MSI - MYANMAR SOCIETY INFORMATIONS

အသိပေးတင်ပြခြင်း Admin Dora Telegram Account Disable ဖြစ်သွားပါသဖြင့် Admin Dora နဲ့ ဆက်သွယ်ဆောင်ရွက်ထားလျှက်ရှိပါသော ကိစ္စများအား @Joewilliam2021 သို့ ပြောင်းလဲ ဆက်သွယ် ဆောင်ရွက်နိုင်ပါကြောင်း လေးစားစွာဖြင့် အသိပေးတင်ပြအပ်ပါသည်။

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Mar 30 - Apr 5, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၈ ခု ခွဲ၍ ဖော်ပြထားသည်။ 🔖 အာရှနဂါးအထည်ချုပ်စက်ရုံထဲ သေနတ်ကိုင် ဓားပြတိုက်

· ဧပြီလ ၄ ရက် မနက် ၁၁ နာရီခန့်တွင် ရန်ကုန်တိုင်း၊ ဒဂုံဆိပ်ကမ်းမြို့နယ်၊ ၈၉ ရပ်ကွက်၊ စက်မှုဇုန် ၁၊ ကနောင်မင်းသားကြီးလမ်းပေါ် အာရှနဂါးအထည်စက်ရုံထဲ သေနတ်ကိုင် အမျိုးသား ၂ ဦး ဝင်ရောက်လာပြီး ဓားပြတိုက်သွားကြောင်း သိရှိရသည်။ ကျပ် ၁၉၉၅ သိန်းပါသွားသည်။ · ဝန်ထမ်းများကို လစာပေးဖို့ စီစဉ်ထားသည့် ငွေများဟု ဆိုသည်။ လစာပေးဖို့အတွက် စက်ရုံရုံးခန်းအတွင်း၌ စီစဉ်နေချိန် ဝင်ရောက်လုယူသွားသည်ဟု သိရသည်။

———— 🔖 အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် လူ ၂ ဦး၏ ဖြစ်စဉ်ကို People's Spring မှ သိရှိရသည်။ လမ်းပေါ်ရှိနေစဉ် ပေါ်တာဆွဲဖမ်းဆီးခံလိုက်ရကြခြင်းဖြစ်သည်။ ၁ ဦးမှာ တောင်ဥက္ကလာမြို့နယ်ထဲတွင်ဖြစ်ပြီး နောက် ၁ ဦးဖြစ်စဉ်နေရာကိုမူ မသိရှိရပါ။

———— 🔖 လေကြောင်းခရီးသည်များကို ထပ်မံတင်းကြပ်မည်ဟုဆို

· ပြည်တွင်း ပြည်ပ လေကြောင်းခရီးစဉ်များတွင် ပြေး ၄ ပြေး (စစ်ပြေး၊ ရဲပြေး၊ တပ်ပြေး၊ ထောင်ပြေး ဟုဆို) မပါနိင်အောင် အကြမ်းဖက်စကမမှ ထပ်မံ စီစစ်တင်းကြပ်ဖို့လုပ်နေကြောင်း BBC မှ သိရှိရသည်။ · လက်မှတ်စစ်ကောင်တာများနှင့် လေကြောင်းရဲကောင်တာများ၌ ခရီးသည်များ၏ မှတ်ပုံတင်အချက်အလက်များကိုပါ ယူစစ်မည်ဟုဆိုသည်။

———— 🔖 တက္ကစီများအတွက် စက်သုံးဆီစနစ်သစ် ထပ်သတ်မှတ်

· ဧပြီလ ၃ ရက်မှ စပြီး တက္ကစီ၊ သုံးဘီးနှင့် ကုန်တင်ယာဉ်များအတွက် စက်သုံးဆီရောင်းချသည့် စနစ်သစ် ထပ်သတ်မှတ်ကြောင်း စကမမှ ထုတ်ပြန်ထားသည်။ · မောင်းနှင်ခဲ့သည့် ခရီးအကွာအဝေးပေါ်မူတည်ပြီး ရောင်းချပေးမည်ဟု ဖော်ပြထားသည်။ ယာဉ်များ လိမ်လည်ဆီထုတ်ပြီး ပြင်ပတွင်ပြန်ရောင်းချနေ၍ ထပ်မံတင်းကြပ်လိုက်သည်ဟု ဆိုသည်။

———— 🔖 ထိုင်းရေတပ် လည်ပတ်

· ထိုင်းနိုင်ငံမှ စစ်ရေယာဉ် HTMS Kraburi (FFG-457) ဖြင့် ရေတပ်ဖွဲ့ဝင်များ မတ်လ ၃၁ ရက်နေ့တွင် သီလဝါဆိပ်ကမ်းသို့ ရောက်ရှိလာပြီး ဧပြီလ ၄ ရက်နေ့တွင် ပြန်ထွက်သွားကြကြောင်း သိရသည်။ · ရန်ကုန်မြို့ထဲ ၅ ရက်ခန့်နေပြီး လည်ပတ်သွားလာခဲ့ကြကြောင်း သိရသည်။

———— 🔖 မင်းအောင်လှိုင်ကို သမ္မတမြှောက်

· ဧပြီလ ၃ ရက်နေ့တွင် နေပြည်တော်၌ပြုလုပ်သည့် စစ်တပ်နှင့် ကြံ့ဖွတ်ဦးစီး လွှတ်တော်က သမ္မတ ရွေးချယ်တင်မြှောက်ပွဲ ပြုလုပ်ခဲ့ပြီး မင်းအောင်လှိုင်က မဲပေါင်း ၄၂၉ ဖြင့် သမ္မတ၊ ညိုစောက ဒုတိယသမ္မတ ၁ နှင့် နန်းနီနီအေးက ဒုတိယသမ္မတ ၂ ဖြစ်လာကြောင်း သိရသည်။

———— 🔖 သောက်သုံးရေ ခက်ခဲမှုဖြစ်

· ဧပြီလ ၂ ရက်နေ့ဝန်းကျင်တွင် ရန်ကုန်မြို့ထဲ လျှပ်စစ်မီးပြတ်တောက်မှုမှာ ကြေညာထားသည်ထက် ပိုမိုကြာမြင့်ခဲ့ပြီး မြို့နယ်အချို့တွင် သောက်သုံးရေပြတ်လပ်သည့်ထိ ဖြစ်ခဲ့ကြောင်း သိရသည်။ · ကြည့်မြင်တိုင်၊ သင်္ဃန်းကျွန်း၊ အလုံ၊ မရမ်းကုန်း၊ အရှေ့ဒဂုံ၊ တောင်ဥက္ကလာ၊ ကွမ်းခြံကုန်း၊ ပုဇွန်တောင်နှင့် မြောက်ဒဂုံမြို့နယ်တို့၌ သောက်သုံးရေပြတ်တောက်ခဲ့ကြောင်း မီးသတ်မှ ထုတ်ပြန်ထားသည်။

———— 🔖 SIM ကဒ် အလုအယက်ဝယ်ကြ

· စကမမှ ဖုန်း IMEI မှတ်ပုံတင်ခိုင်းသည့် နောက်ဆုံးရက် မတ်လ ၃၁ ရက်နေ့တွင် ဖုန်းအရောင်းဆိုင်များ၌ ဆင်းကတ်ဝယ်သူများနှင့် E-Sim လျှောက်သူများ ကြိတ်ကြိတ်တိုး တန်းစီဝယ်သူနေခဲ့ကြကြောင်း သိရသည်။

06 Apr 2026 #RangoonScoutNetwork #YGN_weekly

ဗစ်တိုးရီးယား အမှုတွင် နာမည်ဆိုးဖြင့် ကျော်ကြားခဲ့သူ ဒုရဲချုပ် အောင်နိုင်သူ ရန်ကုန်တိုင်းဝန်ကြီးချုပ် ဖြစ်လာ ဗစ်တိုးရီးယားအမှုတွင် နာမည်ဆိုးဖြင့် ကျော်ကြားခဲ့သော ဒုရဲချုပ် အောင်နိုင်သူ အား ယနေ့တွင် ရန်ကုန်တိုင်းဝန်ကြီးချုပ် အဖြစ် အမည်စာရင်းတင်သွင်းခံရပြီး ရန်ကုန်တိုင်းဝန်ကြီးချုပ် ဖြစ်လာကြောင်း သိရှိရပါသည်။ Photo - နိုင်ငံတော်သမ္မတရုံး website

အသိပေးတင်ပြခြင်း Admin Dora Telegram Account Disable ဖြစ်သွားပါသဖြင့် Admin Dora နဲ့ ဆက်သွယ်ဆောင်ရွက်ထားလျှက်ရှိပါသော ကိစ္စများအား @Joewilliam2021 သို့ ပြောင်းလဲ ဆက်သွယ် ဆောင်ရွက်နိုင်ပါကြောင်း လေးစားစွာဖြင့် အသိပေးတင်ပြအပ်ပါသည်။

ကချင် ၊ ချင်းနှင့် ရခိုင်သို့ ပို့မည့် စက်သုံးဆီများ NUG ခွင့်ပြုချက်ဖြင့်သာ သယ်ဆောင်ရန်ညွှန်ကြား ပါခွီး မဇ္ဈိမ ။ ။ ကချင် ၊ ချင်းနှင့် ရခိုင်ပြည်နယ်များသို့ ပို့မည့် စက်သုံးဆီများ NUG၏ တိုင်း/ ဖက်ဒရယ် ယူနစ်နယ်မြေများကို ဖြတ်သန်းသယ်ဆောင်မည်ဆိုပါက ပြည်ထဲရေး နှင့်လူဝင်မှုကြီးကြပ်ရေးဌာန ဖြတ်သန်းခွင့်လိုအပ်ကြောင်း NUG က ညွှန်ကြားချက်ထုတ်သည်။ ဖြတ်သန်းသယ်ဆောင်မည့် မဟာမိတ်အဖွဲ့အစည်းသည် NUG နှင့် ညှိနှိုင်းရမည်ဖြစ်ကြောင်း ကြားကာလ ဒေသန္တရပြည်သူ့အုပ်ချုပ်ရေးဖော်ဆောင်မှုဗဟိုကော်မတီ ဒုဥက္ကဋ္ဌ (၁) ဦးလွင်ကိုလတ်က မတ်လ ၆ရက်တွင် လက်မှတ်ရေးထိုးထုတ်ပြန်ထားသည့် လျှို့ဝှက်ညွှန်ကြားစာတွင် ဖော်ပြထားသည်။ “ကျွန်တော်တို့ အဖွဲ့အစည်းတွေနဲ့ ကြိုတင်စကားပြောထားတာမရှိတော့ ဘယ်လိုရည်ရွယ်ချက်နဲ့ ဒီစာထုတ်တယ်ဆိုတာ မသိရဘူး။ ဒီစာအတိုင်းဆိုရင် ကချင် ၊ ချင်းနဲ့ ရခိုင်ပြည်နယ်မှာ ရှိတဲ့သူတွေကို ခွဲခြားဆက်ဆံတဲ့ပုံစံ သက်ရောက်တာပေါ့” ဟု ကြားကာလ ချင်းအမျိုးသား အတိုင်ပင်ခံကောင်စီ(ICNCC) ဥက္ကဋ္ဌ ဆလိုင်း ထန်ချွန်းဖေက မဇ္ဈိမကိုပြောသည်။ ပြည်မတွင် စက်သုံးဆီများ သိုလှောင်ထားခွင့်ရှိပြီး ကျန…

NUG တပ်များ၏ အမျိုးသမီးများအပေါ် ကျူးလွန်နေတဲ့ လိင်ပိုင်းဆိုင်ရာ အကြမ်းဖတ်မှုကိစ္စ ဖြေရှင်းပေးဖို့ အိတ်ဖွင့်ပေးစာပို့ https://www.facebook.com/share/p/1AY9WcUzre/

ဖြစ်သည်။ တော်လှန်ရေးအကျိုးစီးပွားသည် လူထုအကျိုးစီးပွားသာ ဖြစ်ပါသည်။ လူထုအကျိုးစီးပွားမရှိသော တော်လှန်ရေးကို လူထုကလည်း ထောက်ခံမည်မဟုတ်ပါ။ လူထုမထောက်ခံလျှင် ထိုတော်လှန်ရေးသည်လည်း သက်တမ်းမရှည်နိုင်ပါ။ ယခုဖြစ်ရပ်အပေါ် နစ်နာသူအမျိုးသမီး၏ စိတ်ပိုင်းဆိုင်ရာ၊ ရုပ်ပိုင်းဆိုင်ရာ လုံခြုံရေးအတွက် ကူညီရပ်တည်ကြဖို့၊ ကျူးလွန်သူများကို အရေးယူပြီး အမှားကို အချိန်မီ ပြင်ဆင်နိုင်ကြဖို့ မိမိတို့ မျှော်လင့်သည်။ ယခုကဲ့သို့ မတရားသဖြင့် ကျူးလွန်ခံရသည့်ဖြစ်ရပ်အပေါ် ပြတ်ပြတ်သားသား ဝိုင်းဝန်းရပ်တည်ပေးနိုင်ကြရန်လည်း မိမိတို့ အထူး တောင်းဆိုလိုက်သည်။ ဗမာနိုင်ငံလုံးဆိုင်ရာအမျိုးသမီးများသမဂ္ဂ မြန်မာနိုင်ငံအထွေထွေအလုပ်သမားသမဂ္ဂများအဖွဲ့ချုပ် - အမျိုးသမီးကော်မတီ ယောလူထုတိုက်ပွဲကော်မတီ စီဒီအမ်ပညာရေးဝန်ထမ်းများသမဂ္ဂ Revolutionary Education Phaungbyin Progressive Labor Community - တိုးတက်သောအလုပ်သမားများရပ်ဝန်း 33 Society #ABWU #ဗမသ #CondemnRape #RejectImpunity #RejectRacialDiscrimination #NoPatriarchyInRevolution

ယင်းမာပင်ခရိုင် တပ်ရင်း (၂၀) မှ အမျိုးသမီးရဲဘော်တဦး အဓမ္မပြုကျင့် ရိုက်နှက်ခံရသည့်ကိစ္စနှင့် စပ်လျဉ်း၍ ထုတ်ပြန်ကြေညာချက် ရက်စွဲ - ၂၀၂၆ ခုနှစ်၊ မတ်လ ၇ ရက် ယနေ့ကာလသည် ဗမာပြည်ကို နှစ်ပေါင်း (၆၀) ကျော် ချုပ်ကိုင်ထားသည့် စစ်သုံးစစ် (စစ်အစိုးရ၊ စစ်ဗျူရိုကရေစီ၊ စစ်အုပ်စု) ကို လူမျိုးပေါင်းစုံ တော်လှန်ပြည်သူလူထုကြီးက တဆုံးတိုင် အမြစ်ဖြတ်တိုက်ထုတ်နေသည့် အချိန်အခါဖြစ်သည်။ “ဖက်ဆစ်စစ်တပ်အမြစ်ဖြတ်” ဟူသည့် ပြတ်သားလှသော ကြွေးကြော်သံကို ဆုပ်ကိုင်ပြီး စစ်အုပ်စုပျက်သုဉ်းသည်အထိ ဦးတည်သွားကြရန် ရည်ရွယ်၍ ကျေးလက်၊ မြို့ပြမကျန် ဆင်းရဲဒုက္ခပေါင်းစုံကြား ရပ်တည်ဖြတ်သန်းနေကြရသည်။ မည်မျှပင်ပန်းဆင်းရဲစေကာမူ လူထုက တော်လှန်ရေးကို ရှေးရှု၍ ကျားကုတ်ကျားခဲ တောင့်ခံကြသည်။ သို့သော် ယင်းသို့တောင့်ခံနေသည့်ကြားကပင် လူထုကို စိတ်ပျက်အားလျော့စေသည့် အကြောင်းတရားများကား ကျယ်လောင်လာသည်။ ၎င်းမှာ တော်လှန်ရေးအဖွဲ့အစည်းအချို့၏ ဖိနှိပ်မှုများကို ပြည်သူလူထုအနေဖြင့် သိသိသာသာ ခံစားလာကြရ၍ ဖြစ်သည်။ ယနေ့ အွန်လိုင်း/မီဒီယာများပေါ် မြင်တွေ့လာရသည့် ပြဿနာများမှာ အတွင်းစည်းယန္တရားအတွင်းမှ တာဝန်ယူမှု၊ တာဝန်ခံမှုရှိစွာ (တနည်း) တရားမျှတစွာ မဖြေရှင်းနိုင်၍ အများရှေ့မှောက် ရောက်ရှိလာရခြင်းဖြစ်သည်။ ဤဖြစ်ရပ်များကို ကြည့်လျှင် သက်ဆိုင်ရာ ပြည်သူ့ဝန်ကြီးဌာနများ၏ ကိုင်တွယ်ဖြေရှင်းပုံမှာလည်း လွန်စွာမှ အားနည်းနေသေးကြောင်းကို တွေ့ရသည်။ ယင်းမာပင်ခရိုင် တပ်ရင်း (၂၀) တွင် အမျိုးသမီးရဲဘော်တဦးအား ဖမ်းဆီးချုပ်နှောင်ကာ အဓမ္မပြုကျင့် ရိုက်နှက်ခဲ့သည့်ဖြစ်စဉ်တခု ယမန်နေ့က ဝမ်းနည်းခံပြင်းဖွယ် ကြားသိရပါသည်။ ကျူးလွန်ခံရသူအမျိုးသမီးမှာ ၎င်းတပ်ရင်း၏ အမျိုးသမီးရဲဘော်တဦးလည်းဖြစ်သလို တဖက်မှာလည်း သုံးနှစ်အရွယ် သမီးငယ်၏ မိခင်၊ အိမ်ထောင်ရှင်အမျိုးသမီး ဖြစ်ပါသည်။ အမျိုးသမီးအား ပြင်းထန်စွာ ရိုက်နှက်၍တမျိုး၊ အသက်အန္တရာယ်အား ခြိမ်းခြောက်၍တဖုံ မျိုးစုံလုပ်ကာ အဓမ္မပြုကျင့်ခဲ့သည်ကို တွေ့ရသည်။ ထိုမျှမကသေးဘဲ အဆိုပါဖြစ်ရပ်ကို အရေးယူဖြေရှင်းမပေးသည့်အပြင် “အလိုတူအလိုပါ” ဟု ယိုးစွပ်ကာ ပြစ်မှုအား သေးငယ်ပပျောက်သွားအောင် လီဆယ်ပြီး အမျိုးသမီး၏ သိက္ခာအား ထပ်မံကျဆင်းအောင် စွပ်စွဲပြောဆိုခဲ့သည်ကိုလည်း တွေ့ရသည်။ တဖန် ကျူးလွန်ခံရသူအမျိုးသမီးမှာ အစ္စလာမ်ဘာသာဝင် ဖြစ်သည့်အပေါ်တွင် လူမျိုးရေးခွဲခြားသည့်အသုံးအနှုန်းများ၊ အပြုအမူများ၊ စော်ကားမှုများကို တပ်ရင်းရှိ ကျန်ရဲဘော်များကပါ ထပ်ဆင့်ကျူးလွန်ကြသည်ကိုလည်း ကြားသိရပါသည်။ စစ်အာဏာရှင်စနစ်၊ ဖိုဝါဒကြီးစိုးမှု၊ လူမျိုးရေးခွဲခြားမှု စသည့် ဖိနှိပ်မှုအရပ်ရပ်တို့ကို တွန်းလှန်နေသော မိမိတို့ အမျိုးသမီးအဖွဲ့(များ) အနေနှင့် အဆိုပါဖြစ်ရပ်များအပေါ် အပြင်းအထန် ရှုတ်ချလိုက်သည်။ လိင်ပိုင်းဆိုင်ရာအကြမ်းဖက်မှုသည် မည်သည့်အခြေအနေ၊ မည်သည့်အကြောင်းပြချက်အောက်တွင်မဆို ခွင့်လွှတ်၍မရနိုင်သော လူ့အခွင့်အရေးချိုးဖောက်မှုတရပ်ဖြစ်သည်ဟု မိမိတို့ ခံယူသည်။ ထို့ကြောင့် မိမိတို့အနေဖြင့် — ၁) အမှုနှင့်ပတ်သက်၍ ပွင့်လင်းမြင်သာသော စုံစမ်းစစ်ဆေးမှုကို ချက်ချင်းပြုလုပ်ရန် ၂) ကျူးလွန်သူများကို တာဝန်ယူမှု၊ တာဝန်ခံမှု ရှိစေရန်နှင့် ထိုက်သင့်သည့် ပြစ်ဒဏ်ချမှတ်ရန် ၃) ကျူးလွန်ခံရသူအပေါ် ဖြစ်ပွားခဲ့သည့် ထိခိုက်နစ်နာမှုကို အများပြည်သူရှေ့တွင် အသိအမှတ်ပြုရန် ၄) တော်လှန်ရေးအဖွဲ့အစည်းများအတွင်း လိင်ပိုင်းဆိုင်ရာအကြမ်းဖက်မှု မဖြစ်ပွားစေရန် ကာကွယ်ရေးစနစ်များနှင့် တာဝန်ခံမှုစနစ်များ တည်ဆောက်ရန် တို့ကို အလေးအနက် တောင်းဆိုလိုက်သည်။ တော်လှန်ရေးအင်အားစုများအနေနှင့် မည်သူမဆို လိင်ပိုင်းဆိုင်ရာအကြမ်းဖက်မှုကို ကျူးလွန်ပါက ထိုလုပ်ရပ်သည် ဖိုဝါဒကြီးစိုးမှုနှင့် အခွင့်အာဏာကို အသုံးချ၍ အကြမ်းဖက်ရေးလမ်းစဉ်ကို စစ်တပ်နည်းတူ ဆက်လက်ကျူးလွန်နေခြင်းဖြစ်သည်။ “အာဏာရှင်တိုက်ဖျက်ရေး” ဆိုသည့် အမည်အောက်တွင်ပင် အမျိုးသမီးများအပေါ် အကြမ်းဖက်မှုများကို လက်ခံခွင့်ပြုမည်ဆိုပါက ထိုတော်လှန်ရေးသည် လွတ်လပ်ရေးနှင့် တရားမျှတရေးအတွက် မဟုတ်တော့ပါ။ တော်လှန်ရေး၏ အဓိကတန်ဖိုးများဖြစ်သည့် လူ့ဂုဏ်သိက္ခာ၊ တရားမျှတမှုနှင့် လွတ်လပ်မှုတို့ကို ကာကွယ်ရမည့်အစား ထိုတန်ဖိုးများကို ချိုးဖောက်သည့် လုပ်ရပ်များကို ကျူးလွန်ခြင်းသည် တော်လှန်ရေး၏ အခြေခံရည်ရွယ်ချက်ကိုပင် သစ္စာဖောက်ခြင်းဖြစ်သည်။ တဖန် အမျိုးသမီးအခွင့်အရေး၊ လူနည်းစုအခွင့်အရေး၊ ဒေသတခု၊ လူတစု၊ တဦးတယောက်၏ မတရားကျူးလွန်ခံရမှုနှင့် အခွင့်အရေးများသည် “တော်လှန်ရေးအကျိုးစီးပွား” ခေါင်းစဉ်အောက်တွင် မည်သို့မျှ ချန်လှပ်ထားခံရခြင်း မရှိသင့်ပေ။ လူတဦးတယောက်စီတိုင်းသည် မိမိတို့ ခံစားရသော မတရားမှုများကို လက်ငင်းဖြေရှင်းပိုင်ခွင့်၊ လက်ငင်းဖြေရှင်းရန်တောင်းဆိုပိုင်ခွင့် ရှိသင့်သည်။ တော်လှန်ရခြင်း၏ မူလရည်မှန်းချက်ကိုယ်၌ကိုက မတရားဖိနှိပ်ခံရမှုကို ဖီဆန်ခြင်း၊ တွန်းလှန်ခြင်းဖြစ်သည်။ ဤသည်ကို တော်လှန်ရေးကာလအတွင်းမှာပါ ထပ်ဆင့်ပြီး မတရားဖိနှိပ်ခံလျှင်၊ သို့မဟုတ် ထိုမတရားမှုများကို အောင့်အီးသည်းခံနေရလျှင် တော်လှန်ရေး၏ မူလရည်ရွယ်ချက်ပင် ပျောက်ဆုံးနေရတော့မည်

ဖြေကြားပြီးနောက် သူမနဲ့ မိသားစုရဲ့ လုံခြုံရေးကို စိုးရိမ်ရကြောင်းပြောကာ တပ်ရင်းကို အမြန်ဆုံး ပြန်လာဖို့ ဖိအားပေးခေါ်ယူတာတွေရှိနေပါတယ်။ ဒီရေးသားချက်ဟာ ကာယကံရှင် ရဲမေရဲ့ ထွက်ဆိုချက်၊ အသက်အန္တရာယ်ထိ ခြိမ်းခြောက်ခံရမှုတွေ၊ သက်သေဖျောက်ဖျက်ဖို့ ကြိုးပမ်းမှုတွေကို အခြေခံပြီး စိစစ်ရေးသားထားတာဖြစ်ပါတယ်။ ဖြစ်စဉ်အတွင်းမှာ လိင်ပိုင်းဆိုင်ရာအကြမ်းဖက်မှုအပြင် လူ့ဂုဏ်သိက္ခာကို ထိခိုက်စေတဲ့ ပြုမူဆက်ဆံမှုတွေ၊ အကာအကွယ်မဲ့မှုတွေလည်း အများကြီးပါဝင်နေပါတယ်။ ဒီကိစ္စက လူမျိုးရေး၊ ဘာသာရေး အကြောင်းအရာတွေကို အဓိကထားရေးသားတာမဟုတ်ဘဲ အမျိုးသမီးရဲဘော်တစ်ဦးရဲ့ လုံခြုံရေး၊ အခွင့်အရေးနဲ့ တရားမျှတမှု ဆိုတဲ့ အခြေခံလူ့အခွင့်အရေးအရ ထောက်ပြခြင်းသာ ဖြစ်ပါတယ်။ ဟန်နီဟာ ဘာရာထူးအာဏာမရှိတဲ့ volunteer တစ်ဦးသာဖြစ်ပါတယ်။ ဒီလိုဖြစ်ရပ်တွေအတွက် ဘယ်အဖွဲ့အစည်းများထံ တိုင်ကြားနိုင်မလဲ၊ ဘယ်သူတွေမှာ ဖြေရှင်းပေးဖို့ တာဝန်ရှိသလဲ၊ သက်သေတွေ မဖျောက်ဖျက်ခံရစေဖို့ ဘာတွေ လုပ်သင့်သလဲ၊ ကာယကံရှင်ကို ဘယ်လိုအကာအကွယ်တွေ ပေးနိုင်မလဲ စတဲ့အချက်တွေအပေါ် အတွေ့အကြုံရှိတဲ့ မီဒီယာတွေ၊ လူ့အခွင့်အရေးအဖွဲ့တွေနဲ့ အရပ်ဘက်အဖွဲ့အစည်းကလူတွေ ဝိုင်းဝန်းအကြံပြုကူညီပေးစေလိုပါတယ်။ ကာယကံရှင်ရဲ့ လုံခြုံရေးနဲ့ တရားမျှတမှုအတွက် သတင်းမီဒီယာတွေ၊ လူ့အခွင့်အရေးအဖွဲ့အစည်းတွေနဲ့ လူမှုအသိုင်းအဝိုင်းအားလုံး ဝိုင်းဝန်းအသံထွက်ပေးကြဖို့ ဟန်နီအနေနဲ့ အလေးအနက်ထားတောင်းဆိုပါတယ်။ Alice Honey

ဇန်နဝါရီ ၅ ရက်နေ့ညမိုးချုပ်တော့ တပ်ရင်းမူးရောက်တော့ သူမရဲ့ ဒဏ်ရာနဲ့ ပုံတွေကို စစ်ဆေးပြီး အချုပ်ထောင်ကို ခေါ်သွားခဲ့ကာ တရားခံဘယ်သူလဲဆိုတာ ရွေးခိုင်းတယ်။ အဲ့အချိန်မှာ ကိုဘယ်ကျော်နဲ့ ဝက်ခြံစောင့်သူတစ်ဦးတို့ကို တွေ့မြင်ခဲ့ရပြီး မုဒိမ်းမှုက ညအမှောင်အတွင်း ဖြစ်ပွါးခဲ့တဲ့အတွက် ရဲမေအနေနဲ့ တရားခံကို အတိအကျ မှတ်မိဖို့ ခက်ခဲနေခဲ့ပါတယ်။ ဒါပေမယ့် ကျူးလွန်သူရဲ့ ကိုယ်အလေးချိန်နဲ့ ကိုယ်နေဟန်ထားတို့ကို အခြေခံကာ ကိုဘယ်ကျော် ဖြစ်နိုင်တယ်လို့ ရဲမေက ပြောဆိုခဲ့တယ်။ အဲ့အခါ ရဲမေကို ကိုဘယ်ကျော် မျက်နှာချင်းဆိုင်ကာ မေးတယ် "နင့်ကို ငါ ဘာလုပ်လို့လဲ"တဲ့ မေးမြန်းပါတယ်။ ဒီလို စကားကို မျက်နှာချင်းဆိုင်ပြီး ပြောတာကြားလိုက်ရတော့ မုဒိမ်းကျင့်ခံရသူအနေနဲ့အလွန်အမင်း ရှက်ရွံ့မှုနဲ့ စိတ်ပိုင်းဆိုင်ရာ ထိခိုက်မှုတွေကိုပါ ခံစားခဲ့ရတယ်။ စစ်ဆေးမှုအတွင်း တပ်ရင်းမှူးက ရဲမေ ၁ ဦးနဲ့ တခြားအမျိုးသမီးရဲဘော် ၁ ဦးကို ခေါ်လာပြီး "ရဲမေတွေကို သက်သေအနေနဲ့ ခေါ်ထားတာ။ ဒီ Kလားမကို စစ်ပြီးတာနဲ့ သတ်ပစ်မယ်"လို့ ပြောဆိုခဲ့တယ်။ အဲ့နေ့ကစပြီး တပ်စခန်းအတွင်း သူမကို နာမည်နဲ့ မခေါ်တော့ဘဲ “Kလားမ” လို့ ခေါ်ဆိုမှုတွေ စတင်ခဲ့ပါတယ်။ ကိုဘယ်ကျော်ကို စစ်ဆေးရာမှာ "သူက မုဒိမ်းကျင့်တာ မဟုတ်ပါဘူး၊ ရဲမေကပါ အလိုတူ အလိုပါ"လို့ ပြောဆိုတယ်။ အဲ့နောက် ကိုကတုံးဆိုသူက ရဲမေကို "နင်ရော အလိုတူအလိုပါမလား" လို့ပြောဆိုပြီး မြေပြင်မှာ ဒူးထောက်ခိုင်းပြီးတော့ ဖိနပ်နဲ့ ပါးကို ရိုက်တာ၊ စောင့်ကန်တာတွေ အထိ ပြုလုပ်ခဲ့တယ်။ ဒီနေရာမှာလည်း ရဲမေက "သူမမှာ ကာမပိုင်ယောကျာ်းရှိတယ်၊ ကလေးလည်း ရှိတယ်၊ တခြားလူနဲ့ အတူနေပါ့မလားဆိုပြီး" ရိုက်တဲ့သူကို မဟုတ်ကြောင်း ပြန်ပြောခဲ့တယ်။ ပြီးတော့ "ရဲမေရဲ့ ကိုယ်ပေါ်မှာ စာရေးထားတာလဲ ဖြောင့်နေတာပဲ၊ ရုန်းကန်ထားတာလည်း မရှိဘူးဆိုပြီး ပြောတယ်၊ ခုလိုစာရေးတာကိုကျ နင်လက်ခံတယ်ပေါ့… ဟုတ်လား၊ မအော်ဘူးလား ဘာညာဆိုပြီး ဆက်ပြောသေးပြီး ဘယ်လိုပုံစံနဲ့ရေးထားတာလဲတောင် မမေးမြန်းဘဲနဲ့ ဘာမှ ရှင်းပြခွင့်မပေးခဲ့ဘဲ သူတို့ပြောတာ အမှန်ဆိုတဲ့သဘောနဲ့ ရဲမေကို ထပ်မံရိုက်နှက်ခဲ့ပါတယ်။ နောက်ပိုင်းမှာ အချုပ်ထောင်အတွင်း ဆက်လက်စစ်ဆေးမှုတွေ ပြုလုပ်ကာ ကိုဘယ်ကျော်ကို တရားခံအဖြစ် သတ်မှတ်ခဲ့ပြီး မှတ်တမ်းဗီဒီယိုတွေကို အချုပ်ထောင်က ရိုက်ကူးထားခဲ့တယ်။ တပ်ရင်းမှူးထံ မုဒိမ်းမှုကြောင့် ကိုယ်ဝန်ရှိမှာကို စိုးရိမ်ကြောင်း ပြောခဲ့တော့ ဇန်နဝါရီ ၈/၉ ရက်နေ့မှာ "အရက်နဲ့ ကျားငါးကောင်"ကို ၂ ကြိမ်တိုင်တိုင်သောက်ခိုင်းခဲ့တယ်။ သူမမှာ အစာအိမ်ရောဂါရှိတဲ့အတွက် ဗိုက်ဖောင်းကားပြီး နာကျင်မှုတွေ ဖြစ်ပေါ်ခဲ့ပေမယ့်လည်း နားခွင့်မပေးခဲ့ဘူး။ ဗိုက်ကပူထွက်လာတော့ တပ်ရင်းမှူး မိန်းမက ခေါ်ပြီးကြည့်ပြီး "ကိုယ်ဝန်ရှိခဲ့ရင်တောင် စိတ်မပူနဲ့ လက်သည်နဲ့ ခေါ် ဖျတ်ပေးမယ်"လို့ ပြောတယ်။အမျိုးသားကလည်း ပြန်မလာသေးတော့ ဆေးခန်းလည်း မပြရဘူး။ နေမကောင်းဘဲ နာကျင်နေပေမယ့်ထမင်းစားချိန်တိုင်းမှာ ဒိုက်ထိုး ၁၀၀ ခိုင်းတာ မလုပ်နိုင်ရင် ထိုင်ထ ၁၀၀ ခိုင်းတာတွေလည်း ပြုလုပ်ခဲ့ရသေးတယ်။ အဲ့တပ်ရင်းအတွင်းမှာ ရဲမေဟာ အစ္စလာမ်ဘာသာကို ယုံကြည်သူ ဖြစ်ပေမယ့်လည်း သူမကိုအချက်အပြုတ်တာဝန် ပေးထားတာကြောင့် ဘာသာရေးအရ မစားသုံးနိုင်တဲ့ ဝက်သားချက်ပြုတ်ပေးရတဲ့ အခြေအနေတွေကိုပါ ကြုံတွေ့ခဲ့ရပါတယ်။ တစ်ကြိမ်မှာ ရဲမေက တပ်ရင်းမှူးထံကို "သမီးက အလုပ်အားလုံး လုပ်နိုင်ပါတယ်။ ဒါပေမယ့် ဝက်သားချက်တာလေးတော့ ဘာသာရေးအရ အဆင်မပြေလို့ပါ" ဆိုပြီး လေးစားစွာ တောင်းဆိုခဲ့ပါတယ်။ ဒါပေမယ့် တပ်ရင်းမှူးက "ရဲမေ အချင်းချင်း ညှိပြီး လုပ်လိုက်ပါ။ နင်က ဂျူနီယာဖြစ်တယ်။ စည်းကမ်းအရ ခိုင်းတာပဲ"လို့ ပြန်လည် ပြောဆိုခဲ့ပြီး သူမရဲ့ဘာသာရေးခံယူချက်ကို လေးစားစွာ စဉ်းစားပေးတာမျိုး မရှိခဲ့ပါဘူး။ ရဲမေဟာ အစ္စလာမ်ဘာသာကို သက်ဝင်ယုံကြည်သူ ဖြစ်တာကြောင့် ဝက်သားဟာ ဘာသာရေးအရ မစားသုံးရတဲ့ အစားအစာဖြစ်ပေမယ့် တာဝန်ပေးခံရတာကြောင့် ဝက်သားချက်ပြုတ်ရတာ၊ ဝက်သားစားပြီးတဲ့ ပန်းကန်တွေကို ဆေးကြောရတာတွေကိုပါ မဖြစ်မနေ လုပ်ဆောင်ခဲ့ရပါတယ်။ အခက်အခဲတွေကြားကပင် ရဲမေဟာ တော်လှန်ရေးအတွက်ဆိုတဲ့ စိတ်နဲ့ တာဝန်ယူမှုအပြည့်နဲ့ လုပ်ဆောင်ခဲ့တာပါ။ နောက်တော့ အောက်စခန်းကို ရဲမေဟာ ရဲဘော် မိုးကြိုး၊ ထွန်းရွှေ၊ မိုးကြီးတို့နဲ့အတူ ရောက်ခဲ့ပြီး အမှုဖွင့်ဖို့ စာရေးခိုင်းခံရတယ်။ ဒါပေမယ့် ဒုတပ်ရင်းမှူး ကိုထက်ဦးက အမှုစာထဲမှာ တပ်ရင်းမှူး ရန်ရှင်းအောင် ရိုက်တာကို ထည့်မရေးဖို့ပြောတယ်။ အမှုစာရေးပြီးတော့ ခဏနေပါဦး ဗိုလ်နဂါးကိစ္စရှုပ်နေတယ်လို့ ထပ်ပြောပြီး ဆက်လက်မဖြေရှင်းတော့ပါ။ အဲ့အချိန်မှာ ယင်းမာပင်–ပုလဲဒေသအတွင်း တိုက်ပွဲတွေ ပြင်းထန်လာတော့ ရဲမေ၊ အမျိုးသားဖြစ်တဲ့ ရဲဘော်နဲ့ သမီးငယ်လေးကို စခန်းအစောင့်အဖြစ်ဆိုပြီး ချန်ထားခဲ့ကာ တပ်ရင်းအဖွဲ့ဝင်တွေက ဘေးလွတ်ရာကိုတိမ်းရှောင်သွားကြပါတယ်။ စခန်းမှာ စားနပ်ရိက္ခာနဲ့ ဆက်လက် နေထိုင်ဖို့ အထောက်အပံ့တွေ မရှိတော့ ရဲမေက ဖခင် ရဲဘော်ထံ အကူအညီတောင်းကာ တပ်ရင်းမှူးရဲ့ ခွင့်ပြုချက်နဲ့ ပိုမိုလုံခြုံတဲ့နေရာကို မိသားစုနဲ့အတူ ရွှေ့ပြောင်းနေထိုင်ခဲ့ရပါတယ်။ အဲ့ဖြစ်စဉ်နဲ့ပတ်သက်လို့ သတင်းဌာနမှာ

အားကိုးတကြီးမေတ္တာရပ်ခံပေမယ့် မရတော့ အလွန်စိတ်ဓာတ်ကျကာ ဝမ်းနည်းခဲ့ရတယ်။ ဘာလို့လဲဆိုတော့ အာဏာသိမ်းကာလအတွင်း သူမရဲ့ အသက် ၂ နှစ် ၈ လသာရှိတဲ့ သားငယ်တစ်ဦး အဖျားပြင်းထန်စွာနဲ့ ကွယ်လွန်ခဲ့ဖူးတယ်။ လက်ရှိ အချုပ်အတွင်းရှိ သမီးငယ်လေးအတွက် ဘာမဆို ဖြစ်လာနိုင်တာကို သူမအသက်ထက်ပင် ပိုမိုစိုးရိမ်နေခဲ့တာပါ) အဲ့ဒီနောက်မှာတော့ တပ်ရင်းမှူးက ရဲမေကို မြေပြင်ပေါ် မှောက်ခိုင်းပြီး ၁၀ ချက်ခန့် ဆက်တိုက်ရိုက်နှက်တော့ မခံနိုင်လို့ လူးလိမ့်ပြီး အော်လိုက်တယ်။ နောက်တော့ မြေပြင်မှာ တုတ်စိုက်ပြီး တုတ်မှာ လက်ကို ကြိုးနဲ့ချည်တယ်၊ ပါးစပ်ကနေ အသံမထွက်အောင် အဝတ်စ/ပုဆိုးစလို အရာဝတ္တု (မှောင်နေတော့ အတည်ပြုလို့မရ)ကို ပါးစပ်မှာစည်းနှောင်လိုက်တယ်၊ ပြီးတော့ အကြိမ်ပေါင်းများစွာ ရိုက်နှက်ခဲ့ပါတယ်။ ထို့နောက် ဆက်လက်ဖြစ်ပွားခဲ့တဲ့ အဖြစ်အပျက်တွေအထဲ ရဲမေကို ချုပ်ထားစဉ်အတွင်း မုဒိမ်းကျင့်ခံရမှုတွေ၊ ခြိမ်းခြောက်မှုတွေနဲ့ ဓားနဲ့ ခြစ်ပြီး စာရေးသားမှုတွေအထိ ပါဝင်ပါတယ် (စာဖတ်နေတဲ့ သူအနေနဲ့စိတ်ခံစားချက်မကောင်းရင် အောက်ကို ဆက်မဖတ်ပါနဲ့) နောက်ရက် ၃၁ ရက်နေ့ညမှာ တပ်ရင်းမှူးခေါ်ခိုင်းတယ်ဆိုပြီး သူမကို ခေါ်ထုတ်ကာ မနေ့ညက ရိုက်နှက်တဲ့နေရာမှာ "ရဲမေ မလား၊ မှောက်စမ်း"ဆိုပြီး မှောက်ခိုင်းတယ်၊ လက်ကိုကြိုးတုပ်တယ်၊ ပါးစပ်ကိုလည်း တပ်ရင်းမှူး စည်းတဲ့ပုံစံအတိုင်း စည်းတယ်၊ မျက်နှာကို အင်္ကျီနဲ့ စွပ်တယ်၊ အောက်မှာ အခင်းခင်းတယ်၊ ပြီးနောက် မှောက်ရက်အတိုင်းရှိနေတဲ့ သူမကို အနောက်ဘက်ကနေ မုဒိမ်းပြုကျင့်ခဲ့ပါတယ်။ အဲ့အဖြစ်အပျက်အတွင်းမှာ "နင် အစာအငတ်ခံသေသွားလဲ ဘယ်သူမှနင့်ကို ဂရုမစိုက်ဘူး၊ နင့်သမီးကလည်း ငါတို့လက်ထဲမှာ၊ မလွတ်ဘူးမို့ ဒီကိစ္စ ဒီအမိန့်ကို နာခံရင်တော့ လွတ်ပေးမယ်တဲ့၊ နင့်ကို ဒီကိစ္စက တပ်ရင်းမှူးခိုင်းတာဖြစ်တဲ့အတွက် နင် ဒီကိစ္စကို ဖွင့်ပြောလဲ၊ ဘယ်သူမှ ယုံမှာမဟုတ်ဘူး၊ နင်ပဲ အသတ်ခံရမယ်"လို့ သူမကို ခြိမ်းခြောက်ပြောဆိုသွားခဲ့ပါသေးတယ်။ ၂၀၂၆ ခုနှစ် ဇန်နဝါရီလ ၁ ရက်နေ့မှာလည်း အလားတူဖြစ်ရပ် ထပ်မံဖြစ်ပွားခဲ့ပါတယ်။ အဲ့ဒီနေ့မှာ မုဒိမ်းမှုကျူးလွန်ခဲ့သူဟာ ရဲမေကို ချုပ်ထားတဲ့နေရာအထိ ဝင်လာပြီး ဓားလို့ယူဆရတဲ့ လက်နက်တစ်ခု ကိုင်ဆောင်ထားကာ သူမရဲ့ လည်ပင်းကို ထောက်ထားခဲ့ပါတယ်။ အဲ့နောက် “နင် အော်ရင် နင်နဲ့ နင့်ကလေးကိုပါ သတ်ပစ်မယ်” ဆိုပြီး ခြိမ်းခြောက်ပြောဆိုခဲ့ပြီး ပထမနေ့ကအတိုင်း သူမရဲ့ လက်ကို ကြိုးနဲ့ချည်ကာ ပါးစပ်ကို အဝတ်နဲ့ စည်းထားကာ ထပ်မံ မုဒိမ်းမှု ပြုလုပ်ခဲ့ပါတယ်။ မုဒိမ်းမှုကျူးလွန်သူက အဲ့အဖြစ်အပျက်ပြီးနောက် "နင်တွေ့လား ပထမနေ့က အမိန့်နာခံတဲ့အတွက် ဒုတိယရက်မှာ နင့်အချုပ်ခန်း တံခါးမရှိတော့ဘူး၊ နောက်ဆိုရင် နင်အချုပ်ခန်းအပြင်သာ ရောက်ဖို့ပဲရှိတော့တယ်"ဆိုပြီး ပြောသွားတယ်။ ခုလိုမျိုးအခြေအနေမှာ ကူကယ်ရာမဲ့ဖြစ်နေတဲ့ ရဲမေဟာ အကြိမ်ကြိမ် မုဒိမ်းကျင့်ခံရတဲ့အတွက် သူမ ကိုယ်စွမ်း ညဏ်စွမ်းရှိသလောက်နဲ့ နောက်တခါဖြစ်လာရင် ဘယ်လိုခုခံရမလဲဆိုပြီး စဉ်းစားခဲ့တယ်။ ထွက်ပြေးဖို့အထိ စဉ်းစားခဲ့ပေမယ့် ထွက်ပြေးသွားပါက သူမဘက်က အမှားဖြစ်သွားနိုင်မယ်ဆိုတဲ့ စိုးရိမ်မှုကြောင့် မလုပ်ဆောင်ခဲ့ပါဘူး။ နောက်ဆုံးတော့ ထပ်မံ မုဒိမ်းကျင့်ခံရခြင်းမှ ကာကွယ်နိုင်ဖို့ ကြိုးစားတဲ့အနေနဲ့ သူမရဲ့ ပေါင်နဲ့ မိန်းမအင်္ဂါမှာ အပူလောင်ခံပြီး ပရုတ်ဆီတွေ လိမ်းထားလိုက်တယ်။ ရဲမေစိုးရိမ်နေတဲ့အတိုင်း နောက်ရက် ဇန်နဝါရီလ ၂ ရက်နေ့ညမှာ ထပ်မံ သူမအခန်းကို ဝင်ရောက်လာပြီး အလားတူ မုဒိမ်းမှုထပ်မံကျူးလွန်ဖို့ ကြံစည်ရာ ပရုတ်ဆီ လိမ်းထားတာကြောင့် "ကောင်မ…ပညာပြတာပေါ့" ဆိုပြီး ပြောကာပြန်ထွက်သွားခဲ့တယ်။ ဒါပေမယ့် ပြန်ဝင်လာပြီး ပလိပ်ဒါးလို့ ယူဆရတဲ့ ဓားမျိုးတစ်ခုကို အသုံးပြုကာ အရင်ဆုံး ရဲမေရဲ့ပေါင်တွေကို ပလိပ်ဒါးလို့ယူဆရတဲ့ ဓားမျိုးနဲ့ ခြစ်တယ်။ ခြေသလုံးကိုလည်း ဓားနဲ့ ခြစ်တယ်။ သူမရဲ့အပေါ်ကနေ တက်ဖိထားပြီး ပေါင် ၂ ဖက်မှာ ရန်ရှင်းဆိုတဲ့ စာလုံးကို အသားပေါ် ဓားနဲ့ထွင်း ရေးတယ်။ခြေသလုံးပေါ်မှာလဲ အလားတူ တပ်ရင်း ၂၀ YMYZ ဆိုတဲ့စာလုံးကို အသားပေါ်မှာ ဓားနဲ့ ခြစ်ရေးသွားခဲ့တယ် ( ဒီနေရာမှာ ရန်ရှင်းဆိုတာ တပ်ရင်းမှူး ရန်ရှင်းအောင်ရဲ့ နာမည်ဖြစ်ပြီး တပ်ရင်း ၂၀ YMYZ ဆိုတာ တပ်ရင်း ၂၀ ရိုးမရာဇာကို ဖော်ပြလိုတာပါ)။ ဇန်နဝါရီလ ၄ ရက်နေ့ ညနေမှာ ရဲမေကို တပ်ရင်းမှူး ကိုရန်ရှင်းအောင်က တခြားလိုက်ပါလာသူတွေနဲ့အတူ ကားနဲ့ တောင်ပေါ်စခန်းကို ပြန်လည်ခေါ်ဆောင်သွားခဲ့တယ်။ တပ်ရင်းမှူးကို တိုက်ရိုက်စကားပြောခွင့်မရတော့ ရဲမေမြင့်မြတ်ထက်ကနေတဆင့် သူမ ကြုံတွေ့ခဲ့ရတာတွေကို ပြောခဲ့ပါတယ်။ ဒါပေမယ့် တောင်ပေါ်စခန်းကို ရောက်ရှိတာနဲ့ စစ်ဆေးမေးမြန်းမှု တခုမျှမပြုလုပ်ဘဲ "ပြစ်ဒဏ်"လို့ဆိုပြီး ရဲမေကို ကလေးတစ်ဖက်နဲ့ မြေတူးခိုင်းခဲ့တယ်။ အနားယူခွင့်မရဘဲ အလုပ်ဆက်တိုက်လုပ်ခိုင်းခဲ့ပြီး ထမင်းစားချိန်မှသာ ခဏနားခွင့်ရတယ်။

"မုဒိမ်းကျင့်ခံရလို့ တိုင်တဲ့ PDF ရဲမေကို 'နင်ရော အလိုတူအလိုပါမလား' ဆိုပြီး ဒူးထောက်ခိုင်း၊ ဖိနပ်နဲ့ ပါးရိုက်၊ စောင့်ကန်တာတွေ ပြုလုပ်" ယင်းမာပင်ဒေသမှာ အခြေစိုက်ထားတဲ့ ယင်းမာပင် ရိုးမရာဇာ တပ်ရင်း ၂၀ အတွင်း ၂၀၂၅ ခုနှစ် ဒီဇင်ဘာလ ၂၆ ရက်မှာ ဖြစ်ပွားခဲ့တဲ့ ဖြစ်စဉ်တစ်ခုပါ။ ဖြစ်စဉ်ရဲ့အစက_ ယင်းမာပင် တပ်ရင်း ၂၀ မှာ တာဝန်ထမ်းဆောင်နေတဲ့ ရဲမေတစ်ဦးဟာ ၂၀၂၅ ခုနှစ် ဒီဇင်ဘာလ ၂၆ ရက်နေ့မှာ စခန်းအနီးရှိ ရွာကို သွားပြီး ဆီဖိုးအတွက် ထောက်ပို့ငွေ အလှူခံထွက်ခဲ့ပါတယ်။ အလှူခံရာကနေ မြန်မာကျပ်ငွေ နှစ်သောင်းကျော်နဲ့ ဆန်အနည်းငယ် ရရှိထားတဲ့အချိန်မှာ အဲ့ဒီရွာကို ဒုတပ်ရင်းမှူး ကိုထက်ဦးနဲ့ ရဲဘော် ဗိုက်ကလေးတို့ လက်နက်ကိုယ်စီ ကိုင်ဆောင်ပြီး ရောက်လာခဲ့ကြကာ လူအများရှေ့မှာပဲ ရဲမေကို ဆံပင်ဆွဲ၊ ပါးရိုက်ကာ ကိုယ်ထိလက်ရောက် ပြုလုပ်ခဲ့တယ်။ ရဲမေကတော့ သူမအနေနဲ့ တပ်ရင်းကို အသိမပေးဘဲ အလှူခံထွက်ခဲ့တာ မှားခဲ့တာကို လက်ခံတယ်လို့ ပြောခဲ့ပေမယ့် အခုလို မေးမြန်းမှုမရှိဘဲ လူလည်ခေါင်မှာ ကိုယ်ထိလက်ရောက် ပြုလုပ်တာကို မခံနိုင်ဘူးလို့ ပြန်လည်ပြောဆိုခဲ့ရာကနေ အချေအတင် ဖြစ်ပွားခဲ့ပါတယ်။ အဲ့ဒီဖြစ်စဉ်ကို ရွာသားတချို့လည်း မြင်တွေ့ခဲ့ကြပြီး အလှူခံရရှိထားတဲ့ ငွေကြေးနဲ့ ဆန်တွေကိုလည်း အဲ့ဒီအချိန်မှာ တပ်ဖွဲ့ဆီ ရဲမေက ပေးအပ်ခဲ့ပါတယ်။ အဲ့အချိန်မှာ ပြဿနာ မပြေလည်သေးပေမယ့် ရဲမေရဲ့ အမျိုးသားဖြစ်တဲ့ ရဲဘော်မှာ အလုပ်ခရီးသွားရမယ့် ကိစ္စရှိတယ်ဆိုတဲ့ အကြောင်းပြချက်နဲ့ ရဲမေနဲ့ ၃ နှစ်အရွယ် သမီးငယ်လေးတို့ကို ခရိုင်ထောင်မှာ ခဏထားခဲ့မယ်လို့ ပြောဆိုကာ သွားခိုင်းခဲ့တယ်။ "ဒီနေ့ ရဲဘော်က ခရီးသွားမှာဆိုတော့ ရဲမေနဲ့ ကလေးကို ခရိုင်ထောင်မှာ အပ်ထားခဲ့ရမယ်၊ ဘာမှမဖြစ်ပါဘူး၊ တစ်ရက် နှစ်ရက်နေရင် တပ်ရင်းမှူးလာခေါ်မှာ"လို့ ပြောခဲ့တာကြောင့် သူတို့မိသားစုလည်း သံသယမရှိဘဲ ကြည်ဖြူစွာ လိုက်ပါသွားခဲ့တာပါ။ အနောက်ကနေ ဆိုင်ကယ် ၁ စီးနဲ့ လက်နက်ကိုင်ဆောင်ထားတဲ့ ထောက်ပို့ရဲဘော် ကိုမယ်တော်ကြီးနဲ့ ဗိုက်ကလေးတို့က လိုက်ခဲ့ပါသေးတယ်။ ဒါပေမယ့် ခရိုင်ထောင်ကို ရောက်တဲ့အချိန်မှာတော့အခြေအနေက ပြောင်းလဲသွားခဲ့ပါတယ်။ ရဲမေရဲ့ အမျိုးသား ပြန်ထွက်တော့မယ့်အချိန်မှာ ရဲမေကို လက်ထိပ်ခတ်ဖို့ လုပ်ခဲ့တာကြောင့် ရဲမေက လှမ်းအော်ခဲ့ပါတယ်။ အဲ့ဒါကြောင့် အမျိုးသားဖြစ်သူ ပြန်လှည့်လာပြီး "ခဏထားခဲ့မယ်" ဆိုထားတဲ့အခြေအနေကနေ အဖမ်းခံရတဲ့ပုံစံ ဖြစ်လာခဲ့တာကြောင့် လင်မယားနှစ်ဦးအကြား စကားများခဲ့တယ်။ အဲ့အချိန်မှာ ရဲမေက စိတ်တိုပြီး သူမရဲ့ အမျိုးသားကို ပါးတစ်ချက် ရိုက်လိုက်မိခဲ့တယ်။ ဒါပေမယ့် ဘေးမှာရှိနေတဲ့ ထောက်ပို့ရဲဘော် ကိုမယ်တော်ကြီးက ပြဿနာကို ဖြေရှင်းပေးဖို့ မကြိုးစားဘဲ “ငါ့ရဲဘော်ကို ရိုက်ရသလားလို့ ပြောရင်း ရဲမေရဲ့ ပါးကို ဖျန်းခနဲ … ‘ ရိုက်ချလိုက်ပါလေရော…" ရဲမေကလည်း မဆီမဆိုင် ဝင်ရိုက်တာကို မခံနိုင်လို့ သူမရဲ့ စွမ်းအားရှိသလောက် ပြန်ခုခံခဲ့တယ်။ သူမကို အခုလို မလုပ်ဖို့ကိုလဲ တောင်းဆိုခဲ့တယ်။ ဖြေရှင်းခွင့်ပေးဖို့လဲ ထပ်ခါထပ်ခါ တောင်းဆိုတာတွေရှိခဲ့ပေမယ့် အမိန့်မရဘဲ အလှူခံတာကြောင့်လို့သာဆိုပြီး ဘယ်လိုဖြေရှင်းခွင့် အခွင့်အရေးတခုမျှမပေးဘဲ တဖက်ပိတ်ပုံစံမျိုးပြောခဲ့တယ်။ နောက်ဆုံးမှာတော့ ခရိုင်ထောင်မှာရှိတဲ့ ကိုပိန်ဆိုတဲ့ ရဲဘော်က ရဲမေကို လက်ထိပ်ခတ်ကာ ဖမ်းဆီးထိန်းသိမ်းခဲ့တယ်။ ရဲမေရဲ့ အမျိုးသားကတော့ သူမနဲ့ ကလေးငယ်ကို ချန်ထားခဲ့ပြီး သူ့တာဝန်ကျရာ အလုပ်ခရီးကို ဆက်သွားခဲ့ပါတယ်။ အဲ့ဒီညမှာပဲ ရဲဘော်ပြာတာက ညနေ ၅/၆ နာရီခန့်မှာ ရဲမေကို အပြင်ထုတ်ပြီး ၅ ချက် ရိုက်နှက်ခဲ့ပြီး ဗီဒီယိုမှတ်တမ်းတင်ထားခဲ့တယ်။ ရိုက်နှက်ပြီးနောက် ရဲမေကို အမျိုးသားရဲဘော်တွေအိပ်တဲ့ ဘားတိုက် အဆောင်ပေါ် ကို တက်ခိုင်းခဲ့ပါတယ်။ ရဲမေက “ဒါ ယောကျာ်းလေး ဘားတိုက်ပေါ်ကြီး” လို့ ပြောခဲ့ပေမယ့် “လျှာမရှည်နဲ့ တက်” လို့ ပြန်ပြောကာ အတင်းဖိအားပေး တက်ခိုင်းခဲ့တယ်။ ည ၁၀ နာရီခန့်မှာတော့ ပြန်လာကာ ရဲမေကို အမျိုးသမီးတွေထားတဲ့နေရာဘက်ကို ထပ်မံပြောင်းရွေ့ပြီး ထည့်ထားခဲ့တယ်။ နောက်နေ့ ဒီဇင်ဘာ ၂၇ ရက်မှာ ရဲမေရဲ့ အမျိုးသားက လာတွေ့ဆုံတော့ ဖြစ်စဉ်တွေကိုလည်း ရှင်းပြခဲ့ပြီး ဆက်စပ်စာရင်းတွေကိုလည်း ထောက်ပို့ ကိုမယ်တော်ကြီးဆီ ပေးအပ်ခဲ့တယ်။ အမျိုးသားက တပ်ရင်းမှူး ကိုရန်ရှင်းအောင်က ဆင်းလာပါက ဒီကနေထွက်ပြီး ၂ ယောက်တူတူသွားရမယ်လို့ ပြောသွားတယ်။ ဒါမယ့် နောက်ရက်တွေမှာ တပ်ရင်းမှူး ကိုရန်ရှင်းအောင်က အမျိုးသားဖြစ်သူနဲ့ ရဲမေကို တွေ့ဆုံခွင့်နဲ့ သွားလာခွင့်တွေပါ ကန့်သတ်ပိတ်ပင်လိုက်ပါတယ်။ ဒီဇင်ဘာ ၂၈ နဲ့ ၂၉ ရက်တွေမှာ ရဲမေဟာ တခြားသူတွေနဲ့ အဆက်အသွယ် ပြတ်တောက်ကာ တစ်ဖက်ပိတ် အချုပ်ချထားခံခဲ့ရတယ်။ ပြီးနောက် အဖြစ်အပျက်တွေ ပိုမိုဆိုးရွားလာခဲ့ပါတယ်။ ဒီဇင်ဘာ ၃၀ ရက်နေ့ညမှာ တပ်ရင်းမှူး ရန်ရှင်းအောင် ရောက်လာပြီး ရဲမေနဲ့ စကားပြောရာမှာ ရဲမေက "သူမအပြစ်ရှိတယ်ဆိုလည်း ဘယ်လောက်ပဲကြာကြာ ချုပ်ထားနိုင်ကြောင်း၊ ဒါမယ့် ကလေးငယ်ကိုတော့ ပြန်လည်လွတ်ပေးပါ" လို့ တောင်းဆိုခဲ့ပါတယ်။ ဒါပေမယ့် တပ်ရင်းမှူးက "နင့်မှာ ဒီလိုအခွင့်အရေး မရှိဘူး”လို့ ပြောဆိုပါတယ်။ (ရဲမေဟာ အကိုကြီးလို့ ခေါ်နေကြ တပ်ရင်းမှူးကို

🔴 ရန်ကုန်တိုင်း မတရားဖမ်းဆီးမှုများ (ဖေဖော်ဝါရီလ၊ ၂၀၂၆ ခုနှစ်) •••••••••••••••®••••••••••••••• ၂၀၂၆ ခုနှစ်၊ ဖေဖော်ဝါရီလထဲ ရန်ကုန်တိုင်းအတွင်း အကြမ်းဖက်စစ်တပ်၏ မတရားဖမ်းဆီးခြင်းခံရသူများအနက် လူ ၅၈ ဦး ၏ ဖြစ်စဉ်ကို RSN မှ သိရှိခဲ့ရသည်။ ℹ️ ပြန်လွတ်/မလွတ် အခြေအနေ

• ဖမ်းဆီးခံရသူ ၅၈ ဦးအနက် ၁၈ ဦးကို အကြမ်းဖက်စစ်တပ်မှ ပြန်လွှတ်ပေးခဲ့ကြောင်း သိရပြီး ၁၁ ဦးကို စစ်မှုထမ်းသင်တန်းကျောင်းများနှင့် အကျဉ်းထောင်များသို့ ပို့ဆောင်ခဲ့ကြောင်း သိရသည်။ • ကျန်သည့် ၂၉ ဦး၏ ဖမ်းဆီးခံရပြီး နောက်ဆက်တွဲအခြေအနေကိုမူ မသိရှိရသေးပါ။

———————— ℹ️ ဖမ်းဆီးခံရသည့် ပုံစံ

• သတင်းအတိအကျဖြင့် ရှာဖွေဖမ်းဆီးခြင်းခံခဲ့ရသူ ၁၃ ဦး ရှိသည်။ • ရမ်းသမ်း ဖမ်းဆီးခံခဲ့ရသူ ၄၁ ဦး ရှိပြီး ၎င်းတို့မှာ လမ်းမပေါ်သွားလာနေစဉ် ဖမ်းခံရသူ ၁၉ ဦး၊ လမ်းဘေးထိုင်နေစဉ် ဖမ်းခံရသူ ၂၀ ဦးနှင့် ဆိုင်ထိုင်နေစဉ်ဖမ်းဆီးခံရသူ ၂ ဦးတို့ ဖြစ်သည်။ • ရှောင်တခင် စစ်ဆေးခံရပြီး ဖမ်းဆီးခံရသူ ၁ ဦး ရှိသည်။ • ထို့ပြင် ဖမ်းဆီးခံရသည့်ပုံစံ/အကြောင်းရင်း မသိရသူ ၃ ဦးလည်း ရှိသည်။

———————— ℹ️ ထူးခြားအချက်အလက်

• စစ်ရေးလှုပ်ရှားမှုများတွင် ကိုယ်တိုင် (သို့) ထောက်ပို့အနေဖြင့် ပါဝင်ပတ်သက်သည်ဟူသော စွပ်စွဲချက်ဖြင့် ဖမ်းဆီးခံခဲ့ရသူ ၆ ဦး ရှိခဲ့သည်။ ထိုထဲ ပစ်ခတ်ဖမ်းဆီးခံရသူ ၁ ဦးပါသည်။

———————— ℹ️ စစ်မှုထမ်းသင်တန်း

• ဖမ်းဆီးခံခဲ့ရသူများအနက် စစ်မှုထမ်း သင်တန်းအတွက်ဟု ပြန်သိရသည်မှာ ၁၁ ဦးသာ ရှိသည်။ ၎င်းတို့အနက် စစ်သင်တန်းကျောင်းပို့ခံခဲ့ရကြောင်း အတည်ပြုသိရသည်မှာ ၃ ဦး ဖြစ်သည်။ ချုပ်နှောင်ထားသည့်နေရာမှ ထွက်ပြေးခဲ့သူ ၂ ဦးဖြစ်ပြီး ၁ ဦး သေဆုံးကာ ၁ ဦး ထိခိုက်ခဲ့သည်။ ကျန် ၆ ဦး၏ နောက်ဆက်တွဲအခြေအနေကို မသိရှိရပါ။ • စစ်မှုထမ်း အမှတ်စဉ် ၂၂ သင်တန်းကို ဖေဖော်ဝါရီလ ၁၈ ရက်နေ့တွင် စတင်ခဲ့ကြောင်း ကြေညာထားသည်။

———————— ℹ️ အခြားအဖမ်းအဆီးဖြစ်စဉ်များ

• ရွှေအရောင်းအဝယ်၊ နှစ်လုံးထီလောင်းကစား၊ ကျားဖြန့်မှတ်ပုံတင်လိမ်လည်၊ အိမ်အရောင်းအဝယ်လိမ်လည်၊ မူးယစ်ဆေး စသည့် ကိစ္စများဖြင့် ဖမ်းဆီးခံရသူများနှင့် လူပျောက်ဖြစ်စဉ်များလည်း ရှိပြီး ၎င်းတို့ကိုမူ ထည့်သွင်းတွက်ချက်ခြင်း မပြုထားပါ။

(ဤအချက်အလက်များသည် RSN သို့ ပေးပို့လာသည့် သတင်းများ၊ ချိတ်ဆက်အဖွဲ့အစည်းများထံမှ သိရှိရသည့်သတင်းများနှင့် မီဒီယာသတင်းများကို ကိုးကား၍ ပြုစုတွက်ချက်ထားခြင်းသာဖြစ်ပြီး လက်တွေ့မြေပြင်အခြေအနေမှာ ဤထက် ဆိုးရွားသည်။) 06 Mar 2026 #arrest #RangoonScoutNetwork

လက်ညိုးထိုးမလွဲပါဘူး။ အိမ်တွင်းအကြမ်းဖက်မှုကိုအားပေးတဲ့ “မယားနေစ ကြောင်သေမှ ”၊ “အရိုး ကွဲအောင်ရိုက်မှ အသည်းစွဲအောင်ချစ်တယ်” စတာတွေကိုလည်း ဖော်ပြရိုက်ကူးလေ့ရှိပါတယ်။ ၂၀၁၆ ခုနှစ်နဲ့ ၂၀၁၇ ခုနှစ်အတွင်း ထုတ်လုပ်ခဲ့တဲ့ မြန်မာရုပ်ရှင်ဇာတ်ကား ၈၃ ကားထဲက ၃၆ ကားဟာ အမျိုးသမီး တွေနဲ့ LGBT ဇာတ်ကောင်တွေရဲ့ စွမ်းဆောင်ရည်ကို တန်ဖိုးလျှော့ချခြင်း၊ လိင်ကွဲပြားမှု အခြေခံ ခွဲခြားဆက်ဆံမှု တွေပါဝင်ခဲ့တယ်လို့ ၂၀၁၈ ခုနှစ်က ပညာအလင်းပွင့် မြန်မာသုတေသန ဖောင်ဒေးရှင်းက ထုတ်ဝေခဲ့တဲ့ မြန်မာ့ ရုပ်ရှင်‌လောက၏ ကျား-မဆိုင်ရာ အသိအမြင်နိုးကြားမှု စာတမ်းမှာဖော်ပြထားပါတယ်။ မြန်မာရုပ်ရှင်၊ ဗီဒီယိုတွေသာ မကဘဲ အငြိမ့်တွေ၊ လူရွှင်တော်တွေပြောတဲ့ ပြက်လုံးတွေမှာလည်း ဒီလိုအကြောင်းအရာတွေက နားနဲ့မဆံ့အောင်ပါပဲ။ ပြည်သူရွေးချယ်တင်မြှောက်တဲ့ အရပ်သားအစိုးရလက်ထက်မှာတုန်းကလည်း ဒါရိုက်တာ တယောက် က သူ့ရဲ့ဇာတ်ကားအတွက် ဇာတ်ဆောင်ရွေးချယ်ရာမှာ မုဒိမ်းကျင့်တဲ့အခန်းကို ပီပြင်အောင် သရုပ်ဆောင်ခိုင်းတဲ့ ရွေးချယ်ပွဲ လုပ်ခဲ့လို့ တက်ကြွလှုပ်ရှားသူတွေရဲ့ဝေဖန်မှုကိုခံခဲ့ရပါသေးတယ်။ ဒါတွေကခေတ်အဆက်ဆက် ရှိနေခဲ့ပြီး လက်ရှိစစ်အာဏာသိမ်းတဲ့ကာလအထိ အရိုးစွဲနေတုန်းပါပဲ။ ပြီးခဲ့တဲ့နှစ်ပိုင်းက အများပြည်သူအခမဲ့ကြည့်ရှုလို့ရတဲ့ ရုပ်သံလိုင်းမှာပြသတဲ့ ဇာတ်ဝင်ခန်းမှာ “ယောကျာ်းပီသချင်ရင် မုဒိန်းကျင့်တာကိုပါ စိတ်ကူးယဉ်နေရမယ်” ဆိုတဲ့ပြောစကားတွေပါဝင်တဲ့ ဇာတ်ဝင်ခန်း တခုဟာ ဆိုရှယ်မီဒီယာပေါ်မှာ ပျံ့နှံ့လာခဲ့ပါတယ်။ ဒီဇာတ်ဝင်ခန်းမှာ အမျိုးသားဇာတ်ဆောင်တွေဟာ အမျိုးသားသရုပ်ဆောင်ကောင်း တယောက် ဖြစ်ချင်ရင် အရက်သေစာသောက်စားတာ၊ လောင်းကစားပြုလုပ်တာ၊ မူးယစ်ဆေးဝါးသုံးစွဲတာတွေက အစ ပြုလုပ်တတ်ရမှာ ဖြစ်ပြီး၊ မုဒိမ်းကျင့်တာကိုပါ ကျူးလွန်ရမယ်ဆိုတာကို ပြောဆိုနေတဲ့ ဇာတ်ဝင်ခန်း ဖြစ်ပါတယ်။ အမျိုးသမီးတွေအပေါ်အကြမ်းဖက်မှုတွေပပျောက်ဖို့ ကြိုးစားရုန်းကန်နေချိန်မှာ လူထုကြားထဲမှာတော့ ဒီလိုအကြောင်းအရာပါဝင်တဲ့ ဖျော်ဖြေရေးတွေဟာ အလွယ်တကူ တိုးဝင်နေတုန်းပါပဲ။ လူထုနဲ့ အများဆုံး ထိတွေ့မှုရှိတဲ့ ရုပ်ရှင်ဇာတ်လမ်းတွေမှာ ပါဝင်တဲ့ပြကွက်နဲ့ စကားလုံးအနှုန်းတွေဟာ လက်တွေ့ လူမှုဘဝကို သက်ရောက်မှုတွေရှိလာနိုင်ပါတယ်။ စစ်တပ်ကအာဏာသိမ်းပြီးနောက်မှာတော့ မြန်မာနိုင်ငံဟာ လူမှုရေး၊ စီးပွားရေး၊ ကျန်းမာရေး၊ ပညာရေး အဖက်ဖက်က နိမ့်ကျမှုတွေနဲ့ ရင်ဆိုင်ရချိန်မှာ ရုပ်ရှင်နဲ့ ဇာတ်လမ်းတွဲတွေဟာလည်း ပိုမိုကောင်းလာဖို့ မျှော်လင့်လို့မရတဲ့ အခြေအနေထဲမှာ ပါဝင်ပါတယ်။ လက်တလော အငြင်းပွားမှုတွေများခဲ့တဲ့ နာမည်ကြီးဇာတ်သဘင်က မသန်စွမ်းဖြစ်တည်မှုကို လှောင်ပြောင်သရုပ်ဖော်မှုကိုကြည့်ခြင်းအားဖြင့်လည်း ကျွန်မတို့ ပြည်သူလူထု ရရှိနေရတဲ့ ဖျော်ဖြေရေး ရသဟာ ဟိုးအောက်ဆုံးမှာပဲရှိနေတာကို ဝမ်းနည်းစွာတွေ့လိုက်ရပါတယ်။ ဒါဟာလည်း ဖျော်ဖြေရေးအသိုင်းအဝိုင်းကသူတွေရဲ့အပြစ် ၁၀၀ ရာခိုင်နှုန်းလို့တော့ ဆိုလို့မရပါဘူး။ အရင်းစစ်တဲ့အခါ တရားခံကတော့ စစ်အုပ်ချုပ်ရေးအောက်မှာ စနစ်တကျဖျက်စီးခံခဲ့ရတဲ့ ပညာရေး နိမ့်ကျမှုတွေရဲ့ အကျိုးဆက်တွေလည်း ပါဝင်ပါတယ်။ လူထုကို အဆိပ်အတောက်ဖြစ်စေတဲ့ ပြကွက်နဲ့အသုံးအနှုန်းတွေဟာ အရင်ကတည်းက ရှိခဲ့တာ မှန်ပေမယ့် အာဏာရှင်နဲ့အတူ ကျား၊ မခွဲခြားမှုတွေ၊ ရှေးရိုးစွဲအယူအဆတွေကိုပါ တွန်းလှန်နေတဲ့ ကာလဖြစ်တဲ့အတွက် ဒီလို အဆိပ်အတောက်တွေကို လူထုက အထိုက်အလျောက်တော့ ငြင်းပယ် လာကြပြီဖြစ်ပေမယ့် တဖက်မှာလည်းစိမ့်ဝင်မှုတွေရှိနေတုန်းပါပဲ။ အရိုးစွဲကျန်နေသေးတဲ့ ခွဲခြားမှုတွေအကြောင်းပြောတဲ့အခါ အငြင်းပွားမှုတွေနဲ့ ရင်ဆိုင်ရပါတယ်။ ဒါဟာ ကျွန်မတို့ လူ့အဖွဲ့အစည်းထဲမှာ ရောဂါကိုစောစောထဲက မကုခဲ့တဲ့ အကျိုးဆက်ပဲဖြစ်ပါတယ်။ အခုရှုပ်မှနောင်ရှင်း ဆိုသလို နိုင်ငံတော်အသစ်ကို အတွေးအခေါ်အသစ်တွေနဲ့ သွားမယ်ဆိုရင် အခုကတည်းက ပြောကြ၊ ထောက်ပြကြရမှာ ဖြစ်ပါတယ်။ ဒါတွေကအရင်ထဲက ဒီလိုပဲ၊ ဒီလိုပြောနေကြပဲဆိုပေမယ့် အာဏာရှင်နဲ့အတူ စနစ်ကိုဖြိုဖျက်မယ်လို့ ကြွေးကြော်ပြီးစတင်ခဲ့ကြတဲ့ ကျွန်မတို့နွေဦးတော်လှန်ရေးမှာတော့ ဒါတွေဟာ ထပ်ခါထပ်ခါ ထုတ်ပြောနေရမယ့် အချိန်ပဲဖြစ်ပါတယ်။ ဒါ့ပေမယ့် လက်ရှိတော်လှန်ရေးကာလမှာ ဒါတွေကိုသိလာပြီပြောလာပြီ၊ ဝေဖန်ထောက်ပြတဲ့ အတိုင်းအတာအထိ လုပ်လာနိုင်ပြီဆိုတာကတော့ ကောင်းတဲ့အရွေ့လို့ဆိုရမှာပါ။ ဒါကြောင့် ဒီအချိန်မှာ အာဏာရှင်စနစ်နဲ့အတူ အတွေးအခေါ်ဟောင်းတွေကိုပါ တော်လှန်နိုင်မှ ကျွန်မတို့ရဲ့ အနုပညာခံစားမှုတွေဟာ ထိပ်ဆုံးမရောက်နိုင်တောင် လူအခွင့်အရေးကိုနားလည်ပြီး တန်းတူညီမျှမှုဘောင်အတွင်းက အနုပညာဖန်တီးမှုနဲ့ ခံစားမှုတွေကို ရရှိနိုင်မှာဖြစ်ပါတယ်။ ကျန်းမာရေးနောက်ကျ၊ လူမှုစီးပွားနောက်ကျ၊ ပညာရေးနောက်ကျ အစစနောက်ကျနေရင်းနဲ့ နှလုံးသားနဲ့ ခံစားရတဲ့ အနုပညာခံစားမှုတွေကိုတော့ နောက်ကျကျန်မနေစေချင်တော့ပါဘူး။ Photo credit - Social Media #မြန်မာရုပ်ရှင် #ဇာတ်သဘင် #မသန်စွမ်း #lgbtqia #honestinformation