CJ Platform

စစ်အုပ်စု ထိန်းချုပ်ထားတဲ့ ဟားခါးမြို့ပေါ်မှာ စစ်ဘေးရှောင်တွေအတွက် စားနပ်ရိက္ခာ အကူအညီတွေ လိုအပ် CJ Platform ချင်းပြည်အတွင်း ဖြစ်ပွားနေတဲ့ တိုက်ပွဲတွေကြောင့် စစ်အုပ်စုထိန်းချုပ်ရာ ဟာခါးမြို့ပေါ်ကို သွားရောက် စစ်ဘေးတိမ်းရှောင်နေရတဲ့ စစ်ဘေးရှောင်တွေဟာ လက်ရှိမှာ စားနပ်ရိက္ခာ ပြတ်လပ်မှုဒဏ်ကို ဆိုးဝါးစွာ ရင်ဆိုင်နေရပြီး အရေးပေါ် အကူညီတွေ လိုအပ်နေတယ်လို့ ဒေသခံတွေဆီက သိရပါတယ်။ စစ်ဘေးရှောင်ပြည်သူတွေဟာ နေထိုင်ရေး အခက်အခဲတွေအပြင် နေ့စဉ်စားသောက်ရေးအတွက်ပါ အထူးအခက်အခဲ ဖြစ်ပေါ်နေတယ်လို့ သိရပါတယ်။ "အလုပ်အကိုင်တွေ မရှိဘူး။ ဒါကြောင့် ပုံမှန်ဝင်ငွေ မရှိဘူး။ ကုန်ဈေးနှုန်းက တဖြည်းဖြည်း တက်လာတယ်။ ဒီကြားထဲ အိမ်ငှားခတွေလည်း ရှိသေးတယ်" လို့ ထန်တလန်မြို့နယ်မှ လာရောက်တဲ့ စစ်ဘေးရှောင်တစ်ဦးက CJ Platform ကို ပြောပြပါတယ်။ လက်ရှိမှာ အဆိုပါစစ်ဘေးရှောင်တွေအတွက် အခြေခံအကျဆုံး လိုအပ်ချက်ဖြစ်တဲ့ စားနပ်ရိက္ခာတွေ ပံ့ပိုးကူညီပေးဖို့အတွက် အလှူရှင်တွေနဲ့ လူမှုကူညီရေး အဖွဲ့အစည်းတွေရဲ့ အကူအညီတွေ အရေးတကြီး လိုအပ်နေတယ်လို့ စစ်ဘေးရှောင် ပြည်သူတွေက ဆိုပါတယ်။ "စစ်အုပ်စုဘက်က ဘာထောက်ပံ့မှုမှ မရှိသလို အလှူရှင် အဖွဲ့အစည်းတွေကလည်း အရင်ကလိုမျိုး ထောက်ပံ့မှု မရှိတော့ စစ်ဘေးရှောင်တွေက ပိုပြီး ခက်ခဲသွားတယ်" လို့ ပလက်ဝမြို့နယ်မှ လာရောက်တဲ့ စစ်ဘေးရှောင်တစ်ဦးက CJ Platform ကို ပြောပါတယ်။ ပြီးခဲ့တဲ့ ဇွန်လ ၉ ရက်နေ့က ဟားခါးမြို့ပေါ်မှာ စစ်ဘေးရှောင် နေထိုင်နေကြတဲ့ ပြည်သူတွေထဲက စားနပ်ရိက္ခာ အခက်အခဲ ပိုမိုကြုံတွေ့နေရသူတွေကို ဆန်နဲ့ စားသုံးဆီ အနည်းငယ်ကို Hakha Township Internally Displaced Persons Management Committee (HTIDPMC) ရုံးကနေ ကူညီထောက်ပံ့ပေးခဲ့တယ်လို့ သိရပါတယ်။ ဟားခါးမြို့ပေါ်မှာ ဟားခါး၊ ထန်တလန်၊ တီးတိန်၊ တွန်းဇံ၊ ဖလမ်း၊ ပလက်ဝနဲ့ မတူပီ စတဲ့ မြို့နယ်တွေကနေ လာရောက်ကြတဲ့ စစ်ဘေးရှောင် ပြည်သူသောင်းနဲ့ချီ ခိုလှုံနေထိုင်နေကြရကြောင်း စုံစမ်းသိရှိရပါတယ်။ ဓာတ်ပုံ - လူမှုကွန်ရက် #CJPlatform #ချင်းပြည်နယ် #ဟားခါးမြို့ #စစ်ဘေးရှောင်ပြည်သူများ #စားနပ်ရိက္ခာအခက်အခဲ

နှစ်လုံးပူးနေတဲ့ ဆိုင်ကလုန်းမုန်တိုင်း ဘယ်လိုအခြေအနေရှိမလဲ CJ Platform CJ Platform ကနေ အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တစ်ပတ်တာအတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ဒီကနေ့ ဇွန်လ ၂၈ ရက်နေ့ကနေ ဇူလိုင်လ ၄ ရက်နေ့အထိ တစ်ပတ်အတွင်း မိုးလေဝသအခြေအနေတွေ ဘယ်လိုရှိမလဲ အတူတူ ကြည့်ကြရအောင်ပါ။ဒီတစ်ပတ်အတွင်း ဘင်္ဂလားပင်လယ်အော်နဲ့ တောင်တရုတ်ပင်လယ်တို့မှာ ဖြစ်ပေါ်နိုင်တဲ့ နှစ်လုံးပူး ဆိုင်ကလုန်း (Twin-Cyclone) ပုံစံ အခြေအနေတွေ ဖြစ်လာနိုင်မလား ဆိုတာကို မနေ့က စနေနေ့ နေ့လယ်မှာ တွေ့ရှိချက်တွေအရ အရင်ဆုံး ပြောပြပေးပါမယ်။ဥရောပမိုးလေဝသ ခန့်မှန်းမော်ဒယ် ECMWF နဲ့ ဂျာမနီမော်ဒယ် ICON တို့အရ... ဘင်္ဂလားပင်လယ်အော် မြောက်ပိုင်း အိန္ဒိယကမ်းရိုးတန်းအနီးမှာ လာမယ့် ဇူလိုင်လ ၄ ရက်နေ့ ဝန်းကျင်မှာ အားကောင်းတဲ့ လေဖိအားနည်းရပ်ဝန်း ဒါမှမဟုတ် မုန်တိုင်းတစ်လုံးအဖြစ် ဖြစ်လာနိုင်တာကို တွေ့ရသလို၊ တောင်တရုတ်ပင်လယ်ဘက်မှာလည်း ဟိုင်နန်ကျွန်းအနီးမှာ အားကောင်းတဲ့ မုန်တိုင်းတစ်ခု ဖြစ်လာနိုင်တာကို #CJPlatform #မိုးလေဝသ #WeeklyWeather #TwinCyclone #မုန်တိုင်းသတိပေးချက် Youtube တွင် ဆက်လက်ကြည့်ရှုရန် >>>https://youtu.be/T3DnoKS8QmM

အင်းစိန်ဗဟိုအကျဉ်းထောင်မှ တက္ကသိုလ်ဝင်စာမေးပွဲ ဝင်ဖြေသူအားလုံးအောင်မြင်ပြီး ဂုဏ်ထူးရရှိသူ ၇ ဦးရှိ CJ Platform တက္ကသိုလ်ဝင်စာမေးပွဲမှာ ရန်ကုန်တိုင်း၊ အင်းစိန်ဗဟိုအကျဉ်းထောင်ကနေ ဝင်ရောက်ဖြေဆိုကြတဲ့ အကျဉ်းသားနဲ့ အကျဉ်းသူ ၃၆ ဦးစလုံး ရာနှုန်းပြည့် အောင်မြင်ခဲ့ပြီး အဲဒီထဲမှာ ဂုဏ်ထူးရရှိသူ ၇ ဦးအထိ ရှိတယ်လို့ အကျဉ်းဦးစီးဌာနနဲ့ နီးစပ်သူတွေဆီကနေ သိရပါတယ်။ ၂၀၂၅ - ၂၀၂၆ ပညာသင်နှစ် တက္ကသိုလ်ဝင်စာမေးပွဲကို အင်းစိန်ဗဟိုအကျဉ်းထောင် စာစစ်ဌာနကနေ အကျဉ်းသား ၃၃ ဦးနဲ့ အကျဉ်းသူ ၃ ဦးတို့ ဝင်ရောက်ဖြေဆိုခဲ့ကြတာ ဖြစ်တယ်လို့ အကျဉ်းဦးစီးဌာနနဲ့ နီးစပ်သူတစ်ဦးက CJ Platform ကို ပြောပါတယ်။ သူက "အင်းစိန်ထောင်ကနေ ၃၆ ယောက် ဝင်ရောက်ဖြေဆိုတာ ၃၆ ယောက်စလုံး အောင်မြင်ပါတယ်။ ဂုဏ်ထူး ၃ ဘာသာ ပါရှိတဲ့သူက ၁ ဦး၊ ၂ ဘာသာ ဂုဏ်ထူးပါရှိတဲ့သူက ၁ ဦးနဲ့ ၁ ဘာသာ ဂုဏ်ထူးပါရှိတဲ့သူက ၅ ဦးစီ ရှိကြတယ်" လို့ ရှင်းပြပါတယ်။ ပြီးခဲ့တဲ့ ၂၀၂၅ ခုနှစ် တက္ကသိုလ်ဝင်စာမေးပွဲတုန်းကလည်း အင်းစိန်ဗဟိုအကျဉ်းထောင်ကနေ အကျဉ်းသားနဲ့ အကျဉ်းသူ ၁၇ ဦး ဝင်ရောက်ဖြေဆိုခဲ့ကြရာမှာ ၁၇ ဦးစလုံး ရာနှုန်းပြည့် အောင်မြင်ခဲ့ပြီး ဂုဏ်ထူးရရှိသူ ၇ ဦး ရှိခဲ့ဖူးပါတယ်။ ယခုနှစ် တက္ကသိုလ်ဝင်စာမေးပွဲမှာ တစ်နိုင်ငံလုံး အတိုင်းအတာနဲ့ ကျောင်းသား၊ ကျောင်းသူ စုစုပေါင်း ၂၅၅,၂၈၈ ဦး ဝင်ရောက်ဖြေဆိုခဲ့ကြရာ အောင်မြင်သူ ၁၃၃,၆၇၃ ဦး ရှိခဲ့ပြီး၊ တစ်နိုင်ငံလုံး အောင်ချက်ရာခိုင်နှုန်းအနေနဲ့ ၅၂.၃၇ ရာခိုင်နှုန်း ရှိတယ်လို့ စစ်အုပ်စုရဲ့ မြန်မာနိုင်ငံစာစစ်ဦးစီးဌာနက ထုတ်ပြန်ကြေညာထားပါတယ်။ ဓာတ်ပုံ - လူမှုကွန်ရက် #CJPlatform #ရန်ကုန်တိုင်း #အင်းစိန်ဗဟိုအကျဉ်းထောင် #တက္ကသိုလ်ဝင်စာမေးပွဲ #အောင်စာရင်း

မနက်ဖြန် ဇွန် (၂၈)ရက် တနင်္ဂနွေနေ့အတွက် မိုးလေဝသခန့်မှန်းချက် လေဖိအားနည်းရပ်ဝန်း ဘယ်ကို ဆက်ရွေ့မလဲ CJ Platform မနက်ဖြန် ဇွန်လ ၂၈ ရက်၊ တနင်္ဂနွေနေ့အတွက် ဒေသအသီးသီးမှာ ဖြစ်ပေါ်လာနိုင်တဲ့ မိုးလေဝသခန့်မှန်းချက်တွေကို ပြောပြသွားပါတော့မယ်။အရင်ဦးဆုံး မိုးလေဝသ ခန့်မှန်းမော်ဒယ်တွေဖြစ်တဲ့ ဥရောပမော်ဒယ်နဲ့ ဂျာမနီမော်ဒယ်တို့ရဲ့ တူညီတဲ့ အချက်အလက်တွေအရ လာမယ့် ဇူလိုင်လ ၄ ရက် ဝန်းကျင်မှာ ဘင်္ဂလားပင်လယ်အော် မြောက်ပိုင်းမှာ လေဖိအားနည်းရပ်ဝန်းတစ်ခု ဖြစ်ပေါ်လာနိုင်ပါတယ်။ ဒါ့အပြင် တောင်တရုတ်ပင်လယ် ဟိုင်နန်ကျွန်းအနီးမှာလည်း လေဖိအားနည်းရပ်ဝန်းတစ်ခု ဖြစ်ပေါ်လာပြီး ဆက်လက် အားကောင်းလာနိုင်တာကို တွေ့ရပါတယ်။ #CJPlatform #မိုးလေဝသ #WeatherUpdate #Monsoon #လေဖိအားနည်းရပ်ဝန်း Youtube တွင် ဆက်လက်ကြည့်ရှုရန် >>https://youtu.be/namRb_ELk5c

ဝဏ္ဏမောင်လွင် သားဖြစ်သူ ပိုင်တဲ့ ကုမ္ပဏီဝန်ထမ်းက မီတာခတွေ လိမ်ပြီး ထွက်ပြေးသွားလို့ ပြည်သူတွေ နစ်နာ CJ Platform ရှမ်းပြည် တောင်ကြီးမြို့နယ်၊ အေးသာယာမြို့မှာ လျှပ်စစ်ဓာတ်အားဖြန့်ဖြူးရေး (EPC) ဝန်ထမ်းတစ်ဦးက ပြည်သူတွေဆီက မီတာခတွေကို လိမ်လည်ကောက်ခံပြီး ထွက်ပြေးတိမ်းရှောင်သွားတာကြောင့် ဒေသခံပြည်သူ ရာနဲ့ချီကာ ငွေကြေးနစ်နာဆုံးရှုံးမှုတွေ ဖြစ်ပွားနေရတယ်လို့ မြို့ခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-10/

အုပ်စုပထမနဲ့ နောက်တစ်ဆင့်တက်နိုင်ဖို့ ကိုလံဘီယာကို အနိုင်ကစားရမယ့် ပေါ်တူဂီ CJ Platform ၂၀၂၆ ကမ္ဘာ့ဖလားပြိုင်ပွဲ အုပ်စု (K) ရဲ့ နောက်ဆုံးပွဲစဉ်မှာတော့ ပေါ်တူဂီအသင်းဟာ ကိုလံဘီယာအသင်းနဲ့ အုပ်စုပထမနေရာအတွက် အဆုံးအဖြတ်ပွဲစဉ် လွှဲမရှောင်သာ ကစားရတော့မှာ ဖြစ်ပါတယ်။ လက်ရှိအခြေအနေမှာတော့ နှစ်သင်းစလုံးဟာ နောက်တစ်ဆင့်တက်ရောက်ဖို့ သေချာသွားပြီ ဖြစ်ပေမဲ့လည်း၊ အုပ်စုပထမနေရာကို ရယူနိုင်မယ့်အသင်းကသာ ရှုံးထွက်အဆင့်မှာ ပိုမိုချောမွေ့တဲ့ လမ်းကြောင်းကို ရရှိမှာဖြစ်တာကြောင့် ဒီပွဲဟာ နှစ်သင်းစလုံးအတွက် အလွန်အရေးကြီးနေတာ ဖြစ်ပါတယ်။ ပေါ်တူဂီအသင်းဟာ ဒီအုပ်စုအဖွင့်ပွဲစဉ်မှာ ကွန်ဂိုအသင်းနဲ့ သရေကျခဲ့ပေမဲ့လည်း ဒုတိယပွဲစဉ်မှာတော့ ဥဇဘက်ကစ္စတန်အသင်းကို ၅ ဂိုးပြတ်နဲ့ အနိုင်ရရှိခဲ့တာကြောင့် ယုံကြည်မှုအပြည့်အဝနဲ့ ဒီပွဲကို ရင်ဆိုင်ကစားလာဖို့ ရှိနေပါတယ်။ ဘရူနို ဖာနန်ဒက်စ်၊ ဂျာအို နေးဗတ်စ်၊ ခရစ္စတီယာနို ရော်နယ်ဒိုတို့ ရှိနေတဲ့ ပေါ်တူဂီအသင်းရဲ့ တိုက်စစ်ဟာ ပွဲရဲ့အလှည့်အပြောင်းကို အချိန်မရွေး ဖန်တီးနိုင်စွမ်း ရှိနေပြီး အုပ်စုပထမနေရာရရှိရေးအတွက် အစွမ်းကုန် တိုက်ပွဲဝင်သွားမှာ ဖြစ်ပါတယ်။ ကိုလံဘီယာအသင်းဘက်ကို ကြည့်မယ်ဆိုရင်လည်း သူတို့ရဲ့ မာကျောမှုနဲ့ အသင်းလိုက်စုစည်းနိုင်မှု စွမ်းရည်တွေကို ဥဇဘက်ကစ္စတန်၊ ကွန်ဂိုတို့ကို အနိုင်ယူပြခဲ့တဲ့ ပွဲစဉ်တွေမှာ ပြတ်ပြတ်ထင်ထင် တွေ့မြင်ခဲ့ရပြီး ဖြစ်ပါတယ်။ ကိုလံဘီယာအသင်းဟာ အုပ်စုတွင်းမှာလည်း ထိပ်ဆုံးနေရာကနေ ဦးဆောင်နေသလို၊ တိုက်စစ်နဲ့ ကွင်းလယ်ပိုင်း ချိတ်ဆက်မှု အလွန်ကောင်းမွန်တဲ့ အသင်းဖြစ်တာကြောင့် ပေါ်တူဂီအသင်းအတွက် ခက်ခဲတဲ့ စမ်းသပ်မှုတစ်ခု ဖြစ်လာမှာ ကျိန်းသေပါတယ်။ ဒီပွဲမှာ ပေါ်တူဂီအသင်း အနိုင်ရရှိခဲ့မယ်ဆိုရင် အုပ်စုပထမနေရာနဲ့ နောက်တစ်ဆင့် တက်လှမ်းသွားနိုင်မှာဖြစ်ပြီး၊ ရှုံးထွက်အဆင့် ပထမပွဲစဉ်မှာ အုပ်စု (L) ရဲ့ တတိယနေရာရ အသင်းတစ်သင်းနဲ့ ဆုံတွေ့ရဖို့ ရှိနေပါတယ်။ ပွဲကြပ်မှု အနေအထားအရ ကြည့်မယ်ဆိုရင် အုပ်စု (L) က တတိယရမယ့်အသင်းဟာ အင်္ဂလန်၊ ခရိုအေးရှားတို့လို အသင်းကြီးတွေထက် အင်အားအားနည်းနိုင်တာကြောင့် ပေါ်တူဂီအတွက် ပိုမိုအဆင်ပြေတဲ့ လမ်းကြောင်းတစ်ခုလို့ ဆိုနိုင်ပါတယ်။ ဒါပေမဲ့ အုပ်စုဒုတိယနေရာနဲ့သာ တက်ရောက်ရမယ်ဆိုရင်တော့ ပေါ်တူဂီအသင်းအတွက် ပိုမိုခက်ခဲတဲ့ လမ်းကြောင်းကို ရင်ဆိုင်ရမှာဖြစ်ပြီး၊ ရှုံးထွက်အဆင့်မှာ အုပ်စု (L) ရဲ့ ဒုတိယနေရာရအသင်းနဲ့ ထိပ်တိုက်တွေ့ဆုံရဖို့ ရှိနေပါတယ်။ အဆိုပါ ပြိုင်ဘက်ဟာ အင်္ဂလန်၊ ခရိုအေးရှား သို့မဟုတ် ဂါနာတို့ထဲက အသင်းကောင်းတစ်သင်း ဖြစ်လာနိုင်တာ ဖြစ်ပါတယ်။ ဒါတင်မကဘဲ နောက်အဆင့်တွေမှာလည်း စပိန်၊ အာဂျင်တီးနားလိုမျိုး ထိပ်သီးပြိုင်ဘက်ကြီးတွေနဲ့ စောစီးစွာ ဆုံတွေ့ရနိုင်တဲ့ အခြေအနေမျိုး ရှိနေတာကြောင့်၊ ဒီနေ့ည ကိုလံဘီယာနဲ့ ကစားရမယ့်ပွဲဟာ ပေါ်တူဂီအသင်းအတွက် နောက်တစ်ဆင့်တက်ရေးထက် အုပ်စုပထမနေရာကို သိမ်းပိုက်ပြီး ချန်ပီယံဖြစ်ရေး လမ်းကြောင်းကို ပိုမိုချောမွေ့အောင် ဖန်တီးနိုင်ဖို့ အရေးအကြီးဆုံး ပွဲတစ်ပွဲ ဖြစ်လာနေတာ ဖြစ်ပါတယ်။ #CJPlatform #ကမ္ဘာ့ဖလား #ပေါ်တူဂီနှင့်ကိုလံဘီယာ #ရော်နယ်ဒို #နိုင်ငံတကာအားကစား

ဘုရားသုံးဆူမှာ စစ်အုပ်စုသတင်းပေး လူမိုက်ခေါင်းဆောင် အေးကျော် ပစ်ခတ်ခံရပြီး သေဆုံး၊ ဇနီးနှစ်ဦး ဒဏ်ရာရ CJ Platform ကရင်ပြည် ကြာအင်းဆိပ်ကြီးမြို့နယ်၊ ဘုရားသုံးဆူမြို့ရှိ စစ်အုပ်စုရဲ့ အားထားရတဲ့ သတင်းပေးလူမိုက် အေးကျော်နဲ့ သူ့ရဲ့ ဇနီးနှစ်ဦးကို ဒီကနေ့ ဇွန်လ ၂၇ ရက်နေ့ နံနက်ပိုင်းက ဥဒေါင်းကန်စားသောက်ဆိုင် ဈေးတန်းလမ်းမှာ အမည်မသိ အမျိုးသားနှစ်ဦးက သေနတ်နဲ့ ပစ်ခတ်ခဲ့တာကြောင့် အေးကျော် သေဆုံးသွားပြီး ဇနီးဖြစ်သူ နှစ်ဦး သေနတ်ကျည်ထိမှန်ကာ ဒဏ်ရာရရှိသွားတယ်လို့ ဒေသခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2662026-8/

လားရှိုးမှာ အမျိုးသားနှစ်ဦးနဲ့ အမျိုးသမီးတစ်ဦးကို တစ်သောင်းတန် ငွေစက္ကူအတုတွေနဲ့အတူ ဖမ်းမိ CJ Platform စစ်အုပ်စုက ပြန်လည်ထိန်းချုပ်ထားတဲ့ ရှမ်းပြည်နယ်၊ လားရှိုးမြို့မှာ ဇွန် ၂၆ ရက် နေ့လယ်ပိုင်းက အမျိုးသား နှစ်ဦးနဲ့ အမျိုးသမီး တစ်ဦးကို တစ်သောင်းတန် ငွေစက္ကူအတုတွေနဲ့အတူ ဖမ်းဆီးရမိခဲ့တယ်လို့ မြို့ခံတွေဆီကနေ သိရပါတယ်။ မနေ့ နေ့လယ်ပိုင်းအချိန်က လားရှိုးမြို့၊ ရပ်ကွက် (၄)၊ ရေကန်အမှတ် (၇) အနီးမှာ လမ်းလျှောက်လာတဲ့ အမျိုးသားတစ်ဦးကို စစ်ဆေးရာကနေ တစ်သောင်းတန် ငွေစက္ကူအတု ၁၂၅ ရွက်နဲ့အတူ ဖမ်းဆီးရမိခဲ့တာ ဖြစ်တယ်လို့ ဒေသခံတစ်ဦးက CJ Platform ကို ပြောပါတယ်။ "မနေ့က လားရှိုးက ရပ်ကွက် နှစ်ခုမှာ ရှမ်းတရုတ် ၃ ဦးကို တစ်သောင်းတန်အတုတွေနဲ့ မိတာ ဖြစ်ပါတယ်။ တစ်ယောက်က အတုလုပ်တာဖြစ်ပြီး၊ ကျန်တဲ့ နှစ်ယောက်ကတော့ လိုက်လံသုံးစွဲတာ ဖြစ်တယ်" လို့ သူက ပြောပြပါတယ်။ ရပ်ကွက် (၄) မှာ ဖမ်းဆီးရမိတဲ့ အမျိုးသားရဲ့ ထွက်ဆိုဖော်ထုတ်ချက်အရ ရပ်ကွက် (၅) မှာ အမျိုးသား တစ်ဦးနဲ့ အမျိုးသမီး တစ်ဦးတို့ကို ထပ်မံဖမ်းဆီးရမိခဲ့တာ ဖြစ်တယ်လို့ သူက ဆက်ပြောပါတယ်။ လတ်တလောမှာ ပြစ်မှုကျူးလွန်သူ လီရှာအန်း၊ ရွှေထွန်းနဲ့ ဝမ်ကျူးလန် တို့ကို လားရှိုးမြို့မရဲစခန်းက မြန်မာနိုင်ငံတော်ဗဟိုဘဏ်ဥပဒေနဲ့ အမှုဖွင့်လှစ် အရေးယူထားတယ်လို့ သိရပါတယ်။ ဓာတ်ပုံ - Pro/SAC #CJPlatform #ရှမ်းပြည်နယ် #လားရှိုးမြို့ #ငွေစက္ကူအတုဖမ်းဆီးရမိမှု #မှုခင်းသတင်း

ဘားအံမှာ တရုတ်ကျားဖြန့်လုပ်ငန်းတွေကို စစ်အုပ်စုက ဖမ်းဆီးနှိမ်နင်းတာမျိုးမရှိဘဲ လုပ်ကိုင်ခွင့်ရနေ CJ Platform ကရင်ပြည်၊ ဘားအံမြို့မှာ တရုတ်ကျားဖြန့် (အွန်လိုင်းငွေလိမ်) လုပ်ငန်းတွေဟာ ကရင်လက်နက်ကိုင်အဖွဲ့တွေ စီးပွားရေးလုပ်ကိုင်နေတဲ့ ဟိုတယ်တွေ၊ အိမ်ရာဝင်းတွေနဲ့ ခြံဝင်းတွေအတွင်းမှာ တရုတ်နိုင်ငံသားတွေ၊ မြန်မာနိုင်ငံသား အလုပ်သမားတွေနဲ့အတူ ၂၀၂၃ ခုနှစ်ကနေ အခု ၂၀၂၆ ခုနှစ်အထိ ရွှေ့ပြောင်းအခြေချ လုပ်ကိုင်နေကြပေမယ့် စစ်အုပ်စုက ဖမ်းဆီးနှိမ်နင်းတာမျိုး လုံးဝမရှိဘူးလို့ အခြေအနေသိရှိတဲ့ မြို့ခံသတင်းရင်းမြစ်တွေက ပြောပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-7/

စစ်အုပ်စု ပြန်လည်စိုးမိုးပြီးနောက် သင်္ကန်းညီနောင်တစ်ဝိုက်ရှိ ဒူးရင်းသီးစိုက်တောင်သူတွေ အရှုံးပေါ် CJ Platform ကရင်ပြည်၊ မြဝတီမြို့နယ်၊ ကေအဲန်ယူ တပ်မဟာ (၆) နယ်မြေ၊ ဒူးပလာယာခရိုင်၊ သင်္ကန်းညီနောင်မြို့သစ်အနီးရှိ ဒူးရင်းသီး အဓိကစိုက်ပျိုးရာ နို့ဖိုးကျေးရွာတစ်ဝိုက်မှာ စစ်ရေးနဲ့ နိုင်ငံရေးအပြောင်းအလဲတွေကြောင့် ဒေသထွက် ဒူးရင်းသီးစိုက်ပျိုးသူ တောင်သူတွေ အရှုံးပေါ်ကာ စီးပွားရေး အကျပ်အတည်းတွေနဲ့ ရင်ဆိုင်နေရတယ်လို့ ဒေသခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-6/

သွင်းအားစုစရိတ် ကြီးမားမှုကြောင့် ရခိုင်က တောင်သူတွေ လယ်ဧကအနည်းငယ်ကိုသာ စိုက်ပျိုးနိုင် CJ Platform ရခိုင်ပြည်အတွင်းရှိ တောင်သူပြည်သူတွေဟာ သွင်းအားစုစရိတ်တွေ အဆမတန်ကြီးမားနေတာကြောင့် လယ်ဧကအနည်းငယ်ကိုသာ စိုက်ပျိုးနိုင်တော့ကြောင်း တောင်သူတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-5/

ကန်ပက်လက်နဲ့ မင်းတပ်ဒေသခံတွေ အခြေခံစားသောက်ကုန်တွေကို လုံလောက်စွာ မစားသုံးရတဲ့ အခြေနေကို ရင်ဆိုင်နေရ CJ Platform ချင်းပြည်၊ မင်းတပ်မြို့နယ်နဲ့ ကန်ပက်လက်မြို့နယ်မှာရှိတဲ့ ဒေသခံပြည်သူတွေဟာ အခြေခံစားနပ်ရိက္ခာတွေ ဖြစ်ကြတဲ့ ဆီ၊ ဆား၊ ငပိ၊ ဟင်းခတ်မှုန့် စတာတွေကို လုံလောက်စွာ ဝယ်ယူစားသုံးခွင့် မရရှိကြဘူးလို့ ဒေသခံတွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-3/

အချက်အလက်မပြည့်စုံရင် ကောင်စစ်လုပ်ငန်း လုပ်မပေးတော့ဘူးလို့ တောင်ကိုရီးယားနိုင်ငံရှိ စစ်အုပ်စုသံရုံး ခြိမ်းခြောက် CJ Platform လုံခြုံရေးအခြေအနေ စိုးရိမ်ရတာကြောင့် ကိုယ်ရေးအချက်အလက် အပြည့်အစုံ မပေးကြတဲ့သူတွေကို ကောင်စစ်ဆိုင်ရာ လုပ်ငန်းတွေ လုပ်ဆောင်ပေးတော့မှာ မဟုတ်ဘူးလို့ တောင်ကိုရီးယားနိုင်ငံ ဆိုးလ်မြို့ရှိ စစ်အုပ်စုသံရုံးက ဇွန်လ ၂၆ ရက်နေ့မှာ အကျပ်ကိုင် ခြိမ်းခြောက်လိုက်ပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-2/

မြန်မာ့ ပထမဆုံးသမ္မတကြီး စဝ်ရွှေသိုက် မလုပ်ဆောင်နိုင်ခဲ့တဲ့ ငြိမ်းချမ်းရေးကို မိမိအစိုးရလက်ထက်တွင် လုပ်ဆောင်နိုင်ကြောင်း ကိုယ်တိုင်ခန့်သမ္မတပြော CJ Platform မြန်မာနိုင်ငံရဲ့ ပထမဆုံးသမ္မတကြီး စဝ်ရွှေသိုက်ရဲ့ မိန့်ခွန်းနဲ့ နိုင်ငံရေးစနစ် ရွေးချယ်မှုတွေကြောင့် သမိုင်းတစ်လျှောက် လက်နက်ကိုင်လမ်းစဉ်နဲ့ ပဋိပက္ခတွေ ပေါ်ပေါက်ခဲ့ရပေမဲ့၊ မိမိတို့ တာဝန်ယူတဲ့အချိန်မှာ အခုလိုမျိုး ဖြစ်စဉ်တွေ မဖြစ်အောင် ဆင်ခြင်ဆောင်ရွက်နိုင်ပြီး တိုင်းပြည်ငြိမ်းချမ်းအောင် လုပ်ဆောင်နိုင်တယ်လို့ ကိုယ်တိုင်ခန့်သမ္မတ မင်းအောင်လှိုင်က ကိုယ့်ကိုယ်ကိုယ် အမွမ်းတင် ပြောကြားလိုက်ပါတယ်။ Website တွင် ဆက်လက် ဖတ်ရှုရန် >>> https://cjplatform.com/2762026-4/

စောင့်ကြည့်ရမယ့် မုန်တိုင်းငယ် CJ Platform ဒီကနေ့ ဇွန်လ ၂၇ ရက်နေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို တင်ဆက်ပေးသွားပါမယ်။အရင်ဦးဆုံး ကမ္ဘာ့မိုးလေဝသ ခန့်မှန်းမော်ဒယ်တွေမှာ တွေ့ရှိချက်အရ ဘင်္ဂလားပင်လယ်အော်အတွင်း ဇူလိုင်လဆန်းမှာပဲ လေဖိအားနည်း ရပ်ဝန်းတစ်ခု ဖြစ်လာဖို့ ရှိနေပြီး၊ အနောက်တောင် မုတ်သုံလေကတော့ အခု ဇွန်လကုန်ပိုင်းမှာပဲ အားကောင်းကောင်းနဲ့ မြန်မာနိုင်ငံအတွင်း တိုးဝင်လာဖို့ ရှိနေတာကို တွေ့ရပါတယ်။ဘင်္ဂလားပင်လယ်အော်အတွင်း ဖြစ်ပေါ်နိုင်တဲ့ လေဖိအားနည်း ရပ်ဝန်းကို ဥရောပမော်ဒယ် ECMWF ကတော့ အားကောင်းတဲ့ လေဖိအားနည်းရပ်ဝန်း တစ်ခုအဖြစ် ခန့်မှန်းထားပြီး၊ အမေရိကန်မော်ဒယ် GFS ကတော့ မုန်တိုင်းအထိ ခန့်မှန်းထားကာ၊ ဂျာမနီမော်ဒယ်ကတော့ လေဖိအားနည်းရပ်ဝန်း အဆင့်အထိသာ ခန့်မှန်းထားတာကို တွေ့ရပါတယ်။ #CJPlatform #မိုးလေဝသ #WeatherUpdate #မိုးသည်းထန် #ရေကြီးရေလျှံသတိပေးချက် Youtube တွင် ဆက်လက်ကြည့်ရှုရန် >>https://youtu.be/5Vr_cr23Elc