Mizzima
Mizzima News brings you the latest news and insightful reports about Myanmar. https://bur.mizzima.com https://en.mizzima.com https://www.facebook.com/MizzimaDaily/ https://twitter.com/MizzimaNews
Ko'proq ko'rsatish- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Ma'lumot yuklanmoqda...
မြန်မာနိုင်ငံ နယ်စပ်ဒေသတွေမှာ ဖြစ်ပေါ်နေတဲ့ တိုက်ခိုက်မှုတွေ ချက်ချင်း ရပ်ဆိုင်းကြဖို့ အာဆီယံ နိုင်ငံခြားရေးဝန်ကြီးတွေက ဧပြီ ၁၈ ရက်နေ့မှာ ကြေညာချက်ထုတ်ပြန် တောင်းဆိုလိုက်ပါတယ်။ အရပ်သားတွေ ဘေးကင်းလုံခြုံမှုရှိရေးနဲ့ တွေ့ဆုံ ဆွေးနွေးမှုတွေ လုပ်ဆောင်ကြဖို့ကိုလည်း ကြေညာချက်မှာ တိုက်တွန်းထားပါတယ်။ အာဆီယံနိုင်ငံခြားရေးဝန်ကြီးတွေရဲ့ ကြေညာချက်မှာ ထိုင်း-မြန်မာနယ်စပ် ကရင်ပြည်နယ် မြဝတီမြို့က တိုက်ပွဲတွေနဲ့ ရခိုင်ပြည်နယ်က တိုက်ပွဲတွေကြောင့် ပြည်သူတွေ အိုးအိမ်စွန့်ခွာထွက်ပြေးနေရတယ်လို့ ဖော်ပြထားပါတယ်။ ဒီတိုက်ပွဲတွေမှာ ပါဝင် ပတ်သက်နေသူအားလုံးအနေနဲ့ ချက်ချင်း အပစ်အခတ်ရပ်စဲပြီး အကြမ်းဖက်မှုတွေ မဖြစ်ပေါ်အောင် ထိန်းထိန်းသိမ်းသိမ်း ဆောင်ရွက်ကြဖို့၊ နိုင်ငံတကာ စာနာမှုဆိုင်ရာ ဥပဒေတွေကို လေးစားလိုက်နာကြဖို့၊ တင်းမာမှုတွေ လျော့ကျရေးအတွက် နည်းလမ်းပေါင်းစုံ အသုံးချပြီး အရပ်သားတွေ ဘေးကင်းလုံခြုံမှုရှိအောင် ကာကွယ် စောင့်ရှောက်ပေးကြဖို့ကိုလည်း ကြေညာချက်မှာ ထည့်သွင်း ဖော်ပြထားပါတယ်။ လက်ရှိအချိန်မှာ KNLA/PDF ပူးပေါင်းတပ်ဖွဲ့တွေက သိမ်းပိုက်ထားတဲ့ ထိုင်း-မြန်မာနယ်စပ်ကုန်သွယ်ရေးမှာ အရေးပါတဲ့ မြဝတီမြို့ကို စစ်ကောင်စီက ပြန်ရနိုင်ရေးအတွက် ထိုးစစ်ဆင် တိုက်ခိုက်ဖို့ စစ်ကူတွေစေလွှတ်ပြီး အနီးနားက မြို့တွေကို စစ်ကောင်စီက လေကြောင်း တိုက်ခိုက်မှုတွေ ပြုလုပ်နေတာကြောင့် မကြာခင်ရက်ပိုင်းတွေအတွင်း ထိုင်း-မြန်မာ နယ်စပ်ဒေသတလျှောက် တိုက်ပွဲတွေ ပြန်လည် ဖြစ်ပေါ်လာမယ့် အလားအလာတွေ ဖြစ်ပေါ်နေချိန်မှာဘဲ အာဆီယံ နိုင်ငံခြားရေးဝန်ကြီးတွေရဲ့ ကြေညာချက် ရက်နေ့မှာ ထွက်ပေါ်လာတာပါ။ ကရင်ပြည်နယ် မြဝတီမြို့မှာရှိတဲ့ စစ်ကောင်စီရဲ့ သင်္ဃန်းညီနောင်ဗျူဟာကုန်းနဲ့ မြို့စောင့်တပ် ခလရ (၂၇၅) တို့ကို ကရင်အမျိုးသားလွတ်မြောက်ရေးတပ်မတော် (KNLA) နဲ့ မဟာမိတ်တပ်တွေ ပူးပေါင်းသိမ်းပိုက်ထားတာကြောင့် တိုက်ပွဲတွေပြင်းထန်နေပြီး ထိုင်းနိုင်ငံဘက်ခြမ်းကို မြဝတီမြို့က အရပ်သားတွေ ထွက်ပြေးတိမ်းရှောင်နေကြတာဖြစ်ပါတယ်။ အဲဒီနယ်စပ်က တိုက်ပွဲတွေ၊ မတည်ငြိမ်မှုတွေကြောင့် ထိုင်းစစ်တပ်ကလည်း နယ်စပ်လုံခြုံရေးကို တင်းကျပ်ထားပါတယ်။ မြန်မာ့အိမ်နီးချင်း ထိုင်းနဲ့ တရုတ်နိုင်ငံတို့ကလည်း လက်ရှိ စစ်ကောင်စီနဲ့ တော်လှန်ရေးအင်အားစုတွေအကြား ဖြစ်ပေါ်နေတဲ့ ပဋိပက္ခတွေကို တွေ့ဆုံ ဆွေးနွေးတဲ့နည်းနဲ့ အဖြေရှာကြဖို့ တိုက်တွန်းထားကြပါတယ်။ အာဆီယံဘုံသဘောတူညီချက် ၅ ချက်ကို အကောင်အထည်ဖော်နိုင်ရေးအတွက် ဒေါ်အောင်ဆန်းစုကြည်နဲ့ သမ္မတဦးဝင်းမြင့်ကို အမြန်ဆုံးလွှတ်ပေးဖို့အတွက်လည်း ထိုင်းဒုတိယဝန်ကြီးချုပ်နဲ့ နိုင်ငံခြားရေးဝန်ကြီး Mr. Parnpree Bahiddha-Nukara က တောင်းဆိုထားပါတယ်။ နယ်စပ်အနီးမှာ ပိုဆိုးလာတဲ့ ပဋိပက္ခတွေနဲ့ပတ်သက်ပြီး စိုးရိမ်ပူပန်ကြောင်းနဲ့ လက်ရှိ မြန်မာ အခြေအနေနဲ့ ပတ်သက်ပြီး အာဆီယံ ပူးတွဲကြေညာချက် ထုတ်ပြန်ဖို့ လိုအပ်ကြောင် ထိုင်းနိုင်ငံခြားရေးဝန်ကြီး Parnpree Bahiddha-nukara က ဧပြီလ ၁၁ ရက်နေ့က ပြောကြားထားပါတယ်။ ထိုင်းနိုင်ငံရဲ့ ဒုတိယဝန်ကြီးချုပ်လည်း ဖြစ်တဲ့ နိုင်ငံခြားရေးဝန်ကြီး Parnpree ဟာ ပဋိပက္ခတွေ ဖြစ်နေတဲ့ နယ်စပ်နဲ့ အနီးဆုံးဖြစ်တဲ့ မဲဆောက်မြို့ကိုပြီးခဲ့တဲ့တပတ်ကပဲသွားရောက်ခဲ့တာဖြစ်ပါတယ်။ #Political News #MizzimaTV ----------------------------------------- မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12USubscribe our channel:
https://www.youtube.com/channel/UCk9f0cLiMmtchQySOogzoig/joinFollow us: Facebook | Myanmar Language
https://www.facebook.com/MizzimaDailyFacebook | English language
https://www.facebook.com/MizzimaMyanmarnewsFacebook | Mizzima+TV
https://www.facebook.com/mizzimaplustvTelegram
https://t.me/mizzimatvSportify
https://open.spotify.com/show/0JqldUlReGJnU3G6gNwugYGet Mizzima TV App Free http://onelink.to/jnuwak Website :
https://bur.mizzima.comhttps://eng.mizzima.com
https://www.mizzima.tv
..................... About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.
အိန္ဒိယသတင်းဌာနက ဖော်ပြတဲ့ ဘူးသီးတောင်သတင်း စစ်ကောင်စီငြင်းဆန်လိုက်ပြီး လူမျိုးရေးပဋိပက္ခဖြစ်အောင် AA ဖန်တီးနေတာလို့ ပြန်စွပ်စွဲ အာဏာသိမ်း စစ်ကောင်စီဟာ အာရက္ခတပ်တော် AA ကိုတိုက်ခိုက်ဖို့ ARSA (အာဆာ) အာရကန်ရိုဟင်ဂျာ ကယ်တင်ရေးတပ်မတော်နဲ့ အာရကန် ရိုဟင်ဂျာတပ်မတော် (ARA) အဖွဲ့ဝင်တွေကို စစ်သင်တန်းပေးနေပြီး ဒေသတွင်းမတည်ငြိမ်ရေးကို ဖော်ဆောင်နေတယ်လို့ The New Indian Express က ဧပြီလ ၁၅ ရက်နေ့က ဖော်ပြခဲ့ပါတယ်။ ဘူးသီးတောင်မှာ စစ်ရေး အခြေအနေတွေက ခက်ထန် ဆိုးရွားနေပြီး အစ္စလာမ်မစ် အကြမ်းဖက် အဖွဲ့အစည်း တချို့ဟာ အာဏာသိမ်း စစ်တပ်ကိုယ်စား ဒေသခံ တိုင်းရင်းသား မျိုးနွယ်စုတွေအပေါ် ဘာသာရေး အခြေခံတဲ့ သတ်ဖြတ်မှုတွေ၊ အနိုင်ကျင့်မှုတွေ ကျူးလွန်နေကြောင်း Indian Expressက ဆိုပါတယ်။ အဲဒီ အခြေအနေတွေကြောင့် ၂၀၁၇ တုန်းက ရိုဟင်ဂျာ လက်နက်ကိုင် အဖွဲ့အစည်းတွေက ဟိန္ဒူတွေကို အစုအပြုံလိုက် သတ်ဖြတ်ခဲ့တဲ့ ကိစ္စမျိုးတွေ ထပ်မံ ပေါ်ပေါက်လာမှာ စိုးရိမ်ရတယ်လို့လည်း အိန္ဒိယ သတင်းဌာနက ရေးသားထားပါတယ်။ ဘူသီးတောင်မြို့နယ်မှာ ဟိန္ဒူဘာသာဝင် ၁,၆၀၀ နဲ့ ဗုဒ္ဓဘာသာဝင် ၁၂၀ ဦးတို့ကို အစ္စာလာမ်မစ်အကြမ်းဖက်အဖွဲ့က ဖမ်းဆီးထားကြောင်း အိန္ဒိယမီဒီယာတခုက ဖော်ပြခဲ့တာက မမှန်ကန်တဲ့လုပ်ကြံဖန်တီးရေးသားချက်လို့ အာဏာသိမ်း မြန်မာစစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ဧပြီလ ၁၈ ရက်က တုံ့ပြန်ပါတယ်။ သတင်းရေးသားဖော်ပြတဲ့ အိန္ဒိယမီဒီယာကိုလည်း ရှုတ်ချကြောင်း ပြောပါတယ်။ ဒါ့အပြင် ရခိုင်ပြည်နယ် ဘူးသီးတောင်မြို့နယ်မှာ လူမျိုးရေးပဋိပက္ခဖြစ်အောင် အာရက္ခတပ်တော် (AA) က ဖန်တီးနေတယ်လို့လည်း ဗိုလ်ချုပ် ဇော်မင်းထွန်းက သူတို့ထိန်းချုပ်ထားတဲ့ မီဒီယာတွေကနေ စွပ်စွဲပြောဆိုထားပါသေးတယ်။ ရခိုင်ပြည်နယ်က လူမျိုးရေးပဋိပက္ခတွေကို စစ်တပ်က ဘယ်တုန်းကမှ လုပ်တာမရှိဘဲ AA က လုပ်နေတာလို့ စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ပြောဆိုလိုက်တာပါ။ ဘူးသီးတောင်မြို့ အမှတ် (၅) ရပ်ကွက်မှာ ဧပြီလ ၁၇ ရက်နေ့က မီးလောင်ခဲ့ပြီး ဒီကိစ္စကို စစ်ကောင်စီနဲ့ မြို့နေ မွတ်စလင်တချို့က လုပ်ဆောင်ခဲ့တယ်ဆိုတဲ့ စွပ်စွဲချက်တွေ၊ ဟိန္ဒူဘာသာဝင် ၁,၆၀၀ နဲ့ ဗုဒ္ဓဘာသာဝင် ၁၂၀ ကို အစ္စလာမ်မစ်အဖွဲ့ဝင်တွေက ဖမ်းဆီးထားတယ်ဆိုတဲ့ အိန္ဒိယအခြေစိုက် India Express သတင်းဌာနရဲ့ဖော်ပြချက်တို့အပေါ် စစ်ကောင်စီဘက်က ပြန်လည်ဖြေရှင်းထုတ်ပြန်တာဖြစ်ပါတယ်။ India Express သတင်းဖော်ပြချက်ကို အာရက္ခတပ်တော်လို့ သိပ်ကြာခင်က အမည်ပြောင်းလဲထားတဲ့ အာရက္ခတပ်တော် (AA) ခေါင်းဆောင် ဗိုလ်ချုပ်ထွန်းမြတ်နိုင်ရဲ့ X လူမှုမီဒီယာမှာလည်း ထပ်ဆင့် ဝေမျှထားတာပါ။ ဒါ့အပြင် ဗိုလ်ချုပ်ဇော်မင်းထွန်းက ရိုဟင်ဂျာအရေးလှုပ်ရှားသူတွေဖြစ်တဲ့ ဦးထွန်းခင်နဲ့ ကိုရိုနေဆန်းလွင်တို့ဟာ ဘင်္ဂလားဒေ့ရှ်နိုင်ငံမှာရှိတဲ့ ရိုဟင်ဂျာဒုက္ခသည်စခန်းတွေကို သွားရောက်ပြီး AA ခေါင်းဆောင်တွေနဲ့တွေ့ကာ ရိုဟင်ဂျာ လူငယ်ငါးသောင်းကို AA နဲ့ပူးပေါင်းဖို့ စည်းရုံးခဲ့တယ်လို့လည်း စွပ်စွဲပြောဆိုထားပါတယ်။ အာရက္ခတပ်တော် AA ကလည်း အာဏာသိမ်း စစ်ကောင်စီဟာ ရခိုင်စစ်မျက်နှာမှာ စစ်မနိုင်၍ လူမျိုးရေး၊ ဘာသာရေး ပဋိပက္ခဖြစ်ပွားစေရန် ရည်ရွယ်ချက်ရှိရှိ ဖန်တီးပုံဖော်နေတယ်လို့ အသိပေးထုတ်ပြန်ထားပါတယ်။ AA က ရခိုင်ပြည်နယမှာ ထိုးစစ်ဆင်ကာ စစ်တပ်စခန်းများ ၊မြို့များကို သိမ်းပိုက်နေတာဖြစ်ပြီးမောင်တောမြို့နယ် ၊ တောင်ပြို (လက်ဝဲ၊လက်ယာ) ရှိ စစ်တပ်နယ်ခြားစောင့်စခန်းများကို AA က ယခုနှစ်ဖေဖော်ဝါရီလဆန်းက တိုက်ခိုက်သိမ်းပိုက်ရာ စစ်စခန်းတွေနဲ့မနီးမဝေးမှာ ARA ၊ RSO စတဲ့ ရိုဟင်ဂျာလက်နက်ကိုင်အဖွဲ့တွေရဲ့ စခန်းများကိုတွေ့ရပြီး စစ်တပ်အရာရှိတွေနဲ့ လက်နက်ခဲယမ်းများပင်အတူအရောင်းအဝယ်ပြုလုပ်ခဲ့ကြောင်း AA ကထုတ်ပြန်ထားပါတယ်။ လတ်တလောမှာတော့ ဘူးသီးတောင်မြို့မှာ ဖုန်းလိုင်းတွေ၊ အင်တာနက်လိုင်းတွေ ဖြတ်တောက်ခံရထားရတာလည်းဖြစ်ပါတယ်။ #Political News #MizzimaTV ----------------------------------------- မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12USubscribe our channel:
https://www.youtube.com/channel/UCk9f0cLiMmtchQySOogzoig/joinFollow us: Facebook | Myanmar Language
https://www.facebook.com/MizzimaDailyFacebook | English language
https://www.facebook.com/MizzimaMyanmarnewsFacebook | Mizzima+TV
https://www.facebook.com/mizzimaplustvTelegram
https://t.me/mizzimatvSportify
https://open.spotify.com/show/0JqldUlReGJnU3G6gNwugYGet Mizzima TV App Free http://onelink.to/jnuwak Website :
https://bur.mizzima.comhttps://eng.mizzima.com
https://www.mizzima.tv
..................... About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers…