሚካሔደውን አስገዳጅ ወታደራዊ ምልመላ እና ዘመቻውን በሚቃወሙና በቤተሰቦቻቸው ላይ የሚፈጸመውን ግድያ፣ ማሰቃየት፣ ያለ አግባብ ማሰር በግዴታ ማፈናቀል እና ሌሎች የበቀል እርምጃዎች ፎልከር ቱርክ አውግዘዋል።

ለመስቀል ደመራ በዓል እንኳን አደረሳችሁ በኢትዮጵያ ኦርቶዶክስ ቤተክርስቲያን ዘንድ በየዓመቱ መስከረም 16 የሚከበረው የመስቀል ዳመራ በዓል በዛሬው ዕለት እየተከበረ ነው። በዓሉ ሀይማኖታዊ ቢሆንም በተለያዩ አካባቢዎች ዘመድ ከዘመድ የሚጠያየቅበት እንዲሁም በርካታ ባህላዊ ክዋኔዎች የሚከወኑበት ነው።እናንተስ በየአካባቢያችሁ በዓሉን እንዴት እያከበራችሁት ነው? ሀሳብ አስተያየታችሁን አካፍሉን።

13 ሰላማዊ ዜጎችን ያቆሰለው የመቀሌው ጥቃት ምርመራ እንዲካሄድበት ተጠየቀ ሂዩማን ራይትስ ዎች ትናንት መስከረም 15 ቀን 2019 ዓ.ም ባወጣው መግለጫ መቀሌ ከተማ ውስጥ በአንድ መኖሪያ ቤት ግቢ ላይ በኢትዮጵያ መንግስት የተፈፀመ በሚመስለው የአየር ጥቃት፣ የጦር ወንጀል ሊሆን እንደሚችል አመልክቷል። ጥቃቱ ሰባት ህጻናትን ጨምሮ 13 ሰላማዊ ዜጎችን እንዳቆሰለ ድርጅቱ ገልጾ ምርመራ እንዲካሄድበት ጠይቋል። https://p.dw.com/p/5NKag?maca=amh-RED-Telegram-dwcom 👉🏾 @dwamharicbot

https://p.dw.com/p/5NJe5?maca=amh-RED-Telegram-dwcom

በዓለም ዜና የሚጀምረዉ የምሽቱ ስርጭታችን ፤ በዜና መጽሔት ጥንቅሩ፤ - የባልስልጣናት እስርና ዕገዳ በትግራይ - በትግራይ የስልክ እና የኢንተርኔት አገልግሎቶች መቋረጥ በአንዳንድ የአማራ ክልሎች የመብራት የአየር ትራንስፖርት እና የባንክ አገልግሎቶች መቋረጣቸዉ - የጉሙዝ ህዝብ ዴሞክራሲያዊ ንቅናቄ (ጉ.ህ.ዴ.ን) ‹‹ትብብር ለህልውና›› የተባለዉ ሰባት የታጣቁ ሐይሎች፤ በማላዉቀዉ ሁኔታ ስሜን አካተዋል ሲል ማስታወቁ -ኢትዮጵያ ዉስጥ የተቀሰቀሰው ጦርነት ኤርትራንና ሱዳንን ያሳትፍ ይሆን -የሰሜኑ ኢትዮጵያዉ ጦርነት የሚያስከትለዉ ሰብዓዊ ቀዉስ ምን ሊሆን ይችላል? ከአንጋፋዉ ጋዜጠኛ ነጋሽ መሐመድ ጋር የተደረገ ቃለ ምልልስ - ኤርትራዊ ስዊድናዊው ጋዜጠኛ ዳዊት ይስሀቅ 25 ዓመታት በኤርትራ እስር ቤት እንዲሁም አፍሪቃ በተመድ ፍትሃዊ ውክልና እንዲኖራት የሚቀርቡ ጥሪዎች መቀጠላቸዉ የተሰኙ ርዕሶችን ይዘናል። እንድትከታተሉን ከወዲሁ እንጋብዛለን።

ዶይቼ ቬለ የጦማረ-ዜና (Newsletter )አገልግሎት ተጠቃሚ ይሁኑ! የተወደዳችሁ የዝግጅታችን ታዳሚያን ከስርጭታችን ውስጥ በየሳምንቱ አንዴ ተመርጦ እንዲላክላችሁ የምትፈልጓቸው የጦማረ ዜና (Newsletter ) ስብስቦችን በቀጥታ በኢሜል አድራሻዎ እንዲላክልዎ ከፈለጉ ከስር ባለው ማገናኛ ውስጥ ባለው ባዶ ቦታ የኢሜል አድራሻዎን በማስገባት የአገልግሎቱ ተጠቃሚ መሆን ትችላላችሁ። ከስር ቀጥሎ በሰፈረ ክፍት ቦታ ላይ እስማማለሁ የአጠቃቀም ደንብ.* የሚለውን በመጫን «ያስገቡ» የሚለውን ሲነኩ በቀላሉ ተመዘገቡ ማለት ነው ። የዚሁ አገልግሎታችን ተጠቃሚ እንድትሆኑ ተጋብዛችኋል። የዶይቼ ቬለ የጦማረ-ዜና (Newsletter)አገልግሎት https://syst em.promio-connect.com/register/16401/default/am/single-registration/83494