ማራናታ.....MARANATHA

አዲስ ነገር ከኢትዮጵያ ሐዋርያዊት ቤተክርስቲያን የኦዲዮቪዥዋልና ስነ-ጽሑፍ ክፍል!   የኢትዮጵያ ሐዋርያዊት ቤተክርስቲያን የኦዲዮቪዥዋልና ስነ-ጽሑፍ ክፍል በምስራቅ አያት አጥቢያ ሐዋርያዊት ቤተክርስቲያን የተዘጋጀውንና “የምስጋና ቅኝት” የተሰኘ በመሳሪያ ብቻ የተቀነባበሩ 15 ቅንብሮችን የያዘ አልበም ሲያቀርብላችሁ በታላቅ ደስታ ነው።   ይህንን አልበም ያዘጋጁትንና በተለያየ መንገድ የተሳተፉትን ሁሉ የቤተክርስቲያን አምላክ ኢየሱስ በማያልቀው በረከት እንዲባርክ ጸሎታችንም ምኞታችንም ነው።   አልበሙ በጥቂት ቀናት ውስጥ በ Apostolic Songs ላይ ዝግጁ የሚሆን ሲሆን ሁሉም ተጠቃሚዎቻችን በመተግበሪው ውስጥ ባሉት የክፍያ አማራጮች በመጠቀም ቅንብሮቹን ማውረድ እንደምትችሉ እንገልፃለን። በዚሁ አጋጣሚ በመተግበሪያው ላይ የተካተቱትን ተጨማሪ የክፍያ አማራጮችን ለማየት Apostolic Songs መተግበሪያን ወደ አዲሱ ስሪት ማዘመናችሁን [Update] ማድረጋችሁን እንድታረጋግጡ እንጠይቃለን። የኢትዮጵያ ሐዋርያዊት ቤተክርስቲያን ኦዲዮቪዥዋልና ስነ-ጽሑፍ ክፍል ጥቅምት 2019 ዓ.ም

" የእኛ አኗኗርና አካሄድ ስለ እኛ እንደተጻፈው ይሁን" በአገር ውስጥና በውጭ አገራት ለምትገኙ የኢትዮጵያ ሐዋርያዊት ቤተክርስቲያን ምዕመናንና አገልጋዮች፤ የጌታችንና የመድኃኒታችን የኢየሱስ ክርስቶስ ጸጋ፣ ሰላምና በረከት ይብዛላችሁ፡፡ ከእግዚአብሔር ቃል የምናስተላልፈው ይህ መልዕክት በያላችሁበት ይድረሳችሁ፤ እናንተ ደግሞ ለሌሎች አስተላልፉት፡፡   የእኛ አኗኗርና አካሄድ ስለ እኛ እንደተጻፈው ይሁን   ወንድሞችና እህቶች፡- በእግዚአብሔር ቃል ስለ እኛ የተጻፈው የእኛን ማንነት፣ ከእኛ የሚጠበቀውን አካሄድና አኗኗር ከሌሎች የተለየ ያደርጋል፡፡ ሌሎች ልዩ ልዩ ወቅታዊ ሁኔታዎችንና የመጨረሻውን ዘመን የሚያስተናግዱባቸው የየራሳቸው አካሄድ አላቸው፡፡ እኛ ግን ሁኔታዎችንና ዘመኑን ማስተናገድ ያለብን በመጽሐፍ ቅዱስ ስለ እኛ ማንነት፣ ስለሚጠበቅብን አኗኗርና አካሄድ እንደተጻፈው ነው፡፡ በገላ. 3፡26-29 ላይ ስለ እኛ ማንነት የተጻፈው “በእምነት በኩል ሁላችሁ በክርስቶስ ኢየሱስ የእግዚአብሔር ልጆች ናችሁና፤ ከክርስቶስ ጋር አንድ ትሆኑ ዘንድ የተጠመቃችሁ ሁሉ ክርስቶስን ለብሳችኋልና፡፡ አይሁዳዊ ወይም የግሪክ ሰው የለም፤ ባሪያ ወይም ጨዋ ሰው የለም፤ ወንድም ሴትም የለም፤ ሁላችሁ በክርስቶስ ኢየሱስ አንድ ሰው ናችሁና፡፡ እናንተም የክርስቶስ ከሆናችሁ እንኪያስ የአብርሃም ዘር እንደ ተስፋውም ቃል ወራሾች ናችሁ፡፡” ይላል፡፡ በ2ኛ.ቆሮ.5፡17 ላይ ያለው ቃል፡-“ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ ሁሉም አዲስ ሆኖአል” ይላል፡ በዚህ መሠረት የእኛ የቀድሞ ማንነታችን ተለውጦ፣ ልዩነቶቻችንም ተወግደው፣ በክርስቶስ አዲስ ሰውና በአንድ አካል ያለን ብልቶች ተደርገናል፡፡ ስለዚህ እኛ መመላለስ የሚገባን ስለ እኛ እንደተጻፈው ነው፡፡  በ1ኛ.ጴጥ.1÷23 ላይ የተጻፈው እኛን “ዳግመኛ የተወለዳችሁት ከሚጠፋ ዘር አይደለም÷ በሕያውና ለዘላለም በሚኖር በእግዚአብሔር ቃል ከማይጠፋ ዘር ነው እንጂ፡፡” ይለናል፡፡ እንዲሁም በ1ኛ.ጴጥ.2÷9-10 ላይ “እናንተ ግን ከጨለማ ወደሚደነቅ ብርሃኑ የጠራችሁን የእርሱን በጎነት እንድትነግሩ የተመረጠ ትውልድ÷ የንጉሥ ካህናት÷ ቅዱስ ህዝብ÷ ለርስቱ የተለየ ወገን ናችሁ፤ እናንተ ቀድሞ ወገን አልነበራችሁም አሁን ግን የእግዚአብሔር ወገን ናችሁ፤ እናንተ ምህረት ያገኛችሁ አልነበራችሁም አሁን ግን ምህረትን አግኝታችኋል፡፡”ይለናል፡፡    ስለዚህ ከእኛ የሚጠበቀው እንደ ተመጠ ትውልድ፣ እንደ ንጉሥ ካህናት፣ እንደ ቅዱስ ሕዝብ፣ እንደ እግዚአብሔር ወገን ስለ እኛ እንደተጻፈው አካሄድ መኖር ነው፡፡   የምንኖርበት ዓለም በልዩ ልዩ ነባርና አዳዲስ ክስተቶች የተሞላ ነው፡፡ አሁን ያለንበትና የሚመጣው ዘመን በእግዚአብሔር ቃል ስለዘመኑ የተጻፈው ሁሉ በየተራው የሚፈጸምበት ነው፡፡ በእነዚያ ክስተቶችና በዘመኑ ሁኔታዎች መካከል እኛ መኖርና መመላለስ የሚገባን እንደ ሌሎች እና እንደ ሁኔታዎቹ እየተለዋወጥን ሳይሆን ስለ እኛ እንደተጻፈው ነው፡፡ በማቴ.5÷13-16 የተጻፈው “እናንተ የምድር ጨው ናችሁ… እናንተ የዓለም ብርሃን ናችሁ….. መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ" ይለናል። ስለእኛ የተጻፈው ይህ ነው እንጅ ዘመናዊነት አይደለም። በየዘመኑ መቀያየር አይደለም፥ አለምን መለማመድ አይደለም። @MARANATHAWOCH @MARANATHAWOCH

«   ለበጎ ነው  » ብዙ ሰው እየሄደባቸው ካልሆኑ  መንገዶች ውስጥ አንዱ  ለበጎ ነው በሚል የአእምሮ ቅኝት የህይወትን መንገድ መጓዝ ነው። እያጉረመረሙ እየተበሳጩ እየተናደዱ በቀል እያሰቡ ፤ ነገ ጨለማ ነው! እያሉ የህይወትን መንገድ መሔድ የለመድነው የሰለቸን የታከተን መንገድ ነው። ነገር ግን ነገ መልካም ይሆናል: ነገ ተስፋ አለ: የጨለመውም ሊነጋ ነው:ደግሞም ነገር ሁሉ ለበጎ ነው እያሉ እያመሰገኑ የህይወትን መንገድ መጓዝ  ብዙም ካልሔድንባቸውና ልንሔድባቸው ከተገቡ   መንገዶች  ውስጥ አንዱ ነው። በጎ ነው' የሚለው ቃል ህይወት ለዋጭ ተአምራዊ  ቃል ነው። መቼም በህይወታችሁ ውስጥ  አንድም ግዜ ቢሆን ለበጎ ነው ብላችሁ ታውቃላችሁ ብዬ እገምታለሁ።ለመሆኑ ለበጎ ነው  ያላችሁት  መቼ እንደሆነ  ታሰታውሱታላችሁ? መቼም ከመሬት ተነስቶ ለበጎ ነው አይባል ነገር። ለበጎ ነው ካልክ አንድ ደስ የማያሰኝ ነገር ገጥሞናል ማለት ነው። መኪና ገዝተህ ለበጎ ነው አትልም።መኪና ቢሰረቅብህ ግን ለበጎ ነው ልትል ትችላለህ። እንበልና የሳጥን ቁልፍ ቤትህ ውስጥ ጠፋ የት እንዳስቀመጥከው ግራ ገብቶህ  የቤትህን እቃዎች ሁሉ እያተረማመስክ ስትፈልግ ሳለ  ከእለታት በአንዱ ቀን ጠፍቶብህ እጅግ ያዘንክበት ሞባይልህ አንድ ስርቻ ስር  ወድቆ ብታገኘው ወይ ጉድ  ለካ ቁልፌ የጠፋው ይሔን  ሞባይሌን ላገኝ ነበር  ለበጎ ነው ትላለህ። እንዲህ ካልሆነማ ቁልፉን  ስትፈልገው  ውለህና ቀንህን አባክነህ ስታበቃ  መልሰህ ያንኑ ቁልፍ ብታገኘው እሰይ ብሩ የጠፋው ለበጎ ነው አይባል ነገር። ለበጎ ነው የሚለው ቃል ከፊት ይልቅ  የተሻለ ነገር ወደ እኛ መምጣቱን: ያነሰው ሔዶ ከሚበልጥ ነገር ጋር  መገናኘታችንን :ባጣነው ነገር ምትክም በሚበልጥ በረከት መካሳችንን የሚያሳይ ቃል ነው። @MARANATHAWOCH @MARANATHAWOCH

የማለዳ ትምህርት በዘመናዊነት ማዕበል የማይናወጥ  ክርስትና❕ ዘላለማዊ ዘመናዊነት የትኛው ነው❔ " በመጥፎና በጠማማ ትውልድ መካከል ያለ ነቀፋ የዋሆችም ነውርም የሌለባቸው የእግዚአብሔር ልጆች እንድትሆኑ ሳታንጐራጉሩ ክፉም ሳታስቡ ሁሉን አድርጉ"(ፊልጵ 2:14-15) ዘመናዊነት ምንድነው ? ዘመናዊ (Modern ) የሚለው ቃል Modo ከሚለው ከላቲን የመጣ ሲሆን ትርጉሙም አሁን ፣ የቅርብ ማለት ነው። ዘመናዊነት ፈረንጆቹን መምሰል ነውን? ወይም እነሱን መከተል ? ወይስ ደግሞ የፈረንጆቹ ባሪያና ቅኝ ተገዥ መሆን?  ዘመናዊነት የአውሮፓ የቴክኖሎጂ፣የአርት ፣የስነ ጽሁፍ ፣ የሳይንስና ሌሎች የማህበረሰብ ንቃት እድገት ከሆነ ከኢትዮጵያም ሆነ ከአፍሪካ ጋር እንዴት ይታያል? ደግሞ ወደ ክርስቲናው እንምጣና አንድ ሰው ፣ ዘመናዊ ነው ፣ ዘመናይ ናት ፣ ስልጡን ነው ፣ የነቃ ነው የሚባለው ምን ሲሆን ነው? ከመካነ አእምሮ (university ) የዕድሜውን ግማሽ ተምሮ በሚያማምሩ የትምህርት ዘርፍ እስከ PHD ተከታታይ ድግሪዎችን የጫነውን ነውን? ወይስ ደግሞ ሁልጊዜ ሱፊን ሽክ ብሎ እንግሊዘኛ ቋንቋ ከአንደበቱ የማይጠፋውን ጸባዩ ሰናይ ሽቅርቅር ሰውዬ ? ወይስ የዓለም የዜናዎችን ፣ ኳሶችን ፣ ፊልሞችን ፣ አዳዲስ መረጃዎችን እግር በግር እየተከታተለ ደረጃ የሚመደበውን ድንቅ ሰው ? ወይስ በእንግሊዘኛ አክሰንት የሚያወራው የጸጉርና የአለባበስ ፋሽን የሚከተለው አራዳ ነኝ የሚለው ? ወይስ ክርስትናዊ ባህሌን እወዳለሁ አለቅም ብሎ ዛሬም እንደሐዋርያት በምስክርነት በአለባበስ በንግግር ማንነቱን በተገኘበት ሁሉ የሚለይ ራሱን የሚገልጥ? ከአህዛብ ተለይተው ድንበሩን አውቆ ለቤተክርስቲያን እግዚአብሔር ለሾማቸው የሚታዘዝ ነው? የቸገረውን ደስታውን ሆነ ጭንቀቱን ራሱንም ጭምር ለካህን የሚያሳይ ማን ነው ዘመናዊ? እኛ እንዲህ ነበርን በማለት በድሮው የሚመጻደቅ ? የቱ ነው ዘመናዊ ? አንዳንድ የመጽሐፍ ቅዱስ ሊቃውንት አፍሪካውያን ክርስትና ጥልቀቱ የሴንቲሜትር ነው ስፋቱ በማይል ነው የሚለካው ይላሉ። ስር አልሰደደም ብዛት ብቻ ማለታቸው ነው። ዘመናዊ ትምህርት፣ ዘመናዊ አለባበስ፣ዘመናዊ አመጋገብ ፣ ዘመናዊ መስሪያ ቤት፣ዘመናዊ ሰው ዘመናዊ...ወዘተ እየተባለ በውጪ የሚነገረንና የምንተገብረው እውን ዘመናዊ ነውን ? ከሆነ ለምን በሁሉም ነገር አለም እጆቿን ልምምዶቿን ማስገባት ጀመረች?  ዘመናዊነት በአፍሪካ ፈረንጆችን መምሰል ወይም መከተል ሳይሆን ባሪያ መሆን ነው ። መከተልና መምሰል ባሪያ ከመሆን ይሻላል የሚሉም አሉ ። " የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ።" (ሮሜ 12:2) ዘመናዊነት የአውሮፖ ባህል ሲሆን በድህረ ዘመናዊነት(postmodernism ) እሳቤ ዘመናዊነት ኋላ ቀርነት ነው። ስልጡንነትስ የኋላችንን ተቀብለን ፣ አሁናዊውን ዓለም ተገንዝበን የዓለምን አስተሳሰብ በመጽሐፍ ቅዱሳዊ ልምምድ እየቀደሙ መሄድ ነው። ተግባር የጎደለው የልብን እያደረጉ ጾም ጸሎት በቤተክርስቲያን ብቻውን መሰብሰብ አህዛብ ተግባር እና ልምምድ የሚጎመጀን ከሆነ የነገው ጥያቄ ውሰጥ ነው። ለዚህ አንድ ገላጭ ያልኩትንና ከሰማሁት ምሳሌ ልጠቀም "ድመት ዓለማዊነት አስጠላኝ ዓለም በቃኝ ብላ ገዳም ገብታ መሸገች ከዚያም አይጦች የድመት መጥፋት አሳሰበን ብለው ለመነጋገር ተሰበሰቡና እንደሚታወቀው ድመት ጠፍታለችና እንዲያውም ዓለም በቃኝ ብላ ገዳም ገብታለችና ያለችበት ሁኔታ ማጣራት አለብን ብለው ፍለጋውን ቀጥለው በአንድ ገዳም ውስጥ እንዳለች አንዲት አይጥ ታያትና ነፍስ አውጭኝ ሮጣ ወደ ዘመዶቿ ትደርሳለች። ከዚያ ምን ነው? ምን ሆንሽ? ድመትን አገኘሻት እንዴ ? ይሏታል። እሷም "ኧረ ተውኝ ድመት ገዳም ገባች እንጂ አይኗን ጥፍሯም ጥርሷም ያው ነው።" ብላለች" አንዳንዴ በቤተክርስቲያን መግባታችን በቤተክርስቲያን መወለዳችን በስመ-ዘመናዊ የሚመጣብንን ተጽዕኖ ለመቃወም አቅም አይሆነንም። መቀየር ያለብን ማየት ያለብን ራሳችንን ውስጣችን እንጂ ያለንበት የተቀደሰ ስፍራውን አይደለም። ያልተቀየረ ማንነት የትም ቢኖር ታጥቦ ጭቃ ነው። እኔ ምንም ያህል ባማረ ዕቃ ቢቀርብልኝ የተመረዘን ምግብ አልመገብም ማለት አለብን በቴክኖሎጂ ተሸፍኖ የመጣብንን የኃጢአት ግብዣ። ለዚህም የዮሴፍ እና የጵጢፋራ ምስት አጓጊ መርዝ ያለበት ግብዣ ዓይነተኛ አስረጂ ነው። ያዕቆብ ከላባ ቤት ወደ አባቱ ወደ ወንድሙ ኤሳውጋ እየተመለሰ የያዕቆብ ልጅ ዲና የኤዊያዊ የሴኬም ከተማ ሰዎች ለማየት በወጣችበት በአገረገዢው ልጅ ተደፈረች ከነዓናውያንና ፌርዛዊያን ያልተገረዘ አህዛብ ስለነበሩ ያዕቆብንና ልጆቹን ምንም የክብር ካባ ብዛት የስጦታ ብዛት ለመስጠት ሰዎች ብለምኗቸውም አላሸነፋቸውም ማንነታቸውን በዕቃ አልቀየሩም ይልቁንስ ገደሉአቸው በዘበዙ እንጂ ተጠየፉ እንጂ "ኤሞርም እንዲህ ብሎ ነገራቸው። ልጄ ሴኬም በልጃችሁ ፍቅር ልቡ ተነድፎአልና ሚስት እንድትሆነው እባካችሁ እርስዋን ስጡት። ጋብቾችም ሁኑን፤ ሴቶች ልጆቻችሁን ስጡን፥ እናንተም የእኛን ሴቶች ልጆች ውሰዱ። ከእኛም ጋር ተቀመጡ፥ ምድሪቱም በፊታችሁ ናት፤ ኑሩባት፥ ነግዱም፥ ግዙአትም።"(ዘፍ 34:8-10) " አንተ ግን፥ የእግዚአብሔር ሰው ሆይ፥ ከዚህ ሽሽ፤ ጽድቅንና እግዚአብሔርን መምሰል እምነትንም ፍቅርንም መጽናትንም የዋህነትንም ተከታተል።"(1ኛ ጢሞ 6:11) ኳሱ ፣ፊልሙ፣ቀልዱና ተረታተረቱ፣ አለባበሱና የስጋ አምሮቱ፣ በውበት መጠበቂያ ስም የሚደረጉ ዝባዝንኬው፣ መዝናኛውና ጫወታው የአለም ዝቃጭ ነገር የሚያጓጓው ክርስቲያን በእግዚአብሔር ቤት ለዛሬ ይኖር ይሆናል አንድ እግር አንድ አይን ግማሽ ልብ ግማሽ ማንነት ውጪ ስላለ እስከመጨረሻው መጽናት አይችልም። በመጽሐፍ ቅዱሳዊ ምግባር ራሱን እያነጸ በቤተክርስቲያን ስርዓት የተገነባውን ማንነት እግዚአብሔር ለቀባቸው ራሱን እያሳየ ዓለምንና ተግባሯን እየጸየፈ ለእግዚአብሔር መንግስት ራሱን የሚያዘጋጅ ወጣት እሱ በእውነት ዘላለማዊ ዘመናዊ ወጣት ነው። ማለቂያው መጨረሻው የለምና ወቅታዊም አይደለምና። ክርስትናውም በዘመናዊነት ማዕበል አይናጋም አይናወጥም። እግዚአብሔር ሁላችንም ይባርከን❕ @MARANATHAWOCH @MARANATHAWOCH inbox @Thaddyapostolic group @marantawoch

የማለዳ ትምህርት ስምህ ይቀደስ " #ስምህ_ይቀደስ ፤ መንግሥትህ ትምጣ፤ ፈቃድህ በሰማይ እንደ ሆነች እንዲሁ በምድር ትሁን፤" (ማቴ 6:10) ኢየሱስ የሚል የእግዚአብሔር ስም ከስም ሁሉ በላይ ነው ። ይህ ስም ሲጠራ አጋንንት ባለበት ይንቀጠቀጣል ። ይህ ስም ሲጠራ ታላላቅ ተዓምራት ይሰራል ። ይህ ስም ሲጠራ የነብስ መዳን ይገኛልና ይህን ስም እንቀድስ እናከብር ። ይህ ስም በምድር ላይ ካሉት ሀያል ከሚባሉ ስሞች ሁሉ እጅግ የበላይ የሆነ ቅዱስ የሚያድን ስም ስለሆነ በእኛም ላይ የበላይ ሆኖ አንድሰራ ከፈለግን ስሙን እንቀድስ ። ይህን ስም ስናከብር የመንፈስ ቅዱስ ዘይት ሳያቋርጥ በእኛ ላይ ይፈሳል። ዘወትር በመንፈሳዊ በረከት እንባርካለን ። የእግዚአብሔርን ስም መቀደስ ማለት ይህን ስም የለበስን ሁላችንም ሀጢአት አለመስራት ፥ አለመዋሸት ፥ ለክብራችን ስንል ስሙን በውሸት አለማርከስ ነው ። ምናልባት ሀጢአት ሰርተን ንስሐ እንገባለን ብለን እናስብ ይሆናል ። ይህ ታላቁ ስሙ ግን እኛ ሀጢአት እንደሰራን ይረክስብናልና ስሙን እንቀድስ ። " የጌታን ስም የሚጠራም ሁሉ ይድናል።" (ሐዋ ሥራ 2:21) እዚህጋ መጽሐፍ ቅዱስ  " የጌታን ስም የሚጠራ ሁሉ ይድናልና።" ስል (ሮሜ 10:13)፦ ከሀጢአት ከዓመጽና ከርኩሰት እየራቅን የጌታን ስም እንድንጠራ ማስተማሩ ነው እንጂ እንደፈለግን በሃጢአት እየተጨማለቅን የእግዚአብሔርን ስም ከጠራን ዋጋ የለውም ። መድኃኒትነቱ የሚረጋገጠው ስሙን እያከበርንና እየቀደስን ስንጠራ ብቻ ነው ። " ሆኖም ጌታ ለእርሱ የሆኑትን ያውቃል፥ ደግሞም የጌታን ስም የሚጠራ ሁሉ ከዓመፅ ይራቅ የሚለው ማኅተም ያለበት የተደላደለ የእግዚአብሔር መሠረት ቆሞአል።" (2ኛ ጢሞ 2:19) " የእግዚአብሔርን የአምላክህን ስም በከንቱ አትጥራ፤ እግዚአብሔር ስሙን በከንቱ የሚጠራውን ከበደል አያነጻውምና። "(ዘጸአት 20:7) አዎ እግዚአብሔር ስሙን በከንቱ የሚጠራውን ከክፉ አያድነውም ። ስለዚህ የአምላክን ስም በከንቱ አንጥራ ። ይልቅ ባስጨነቀን ነገር ላይ ፥ በአጋንንትና በጠላት ኃይል ሁሉ ላይ ስልጣን እንዲኖረን ስሙን እንቀድስ ፣ እየቀደስንና እያከበርን እንጥራ ያኔ ነው ዋጋ የሚኖረው። ብዙ ሰዎች ግን ከስሙ ጋር እኩል ሆነው በስሙ ላይ ይቀልዳሉ። ይህ ስም በሰማይም በምድርም ታላቅ ስም ነው የብሉይ ኪዳን አባቶች እንኳ ልሰሙት ያልቻሉና ጠይቀው ያጡ ስም ነው። ለእኛ ግን ተገለጠልን። ይሄን ስም ዝም በለን ለተራ ነገር የሚናነሳው አይደለም ለትላልቅና ከባባድ ችግሮች ስገጥሙን እንደ ማፍረሻ ማደሻ አድርገን የሚንጠቀም ነው። ይህ ስም ለእኛ ቃላት ነው ለጠላት ግን እሳት ነው ፤ ያቃጥላቸውል። እግዚአብሔር ለስሙ የሚቀና አምላክ ስለሆነ ስሙን በሕይወታችን ላይ እንቀድስ ። እናመሰግናለን @MARANATHAWOCH @MARANATHAWOCH inbox @Thaddyapostolic group @MARANTAWOCH

መንፈሴን አክመው! ከራስ ጋር ንግግር፦ "ማንም ሰው መንፈሱ የተጎዳ፣ ስሜቱ የተዛባ፣ ውስጡ ረፍት ያጣ ቢሆን ህይወቱ እጅጉን መክበዷና መወሳሰቧ አይቀርም። ከዚህ አጣብቂኝም ፈውስን የሚፈልግ ሰውም ከአምላኩ እቅፍ በላይ የፈውስ ስፍራ ሊያገኝ አይችልም። ዓለም ውስጥ ብወጣ ብወርድ፣ ብዙውን ነገር ባካልል ብሞክር የተመኘውትን ፈውስ ላገኝ አልቻልኩምና አምላኬ ባንተ እንድፈወስ፣ ባንተ ረፍትን እንዳገኝ አንተው እርዳኝ አንተው ደግፈኝ። ድካም አልባ ህይወትን ካንተ እሻለው፣ የሰከነ መንፈሴን ዳግም እናፍቃለሁ፣ አንተን አግኝቼ ማረፍን፣ ባንተ በረከት መታነፅን እፈልጋለሁ። ፀሎቴ ምስጋናው ልመናም ነው። ሰምህን እንድጠራ ስለፈቀድክልኝ፣ ልቤን መልሰህ እንዳስብህ ስላደረከኝ፣ ምንም በክፉ ሀጢአት ብወድቅ፣ ስህተቴን ብደጋግም፣ ባንተ ፊት ክብሬን የሚያወርድ ርካሽ ነገር ባደርግም አይዞህ ልጄ ብለህ በፊትህ ስላቆምከኝ፣ ለአድስ ክብር ስላጨሀኝ፣ ንሰሃን ዳግም ስለሰጠሀኝ አመሰግንሃለሁ። ምስጋናዬ አንተን የማገኝበት ትልቁ መሰሪያዬ ነው፣ ምስጋናዬ በረከትና ስጦታዬን የማበዛበት በጎ ምግባሬ ነው። በአስከፊው የሰው ልጅ ፈተና፣ ባንተ ፊት ሞገስን በሚገፈው ክፉ ምግባር ክፍ ሀጢአት ቆሽሼያለሁና እጠበኝ፣ አንተው ዳግም አንፃኝ። ለስጋዬ ምሰሶ የሆነውን፣ የወደቀ ህይወቴን የሚያቃናውን መንፈሴን አክመው፣ ውስጤን አንፃው፣ ስሜቴን አጎልብተው። ሰው ነኝ ተስፋዬ ይመክናል፣ ሰው ነኝ አይወድቁ አወዳደቅን እወድቃለሁ፣ ሰው ነኝ ስብራት ይቀጥመኛል፣ ሰው ነኝ በደልን በበደል ላይ እደርባለሁ ነገር ግን ሁሌም ተስፋዬ አንተ ነህና ወድቄ አልቀርም፣ ተሰብሬም አልጠፋም። ሳጠፋ አይተሀኛል፣ ክፋትን ሳተደርግ፣ ልቤ ሲሸፍት፣ ሴይጣን ሲፈትነኝ፣ ዓለም በጦሯ ስትወጋኝ ተመልክተሀኛል። ድክመቴን ታውቃለህና አንተ የዳግም እድሳቴን ቀን ስጠኝ፣ ውድቀቴ ላንተ ግልፅ ነውና አንተ ሞገስ ሁነኝ። በራሴ ተመክቼ አየውት ራሴን አጥቼዋለሁ፣ ራሴን ተደግፌ አየውት ሙሉ ሰው ለመሆን ተቸግሬያለሁ። በራሴ መመካት ደክሞኛል፣ ራሴን እንደ ፍፁም እንደ ንፁ መመልከት ሰልችቶኛል። ጥፋቴን መሰወሬ ነፃነቴን ሲገፈው ተመልክቼያለሁ፣ ፍፁም ሆኖ ለመቅረብ መሞከሬ አስመሳይ ሲያደርገኝ አስተውዬያለሁ። ራሴን ካንተ መሸፈን፣ ጥፋቴን ማለባበስ፣ ነውሬንም መሰወር አይቻለኝምና አንተ ሰውር ገመናዬን ጎብኘው፣ በምህረት ይቅርታህ ደሰው፣ ቀና አድርገኝ፣ ፈውስን አድለኝ፣ ዳግም ስበድል እንዳልገኝ አይነ ልቦናዬን አብራልኝ።" በሰው ፊት ፃድቅ መምሰለ ትርፉ ጥፋትና ውድቀት ነው። አዋቂው ያውቅሃል፣ የሚያየው አይቶሃል። ከሰው ክብርና ስም በላይ ፈጣሪ እንዲያከብርህ አድርግ። እግዚአብሔር አምላክ በምግባርህ ያከብርሃል፣ በተሰበረው ልብህ ልክ፣ ይቅርታውን በሚማፀነው ልቦናህ መጠን፣ ለርሱ በቀረበው ማንነትህ አይነት ከፍ ያደርግሃል፣ ከውድቀትህ በላይ ያሻግርሃል፣ በምህረት አይኖቹ ይጎበኝሃል፣ መንፈስህንም ያክመዋል። "እኔ ፃድቅ ነኝ፣ በደል የለብኝም፣ ጥፋትን አላውቅም" አትበል። አንተ አይደለህም ታላላቅ ቅዱሳን አባቶች እንኳን በኀጢአት ወድቀው ያውቃሉ፣ የተመሰጡት ሐዋርያት እንኳን ብዙ ጊዜ ክደዋል በድለዋል። የፅድቅ በርህ ይከፈት ዘንድ ጥፋትህን አመን፣ ፈውስን ታገኝ ዘንድ ለህመምህ መድሃኒት ተጠቀም። መድሃኒትህ ፈጣሪህ ነው፣ ፈውስን የሚድልህ አምላክህ ነው። ተሰባሪ ሆነህ ሰለ የቆምክ እንዳይመስልህ፣ ደካማ ሆነህ ሳለ የማትወድቅ እንዳይመስልህ። መሰበርን ሳይሆን ተሰብሮ መቅረትን ፍራ፣ ጥፋትን ሳይሆን አጥፍቶ መጥፋትን ፍራ። ከከፋው ኃጢአት በአምላክህ ፈውስን ለማግኘት፣ ከተደጋገመው ጥፋት በፈጣሪህ ቸርነት ነፃ ለመውጣት እለት እለት ልብህን ወደርሱ አቃና፣ መንፈስህንም አስገዛለት። መልካም አዳር ይሁንልን!

የማለዳ ትምህርት ቅድስና ለእግዚአብሔር ! ◉  ቅዱሳን ወገኖች፦ ቅድስና ለእግዚአብሔር መለየት ፤ ብልቶቻችንን የፅድቅ እቃ ጦር አርጎ ማቅረብ ሲሆን መቼም የማንደራደርበት ጉዳይ ሊሆን ይገባል። ክርስትና እንደ ልባችን አሳብና ፈቃድ እየዋልን እያደርን የምንመላለስበት ህይወት አይደለም !  ዳግመኛ ስንወለድ እርሱን ልንመስል እሱም ህይወታችንን በሞቱና በትንሳኤው ከለወጠ በኋላ በምድር የምንኖረው ኑሮ  ስለ እኛ ለሞተውና ለተነሳው መሆን እንዳለበት  አስተምሮናል!  ሐዋርያ ጳውሎስ  "ከክርስቶስ ጋር ተሰቅያለሁ እኔም አሁን ህያው ሆኜ አልኖርም ክርስቶስ ግን በእኔ ይኖራል! በስጋም የምኖረው ህይወት በክርስቶስ ላይ ባለኝ እምነት የምኖረው ነው!" እንዳለው ◉  እርሱን እንድንመስል ተጠርተናል፦ ክርስትና በማስመሰልና በግብዝነት በውጭ መልክ የሚኖር ህይወት አይደለም !ልንኖረው ግድ ይላል!!የእግዚአብሔር መንግስት ጉዳይ ነውና!!። ሞቱን በሚመስል ሞት  አሮጌውን  ሰው ሰቅለን ትንሳኤውን በሚመስል ትንሳኤ ደግሞ በአዲስ ህይወት ልንመላለስ ይገባል!!! እንዴትስ ደግመን በሀጥያት ባርነት እንያዛለን?  ከሀጥያት በታች  እየኖርን እንዴት ክርስቲያን (የእግዚአብሔር ቤተሰብ )እንባላለን ??፤ የተቀበልነው መንፈስ የፍቅር ራስን የመግዛት መንፈስ እንጂ የፍርሃት መንፈስ አይደለምና! ◉ እንዴት ራሳችንን እንግዛ ? እንዴትስ በብርሀን እንመላለስ? " ነገር ግን እላለሁ፥ በመንፈስ ተመላለሱ፥ የሥጋንም ምኞት ከቶ አትፈጽሙ። ሥጋ በመንፈስ ላይ መንፈስም በሥጋ ላይ ይመኛልና፥ እነዚህም እርስ በርሳቸው ይቀዋወማሉ፤ ስለዚህም የምትወዱትን ልታደርጉ አትችሉም።                  ገላ5፥16-17 ይሄ ጥቅስ የሚነግረን "መንፈሳችንን በስጋችን ላይ ማሰልጠን እንዳለብን ያሳየናል"  ስጋ በመንፈስ ላይ መንፈስም በስጋ ላይ ይቀዋወማሉ! በክርስቶስ ዳግም ተወልዶ አዲስ ፍጥረት በሆነው ማንነታችንና(መንፈሳችን) ላይ ባልተለወጠውና ፣ አለምን በሚሻው ( በወደቀው ማንነታችን )መሀል ከፍተኛ መቀዋወምና ጦርነት አለ። እኛም በይበልጥ የመገብነው  በርሱ ቁጥጥር ስር ያደርገናል !!የመገብነው አይሎ ይሰለጥንብናል!! ወገኖች በህይወታችን ማን አይሏል???? መልሱን ለእናንተ ትቸዋለሁ!! እንዲሁ የወደቀው ማንነታችን እንዳለ ሆኖ ፥  ሰይጣን በሚሰለጥንበትና በወደቀ አለም ስለምንኖር ልንመስላቸው ስለሚስቡን ነው!  ሐዋርያ ጳውሎስ  ጢሞቲዮስን "እግዚአብሔርን ለመምሰል ራስህን አስለምድ"  ይለዋል። ልክ ሰውነትን ለማጎልበትና ለመጠንከር የተመጣጠነ ምግብ መመገብ እና ተገቢ ስፖርት መስራት ግዴታ እንደሆነ ፥  እግዚአብሔርን ለመምሰልም መንፈሳዊ Exercise እንዲሰራ ያዘዋል። ይህ ነው እንግዲህ እግዚአብሔርን ለመምሰል መለማመድ!!በቅድስና ለመኖር መንፈሳችንን በመመገብ በስጋችን ላይ እንዲሰለጥን ማድረግ ..... መንፈስን መመገብ ►  መንፈሳችንን የምንመግበው የመጀመሪያው  ምግብ የእግዚአብሔርን ቃል ነው!  “ኢየሱስም፦ ሰው በእግዚአብሔር ቃል ሁሉ እንጂ በእንጀራ ብቻ አይኖርም ተብሎ ተጽፎአል”                ሉቃስ 4፥4 ቃሉን  ማንበብ ወሳኙ ነገር ሆኖ ሳለ ፥  ይህን ቃል እስኪዋሀደንና የራሳችን እስኪሆን ድረስ ማሰላሰል ደግሞ ቀጣዩ ቁልፍ ጉዳይ ነው! በዚህ ላይ ብዙዎች የሚስቱት  ማንበቡን ያነቡትና ማሰላሰሉ (meditation) ላይ የሉበትም! ቃሉ ደግሞ በማሰላሰል በኩል መንፈሳችንን እንዲቆጣጠር እስካላረግነው ድረስ ጠቀሜታ አይኖረውም! ልክ ምግብ ተመግበን የተመገብነው ምግብ ተፈጭቶ የሚዋሀደው  በDigestive system እንደሆነው ሁሉ ቃሉን አንብበን የሚዋሀደን ደግሞ በተደጋጋሚ ስናሰላስለው ነው! ስንወጣ ስንገባ ፤  በምልልሳችን ሁሉ ማሰላሰል ግድ ይለናል። “እጆቼንም ወደ ወደድኋቸው ወደ ትእዛዛትህ አነሣለሁ፤ ሥርዓትህንም አሰላስላሁ።”            መዝ 119፥48 ►  ሌላኛው የመንፈስ ምግብ ፀሎት ነው! ፀሎት የክርስቲያን አማራጭ የሌለው ህይወቱ መሆን አለበት። ቢደክም ቢበረታ በየትኛውም ሁኔታዎች ውስጥ ከእግዚአብሔር ጋር የጠበቀ ህብረት ሊኖረው ያስፈልገዋል። ፀሎት ማለት፦ ከእግዚአብሔር ጋር መነጋገር ፤ ህብረት ማድረግ ነው። ይህም ሰአት ገድበንለት የምናደርገው ሳይሆን ዘወትር መንፈሳችንን ከእርሱ መንፈስ ጋር የምናገናኝበት የሰማይ ደጅ ነው!! ስንወጣ  ፤ ስንሄድ ፤ ስራ ስንሰራ ብንጸልይ....  መንፈሳችን ይጠነክራል ፤ ስጋ የምንጎስምበት አቅም ይሰጠናል።  ክፋትን እያሰብን ፤ ሰዎችን እያማን ፤ ለማያንጹን ቃላት ጆሮአችንን እየሰጠን ከአንድበታችንም እያወጣን  ውለን  የምንፀልየው ፀሎት ትርጉም ይኖረዋልን? ►  ሌላኛው የመንፈስ ምግብ በቤተክርስቲያን ውስጥ ህብረት ማድረግና ማገልገል ነው። “በሐዋርያትም ትምህርትና በኅብረት እንጀራውንም በመቍረስ በየጸሎቱም ይተጉ ነበር።”                     ሐዋ 2፥42 ቅዱሳን የክርስቶስ አካል  እንደመሆናችንና ክርስቶስም የኛ ራስ እንደመሆኑ እንደ  አካል መስራት መንቀሳቀስ አለብን።  እርስ በእርስ መተሳሰብ፣ መተናነፅ ፣ መያያዝ  ፣ መደጋገፍ አካሉን ያሳድጋል! በቀረውስ ወገኖቼ እስቲ በዚህ ሚዛን እንመዘን?!የት ጋር ነን?ኑሮችን እንዴት ነው?  ለርሱ  እየኖርንለት ነው? ጨክን እንቀደስ ፥ የተሻለ ህይወት ይሁንልን! እነሆ በደጅ ቆሟል!!! ለእውነት እንነሳ !እርሱን ለመምሰል ራሳችንን እናስለምድ ክብራችን ነውና!!! በእለት ተእለት ህይወታችን ይህን በማሰላሰልና በማድረግ በቅድስና ለእግዚአብሔር መኖር እንችላለን!!                    “እኛም ሁላችን በመጋረጃ በማይከደን ፊት የጌታን ክብር እንደ መስተዋት እያብለጨለጭን መንፈስ ከሚሆን ጌታ እንደሚደረግ ያን መልክ እንመስል ዘንድ ከክብር ወደ ክብር እንለወጣለን።”                         2ኛ ቆሮ 3፥18 @MARANATHAWOCH @MARANATHAWOCH

በ2019 ዓ.ም በUnity, Admas, St. Mary, Aviation እና በሌሎችም የግል ዩኒቨርሲቲዎች የምትማሩ ወንድሞችና እህቶች በሙሉ፤ የተማሪዎች ህብረታችንን እንድትቀላቀሉ በፍቅር እንጠራችኋለን! 📞 ለበለጠ መረጃ ወንድም ዳዊት - 0944279947 ወንድም ናትናኤል - 0979805582 እህት ምሕረት - 0922561555

ፃድቅ ሰው     A righteous man

✍ ሐሰትን  ይጠላል  (ምሳ  13:5 ) ✍ መከራ አያገኘውም ( ምሳ 12:21) ✍ መንገዱን ያጠነክራል ( ኢዮ 17:8) ✍ ለባልንጀራው መንገዱን ያሳያል  (ምሳ 12:27 ) ✍ እንደ ዘንባባ ያፈራል(መዝ 92:12 ) ✍ በእምነት ይኖራል (ዕብ 10:36) ✍ ለልጅ ልጆቹ ያወርሳል (ምሳ 13:22 ) ✍ በእውነቱ ይታመናል (ምሳ 14:32) ✍ ይሰጣል አይሰስትም (ምሳ 21:26 ) ✍ ለእንስሳው ነፍስ ይራራል (ምሳ 12:10 ) ✍ ጽድቅንም ይወዳል (ምሳ 11:7) ✍ አይኖቹ ወደ ደሀ ይመለከታሉ (ምሳ 11:4 ) ✍ ከመከራ ያመልጣል (ምሳ 12:13) ✍ ለራሱም ለትምህርቱም ይጠነቀቃል (1ጢሞ 6:12 )   ✍ ሰላምን አጥብቆ ይከተላል 2ጢሞ 2:22 @MARANATHAWOCH @MARANATHAWOCH

የማለዳ ትምህርት ርዕስ:-ሲንኳኳ እናስተውል " ከቀስት ፊት ያመልጡ ዘንድ፥ ለሚፈሩህ ምልክትን ሰጠሃቸው።" መዝሙረ ዳዊት 60:4 ከቀስት በፊት ፦ከጥፋት፣ ከሞት፣ ከመሰበር  በፊት እንድንነቃ እግዚአብሔር በተለያየ መንገድ ያንኳኳል እንድናስተውል ይገባል ። ጠንከር ያለ ማንኳኳት አለ፣ ቀለል ያለ ማንኳኳት አለ፣ ለነቃ ሰው ግን ሁለቱም ቀላል ነው ። እግዚአብሔር በሦስት መንገድ እስክንሰማ ድረስ ያንኳኳል ።  1ኛ ፦ በሕልም በሌሊት እራይ   2ኛ፦ አፍላ እንቅልፍ በሰዎች ላይ ሲወድቅ (ንስሀ እስክንገባ የሰላም እንቅልፍ አንተኛም ማለት ነው ።)                   ካልሆነ ደሞ 3ኛ፦ ደግሞ በአልጋ ላይ በደዌ  (መጽሐፈ ኢዮብ ምዕራፍ 33) 15፤ በሕልም፥ በሌሊት ራእይ፥ አፍላ እንቅልፍ በሰዎች ላይ ሲወድቅ፥ በአልጋ ላይ ተኝተው ሳሉ፥ (መጽሐፈ ኢዮብ ምዕራፍ 33)19፤ ደግሞ በአልጋ ላይ በደዌ ይገሥጸዋል፥ አጥንቱንም ሁሉ ያደነዝዛል። 20፤ ሕይወቱም እንጀራን፥ ነፍሱም ጣፋጭ መብልን ትጠላለች። በብዙ  ይናገራል።           ኢዮ 33:29 በዚህ ሁሉ ካልሰማን ግን ቀስት ይመጣል። በቀስት ሰዓት ብናለቅስ፣ ብንጮሂ፣ ንስሃ ብንገባ ትርጉም የለውም። " ብዙ ጊዜ ተዘልፎ አንገቱን ያደነደነ ድንገት ይሰበራል፥ ፈውስም የለውም። " መጽሐፈ ምሳሌ 29:1    👉 ፈውስ የሌለው ስብራት ። አካን በቀስት ሰዓት ንስሀ ገባ ምህረትን ግን አላገኝም ። ዔሳው ብኩርናውን አቃለለ። በእንባ ምንም ተግቶ ቢፈልግ ለንስሐ ስፍራ አላገኘም። (ወደ ዕብራውያን ምዕራፍ 12) 16፤ ወይም ስለ አንድ መብል በኵርነቱን እንደ ሸጠ እንደ ዔሳው ለዚህ ዓለም የሚመች ሰው እንዳይሆን ተጠንቀቁ። 17፤ ከዚያ በኋላ እንኳ በረከቱን ሊወርስ በወደደ ጊዜ እንደ ተጣለ ታውቃላችሁና፤ በእንባ ተግቶ ምንም ቢፈልገው ለንስሐ ስፍራ አላገኘምና። ሶምሶንም :-ቤተሰቡን ባለመስማቱ፣ ቤተክርስትያንን ባለ መስማቱ፣ ደሊላ ጋ በመሄዱ ምን ሆነ ? ✍አጥፍቶ ጠፋ። መሳ 16:31 ❓ወጣቶች ዛሬ ከማን ጋር ወዳጅነት     ገጥመናል ? ❓ብርሃን ከጨለማ ጋር አይስማማም እኛ ግን ተስማምተናል ? ❓መዳናችንን እንደ ዔሳው ለምኔ ብለናል ? እንከፍልበታለን ። ምህረት የለውም፣ እናለቅሳለን ግን ፈውስ የለውም ። መንፈሳዊ እርሀብ ይርበናል ግን አንረካም ። ✍  በብዙ  የእግዚአብሔር ሰዎች    ይነገረናል፤ በብዙ ፁሁፎች ግጥሞች መዝሙሮች ምክርሮች ውስጥ እግዚአብሔር ንስሃ እንድንገባ ያንኳኳል ። 👉 ነገር ግን ልባችንን ከደነደንን ትቶን ይሄዳል ። ከሄደ በዋላ ብንጮኽ ብንጠራው ብናለቅስ ሰሚ አይኖረንም ። 👉 ለውዴ ከፈትሁለት፥ ውዴ ግን ፈቀቅ ብሎ አልፎ ነበር። ነፍሴ ከቃሉ የተነሣ ደነገጠች፤ ፈለግሁት፥ አላገኘሁትም፤ ጠራሁት፥ አልመለሰልኝም። " (መኃልየ መኃልይ ዘሰሎሞን 5:6)              አትሁን አትቁም ከደጄ              ና ግባ የነፍሴ ወዳጄ              ስታንኳኳ ደምፅን ሰምቻለሁ              አትሂድብኝ እከፍትልሃለሁ 20 እነሆ በደጅ ቆሜ አንኳኳለሁ፤ ማንም ድምፄን ቢሰማ ደጁንም ቢከፍትልኝ፥ ወደ እርሱ እገባለሁ ከእርሱም ጋር እራት እበላለሁ እርሱም ከእኔ ጋር ይበላል። ራእይ 3:20 ቀስት ሳይመጣብህ ወይንም አልፎ ሳይሄድብህ ቶሎ ክፈትለት፤ እንደ ሳሙኤል እኔ ባርያህ እሰማሃለሁና ተናገረኝ በል። 10 እግዚአብሔርም መጥቶ ቆመ፥ እንደ ቀድሞውም። ሳሙኤል ሳሙኤል ብሎ ጠራው። ሳሙኤልም። ባሪያህ ይሰማልና ተናገር አለው። 1 ሳሙኤል 3:10 @MARANATHAWOCH @MARANATHAWOCH inbox @Thaddyapostolic group @marantawoch