Rost24 | Расмий канал

Ўзбекистон яна бир қора рўйхатдан чиқарилди Ўзбекистон интеллектуал мулкнинг ҳуқуқий муҳофазаси ва ҳимояси ҳолати бўйича АҚШ Савдо вакиллигининг (USTR) 301-махсус ҳисоботидаги кузатувдаги давлатлар рўйхатидан (қора рўйхат) чиқарилди. Бу ҳақда Адлия вазирлиги хабар берди. Маълумот ўрнида, Ўзбекистон 2000 йилда ушбу рўйхатга киритилган ва 24 йилдан буён «кузатувдаги давлатлар рўйхати»да эди. Муайян давлатнинг «кузатувдаги давлатлар рўйхати»га киритилиши унда интеллектуал мулкни ҳимоя қилиш бўйича жиддий муаммолар мавжуд эканлигини кўрсатади ҳамда бевосита хорижий корхоналар томонидан инвестициявий фаолиятни амалга оширишда алоҳида эътибор қаратилади. ROST24.uz | Telegram | Facebook | Instagram | YouTube

✅️#Рост_ҳикматлар Ҳаёт – велосипед минишга ўхшайди, мувозанатни сақлаш учун доим ҳаракатда бўлишинг даркор. ✍️Алберт Эйнштейн 🌸Кунингиз хайрли ўтсин! ROST24.uz | Telegram | YouTube

#Сўровнома Автотранспортни рўйхатга олиш нархининг 68 баробарга оширилишига одамларнинг фикри қандай? Ўзбекистонда 1 апрелдан автомобилларни рўйхатдан ўтказиш ва қайта рўйхатдан ўтказиш учун тўловлар 68 баравар (34 минг сўмдан 2.32 млн сўмгача), электромобиллар учун эса 15 бараварга ошиши тасдиқланган эди. Rost24.uz ушбу мавзу бўйича одамлар фикрини ўрганди. БАТАФСИЛ: rost24.uz/uz/news/1854 ЮТУБДА: youtu.be/LvgHbb4xcHU ROST24.uz | Telegram | Facebook | Instagram | YouTube

Банкда молиявий маҳсулотларни рақамлаштиришда Сбербанк тажрибаси қўлланилмоқда “Бизнесни ривожлантириш банки” АТБ Сбербанк фаолиятининг илғор халқаро тажрибасини ўрганиш ва янги маҳсулотларининг турларини жорий этиш бўйича ҳамкорликни йўлга қўйди. Батафсил: rost24.uz/uz/news/1853 Реклама ROST24.uz | Telegram | Facebook | Instagram | YouTube

"Афросиёб" чипталарининг нархи 20 фоиздан 40 фоизгача оширилмоқда “Ўзбекистон темир йўллари” АЖ маълум қилишича, 15 майдан бошлаб "Афросиёб" электропоездларининг чипталар нархи эконом класс -20%, бизнес класс -30% ва ВИП класс -40% вагонлари учун ошмоқда. Тошкент — Бухоро ВИП 890 000 сўм Бизнес 600 000 сўм Эконом 403 000 сўм Тошкент — Қарши ВИП 747 000 сўм Бизнес 507 000 сўм Эконом 338 000 сўм Тошкент — Самарқанд ВИП 554 000 сўм Бизнес 358 000 сўм Эконом 244 000 сўм этиб белгиланди. Хабарда нархлар электр-энергия, ёқилғи, логистика ва транспорт харажатларини қоплаш, шунингдек, янги юқори тезликда ҳаракатланувчи электропоездларни харид қилиш мақсадида оширилаётгани айтилмоқда. Шунингдек, йўловчиларни ташиш хизматлари тарифларини давлат томонидан тартибга солиш амалиётидан воз кечиш бўйича 329-сонли Президент Қарори ҳам нархни оширишга асос қилиб кўрсатилмоқда. ROST24.uz | Telegram | Facebook | Instagram | YouTube

Марказий Осиё давлатларига ташқи кучлар томонидан босим бўлмоқда – Виктор Махмудов Ўзбекистон Президенти ҳузуридаги Хавфсизлик кенгаши котиби Виктор Маҳмудов Марказий Осиё давлатларига ташқи кучлар томонидан босим ўтказилаётганини маълум қилди. Унинг таъкидлашича, ташқи кучлар Марказий Осиё давлатларининг миллий манфаатларини ҳисобга олмаган ҳолда танлов қилишга мажбурлашмоқда. “Ўзбекистон Марказий Осиё минтақасига ташқи сиёсатнинг устувор йўналиши сифатида қарайди ва бу маконда тинчлик, хавфсизлик ва ишонч ўрнатиш бўйича саъй-ҳаракатларни амалга оширмоқда. Афсуски, Марказий Осиёга ҳаракат қилаётган ташқи кучлар миллий манфаатларни инобатга олмасдан танлов таклиф этишмоқда”. Ушбу сўзлар хавфсизлик масалалари бўйича Олий вакилларнинг Санкт-Петербургдаги “Экспофорум” доирасида ўтаётган XII халқаро йиғилишида В. Махмудов томонидан айтилди. ROST24.uz | Telegram | Facebook | Instagram | YouTube

Асосий йиллик ставка 14% миқдорида ўзгартиришсиз қолдирилди Марказий банк бошқаруви 2024 йил 25 апрелдаги йиғилишида асосий ставкани йиллик 14 фоиз даражасида сақлаб қолиш тўғрисида қарор қабул қилди. ROST24.uz | Telegram | Facebook | Instagram | YouTube

Адлия вазирлигининг оромгоҳи қимматбаҳо спиртли ичимликлар сотиб олди Бир йил олдин махсус ахборот порталига жойлаштирилган давлат харидига кўра, Адлия вазирлиги ҳузуридаги Конвенцион марказ давлат муассасаси томонидан жами 207 млн 260 минг сўмга чет элда ишлаб чиқарилган спиртли ичимликлар (вино, ароқ, виски, ликер, мартини, ром, бренди ва ҳоказолар) харид қилингани айтилмоқда. Ичимликнинг энг арзони ҳар бир донаси 292 минг сўм, энг қимматининг ҳар бир донаси 400 минг сўмдан харид қилинган. Адлия вазирлигига қарашли «Конвенцион марказ» ДМ — Бўстонлиқ туманида жойлашган «Олмос» дам олиш маскани ҳисобланади. Юқоридаги давлат хариди амалга оширилган ва шартнома тузилган даврда Авазхон Баҳодирович Тожихонов мазкур марказ раҳабари сифатида фаолият юритган экан. У шундан сўнг, 2023 йил 30 октябрь куни Маданият вазирининг биринчи ўринбосари лавозимига тайинланган. ROST24.uz | Telegram | Facebook | Instagram | YouTube

✅️#Рост_ҳикматлар Бутун коинот бир - бирига меҳр - муҳаббат риштаси билан боғлангандир. Меҳр улашишни ўрган! У муҳаббатнинг барчасига қалбингда жой борлигини кўнглинг англаб етсин! МУҲАББАТСИЗ ИНСОНДАН ДУНЁ ҚЎРҚАДИ, БУНИ УНУТМА! ✍️Жалолиддин Румий 🌸Кунингиз хайрли ўтсин! ROST24.uz | Telegram | YouTube

Британия чекланмаган миқдорда ҳамшираларни ишга таклиф қилмоқда Бу ҳақида Ўзбекистон камбағалликни қисқартириш ва бандлик вазирлиги ҳамда Британиянинг «NEU Professionals» агентлиги вакиллари иштирокида бўлиб ўтган матбуот анжуманида маълум қилинган. Номзодларга қўйиладиган талаблар: • Инглиз тилини билиш; • тиббиёт техникуми дипломи; • махсус сертификат; • судланмаган бўлиш. Имтиҳондан муваффақиятли ўтган номзодларга виза, суғурта, авиа чипта ва Британияда дастлабки икки ойлик яшаш харажатлари қоплаб берилиши ҳам айтилмоқда. ROST24.uz | Telegram | Facebook | Instagram | YouTube