Sog‘liqni saqlash vazirligi
Sog‘liqni saqlash vazirligi rasmiy telegram kanali — t.me/ssvuz Vazirlikning Matbuot xizmati tomonidan yuritiladi. Rasmiy sayt: ssv.uz Elektron pochta: info@ssv.uz Sahifalarimiz: facebook.com/ssvuz Manzil: Toshkent sh. Navoiy ko‘chasi, 4. Tel: 1003
Show more📈 Analytical overview of Telegram channel Sog‘liqni saqlash vazirligi
Channel Sog‘liqni saqlash vazirligi (@ssvuz) in the Uzbek language segment is an active participant. Currently, the community unites 115 180 subscribers, ranking 95 in the Healthy Lifestyle category and 447 in the Uzbekistan region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 115 180 subscribers.
According to the latest data from 18 November, 2026, the channel demonstrates stable activity. Although there has been a change in the number of participants by -10 798 over the last 30 days and by -879 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 11.80%. Within the first 24 hours after publication, content typically collects 7.70% reactions from the total number of subscribers.
- Post reach: On average, each post receives 13 589 views. Within the first day, a publication typically gains 8 866 views.
- Reactions and interaction: The audience actively supports content: the average number of reactions per post is 23.
📝 Description and content policy
The author describes the resource as a platform for expressing subjective opinions:
“Sog‘liqni saqlash vazirligi rasmiy telegram kanali — t.me/ssvuz
Vazirlikning Matbuot xizmati tomonidan yuritiladi.
Rasmiy sayt: ssv.uz
Elektron pochta: info@ssv.uz
Sahifalarimiz:
facebook.com/ssvuz
Manzil: Toshkent sh. Navoiy ko‘chasi, 4.
Tel: 10...”
Thanks to the high frequency of updates (latest data received on 18 November, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Healthy Lifestyle category.
Sog‘liqni saqlash sohasida korrupsiyaviy holatlarga qarshi murosasiz kurash olib borilmoqda va bu o‘z amaliy natijalarini beryapti.Xususan: – ilk bor 14 ta hududiy boshqarma va 63 ta tizim tashkilotida komplayens-nazorat bo‘yicha bosh mutaxassis lavozimi joriy etilib, to‘g‘ridan-to‘g‘ri vazirga hisobdorligi belgilandi; – o‘tkazilgan o‘rganishlarda 26 mlrd so‘mlik mablag‘lar maqsadsiz sarflanishining hamda moliyaviy audit yo‘nalishida 560 mlrd so‘mlik qonunbuzilish holatlarining oldi olindi; – ilk marotaba sog‘liqni saqlash muassasalarining yer uchastkalari va ko‘chmas mulk obyektlaridan maqsadli foydalanish holati o‘rganilib, yakunda vazirlik balansidagi yer uchastkalari va ko‘chmas mulk obyektlarini raqamlashtirish jarayoni boshlandi; – manfaatlar to‘qnashuviga doir 1 783 ta nepotizm holati bartaraf etilib, 433 nafar xodimning mehnat shartnomasi bekor qilindi va 1 332 nafari rotatsiya qilindi; – 5 ta hududda sayyor qabul o‘tkazilib, 400 dan ortiq murojaatning 260 tasi joyida hal qilindi, 1 800 nafardan ortiq fuqaro bepul tibbiy ko‘rikdan o‘tkazildi; – vazirlikning 14 ta hududiy boshqarmasi, 29 ta sog‘liqni saqlash tashkilotining birlamchi bo‘g‘inida birinchi marta “sirli mijoz” tadbirlari o‘tkazildi; – viloyat, tuman tajribasida “ korrupsiyaviy xavf-xatarlarni barvaqt aniqlash ” amaliyoti yoʻlga qoʻyilib, tizim tashkilotlarining “Korrupsiyaga qarshi kurashish bo‘yicha samaradorlik pasporti” yaratildi; – vazirlik tizimiga ishga qabul qilinayotgan nomzodlarni qonunchilik cheklovlari bo‘yicha o‘rganish va xulosa berish amaliyoti yo‘lga qo‘yildi; – qog‘oz shaklida yuritiladigan 99 ta tibbiy jurnal va blank raqamlashtirildi. 28 ta tajriba-sinov tuman (shahar)dagi 681 ta poliklinikada KPI moduli to‘liq joriy qilindi; Yurtdoshlarimizga eslatma: agar tibbiyot muassasalarida korrupsiya bilan bog‘liq holatlarga duch kelsangiz, vazirlik qoshidagi “1203” qisqa raqamli Call-markaz orqali murojaat qilishingiz mumkin. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram 🌐 Linkedin
Jahon sog‘liqni saqlash tashkiloti o‘smirlarning jismoniy faolligiga oid yangi hisobotini e’lon qildi. Tahlil 140 mamlakatdagi 3,2 milliondan ortiq respondent qatnashgan 389 ta so‘rov natijalariga asoslangan.Hisob-kitoblarga ko‘ra, dunyoda 11–17 yoshdagi qariyb 240 million o‘smir, ya’ni ularning har to‘rt nafaridan biri so‘rovda baholangan haftaning hech bir kunida yetarlicha jismoniy faol bo‘lmagan. Bu ularning umuman harakat qilmaganini anglatmaydi. Gap kun davomida faol harakatga sarflangan jami vaqt xususida bormoqda. Haftaning barcha yetti kunida kamida 60 daqiqadan faol bo‘lgan o‘smirlar ulushi esa 14 foizni tashkil etgan. Nega bu biz uchun muhim? Muntazam jismoniy faollik bolalarning suyak va mushaklari rivojlanishini, yurak-qon tomir salomatligini qo‘llab-quvvatlaydi. Shuningdek, fikrlash va o‘rganish qobiliyatiga, ruhiy salomatlikka ijobiy ta’sir ko‘rsatadi.
Xo‘sh, bola kun davomida qancha va qanday harakat qilishi kerak? JSST bu borada quyidagilarni tavsiya etadi.5–17 yoshdagi bolalar va o‘smirlar kuniga kamida bir soat o‘rtacha yoki yuqori darajada jismoniy faol bo‘lishi lozim. Faollikning asosiy qismini yurak urishi va nafas olishni tezlashtiradigan aerob harakatlar tashkil etishi kerak. Haftasiga kamida uch kun mushak va suyaklarni mustahkamlovchi mashqlar bilan shug‘ullanish muhim. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Kecha Sog‘liqni saqlash vaziri Eldor Adilov yurtimizda gripp va o‘tkir respirator virusli infeksiyalarning oldini olish va ularga qarshi samarali kurashish yuzasidan tanqidiy-tahliliy yig‘ilish o‘tkazdi.Unda vazirlik hamda Sanitariya-epidemiologik osoyishtalik va jamoat salomatligi qo‘mitasi mas’ullari, Qoraqalpog‘iston Respublikasi Sog‘liqni saqlash vazirligi, barcha hududiy boshqarmalar, davolash muassasalari va tez tibbiy yordam xizmati rahbarlari ishtirok etdi. Dastlab yurtimizdagi epidemiologik vaziyat, tibbiyot muassasalarida yaratilgan sharoitlar, mavjud o‘rin-joylar hamda aholiga ko‘rsatilayotgan tez tibbiy yordam xizmati xususida batafsil ma’lumot berildi. Qayd etilganidek, joriy yilning 10 oyida mamlakatimizda o‘tkir respirator infeksiyalar bilan kasallanish holatlari o‘tgan yilning shu davriga nisbatan 15 foizga kamaygan. Biroq ayrim hududlarda, xususan, Qoraqalpog‘iston Respublikasi, Andijon, Sirdaryo, Farg‘ona, Jizzax, Qashqadaryo, Xorazm va Navoiy viloyatlarida oktabr–noyabr oylarida kasallanish ko‘rsatkichlarining o‘sishi kuzatilgan. Bugungi kunda respublikada jami 10 ming 573 ta bolalar o‘rni mavjud bo‘lib, ayni paytda ularning bandlik darajasi odatdagidan biroz yuqoriroq. Bu holat mavsumiy kasallanishga tayyorgarlikni yanada kuchaytirish, bemorlar oqimini to‘g‘ri yo‘naltirish va mavjud tibbiy resurslardan oqilona foydalanish zarurligini taqozo etadi. Vazir o‘z so‘zida bu yo‘nalishda amalga oshirilayotgan ishlar yetarli emasligini ta’kidlab, shifoxonalarga tushayotgan yuklamalarni kamaytirish, buning uchun, eng avvalo, birlamchi tibbiy-sanitariya yordami tizimi faoliyatini samarali tashkil etish lozimligini qayd etdi. — Gripp va O‘RVI bilan kasallanish holatlarini o‘z vaqtida aniqlash va bemorlarni nazoratga olishda birlamchi bo‘g‘inning mas’uliyati katta, — dedi vazir. — Shu bois oilaviy shifokorlar va patronaj hamshiralari uyma-uy yurib, aholiga zarur tibbiy yordam ko‘rsatishi lozim. Shamollash mavsumida hech bir bemor e’tibordan chetda qolmasligi kerak. Agar birlamchi tizimda ishlar to‘g‘ri tashkil etilmasa, shifoxonalarda o‘rin-joylar sonini oshirish bilan yuklamani kamaytirib bo‘lmaydi. Yig‘ilishda yurtimizdagi epidemiologik vaziyatni kunlik tahlil qilib borish, hududiy shtablar faoliyati samaradorligini oshirish, bolalar, tug‘uruq, shoshilinch va yuqumli kasalliklar shifoxonalarida ehtiyojdan kelib chiqib, qo‘shimcha zaxira o‘rinlari tashkil etish bo‘yicha mas’ullarga aniq topshiriqlar berdi. Shuningdek, antibiotik hamda gormonal preparatlarni faqat tibbiy ko‘rsatma asosida qo‘llash va bu borada nazoratni kuchaytirish, tibbiyot muassasalarini zarur dori vositalari bilan ta’minlash, aholi o‘rtasida profilaktika, vaksinatsiya va o‘zboshimchalik bilan davolanishning salbiy oqibatlari haqida tushuntirish ishlarini olib borish yuzasidan mutasaddilarga zarur vazifalar yuklandi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram 🌐 Linkedin
Davlat bayrog‘i – mamlakatimiz suvereniteti, xalq birligi va milliy g‘ururning muqaddas timsoli.Unda ona Vatanga bo‘lgan mehrimiz, xalqimizning orzu-intilishlari, g‘ururi va ertangi kunga ishonchi mujassam. Har gal u osmonimizda hilpiraganda, qalbimizda yurtga daxldorlik, faxr va iftixor tuyg‘ulari jo‘sh uradi. Uning har bir rangi qalbimizga yurt qadrini, ozodlik va mustaqillikning naqadar ulug‘ ne’mat ekanini eslatadi. Bayrog‘imiz ko‘kda hamisha mag‘rur hilpirayversin! Sog‘liqni saqlash vazirligi barcha yurtdoshlarimizni O‘zbekiston Respublikasi Davlat bayrog‘i qabul qilingan kun bilan samimiy muborakbod etadi! 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram 🌐 Linkedin
Yurtimizda imtiyozli toifaga kiruvchi aholi vakillari davlat mablag‘lari hisobidan davolanishi mumkin.Xo‘sh, buning uchun qayerga murojaat qilish kerak? Yo‘llanma qay tartibda rasmiylashtiriladi? Bemor shifoxonani o‘zi tanlashi mumkinmi? SSV Matbuot xizmati tomonidan tayyorlangan videoqo‘llanma orqali shu kabi savollarga batafsil javob olasiz. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Qish fasli yaqinlashmoqda. Bu davrda davlat tibbiyot muassasalarida issiqlik va elektr ta’minoti barqarorligini saqlash, bemorlar uchun zarur sharoitlar yaratish hamda tibbiy xizmatlar uzluksizligini ta’minlash muhim vazifa sanaladi.Sog‘liqni saqlash vaziri Eldor Adilov ishtirokida videokonferens aloqa shaklida o‘tkazilgan tanqidiy-tahliliy yig‘ilishda ayni shu yo‘nalishdagi ishlar sarhisob qilinib, mavjud kamchiliklar ko‘rib chiqildi. Unda vazirlik mas’ullari, Qoraqalpog‘iston Respublikasi Sog‘liqni saqlash vazirligi, barcha hududiy boshqarmalar, ixtisoslashgan markazlar, davolash muassasalari, tibbiyot oliy o‘quv yurtlari hamda tuman tibbiyot birlashmalari rahbarlari ishtirok etdi. Yig‘ilishda hududlar va tibbiyot muassasalari kesimida mavsumga tayyorgarlik, xususan, isitish qozonlari, yoqilg‘i zaxirasi, elektr generatorlari va muqobil energiya ta’minoti bilan bog‘liq ishlar tahlil etildi. Shuningdek, shifo maskanlarida me’yoriy haroratni ta’minlash, isitish tizimlarining uzluksiz ishlashini nazorat qilish hamda bemorlar uchun qulay sharoitlar yaratish masalalari atroflicha muhokama qilindi. Qayd etilganidek, bugun yurtimizda jami 3 600 dan ziyod davlat tibbiyot muassasasi faoliyat yuritmoqda. Qish mavsumiga tayyorgarlik doirasida 56,9 ming tonna ko‘mir zaxira qilingan. Ma’nan eskirgan 156 ta isitish qozonini almashtirish va ta’mirlash ishlari to‘liq bajarildi. Shuningdek, respublika va hududiy shtablar tuzilib, mavsumga tayyorgarlik kunlik monitoring qilib borilmoqda. O‘rganishlar davomida joylarda bu borada ayrim kamchiliklar borligi aniqlandi. Xususan, Qoraqalpog‘iston Respublikasi va Farg‘ona viloyatidagi ba’zi tibbiyot muassasalarida ta’mirlash ishlari belgilangan muddatda yakunlanmagan. Ko‘kdala, Yakkabog‘, Bandixon, Bekobod, Bo‘ka tumanlaridagi ayrim oilaviy poliklinika va oilaviy shifokor punktlarida ko‘mir zaxiralari ochiq havoda saqlanayotgani, Shahrixon tumanidagi 66-oilaviy poliklinikada isitish tizimi hanuz ishga tushirilmagani aniqlangan. Qolaversa, Jizzax viloyatidagi 6 ta, Qashqadaryo va Xorazmdagi 3 ta, Surxondaryo va Toshkent viloyatidagi 2 ta, Andijon, Samarqand va Farg‘ona viloyatlaridagi 1 tadan obyekt markazlashgan issiqlik ta’minoti tizimiga ulanmagan. Shuningdek, yig‘ilishda Andijon, Surxondaryo, Sirdaryo, Farg‘ona, Jizzax, Namangan va Samarqand viloyatidagi 15 ta va Toshkent shahridagi 17 ta sog‘liqni saqlash obyekti qozonxonalarida sanoat xavfsizligi talablari buzilganligi, ayrim hududlarda esa qo‘lbola qozonlardan foydalanib kelinayotgani jiddiy tanqid ostiga olindi.
— Qishda hech bir tibbiyot muassasasida issiqlik va elektr ta’minoti bilan bog’liq muammo bo’lmasligi kerak. Bu bemorlar oldidagi mas’uliyatimiz, — dedi vazir. — Mendan tortib eng quyi bo‘g‘indagi rahbargacha har birimiz bu ish uchun javobgarmiz. Shu bois bu masalaga befarq qaragan mas’ullarga nisbatan jiddiy choralar ko‘riladi.Yig‘ilishda vazir barcha tibbiyot muassasalari binolarida me’yoriy haroratni ta’minlash, elektr va isitish ta’minotida uzilishlarga yo‘l qo‘ymaslik bo‘yicha mas’ullarga aniq topshiriqlar berdi. Bunda qozonxonalarning texnik sozligi va generatorlarning doimiy shayligini ta’minlash, muqobil energiya manbalaridan samarali foydalanish hamda yetarli yoqilg‘i zaxirasini shakllantirish zarurligi ta’kidlandi. Shundan so‘ng “Yashil makon” umummilliy loyihasi doirasida amalga oshirilgan ishlar tanqidiy ko‘rib chiqildi. Xususan, joriy yil kuz mavsumida sog‘liqni saqlash obyektlari hamda ularga tutash hududlarda jami 836,1 ming tup ko‘chat ekilishi belgilangan bo‘lsa-da, bugunga qadar bu ishlar to‘liq bajarilmagan. Ayniqsa, Namangan, Sirdaryo va Samarqand viloyatlarida bu boradagi ishlar sust ekani jiddiy tanqid qilindi. Yig‘ilishda belgilangan topshiriqlarni bajarishda sovuqqonlikka yo‘l qo‘ygan rahbarlar qat’iy ogohlantirilib, ayrim mas’ullarga intizomiy jazo choralari qo‘llanildi. Yakunda kun tartibidagi masalalar yuzasidan aniq topshiriqlar berildi. 🚑 SSV Matbuot xizmati.
Sog‘liqni saqlash vazirligi UNICEF bilan birgalikda tibbiy xizmatlarning mavjudligi va ularni ko‘rsatishga tayyorgarlik darajasini baholash maqsadida o‘tkazilgan SARA (Service Availability and Readiness Assessment) tadqiqot natijalarini taqdim etdi.Shu munosabat bilan tashkil etilgan tadbirda Sog‘liqni saqlash, Ta’lim va ilm-fan vazirliklari, Ijtimoiy himoya milliy agentligi, O‘zbekiston mahallalari uyushmasi mas’ullari, shuningdek, UNICEF, BMTning O‘zbekistondagi doimiy koordinatori, VISION jamg‘armasi va boshqa xalqaro tashkilotlar vakillari ishtirok etdi. Qayd etilganidek, SARA Jahon sog‘liqni saqlash tashkiloti tomonidan ishlab chiqilgan xalqaro baholash metodologiyasi bo‘lib, tibbiyot muassasalarining aholiga zarur tibbiy xizmatlarni ko‘rsatish imkoniyatlarini o‘rganishga qaratilgan. Ushbu metodologiya asosida tibbiyot muassasalari infratuzilmasi, ularning tibbiy asbob-uskunalar, dori, diagnostika vositalari va boshqa zarur resurslar bilan ta’minlanganlik darajasi baholanadi. Tadbirda so‘zga chiqqanlar davlatimiz rahbari boshchiligida mamlakatimizda birlamchi bo‘g‘inni rivojlantirish, kasalliklarning oldini olish va erta aniqlash, tibbiyot muassasalarining moddiy-texnik bazasini mustahkamlash bo‘yicha keng ko‘lamli ishlar amalga oshirilayotganini ta’kidladi. Muhokamalar davomida oilaviy shifokorlarni qo‘llab-quvvatlash, tibbiyot muassasalarini zarur kadrlar bilan ta’minlash hamda onalar va bolalar salomatligini asrash, sohani raqamlashtirish masalalariga alohida e’tibor qaratildi. Shuningdek, milliy baholash natijalari atroflicha muhokama qilinib, olingan ma’lumotlar asosida sog‘liqni saqlash tizimini yanada takomillashtirish bo‘yicha kelgusi amaliy qadamlar belgilab olindi. Tadqiqot natijalari mavjud muammo va ehtiyojlarni aniqlash, investitsiyalarni ustuvor yo‘nalishlarga yo‘naltirish hamda tibbiy infratuzilmani rivojlantirishda ilmiy asoslangan qarorlar qabul qilish imkonini beradi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
🩺 Bolalikdagi suyak sinishlari doim ham izsiz o‘tib ketmaydi. Bo‘yin umurtqasi osteoxondrozi esa kundalik hayotda turli noqulayliklarni keltirib chiqarishi mumkin.❓ Xo‘sh, bu kasalliklarning sababi nima? ❓ Ularni uy sharoitida davolash mumkinmi? ❓ Oldini olish uchun qanday tavsiyalarga amal qilish kerak? 🔵 Ushbu savollarga Respublika ixtisoslashtirilgan travmatologiya va ortopediya ilmiy-amaliy tibbiyot markazi shifokorlari — Iskandar Xadjanov va Rustam Musayev javob beradi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Havo sovishi bilan grippga chalinish holatlari ko‘payadi. Bu davrda o‘zimiz va yaqinlarimizni mazkur virusli infeksiyadan asrash uchun kundalik hayotda qanday ehtiyot choralariga amal qilishni bilish muhim.SSV Matbuot xizmati tomonidan bu borada muntazam ravishda shifokorlar tavsiyasi e’lon qilib kelinmoqda. Quyidagi havolalar orqali ular bilan tanishib, grippdan himoyalanishga oid muhim savollarga mutaxassislarning batafsil javoblarini olishingiz mumkin.
https://t.me/ssvuz/23119 https://t.me/ssvuz/23147 https://t.me/ssvuz/22817 https://t.me/ssvuz/23015 https://t.me/ssvuz/23098 https://t.me/ssvuz/23220 https://t.me/ssvuz/23345🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Bolaning dunyoga kelishi — ona uchun eng katta baxt. Ammo ba’zan bu baxtga erishish uchun uzoq kurashishga to‘g‘ri keladi...Muddatidan avval tug‘ilgan chaqaloq hayotining ilk kunlariyoq og‘ir sinovlarga to‘la bo‘ladi. Bu murg‘ak jonlar hayotini saqlab qolish uchun esa neonatologlar yordamga keladi. Tibbiyotimizdagi tub islohotlar natijasida bugun ular 22 haftalik, 500 gramm va undan ortiq vaznda tug‘ilgan go‘daklarning hayotini ham saqlab qolmoqda. Bu Jahon sog‘liqni saqlash tashkiloti tavsiyalariga to‘liq mos keladi. Butunjahon muddatidan oldin tug‘ilgan chaqaloqlar kuni munosabati bilan SSV Matbuoti xizmati bir muddat avval tayyorlangan "ICHKARIDA" loyihasining Respublika ixtisoslashtirilgan ona va bola salomatligi ilmiy-amaliy tibbiyot markazi Toshkent shahar filiali shifokor-neonatologi Malika Usmanova faoliyatiga bag‘ishlangan sonini e’tiboringizga havola etadi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram 🌐 Linkedin
Palliativ tibbiy xizmat og‘ir kasalliklarga chalingan bemorlar hayot sifatini yaxshilash, ularda og‘riqni kamaytirish, kasallik belgilarini nazorat qilish hamda uzluksiz kompleks tibbiy-ijtimoiy, psixologik va parvarish yordamini ko‘rsatishdan iborat.Xo‘sh, yurtimizda kimlar palliativ tibbiy xizmatlardan foydalanishi mumkin? Qaysi hududlarda xospislar tashkil etiladi? SSV huzuridagi Kontent mediamarkazi tomonidan tayyorlangan fotokollaj orqali shu kabi savollarga javob topasiz. 🌐 Web-site 🔵Telegram 👥 Fb 📷 Instagram🌐 Linkedin
Sog‘liqni saqlash vazirining komplayens va korrupsiyaga qarshi ichki nazorat bo‘yicha o‘rinbosari Jaloliddin Asamutdinov Xitoy Xalqaro madaniy kommunikatsiya markazi raisi Lun Yuysyan boshchiligidagi delegatsiya bilan uchrashdi.Muloqotda ta’kidlanganidek, ikki davlat rahbarlarining sa’y-harakatlari bilan mamlakatlarimiz o‘rtasidagi ko‘p qirrali strategik sheriklik munosabatlari tobora mustahkamlanmoqda. Ikki tomonlama aloqalarda sog‘liqni saqlash sohasi muhim o‘rin tutadi. Bugungi kunda zamonaviy texnologiyalarni keng joriy etish, kadrlar tayyorlash va farmatsevtika kabi qator yo‘nalishlarda qo‘shma loyihalar amalga oshirilmoqda. Xususan, so‘nggi uch yilda 500 nafardan ortiq o‘zbekistonlik shifokor Xitoyda malaka oshirib qaytdi. Mamlakatimizda Xitoyning 10 dan ortiq farmatsevtika kompaniyasi faoliyat yuritmoqda. Shuningdek, ushbu davlat kompaniyalarining 188 turdagi dori vositasi hamda 1 900 ta tibbiy buyum va diagnostika vositalari O‘zbekistonda ro‘yxatdan o‘tgan. Muzokaralar davomida yurtimizda an’anaviy tibbiyotni rivojlantirish, bu borada Xitoy tajribasidan foydalanish, qo‘shma tadqiqotlarni yo‘lga qo‘yish hamda malakali mutaxassislar tayyorlash masalalariga ham alohida e’tibor qaratildi. Xorijlik mehmonlar O‘zbekistondagi investitsiya muhiti, mavjud imkoniyatlar va imtiyozlar haqida qiziqib, tibbiyot va farmatsevtika sohalarida faoliyat yurituvchi xitoylik investorlarning yurtimizga tashrifini tashkil etish taklifini bildirdi. Uchrashuv yakunida xitoylik mutaxassislar ishtirokida grant asosida yuqori texnologik jarrohlik amaliyotlarini o‘tkazish hamda dorivor o‘simliklarni yetishtirish va qayta ishlash, tabiiy xomashyo asosida dori vositalari ishlab chiqarish, ularning sifati va xavfsizligini nazorat qilish bo‘yicha hamkorlikni rivojlantirish borasida kelishuvlarga erishildi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram 🌐 Linkedin
Shifokor qabuliga yozilish Bolalarning emlanish taqvimi Imtiyozli davolanishni tekshirish 086-shakldagi tibbiy hujjatni olish Qandli diabet skriningdan o‘tish hamda uning natijasini olish Dori vositasini davlat ro‘yxatidan o‘tkazish Tibbiyot va farmatsevtika xodimlariga malaka toifalari berish Jismoniy shaxslarni oilaviy poliklinikalarga hisobga qo‘yish Tibbiyot tashkilotlarini akkreditatsiya qilish COVID-19 ga emlashga yozilish va holatini tekshirish Antropometriyasi skriningini olish Ruhiy kasalliklar dispanseridan ma’lumotnoma Narkologiya bo‘yicha dispanserdan ma’lumotnoma Tibbiy buyumlarni davlat ro‘yxatidan o‘tkazish Tibbiyot va farmatsevtika xodimlarining sertifikatini tekshirish Yurak qon-tomirlari skriningdan o‘tish hamda uning natijasini olish Vaqtincha mehnatga layoqatsizlik varaqalari ma’lumotnomalarini olish Sanitariya-epidemiologiya va davlat standartlari tekshiruv natijalarini olish Keksalar va nogironligi bo‘lgan shaxslarga sanatoriylarda davolanish uchun yo‘llanmalar berish OIV yo‘qligi haqida ma’lumotnoma Tibbiy orderni tekshirish Haj va Umra safari uchun tibbiy ma’lumotnoma olish Oilaviy shifoxona shifokori ma’lumotlari bilan tanishish Oziq-ovqat mahsulotlariga sanitariya-epidemiologik xulosa berish Profilaktik emlanganlikni tekshirish Tibbiy ma’lumotnomalarni olish (083/h shakldagi) Ilmiy tadqiqotchilar faoliyati haqida ma’lumot Sanatoriyaga navbatni tekshirish Salomatlik ko‘rsatkichlari haqida ma’lumot Tayinlangan elektron retseptlar haqida ma’lumot Davolanish xarajatlarini qoplash Aholining profilaktik ko‘riklar taqvimi Tibbiy faoliyat Ftiziatriya hisobi haqida ma’lumot olish Tana vazni va og‘irligi kalkulyatori Onkologik skriningdan o‘tish hamda uning natijasini olish Biologik faol qo‘shimchalar elektron reyestri Klinik tahlillar natijalarini tekshirish Narkologiya dispanseridan ma’lumotnoma 40 yoshdan keyingi yurak qon-tomir tizimi kasalliklari xavfini baholash nomogrammasi Ruhiy kasalliklar dispanseridan ma’lumotnoma Davlat tomonidan bepul beriladigan dori vositalari to‘g‘risida ma’lumot Dori vositalarining narxlari bo‘yicha ma’lumot Retsept asosida va retseptsiz beriladigan dori vositalari haqida ma’lumot‼️ Eslatma: my.gov.uz portalining “Sog‘liqni saqlash bo‘limi”dan joy olgan ushbu xizmatlardan foydalanish uchun ariza beruvchi portalda ro‘yxatdan va/yoki avtorizatsiyadan o‘tishi hamda so‘rov yuborishi talab etiladi. Arizalar avtomatik tarzda ko‘rib chiqilib, ma’lumotlar elektron formatda taqdim etiladi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Bugun yurtdoshlarimiz qator tibbiy xizmatlardan bepul foydalanish imkoniyatiga ega. Shifokor ko‘rigidan tortib, zarur tahlillar, davolanish va ayrim dori vositalarigacha!Bularning barchasi kafolatlangan tibbiy xizmatlar hajmi doirasida taqdim etiladi. Xo‘sh, bu haqda nimalarni bilishimiz kerak? SSV Matbuot xizmati tomonidan tayyorlangan videoyorolikda shu haqda ma’lumotga ega bo‘lasiz. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Kun. uz — https://t.me/kunuzofficial/175610 GENERALISSIMUS — https://t.me/u_generalissimus/29635 Xushnudbek. uz — https://t.me/xushnudbek/34990 Daryo | Rasmiy kanal — https://t.me/Daryo/138876 Davletovuz — https://t.me/davletovuz/27013 Rasul Kusherbayev — https://t.me/r_kusherbayev/17678 Zafarbek Solijonov — https://t.me/Zafarbek_Solijonov/15140. Times. uz — https://t.me/times_officialuz/30986 UZ24 uz — https://t.me/uz24newsuz/21415 Uz24news — https://t.me/uz24news_ru/23912 Mufasa — https://t.me/mufasa_mh/5702 Kun Yangiliklari 24 — https://t.me/kun_yangiliklari24_xabarlar_uz/35349 Геосиёсат | Politics — https://t.me/GeoPolitico/25505 A’zamxo‘jayev / Аъзамхўжаев — https://t.me/muhrim2022/10103 Shokirjonov news — https://t.me/shokirjonov/11388 Samarqand_LIVE — https://t.me/Samarqand_live/46687 Долзарб хабарлар — https://t.me/dolzarb_xabarlar12/23136 MAHALLA YETTILIGI —https://t.me/mahalla_raisi/21087 Kun Xabarlari — https://t.me/kun_yangiliklar_xabarlar/3418🚑 SSV Matbuot xizmati. 🌐 Web-site 🔵Telegram 👥 Fb 📷 Instagram🌐 Linkedin
Poytaxtimizda favqulodda vaziyatlarda jabrlanganlarga tibbiy yordam ko‘rsatish bo‘yicha qo‘shma o‘quv mashg‘uloti o‘tkazildi. Unda qutqaruvchilar, tez yordam brigadalari va shifoxona mutaxassislarining hamkorlikdagi harakatlari sinovdan o‘tkazildi.Xoʻsh, jabrlanganlarga yordam ko‘rsatish navbati qanday belgilanadi? Shifoxonaga bir vaqtning o‘zida ko‘plab bemorlar olib kelinganda tibbiy xizmatlar qay tartibda ishlaydi? 📹 SSV Matbuot xizmati tomonidan tayyorlangan videolavha orqali shu kabi savollarga javob topasiz. __________________________
В столице прошли совместные учения по оказанию медицинской помощи пострадавшим в чрезвычайных ситуациях. В ходе учений была проверена слаженность действий спасателей, бригад скорой помощи и специалистов медицинских учреждений.По какому принципу определяется очередность оказания медицинской помощи пострадавшим? Как организуется работа медицинских служб при одновременном поступлении большого количества пострадавших в больницу? 📹 Ответы на эти и другие вопросы — в нашем видеосюжете. 🚑 Пресс-служба Минздрава. 🌐 Web-site 🔵Telegram 👥 Fb 📷 Instagram🌐 Linkedin
Joriy yil 27-oktabr kuni tibbiyot va farmatsevtika xodimlari bilan uchrashuvda Prezidentimiz sohada ilm-fanni rivojlantirish, innovatsiyalar va ilmiy ishlanmalarni amaliyotga keng tatbiq etish bo‘yicha qator muhim vazifalarni belgilab bergan edi.Soha mas’ullari, respublika tibbiyot markazlari rahbarlari, tibbiy oliy ta’lim muassasalari rektorlari ishtirokida Sog‘liqni saqlash vazirligida bo‘lib o‘tgan tadbir ana shu vazifalar ijrosi muhokamasiga bag‘ishlandi. SSV Matbuot xizmati tomonidan tayyorlangan videolavhada shu haqda batafsil so‘z boradi. —————--
27 октября текущего года на встрече с медицинскими и фармацевтическими работниками Президент нашей страны определил ряд важных задач по развитию медицинской науки, широкому внедрению в практику инноваций и научных разработок.Обсуждению реализации этих задач было посвящено совещание, состоявшееся в Министерстве здравоохранения с участием ответственных лиц сферы, руководителей республиканских медицинских центров и ректоров медицинских вузов. Подробнее — в нашем видеосюжете. 🚑 Пресс-служба Минздрава. 🌐 Web-site 🔵Telegram 👥 Fb 📷 Instagram🌐 Linkedin
