FDRE Defense Force - የኢፌዴሪ መከላከያ ሠራዊት

የመቻል ሴት እግር ኳስ ቡድን የሲዳማ ቡና አቻውን 3ለ0 በሆነ ውጤት አሸነፈ። የኢፌዴሪ መከላከያ ሠራዊት ግንቦት 21 ቀን 2016 ዓ.ም በሁለተኛ ዙር የ15ኛ ሳምንት የሴቶች ፕሪምየር ሊግ ውድድር መቻል ሲዳማ ቡናን ሶስት ለባዶ በሆነ ውጤት ማሸነፍ ችሏል። መቻል ባለድል እንዲሆን ያስቻሉት ጎሎች  ስንታየሁ ኢርኮ እና ታደለች አብረሃም ከእረፍት በፊት እንዲሁም መስራት ወርቅነህ ከእረፍት መልስ አስቆጥረዋል። መቻል ሴት እግር ኳስ ቡድን የዛሬው ድል ተከትሎ ነጥብ 27  እና 14 ተጨማሪ ጎል ማድረስ አምስተኛ ደረጃ ላይ ይገኛሉ። የሴቶች ፕሪምየር ሊግ ውድድር በአዳማ ሳይንስ እና ቴክኖሎጂ ዩኒቨርሲቲ የሚቀጥል ሲሆን በአስራ ስድስተኛ ሳምንት ቅዳሜ ግንቦት 24 ቀን 10:00 ሰአት መቻል ከልደታ ክፍለ ከተማ ጨዋታቸውን ያደርጋሉ። ዘጋቢ ገረመው ጨሬ የኢፌዴሪ መከላከያ ሠራዊት ዩቲዩብ https://youtube.com/channel/UCgcF4HWzgNZRsmMlUlb8ebQ የኢፌዴሪ መከላከያ ሠራዊት  ቴሌግራም  https://t.me/+E_EOiTY9eq85ODI0 የኢፌዴሪ መከላከያ ሠራዊት ፌስቡክ https://www.facebook.com/fdredefense.official

ለሀገራቸው ብለው ጀግኖች መስዋዕትነት በከፈሉበት ቦታ ላይ ግንባታዎችን መገንባት ቅርስ እንደማቆም ነው፡፡ የኢፌዴሪ መከላከያ ሠራዊት ግንቦት 21 ቀን 2016 ዓ.ም የሰሜን ምዕራብ ዕዝ መሃንዲስ መምሪያ በዳንሻ ከተማ ለ5ኛ ሜካናይዝድ ክፍለጦር የመኖሪያ፣ የቢሮ ፣የአጥር ግንባታ እንዲሁም ለተለያዩ አገልግሎት የሚውሉ አዳራሾችን ገንብቶ በዛሬው ዕለት አስመርቋል፡፡ በምረቃ ፕሮግራሙ ላይ በክብር እንግድነት የተገኙት የዕዙ ዋና አዛዥ ሌተናል ጄኔራል ብርሃኑ በቀለ የወልቃይት ፀገዴ ሰቲት ሁመራ ዋና አስተዳዳሪ  የፀጥታና ማህበራዊ ዘርፍ ሃላፊ የሠራዊቱ አመራሮች ጥሪ የተደረገላቸው እንግዶች ተገኝተዋል፡፡ ዋና አዛዡ ለሀገራቸው ብለው ጀግኖች መስዋዕትነት በከፈሉበት ቦታ ላይ የተለያዩ ግንባታዎችን መገንባት ቅርፅ እንደማቆም ነው፣ ይህ የግንባታ ስራ ሠራዊታችን በአንድ ጊዜ ብዙ ተግባራትን መከወን እንደሚችል ማሳያ ነው ብለዋል፡፡ የአከባቢውን የአየር ንብረት ተቋቁሞ ሌት እና ቀን በመስራት ለዚህ ደረጃ ላደረሱ አመራሮች እና አባላት ምስጋና አቅርበዋል፡፡ የኛ ደንበኛ ህዝብ ነው ፣ አገልግሎታችን ደግሞ ሰላም እና ፀጥታ ማምጣት ነው። ለዚህ ደግሞ አስፈላጊ መስዋዕትነት እንከፍላለን ሲሉም ተናግረዋል፡፡ የዕዙ መሃዲስ መምሪያ ሃላፊ ኮሎኔል ዘለቀ ተካ መምሪያው ዕዙ ግዳጁን የተዋጣባቸው ቦታዎች በሙሉ ከሰራዊቱ ጎን ሆኖ ለሰራዊቱ ምሽግ መንገዶችን በመገንባት ግዳጁን አግዟል አሁንም ተቋማችን የጀመረውን ሪፎርም መሰረት በማድረግ የዕዙን የመኖሪያ ቤት ፍላጎት ለማሟላት መሠረት አድርጎ የተሰራ ነው ይህ ስራ ተጠናክሮ ይቀጥላል ብለዋል፡፡ በዕለቱ የግንባታው ስራ በዚህ ደረጃ ላይ ደርሶ ለምርቃት እንዲበቃ እገዛ ላደረጉ ዕዙን በተለያየ ጊዜ ለመሩ አመራሮች፣ የዳንሻ ከተማ አስተዳደር እንዲሁም በስራው ላይ የተሻለ አስተዋፅኦ ላበረከቱ አመራር እና አባላት ምስጋናና እና ሽልማት ተበርክቷል፡፡ ዘጋቢ አንዱአለም ከፍያለው ፎቶግራፍ አንዱአለም ከፍያለው የኢፌዴሪ መከላከያ ሠራዊት ዩቲዩብ https://youtube.com/channel/UCgcF4HWzgNZRsmMlUlb8ebQ የኢፌዴሪ መከላከያ ሠራዊት  ቴሌግራም  https://t.me/+E_EOiTY9eq85ODI0 የኢፌዴሪ መከላከያ ሠራዊት ፌስቡክ https://www.facebook.com/fdredefense.official

የመከላከያ መሃንዲስ ዋና መምሪያ በአስቸጋሪ ቦታዎች እና የአየር ፀባይ ገብቶ መስራት የሚችል የልማት ሃይል ነው ፡፡                     ሌተናል ጄኔራል ደስታ አብቼ የመከላከያ መሃንዲስ ዋና መምሪያ የታላቁ ህዳሴ ግድብ ግንባታ እንዲሳለጥ በአካባቢው በመንገድ ስራ ተሰማርቶ ለነበረው ቡድን እውቅናና ሽልማት አበርክቷል።     በፕሮግራሙ ላይ የመከላከያ መሃንዲስ ዋና መምሪያ ሃላፊ ሌተናል ጄኔራል ደስታ አብቼ የታላቁ የህዳሴ ግድብ የውሃ ሙሌት ስራ በወቅቱ እንዲከናወንና እንዲፋጠን የግብዓት ማመላለሻ መንገድ ስራ ግዳጅ ለፈፀሙ የዋና መምሪያው አመራሮችና አባላት የእውቅናና የማበረታቻ ሽልማት ሠጥተዋል። የመከላከያ መሃንዲስ ዋና መምሪያ በሃገር ውስጥ እና ከሀገር ውጭ ተቋራጮች ገብተው መሥራት በማይችሉበት አስቸጋሪ ቦታዎች እና የአየር ፀባይ ገብቶ መስራት የሚችል የልማት ሃይል መሆኑንም ተናግረዋል፡፡ ሌተናል ጄኔራል ደስታ አብቼ የኢትዮጵያን ታሪካዊ ጠላቶች በሙሉ የሚያሳፍሩ በአነፃሩ ኢትዮጵያዊያንን የሚያስደስት ሀገራዊ ግዳጅ ለፈፀሙ አባላት እውቅና መስጠት ተገቢ መሆኑን ገልፀው የመሃንዲስ ዋና መምሪያ የኮንስትራክሽን እና የመንገድ ስራዎችን ከመስራት ባለፈ አስቸጋሪ ውጊያዎችን ተዋግቶ በድል ያለፈ ክፍል መሆኑን ተናግረዋል፡፡   በመከላከያ መሃንዲስ ዋና መምሪያ የኮንስትራክሽን መምሪያ ሃላፊ ብርጋዲየር ጄኔራል ያደታ አመንቴ በበኩላቸው የህዳሴው ግድብ ግንባታ ለአንድም ሰከንድ እንዳይቆም በማድረግ የተሰጣችሁን ግዳጅ ለፈፀማችሁ አባላት ክብር ይገባችኋል ለቀጣይ ሥራም መዘጋጀት አለባችሁ ሲሉ ተናግረዋል፡፡ ለግዳጁ መሳካት ሚና ለነበራቸው የዋና መምሪያው ስታፍ አመራሮችም ምስጋና አቅርበዋል፡፡ በፕሮግራሙ ላይ የጠጠር መንገድ ስራውን ሪፖርት ያቀረቡት የመንገድ ስራው ቡድን መሪ ሻለቃ ምትኩ አብዲሳ የታላቁ ህዳሴ ግድብ ስራ መዳረሻ የጠጠር መንገዱ ከ210 ኪሎ ሜትር በተጨማሪ 66 ኪሎሜትር ተሰርቶ መጠናቀቁንም ገልፀዋል፡፡ በመጨረሻም በክፍሉ አገልግሎት ሲሰጡ ቆይተው በክብር በጡረታ ለተሰናበቱ አባላት የክብር አሸኛኘት ተደርጎላቸዋል፡፡ ዘጋቢ ተስፋዬ ሐይሉ ፎቶ ግራፍ ጌታሰው ጌትነት የኢፌዴሪ መከላከያ ሠራዊት ዩቲዩብ https://youtube.com/channel/UCgcF4HWzgNZRsmMlUlb8ebQ የኢፌዴሪ መከላከያ ሠራዊት  ቴሌግራም  https://t.me/+E_EOiTY9eq85ODI0 የኢፌዴሪ መከላከያ ሠራዊት ፌስቡክ https://www.facebook.com/fdredefense.official

17ኛ ሞተራይዝድ ሠላም አስከባሪ ሻለቃ የተባበሩት መንግስታት ድርጅት የሰላም አስከባሪዎች ቀንን አከበረ። የኢፌዴሪ መከላከያ ሠራዊት ግንቦት 21 ቀን 2016 ዓ.ም በደቡብ ሱዳን ዓለም አቀፍ የሠላም ማስከበር ተልዕኮ ላይ ተሠማርቶ የሚገኘው 17ኛ ሞተራይዝድ ሻለቃ የተባበሩት መንግስታት ድርጅት የሠላም አስከባሪዎች ቀንን በተለያዩ ዝግጅቶች አክብሯል። ሞተራይዝ ሻለቃው በዓሉን ከዩናሚስ ስታፍ ክፍሎች እና ከተለያዩ ሃገራት ወታደራዊ አታሸዎች ጋር በጋራ በመሆን "ለተሻለ ነገር በጋራ" ቢውልዲንግ ቤተር ቱጌዘር በሚል መሪ ቃል አክብሮ ውሏል። በክብረ በዓሉ ላይ በያምቢዮ የዩናሚስ የመስክ ቢሮ የበላይ ሃላፊና የደቡብ ሱዳን ምዕራብ ኢኳቶሪያል ሃገረ ገዥ በክብር እንግድነት የተገኙ ሲሆን ለዓለም ሠላም ሲሉ በተለያዩ ሃገራት በመሠማራት በግዳጅ ላይ ውድ ህይወታቸውን የከፈሉ ሠማዕታትን ለመዘገር የአበባ ጉንጉን ማስቀመጥ እና የህሊና ፀሎት በማድረግ ተከብሯል። ዘጋቢ አዲሱ ሙጨ ፎቶግራፍ እፀገነት ዴቢሳ የኢፌዴሪ መከላከያ ሠራዊት ዩቲዩብ https://youtube.com/channel/UCgcF4HWzgNZRsmMlUlb8ebQ የኢፌዴሪ መከላከያ ሠራዊት  ቴሌግራም  https://t.me/+E_EOiTY9eq85ODI0 የኢፌዴሪ መከላከያ ሠራዊት ፌስቡክ https://www.facebook.com/fdredefense.official

በጦር ሃይሎች ኮምፕሬሄንሲቭ ስፔሻላይዝድ ሆስፒታል የሚገኙ ሴት የሠራዊት አባላት ለታካሚዎች እንክብካቤ አድርገዋል። የኢፌዴሪ መከላከያ ሠራዊት ግንቦት 21 ቀን 2016 ዓ.ም በሆስፒታሉ የሚገኙ ሴት የሰራዊት አባላት በጦር ሃይሎች ኮምፕሬሄንሲብ ስፔሻላይዝድ ሆስፒታል ህክምና ላይ ለሚገኙ የሠራዊት አባላት አበረታች የሆነ እንክብካቤ ማድረጋቸው በእጅጉ እንዳስደሠታቸው ገልፀዋል። የሆስፒታሉ ሴቶች ጉዳይ ቡድን መሪ ሌተናል ኮሎኔል አለምፀሐይ ሀይሉ ታካሚ የሠራዊት አባላትን ከመንከባከብ በላይ የሚያሥደስት ትልቅ ነገር እንደሌለ ገልፀው ልብስን በማጠብ ሌሎች እገዛዎችን ለማድረግ በቀጣይም ዝግጁ መሆናቸውን ተናግረዋል። የዕለቱ ፕሮግራም አስተባባሪ ሻምበል ሙሉወርቅ ሞላ ለሀገራቸው ሠላም እና ልማት ዕውን መሆን በወጊያ ላይ ለተጎዱ የሰራዊት አባላት እንክብካቤ ማድረግ ተግባራቸውን መደገፍ ነው ከምንም በላይ ያሥደሥታል ብለዋል። ከተመደብንበት የህክምና ሙያ በተጨማሪ ታካሚዎችን በሁሉም መስክ የመንከባከብ ጅምራችን በቀጣይነትም ይቀጥላል ያሉት አሥተባባሪዋ ለሀገራችሁ ስትሉ ደማችሁን አፍስሳችሁ አጥንታችሁን ከስክሳችሁ የአባቶቻችንን አደራ አሥጠብቃችኋልና እንኮራባችኋለን ሲሉም ገልፀዋል። ዘጋቢ ሕይወት ደመቀ ፎቶግራፍ ሲፋን ደረጀ የኢፌዴሪ መከላከያ ሠራዊት ዩቲዩብ https://youtube.com/channel/UCgcF4HWzgNZRsmMlUlb8ebQ የኢፌዴሪ መከላከያ ሠራዊት  ቴሌግራም  https://t.me/+E_EOiTY9eq85ODI0 የኢፌዴሪ መከላከያ ሠራዊት ፌስቡክ https://www.facebook.com/fdredefense.official