Sog‘liqni saqlash vazirligi

🔴 🟦🟦🟦  

✅ Sog‘liqni saqlash vazirligi va boshqa hamkorlar tomonidan tashkil etilgan O‘zbekiston ftiziatrlar va pulmonologlari IX anjumanida sil va nafas a’zolari kasalliklarining dolzarb masalalari muhokama markazida bo‘ldi.

  ❓Unda qanday xalqaro tuzilmalar va davlatlar vakillari qatnashdi? ❓Sohadagi dolzarb masalalarga yechimlar topildimi? ❓Anjuman doirasidagi o‘quvlar kutilgan natijani berdimi?   📹 SSV Matbuot xizmati tomonidan tayyorlangan videolavha orqali shu kabi savollarga javob topasiz.   🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

🔴 ❤️❤️❤️ ❗️Samarqandda 50 dan ortiq tibbiyot muassasasida klinik audit o‘tkazildi

🧭 Sog‘liqni saqlash vazirligi huzuridagi Klinik audit inspeksiyasi tomonidan Samarqand viloyatidagi 50 dan ortiq tibbiyot muassasasida klinik audit o‘tkazildi.

🔎 O‘rganishlar davomida tibbiy yordam ko‘rsatish jarayonlari, milliy klinik protokol va standartlarga rioya etilishi, bemorlar xavfsizligi hamda mavjud resurslardan foydalanish samaradorligi baholandi. 📌 Auditda ona va bola salomatligi, kesarcha kesish amaliyotlarini tibbiy ko‘rsatmalar asosida bajarish, dori vositalarini tayinlash, shuningdek, qon komponentlarini qo‘llash, laboratoriya xizmatlarida ichki va tashqi sifat nazoratini yo‘lga qo‘yish kabi masalalarga alohida e’tibor qaratildi.

✅ Tibbiyot muassasalarida klinik protokollarni amaliyotga to‘liq tatbiq etish va ichki nazoratni kuchaytirish bo‘yicha tegishli vazifalar belgilab olindi.

‼️ Audit natijalari asosida tibbiy xizmatlar sifatini oshirish va aniqlangan kamchiliklarni bartaraf etish bo‘yicha yo‘l xaritasi ishlab chiqildi. Unda kadrlar malakasini oshirish, muassasalardagi ichki nazoratni tizimli tashkil etish va infratuzilmani mustahkamlash choralari belgilandi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

🔴 No_comment

📍 Poytaxtimiz nefrologiya, gemodializ va buyrak transplantatsiyasining dolzarb masalalariga bag‘ishlangan xalqaro ilmiy-amaliy konferensiyaga mezbonlik qilmoqda.

🔎 “Buyrak salomatligi — barcha uchun” mavzusidagi ushbu tadbirda mamlakatimiz mutaxassislari bilan birga, Buyuk Britaniya, Rossiya, Belarus, Koreya Respublikasi, Bangladesh, Qozog‘iston, Qirg‘iziston, Tojikiston, Turkmaniston va boshqa xorijiy davlatlardan yetakchi ekspertlar ishtirok etyapti. 🏃‍♂️ Konferensiyada surunkali buyrak kasalliklarini erta aniqlash va davolash, zamonaviy gemodializ, buyrak transplantatsiyasi, nefroproteksiya, shuningdek, telemeditsina va sun’iy intellekt imkoniyatlarini sohada qo‘llash kabi dolzarb masalalar muhokama qilinmoqda. 📌 Anjuman orqali ilg‘or xalqaro tajribani o‘rganish, zamonaviy diagnostika va davolash usullarini amaliyotga kengroq tatbiq etish hamda mamlakatimizda nefrologik xizmat sifatini yanada oshirish maqsad qilingan. 📹 SSV Matbuot xizmati tomonidan tayyorlangan shu haqdagi videolavha bilan yaqin vaqtlarda tanishasiz. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

#Xalqaro_kongress 🔴 No_comment

📍Poytaxtimizdagi "Hilton" mehmonxonasida VIII Yevroosiyo revmatologlar kongressi o‘z ishini boshladi.

🏥 Sog‘liqni saqlash vazirligi, O‘zbekiston revmatologlar assotsiatsiyasi va boshqa hamkor tashkilotlar tomonidan tashkil etilgan ushbu xalqaro anjumanda yurtimizdan tashqari, Xitoy, Rossiya, Fransiya, Singapur, Belarus, Ozarbayjon, Qozog‘iston, Qirg‘iziston va Tojikiston kabi 10 dan ortiq davlatdan 70 nafardan ziyod olimlar, spikerlar hamda xalqaro ekspertlar ishtirok etmoqda. 🔬Tadbirda revmatik kasalliklarni erta aniqlash, zamonaviy diagnostika va davolash usullarini joriy etish, shuningdek, ilg‘or ilmiy yutuqlar va yangi rivojlanish tendensiyalari atroflicha muhokama qilinyapti. 🔎 Asosiysi, ushbu kongress sohadagi eng so‘nggi yangiliklar bilan tanishish, o‘zaro tajriba almashish, revmatologiyaning dolzarb muammolarini birgalikda hal etish uchun muhim platformaga aylanishi kutilmoqda. 📹 SSV Matbuot xizmati tomonidan tayyorlangan shu haqdagi videolavha bilan yaqin vaqtlarda tanishasiz. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

#Tibbiy_lokatsiya 📍 TIBBIY LOKATSIYA

🏥 Respublika ixtisoslashtirilgan pediatriya ilmiy-amaliy tibbiyot markazi

⬇️ Tibbiy xizmat yo‘nalishlari: ➡️ Bolalarda nafas yo‘llari, ovqat hazm qilish, yurak-qon tomir, buyrak, asab tizimi, allergik va boshqa somatik kasalliklarni tashxislash hamda davolash. ➡️ Neonatologiya, yangi tug‘ilgan chaqaloqlar patologiyasi, muddatidan oldin tug‘ilgan chaqaloqlarni parvarishlash va neonatal reanimatsiya xizmati. ➡️ Bolalar jarrohligi, tug‘ma va orttirilgan LOR kasalliklarini jarrohlik yo‘li bilan davolash, anesteziologiya va reanimatsiya. ➡️ Allergologiya, pulmonologiya, gastroenterologiya, gepatologiya, nefrologiya, nevrologiya va kardiorevmatologiya yo‘nalishlarida ixtisoslashtirilgan tibbiy yordam. ➡️ Somatik reanimatsiya va intensiv terapiya, og‘ir ahvoldagi bemorlarga 24/7 shoshilinch tibbiy yordam. ➡️ Konsultativ-diagnostika poliklinikasi, zamonaviy laboratoriya diagnostikasi, instrumental tekshiruvlar hamda fizioterapiya xizmatlari. 📲 +998 55 517-10-03 🌐 https://pediatriya.uz 👥 Facebook 🟣 Instagram 🖥 LOKATSIYA 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

#Yangi_loyiha 🟡 🟦🟦🟦

✅ Ular har kuni qaysidir bemorning hayotini saqlab qolish uchun shoshiladi.

🏃‍♂️ Ammo shunday holatlar bo‘ladiki, ularni bir umrga unutolmaysiz. Vaqt o‘tib, o‘sha voqealar yodga tushganda qalb eski og‘riqlarni his qiladi. 🎙 SSV Matbuot xizmati tomonidan yangi loyiha: "OCHIQ MIKROFON". 🚑 Uning qarshisida — "Tez yordam" xizmati xodimlari. 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

🔴 No_comment  

📍 Poytaxtimiz O‘zbekiston ftiziatrlar va pulmonologlarining IX anjumaniga mezbonlik qilmoqda.

🔎Sog‘liqni saqlash vazirligi va hamkor tashkilotlar tomonidan o‘tkazilayotgan tadbirda JSST Yevropa mintaqaviy byurosi va boshqa qator xalqaro tuzilmalar vakillari hamda Germaniya, Shveytsariya, Rossiya, Belarus, Ozarbayjon, Hindiston, Qozog‘iston, Qirg‘iziston, Tojikiston, Turkmaniston kabi davlatlar mutaxassislari ishtirok etmoqda. 📌 Unda sil va nafas a’zolari kasalliklarining oldini olish, erta aniqlash, nazorat qilish va davolashdagi eng dolzarb masalalar xalqaro ekspertlar ishtirokida ko‘rib chiqilyapti.   ✅ Bu orqali yurtimizda ftiziatriya va respirator tibbiyot an’analarini zamonaviy innovatsiyalar bilan uyg‘unlashtirish, pirovardida sohani yangi bosqichga ko‘tarish maqsad qilingani, ayniqsa, e’tiborga molik.   📹 SSV Matbuot xizmati tomonidan tayyorlangan shu haqdagi videolavha bilan yaqin vaqtlarda tanishasiz.   🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

🟡 🌐🌐🌐🌐🌐 ❗️ JSST: 2030-yilga borib, dunyoda 11 milliondan ortiq tibbiyot xodimi yetishmasligi mumkin

📊 Jahon sog‘liqni saqlash tashkilotining yangi hisobotiga ko‘ra, global keksayish tendensiyasi tufayli 2030-yilga borib, dunyo bo‘yicha 11,1 million nafar tibbiyot xodimi yetishmasligi prognoz qilinmoqda.

📍 Xususan, 67 ta mamlakatda shifokor va hamshiralar tanqisligi sababli aholiga ko‘rsatilayotgan tibbiy xizmatlarning hozirgi darajasini saqlab qolish qiyinlashishi mumkin. Ushbu davlatlarda kelgusi o‘n yil ichida har uch nafar shifokordan biri pensiyaga chiqishi kutilyapti. 📌Muammo, ayniqsa, yuqori daromadli mamlakatlar, jumladan, Yevropaning ko‘plab davlatlarida jiddiy tus olishi aytilmoqda. Chunki bu hududlarda katta yoshli tibbiyot xodimlarining ulushi nisbatan yuqori. 💸 JSST hisob-kitoblariga ko‘ra, aholining soha kadrlari bilan hozirgi ta’minlanganlik darajasini saqlab qolish uchun qayd etilgan 67 mamlakatda qo‘shimcha 832 ming nafar tibbiyot xodimiga ehtiyoj mavjud.

🔎 Bu esa xorijlik tibbiyot mutaxassislariga bo‘lgan talabni oshirib, kam daromadli mamlakatlardan malakali kadrlar oqimini kuchaytirishi mumkin. Oqibatda ushbu davlatlarda tibbiy xizmatlar sifati pasayishi taxmin qilinmoqda.

‼️Shundan kelib chiqib, JSST tegishli hukumatlarni tibbiyot kadrlari tanqisligini kamaytirish uchun shoshilinch choralar ko‘rishga chaqirdi. 🌐 Web-site 🔵Telegram 👥 Fb 📷 Instagram

BMT Bosh Assambleyasi minbaridan turib, ziddiyatlar tobora ortayotgan, o‘zaro ishonch esa yo‘qolib borayotgan hozirgi dunyoda O‘zbekistonning qat’iy pozitsiyasi haqida so‘zladim. Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz. Nutqimda Markaziy Osiyodagi tub o‘zgarishlar, O‘zbekistondagi islohotlar, ekologiya va Orol fojiasi, sun’iy intellekt taraqqiyoti, qonun ustuvorligi hamda inson huquqlarini ta’minlash masalalariga to‘xtalib o‘tdim. Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor. 🌐 Web-site 🔵Telegram 👥 Fb 📷 Instagram

#Tavsiya 🔴 1️⃣2️⃣3️⃣4️⃣5️⃣

✅ Qizamiq — havo-tomchi yo‘li orqali juda tez yuqadigan virusli kasallik. U, ayniqsa, bolalarda og‘ir asoratlarni keltirib chiqarishi mumkin. Xastalikning oldini olishda esa emlash alohida ahamiyatga ega.

❓ Xo‘sh, qizamiqqa qarshi vaksina olish nega muhim? 👩‍⚕️ Respublika ixtisoslashtirilgan pediatriya ilmiy-amaliy tibbiyot markazi farmakolog-shifokori Shahnoza Abzalova shu haqda ma’lumot berdi. 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

Prezident Shavkat Mirziyoyev Andijon shahrining Oʻrikzor mahallasida tashkil etilgan gastronomik turizm koʻchasi bilan tanishdi. Davlatimiz rahbari koʻcha boʻylab sayr davomida aholi bilan ko‘rishdi. — Президент Шавкат Мирзиёев ознакомился с улицей гастрономического туризма, созданной в махалле Урикзор города Андижана. Глава нашего государства прогулялся по улице и поприветствовал жителей. 🌐 Web-site 🔵Telegram 👥 Fb 📷 Instagram

#Soğlom_hayot 🟡 🟦🟦🟦 ✅ Sog‘lom bo‘lish – bu har bir insoning shaxsiy tanlovi. Kundalik hayotdagi kichik odatlarni o‘zgartirish orqali katta o‘zgarishlarga erishish mumkin. 📹 SSV Matbuot xizmati tomonidan tayyorlangan qisqa animatsion rolik ham hamyurtlarimizni sog‘lom turmush tarziga amal qilishga chaqiradi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

🔴🟦🟦🟦

🏥 Milliy tibbiyot markazida zamonaviy tashxislash va davolash usullari, murakkab jarrohlik amaliyotlari izchil yo‘lga qo‘yilmoqda. Xususan, yaqinda bu yerda bemorning peshona, ko‘z kosasi va burun qismini qoplab borayotgan xavfli o‘simta muvaffaqiyatli olib tashlandi.

  ❓Xo‘sh, bu operatsiya shunchalik murakkab va xavflimidi? ❓Amaliyot qancha vaqt davom etdi? ❓Hozir bemorning ahvoli qoniqarlimi?   📹 SSV Matbuot xizmati tomonidan tayyorlangan videolavha orqali shu kabi savollarga javob topasiz.   🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

#Gematologiya 🟡 ❗️❗️❗️❗️

✅ Respublika ixtisoslashtirilgan gematologiya ilmiy-amaliy tibbiyot markazida 5 qavatli yangi aseptik korpus barpo etilmoqda.

🔬Eng zamonaviy tibbiy texnologiyalar bilan jihozlanadigan ushbu binoda yiliga 200 nafargacha bemorda allogen gemopoetik o‘zak hujayralar transplantatsiyasi amalga oshiriladi. 🏥 Shuningdek, korpusda tarqoq skleroz, revmatizm, sklerodermiya kabi ayrim autoimmun kasalliklar davolanishi hamda mezenximal hujayralar transplantatsiyasi va zamonaviy CAR-T terapiyasi amaliyotlari yo‘lga qo‘yilishi rejalashtirilgan. 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

#Tavsiya 🔴1️⃣2️⃣3️⃣4️⃣5️⃣

🔬 Odamlar orasida “xolga tegish mumkin emas”, “xolni oldirsa, saratonga aylanadi” degan qarashlar bor. Shuningdek, “husnbuzarni siqib tashlasa, tezroq yo‘qoladi”, “husnbuzarga tish pastasi surtsa, tez quriydi” kabi tavsiyalar ham uchraydi.

❓ Xo‘sh, bu fikrlar qanchalik asosli? ❓ Qanday belgilar kuzatilganda dermatologga murojaat qilish kerak? 🎥 Respublika ixtisoslashtirilgan dermatovenerologiya va kosmetologiya ilmiy-amaliy tibbiyot markazi shifokorlari Shuhrat Toshpo‘latov hamda Muxlisa Xo‘jayeva ushbu savollarga batafsil javob berdi. 🚑 SSV Matbuot xizmati. 🌐 Web-site 🔵Telegram 👥 Fb 📷 Instagram

👍 O‘zbekiston uchun yangi investisiya eshiklari ochilmoqda O‘zbekiston Respublikasi Prezidenti Administratsiyasi rahbari Saida Mirziyoyeva AQSHga tashrifi doirasida AQSH Xalqaro moliyaviy taraqqiyot korporatsiyasi (DFC) bosh direktori Ben Blek bilan uchrashdi. ❗️Ma’lumot uchun: DFC – AQSH hukumatining xalqaro investisiya instituti bo‘lib, xususiy kapitalni jalb etish, infratuzilma, energetika, texnologiya, sog‘liqni saqlash va boshqa strategik sohalarda investisiyalarni qo‘llab-quvvatlaydi.

Muloqot davomida transport va sog‘liqni saqlash sohalarida amalga oshirilishi boshlangan yirik qo‘shma loyihalarni muhokama qildik. O‘zbekiston DFC bilan hamkorlikni bundan keyin ham kengaytirib borishga tayyor,- deydi Saida Mirziyoyeva.

https://t.me/Rasmiy_axborot_official

BMT bosh qarorgohi Bosh Assambleyaning 81-sessiyasi doirasida 130 ga yaqin davlatdan kelgan delegatsiyalarga mezbonlik qilmoqda. Ular qatorida, jumladan, O‘zbekiston ham bor. Mamlakatimiz delegatsiyasi umumiy munozaralar davomida qator davlat rahbarlarining nutqlarini tingladi. — Штаб-квартира ООН в рамках 81-й сессии Генеральной Aссамблеи принимает делегации почти 130 стран, включая Узбекистан. Делегация нашей страны в ходе общих прений заслушала доклады ряда глав государств. 🌐 Web-site 🔵Telegram 👥 Fb 📷 Instagram

#Yangi_loyiha 🟡 ⭕️⭕️⭕️⭕️⭕️ ❗️“Ochiq mikrofon” loyihasi anonsi Instagramda 1 kunda 1 million 200 mingdan ortiq ko‘rildi

🎙 SSV Matbuot xizmatining yangi — “OCHIQ MIKROFON” loyihasi anonsi Instagram sahifamizda bir sutkada 1 million 200 mindan ortiq tomosha qilindi.

🚑 Video ostidagi izohlarda ko‘pchilik "Tez yordam" xodimlarining mashaqqatli mehnatini e’tirof etib, soha vakillariga samimiy tilaklarini bildirgan. 📹 Loyihaning to‘liq formati bilan yaqin vaqtlarda tanishasiz. 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

🔴🟦🟦🟦 ❗️Yangi tanlov: Eng munosiblarni siz tanlaysiz!

🟡 Endi sizni davolagan fidoyi shifokor, tunlari uxlamay navbatchilik qilgan mehribon hamshira, ishonchingizni oqlagan shifoxona rahbari mehtatini keng miqyosda e'tirof etishingiz mumkin. Muhimi, sizning ovozingiz hal qiluvchi ahamiyatga ega!

🗣Sog‘liqni saqlash vazirligi OVI platformasi bilan hamkorlikda “Tibbiyot fidoyisi” respublika tanlovini o’tkazmoqda. 👩‍💻 G‘oliblar qanday aniqlanadi? 📎 Sizning fikringiz — 60% 📎 Professional tibbiy assotsiatsiyalar bahosi — 30% 📎 Vazirlik bahosi — 10%. 📌 Ya’ni eng katta ovoz — xalqniki! 🔎 Mukofot miqdori salmoqli: 🏥 tibbiyot muassasalariga — 500 million so‘mdan; 👨‍⚕️ tibbiyot xodimlariga — 30 million so‘mdan. 📆 Ovoz berish 31-oktabrga qadar davom etadi, natijalar esa Tibbiyot va farmatsevtika xodimlari kuni arafasida e’lon qilinadi. 🔆 Unutmang: bu faqat tanlov emas — bu sizning salomatligingiz yo‘lida beminnat mehnat qilayotgan tibbiyot xodimlariga minnatdorlik bildirishning ajoyib imkoniyati. 📊 O‘zingiz eng qadrlaydigan shifokorga, hamshiraga yoki shifoxonaga ushbu ilova orqali ovoz bering! Android uchun: OVI iPhone uchun: OVI 📊 Shuningdek, bu platformada qancha ovoz to‘plaganingiz, reytingdagi o‘rningiz va boshqa ishtirokchilarning natijalarini ko‘rib turishingiz mumkin: https://tanlov.ovi.uz Qo‘shimcha ma’lumot uchun: 📞 +998 78 150 88 56 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram