CJ Platform

ဘီးလင်းမြို့နယ် ရေဘေးသင့်ပြည်သူ ၁၆၀၀ ကျော်ရှိပြီး ကယ်ဆယ်ရေးစခန်း ၉ခုထိ ဖွင့်လှစ်ထားရ CJ Platform မွန်ပြည် ဘီးလင်းမြို့နယ်မှာ မိုးသည်းထန်စွာ အဆက်မပြတ် ရွာသွန်းပြီး ဘီးလင်းမြစ်ရေ မြင့်တက်လာမှုနဲ့အတူ တောင်ကျချောင်းရေတွေ ဝင်ရောက်လာမှုကြောင့် ဒေသခံပြည်သူ ၁,၆၀၀ ကျော်ဟာ ကယ်ဆယ်ရေးစခန်း ၉ ခုမှာ အရေးပေါ် ရွှေ့ပြောင်းနေထိုင်နေကြရတယ်လို့ မြို့ခံပြည်သူတွေဆီကနေ သိရပါတယ်။ ပြီးခဲ့တဲ့ ဇူလိုင်လ ၉ ရက်နေ့ကတည်းက မိုးအဆက်မပြတ် သည်းထန်စွာ ရွာသွန်းခဲ့တာကြောင့် ဘီးလင်းမြစ်ရေဟာ စိုးရိမ်ရေမှတ်ထက် ၇ စင်တီမီတာအထိ ကျော်လွန်ရောက်ရှိခဲ့ပြီး မြို့ပေါ်ရပ်ကွက် ၄ ခုနဲ့ ကျေးရွာအုပ်စု ၂ စုအတွင်းမှာ ရေကြီးရေလျှံမှုတွေ ပြင်းထန်စွာ ဖြစ်ပွားခဲ့တာ ဖြစ်တယ်လို့ ကန်သာယာရပ်ကွက်မှာ နေထိုင်သူတစ်ဦးက CJ Platform ကို ပြောပါတယ်။ "မိုးကလည်း အဆက်မပြတ်ရွာ၊ မြစ်ရေကလည်း တရိပ်ရိပ်တက်လာတဲ့အပြင် တောင်ကျချောင်းရေတွေပါ ဝုန်းကနဲ ဝင်ရောက်လာတာ ဖြစ်ပါတယ်။ အဲဒီလိုမျိုး ဖြစ်လို့ နေအိမ်တွေရဲ့ ခါးလယ်လောက်အထိ ရေမြုပ်ကုန်ကြတာပါ။ ကန်သာယာရပ်ကွက်ထဲမှာတင် ရေဘေးသင့်ခဲ့ရတဲ့ အိမ်ထောင်စု ၂၅ စု၊ လူဦးရေ ၁၇၁ ယောက်အထိ ရှိနေပြီး လက်ရှိမှာတော့ မြို့နယ်အားကစားခန်းမထဲဆီမှာ သွားရောက်ခိုလှုံရှောင်နားနေကြရပါတယ်" လို့ သူက ပြောပြပါတယ်။ ယနေ့ ဇူလိုင်လ ၁၂ ရက်နေ့အထိ ရေဘေးဒဏ် ခါးစည်းခံနေကြရတဲ့ အိမ်ထောင်စု ၄၂၇ စုက လူဦးရေ စုစုပေါင်း ၁,၆၂၆ ဦးကို စစ်အုပ်စုဘက်က ကယ်ဆယ်ရေးစခန်း ၉ ခု ဖွင့်လှစ်ပြီး နေရာချထားပေးနေရတယ်လို့ အုပ်ချုပ်ရေးပိုင်းနဲ့ နီးစပ်တဲ့ သတင်းရင်းမြစ်တစ်ခုက CJ Platform ကို ပြောပါတယ်။ "ယခုလိုမျိုး ပုံစံအတိုင်း ရေပြင်က ဆက်တိုက်မြင့်တက်နေမယ်ဆိုရင်တော့ ရန်ကုန် - မော်လမြိုင် ကားလမ်းမကြီးပါ ရေကျော်ပြီး လမ်းပိတ်သွားနိုင်တဲ့ အခြေအနေ ရှိပါတယ်။ လောလောဆယ် မီးသတ်တပ်ဖွဲ့ဝင်တွေနဲ့ ဒေသခံ လူမှုကူညီရေးအဖွဲ့တွေကတော့ အခြေအနေကို မျက်ခြေမပြတ် စောင့်ကြည့်နေကြတာပါ။ ကံကောင်းတာက လက်ရှိအချိန်ထိတော့ ရေဘေးကြောင့် သေဆုံးသူ လုံးဝမရှိသေးပါဘူး" လို့ သူက ဆက်ပြောပါတယ်။ ပြီးခဲ့တဲ့ ဇူလိုင်လ ၁၁ ရက်နေ့ ညနေ ၃ နာရီဝန်းကျင်အချိန်က မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ တိုင်းထွာချက်မှတ်တမ်းတွေအရ ဘီးလင်းမြစ်ရေဟာ ဘီးလင်းမြို့ရဲ့ စိုးရိမ်ရေမှတ်ဆီသို့ ရောက်ရှိနေပြီး၊ နောက်ထပ် ၁ ရက်အတွင်းမှာ ၁ ပေဝန်းကျင်ခန့် ဆက်လက်မြင့်တက်လာနိုင်တာကြောင့် အထူးသတိပြု နေထိုင်ကြဖို့ သတိပေးထုတ်ပြန်ထားတာ ဖြစ်ပါတယ်။ ယခုရက်ပိုင်းအတွင်းမှာ မွန်ပြည်အတွင်းရှိ ဘီးလင်းမြို့နယ်၊ သံဖြူဇရပ်မြို့နယ်၊ မုဒုံမြို့နယ်နဲ့ မော်လမြိုင်မြို့နယ်တွေမှာ မိုးသည်းထန်စွာရွာသွန်းပြီး လေပြင်းတိုက်ခတ်တာတွေအပြင် မြစ်ရေကြီးမှုတွေကြောင့် စုစုပေါင်း ရေဘေးသင့်ပြည်သူ ၄,၀၀၀ နီးပါးအထိ ရှိလာနေပြီ ဖြစ်တယ်လို့ မြေပြင်သတင်း ထုတ်ပြန်ချက်တွေအရ သိရပါတယ်။ ဓာတ်ပုံ - လူမှုကွန်ရက် #CJPlatform #မွန်ပြည် #ဘီးလင်းမြို့နယ် #ရေကြီးရေလျှံမှု #သဘာဝဘေးအန္တရာယ်

မုဒုံမှာ မိုးကြီးပြီး လေပြင်းတိုက်ခတ်ကာ သစ်ပင်ပြိုလဲရာမှ နေအိမ်ပေါ်ကျရောက်ပြီး အဖိုးအို တစ်ဦးနဲ့ ကလေးငယ်တစ်ဦး ဒဏ်ရာရ CJ Platform မွန်ပြည် မုဒုံမြို့နယ်၊ မြို့မ ၄ ရပ်ကွက်မှာ ဒီကနေ့ ဇူလိုင် ၁၂ရက် မနက် ၆ နာရီခွဲဝန်းကျင်အချိန်က မိုးသည်းထန်စွာ ရွာသွန်းပြီး မိုးသက်လေပြင်းတွေ ပြင်းထန်စွာ တိုက်ခတ်ခဲ့တာကြောင့် နေအိမ်ပေါ်ဆီသို့ သစ်ပင်လဲကျပိမိပြီး အသက် ၇၀ အရွယ် အဘိုးအိုတစ်ဦးနဲ့ ၄ နှစ်အရွယ်ရှိ ကလေးငယ်တစ်ဦး ထိခိုက်ဒဏ်ရာရရှိခဲ့ရတဲ့ ဖြစ်စဉ်တစ်ခု ဖြစ်ပွားခဲ့ကြောင်း မြို့ခံပြည်သူတွေဆီကနေ သိရပါတယ်။ ယနေ့နံနက် ၆ နာရီခွဲဝန်းကျင်အချိန်ခန့်က မြို့မ ၄ ရပ်ကွက်အတွင်းရှိ ဝိဇယလမ်းမှာ မိုးသည်းထန်စွာ ရွာသွန်းပြီး ပြည်သူတွေရဲ့ နေအိမ်ပေါ်ဆီသို့ ရေသဖန်းပင်ကြီး လဲကျခဲ့တာကြောင့် အသက် ၇၀ အရွယ် အဘိုးအိုနဲ့ ၄ နှစ်အရွယ် ကလေးငယ်တစ်ဦး ထိခိုက်ဒဏ်ရာ ရရှိခဲ့တာ ဖြစ်တယ်လို့ မြို့ခံပြည်သူတစ်ဦးက CJ Platform ကို ပြောပါတယ်။ "မိုးက အဆက်မပြတ် ဆက်တိုက်ရွာသွန်းနေတော့ ပင်စည်ရဲ့ အမြစ်က မြေကြီးထဲကနေ ကျွတ်ထွက်ပြီး လေပြင်းတိုက်ခတ်တဲ့အချိန် အိမ်ပေါ်ကို ဝုန်းကနဲ ပိကျသွားတာ ဖြစ်ပါတယ်။ အဲဒီလို ပိကျလို့ အသက် ၇၀ အရွယ် အဘိုးအိုနဲ့ အသက် ၄ နှစ်အရွယ် ကလေးငယ် ထိခိုက်ဒဏ်ရာတွေ ရရှိခဲ့တာပါ။ အိမ်ပေါ်ကို ပိကျသွားတဲ့ ရေသဖန်းပင်ကြီးက အမြင့်ပေ ၇၀ ဝန်းကျင်လောက်အထိ ရှိပါတယ်။ လူတွေ အသက်အန္တရာယ် မစိုးရိမ်ရတာပဲ အတော်လေး ကံကောင်းသွားတာပါ" လို့ သူက ပြောပြပါတယ်။ ယခုဖြစ်စဉ်အတွင်း ထိခိုက်ဒဏ်ရာ ရရှိခဲ့ကြသူတွေကတော့ အသက် ၇၀ အရွယ်ရှိ ဦးမောင်ချစ်နဲ့ အသက် ၄ နှစ်အရွယ်ရှိ မောင်ပိုင်စိုးတို့ ဖြစ်ကြပြီး၊ ဒဏ်ရာပြင်းထန်တဲ့ ဦးမောင်ချစ်ကို မော်လမြိုင် ပြည်သူ့ဆေးရုံကြီးသို့ ပို့ဆောင်ထားကာ ကလေးငယ် မောင်ပိုင်စိုးကိုတော့ မုဒုံမြို့နယ် ပြည်သူ့ဆေးရုံမှာ အရေးပေါ် ဆေးကုသမှုတွေ ခံယူစေနေတယ်လို့ သူက ဆက်လက်ပြောပါတယ်။ အဆိုပါ ရေသဖန်းပင်ကြီး လဲကျပြိုလဲမှုကြောင့် ဦးမောင်ချစ်ရဲ့ နေအိမ်အပါအဝင် ဘေးပတ်ဝန်းကျင်က နေအိမ် ၂ လုံး ပျက်စီးဆုံးရှုံးခဲ့ရပြီး၊ မီးသတ်တပ်ဖွဲ့ဝင်တွေနဲ့ ဒေသခံပြည်သူတွေ ပူးပေါင်းကာ အပျက်အစီးတွေကို ဝိုင်းဝန်းဖယ်ရှား ရှင်းလင်းပေးခဲ့ကြတယ်လို့ မြို့ခံတွေဆီကနေ သိရပါတယ်။ ယခုရက်ပိုင်းအတွင်းမှာ မိုးသည်းထန်စွာ အဆက်မပြတ် ရွာသွန်းပြီး လေပြင်းတိုက်ခတ်တာတွေအပြင် မြစ်ရေမြင့်တက်မှုတွေကြောင့် မွန်ပြည်အတွင်းရှိ ဘီးလင်းမြို့နယ်၊ ပေါင်မြို့နယ်နဲ့ သံဖြူဇရပ်မြို့နယ်တွေမှာ ပြည်သူတွေရဲ့ နေအိမ်အလုံးပေါင်း ၂၀၀ ကျော် ရေဘေးလွတ်ရာနေရာတွေဆီသို့ အရေးပေါ် ပြောင်းရွှေ့ခိုလှုံနေကြရတယ်လို့ သိရပါတယ်။ ဓာတ်ပုံ - လူမှုကွန်ရက် #CJPlatform #မွန်ပြည် #မုဒုံမြို့နယ် #လေပြင်းတိုက်ခတ်မှု #သဘာဝဘေးအန္တရာယ်

တစ်ပတ်တာအတွက် မိုးလေဝသခန့်မှန်းချက် အယ်လ်နီညိုအားကောင်းလာလို့ မိုးရွာသွန်းမှု ပြန်လျော့ကျမယ် CJ Platform CJ Platform က အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တစ်ပတ်တာအတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ဒီကနေ့ ဇူလိုင်လ ၁၂ ရက်နေ့ကနေ ဇူလိုင်လ ၁၈ ရက်နေ့အထိ တစ်ပတ်အတွင်း ဖြစ်ပေါ်လာမယ့် မိုးလေဝသ အခြေအနေတွေကို မပြောပြမီ အယ်လ်နီညိုဖြစ်စဉ်ကို အရင်ဆုံး ပြောပြသွားပါမယ်။အမေရိကန် ရာသီဥတု ခန့်မှန်းရေး ဗဟိုဌာန (NOAA) ရဲ့ ထုတ်ပြန်ချက် စာရင်းတွေအရ အယ်လ်နီညို တိုင်းတာတဲ့ အဓိကဇုန်ဖြစ်တဲ့ ပစိဖိတ်သမုဒ္ဒရာ အလယ်ပိုင်းနဲ့ အရှေ့ပိုင်းဒေသ (Niño 3.4 ဇုန်) ရဲ့ ပင်လယ်ရေ မျက်နှာပြင် အပူချိန်ဟာ ပုံမှန်ထက် (+ 1.3 °C) အထိ မြင့်တက်နေတာကို တွေ့ရပါတယ်။ ဒီနှစ်ကုန်ပိုင်းအထိ ပိုမိုအားကောင်းလာဖို့ ၉၇ ရာခိုင်နှုန်း ရှိနေသလို၊ ပြင်းထန်တဲ့ အယ်လ်နီညို ဖြစ်နိုင်ခြေ ၈၁ ရာခိုင်နှုန်းအထိ ရှိနေတာကို တွေ့ရပါတယ်။ #CJPlatform #အယ်လ်နီညို #မိုးခေါင်ရေရှား #ရေကြီးရေလျှံသတိပေးချက် #စစ်တောင်းမြစ်ရေ Youtube တွင် ဆက်လက်ကြည့်ရှုရန် >>https://youtu.be/75hhpVg1Znk

မနက်ဖြန် ဇူလိုင် (၁၂) တနင်္ဂနွေနေ့အတွက် မိုးလေဝသခန့်မှန်းချက် ကမ်းရိုးတန်းတလျှောက် မိုးသက်လေပြင်းကျနိုင်၊ မြစ်ရေကြီးမှုကို အရေးပေါ် ပြင်ဆင်ရန်လို CJ Platform မနက်ဖြန် ဇူလိုင်လ ၁၂ ရက်၊ တနင်္ဂနွေနေ့အတွက် ဖြစ်ပေါ်လာနိုင်တဲ့ မိုးလေဝသ ခန့်မှန်းချက်တွေကို ပြောပြပေးသွားပါတော့မယ်။အိန္ဒိယမိုးလေဝသဌာန (IMD) ရဲ့ ထုတ်ပြန်ချက်အရဆိုရင် ဘင်္ဂလားပင်လယ်အော် အနောက်မြောက်ပိုင်းမှာ ဇူလိုင်လ ဒုတိယပတ်အတွင်း လေဖိအားနည်းရပ်ဝန်းတစ်ခု ထပ်ဖြစ်လာနိုင်သလို၊ ဇူလိုင်လ (၁၄) ရက်နေ့နဲ့ (၁၅) ရက်နေ့ ဝန်းကျင်မှာလည်း အိန္ဒိယနိုင်ငံ ဩရိဿကမ်းခြေအနီးမှာ လေဝဲ (Cyclonic Circulation) အသစ်တစ်ခု စတင် အားကောင်းလာဖို့ ရှိနေပါတယ်။ ဒီလေဝဲစနစ်ဟာ မြန်မာနိုင်ငံအတွင်းကို တိုက်ရိုက် ဦးတည်လာနိုင်ဖို့ မရှိပေမဲ့၊ မုတ်သုံလေကို မြန်မာနိုင်ငံဘက်ကို ဆွဲသွင်းသလို ဖြစ်နိုင်တဲ့အတွက် မြန်မာနိုင်ငံ အနောက်ဘက် ကမ်းရိုးတန်း ဒေသတွေနဲ့ မြန်မာ့ပင်လယ်ပြင်မှာ မိုးသက်လေပြင်းကျတာနဲ့ လှိုင်းလေ ပြန်လည် မြင့်တက်လာနိုင်ပါတယ်။ #CJPlatform #အယ်လ်နီညို #မိုးသည်းထန် #ရေကြီးရေလျှံသတိပေးချက် #စစ်တောင်းမြစ်ရေ Youtube တွင် ဆက်လက်ကြည့်ရှုရန် >>https://youtu.be/95_R7Bf1hSQ

ကံ၊ ဉာဏ်၊ ဝီရိယ အားကောင်းနေတဲ့ အာဂျင်တီးနားတို့ ဆွစ်ဇလန်နဲ့အတွေ့မှာ ကံကောင်းနိုင်ပါဦးမလား CJ Platform အာဂျင်တီးနားအသင်းဟာ ယခုပြိုင်ပွဲတစ်လျှောက်လုံးမှာ ချန်ပီယံအသင်းတစ်သင်းရဲ့ ခြေစွမ်းကောင်းတွေကို ပြသထားသလို၊ ကံတရားရဲ့ မျက်နှာသာပေးမှုကိုလည်း ရရှိခဲ့တယ်လို့ ပြောရင် ငြင်းလို့မရတဲ့ အမှန်တရား ဖြစ်မယ်ထင်ပါတယ်။ ခက်ခဲတဲ့ အချိန်တိုင်းမှာ အခွင့်အရေးတွေက ကိုယ့်ဘက်ကို ရောက်ရှိလာခဲ့သလို၊ ပြိုင်ဘက်အသင်းရဲ့ အမှားအသေးစားလေးတွေကိုလည်း အပြည့်အဝ အကျိုးရှိအောင် အသုံးချနိုင်ခဲ့တာ ဖြစ်ပါတယ်။ ဒါပေမဲ့လည်း ကွာတားဖိုင်နယ်လို အဆင့်မျိုးမှာတော့ ကံတရားတစ်ခုတည်းကိုပဲ ပုံအောအားကိုးလို့ မရတော့ဘဲ၊ စနစ်ကျပြီး စိတ်ရှည်လွန်းတဲ့ ဆွစ်ဇလန်လို အသင်းမျိုးကို ကျော်ဖြတ်နိုင်ဖို့ မြေပြင်က အရည်အသွေးစစ်စစ်တွေ မဖြစ်မနေ လိုအပ်လာပြီ ဖြစ်ပါတယ်။ အာဂျင်တီးနားအသင်းရဲ့ တိုက်စစ်ပိုင်းကို ပြောရမယ်ဆိုရင်တော့ အရာအားလုံးဟာ လီယွန်နယ်မက်ဆီ ဆီကနေပဲ စတင်နေဆဲ ဖြစ်ပါတယ်။ မက်ဆီဟာ ဘောလုံးကို လက်ခံရယူရာကနေတစ်ဆင့် နောက်ဆုံး ဂိုးတွေသွင်းယူတာ၊ ဂိုးဖန်တီးမှုတွေ လုပ်ဆောင်ပေးတာအထိ ပြိုင်ဘက်ခံစစ်ကို အမြဲတမ်း ကြီးမားတဲ့ ဒုက္ခပေးနိုင်သူ ဖြစ်ပါတယ်။ သူ့ကို လူကပ်ပြီး အသေသတ် ထိန်းချုပ်လိုက်ရင်လည်း ကျန်တဲ့အသင်းဖော်တွေအတွက် နေရာလွတ်တွေ ဖန်တီးပေးသွားနိုင်သလို၊ နေရာလွတ် ပေးလိုက်ပြန်ရင်လည်း တစ်ချက်တည်းနဲ့ ပွဲရဲ့ အဖြေကို ရုတ်တရက် ပြောင်းလဲပစ်နိုင်တာ ဖြစ်ပါတယ်။ ဒါကြောင့်မို့လို့ ဆွစ်ဇလန်အသင်းအတွက် အကြီးမားဆုံး စိန်ခေါ်မှုက မက်ဆီကို ကွင်းအတွင်းမှာ ဘယ်လိုမျိုး ထိန်းချုပ်မလဲဆိုတဲ့ အချက်ပဲ ဖြစ်လာပါတယ်။ ဒါပေမဲ့လည်း ဆွစ်ဇလန်အသင်းကတော့ တစ်ဦးချင်း စွမ်းရည်ထက် အသင်းလိုက်စနစ်ကို အဓိကအခြေခံတဲ့ အသင်းဖြစ်တာကြောင့် ကွင်းလယ်ပိုင်းကို စိုးမိုးထိန်းချုပ်ဖို့ ကြိုးစားလာမှာ ဖြစ်ပါတယ်။ စနစ်ကို အားကိုးတဲ့ အသင်းဖြစ်တာကြောင့် မက်ဆီလိုမျိုး ထူးချွန်တဲ့ ကစားသမားကို ဖိအားပေး ထိန်းချုပ်နိုင်စွမ်းလည်း ရှိနေတာပါ။ လူတစ်ယောက်တည်းနဲ့ မက်ဆီကို ထိန်းချုပ်ဖို့ မဖြစ်နိုင်ပေမဲ့လည်း၊ ကွင်းလယ်နဲ့ နောက်တန်းကြားက နေရာလွတ်တွေကို အပိုင်ပိတ်ဆို့နိုင်ခဲ့ရင် အာဂျင်တီးနားရဲ့ တိုက်စစ်အရှိန်အဟုန်ကို သိသိသာသာ လျှော့ချနိုင်မယ့် အလားအလာ ရှိနေမှာ ဖြစ်ပါတယ်။ တစ်ဖက်မှာတော့ အာဂျင်တီးနားရဲ့ နောက်တန်းက ယခင်ပွဲစဉ်တွေမှာ မေးခွန်းထုတ်စရာတွေ ပိုပြီး များပြားလာတာကို တွေ့ရပါတယ်။ ဖိအား မြင့်မားလာတဲ့ အချိန်တိုင်းမှာ နေရာယူပုံ အမှားတွေနဲ့ တန်ပြန်တိုက်စစ်တွေကို ကာကွယ်တဲ့နေရာမှာ နှေးကွေးမှုတွေ ရှိလာတာ ဖြစ်ပါတယ်။ ပြိုင်ဘက်ကို ဂိုးပေါက်ကန်သွင်းခွင့် အခွင့်အရေးတွေ အများကြီး ပေးနေရတဲ့ အချက်က ကွာတားဖိုင်နယ်လို ပွဲမျိုးမှာ အန္တရာယ် အလွန်ကြီးမားတဲ့ အားနည်းချက်တစ်ခု ဖြစ်လာနိုင်ပါတယ်။ ဆွစ်ဇလန်အသင်းက အခွင့်အရေး နည်းနည်းလေး ရရင်တောင် အကျိုးရှိအောင် အပိုင်အဆုံးသတ်တတ်တဲ့ အသင်းဖြစ်လို့ အာဂျင်တီးနား ခံစစ်ပိုင်းအနေနဲ့ လုံးဝအမှားခံလို့ မရတော့တာ ဖြစ်ပါတယ်။ နည်းစနစ်ပိုင်းအရ ကြည့်ရင်တော့ ယခုပွဲစဉ်ဟာ ဘောလုံးပိုင်ဆိုင်မှုနဲ့ တန်ပြန်တိုက်စစ်ကြားက ပြင်းထန်တဲ့ အားပြိုင်မှုတစ်ခု ဖြစ်လာနိုင်ပြီး၊ အာဂျင်တီးနားက ဘောလုံးကို အသာစီး ထိန်းကစားပြီး မက်ဆီကို ဗဟိုပြုကာ တိုက်စစ်ဆင်လာမှာ ဖြစ်သလို၊ ဆွစ်ဇလန်ကတော့ ခံစစ်ကို ကျစ်ကျစ်လျစ်လျစ်နဲ့ စိတ်ရှည်လက်ရှည် စောင့်ဆိုင်းပြီးမှ ပြန်လည်ထိုးဖောက်ဖို့ ကြိုးစားလာနိုင်ပါတယ်။ အာဂျင်တီးနားအသင်းအတွက် အနိုင်ရရှိဖို့ဆိုရင် မက်ဆီရဲ့ မှော်ဆန်တဲ့ စွမ်းဆောင်ရည်တွေအပြင် ခံစစ်ပိုင်းက အမှားအယွင်းတွေကို လျှော့ချနိုင်ဖို့လည်း မဖြစ်မနေ လိုအပ်မှာ ဖြစ်ပါတယ်။ ကံ၊ ဉာဏ်၊ ဝီရိယ သုံးခုလုံး အားကောင်းနေတဲ့ အာဂျင်တီးနားတို့ ယခုတစ်ကြိမ်မှာလည်း ကံတရားရဲ့ မျက်နှာသာပေးမှုကို ဆက်လက်ရရှိသွားမလား၊ ဒါမှမဟုတ် စနစ်တကျ တိုက်ပွဲဝင်မယ့် ဆွစ်ဇလန်ကပဲ အံ့အားသင့်စရာ ရလဒ်ကောင်းတစ်ခုကို ဖန်တီးပြသွားမလားဆိုတာ စောင့်ကြည့်ရမယ့် ပွဲကောင်းတစ်ပွဲ ဖြစ်လာတော့မှာ ဖြစ်ပါတယ်။ #CJPlatform #ကမ္ဘာ့ဖလား #အာဂျင်တီးနား #ဆွစ်ဇလန် #လီယွန်နယ်မက်ဆီ #အားကစားသတင်း

ရန်ကုန်ဘူတာကြီးမှာ မိဘနဲ့ကွဲကွာသွားပြီး တစ်နှစ်ကျော်ကြာ လမ်းမထက် လေလွင့်ဖိနှိပ် ခံခဲ့ရသူ ကလေးငယ် မိဘတွေနဲ့ ပြန်လည်ပေါင်းစည်း CJ Platform ရန်ကုန်ဘူတာကြီးမှာ ပြီးခဲ့တဲ့ ၂၀၂၅ ခုနှစ်တုန်းက ပျောက်ဆုံးသွားခဲ့တဲ့ အသက် ၉ နှစ်အရွယ် မောင်အောင်မင်းခန့်ကို လူမှုကူညီရေးအသင်းတွေက ကူညီကယ်တင်ထားပေးခဲ့ပြီး၊ ဖခင်ဖြစ်သူထံသို့ ပြီးခဲ့တဲ့ ဇူလိုင်လ ၉ ရက်နေ့က အေးချမ်းစွာ ပြန်လည်အပ်နှံပေးလိုက်ပြီ ဖြစ်ကြောင်း သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/1172026-6/

အောင်ပန်းမှာ လမ်းဘေးရပ်ထားတဲ့ ၁၂ ဘီးကားကို ဝင်တိုက်မိတဲ့ အမျိုးသားတစ်ဦး သေဆုံး CJ Platform ရှမ်းပြည်တောင်ပိုင်း၊ အောင်ပန်းမြို့၊ ညောင်ပင်ထောင်ရပ်ကွက်မှာ ဇူလိုင် ၁၁ရက် မနက် ၄ နာရီခွဲဝန်းကျင်အချိန်က လမ်းဘေးမှာ ရပ်တန့်ထားတဲ့ ၁၂ ဘီး ကုန်တင်ကားကြီးကို ဆိုင်ကယ်တစ်စီးက နောက်ကနေ ဝင်ရောက်တိုက်မိတာကြောင့် ဆိုင်ကယ်မောင်းနှင်သူ စက်သုံးဆီဆိုင် အရောင်းဝန်ထမ်း အမျိုးသားတစ်ဦး သေဆုံးသွားခဲ့တယ်လို့ ဒေသခံတွေဆီက သိရပါတယ်။ ဒီကနေ့နံနက် ၄ နာရီဝန်းကျင်အချိန်ခန့်က စက်သုံးဆီဆိုင်ဆီသို့ အလုပ်ဆင်းဖို့ လာရောက်ခဲ့တဲ့ အဆိုပါ အရောင်းဝန်ထမ်းအမျိုးသားဟာ ပြည်ထောင်စုလမ်းမကြီးဘေးမှာ ရပ်ထားတဲ့ ကုန်တင်ကားကြီးကို ဆိုင်ကယ်နဲ့ အရှိန်လွန် ဝင်ရောက်တိုက်မိပြီး သေဆုံးခဲ့တာ ဖြစ်တယ်လို့ ဒေသခံပြည်သူတစ်ဦးက CJ Platform ကို ပြောပါတယ်။ "ဆိုင်ကယ်က အရှိန်လွန်ပြီးတော့ လမ်းဘေးမှာ ရပ်ထားတဲ့ ၁၂ ဘီးကားကြီးကို အနောက်ကနေ ဝုန်းကနဲ ဝင်တိုက်မိတာ ဖြစ်ပါတယ်။ တိုက်မိတဲ့ အရှိန်ကြောင့် အခင်းဖြစ်ပွားရာ နေရာမှာတင် ပွဲချင်းပြီး သေဆုံးသွားခဲ့ရတာပါ။ သေဆုံးသွားတဲ့သူက ဒေသတွင်း ဆီဆိုင်တစ်ဆိုင်မှာ အရောင်းဝန်ထမ်းအဖြစ် လုပ်ကိုင်နေသူလို့ သိရပါတယ်" လို့ သူက ပြောပြပါတယ်။ သေဆုံးသူရဲ့ ရုပ်အလောင်းကို "မဟာ" လူမှုကူညီရေးအသင်းကတစ်ဆင့် အောင်ပန်းတိုက်နယ် ပြည်သူ့ဆေးရုံကြီးဆီသို့ အရေးပေါ် ကူညီပို့ဆောင်ပေးခဲ့ကြပါတယ်။ လတ်တလောမှာတော့ ဖြစ်စဉ်အတွင်း သေဆုံးသွားခဲ့ရတဲ့ ဆိုင်ကယ်မောင်းနှင်သူ အမျိုးသားကို အောင်ပန်းနယ်မြေရဲစခန်းကနေ (ပ) ၅၆ / ၂၀၂၆၊ လူသေမှုပုဒ်မ ၃၀၄-က နဲ့ ယာဉ်မဆင်မခြင်မောင်းနှင်မှု ပုဒ်မ ၂၇၉ တို့နဲ့ အမှုဖွင့်လှစ်ကာ နောက်ဆက်တွဲ ကိစ္စရပ်တွေကို ဆက်လက်စုံစမ်းစစ်ဆေး ဆောင်ရွက်နေတယ်လို့ သိရပါတယ်။ လွန်ခဲ့တဲ့ မတ်လ ၁၃ ရက်နေ့တုန်းကလည်း အောင်ပန်းမြို့အဝင်မှာ ယာဉ်နှစ်စီး မျက်နှာချင်းဆိုင် ပြင်းပြင်းထန်ထန် တိုက်မိခဲ့ကြတာကြောင့် အမျိုးသားတစ်ဦး အသက်ဆုံးရှုံးခဲ့ရပြီး၊ ကျန်ရှိတဲ့ ပြည်သူ ၁၃ ဦး ထိခိုက်ဒဏ်ရာ ရရှိခဲ့တဲ့ ယာဉ်တိုက်မှုဖြစ်စဉ်လည်း ရှိခဲ့ဖူးပါတယ်။ ဓာတ်ပုံ - လူမှုကွန်ရက် #CJPlatform #ရှမ်းပြည် #အောင်ပန်းမြို့ #ယာဉ်တိုက်မှုဖြစ်စဉ် #ဒေသတွင်းသတင်း

ဗိုက်ကင်း တွေကို အင်္ဂလန်အသင်း ရပ်တန့်နိုင်မလား CJ Platform ကမ္ဘာ့ဖလား ကွာတားဖိုင်နယ်အဆင့်ရဲ့ စိတ်လှုပ်ရှားစရာ နောက်ထပ် ပွဲစဉ်တစ်ပုဒ်အနေနဲ့ ဘောလုံးလောကရဲ့ ထိပ်သီးအသင်းကြီး ဖြစ်တဲ့ အင်္ဂလန်အသင်းနဲ့ နော်ဝေအသင်းတို့ ထိပ်တိုက်တွေ့ဆုံကြတော့မှာ ဖြစ်ပါတယ်။ ဘရာဇီးလ်လိုမျိုး အင်အားကြီး ထိပ်တန်းအသင်းကိုတောင် ပြိုင်ပွဲကနေ ဖြုတ်ချနိုင်ခဲ့တဲ့ ဗိုက်ကင်း (Viking) တို့ရဲ့ လက်ရှိစွမ်းဆောင်ရည်ကို ကြည့်ရင်တော့ သူတို့ဟာ ကံကောင်းလို့ ယခုအဆင့်ကို ရောက်ရှိလာတာ မဟုတ်ဘဲ၊ မြေပြင်က အရည်အသွေးအစစ်အမှန်နဲ့ တက်လှမ်းလာတာ ဖြစ်တယ်ဆိုတာကို သက်သေပြထားပြီးသား ဖြစ်ပါတယ်။ အင်္ဂလန်အသင်း အနေနဲ့လည်း နော်ဝေအသင်းကို အနည်းငယ်လေးတောင် လျှော့တွက်မိရင် ပြိုင်ပွဲကနေ လက်ပြနှုတ်ဆက် ထွက်ခွာရနိုင်တဲ့အထိ ကြီးမားတဲ့ ဘေးအန္တရာယ်နဲ့ ရင်ဆိုင်ရမှာပဲ ဖြစ်ပါတယ်။ နော်ဝေအသင်းရဲ့ အကြီးမားဆုံး အားသာချက်ကတော့ တိုက်စစ်ပိုင်းမှာ အာလင်း ဟာလန်းနဲ့ ကွင်းလယ်ပိုင်းမှာ မာတင် အိုဒီဂတ်တို့ရဲ့ အပေးအယူ မျှမျှတတ ချိတ်ဆက်ကစားပုံ ဖြစ်ပါတယ်။ အိုဒီဂတ်ရဲ့ ဖန်တီးနိုင်စွမ်းတွေနဲ့ ဘောလုံးကို ထိန်းချုပ်မောင်းနှင်နိုင်စွမ်းတွေက ဟာလန်းအတွက် ဂိုးသွင်းခွင့်တွေကို အဆက်မပြတ် ဖန်တီး အထောက်အကူ ဖြစ်စေတာပါ။ ဟာလန်းကလည်း အခွင့်အရေး တစ်ကြိမ်တစ်ခါရရုံနဲ့တင် တစ်ဂိုးအဖြစ် ပြောင်းလဲပစ်နိုင်တဲ့ ထူးချွန်တဲ့ တိုက်စစ်မှူး ဖြစ်တာကြောင့် အင်္ဂလန်ခံစစ် အနေနဲ့ မိနစ် ကိုးဆယ်လုံးလုံး အာရုံစူးစိုက်မှုကို အပြည့်အဝ ထိန်းထားရမှာ ဖြစ်ပါတယ်။ တစ်ဖက်မှာတော့ အင်္ဂလန်အသင်းဟာလည်း ဟယ်ရီကိန်းကို ဗဟိုပြုပြီး တိုက်စစ်ပိုင်းကို အကောင်းဆုံး ဦးဆောင်လာစေမှာ ဖြစ်ပါတယ်။ ကိန်းရဲ့ အတွေ့အကြုံ ရင့်ကျက်မှု၊ ဂိုးသွင်းနိုင်စွမ်းနဲ့ အသင်းဖော်တွေကို ကစားကွက်အတွင်းဆီ ဆွဲခေါ်နိုင်စွမ်းတွေက အင်္ဂလန်အသင်းရဲ့ အဓိက လက်နက်ကြီး ဖြစ်နေဆဲ ဖြစ်ပါတယ်။ ဒါကြောင့်မို့လို့ ယခုပွဲစဉ်ဟာ ဟာလန်းနဲ့ ဟယ်ရီကိန်းဆိုတဲ့ ကမ္ဘာ့အဆင့် အကောင်းဆုံး တိုက်စစ်မှူးနှစ်ဦးရဲ့ ထိပ်တိုက် အားပြိုင်မှုလည်း ဖြစ်လာနိုင်ပြီး၊ ဘယ်သူက အခွင့်အရေးကို ပိုမိုအသုံးချနိုင်မလဲ ဆိုတာက ပွဲရဲ့ ရလဒ်ကို အဓိက အဆုံးအဖြတ် ပေးသွားမှာ ဖြစ်ပါတယ်။ ဒါပေမဲ့လည်း အင်္ဂလန်အသင်းရဲ့ ခံစစ်ပိုင်းကတော့ ယခုပြိုင်ပွဲအတွင်းမှာ အပြည့်အဝ ယုံကြည်စိတ်ချရတဲ့ အခြေအနေမျိုးကို မပြသနိုင်သေးဘဲ၊ နောက်တန်းမှာ နေရာလွတ်တွေ ပေးတတ်တာနဲ့ တန်ပြန်တိုက်စစ်တွေကို အမြန်မတုံ့ပြန်နိုင်တာတွေက နော်ဝေလိုမျိုး မြန်နှုန်းမြင့် တိုက်စစ်ဆင်နိုင်တဲ့ အသင်းအတွက် အခွင့်အရေးကောင်းတွေ ဖြစ်လာနိုင်ပါတယ်။ အထူးသဖြင့် ဟာလန်းကို ဂိုးဧရိယာအတွင်းမှာ နေရာလွတ် ပေးလိုက်တာနဲ့တင် အင်္ဂလန်အသင်းဘက် ဂိုးပေးရဖို့ အလားအလာ အလွန် မြင့်မားသွားစေမှာ ဖြစ်ပါတယ်။ နည်းစနစ်ပိုင်းအရ ကြည့်မယ်ဆိုရင် အင်္ဂလန်အသင်းက ဘောလုံးပိုင်ဆိုင်မှုကို အဓိက အားပြုပြီး ပွဲကို စိုးမိုးထိန်းချုပ်ဖို့ ကြိုးစားလာမှာ ဖြစ်သလို၊ နော်ဝေအသင်းကတော့ ခံစစ်ကို ကျစ်ကျစ်လျစ်လျစ်နဲ့ ကစားပြီး ဘောလုံးရတာနဲ့တစ်ပြိုင်နက် ဟာလန်းဆီကို တိုက်ရိုက် ပေးပို့ရှာဖွေမယ့် ပုံစံမျိုးကို အသုံးပြုလာနိုင်ပါတယ်။ အိုဒီဂတ်ရဲ့ အမြင်ကျယ်တဲ့ ပေးပို့ဖန်တီးမှုတွေနဲ့ ဟာလန်းရဲ့ အဆုံးသတ် သေချာမှုတွေက အင်္ဂလန်အသင်းအတွက် အကြီးမားဆုံး စိုးရိမ်စရာ ဖြစ်နေမှာ သေချာပါတယ်။ ဒီပွဲဟာ အင်္ဂလန်အသင်းအတွက် အလွယ်တကူ အနိုင်ရမယ့် ပွဲမျိုး လုံးဝမဟုတ်ဘဲ ဗိုက်ကင်းတွေဟာ ယခုပြိုင်ပွဲမှာ ထိပ်သီးအသင်းကြီးတွေကို ကြောက်ရွံ့ခြင်း မရှိဘဲ ရင်ဆိုင်ပြနေသလို၊ နောက်ထပ် အံ့အားသင့်စရာ ရလဒ်တစ်ခုကို ဖန်တီးဖို့အတွက်လည်း အသင့်ရှိနေကြတာပါ။ အင်္ဂလန်အသင်းအနေနဲ့ ဆီမီးဖိုင်နယ် အဆင့်ဆီကို တက်လှမ်းချင်တယ် ဆိုရင်တော့ ဟာလန်းနဲ့ အိုဒီဂတ်တို့ကို အပိုင် ထိန်းချုပ်နိုင်ဖို့ လိုအပ်သလို၊ ရရှိလာတဲ့ အခွင့်အရေး တိုင်းမှာလည်း အမှားအယွင်းမရှိ အသုံးချနိုင်ဖို့ လိုအပ်ပါလိမ့်မယ်။ ဒီညပွဲစဉ်ကတော့ ကမ္ဘာ့အကောင်းဆုံး တိုက်စစ်မှူးနှစ်ဦးရဲ့ ပြင်းထန်တဲ့ အားပြိုင်မှုနဲ့အတူ ဘောလုံးပရိသတ်တွေကို စိတ်လှုပ်ရှားမှု ရင်ခုန်သံအပြည့် ပေးစွမ်းမယ့် ပွဲကောင်းတစ်ပွဲ ဖြစ်လာမှာ သေချာပါတယ်။ #CJPlatform #ကမ္ဘာ့ဖလား #အင်္ဂလန်အသင်း #နော်ဝေအသင်း #ဟာလန်းနှင့်ဟယ်ရီကိန်း #အားကစားသတင်း

မော်လမြိုင် လေယာဉ်ကွင်းအနီးမှာ ထိုးသွင်းဒဏ်ရာတွေနဲ့ သေဆုံးနေတဲ့ အမည်မသိ အမျိုးသာအလောင်း တွေ့ရှိ CJ Platform မွန်ပြည် မော်လမြိုင်မြို့နယ်၊ လေယာဉ်ကွင်းဘေးလမ်း တောင်ဝိုင်းပတ်လမ်းပေါ်မှာ ပြီးခဲ့တဲ့ ဇူလိုင် ၁၀ ရက်နေ့ ည ၇ နာရီခွဲဝန်းကျင်အချိန်က ဒဏ်ရာတွေနဲ့ သေဆုံးနေတဲ့ အမျိုးသားတစ်ဦးရဲ့ ရုပ်အလောင်းကို တွေ့ရှိခဲ့တယ်လို့ ဒေသခံတွေဆီ သိရပါတယ်။ မနေ့ည ၇ နာရီခွဲဝန်းကျင်အချိန်ခန့်က တောင်ဝိုင်းပတ်လမ်းပေါ်မှာ ခန္ဓာကိုယ်အနှံ့ ထိုးသွင်းဒဏ်ရာတွေ ရရှိကာ သေဆုံးနေတဲ့ အမျိုးသားတစ်ဦးကို လမ်းသွားလမ်းလာတွေက စတင်တွေ့ရှိခဲ့ကြပြီး၊ သက်ဆိုင်ရာ ရဲစခန်းဆီသို့ အကြောင်းကြားခဲ့ကြတာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။ "ခန္ဓာကိုယ်အနှံ့မှာ ထိုးသွင်းဒဏ်ရာတွေအများကြီးနဲ့ သေဆုံးနေတာ ဖြစ်ပါတယ်။ အဲဒီလိုမျိုးဆိုတော့ လုယက်သတ်ဖြတ်ခံထားရတဲ့ အနေအထားမျိုးပါပဲ။ လောလောဆယ် ရဲဘက်ကနေ မြေပြင်စစ်ဆေးမှုတွေ လုပ်ဆောင်နေပါတယ်" လို့ သူက ပြောပြပါတယ်။ အဆိုပါ သေဆုံးသူရဲ့ ရုပ်အလောင်းကို ဒေသခံလူမှုကူညီရေးအသင်းတွေကတစ်ဆင့် မော်လမြိုင် ပြည်သူ့ဆေးရုံကြီးသို့ ပို့ဆောင်ပေးခဲ့ကြပြီး၊ ရဲစခန်းဘက်ကနေ ကျန်ရစ်သူမိသားစုတွေနဲ့ ဆက်သွယ်နိုင်ဖို့အတွက် သေဆုံးသူ ဘယ်သူဘယ်ဝါဖြစ်တယ်ဆိုတာကို ဆက်လက်စုံစမ်းစစ်ဆေးနေတယ်လို့ သူက ဆက်ပြောပါတယ်။ ဖြစ်စဉ်နဲ့ ပတ်သက်ပြီး မော်လမြိုင်မြို့မရဲစခန်းကနေ လူသတ်မှု ပုဒ်မ ၃၀၂ နဲ့ အမှုဖွင့် အရေးယူထားသော်လည်း၊ လက်ရှိအချိန်ထိ ပြစ်မှုကျူးလွန်သူကို ဖမ်းဆီးရမိခြင်း မရှိသေးဘူးလို့ ကူညီပေးနေသူတွေဆီကနေ သိရပါတယ်။ ပြီးခဲ့တဲ့ ဇူလိုင်လ ၂ ရက်နေ့ နံနက် ၆ နာရီဝန်းကျင်အချိန်တုန်းကလည်း မော်လမြိုင်မြို့၊ ချစ်သူလမ်းကြား လမ်းဘေးမှာ ဆိုင်ကယ်ကယ်ရီမောင်းနှင်သူတစ်ဦးကို သတ်ဖြတ်ပြီး ဆိုင်ကယ်လုယက်ယူဆောင်သွားခဲ့တဲ့ ဖြစ်စဉ်တစ်ခုလည်း ရှိခဲ့ဖူးပါတယ်။ ဓာတ်ပုံ - လူမှုကွန်ရက် #CJPlatform #မွန်ပြည် #မော်လမြိုင်မြို့နယ် #လုယက်သတ်ဖြတ်မှု #ဒေသတွင်းသတင်း

တိုက်ကြီးမှာ နေအိမ်ကနေ ပျောက်ဆုံးသွားတဲ့ အသက် ၈၀ ကျော် အဘိုးအိုကို ရေနစ်သေဆုံးနေတဲ့ ပုံစံနဲ့ ပြန်တွေ့ CJ Platform ရန်ကုန်တိုင်း၊ တိုက်ကြီးမြို့နယ်အတွင်းရှိ ဖလုံဘူတာအုပ်စု၊ ဘူတာရပ်ကွက်မှာ ပြီးခဲ့တဲ့ ဇူလိုင်လ ၁၀ ရက်နေ့ ညနေ ၅ နာရီဝန်းကျင်အချိန်က အသက် ၈၀ ကျော်အရွယ် အဘိုးအိုတစ်ဦး ရေနစ်သေဆုံးခဲ့ရတဲ့ ဖြစ်စဉ်တစ်ခု ဖြစ်ပွားခဲ့ကြောင်း မြို့ခံပြည်သူတွေဆီကနေ သိရပါတယ်။ မနေ့ညနေ ၅ နာရီဝန်းကျင်အချိန်ခန့်က ဖလုံဘူတာလမ်းဘေးက ရေကန်ပျက်ကြီးထဲမှာ အသက် ၈၀ ကျော်အရွယ် အမျိုးသားတစ်ဦးရဲ့ ရုပ်အလောင်းကို တွေ့ရှိခဲ့ကြတာ ဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။ "သေဆုံးသွားတဲ့ အဘိုးက အိမ်ကနေ အဲဒီလိုမျိုး ခဏခဏ ထွက်သွားလေ့ ရှိပါတယ်။ အခုလည်း အိမ်ကနေ ပျောက်ဆုံးနေတာ ၃ ရက်ဝန်းကျင်လောက် ရှိနေပါပြီ။ ပြန်လည်တွေ့ရှိရတဲ့ အချိန်မှာတော့ ရေကန်ပျက်ကြီးထဲမှာ သေဆုံးနေတဲ့ ပုံစံမျိုးနဲ့ ပြန်တွေ့ခဲ့ရတာ ဖြစ်ပါတယ်" လို့ သူက ပြောပြပါတယ်။ ရေနစ်သေဆုံးခဲ့သူမှာ အသက် ၈၀ ကျော်အရွယ်ရှိပြီဖြစ်တဲ့ ဦးထွန်းရှင် ဖြစ်ပြီး ဖလုံဘူတာရပ်ကွက်ထဲမှာ နေထိုင်ကာ ပြီးခဲ့တဲ့ ဇူလိုင်လ ၈ ရက်နေ့ကတည်းက နေအိမ်ကနေ စတင်ပျောက်ဆုံးနေခဲ့တာ ဖြစ်တယ်လို့ သူက ဆက်လက်ပြောပါတယ်။ သေဆုံးသူရဲ့ ရုပ်အလောင်းကို အလင်းစက် လူမှုကူညီရေးအသင်းကတစ်ဆင့် တိုက်ကြီးမြို့နယ် ပြည်သူ့ဆေးရုံကြီးသို့ အရေးပေါ် ပို့ဆောင်ပေးခဲ့ပြီး၊ လက်ရှိမှာ တိုက်ကြီးမြို့မရဲစခန်းကနေ သေမှုသေခင်း ဖွင့်လှစ်ကာ ဆက်လက်စုံစမ်းစစ်ဆေးနေတယ်လို့ ဒေသခံပြည်သူတွေဆီကနေ သိရပါတယ်။ လွန်ခဲ့တဲ့ ၂၀၂၅ ခုနှစ် မတ်လ ၃ ရက်နေ့တုန်းကလည်း တိုက်ကြီးမြို့နယ်၊ ဥက္ကံမြို့ပေါ်မှာ အမျိုးသားတစ်ဦး ရေနစ်သေဆုံးခဲ့ရတဲ့ စိတ်မကောင်းဖွယ် ဖြစ်စဉ်တစ်ခုလည်း ရှိခဲ့ဖူးပါတယ်။ ဓာတ်ပုံ - လူမှုကွန်ရက် #CJPlatform #ရန်ကုန်တိုင်း #တိုက်ကြီးမြို့နယ် #ရေနစ်သေဆုံးမှု #ဒေသတွင်းသတင်း

မိုးကြီးခြင်းကြောင့် အိန္ဒိယ-ရခိုင် ကုန်စည်စီးဆင်းမှု ထိခိုက် CJ Platform ရခိုင်ပြည်အတွင်းရှိ ပလက်ဝမြို့နယ်နဲ့ အိန္ဒိယနယ်စပ်ဒေသတွေမှာ မိုးအဆက်မပြတ် သည်းထန်စွာရွာသွန်းခြင်းကြောင့် ရေကြီးရေလျှံမှုတွေ ဖြစ်ပွားနေပြီး၊ ရခိုင်ဘက်ဆီသို့ ကုန်စည်စီးဆင်းမှုတွေ ပြတ်တောက်ထိခိုက်နေကြောင်း ဒေသတွင်း ကုန်သည်တွေဆီကနေ သိရပါတယ်။ Website တွင် ဆက်လက် ဖတ်ရှုရန် >>> https://cjplatform.com/1162026-9/

ချောက်မြို့နယ်တိုက်ပွဲမှာ ကျဆုံးခဲ့တဲ့ ရဲဘော် ၂၀ ဦးအနက် ၁၇ ဦးဟာ စာသင်ကျောင်းအတွင်း နှိပ်စက်သတ်ဖြတ်ခံရခြင်းဖြစ် CJ Platform မကွေးတိုင်း၊ ချောက်မြို့နယ်အတွင်း ဖြစ်ပွားခဲ့တဲ့ တိုက်ပွဲမှာ ကျဆုံးခဲ့ရတဲ့ တော်လှန်ရေးရဲဘော် ၂၀ ဦးအနက် ဖမ်းဆီးခံခဲ့ရတဲ့ ရဲဘော် ၁၇ ဦးကို စစ်အုပ်စုတပ်ဖွဲ့ဝင်တွေက တောင်သာ (တောင်) ရွာ စာသင်ကျောင်းအတွင်းမှာ ရက်စက်စွာ နှိပ်စက်ညှဉ်းပန်းပြီး အစုလိုက်အပြုံလိုက် ပစ်သတ်ခဲ့ကြောင်း အနောက်မြောက်ဒေသ ပြည်သူ့ကာကွယ်ရေးတပ်ဖွဲ့က သတင်းထုတ်ပြန်ထားပါတယ်။ Website တွင် ဆက်လက် ဖတ်ရှုရန် >>> https://cjplatform.com/1172026-5/

ဧရာဝတီနဲ့ ချင်းတွင်းမြစ်အပါအဝင် မြစ်ကြီးအချို့မှာ မြစ်ရေဆက်တက်နိုင်ကြောင်း မိုးဇလသတိပေး CJ Platform လာမယ့် ဇူလိုင်လ ဒုတိယပတ် (၁၀) ရက်တာကာလအတွင်း ဧရာဝတီမြစ်နဲ့ ချင်းတွင်းမြစ် အပါအဝင် မြန်မာနိုင်ငံတစ်ဝန်းမှာရှိတဲ့ မြစ်ကြီးတွေမှာ လက်ရှိရေအမှတ်ထက် ၂ ပေကနေ ၉ ပေခန့်အထိ သိသိသာသာ မြင့်တက်လာနိုင်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ (ဇူလိုင်လ ၁၁ ရက်) နေ့စွဲနဲ့ သတိပေးထုတ်ပြန်ထားပါတယ်။ Website တွင် ဆက်လက် ဖတ်ရှုရန် >>> https://cjplatform.com/1172026-4/