Rost24 | Расмий канал

⚡️Олийгоҳ битирувчиларнинг 83 фоизи иш билан банд Ўзбекистонда олийгоҳни тамомлаган битирувчиларнинг 83 фоизи иш билан банд. Бу ҳақда Таълим сифатини таъминлаш миллий агентлиги ишлаб чиққан “Битирувчилар сифати индекси” (БСИ) платформасида маълумот берилди. Айтилишича, таҳлилда 170 та олий таълим ташкилотининг 249 минг 432 нафар битирувчисининг меҳнат бозоридаги натижалари ўрганилган. Мазкур битурувчиларнинг 206 минг 951 нафари (83 фоизи) иш билан банд экани кўрсатилган. Ўз навбатида битирувчиларнинг 41 минг 6 нафари ишсизлиги, 1 минг 316 (0,5 фоиз) нафари хорижликлар экани, 159 нафари (0,1 фоиз) вафот этгани кўрсатилган. Шунингдек, битирувчиларнинг 19 минг 314 (7,7 фоиз) нафари таълимни давом эттирмоқда, яна 48 минг 125 (19,3 фоиз) нафари бола парваришлаш таътилига чиққан. 📱 ROST24.uz 📱Telegram📱Facebook 📱Instagram📱YouTube

⚡️Энди олий маълумотли ҳамшираларга устама тўланади Ўзбекистонда олий маълумотли ҳамшира ва тиббиёт оғаларига устама тўланади. Бу ҳақда Соғлиқни сақлаш вазирилиги хабар берди. Қайд этилишича, 2027/2028 ўқув йилидан бошлаб Тошкент давлат тиббиёт университети таркибидаги Ҳамширалар академияси негизида дунёнинг Топ (1-ўрин) ҳамширалик мактабига эга бўлган Пенсилвания университети (АҚШ) билан ҳамкорликда Илғор тиббий ҳамроҳлик мактаби ташкил этилади. “Олий ҳамширалик иши” бакалавриат таълим йўналиши “Олий тиббий ҳамроҳлик иши” йўналишига ўзгартирилиб, битирувчи аёлларга “ҳамшира”, эркакларга эса “тиббиёт оғаси” квалификацияси берилади. Бакалавриатга қабул ҳар йили камида 20 фоизга ошириб борилади, таълим эса етакчи хорижий ОТМлари билан қўшма дастурлар асосида, уларнинг ўқув дастурларининг камида 70 фоизини ўзлаштирган ҳолда ташкил этилади. Бакалавриатни тамомлаган ҳамшира ва тиббиёт оғаларига ҳар ой меҳнатга ҳақ тўлашнинг энг кам миқдорининг 1 баравари, магистратурани тамомлаганларга эса 2 баравари миқдорида устама тўланади. 📱 ROST24.uz 📱Telegram📱Facebook 📱Instagram📱YouTube

⚡️Ўзбекистон Республикаси Президенти Администрацияси раҳбари Саида Мирзиёева Замонавий санъат маркази очилишида иштирок этди

«Тошкент азалдан турли тамаддунлар туташган, савдо йўллари, салтанатлар ва маданиятлар таъсирида камол топган шаҳардир. Марказ фаолияти ҳам айнан шу руҳда олиб борилади. У Ўзбекистон дунё билан учрашадиган, бир неча авлод ва ҳудудлар вакилларининг овозлари жўр бўлиб янграйдиган масканга айланади. Зеро, маданият узоқдан томоша қилинадиган ҳашаматли обида эмас. У мулоқот ва изланишлар орқали доимо янгиланиб борадиган жонли жараёндир. Бугунги ютуғимиз маданиятни миллий тараққиётнинг муҳим омили сифатида белгилаб берган Президентимиз Шавкат Мирзиёевнинг узоқни кўзлаган сиёсати натижасидир. Ишонаманки, ушбу марказ биргаликдаги саъй-ҳаракатларимиз, маданиятни ижтимоий неъмат сифатида қадрлашимиз ва унга чинакам садоқатимиз қандай улкан натижаларга олиб келишини намоён этади», — деди Саида Мирзиёева.

📱 ROST24.uz 📱Telegram📱Facebook 📱Instagram📱YouTube

✅#Рост_ҳикматлар Сиёсатдаги хатолар сил касаллигига ўхшайди — даволаб бўладиган пайтда улар ҳали сезилмайди, юзага чиқиб сезиладиган бўлганида эса, даволашнинг иложи қолмаган бўлади. ✍️ Отто фон Бисмарк 🍁 Кунингиз хайрли ўтсин! ROST24.uz | Telegram | YouTube

⚡️2026 йил биринчи ярмида судларда кўрилган жиноят ишлари 29 фоизга ошди Ўзбекистонда 2026 йилнинг биринчи ярмида жиноят ишлари бўйича судларда кўриб чиқилган ишлар сони ўтган йилнинг шу даврига нисбатан 29 фоизга ошган. Бу ҳақда Ўзбекистон Республикаси Олий судининг жиноят ишлари бўйича судлар фаолиятининг 2026 йил биринчи ярим йиллиги якунларига оид статистик маълумотларида келтирилган. Ҳисобот Олий суднинг расмий статистика порталида 10 август куни эълон қилинган. Ҳисоботга кўра, 2026 йил январь–июнь ойларида жиноят ишлари бўйича судларда 49 705 нафар шахсга оид жиноят ишлари кўриб чиқилган. Бу 2025 йилнинг мос даврига нисбатан 11 197 нафарга кўп. Жиноят ишлари ижтимоий хавфлилик даражасига қараб тўрт тоифага ажратилган. Энг кўп иш ижтимоий хавфи катта бўлмаган жиноятлар бўйича кўрилган, 22 066 та. Бу 2025 йилнинг биринчи ярмига нисбатан қарийб 50 фоиз кўп. Шунингдек: - 11 428 та унча оғир бўлмаган жиноятлар; - 13 795 та оғир жиноятлар; - 2 416 та ўта оғир жиноятлар. Унча оғир бўлмаган жиноят ишлари сони бир йилда 12 фоизга, оғир жиноятлар 18 фоизга, ўта оғир жиноятлар эса 19 фоизга ошган. Ҳудудлар кесимида энг кўп жиноят иши Тошкент шаҳрида, 6 639 та қайд этилган. Кейинги ўринларда: Фарғона вилояти 6 159 та; Тошкент вилояти 5 498 та; Самарқанд вилояти 5 461 та. Энг кам кўрсаткич Сирдарё вилоятида, 1 304 тани ташкил этган. Статистикадан кўриниб турибдики, 2026 йилнинг биринчи ярмида судларда кўрилган жиноят ишлари сони барча асосий тоифалар бўйича ошган. Айниқса, ижтимоий хавфи катта бўлмаган жиноят ишларининг қарийб 50 фоизга кўпайиши умумий ўсишда сезиларли улушга эга. Шу билан бирга, ушбу статистика судларда кўриб чиқилган ишлар сонини акс эттиради. Унинг ўзи жиноятчиликнинг айнан 29 фоизга ошганини англатмайди. Судда кўрилган ишлар сони ва содир этилган жиноятлар сони бир хил кўрсаткич эмас. 📱 ROST24.uz 📱Telegram📱Facebook 📱Instagram📱YouTube

⚡️Тошкентда Замонавий санъат марказининг очилиш маросими бўлиб ўтди Президент Администрацияси раҳбари Саида Мирзиёева давлат раҳбарининг ташаббуси билан ташкил этилган пойтахтдаги Замонавий санъат марказининг (“CCA Tashkent”) очилиш маросимида иштирок этди. Батафсил: https://rost24.uz/uz/news/2598 📱 ROST24.uz 📱Telegram📱Facebook 📱Instagram📱YouTube

Пойтахтда мактаб автобуслари йўлга қўйилиши мумкин Тошкент шаҳрида Йўл ҳаракатини ташкил этиш маркази томонидан 5 сентябрь куни сўровнома ташкил этилди. Мазкур сўров пойтахтда мактаб автобусларини йўлга қўйиш имкониятини ўрганиш, уларга бўлган эҳтиёжни аниқлаш ҳамда заруратдан келиб чиқиб ушбу тизимни жорий этиш масаласини кўриб чиқиш мақсадида ўтказилмоқда. Сўровномада: уй жойлашуви; бола ўқийдиган мактаб ва синф; мактабга чиқиш вақти; фойдаланадиган транспорт тури; мактаб автобусига эҳтиёж бор-йўқлиги кўрсатилади. Қайд этилишича, сўровномадаги шахсий маълумотлар йиғилмайди. Натижалар фақат умумий таҳлил учун ишлатилади. 📱 ROST24.uz 📱Telegram📱Facebook 📱Instagram📱YouTube

⚡️Битирувчилари энг юқори натижа кўрсатган олийгоҳлар қайси? Таълим сифатини таъминлаш миллий агентлиги битирувчилар сифати индекси натижаларига кўра энг юқори кўрсаткич қайд этган 20 та олийгоҳ рўйхатини эълон қилди. Тоифалар кесимида ижтимоий-гуманитар йўналишда 11 та, амалий фанлар йўналишида 5 та, тиббиёт ҳамда ижод ва спорт йўналишларида 2 тадан олийгоҳ энг юқори кўрсаткичга эга деб эътироф этилди. Ижтимоий-гуманитар йўналишда Тошкент шаҳридаги Вебстер университети 76,3 балл билан энг юқори ўринда жойлашди. Амалий фанлар йўналишида эса Тошкент шаҳридаги Инҳа университети 74,2 балл натижага эришган. Тиббиёт фанлари йўналишида Тошкент давлат тиббиёт университети Термиз филиали 74 балл, ижод ва спорт фанлари йўналишида Ўзбекистон давлат консерваторияси 81,5 балл билан юқори йигирматаликка кирган. Барча олийгоҳлар орасида энг юқори балл ҳам Ўзбекистон давлат консерватория 📱 ROST24.uz 📱Telegram📱Facebook 📱Instagram📱YouTube

АҚШнинг Сиэтл шаҳрида Ўзбекистон Республикаси Бош консулхонаси расман очилди Президент Администрацияси раҳбарининг маслаҳатчиси ва АҚШдаги вакили Комил Алламжоновнинг таъкидлашича, бу Тинч океани шимоли-ғарбий минтақасида мамлакатнинг биринчи консуллик муассасаси ҳисобланади. Ушбу консулхонанинг очилиши Ўзбекистон ва АҚШ ўртасидаги алоқаларни янада ривожлантириш йўлидаги муҳим қадамдир. 📱 ROST24.uz 📱Telegram📱Facebook 📱Instagram📱YouTube

✅#Рост_ҳикматлар Сиёсатдаги хатолар сил касаллигига ўхшайди — даволаб бўладиган пайтда улар ҳали сезилмайди, юзага чиқиб сезиладиган бўлганида эса, даволашнинг иложи қолмаган бўлади. ✍️ Отто фон Бисмарк 🍁 Кунингиз хайрли ўтсин! ROST24.uz | Telegram | YouTube

⚡️Қаҳрамон Қуронбоев ўрнига янги раис тайинланди Қаҳрамон Қуронбоев Ўзбекистон Маҳаллалари уюшмаси раиси лавозимидан кетди. Ушбу лавозимга Мирзаев Ғофуржон Ғаниевич тайинлангани айтилмоқда. Қуронбоев Маҳаллалар уюшмасига 2024 йил январь ойидан бери раҳбарлик қилиб келаётган эди. Ундан аввал Президент Администрацияси Ёшлар сиёсати департаменти раҳбари бўлган. Мирзаев Ғофуржон Ғаниевичнинг янги лавозимга тайинлангани ҳақидаги маълумотлар ҳозирча расмий эълон қилинмаган. 📱 ROST24.uz 📱Telegram📱Facebook 📱Instagram📱YouTube

⚡️Шавкат Мирзиёев 7–8 сентябрь кунлари Сербияга ташриф буюради Ўзбекистон Президенти Шавкат Мирзиёев Сербия Президенти Александр Вучичнинг таклифига биноан 7–8 сентябрь кунлари Сербияга расмий ташриф билан боради. Ташриф доирасида Белград шаҳрида икки давлат раҳбарлари ўртасида олий даражадаги музокаралар ва расмийлар ҳамда ишбилармон доиралар иштирокида бизнес форуми ўтказилади. Музокараларда Ўзбекистон–Сербия ҳамкорлигини янада ривожлантириш, савдо-иқтисодий ва инвестициявий алоқаларни кенгайтириш масалалари муҳокама қилинади. Шунингдек, транспорт, машинасозлик, енгил ва озиқ-овқат саноати, қишлоқ хўжалиги, фармацевтика ҳамда ахборот технологиялари соҳаларида қўшма лойиҳаларни амалга оширишга эътибор қаратилади. Томонлар тартибли меҳнат миграцияси, ҳудудлараро ҳамда маданий-гуманитар алоқаларни ривожлантириш масалаларини ҳам муҳокама қилади. Ташриф якунида ҳукуматлараро ва идоралараро келишувлар тўплами имзоланиши режалаштирилган. 📱 ROST24.uz 📱Telegram📱Facebook 📱Instagram📱YouTube

⚡️Хоразмда 825 млн сўм солиқ қарзи бор тадбиркор видеомурожаат билан чиқди ​Хоразмдаги оилавий корхонада 825 млн сўмлик солиқ қарзи йиғилгани ва уни тадбиркорнинг шахсий мол-мулкидан ундириш ҳақида суд қарори чиқарилгани ортидан тадбиркор видеомурожаат билан чиқди. ​У мурожаатида молиявий муаммолар ва қарзлардан қийналаётганини, 825 млн сўмлик қарз қандай пайдо бўлганини тушунмаётганини айтиб, ўз ҳолатини баён қилган. ​Тадбиркор қарз миқдори ва ушбу сумма қандай ҳисобланганига аниқлик киритилишини сўрамоқда. 📱 ROST24.uz 📱Telegram📱Facebook 📱Instagram📱YouTube

⚡️Канададаги ватандошлар Мустақиллик байрамини нишонлади Канадада истиқомат қилаётган ўзбекистонлик ватандошлар Ўзбекистон Мустақиллик куни муносабати билан тантанали тадбир ўтказди. Тадбирда 250 нафарга яқин киши, жумладан, Канада ва Онтарио парламентлари аъзолари, дипломатик корпус вакиллари, жамоатчилик фаоллари, журналистлар ҳамда ватандошлар иштирок этди. Меҳмонлар орасида парламент аъзолари Ali Ehsassi ва Vincent Neil Ho, Онтарио парламенти аъзолари Lee Fairclough ва Vijay Thanigasalam, шунингдек, Италия ҳамда Антигуа ва Барбуда бош консуллари ва бошқа хорижий дипломатлар бор эди. Байрам доирасида Ниагара шаршараси Ўзбекистон давлат байроғи рангларида ёритилди. Тадбирда концерт дастури намойиш қилиниб, меҳмонларга анъанавий эҳсон оши тарқатилди. 📱 ROST24.uz 📱Telegram📱Facebook 📱Instagram📱YouTube

Президент Шавкат Мирзиёев: “Буюк тарихимизни ташвиқот қилиш — бизнинг ҳам фарзимиз, ҳам қарзимиз”. 📱 ROST24.uz 📱Telegram📱Facebook 📱Instagram📱YouTube

#Рост_ҳикматлар ✅ Сукут сақлашим одобимдандир. Ҳар сўзга берадиган жавобим бор. Лекин бир сўзга қарайман, сўзми дея? Яна бир сўзлаётганга қарайман, одамми дея? ✍️ Жалолиддин Румий 🍁 Кунингиз хайрли ўтсин! ROST24.uz | Telegram | Facebook | Instagram | YouTube

Мустақилликнинг 35 йиллигида 35 нафар журналистдан 35 та «Маҳорат мактаби» Лойиҳа доирасидаги 20 та «Маҳорат мактаби» Уюшманинг ҳудудий бўлимлари томонидан мувофиқлаштирилади. Қолган 15 та мактаб эса пойтахтда Ўзбекистон Журналистлар уюшмаси марказий аппарати қошида фаолият юритади. Тошкент шаҳрида устоз журналистларнинг маҳорат дарслари Ўзбекистон Миллий матбуот маркази, Контент маркази ҳамда турли таҳририятларда ташкил этилади. Батафсил: https://rost24.uz/uz/news/2597 📱 ROST24.uz 📱Telegram📱Facebook 📱Instagram📱YouTube

⚡️Глинка кўчасидаги йўл ўпирилиши ортидан газ қувуридан бир нечта сизиш аниқланди Аввалроқ Тошкентда ер остида қувур ёрилиб, автомобилларга зарар етгани ҳақида хабар берган эдик. Воқеа Яккасарой туманидаги Глинка кўчасида юз берган. Ҳодиса жойига Veolia Energy авария-тиклаш бригадаси етиб борган ва ўпирилиш сабаблари ўрганилаётгани маълум қилинган. Кейинчалик коммунал хизматлар ҳодиса бўйича изоҳ берди. Veolia Energy иссиқлик қувурлари шикастланмаганини, жорий йилда ётқизилган 1240 метрлик магистрал қувур эса сувси ва босимсиз ҳолатда бўлганини билдирди. «Тошкент шаҳар сув таъминоти» АЖ ҳам ҳодиса ичимлик суви тармоқларига алоқадор эмаслигини айтди. «Hududgaz Poytaxt» эса дастлаб ҳудуддан юқори босимли газ қувури ўтмаслиги, газ сизиб чиқиши аниқланмагани ва ҳодисанинг газ тармоқларига алоқаси йўқлигини маълум қилган. Бироқ Тошкент шаҳар ҳокимлигининг кейинги ахборотига кўра, диаметри 219 мм бўлган ерости газ қувуридан газ сизиб чиққани аниқланган. Газ иссиқлик тармоғи камерасида тўпланиб, авария ҳолатига сабаб бўлган. Текширувда қувурнинг тахминан 375 кв. см (15×25 см) қисмида бир нечта сизиш нуқтаси аниқлангани айтилган. Агар жорий йилда ётқизилган 1240 метрлик магистрал қувур сувсиз ва босимсиз ҳолатда бўлган бўлса, унда у билан боғлиқ қандай авария юз бериши мумкин? Бу қувурнинг ҳолати ҳақидаги маълумот берилган, аммо сув бўлмаса, босим бўлмаса, нима сабабдан авария юз бергани ёки нима “портлагани”га аниқ изоҳ берилмаган. Шунингдек, Тошкент шаҳар ҳокимлиги хабарда ҳолат бўйича жиноят иши қўзғатилгани, тергов ҳаракатлари олиб борилаётгани ва тергов якунига кўра айбдор шахсларга ҳуқуқий баҳо берилишини маълум қилган. Хуллас, газдагилар ҳам сув бўйича масъуллар ҳам, иссиқлик тармоғидагилар ҳам ўзини четга олди. Кейин эса газ қувурининг бир нечта жойидан сизиш аниқлангани хабар қилиняпти. Энди ҳисоботларга қарасак дастлаб ким ва нимани текширган? Ёки масъулиятни бир-бирига ошириб, «отангга бор, онангга бор» қилиб юриш осонроқми? Ким бу ерда жавобгарликни бўйнига олади? 📱 ROST24.uz 📱Telegram📱Facebook 📱Instagram📱YouTube

⚡️Фарғонадаги кўп қаватли уй ертўласида акула боқилаётгани аниқланди Фарғона шаҳридаги кўп қаватли уйлардан бирининг ертўласида сунъий ҳавза ўрнатилиб, унда турли балиқлар, жумладан, акула етиштирилаётгани маълум бўлди. Бу ҳақда Фарғона вилояти ҳудудий Қурилиш ва уй-жой коммунал хўжалиги соҳасида назорат қилиш инспекцияси хабар берди. Инспекция Фарғона шаҳрининг “Мурувват” маҳалласидаги кўп қаватли уйларда мониторинг ўтказган. Ўрганишлар давомида 78-уйнинг 17-хонадон мулкдори кўп квартирали уй ертўласида сунъий ҳовуз ўрнатиб, унда акула боқаётгани аниқланган. Текширувда ертўладан бундай мақсадда фойдаланиш қонун талабларига зид экани аниқланган. Мулкдорга маъмурий жарима қўлланилиб, ертўлани 15 кун ичида бўшатиш ва аввалги ҳолатига келтириш бўйича кўрсатма берилган. Шунингдек, ичимлик сувидан ўзбошимчалик билан фойдаланиш ҳолати бўйича ҳам баённома расмийлаштирилган. 📱 ROST24.uz 📱Telegram📱Facebook 📱Instagram📱YouTube

Жанубий Кореяда 4 нафар ўзбекистонлик Суриядаги террорчилик ташкилотига ёрдам берганликда гумонланмоқда Жанубий Кореяда Ўзбекистоннинг тўрт нафар фуқароси Сурияда фаолият юритувчи, БМТ томонидан террорчилик ташкилоти сифатида белгиланган «Катибат ат-Тавҳид вал-Жиҳод» (KTJ) гуруҳини молиялаштириш ва унга моддий ёрдам кўрсатишда гумонланмоқда. Бу ҳақда Жанубий Корея полицияси маълум қилди. Гванжу шаҳар полицияси маълумотига кўра, асосий гумонланувчи 30 ёшлар атрофидаги Ўзбекистон фуқароси. Тергов версиясига кўра, у 2025 йил апрелидан бошлаб тахминан саккиз ой давомида етти марта KTJга жами 6,3 миллион вон, яъни қарийб 4,6 минг долларлик криптовалюта юборган. Шунингдек, полиция унинг худди шу даврда ташкилотдан криптовалюта олганини ва ушбу маблағлар ҳисобидан Жанубий Кореяда 11 та ишлатилган автомобиль ҳамда 2 та экскаватор харид қилганини гумон қилмоқда. Уларнинг умумий қиймати 170 миллион вон атрофида бўлган. Техника ва автомобиллар кейинчалик Сурияга жўнатилган. Терговчилар асосий гумонланувчининг KTJ билан расмий аъзолик ёки бошқа расмий алоқаси бўлмаганини тахмин қилмоқда. Бироқ, полиция маълумотларига кўра, у Сурияда ушбу ташкилот таркибида бўлган укаси билан алоқа қилганидан кейин гуруҳни қўллаб-қувватлай бошлаган. Гумонланувчи Жанубий Кореяда ўзбекистонлик таниши номига расмийлаштирилган ишлатилган автомобилларни экспорт қилиш билан шуғулланувчи компанияни бошқарган. Терговчилар айнан шу бизнес орқали автомобиллар ва қурилиш техникасини харид қилиш ҳамда Сурияга жўнатиш амалга оширилганини аниқлаган. Иш бўйича яна уч нафар Ўзбекистон фуқароси ҳам гумонланувчи сифатида терговга жалб қилинган. Полиция уларни асосий гумонланувчига ишлатилган автомобилларни топиш ва харид қилишда ёрдам берганликда гумон қилмоқда. Бироқ улар ҳибсга олинмаган. Уч киши полиция томонидан ҳибссиз ҳолда сўроқ қилинган. Асосий гумонланувчи эса аввалроқ, апрель ойида ҳибсга олинган. Бундан бир ой олдин унинг номи Интерполнинг қизил билдиришномасига киритилган. Кейин унга нисбатан айблов эълон қилиниб, иш судга оширилган. «Катибат ат-Тавҳид вал-Жиҳод» Сурияда фаолият юритган қуролли экстремистик ташкилот бўлиб, Ал-Қоида билан алоқадор гуруҳ сифатида кўрсатилади. БМТ 2022 йилда мазкур ташкилотни террорчилик ташкилоти сифатида белгилаган. Бу Жанубий Кореяда ўзбекистонлик фуқаронинг мазкур ташкилот билан боғлиқ биринчи ҳолати эмас. 2024 йилда Жанубий Корея апелляция суди KTJга пул ва қимматликлар юборган ўзбекистонлик мигрантга 18 ойлик қамоқ жазосини ўз кучида қолдирган эди. 📱 ROST24.uz 📱Telegram📱Facebook 📱Instagram📱YouTube