CJ Platform

ငပလီမှာ စစ်အုပ်စုတပ်က ဂျက်ဖိုက်တာနဲ့ ဗုံးကြဲတာကြောင့် သံဃာတော်တစ်ပါးနှင့် ကလေးငယ်တစ်ဦး အပါအဝင် ၇ ဦး ဒဏ်ရာရ CJ Platform ရခိုင်ပြည်၊ သံတွဲမြို့နယ်၊ ငပလီမြို့ရှိ ဂျိတ္တောနဲ့ လင်းသာကမ်းခြေအနီး ပြည်သူတွေ နေထိုင်ရာ နေရာနှစ်ခုကို စစ်အုပ်စုက ဂျက်ဖိုက်တာနဲ့ ထပ်မံဗုံးကြဲတိုက်ခိုက်ခဲ့တာကြောင့် သံဃာတော်တစ်ပါးနဲ့ ၁ နှစ်ကျော်အရွယ် ကလေးငယ်တစ်ဦး အပါအဝင် ပြည်သူ ၇ ဦး ထိခိုက်ဒဏ်ရာ ရရှိခဲ့တယ်လို့ အာရက္ခတပ်တော် (AA) က ဇူလိုင် ၂၃ ရက် ညပိုင်းမှာ သတင်းထုတ်ပြန်ထားပါတယ်။ မနေ့က ဇူလိုင်လ ၂၃ ရက် နေ့လယ် ၁၂ နာရီခန့်မှာ ငပလီမြို့၊ ဂျိတ္တော (၅) ရပ်ကွက်ရှိ ပုလဲရတနာ ဘုန်းကြီးကျောင်းနဲ့ အနီးပတ်ဝန်းကျင်ကို စစ်အုပ်စုက ဂျက်ဖိုက်တာ ၁ စင်းနဲ့ နှစ်ကြိမ် ဗုံးကြဲတိုက်ခိုက်ခဲ့တာ ဖြစ်ပါတယ်။ ဗုံးကြဲတိုက်ခိုက်မှုကြောင့် ပုလဲရတနာ ဘုန်းကြီးကျောင်းနဲ့ အနီးပတ်ဝန်းကျင်ရှိ ပြည်သူ့နေအိမ် ၈ လုံး ပျက်စီးခဲ့ကာ သံဃာတော်တစ်ပါး၊ ၁ နှစ်ကျော်အရွယ် ကလေးငယ်တစ်ဦး အပါအဝင် အပြစ်မဲ့ပြည်သူ ၆ ဦး ထိခိုက်ဒဏ်ရာများ ရရှိခဲ့ကြပါတယ်။ ဒါ့အပြင် မွန်းလွဲ ၁ နာရီခွဲခန့်မှာလည်း ငပလီမြို့၊ လင်းသာကမ်းခြေရှိ AZ Family Resort ကို စစ်အုပ်စုက ဂျက်ဖိုက်တာ ၁ စီးဖြင့် ဗုံး ၂ လုံး ထပ်မံကြဲချတိုက်ခိုက်ခဲ့တာကြောင့် Resort မှ ဘန်ဂလိုတွေနဲ့ အနီးနားရှိ ပြည်သူ့နေအိမ်အချို့ ထိခိုက်ပျက်စီးခဲ့ကာ ပြည်သူ ၁ ဦး ထိခိုက်ဒဏ်ရာ ရရှိခဲ့တယ်လို့ သိရပါတယ်။ စစ်အုပ်စုက သံတွဲမြို့နယ်အတွင်းက စစ်ရေးနဲ့ မသက်ဆိုင်တဲ့ အရပ်သားပြည်သူတွေ နေထိုင်ရာ ရပ်ကွက်၊ ကျေးရွာတွေကို ပစ်မှတ်ထားကာ လေကြောင်းကနေ ဆက်လက် တိုက်ခိုက်လျက်ရှိတယ်လို့ သိရပါတယ်။ ဓာတ်ပုံ - AA #CJPlatform #ငပလီ #သံတွဲ #ရခိုင်ပြည် #စစ်အုပ်စု #လေကြောင်းတိုက်ခိုက်မှု #ဒေသတွင်းသတင်း

အထက်လေပွေလှိုင်းတစ်ခု ဖြစ်ပေါ်လာနိုင် CJ Platform ဒီကနေ့ ဇူလိုင်လ ၂၄ ရက် သောကြာနေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို ကျနော် နကြီးက ပြောပြပေးသွားပါမယ်။အရင်ဦးဆုံး ဘင်္ဂလားပင်လယ်အော် မြောက်ပိုင်းနဲ့ ကပ်လျက်ရှိတဲ့ အနောက်အလယ်ပိုင်းမှာ လာမယ့် ဩဂုတ်လ ပထမအပတ်အတွင်း အထက်လေပွေလှိုင်းတစ်ခု ဖြစ်ပေါ်လာနိုင်တယ်လို့ အိန္ဒိယမိုးလေဝသဌာန (IMD) က ထုတ်ပြန်ထားပါတယ်။ ဒီအထက်လေဝဲကြောင့် အနောက်တောင် မုတ်သုံလေဟာ လာမယ့် ဩဂုတ်လဆန်းပိုင်းမှာ ရခိုင်ကမ်းရိုးတန်းနဲ့ မြစ်ဝကျွန်းပေါ် ဒေသတွေမှာ မိုးရွာသွန်းမှုတွေ ပြန်လည်စိပ်လာနိုင်ပြီး ပင်လယ်ပြင်အတွင်းမှာလည်း လှိုင်းလေ ပြင်းထန်လာနိုင်မှာ ဖြစ်ပါတယ်။ #CJPlatform #မိုးလေဝသ #မိုးသည်းထန် #မိုးတိမ်တောင်သတိပေးချက် #ပင်လယ်ပြင်သတိပေးချက် Youtube တွင်ကြည့်ရှုရန်>>>https://youtu.be/juI0O2h8EYo

ကလေးနဲ့ မန္တလေးမှာ ငွေကျပ် ၂ ဘီလီယံကျော်တန်ဖိုးရှိ စိတ်ကြွဆေးပြား ၁၅ သိန်းကျော် ဖမ်းဆီးရမိ CJ Platform စစ်ကိုင်းတိုင်း၊ ကလေးမြို့နဲ့ မန္တလေးတိုင်းတို့မှာ ငွေကျပ် ၂ ဒသမ ၉၄ ဘီလီယံ တန်ဖိုးရှိ စိတ်ကြွဆေးပြား ၁၅ သိန်းကျော်ကို စစ်အုပ်စုရဲ့ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့က ဖမ်းဆီးရမိခဲ့ပြီး ပါဝင်ပတ်သက်သူ ၇ ဦးကို ဖမ်းဆီးထားကြောင်း စစ်အုပ်စု မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့ (CCDAC MYANMAR) က မနေ့က ဇူလိုင် ၂၃ ရက် ညပိုင်း ထုတ်ပြန်ချက်အရ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2472026-2/

အမြန်လမ်း ၆၆ မိုင်အနီး ယာဉ်တစ်စီး တိမ်းမှောက်မှုရာမှ ၃ ဦး ဒဏ်ရာရ CJ Platform ရန်ကုန်-နေပြည်တော် အမြန်လမ်းပေါ်မှာ ဒီကနေ့ ဇူလိုင် ၂၄ ရက် နံနက်ပိုင်းက ယာဉ်တစ်စီး အရှိန်မထိန်းနိုင်ဘဲ လမ်းလယ်ကျွန်းပေါ်သို့ တိမ်းမှောက်မှု ဖြစ်ပွားခဲ့ရာ ယာဉ်ပေါ်ပါ အရပ်သား ၃ ဦး ထိခိုက်ဒဏ်ရာ ရရှိခဲ့တယ်လို့ မြန်မာနိုင်ငံမီးသတ်တပ်ဖွဲ့ ထုတ်ပြန်ချက်အရ သိရပါတယ်။ ဒီကနေ့ နံနက် ၆ နာရီ ၃၅ မိနစ်အချိန်ခန့်က ရန်ကုန်-နေပြည်တော် အမြန်လမ်း၊ နေပြည်တော်ဘက်မှ ရန်ကုန်ဘက်သို့ မောင်းနှင်လာတဲ့ ယာဉ်တစ်စီးဟာ ဘက်အခြမ်း မိုင်တိုင်အမှတ် ၆၆ မိုင် ၀ ဖာလုံနှင့် ၁ ဖာလုံ ကြားမှာ အရှိန်မထိန်းနိုင်ဘဲ လမ်းလယ်ကျွန်းပေါ်သို့ တိမ်းစောင်းမှောက်ခဲ့တာ ဖြစ်ပါတယ်။ အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါလာသူ အမျိုးသား ၂ ဦးနဲ့ အမျိုးသမီး ၁ ဦးတို့ ထိခိုက်ဒဏ်ရာ (မစိုးရိမ်ရ) ရရှိခဲ့ပြီး ဒဏ်ရာရရှိသူတွေကို ၁၉၂ အမြန်လမ်း သူနာတင်ယာဉ်နဲ့ မြို့ချောင်းတိုက်နယ်ဆေးရုံကို ပို့ဆောင်ကူညီပေးခဲ့ရတယ်လို့ သိရပါတယ်။ အခင်းဖြစ်ရာနေရာသို့ ဥသျှစ်ကုန်းနယ်မြေ မီးသတ်စခန်းမှ မီးငြှိမ်းသတ်ယာဉ် ၁ စီးနဲ့ သန္ဓေမီးသတ်တပ်ဖွဲ့ဝင်များ သွားရောက်ကာ ရှာဖွေကယ်ဆယ်ရေး လုပ်ငန်းများ ဆောင်ရွက်ခဲ့ကြတယ်လို့ သိရပါတယ်။ ဓာတ်ပုံ - မြန်မာနိုင်ငံမီးသတ်တပ်ဖွဲ့ #CJPlatform #ရန်ကုန်နေပြည်တော်အမြန်လမ်း #ယာဉ်တိမ်းမှောက်မှု #ယာဉ်မတော်တဆမှု #ဒေသတွင်းသတင်း

မနက်ဖြန် ဇူလိုင် (၂၃) ရက် ကြာသပတေးနေ့အတွက် မိုးလေဝသခန့်မှန်းချက် မုန်တိုင်းဆွဲအားကြောင့် မုတ်သုံလေ ပိုအားကောင်းမည် CJ Platform မနက်ဖြန် ဇူလိုင်လ ၂၃ ရက် ကြာသပတေးနေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို တင်ဆက်ပေးသွားပါမယ်။အရင်ဦးဆုံး ထိုင်းမိုးလေဝသဌာန (TMD) ရဲ့ မိုးလေဝသ သတိပေးချက်နဲ့ Synoptic Chart မြေပုံတို့အရ လာမယ့် ဇူလိုင် (၂၆) ရက်ကနေ (၃၀) ရက်အတွင်း မုတ်သုံမြောင်းတန်းတစ်ခုဟာ မြန်မာ၊ လာအိုနဲ့ ဗီယက်နမ်နိုင်ငံ အထက်ပိုင်းတို့ပေါ်မှာ ဖြတ်သန်းနေမှာ ဖြစ်ပါတယ်။ ဒါ့အပြင် ကပ္ပလီပင်လယ်ပြင်၊ ထိုင်းနိုင်ငံနဲ့ ထိုင်းကွေ့တို့မှာ အနောက်တောင် မုတ်သုံလေ အရှိန်ကလည်း ထပ်မံ မြင့်တက်လာမှာ ဖြစ်ပါတယ်။ #CJPlatform #စစ်တောင်းမြစ်ရေ #ချင်းတွင်းမြစ်ရေ #တပ်ကုန်းရေဘေး #ဆင်သေချောင်း Youtube တွင်ကြည့်ရှုရန်>>>https://youtu.be/59Vjb7TmxDc

ပဲခူးကနေ ရန်ကုန်မှာ အလုပ်လာလုပ်သူ လူငယ် ၃ ဦး ပေါ်တာဆွဲ ဖမ်းဆီးခံရ CJ Platform ပဲခူးတိုင်း၊ အင်းတကော်မြို့ကနေ ရန်ကုန်ကို အလုပ်လာလုပ်တဲ့ လူငယ် ၃ ဦး ဇူလိုင် ၂၂ ရက် ည ၈ နာရီက မင်္ဂလာဒုံမြို့နယ်၊ ထောက်ကြန့်လမ်းဆုံမှာ ပေါ်တာဆွဲ ဖမ်းဆီးခံရတယ်လို့ မိသားစုနဲ့ နီးစပ်သူတွေဆီက သိရပါတယ်။ ရန်ကုန်မှာရှိတဲ့ အသိမိတ်ဆွေက အလုပ်ရရှိမယ်လို့ ပြောတာကြောင့် ပဲခူးကနေ ရန်ကုန်သို့ လာရောက်စဉ် မင်္ဂလာဒုံမြို့နယ်၊ ထောက်ကြန့်လမ်းဆုံမှာ ဖမ်းဆီးခံခဲ့ရတာလို့ မိသားစုနဲ့ နီးစပ်သူတစ်ဦးက CJ Platform ကို ပြောပါတယ်။ "ဦးလေးက အလုပ်ရပြီဆိုလို့ ပဲခူးကလိုက်လာတာ၊ ထောက်ကြန့်လမ်းဆုံမှာ အဖမ်းခံရပြီး မိသားစုက ဘယ်ကိုလိုက်ရမှန်း မသိဘူး" လို့ ပြောပါတယ်။ ထောက်ကြန့်လမ်းဆုံမှာ အမည်မသိ အရပ်ဝတ် အမျိုးသား ၄ ဦးက စစ်ဆေးစရာရှိတယ်လို့ ဆိုကာ ကားတစ်စီးနဲ့ ခေါ်ဆောင်သွားတာလို့ အနီးပတ်ဝန်းကျင်က သူတွေက ပြောဆိုကြောင်း သူက ပြောပြပါတယ်။ "အဖမ်းမခံရခင် ဖုန်းအဆက်အသွယ် ရသေးတယ်၊ စုဆောင်းရေးတပ်ရော လှည်းကူးနဲ့ မှော်ဘီ သင်တန်းကျောင်းတွေမှာ စာတင်ထားတယ်၊ ရဲစခန်းမှာလည်း လူပျောက်တိုင်ဖို့ မိသားစုတွေ တိုင်ပင်နေတယ်" လို့ ပြောပါတယ်။ ဖမ်းဆီးခံရသူ ၃ ဦးမှာ အင်းတကော်မြို့၊ ခမိတ်ဈေးတွင် နေထိုင်သည့် မောင်ဥက္ကာထွေး၊ မောင်ချစ်မင်းသူ နဲ့ သာယာကုန်းကျေးရွာမှ မောင်ဝင်းနိုင်ဇော် တို့ဖြစ်တယ်လို့ သိရပါတယ်။ ရန်ကုန်မှာ စစ်မှုထမ်း အပတ်စဉ် ၂၈ အတွက် စစ်အုပ်စုတပ်၊ ရဲ၊ ပြည်သူ့စစ်နဲ့ ပျူစောထီးအဖွဲ့တို့က YBS ကားဂိတ်တွေ၊ အောင်မင်္ဂလာအဝေးပြေးနဲ့ ဒဂုံဧရာအဝေးပြေးဂိတ်တွေမှာ အလုပ်သွားအလုပ်ပြန်၊ လမ်းသွားလမ်းလာတွေကို ပေါ်တာဆွဲ ဖမ်းဆီးနေတာ ဖြစ်ပါတယ်။ ပြီးခဲ့တဲ့ ဇွန်လ ၂၉ ရက်က စစ်အုပ်စုက စစ်မှုထမ်း အပတ်စဉ် ၂၇ ကို မြန်မာနိုင်ငံတဝန်း စစ်သင်တန်းကျောင်း အသီးသီးမှာ ဖွင့်လှစ်ခဲ့တာ ဖြစ်ပါတယ်။ အာဏာသိမ်း စစ်ခေါင်းဆောင်က ၂၀၂၄ ခုနှစ်၊ ဖေဖော်ဝါရီလ ၁၀ ရက်တွင် စစ်မှုထမ်းဥပဒေ ထုတ်ပြန်ခဲ့ပြီး မတ်လ ၂၈ ရက်စတင်ကာ စစ်မှုထမ်း ခေါ်ယူခဲ့ရာ အခုဆိုရင် အပတ်စဉ် ၂၇ အထိ ရောက်ရှိလာပြီ ဖြစ်ပါတယ်။ ဓာတ်ပုံ - လူမှုကွန်ရက် #CJPlatform #ရန်ကုန် #ထောက်ကြန့် #စစ်မှုထမ်းဥပဒေ #မတရားဖမ်းဆီးမှု #ဒေသတွင်းသတင်း

အောင်စံပယ်ရွှေဆိုင် ဓားပြတိုက်လူသတ်မှုမှ ပြစ်မှုကျူးလွန်သူ ၅ ဦးကို သေဒဏ်ပေး CJ Platform မန္တလေးတိုင်း၊ ပြင်ဦးလွင်မြို့နယ်၊ အောင်စံပယ်ရွှေဆိုင် လုယက်မှုမှ ပြစ်မှုကျူးလွန်သူ ၅ ဦးကို ပြင်ဦးလွင်ခရိုင်တရားရုံးက ဇူလိုင်လ ၁၆ ရက်မှာ သေဒဏ်အမိန့်ချလိုက်တယ်လို့ စစ်အုပ်စုက ထုတ်ပြန်ပါတယ်။ မန္တလေး-လားရှိုး ကားလမ်းမပေါ်က အောင်စံပယ်ရွှေဆိုင် ဓားပြမှုကျူးလွန်ရာတွင် လုံခြုံရေးဝန်ထမ်းတစ်ဦး သေဆုံးခဲ့တာကြောင့် ပုဒ်မ ၃၉၆ အရ ကိုအောင်မျိုးနိုင်၊ ကိုမျိုးလင်းထွန်း၊ ကိုစိုင်းကြည်သူ၊ ကိုအောင်ကိုသက်နဲ့ မစန္ဒာဦးတို့ကို ပြင်ဦးလွင်ခရိုင်တရားရုံးက မသေမချင်း ကြိုးပေးသတ်ဖို့ အမိန့်ချခဲ့တာလို့ တရားရုံးနဲ့ နီးစပ်တဲ့ သတင်းအရင်းအမြစ်က CJ Platform ကို ပြောပါတယ်။ "ဓားပြတိုက်တုန်းက ၂ ယောက်တည်း၊ ၁ ယောက်မိသွားတော့ အဲ့ဒီကနေလိုက်တာ ၄ ယောက်ထပ်မိပြီး ၅ ယောက်စလုံးကို ပုဒ်မ ၃၉၆ နဲ့ အမှုဖွင့်လိုက်တယ်။ ဓားပြတိုက်ရင်း လူပါသေတာဆိုတော့ အမြင့်ဆုံးပြစ်ဒဏ် ပေးလိုက်တာ" လို့ ပြောပါတယ်။ အမှုဖြစ်စဉ်မှာ ပြီးခဲ့တဲ့ ၂၀၂၅ ခုနှစ်၊ နိုဝင်ဘာ ၁၂ ရက် မနက် ၉ နာရီဝန်းကျင်က မန္တလေး-လားရှိုး ကားလမ်းမပေါ်မှာ ဖွင့်ထားတဲ့ အောင်စံပယ်ရွှေဆိုင်ကို ပစ္စတိုသေနတ် ကိုင်ဆောင်ထားသူ ၂ ဦးက ဝင်ရောက်ဓားပြတိုက်ခဲ့ရာ တစ်ဦး ဖမ်းမိခဲ့ပြီး တစ်ဦး ထွက်ပြေးလွတ်မြောက်သွားကာ ဆိုင်ဝန်ထမ်း ဦးစိန်ဝင်း သေနတ်နဲ့ ပစ်ခတ်ခံရပြီး သေဆုံးခဲ့ပါတယ်။ ဇူလိုင်လ ၂၀ ရက်ကလည်း ပျဉ်းမနားခရိုင်တရားရုံးက ဇမ္ဗူသီရိမြို့နယ်မှာ လူငယ်တစ်ဦးကို သတ်ဖြတ်ပြီး ဆိုင်ကယ်လုယူသွားသူ နှစ်ယောက်ကို သေဒဏ်နဲ့ ထောင်ဒဏ် ၁၀ နှစ် အမိန့်ချခဲ့ပါတယ်။ ပြီးခဲ့တဲ့ ဧပြီလ ၇ ရက်ကလည်း ပြင်ဦးလွင်မြို့၊ ချယ်ရီလမ်းမပေါ်ရှိ "မေ" စိန်ရွှေရတနာဆိုင်ကို အမျိုးသားနှစ်ဦးက ဓားပြတိုက်ခဲ့ပြီး တစ်ဦးကို ရပ်ကွက်နေသူတွေက ဖမ်းမိကာ တစ်ဦးမှာ ထွက်ပြေးလွတ်မြောက်သွားပါတယ်။ ဓာတ်ပုံ - လူမှုကွန်ရက် #CJPlatform #ပြင်ဦးလွင် #အောင်စံပယ်ရွှေဆိုင် #ဓားပြမှု #သေဒဏ်အမိန့် #ဒေသတွင်းသတင်း

နေပြည်တော်မှာ မိုးကြီးလို့ စေတီတွေ ပြိုကျပြီး ကျောင်းအချို့ ပိတ်ထားရ CJ Platform နေပြည်တော်ကောင်စီနယ်မြေ၊ ဒက္ခိဏသီရိနဲ့ ဇမ္ဗူသီရိမြို့နယ်မှာ ဒီကနေ့ ဇူလိုင် ၂၃ရက်နေ့မှာ မိုးသည်းထန်စွာ ရွာသွန်းမှုကြောင့် ရေကြီးပြီး စေတီတွေ ပြိုကျကာ ပြည်သူတွေကို ဘေးလွတ်ရာ ပြောင်းရွှေ့ပေးနေရပြီး စာသင်ကျောင်းအချို့လည်း ပိတ်ထားရတယ်လို့ မြို့ခံတွေဆီက သိရပါတယ်။ နှစ်ရက်ဆက်တိုက် မိုးသည်းထန်စွာ ရွာသွန်းမှုကြောင့် ဒက္ခိဏသီရိမြို့နယ်၊ ဆည်စု၊ ရွာသစ်နဲ့ ရွှေခဲအင်းကျေးရွာတွေမှာ ရေဝင်ရောက်မှုတွေ ရှိတယ်လို့ မြို့ခံတစ်ဦးက CJ Platform ကို ပြောပါတယ်။ "မိုးကြီးပြီး လေတိုက်တော့ ဆည်စု ရွှေဝါမြိုင်ကျောင်းတိုက်က စေတီတွေ ပြိုကျတာ ၉ ဆူ ရှိပြီ။ ရွှေခဲအင်းဘုန်းကြီးကျောင်းမှာလည်း အုတ်နံရံတွေ ပြိုတယ်။ ရွာသစ် အထကခွဲက ရေတအားတက်လို့ ပိတ်ထားရတယ်" လို့ ပြောပါတယ်။ ဇမ္ဗူသီရိမြို့နယ်မှာလည်း မိုးသည်းထန်စွာ ရွာပြီး ရေနှုတ်မြောင်း ရေလျှံမှုကြောင့် နေအိမ်များမှ ပြည်သူများကို ရေဘေးလွတ်ရာသို့ လူမှုရေးအသင်းအဖွဲ့များနဲ့ မီးသတ်တပ်ဖွဲ့များက ပြောင်းရွှေ့ပေးနေတယ်လို့ မြို့ခံတစ်ဦးက CJ Platform ကို ပြောပါတယ်။ "ဇမ္ဗူသီရိမှာ ရပ်ကွက် ၂ ခု၊ ၃ ခုလောက် ရှိတယ်။ ရေတက်တာ ရွှေကြာပင်ရပ်ကွက်က ပိုဆိုးတယ်။ ငဝန်လမ်း အပါအဝင် ၅ လမ်းက အိမ်တွေအကုန် ဘေးလွတ်ရာကို ဒီနေ့မနက် ပြောင်းပေးရတယ်" လို့ ပြောပါတယ်။ လယ်ဝေး၊ ပုဗ္ဗသီရိနဲ့ ဇေယျာသီရိမှာလည်း မိုးသည်းထန်စွာ ရွာသွန်း လေပြင်းတိုက်ခတ်မှုကြောင့် အမိုးလန် ပျက်စီးမှု အနည်းငယ် ရှိပေမဲ့ ရေဝင်ရောက်မှု မရှိဘူးလို့ ပြောပါတယ်။ ပြီးခဲ့တဲ့ ဇူလိုင်လ ၉ ရက် မနက် ၁၁ နာရီကလည်း ပုဗ္ဗသီရိမြို့နယ်မှာ မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် နေအိမ် ၁၅ လုံးထက်မနည်း အမိုးလန် ပြိုကျပျက်စီးခဲ့ပါတယ်။ ဓာတ်ပုံ - လူမှုကွန်ရက် #CJPlatform #နေပြည်တော် #ဒက္ခိဏသီရိ #ဇမ္ဗူသီရိ #ရေကြီးရေလျှံ #သဘာဝဘေး

အလျင်လိုကျေးရွာအနီးမှာ ကားနဲ့ ဆိုင်ကယ်တိုက်မိပြီး ၁ ဦး သေဆုံးကာ ၂ ဦး ဒဏ်ရာရရှိ CJ Platform နေပြည်တော်ကောင်စီနယ်မြေ၊ ပျဉ်းမနားမြို့နယ်၊ အလျင်လိုကျေးရွာအနီးမှာ ဇူလိုင် ၂၂ ရက် ည ၆ နာရီခွဲက အမျိုးသား ၃ ယောက် စီးနင်းလာတဲ့ ဆိုင်ကယ်တစ်စီးနဲ့ ဒိုင်နာကား တိုက်မိပြီး အမျိုးသားတစ်ဦး သေဆုံးကာ ၂ ဦး ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။ ဒဏ်ရာရရှိသူ အမျိုးသား ၃ ယောက်ကို လူမှုကူညီရေးအသင်းတွေက ပျဉ်းမနား ခုတင် (၂၀၀) ဆေးရုံသို့ ပို့ဆောင်ခဲ့ရာ အမျိုးသား ၁ ဦး ဆေးကုသမှုခံယူရင်း သေဆုံးသွားတယ်လို့ ဒေသခံတွေက ပြောပါတယ်။ "မိုးရွာပြီးခါစဆိုတော့ ကားနဲ့ ဆိုင်ကယ် စလစ်ဖြစ်ပြီး တိုက်တာ။ ဆိုင်ကယ်ပေါ်က သုံးယောက် ဒဏ်ရာရတယ်။ ဆေးရုံပို့တော့ ဆေးရုံမှာ ၁ ယောက် ဆုံးသွားတယ်။ ၂ ယောက်က ဆေးရုံမှာပဲ" လို့ ဒေသခံတစ်ဦးက ပြောပါတယ်။ ယာဉ်တိုက်မှုဖြစ်ပွားပြီးနောက် ဒိုင်နာယာဉ်မောင်းဖြစ်သူကို ပျဉ်းမနားမြို့မရဲစခန်းက အမှုဖွင့်လှစ်နိုင်ရေးအတွက် စစ်ဆေးမှုများ ပြုလုပ်နေတယ်လို့ သိရပါတယ်။ ပြီးခဲ့တဲ့ ဇန်နဝါရီလ ၆ ရက်ကလည်း ပျဉ်းမနားမြို့နယ်၊ ရန်ကုန်-မန္တလေးလမ်းဟောင်း၊ မိုင်တိုင်အမှတ် ၂၁၇ မိုင် ၃ ဖာလုံနှင့် ၄ ဖာလုံကြားမှာ ၂၂ ဘီးကား တိုက်မိ၍ အမျိုးသားတစ်ဦး သေဆုံးခဲ့သည့် ဖြစ်စဉ်လည်း ရှိခဲ့ပါတယ်။ ဓာတ်ပုံ - လူမှုကွန်ရက် #CJPlatform #ပျဉ်းမနား #နေပြည်တော် #ယာဉ်တိုက်မှု #ဒေသတွင်းသတင်း #သတင်း

စစ်တွေလေဆိပ်မှာ စရဖက ဒေသခံ ခရီးသွားတွေကို ဖမ်းဆီးနေ CJ Platform ရခိုင်ပြည်၊ စစ်တွေလေဆိပ်မှာ စစ်အုပ်စုရဲ့ စစ်ဘက်ရေးရာလုံခြုံရေးတပ်ဖွဲ့က ဦးဆောင်ပြီး ဒေသခံခရီးသွားတွေကို ဖမ်းဆီးနေတယ်လို့ စစ်တွေမြို့မှ သတင်းရင်းမြစ်တွေဆီက သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2372026-2/

ဒေသ (၆)ခုနဲ့ ကမ်းရိုးတန်တလျှောက် မိုးဆက်များမယ် CJ Platform ဒီကနေ့ ဇူလိုင်လ ၂၃ ရက်နေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို ပြောပြပေးသွားပါတော့မယ်။အရင်ဦးဆုံး ဒီနေ့ကနေ လာမယ့် (၅) ရက်တာ ကာလအတွင်း ဘင်္ဂလားပင်လယ်အော်အတွင်း မုန်တိုင်း ဖြစ်ပေါ်လာနိုင်မယ့် လက္ခဏာ မရှိပေမဲ့၊ နယ်စပ်အနီးရှိ လေဖိအားနည်းစနစ်တွေနဲ့ အနောက်တောင် မုတ်သုံလေ အားကောင်းမှုတွေကြောင့် ရခိုင်ပြည်၊ မြစ်ဝကျွန်းပေါ်၊ မွန်ပြည်၊ ကရင်ပြည်နဲ့ တနင်္သာရီတိုင်းတို့မှာ မိုးရွာသွန်းမှုတွေ ဆက်ရှိနေဦးမှာဖြစ်ပြီး ဒေသအလိုက် မိုးကြီးနိုင်တဲ့ အခြေအနေတွေ ရှိနေပါတယ်။ #CJPlatform #ချင်းတွင်းမြစ်ရေ #တပ်ကုန်းရေဘေး #ရေကြီးရေလျှံသတိပေးချက် #AudienceQandA Youtube တွင် ဆက်လက်ကြည့်ရှုရန် >>https://youtu.be/R4GnGC15654

ရသေ့တောင်မှာ အိမ်မှာလူမရှိဘဲ ခိုးဝင်ဖို့လားလို့ စနောက်မိရာမှ ပေါက်တူးနဲ့ ခုတ်သတ်ခဲ့မှု ဖြစ်ပွား CJ Platform ရခိုင်ပြည် ရသေ့တောင်မြို့နယ် ပေါက်တောချေကျေးရွာမှာ ဖြစ်ပွားခဲ့တဲ့ လူသတ်မှု ကျူးလွန်သူ တရားခံကို ULA/AA တရားဥပဒေစိုးမိုးရေးနှင့် ပြည်သူ့လုံခြုံရေးဌာန (ဒီလပ်) က စုံစမ်းဖော်ထုတ် ဖမ်းဆီးအရေးယူထားတယ်လို့ အာရက္ခမှုခင်းနှင့် ဆက်စပ်သတင်းများ ထုတ်ပြန်ရေးအဖွဲ့က မနေ့ ဇူလိုင် ၂၂ ရက်နေ့ ညပိုင်းမှာ ထုတ်ပြန်ထားပါတယ်။ ဖြစ်စဉ်မှာ ဇွန် ၂၀ ရက်နေ့ မွန်းလွဲပိုင်းက ရသေ့တောင်မြို့နယ်၊ ပေါက်တောချေရွာနေ အသက် ၄၈ နှစ်အရွယ် ဦးကျော်သန်းချေ (ခ) ဦးအောင်ကြွပ်ဟာ ရွာဘုန်းကြီးကျောင်းအနီး ကျောက်ခင်းလမ်းမှာ လည်ပင်းနဲ့ နားထင်တို့မှာ ပြတ်ရှဒဏ်ရာတွေနဲ့ သေဆုံးနေတာကို တွေ့ရှိခဲ့တာ ဖြစ်ပါတယ်။ စတင်ဖြစ်ပွားချိန်မှာ သေဆုံးသူရဲ့ မိသားစုဝင်တွေက မွေးရာပါ ဝက်ရူးပြန်ရောဂါဖြင့် လဲကျသေဆုံးတာ ဖြစ်နိုင်တယ်လို့ ယူဆကာ သက်ဆိုင်ရာကို အကြောင်းကြားခြင်းမရှိဘဲ သေဆုံးတဲ့နေ့မှာပင် သင်္ဂြိုဟ်ခဲ့ပေမဲ့ သေဆုံးသူရဲ့ သမီးဖြစ်သူက ဒဏ်ရာတွေမှာ သံသယဖြစ်ဖွယ်ကောင်းတာကြောင့် သက်ဆိုင်ရာ ဒီလပ်စခန်းသို့ တိုင်တန်းခဲ့ရာမှ (ပ)၁၉/၂၀၂၆၊ ရာဇသတ်ကြီးပုဒ်မ- ၃၀၂ ဖြင့် အမှုဖွင့် စုံစမ်းခဲ့တယ်လို့ သိရပါတယ်။ အဲဒီနောက် သက်ဆိုင်ရာတာဝန်ရှိသူတွေ၊ မြို့နယ်ဆရာဝန်နဲ့ မြို့နယ်တရားသူကြီးတို့ ပါဝင်တဲ့ အဖွဲ့ဟာ ဇွန်လ ၂၁ ရက်နေ့မှာ သေဆုံးသူရဲ့ ရုပ်အလောင်းကို ပြန်လည်တူးဖော်ကာ ဆေးစာထင်မြင်ချက်ရယူခြင်းနဲ့ သဲလွန်စ ရှာဖွေခြင်းတွေ ဆောင်ရွက်ခဲ့ပြီးနောက် မျက်မြင်သက်သေတွေရဲ့ ထွက်ဆိုချက်အရ အခင်းဖြစ်ပွားခဲ့တဲ့ မနက်ပိုင်းက သေဆုံးသူ ဦးကျော်သန်းချေဟာ ကျောက်ဆုံရွာနေ ဦးသန်းဝင်း၊ ဦးငသစ်ချေတို့နဲ့အတူ အရက်သောက်စားခဲ့ပြီးနောက် ဦးသန်းဝင်းနဲ့အတူ ထမင်းစားရန် ထွက်ခွာသွားခဲ့ကြောင်း၊ အဲဒီနောက် လမ်းမှာ ဦးကျော်သန်းချေမှာ ဒဏ်ရာတွေနဲ့ သေဆုံးနေသည်ကို တွေ့ရှိရပြီး ဦးသန်းဝင်းမှာ ပေါက်တူးတစ်လက် ကိုင်ဆောင်၍ ရွာအတွင်းသို့ ဝင်သွားသည်ကို တွေ့ရှိခဲ့ရကြောင်း သိရပါတယ်။ သဲလွန်စများအရ သံသယရှိသူ ဦးသန်းဝင်းကို ဇွန်လ ၂၂ ရက်နေ့မှာ ဖမ်းဆီးစစ်ဆေးခဲ့ရာ ဦးကျော်သန်းချေရဲ့ နေအိမ်သို့ ထမင်းစားသွားစဉ် လမ်းဘေးရှိ လူမနေသော အိမ်တစ်ခုအတွင်းသို့ ဝင်ရောက်ရာမှ ဦးကျော်သန်းချေက "အိမ်မာ လူလည်းမဟိဘဲ ခိုးဖို့ဝင်လား" လို့ ပြောတာကြောင့် စကားများ ရန်ဖြစ်ကြပြီး ဦးကျော်သန်းချေက ဇီးခက်ဖြင့် တချက် စတင်ရိုက်နှက်သဖြင့် ဒေါသအလျောက် ပါလာတဲ့ ပေါက်တူးဖြင့် ပေါက်သတ်ခဲ့ခြင်းဖြစ်ကြောင်း ဝန်ခံထွက်ဆိုခဲ့ပါတယ်။ လက်ရှိမှာ ပြစ်မှုကျူးလွန်သူ ဦးသန်းဝင်း အသုံးပြုခဲ့တဲ့ အရိုး ၄ ပေ၊ အသွား ၈ လက်မခန့်ရှိ ပေါက်တူးကို သက်သေခံအဖြစ် သိမ်းဆည်းထားပြီး တရားခံရဲ့ ဖြောင့်ချက်ပေးမှုနှင့်အတူ ဥပဒေလုပ်ထုံးလုပ်နည်းတွေနဲ့ အညီ တရားစွဲဆိုတက်လှမ်းနိုင်ရေး ဆက်လက်ဆောင်ရွက်လျက်ရှိတယ်လို့ ဖော်ပြထားပါတယ်။ ဒါ့အပြင် အရက်သေစာ မူးယစ်မှုကြောင့် လတ်တလော ဒေါသကို မထိန်းနိုင်ဘဲ လူသတ်မှုတွေ ဖြစ်ပွားလေ့ရှိတာကြောင့် ပြည်သူတွေအနေနဲ့ ဥပဒေကို လေးစားလိုက်နာရန်နှင့် သံသယဖြစ်ဖွယ် သေဆုံးမှုများရှိပါက အလျင်စလို မြှုပ်နှံခြင်းမပြုဘဲ နီးစပ်ရာ တာဝန်ရှိအဖွဲ့အစည်းတစ်ခုခုကို အကြောင်းကြားဖို့ကိုလည်း ဒီလပ်ဌာနက အသိပေးနှိုးဆော်ထားပါတယ်။ ဓာတ်ပုံ - လူမှုကွန်ရက် #CJPlatform #ရသေ့တောင် #ရခိုင်ပြည် #ဒီလပ် #လူသတ်မှု #ဒေသတွင်းသတင်း

မနက်ဖြန် ဇူလိုင် (၂၃)ရက် ကြာသပတေးနေ့အတွက် မိုးလေဝသခန့်မှန်းချက် မြောက်ပိုင်းနဲ့ အနောက်ဘက်ခြမ်းမှာ ရေကြီးရေလျှံမှု သတိပြုဖို့လို CJ Platform မနက်ဖြန် ဇူလိုင်လ ၂၃ ရက်နေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို ပြေပြပေးသွားပါတော့မယ်။အရင်ဦးဆုံး ဘင်္ဂလားပင်လယ်အော် အနောက်မြောက်ပိုင်းမှာ လာမယ့် ဇူလိုင် (၂၅) ရက် ဝန်းကျင်မှာ အထက်လေပွေလှိုင်းတစ်ခု ဖွံ့ဖြိုးလာဖို့ ရှိနေပြီး၊ လက်ရှိမှာတော့ အိန္ဒိယနဲ့ ဘင်္ဂလားဒေ့ရှ် ကုန်းတွင်းပိုင်းမှာ လေဖိအားနည်းဆဲလ်တစ်ခု ဖြစ်နေတာကို ထိုင်းမိုးလေဝသဌာန (TMD) ရဲ့ မြေပုံမှာ တွေ့ရှိရပါတယ်။ #CJPlatform #ချင်းတွင်းမြစ်ရေ #တပ်ကုန်းရေဘေး #ရေကြီးရေလျှံသတိပေးချက် #AudienceQandA Youtube တွင် ဆက်လက်ကြည့်ရှုရန် >>https://youtu.be/m2IgTLX9sJg