Botahtaung Scout Channel

Meteoblue ၏ ICON Auto မော်ဒယ်လ် (၂၀၂၆ ခုနှစ်၊ ဇူလိုင်လ ၂ ရက်ထုတ်ပြန်ချက်) စုစုပေါင်း မိုးရေချိန်ပြမြေပုံများအရ ဘင်္ဂလားပင်လယ်အော်မြောက်ပိုင်းတွင် ဗဟိုပြုနေသော မုတ်သုံလေဝဲစနစ်ကြီး ပိုမိုအားကောင်းလာပြီး အိန္ဒိယအရှေ့မြောက်ပိုင်းနှင့် ဘင်္ဂလားဒေ့ရှ်နိုင်ငံဘက်သို့ တဖြည်းဖြည်း တိုးကပ်ရွေ့လျားနေသည်။ 📌 ဤစနစ်၏ ပြင်းထန်သောဆွဲအားကြောင့် မြန်မာနိုင်ငံအနောက်ဘက် (ရခိုင်ကမ်းရိုးတန်း) နှင့် မြောက်ပိုင်းဒေသများတွင် ရက်ဆက်မိုးသည်းထန်စွာ လွန်ကဲစွာရွာသွန်းနိုင်မည့်အခြေအနေ (Deep Purple to Velvet Black - ၅၀၀ mm အထက်) သည် အန္တရာယ်ရှိသောအဆင့်အဖြစ် ပိုမိုကျယ်ပြန့်ထင်ရှားလာသည်။ တစ်ဖက်တွင်လည်း ကုန်းတွင်းပိုင်း အလယ်ပိုင်းလွင်ပြင်များတွင် မိုးကွယ်ခြင်းသက်ရောက်မှု (Rain Shadow Effect) ဆက်လက်အားကောင်းနေဆဲ ဖြစ်သည်။ စစ်ကိုင်း၊ ပဲခူးနှင့် ရှမ်းပြည်နယ်တို့ကို ခရိုင်/အရပ်မျက်နှာအလိုက် သီးခြားခွဲထုတ်ပြီး၊ လာမည့်ရက်သတ္တပတ်အတွင်း ရရှိနိုင်မည့် စုစုပေါင်းမိုးရေချိန် အနည်းမှ အများအလိုက် Sort ပြုလုပ်ကာ အသေးစိတ် ခွဲခြမ်းစိတ်ဖြာ တင်ပြထားပါသည်။ ၁။ တိုင်းဒေသကြီးနှင့် ပြည်နယ်များအလိုက် မိုးရေချိန် ခန့်မှန်းချက်ဇယား (mm) (နောက်လာမည့် ၁၆၈ နာရီအထိ ရရှိနိုင်မည့် စုစုပေါင်းမိုးရေချိန်ပမာဏ အနည်းမှ အများအလိုက် ဇယားတွင် Sorting ပြုလုပ်ထားပါသည်။) ၂။ မိုးရေချိန် အနည်း / အများ သုံးသပ်ချက် 📌အစွန်းရောက် မိုးလွန်ကဲမည့် အန္တရာယ်ဇုန် (၁၆၈ နာရီအတွင်း ၅၀၀ - ၆၀၀+ mm အထက်) - ရခိုင်ပြည်နယ်မြောက်ပိုင်း (စစ်တွေ၊ မောင်တော၊ ဘူးသီးတောင်တကြော) နှင့် ဘင်္ဂလားဒေ့ရှ်နိုင်ငံ ကမ်းရိုးတန်းတို့တွင် ဘင်္ဂလားပင်လယ်အော်မြောက်ပိုင်းရှိ အားကောင်းလာနိုင်မည့် လေဖိအားနည်းရပ်ဝန်းကြောင့် ရခိုင်ရိုးမတောင်တန်းနှင့် မျက်နှာစာတိုက်ရိုက်ပွတ်တိုက်ကာ ရက်ဆက်မိုးသည်းထန်စွာ လွန်ကဲစွာ ရွာသွန်းမည့် လက္ခဏာဖြစ်သဖြင့် ရေကြီးနိုင်သည့်သဘာဝဘေးအန္တရာယ် ကြုံတွေ့ရနိုင်ပါသည်။ 📌မိုးအလွန်ကြီးမည့် ကုန်းမြင့်နှင့် ကမ်းရိုးတန်းဇုန် (၁၆၈ နာရီအတွင်း ၂၅၀ - ၄၂၀ mm) - ကချင်ပြည်နယ် (မြောက်ပိုင်း ပူတာအိုတကြော)၊ တနင်္သာရီတိုင်းဒေသကြီး နှင့် စစ်ကိုင်းတိုင်းဒေသကြီး (အထက်ပိုင်း) တို့တွင် တောင်တန်းဒေသနှင့် မြစ်ဝှမ်းအထက်ပိုင်းများတွင် မိုးရေချိန် ဆက်လက်မြင့်တက်လာနိုင်ပါသည်။ 📌မိုးကွယ်ဇုန် ကုန်းတွင်းပိုင်းလွင်ပြင် (၁၆၈ နာရီအတွင်း < ၅၀ mm အောက်) - ကယား၊ မကွေးနှင့် မန္တလေးတိုင်းဒေသကြီးတို့တွင် ပင်လယ်ပြင်ရှိ လေဖိအားနည်းစနစ်က ရေငွေ့များကို အနောက်ဘက်သို့ အလုံးအရင်း ဆွဲယူထားသဖြင့် ကုန်းတွင်းပိုင်းလွင်ပြင်များတွင် မိုးရွာသွန်းမှု နည်းပါးပြီး မိုးကွယ်အရပ်သက်ရောက်မှု(Rain Shadow Effect) ဆက်လက်အားကောင်းနေဦးမည် ဖြစ်ပါသည်။ ၃။ မြန်မာနိုင်ငံအပေါ် သက်ရောက်နိုင်သည့် မိုးလေဝသခန့်မှန်းချက် (Meteorological Analysis) 📌ဘင်္ဂလားပင်လယ်အော်မြောက်ပိုင်းမှ လေဖိအားနည်းရပ်ဝန်း(Cyclonic Circulation / Depression) - သည် ဘင်္ဂလားပင်လယ်အော်မြောက်ပိုင်းတွင် ဆက်လက်ဗဟိုပြုကာ ရွေ့လျားမှုနှေးကွေးနေသည်။ ၎င်းစနစ်သည် ဗဟိုချက်တွင် လေဖိအားအလွန်ကျဆင်းပြီး အရှိန်အဟုန်ပြင်းစွာ လည်ပတ်နေသဖြင့် အနောက်ဘက်ကမ်းရိုးတန်းတကြောကို မိုးသက်လေပြင်းများနှင့်အတူ ရိုက်ခတ်နိုင်ခြေ ဆက်လက်မြင့်မားနေဆဲ ဖြစ်သည်။ 📌အနောက်တောင်မုတ်သုံလေ အရှိန်ပြင်းလာခြင်း (Monsoon Surge) - အဆိုပါ မြောက်ပိုင်းလေဝဲစနစ်၏ အားကောင်းသော ဆွဲအားကြောင့် ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့မှ အနောက်တောင်မုတ်သုံလေစီးကြောင်းသည် မြန်မာနိုင်ငံ တောင်ပိုင်း (တနင်္သာရီ၊ မွန်၊ ကရင်) ထဲသို့ အရှိန်အဟုန်ပြင်းစွာ တိုးဝင်လျက်ရှိပြီး ကမ်းရိုးတန်းမျက်နှာစာများတွင် မိုးတိမ်တိုက်များကို ဆက်တိုက် ဖြစ်ထွန်းစေကာ မိုးရေချိန် မြင့်တက်စေပါသည်။ 📌မြောက်ပိုင်းကုန်းတွင်းပိုင်း လေဆုံရပ်မျက်နှာစာ မုတ်သုံမြောင်တန်း (Monsoon Trough) - စစ်ကိုင်းအထက်ပိုင်းနှင့် ကချင်ပြည်နယ် တောင်တန်းဒေသများတွင် မုတ်သုံလေငွေ့များနှင့် အနောက်ဘက်မှ ရွေ့လျားလာသော လေလှိုင်းများ ဆုံစည်းရာလေဆုံရပ် (Monsoon Trough) တည်ငြိမ်နေသဖြင့် မြန်မာနိုင်ငံမြောက်ပိုင်းတွင် ရက်ဆက်မိုးကြီးမည့် အခြေအနေကို ပံ့ပိုးပေးနေသည်။ ၄။ အရေးပေါ် ကြိုတင်သတိပေးချက်နှင့် အကြံပြုချက် (Early Warning) မြေပြိုခြင်းနှင့် လျှပ်တစ်ပြက်ရေကြီးခြင်း အထူးသတိပေးချက် (Landslide & Flash Flood Red Alert): ⚠️ရခိုင်ပြည်နယ်မြောက်ပိုင်း (စစ်တွေ၊ မောင်တော၊ ဘူးသီးတောင်) - ၁၆၈ နာရီအတွင်း စုစုပေါင်းမိုးရေချိန် ၅၀၀ - ၆၀၀ mm အထက်သည် ကုန်းတွင်းပိုင်း အနိမ့်ပိုင်းများတွင် ရုတ်တရက် ရေကြီးရေလျှံမှုနှင့် ရခိုင်ရိုးမတောင်ခြေ လမ်းပိုင်းများတွင် မြေပြိုမှု (Landslides) များကို မုချဖြစ်ပေါ်စေနိုင်သဖြင့် ဒေသခံလူထုအနေဖြင့် ကြိုတင်ပြင်ဆင်မှုများ ပြုလုပ်ထားရန် လိုအပ်ပါသည်။ ⚠️ကချင်ပြည်နယ် (ပူတာအို)၊ စစ်ကိုင်းအထက်ပိုင်း (ခန္တီး) - ရက်ဆက်မိုးသည်းထန်မှုကြောင့် ဧရာဝတီမြစ်ဖျားခံရာ မြစ်ငယ်၊ ချောင်းငယ်များနှင့် ချင်းတွင်းမြစ်အထက်ပိုင်းတို့တွင် ရေမျက်နှာပြင် ရုတ်တရက် မြင့်တက်လာနိုင်ကာ လျှပ်တစ်ပြက် ရေကြီးနိုင်ပါသည်။ ⚠️ပင်လယ်ပြင် မုန်တိုင်းသတိပေးချက် (Marine Safety Warning) - ၇၂ နာရီမှ ၁၆၈ နာရီအတွင်း ဘင်္ဂလားပင်လယ်အော်မြောက်ပိုင်းနှင့် ရခိုင်ကမ်းရိုးတန်းတစ်လျှောက် လေဖိအားနည်းစနစ်အရှိန်ကြောင့် မိုးသက်လေပြင်းများ ပြင်းထန်စွာကျရောက်ပြီး လှိုင်းလေအလွန်ထန်မည်ဖြစ်၍ ကမ်းနီးကမ်းဝေး ငါးဖမ်းရေယာဉ်များနှင့် ရေကြောင်းသွားလာမှုများကို အထူးသတိပြု ရှောင်ရှားရန် တိုက်တွန်းအပ်ပါသည်။ 🌾စိုက်ပျိုးရေးမိုးလေဝသ အကြံပြုချက် - မြန်မာနိုင်ငံအလယ်ပိုင်း မိုးနည်းဒေသများ (မကွေး၊ မန္တလေး၊ ကယား) တွင် ရက်ဦးပိုင်း၌ မြေဆီလွှာအစိုဓာတ် အငွေ့ပျံနှုန်း မြင့်မားနိုင်မှုကို သတိပြုစီမံရမည်ဖြစ်ပြီး၊ ရခိုင်၊ စစ်ကိုင်းအထက်ပိုင်းနှင့် မြောက်ပိုင်းဒေသများတွင်မူ မိုးလွန်ကဲမှုကြောင့် စိုက်ခင်းများ ရေမဝပ်စေရန် ရေနုတ်မြောင်းအစီအမံများ ကြိုတင်ပြင်ဆင်ထားသင့်ပါသည်။ Copernicus EMS ရဲ့ ကမ္ဘာလုံးဆိုင်ရာ ရေကြီးမှုသတိပေးစနစ် GloFAS ရဲ့ ၂၀၂၆ ခုနှစ် ဇူလိုင်လ ၂ ရက် (မြေပုံပေါ်ရှိ Dynamic Reporting Points အချက်အလက်များအရ ဇူလိုင် ၁ ရက် မွန်းလွဲပိုင်းမှစတင်ကာ တွက်ချက်ထားသည့်) အခြေအနေအရ မြန်မာနိုင်ငံရှိ ပြည်နယ်နှင့် တိုင်းဒေသကြီး ၃ ခုတွင် ရေကြီးနိုင်ခြေ အချက်ပြသင်္ကေတများ သိသိသာသာ မြင့်တက်လာနေသည်ကို တွေ့ရပါသည်။ 📌GloFAS စနစ်တွင် အဝါရောင်ဖျော့သည် ၂ နှစ်တာအတွင်း အမြင့်ဆုံးရေစီးဆင်းမှု (Medium)၊ အနီရောင်သည် ၅ နှစ်တာအတွင်း အမြင့်ဆုံးရေစီးဆင်းမှု (High) နှင့် ခရမ်းရောင်သည် အနှစ် ၂၀ အတွင်း အမြင့်ဆုံးရေစီးဆင်းမှု (Severe) စံချိန်ကို ကျော်လွန်နိုင်သည့် ရေကြီးမှု အန္တရာယ်အဆင့်များကို ဖော်ပြခြင်းဖြစ်ပြီး ဒေသအလိုက် အခြေအနေအသေးစိတ်မှာ အောက်ပါအတိုင်း ဖြစ်ပါသည် - ၁။ ပဲခူးတိုင်းဒေသကြီး (အနီရောင် နှင့် ခရမ်းရောင် အချက်ပြမှု အများအပြား) 📌အခြေအနေအသေးစိတ် - ပဲခူးတိုင်းဒေသကြီးအတွင်းရှိ မြစ်ဝှမ်းများနှင့် မြစ်လက်တက်များတလျှောက်တွင် အနီရောင် (High Alert) သုံးဂံပုံစံ သင်္ကေတများနှင့် ခရမ်းရောင် (Severe Alert) သင်္ကေတများ စုပြုံတက်နေသည်ကို တွေ့ရပါသည်။ 📌အန္တရာယ်အဆင့် - အထူးသဖြင့် ပဲခူးမြစ်ဝှမ်းနှင့် စစ်တောင်းမြစ်ဝှမ်းတစ်လျှောက် ရေစီးဆင်းမှုများသည် အနှစ် ၂၀ အတွင်း အမြင့်ဆုံးစံချိန် (20-year return period) ကို ကျော်လွန်သွားနိုင်ခြေရှိသဖြင့် အလွန်စိုးရိမ်ရသည့် အပြင်းထန်ဆုံး ရေကြီးမှုအန္တရာယ် အခြေအနေရှိနေပြီး အရေးပေါ်တုံ့ပြန်မှုများ ပြင်ဆင်ထားရန် လိုအပ်နေသည်။ ၂။ မကွေးတိုင်းဒေသကြီး (အနီရောင် အချက်ပြမှု အများအပြား) 📌အခြေအနေအသေးစိတ် - မကွေးတိုင်းဒေသကြီး (အထူးသဖြင့် ဧရာဝတီမြစ်အနောက်ဘက်ကမ်းနှင့် ချင်းတောင်တန်းအစပ် ဒေသများ) တွင် အနီရောင် (High Alert) တြိဂံပုံစံ ရေကြီးမှုသတိပေးချက်များ ထင်ထင်ရှားရှား တိုးပွားလာနေသည်။ 📌အန္တရာယ်အဆင့် - မြစ်ရေစီးဆင်းမှုနှုန်းသည် ၅ နှစ်တာအတွင်း အမြင့်ဆုံးစံချိန် (5-year return period) ကို ကျော်လွန်နိုင်ခြေရှိပြီး၊ မြစ်လက်တက်များမှတစ်ဆင့် ချိုင့်ဝှမ်းဒေသများအတွင်းသို့ ရေလျှံဝင်ရောက်ကာ ပြင်းထန်သော ရေကြီးရေလျှံမှုများ ဖြစ်ပွားနိုင်သည့် အခြေအနေ ဖြစ်သည်။ ၃။ ရှမ်းပြည်နယ် (အဝါရောင် သတိပေးချက်ဇုန်) 📌အခြေအနေအသေးစိတ် - ရှမ်းပြည်နယ် တစ်ခုလုံးနီးပါး၏ မြေပုံနောက်ခံအရောင်ကို အဝါရောင် (Medium Alert Zone) အဖြစ် လွှမ်းခြုံသတ်မှတ်ထားသည်ကို တွေ့ရသည်။ 📌အန္တရာယ်အဆင့် - ဒေသတွင်း မိုးဆက်တိုက်ရွာသွန်းမှုကြောင့် မြစ်ချောင်းများအတွင်း ရေမျက်နှာပြင် မြင့်တက်လာနိုင်ပြီး၊ ရေကြီးမှုဖြစ်ပွားနိုင်ခြေ (Possible flooding) ရှိနေသဖြင့် သတိပြုစောင့်ကြည့်ရမည့် အဆင့်ဖြစ်သည်။ ထို့ပြင် တောင်ကုန်းတောင်တန်း ထူထပ်သဖြင့် ရေဝေရေလဲဒေသများမှတစ်ဆင့် မြေပြိုခြင်းနှင့် လျှပ်တစ်ပြက်ရေကြီးခြင်း (Flash Floods) များကိုပါ ကြိုတင်သတိထားသင့်သည်။ ⚠️ အကျဉ်းချုပ်မှတ်ချက် - မြေပုံပါအချက်အလက်များအရ ပဲခူးတိုင်းသည် အဆိုးရွားဆုံး ခရမ်းရောင်အဆင့်အထိ ရှိနေပြီး၊ မကွေးတိုင်းသည် အနီရောင်အဆင့်ဖြင့် အန္တရာယ်ကြီးမားနေကာ၊ ရှမ်းပြည်နယ်သည် အဝါရောင်အဆင့်ဖြင့် ရေကြီးနိုင်ခြေရှိသောကြောင့် ဒေသခံများနှင့် သက်ဆိုင်ရာအဖွဲ့အစည်းများအနေဖြင့် ရေဘေးအန္တရာယ်ကို အထူးဂရုပြု ပြင်ဆင်ထားသင့်သည့် အခြေအနေ ဖြစ်ပါသည်။

ဓာတ်ပုံ- တောင်ဥက္ကလာပမြို့နယ်ရှိ ဗိုလ်ချုပ်အောင်ဆန်းကြေးရုပ်ကို စတင်သွန်းလုပ်ခဲ့စဉ်က ပုံများဖြစ်ပါသည်။

ရန်ကုန်မြို့ တောင်ဥက္ကလာပမြို့နယ်နှင့် သာကေတမြို့နယ်ရှိ ဗိုလ်ချုပ်အောင်ဆန်းကြေးရုပ်များကို စစ်တပ်နှင့် စည်ပင်က ဘက်ဟိုး၊ မြေကော်ကားများဖြင့် ညအချိန် အစအနပင် မကျန်အောင် ဖြိုချဖျက်ဆီး ရန်ကုန်၊ ဇူလိုင် ၂ ရန်ကုန်တိုင်း၊ တောင်ဥက္ကလာပမြို့နယ်နှင့် သာကေတမြို့နယ်ရှိ ဗိုလ်ချုပ်အောင်ဆန်းကြေးရုပ်များကို စစ်တပ်နှင့် စည်ပင်က ဘက်ဟိုး၊ မြေကော်ကားများဖြင့် ညအချိန် အစအနပင် မကျန်အောင် ဖြိုချဖျက်ဆီးလိုက်ကြောင်း ဒေသပြည်သူများထံမှ သိရှိရသည်။ ယမန်နေ့ ဇူလိုင်လ ၁ ရက်နေ့ ည ၁၀ နာရီအချိနမှစတင်၍ ရန်ကုန်တိုင်း တောင်ဥက္ကလာပမြို့နယ်တွင် စိုက်ထူထားသည့် ဗိုလ်ချုပ်အောင်ဆန်းကြေးရုပ် ၂ ရုပ်အကြမ်းဖက်စစ်တပ်နှင့် ရန်ကုန်မြို့တော်စည်ပင်သာယာရေးအဖွဲ့က ဘက်ဟိုးများ၊ မြေကော်ကားများ အသုံးပြု၍ ဖြိုချဖျက်ဆီးခဲ့ခြင်းဖြစ်သည်။ တောင်ဥက္ကလာပမြို့နယ်တွင် ဖြိုချဖျက်ဆီးခံရသည့် ဗိုလ်ချုပ်အောင်ဆန်းကြေးရုပ် ၂ ရုပ်အနက် တစ်ရုပ်မှာ ၈၈ မျိုးဆက်ကျောင်းသားခေါင်းဆောင် ဦးကိုကိုကြီး ဦးဆောင်စိုက်ထူခဲ့သည့် ဗိုလ်ချုပ်အောင်ဆန်းကြေးရုပ်ဖြစ်ပြီး၊ နောက်တစ်ရုပ်မှာ တောင်ဥက္ကလာပမြို့နယ် ဗိုလ်ချုပ်အောင်ဆန်းကြေးရုပ် ဖြစ်မြောက်ရေးကော်မတီနှင့် မြို့နယ်လွှတ်တော်ကိုယ်စားလှယ်များ ဦးဆောင်တည်ဆောက်ခဲ့သည့် ဗိုလ်ချုပ်အောင်ဆန်းကြေးရုပ်တို့ဖြစ်သည်။ ဖြိုချဖျက်ဆီးရာတွင် ဘက်ဟိုးတင်ယာဉ်များအပါအဝင် ယာဉ် ၆ စီးခန့်၊ စစ်သားများနှင့် စည်ပင်ဝန်ထမ်းများ အင်အားအများအပြား အသုံးပြုခဲ့ကြောင်း၊ ဇူလိုင်လ ၂ ရက် နံနက်ပိုင်းတွင် တောင်ဥက္ကလာပမြို့နယ်၊ သုမင်္ဂလာပန်းခြံကိုလည်း ပိတ်ထားပြီး အများပြည်သူများ ဝင်ရောက်ခွင့်မပြုကြောင်း ဒေသခံများက ပြောသည်။ "မနေ့ည ၁၀ နာရီလောက်ကစပြီး ပဒေသာ ဗိုလ်ချုပ်ကြေးရုပ်ကို အရင်ဖျက်တယ်။ ပြီးတော့ သုမင်္ဂလာပန်းခြံထဲက ကြေးရုပ်ကိုလည်း ဘက်ဟိုးနဲ့ ဆက်ဖျက်တယ်။ ဘက်ဟိုးတင်ထားတဲ့ကားအပါအဝင် ယာဉ် ၆ စီးလောက်ရှိပြီး အင်အားလည်း အများကြီး ချထားတယ်။ ဒီမနက် ပန်းခြံကိုလည်း ပိတ်ထားတယ်" ဟု တောင်ဥက္ကလာပမှ ဗိုလ်ချုပ်ကြေးရုပ်တည်ဆောက်ရာတွင် ပါဝင်ခဲ့သော NLD ပါတီဝင်တစ်ဦးက ပြောသည်။ တောင်ဥက္ကလာပမြို့နယ်ရှိ ဗိုလ်ချုပ်ကြေးရုပ်များမှာ ၂၀၁၇ ခုနှစ် ဖေဖော်ဝါရီလ ၁၃ ရက် ဗိုလ်ချုပ်အောင်ဆန်း၏ ၁၀၂ နှစ်ပြည့် မွေးနေ့အမီ အများပြည်သူ ဂါရဝပြုနိုင်ရန် စိုက်ထူခဲ့ခြင်းဖြစ်သည်။ အဆိုပါကြေးရုပ်ကို ဗိုလ်ချုပ်အောင်ဆန်း အင်္ဂလန်နိုင်ငံသို့ လွတ်လပ်ရေးဆွေးနွေးရန် သွားရောက်စဉ် ဝတ်ဆင်ခဲ့သည့် လောင်းကုတ်အင်္ကျီပုံစံဖြင့် သွန်းလုပ်ထားပြီး အမြင့် ၉ ပေ၊ ကြေးပိဿာချိန် ၃၀၀ ရှိကြောင်း သိရသည်။ ယင်းကြေးရုပ်ကို တောင်ဥက္ကလာပမြို့နယ် ၁၃ ရပ်ကွက်မှ ကော်မတီဝင် ၃၀ ဦးဖြင့် ဖွဲ့စည်းထားသော ဗိုလ်ချုပ်အောင်ဆန်းကြေးရုပ် ဖြစ်မြောက်ရေးကော်မတီက အကောင် အထည်ဖော် ဆောင်ရွက်ခဲ့ခြင်းဖြစ်ပြီး၊ ဗိုလ်ချုပ်အောင်ဆန်း၏ ရိုးသားမှု၊ တိုင်းပြည်အပေါ် ပေးဆပ်ခဲ့သည့် စွမ်းဆောင်ရည်များကို လူငယ်များ အတုယူနိုင်စေရန် ရည်ရွယ်၍ တည်ဆောက်ခဲ့ခြင်းဖြစ်ကြောင်း ယခင်က ကော်မတီက ထုတ်ပြန်ခဲ့သည်။ တောင်ဥက္ကလာပမြို့နယ်ရှိ အခြားဗိုလ်ချုပ်အောင်ဆန်းကြေးရုပ်မှာ ၈၈ မျိုးဆက်ကျောင်းသားခေါင်းဆောင် ဦးကိုကိုကြီး ဦးဆောင်တည်ဆောက်ခဲ့သည့် ကြေးရုပ်ဖြစ်ပြီး သုမင်္ဂလာပန်းခြံအနီး ပဒေသာဈေးဘက်တွင် စိုက်ထူထားခြင်းဖြစ်ကြောင်း သိရသည်။ ယင်းကြေးရုပ်ကိုလည်း အဆိုပါညတွင်ပင် စစ်တပ်နှင့် စည်ပင်က ဘက်ဟိုးများဖြင့် ဖြိုချဖျက်ဆီးခဲ့ခြင်းဖြစ်သည်။ အလားတူ ဇူလိုင်လ ၁ ရက် ည ၁၁ နာရီခန့်တွင် သာကေတမြို့နယ် မြကန်သာပန်းခြံအတွင်း စိုက်ထူထားသည့် သမိုင်းဝင် ဗိုလ်ချုပ်အောင်ဆန်းကြေးရုပ်ကိုလည်း စစ်တပ်နှင့် စည်ပင်သာယာရေးအဖွဲ့က ဘက်ဟိုးများဖြင့် ဖြိုချဖျက်ဆီးခဲ့ကြောင်း ဒေသခံများထံမှ သိရသည်။ အဆိုပါကြေးရုပ်မှာ ၂၀၁၅ ခုနှစ် ဖေဖော်ဝါရီလ ၁၃ ရက်၊ ဗိုလ်ချုပ်အောင်ဆန်း၏ နှစ် ၁၀၀ ပြည့် မွေးနေ့အထိမ်းအမှတ်အဖြစ် သာကေတမြို့နယ် ပြည်သူများ စုပေါင်းလှူဒါန်းငွေဖြင့် စိုက်ထူခဲ့ခြင်းဖြစ်ပြီး၊ ရန်ကုန်မြို့အတွင်း မြို့နယ်အဆင့်တွင် ပြည်သူများကိုယ်တိုင် စုပေါင်းအလှူငွေဖြင့် တည်ဆောက်ခဲ့သည့် ပထမဆုံး ဗိုလ်ချုပ်အောင်ဆန်းကြေးရုပ်များအနက် တစ်ရုပ်ဖြစ်ကြောင်း သိရသည်။ ထို့ပြင် အဆိုပါကြေးရုပ်ကို ဗိုလ်ချုပ်အောင်ဆန်း၏ ရန်ကုန်တက္ကသိုလ် ကျောင်းသားသမဂ္ဂခေါင်း ဆောင်ဘဝက သမိုင်းဝင်ဓာတ်ပုံပုံစံကို အခြေခံ၍ သွန်းလုပ်ထားခြင်းဖြစ်ပြီး သာကေတမြို့ခံများအတွက် သမိုင်းအစဉ်အလာနှင့် အမှတ်တရတန်ဖိုး ကြီးမားသည့် အထိမ်းအမှတ်တစ်ခုအဖြစ် သတ်မှတ်ခံထားရကြောင်း သိရသည်။ "ဒါက သာကေတ ပြည်သူတွေ ကိုယ်တိုင် စုပေါင်းပြီး စိုက်ထူခဲ့တဲ့ ဗိုလ်ချုပ်ရုပ်တုပါ။ ရုပ်တုကိုသာ ဖျက်ဆီးလို့ရပါတယ်။ အမေစုနဲ့ ဗိုလ်ချုပ်အောင်ဆန်းက ကျနော်တို့ရင်ထဲက စံပြ တိုင်းပြည်ခေါင်းဆောင်တွေပါ" ဟု သာကေတမြို့ခံတစ်ဦးက ပြောဆိုသည်။ လက်ရှိတွင် တောင်ဥက္ကလာပမြို့နယ် သုမင်္ဂလာပန်းခြံနှင့် သာကေတမြို့နယ် မြကန်သာပန်းခြံတို့တွင် လုံခြုံရေးတင်းကျပ်စွာ ချထားပြီး အများပြည်သူများ ဝင်ရောက်ကြည့်ရှုခွင့်ကို ကန့်သတ်ထားကြောင်း ဒေသခံများထံမှ သိရသည်။

ဗိုလ်တထောင် * ဗိုလ်တထောင်ဈေးလမ်းနဲ့ မဟာဗန္ဓုလကြားထောင့် ခွေးဘဲဥ အထီး ၁၊ အမ ၂ အစာကောက်နေ * 11:01 AM #RSG သတင်းပေးပို့ရန် @Bo1000_Informer

ရတနာကမ်းလွန်ဓာတ်ငွေ့စီမံကိန်း အရေးပေါ်ရပ်နားရသဖြင့် ရန်ကုန်တွင် လျှပ်စစ်မီး ပိုမိုပြတ်တောက်နိုင် ဒီကနေ့ ဇူလိုင်လ၊ ၁ ရက်နေ့၊ မနက်ပိုင်းက ရတနာကမ်းလွန် သဘာဝဓာတ်ငွေ့ထုတ်လုပ်ရေး ပလက်ဖောင်းမှာ အရေးပေါ် ရပ်နားမှု (Shut Down) ပြုလုပ်ခဲ့ရတာကြောင့် ရန်ကုန်တိုင်းအတွင်းရှိ မြို့နယ်များမှာ ယာယီ လျှပ်စစ်မီးပြတ်တောက်မှုများ ပိုမိုကြုံတွေ့လာရနိုင်ကြောင်း စစ်တပ်လက်အောက်ခံ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း (YESC) က သတင်းထုတ်ပြန်လိုက်ပါတယ်။ ဒီကနေ့ မနက်၊ ၉ နာရီခွဲခန့်မှာ အဆိုပါပလက်ဖောင်းကိုဘအရေးပေါ် ပိတ်သိမ်းလိုက်ရတာ ဖြစ်ပါတယ်။ အဲ့ဒီလို ရပ်နားလိုက်ရတာကြောင့် အဆိုပါ သဘာဝဓာတ်ငွေ့ကို အသုံးပြုပြီး လည်ပတ်နေရတဲ့ အလုံမြို့နယ်ရှိ Toyo Thai GTG (1), (2) နဲ့ STG (110 MW) စက်ရုံ၊ သာကေတမြို့နယ်ရှိ U-Energy GTG, STG (106 MW) စက်ရုံနဲ့ Max Power (33 MW) ဓာတ်အားပေးစက်ရုံများပါ လည်ပတ်မှု ရပ်ဆိုင်းသွားခဲ့ရပါတယ်။ ဒီဓာတ်အားပေးစက်ရုံများ ရပ်တန့်သွားမှုကြောင့် မဟာဓာတ်အားလိုင်းထဲသကိုလျှပ်စစ်ဓာတ်အား ထုတ်လုပ်ပို့လွှတ်နိုင်မှုမှာ စုစုပေါင်း (၂၄၉) မီဂါဝပ်ခန့်အထိ ရုတ်တရက် လျော့ကျသွားခဲ့ရပါတယ်။ ဓာတ်အားလျော့ကျသွားမှုကြောင့် ရန်ကုန်မြို့ရဲ့ မြို့နယ်အချို့မှာ မီးပြတ်တောက်မှု အပြောင်းအလဲများ စတင်ဖြစ်ပေါ်နေတယ်လို့ သိရပါတယ်။ - AAMIJ #KyimyindaingScoutChannel

ဗိုလ်တထောင် * စခ Foton ၁ စီး၊ နောက်ခန်း အရပ်ဝတ် ၂ ကောင်နဲ့ ဗီဒိုတွေတင်ထား ကမ်းနားလမ်းအတိုင်း မြို့ထဲကနေလာ လင်းစတောင်းဘက် ရှေ့ရှုသွား * 8:00 PM #RSG သတင်းပေးပို့ရန် @Bo1000_Informer

⚠️ ဗိုလ်တထောင်၊ ဝန်ကြီးများရုံး * (လာမည့် အာဇာနည်နေ့အတွက် ယူဆရ) ဝန်ကြီးများရုံးပတ်ပတ်လည်မှာ ယာယီဘန်ကာများ ဇွန်လ ၃၀ ရက်နေ့ထဲက စတင် ဆောက်လုပ်နေသည်ဟု သတင်းရရှိသည်။ - မဟာဗန္ဓုလလမ်း ထောင့်၂ဖက်မှာ ၁ ခုစီ၊ ဘိုကလေးစျေးလမ်းထိပ်မျက်နှာချင်းဆိုင်မှာ ၁ ခု၊ပေါင်း ၃ ခု ချထား။ - အနော်ရထာဖက်မှာ သိမ်ဖြူကကွေ့ကွေ့ချင်း ၁ ခု၊အလယ်ပေါက်ဘေးမှာ ၁ ခု၊ KFCအကျော်မီးပွိုင့်မရောက်ခင် ၁ ခု၊ပေါင်း ၃ခုချထား။ _ဗိုလ်အောင်ကျော်လမ်းမှာ၂ခု။ - သိမ်ဖြူမှာ၂ခုချထားသည်ကို တွေ့ရ။ - YMCA ဘက်အခြမ်း ယာယီဘန်ကာ တည်ဆောက်ပုံမှာ - အမြင့်သဲအိတ် ၈ လုံးထပ်ထား - အလျားသဲအိတ်၇ လုံးစာ - အနံသဲအိတ် ၆ လုံးစာ - ၁ ခုကလုပ်လက်စတန်းလန်းဟု သတင်းရရှိ။ * 7:00 PM (Delayed) သတင်းပေးပို့ရန် @Bo1000_Informer

ရန်ကုန်မြို့လယ် ကျောက်တံတားအမှိုက်ပုံမှာ စွန့်ပစ်ခံထားရတဲ့ မွေးကင်းစကလေးငယ်ရုပ်အလောင်း တွေ့ရှိ CJ Platform ရန်ကုန်မြို့လယ်ခေါင်၊ ကျောက်တံတားမြို့နယ်၊ ၃၈ လမ်းနဲ့ မဟာဗန္ဓုလလမ်းထောင့်ရှိ အမှိုက်ပုံမှာ ပြီးခဲ့တဲ့ ဇွန်လ ၃၀ ရက်နေ့က မွေးကင်းစကလေးငယ်တစ်ဦးရဲ့ ရုပ်အလောင်း လာရောက်စွန့်ပစ်ထားတာ တွေ့ရှိခဲ့တယ်လို့ မြို့ခံတွေဆီကနေ သိရပါတယ်။ မနေ့ နံနက်ပိုင်းက အမှိုက်သွားပစ်တဲ့ လမ်းသူလမ်းလာတွေဟာ အဆိုပါ အမှိုက်ပုံအတွင်းမှာ မွေးကင်းစကလေးငယ်ရဲ့ ရုပ်အလောင်းကို စတင်တွေ့ရှိခဲ့တာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။ "လမ်းထဲက အမှိုက်သွားပစ်တဲ့သူတွေ တွေ့လို့ ရဲစခန်းတို့၊ လူမှုကယ်ဆယ်ရေးအသင်းတွေကို ဖုန်းဆက်အကြောင်းကြားလိုက်တာပါ။ လူမှုကူညီရေးအသင်းကပဲ ဆေးရုံကို ပို့ဆောင်ပေးခဲ့ပြီး၊ လက်ရှိမှာတော့ ရဲတပ်ဖွဲ့ဝင်တွေက စစ်ဆေးမှုတွေ လုပ်နေတယ်" လို့ သူက ပြောပြပါတယ်။ အခုလိုမျိုး ရန်ကုန်မြို့တွင်း လူစည်ကားရာ နေရာတွေမှာ မွေးကင်းစကလေးငယ် ရုပ်အလောင်း စွန့်ပစ်မှုဖြစ်စဉ်တွေ မကြာခဏ ဖြစ်ပွားလာနေပြီး၊ ကျူးလွန်သူတွေကို ပြတ်ပြတ်သားသား ရှာဖွေအရေးယူသင့်တယ်လို့ ရပ်မိရပ်ဖတစ်ဦးက CJ Platform ကို ထောက်ပြပြောဆိုပါတယ်။ "ကိုယ် တာဝန်မယူနိုင်ရင် ကလေးမယူနဲ့၊ ယူပြီးရင်လည်း ရအောင်မွေးမြူထိန်းသိမ်းသင့်တယ်။ အခုလိုမျိုး ကျတော့ လူ့လောကထဲ ရောက်မလာသေးတဲ့ ကလေးငယ်တစ်ယောက်ကို သတ်တာထက် သူ့ရဲ့ အနာဂတ်ကိုပါ ရက်ရက်စက်စက် သတ်ပစ်လိုက်တာပဲ" လို့ ဝေဖန်ပြောဆိုထားပါတယ်။ အလားတူ ယခုနှစ် ဇန်နဝါရီလ ၁၇ ရက်နေ့ နံနက် ၅ နာရီခွဲအချိန်ကလည်း ရွှေပြည်သာစက်မှုဇုန်၊ အမှတ် ၂ လမ်းမဘေးမှာ မွေးကင်းစကလေးငယ်တစ်ဦးကို လူနှစ်ဦးက လာရောက်စွန့်ပစ်ခဲ့တဲ့ ဖြစ်စဉ်ဖြစ်ပွားခဲ့ပြီး၊ လက်ရှိအချိန်ထိ အဆိုပါကျူးလွန်သူတွေကို ရဲတပ်ဖွဲ့က ဖမ်းဆီးရမိခြင်း မရှိသေးပါဘူး။ ပြီးခဲ့တဲ့ ၂၀၂၅ ခုနှစ် ဇွန်လ ၃၀ ရက်နေ့ကလည်း လသာမြို့နယ်၊ ၁၈ လမ်းထိပ်ရှိ အမှိုက်ပုံမှာ သွေးမခြောက်သေးတဲ့ မွေးကင်းစ မိန်းကလေးငယ်တစ်ဦးရဲ့ ရုပ်အလောင်းကို ထပ်မံတွေ့ရှိခဲ့ရပါသေးတယ်။ မြန်မာနိုင်ငံမှာ စစ်အုပ်စုက မတရားအာဏာသိမ်းပြီးနောက်ပိုင်း လမ်းမပေါ်တွေနဲ့ အမှိုက်ပုံတွေမှာ မွေးကင်းစကလေးအလောင်း လာရောက်စွန့်ပစ်သူ အရေအတွက် ပိုမိုများပြားလာနေပြီး၊ စစ်အုပ်စုလက်အောက်ခံ ရဲတပ်ဖွဲ့ဝင်တွေအနေနဲ့ တစ်စုံတစ်ရာ ထိရောက်စွာ ရှာဖွေဖော်ထုတ် အရေးယူနိုင်ခြင်း မရှိသေးကြောင်း ဒေသခံတွေဆီကနေ စုံစမ်းသိရှိရပါတယ်။ ဓာတ်ပုံ - လူမှုကွန်ရက် #CJPlatform #ရန်ကုန်တိုင်း #ကျောက်တံတားမြို့နယ် #မွေးကင်းစကလေးစွန့်ပစ်မှု #ရုပ်အလောင်းတွေ့ရှိခြင်း

⚠️ ဗိုလ်တထောင်၊ ဝန်ကြီးများရုံး * - ဗိုလ်အောင်ကျော်လမ်းဘက်က ဝန်ကြီးများရုံးဝင်ပေါက်အတွင်းဘက် ရခ ၃ ကောင် မတ်တပ်ရပ်နေ - ဗိုလ်အောင်ကျော်လမ်းဘက်အခြမ်း သဲအိတ်ဘန်ကာ ‌၂ ၊ ဗန္ဓုလဘ‌လောက်ဘက်အခြမ်း သဲအိတ်ဘန်ကာ ၃ ခု စပြီးရှိနေ * 4:30 PM #RSG သတင်းပေးပို့ရန် @Bo1000_Informer

ဗိုလ်တထောင် * ကမ်းနားလမ်းပေါ် သိမ်ဖြူပွိုင့်အကျော် ရှိနေကျနေရာမှာ Honda aircraft အမဲ ၁ စီးနဲ့ ခွေးဘဲဥ ၂ ကောင်ရှိ * 3:09 PM #RSG သတင်းပေးပို့ရန် @Bo1000_Informer

ဗိုလ်တထောင် * စခ Foton ၁ စီး၊ နောက်ခန်း ဆီပေပါတွေပါ ကမ်းနားလမ်းကနေ စန္ဒကူးလမ်းထဲဝင်ပြီး ဗန္ဓုလတံတားပေါ်တက်သွား * 10:15 AM #RSG သတင်းပေးပို့ရန် @Bo1000_Informer

ပန်းပဲတန်း ဗိုလ်ချုပ်လမ်းပေါ် ဗိုလ်ချုပ်ဈေးရှေ့ စခ SC ၁ စီး အသင့်အနေအထားဖြင့်ရပ်ထား – RSG 8:37 AM 📬 @Inform_RSN

ကျောက်တံတား ရခ မီးတန်း ၁ စီး စခ DC ၁ စီး ဗိုလ်အောင်ကျော်လမ်းကနေ ဆူးလေဘက် ခေါင်းမီးလောင်ပြီး ဖြည်းဖြည်းချင်း ကင်းပတ် – RSG 7:14 PM 📬 @Inform_RSN

ဗိုလ်တထောင်၊ ဝန်ကြီးများရုံး * ဝန်ကြီးများရုံးဘေး သဲအိတ်ဘန်ကာတွေ ပြန်လုပ်ဖို့ ပြင်ဆင်နေတယ်ဟု သိရ။ * 5:55 PM #RSG သတင်းပေးပို့ရန် @Bo1000_Informer

ဘင်္ဂလားပင်လယ်အော်မြောက်ပိုင်းတွင် ဖြစ်ပေါ်လာမည့် မုတ်သုံလေဝဲစနစ်နှင့် မြန်မာနိုင်ငံအပေါ်သက်ရောက်နိုင်သည့် မိုးလေဝသအခြေအနေ (ဇွန်လ ၃၀ ရက် ညနေ ၅ နာရီ update) ===== 🔶 ဘင်္ဂလားပင်လယ်အော်မြောက်ပိုင်းရှိ မုတ်သုံလေဝဲစနစ်ကြီး ပိုမိုအားကောင်းလာပြီး အိန္ဒိယအရှေ့မြောက်ပိုင်းနှင့် ဘင်္ဂလားဒေ့ရှ်နိုင်ငံဘက်သို့ ဦးတည်ရွေ့လျားနေဆဲ အခြေအနေတွင် ဤစနစ်၏ ပြင်းထန်သောဆွဲအားကြောင့် မြန်မာနိုင်ငံအနောက်ဘက် (ရခိုင်ကမ်းရိုးတန်း)၊ မြောက်ပိုင်းဒေသများနှင့် တောင်ပိုင်းမုတ်သုံမျက်နှာစာများတွင် ရက်ဆက်မိုးသည်းထန်စွာ လွန်ကဲစွာရွာသွန်းနိုင်မည့် ခရမ်းရင့်ရောင်မှ မည်းနက်ရောင်သန်းသောဇုန် (Deep Purple to Velvet Black - ၅၀၀ mm အထက်) သည် အန္တရာယ်ရှိသော အခြေအနေအဖြစ် ဆက်လက်တည်ငြိမ်ဖြစ်ထွန်းနေပါသည်။ 🔶 တစ်ဖက်တွင်လည်း ကုန်းတွင်းပိုင်း အလယ်ပိုင်းလွင်ပြင်များတွင် မိုးကွယ်ခြင်းသက်ရောက်မှု (Rain Shadow Effect) ကြောင့် မိုးရေချိန် သိသာစွာ နည်းပါးနေဦးမည် ဖြစ်သည်။ ၁။ တိုင်းဒေသကြီးနှင့် ပြည်နယ်များအလိုက် မိုးရေချိန် ခန့်မှန်းချက်ဇယား (mm) ဇယားပုံတွင်ကြည့်ပါ (နောက်လာမည့် ၁၆၈ နာရီအထိ ရရှိနိုင်မည့် စုစုပေါင်းမိုးရေချိန် ပမာဏ အနည်းမှ အများအလိုက် ဇယားတွင် Sorting ပြုလုပ်ထားပါသည်။) ၂။ မိုးရေချိန် အနည်း / အများ သုံးသပ်ချက် 🔶 မိုးလွန်ကဲမည့် အန္တရာယ်ဇုန် (၁၆၈ နာရီအတွင်း ၅၀၀ - ၆၀၀+ mm အထက်) - ရခိုင်ပြည်နယ်မြောက်ပိုင်း (စစ်တွေ၊ မောင်တော၊ ဘူးသီးတောင်တကြော) နှင့် ဘင်္ဂလားဒေ့ရှ်နိုင်ငံ ကမ်းရိုးတန်းတို့တွင် မည်းနက်ခရမ်းရောင် (Dark Velvet Black/Maroon Zone) ကွက်ကြီးသည် အရွေ့အပြောင်းမရှိဘဲ ခိုင်မာစွာ ဖြစ်ထွန်းနေသည်။ ၎င်းသည် ဘင်္ဂလားပင်လယ်အော်မြောက်ပိုင်းရှိ အားကောင်းသော လေဝဲစနစ်ကြောင့် ရခိုင်ရိုးမတောင်တန်း မျက်နှာစာနှင့်တိုက်ရိုက်ပွတ်တိုက်ကာ ရက်ဆက်မိုးသည်းထန်စွာ လွန်ကဲစွာ ရွာသွန်းမည့်လက္ခဏာဖြစ်သဖြင့် သဘာဝဘေးအန္တရာယ် ဆိုးရွားစွာ ကြုံတွေ့ရနိုင်ပါသည်။ 🔶 မိုးအလွန်ကြီးမည့် ကုန်းမြင့်နှင့် ကမ်းရိုးတန်းဇုန် (၁၆၈ နာရီအတွင်း ၂၅၀ - ၄၂၀ mm) - ကချင်ပြည်နယ် (မြောက်ပိုင်း ပူတာအိုတကြော)၊ တနင်္သာရီတိုင်းဒေသကြီး နှင့် စစ်ကိုင်းတိုင်းဒေသကြီး (အထက်ပိုင်း) တို့တွင် လာမည့်၇၂ နာရီမှစတင်၍ ကချင်မြောက်ပိုင်းနှင့် စစ်ကိုင်းအထက်ပိုင်းတို့တွင် ပန်းရောင်မှ ခရမ်းရောင်သို့ အရောင်ပြောင်းလဲမှု သိသာထင်ရှားလာပြီး တောင်တန်းဒေသ မြစ်ဝှမ်းအထက်ပိုင်းများတွင် မိုးရေချိန်ရရှိနိုင်ခြေများ လျင်မြန်စွာမြင့်တက်လာနေပါသည်။ 🔶 မိုးကွယ်ဇုန် ကုန်းတွင်းပိုင်းလွင်ပြင် (၁၆၈ နာရီအတွင်း < ၅၀ mm အောက်) - ကယား၊ မကွေးနှင့် မန္တလေးတိုင်းဒေသကြီးတို့အတွက် ခန့်မှန်းချက်မြေပုံတွင် ပြာနုရောင် (Light Blue) မျှသာ ပြသနေပြီး၊ ပင်လယ်ပြင်ရှိ လေဖိအားနည်းစနစ်က ရေငွေ့များကို အနောက်ဘက်သို့ အလုံးအရင်း ဆွဲယူထားသဖြင့် ကုန်းတွင်းပိုင်းလွင်ပြင်များတွင် မိုးရွာသွန်းမှု နည်းပါးပြီး မိုးကွယ်အရပ်ဒေသအဖြစ်သက်ရောက်မှု (Rain Shadow Effect) အားကောင်းနေဦးမည် ဖြစ်ပါသည်။ ၃။ မြန်မာနိုင်ငံအပေါ် သက်ရောက်နိုင်သည့် မိုးလေဝသခန့်မှန်းချက် (Meteorological Analysis) 🔶 ဘင်္ဂလားပင်လယ်အော်မြောက်ပိုင်း အစွန်းရောက်လေဝဲ (Cyclonic Circulation / Depression) - မြေပုံခန့်မှန်းချက်ပြောင်းလဲမှုများအရ လေဖိအားနည်းစနစ်ကြီးသည် ဘင်္ဂလားပင်လယ်အော်မြောက်ပိုင်းတွင် ဆက်လက်ဗဟိုပြုကာ ရွေ့လျားမှုနှေးကွေးနေသည်။ ၎င်းစနစ်သည် ဗဟိုချက်တွင် လေဖိအားအလွန်ကျဆင်းပြီး အရှိန်အဟုန်ပြင်းစွာ လည်ပတ်နေသဖြင့် အနောက်ဘက်ကမ်းရိုးတန်းတကြောကို မိုးသက်လေပြင်းများနှင့်အတူ ရိုက်ခတ်နိုင်ခြေ ဆက်လက်မြင့်မားနေဆဲ ဖြစ်ပါသည်။ 🔶 အနောက်တောင်မုတ်သုံလေ အရှိန်ပြင်းလာခြင်း (Monsoon Surge) - အဆိုပါ မြောက်ပိုင်းလေဝဲစနစ်၏ အားကောင်းသော ဆွဲအားကြောင့် ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့မှ အနောက်တောင်မုတ်သုံလေစီးကြောင်းသည် မြန်မာနိုင်ငံ တောင်ပိုင်း (တနင်္သာရီ၊ မွန်၊ ကရင်) ထဲသို့ အရှိန်အဟုန်ပြင်းစွာ တိုးဝင်လျက်ရှိပြီး ကမ်းရိုးတန်းမျက်နှာစာများတွင် မိုးတိမ်တိုက်များကို ဆက်တိုက် ဖြစ်ထွန်းစေကာ မိုးရေချိန် မြင့်တက်စေပါသည်။ 🔶 မြောက်ပိုင်းကုန်းတွင်းပိုင်း လေဆုံရပ်မျက်နှာစာ (Monsoon Trough) - စစ်ကိုင်းအထက်ပိုင်းနှင့် ကချင်ပြည်နယ် တောင်တန်းဒေသများတွင် မုတ်သုံလေငွေ့များနှင့် အနောက်ဘက်မှ ရွေ့လျားလာသော လေလှိုင်းများ ဆုံစည်းရာ လေဆုံရပ် (Monsoon Trough) တည်ငြိမ်နေသဖြင့် မြန်မာနိုင်ငံမြောက်ပိုင်းဒေသများတွင် ရက်ဆက်တိုက်မိုးကြီးမည့် အခြေအနေကို ပံ့ပိုးပေးနေပါသည်။ ၄။ အရေးပေါ် ကြိုတင်သတိပေးချက်နှင့် အကြံပြုချက် (Early Warning) မြေပြိုခြင်းနှင့် လျှပ်တစ်ပြက်ရေကြီးခြင်း အထူးသတိပေးချက် (Landslide & Flash Flood Red Alert): ⚠️ ရခိုင်ပြည်နယ်မြောက်ပိုင်း (စစ်တွေ၊ မောင်တော၊ ဘူးသီးတောင်၊ ကျောက်တော်၊ မြောက်ဦး): ၁၆၈ နာရီအတွင်း စုစုပေါင်းမိုးရေချိန် ၅၀၀ - ၆၀၀ mm အထက်သည် ကုန်းတွင်းပိုင်း အနိမ့်ပိုင်းများတွင် ရုတ်တရက် ရေကြီးရေလျှံမှုနှင့် ရခိုင်ရိုးမတောင်ခြေ လမ်းပိုင်းများတွင် မြေပြိုမှု (Landslides) များကို မုချဖြစ်ပေါ်စေနိုင်သဖြင့် ဒေသခံလူထုအနေဖြင့် ကြိုတင်ပြင်ဆင်မှုများ ပြုလုပ်ထားရန် လိုအပ်ပါသည်။ ⚠️ ကချင်ပြည်နယ် (ပူတာအို၊ မချမ်းဘော)၊ စစ်ကိုင်းအထက်ပိုင်း (ခန္တီး၊ ဟုမ္မလင်း): ရက်ဆက်မိုးသည်းထန်မှုကြောင့် ဧရာဝတီမြစ်ဖျားခံရာ မြစ်ငယ်၊ ချောင်းငယ်များနှင့် ချင်းတွင်းမြစ်အထက်ပိုင်းတို့တွင် ရေမျက်နှာပြင် ရုတ်တရက် မြင့်တက်လာနိုင်ကာ လျှပ်တစ်ပြက် ရေကြီးနိုင်ပါသည်။ ⚠️ ပင်လယ်ပြင် မုန်တိုင်းသတိပေးချက် (Marine Safety Warning): ၇၂ နာရီမှ ၁၆၈ နာရီအတွင်း ဘင်္ဂလားပင်လယ်အော်မြောက်ပိုင်းနှင့် ရခိုင်ကမ်းရိုးတန်းတစ်လျှောက် လေဖိအားနည်းစနစ်အရှိန်ကြောင့် မိုးသက်လေပြင်းများ ပြင်းထန်စွာကျရောက်ပြီး လှိုင်းလေအလွန်ထန်မည်ဖြစ်၍ ကမ်းနီးကမ်းဝေး ငါးဖမ်းရေယာဉ်များနှင့် ရေကြောင်းသွားလာမှုများကို အထူးသတိပြု ရှောင်ရှားရန် တိုက်တွန်းအပ်ပါသည်။ 🌾စိုက်ပျိုးရေးမိုးလေဝသ အကြံပြုချက် (Agricultural Advisory): မြန်မာနိုင်ငံအလယ်ပိုင်း မိုးနည်းဒေသများ (မကွေး၊ မန္တလေး၊ ကယား) တွင် ရက်ဦးပိုင်း၌ မြေဆီလွှာအစိုဓာတ် အငွေ့ပျံနှုန်း မြင့်မားနိုင်မှုကို သတိပြုစီမံရမည်ဖြစ်ပြီး ရခိုင်၊ စစ်ကိုင်းအထက်ပိုင်းနှင့် မြောက်ပိုင်းဒေသများတွင်မူ မိုးလွန်ကဲမှုကြောင့် စိုက်ခင်းများ ရေမဝပ်စေရန် ရေနုတ်မြောင်းအစီအမံများ ကြိုတင်ပြင်ဆင်ထားသင့်ပါသည်။

ဗိုလ်တထောင်၊ ကားဖမ်း * သိမ်ဖြူကုန်းအဆင်း ဗိုလ်ချုပ်လမ်း ပေါ်ကွေ့ကွေ့ချင်း အိမ်သာနား ညာဘက် မှာ ဘဲဥအမ ၂ ကောင် စောင့်ဖမ်းနေ * 12:44 PM သတင်းပေးပို့ရန် @Bo1000_Informer

ရန်ကုန်အပါအဝင် တိုင်းနဲ့ ပြည်နယ် တစ်ဝက်တွင် မိုးကြီးနိုင်၍ ရေဘေးသတိပြုရန်လို 30 Jun 2026 By MPA မြန်မာတွင် ၁၄ ခုရှိသည့် တိုင်းနှင့် ပြည်နယ်အတွင်းမှ ရန်ကုန်အပါအဝင် တိုင်းနှင့် ပြည်နယ် ၇ ခုတွင် လာမည့် ဇူလိုင်လဆန်းပိုင်း၌ မိုးကြီးနိုင်သဖြင့် ရေဘေးသတိပြုကြရန် မိုးလေဝသဌာနများက သတိပေးထားသည်။ မိုးကြီးရေလျှံမှုများနှင့် မြေပြိုမှုဘေးအန္တရာယ်များ ဖြစ်ပေါ်လာနိုင်သဖြင့် အထူးကြိုတင်သတိပြုကြရန် စစ်အုပ်စု၏ မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ ဇွန်လ ၃၀ ရက်တွင် သတိပေးချက် ထုတ်ပြန်သည်။ သတင်းအပြည့်အစုံဖတ်ရန် - https://mpanews.info/headline/10626/

ဇွန်လ ၂၉ ရက်နေ့တွင် ရရှိထားသော Windy App ၏ အမြင့်ပေ ၅,၀၀၀ (850 hPa) လေစီးကြောင်း ခန့်မှန်းချက် updated ပုံများအရ ဇူလိုင်လဆန်းပိုင်းတွင် ဖြစ်ပေါ်မည့် စနစ်သည် အချိန်ကာလအလိုက် သိသာထင်ရှားသော အဆင့်ဆင့်ပြောင်းလဲမှုများ ရှိနေသည်ကို တွေ့ရပါသည်။ လေစီးကြောင်းပုံများကို ကိုးကား၍ အချိန်ကာလအလိုက် စနစ်၏ ဖြစ်ပေါ်နိုင်မှု၊ Model Confidence နှင့် မြန်မာနိုင်ငံအပေါ် သက်ရောက်မှုများကို အောက်ပါအတိုင်း အသေးစိတ်သုံးသပ်ခန့်မှန်းထားပါသည် - ၁။ အချိန်ကာလအလိုက် မော်ဒယ် ၃ ခု၏ ခန့်မှန်းချက်များ ဇူလိုင် ၃ - ၄ ရက် အခြေအနေ 🔶 ECMWF ခန့်မှန်းချက် - ဘင်္ဂလားပင်လယ်အော် မြောက်ပိုင်း (ဘင်္ဂလားဒေ့ရှ်နှင့် အိန္ဒိယအစပ်) တွင် ဗဟိုလေဖိအား 991 hPa ရှိသော အားကောင်းသည့် လေဝဲစနစ်တစ်ခုကို ပြသနေသည်။ အနောက်တောင်မုတ်သုံလေကို မြန်မာ့ကမ်းရိုးတန်းဆီသို့ ပြင်းထန်စွာ ဆွဲသွင်းနေပါသည်။ 🔶 GFS ခန့်မှန်းချက် - ပိုမိုအားကောင်းသော စနစ်အဖြစ် ပြသနေပြီး 990 hPa ဝန်းကျင်) ဗဟိုချက်သည် အိန္ဒိယနိုင်ငံ ဩဒိဿ (Odisha) ကမ်းခြေနှင့် ပိုမိုနီးကပ်သည်။ မြန်မာနိုင်ငံဘက်တွင် 850 hPa လေစီးကြောင်းမှာ အလွန်ပြင်းထန်နေသည်။ 🔶 ICON ခန့်မှန်းချက် - ဘင်္ဂလားပင်လယ်အော် မြောက်ပိုင်းတွင် လေဝဲစနစ်တစ်ခု စတင်အခြေပြုနေသော်လည်း ဗဟိုချက်မှာ အခြားမော်ဒယ်များလောက် ထင်ရှားခြင်းမရှိဘဲ ပျံ့နှံ့နေသည်။ ဇူလိုင် ၅ - ၆ ရက် အခြေအနေ 🔶 ECMWF ခန့်မှန်းချက် - မုန်တိုင်းစနစ်သည် အိန္ဒိယ/ဘင်္ဂလားဒေ့ရှ် ကုန်းတွင်းပိုင်းသို့ ဆက်လက်ရွေ့လျားသွားပြီး အရှိန်အနည်းငယ်လျော့ကာ 994 hPa အဆင့်ဖြစ်သွားသည်။ မုန်တိုင်း၏ လေစီးကြောင်းသည် မြန်မာနိုင်ငံအထက်ပိုင်းအထိ ဝိုက်၍ စီးဝင်နေဆဲဖြစ်သည်။ 🔶 GFS ခန့်မှန်းချက် - မုန်တိုင်းစနစ်သည် အိန္ဒိယနိုင်ငံ ကုန်းတွင်းပိုင်းသို့ အနောက်မြောက်ဘက်အတိုင်း ဆက်လက်ဝင်ရောက်သွားသည်။ တစ်ချိန်တည်းမှာပင် ဘင်္ဂလားပင်လယ်အော်အရှေ့မြောက်ပိုင်း (မြန်မာ့ကမ်းရိုးတန်းအနီး) တွင် မုတ်သုံလေစီးကြောင်း ကြမ်းတမ်းမှုကြောင့် နောက်ထပ် လေဖိအားနည်းဆဲလ်ငယ်တစ်ခု ထပ်မံဖြစ်ပေါ်လာနိုင်သည့် အရိပ်အယောင် ပြသနေသည်။ 🔶 ICON ခန့်မှန်းချက် - အိန္ဒိယနိုင်ငံအလယ်ပိုင်း (အင်ဒေါမြို့အနီး) တွင် အလွန်အားကောင်းသော ကုန်းတွင်းမုန်တိုင်းကြီးအဆင့် 989 hPa ဖြစ်သွားပြီး၊ ဘင်္ဂလားပင်လယ်အော်အတွင်း၌မူ မုတ်သုံလေစီးကြောင်းအားကောင်းလျှက်ကျန်ရှိနေသည်။ ဇူလိုင် ၆ ရက် မွန်းလွဲ/ညပိုင်း အခြေအနေ 🔶 ECMWF ခန့်မှန်းချက် - မုန်တိုင်းစနစ်သည် ကုန်းတွင်းပိုင်းတွင် ဆက်လက်အားလျော့သွားသော်လည်း၊ ဘင်္ဂလားပင်လယ်အော်အတွင်း မုတ်သုံလေစီးကြောင်း (Monsoon Trough) မှာ မြန်မာနိုင်ငံ ရခိုင်ကမ်းရိုးတန်းကို ဖြတ်ကျော်လျက် တည်ရှိနေဆဲဖြစ်သည်။ 🔶 GFS ခန့်မှန်းချက် - အိန္ဒိယဘက်ရှိ စနစ်ဟောင်း အားလျော့သွားချိန်တွင် ဘင်္ဂလားပင်လယ်အော်မြောက်ပိုင်း၌ လေဖိအားနည်းရပ်ဝန်းအသစ်တစ်ခု ထပ်မံအစပျိုးလာသည့် ပုံစံမျိုး တွေ့ရသည်။ 🔶 ICON ခန့်မှန်းချက် - ကုန်းတွင်းပိုင်းစနစ်သည် ဆက်လက်အားကောင်းနေပြီး ဘင်္ဂလားပင်လယ်အော်တစ်ခုလုံးတွင် အနောက်တောင်မုတ်သုံလေ အားကောင်းပြီး လေစီးကြောင်း ဖြောင့်တန်းစွာ တိုက်ခတ်နေသည်။ ၂။ Model Prediction Confidence (ခန့်မှန်းချက်အပေါ် ယုံကြည်စိတ်ချရမှု) 🔶 ဖြစ်ပေါ်နိုင်မှုအပေါ် Confidence အဆင့် - မြင့် (High Confidence) - မော်ဒယ် ၃ ခုစလုံးသည် အမြင့်ပေ ၅,၀၀၀ လေစီးကြောင်းအရ ဇူလိုင် ၃ ရက်မှ ၆ ရက်အတွင်း ဘင်္ဂလားပင်လယ်အော်၌ လေထုမငြိမ်မသက်မှု ပြင်းထန်မည်ဖြစ်ကြောင်း တညီတညွတ်တည်း ပြသနေသည်။ 🔶 လမ်းကြောင်းအပေါ် Confidence အဆင့် - မြင့် (High Confidence) - ယခင်ရက်များကကဲ့သို့ မြန်မာနိုင်ငံဘက်သို့ ဦးတည်မည့်အခြေအနေမျိုး မတွေ့ရတော့ဘဲ၊ စနစ်သည် အနောက်မြောက်ဘက် (အိန္ဒိယနိုင်ငံ ကုန်းတွင်းပိုင်း) သို့သာ ရွေ့လျားမည် ကို မော်ဒယ်အားလုံးက အတည်ပြုပြသနေကြပြီ ဖြစ်ပါသည်။ ၃။ မြန်မာနိုင်ငံအပေါ် သက်ရောက်နိုင်မည့် အခြေအနေ - မုန်တိုင်းဗဟိုချက်သည် အိန္ဒိယဘက်သို့ ဝင်ရောက်သွားမည်ဖြစ်သော်လည်း၊ အမြင့်ပေ ၅,၀၀၀ ရှိ မုတ်သုံလေစီးကြောင်း (850 hPa Monsoon Westerlies) သည် မြန်မာနိုင်ငံ ရခိုင်ကမ်းရိုးတန်းနှင့် မြစ်ဝကျွန်းပေါ်ဒေသများပေါ်သို့ တိုက်ရိုက် အရှိန်အဟုန်ပြင်းစွာ ဖြတ်သန်းတိုက်ခတ်နေသည် ကို ရက်အလိုက် တွေ့ရပါသည်။ ထို့ကြောင့် - ⚠️ မိုးသည်းထန်စွာရွာသွန်းခြင်း (ဇူလိုင် ၃ - ၆ ရက်) - ရခိုင်ပြည်နယ်၊ ချင်းပြည်နယ်နှင့် ဧရာဝတီမြစ်ဝကျွန်းပေါ်တွင် မုတ်သုံလေစီးကြောင်းမှဆွဲသွင်းလိုက်သော အစိုဓာတ်ပမာဏ အလွန်မြင့်မားသဖြင့် ဇူလိုင် ၃ ရက်မှ ၆ ရက်အတွင်း အဆက်မပြတ် မိုးကြီးခြင်း၊ မိုးရေချိန်လက်မ စံချိန်တင်မြင့်တက်ခြင်းများ ဖြစ်ပေါ်နိုင်ပါသည်။ ⚠️ စစ်ကိုင်းတိုင်း၊ မကွေးတိုင်းနှင့် မန္တလေးတိုင်း - မုန်တိုင်းကုန်းတွင်းပိုင်းဝင်ပြီးသွားချိန် (ဇူလိုင် ၅-၆) တွင် မုတ်သုံလေသည် မြန်မာနိုင်ငံအထက်ပိုင်းအထိ ဝိုက်၍ စီးဝင်မည်ဖြစ်ရာ မြန်မာနိုင်ငံအလယ်ပိုင်းနှင့် အထက်ပိုင်းတို့တွင်လည်း မိုးရွာသွန်းမှု ပိုမိုအားကောင်းလာပါမည်။ ⚠️ လေပြင်းတိုက်ခတ်ခြင်း - ကမ်းရိုးတန်းဒေသများတွင် 850 hPa အဆင့်၌ လေတိုက်နှုန်း ပြင်းထန်နေသဖြင့် မြေပြင်တွင်လည်း မိုးသက်လေပြင်းကျရောက်ပါက တစ်နာရီလျှင် မိုင် ၄၀ မှ ၄၅ မိုင်အထိ ရုတ်တရက် တိုက်ခတ်နိုင်ပါသည်။ ⚠️ ဘေးအန္တရာယ်သတိပေးချက် - ရက်ဆက်မိုးကြီးနိုင်သဖြင့် ရခိုင်ရိုးမနှင့် ချင်းတောင်တန်းအနီးရှိ မြို့နယ်များတွင် မြေပြိုမှု (Landslide) အန္တရာယ်နှင့် ကမ်းရိုးတန်းအနီးတွင် လျှပ်တပြက်ရေကြီးမှု (Flash Flood) များအတွက် ကြိုတင်ပြင်ဆင်မှုများ ပြုလုပ်ထားသင့်ပါသည်။ ၄။ နိဂုံးချုပ်သုံးသပ်ချက် - ⚠️ ဘင်္ဂလားပင်လယ်အော်မြောက်ပိုင်းတွင် ဖြစ်ပေါ်နိုင်သည့် လေဖိအားနည်းရပ်ဝန်း/မုန်တိုင်း (storm system) သည် မြန်မာ့ကမ်းရိုးတန်းဒေသများသို့ တိုက်ရိုက်ဝင်ရောက်မည့် မုန်တိုင်းမဟုတ်ပဲ "ရက်ရှည်မိုးသည်းထန်စွာရွာသွန်းပြီး ရေကြီးရေလျှံမှုဖြစ်စေနိုင်မည့် အားကောင်းသောမုတ်သုံမိုးအန္တရာယ် (Monsoon Hazard)" အဖြစ်သက်ရောက်နိုင်မည်ဖြစ်ကြောင်း သုံးသပ်ရပါသည်။