Rost24 | Расмий канал
Ir al canal en Telegram
Бошқалардан фарқли янгиликлар, журналистик суриштирувлар Rost24 — ҲАҚИҚИЙ ЖУРНАЛИСТИКА •instagram.com/rost24uz •youtube.com/@rost24official Реклама: +99890 047 23 78 Мурожаат учун — @rost24aloqa_bot
Mostrar más📈 Análisis del canal de Telegram Rost24 | Расмий канал
El canal Rost24 | Расмий канал (@rost_24uz) en el segmento lingüístico de Uzbeko es un actor destacado. Actualmente la comunidad reúne a 39 645 suscriptores, ocupando la posición 6 512 en la categoría Noticias y medios y el puesto 1 933 en la región Uzbekistán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 39 645 suscriptores.
Según los últimos datos del 26 septiembre, 2026, el canal mantiene una actividad estable. En los últimos 30 días la variación de miembros fue de 2 032, y en las últimas 24 horas de -49, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 15.54%. Durante las primeras 24 horas tras publicar, el contenido suele obtener 11.39% de reacciones respecto al total de suscriptores.
- Alcance de las publicaciones: Cada publicación recibe en promedio 6 163 visualizaciones. En el primer día suele acumular 4 516 visualizaciones.
- Reacciones e interacción: La audiencia responde de forma activa: el promedio de reacciones por publicación es 40.
📝 Descripción y política de contenido
El autor describe el recurso como un espacio para expresar opiniones subjetivas:
“Бошқалардан фарқли янгиликлар, журналистик суриштирувлар
Rost24 — ҲАҚИҚИЙ ЖУРНАЛИСТИКА
•instagram.com/rost24uz
•youtube.com/@rost24official
Реклама: +99890 047 23 78
Мурожаат учун — @rost24aloqa_bot”
Gracias a la alta frecuencia de actualizaciones (últimos datos recibidos el 27 septiembre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Noticias y medios.
39 645
Suscriptores
-4924 horas
+8387 días
+2 03230 días
Archivo de publicaciones
39 639
⚡️ Саида Мирзиёева Намангандаги фожиа юзасидан муносабат билдирди
Ўзбекистон Республикаси Президенти Администрацияси раҳбари Саида Мирзиёева Наманганда юз берган фожиа юзасидан муносабат билдирди.
У воқеадан қаттиқ ғазабланганини билдириб, бундай ваҳшиёна жиноятлар учун ўлим жазосини қайта жорий этиш зарур, деган фикрни билдирди.
Саида Мирзиёеванинг таъкидлашича, амалдаги қонунчиликда ўлим жазоси назарда тутилмаган. Шу сабабли жавобгарликни максимал даражада кучайтириш учун қонун ҳужжатларига тегишли ўзгартиришлар киритиш бўйича таклиф тайёрланмоқда.
«Жиноятчи қонун доирасидаги энг оғир жазога тортилади. Шунингдек, бепарволиги билан бу қабоҳатга йўл очган, норасида болани асрай олмаган барча масъуллар ҳам жазоланади», — деди Президент Администрацияси раҳбари.
Унинг сўзларига кўра, тегишли идораларга барча зарур кўрсатмалар берилган.
📱 ROST24.uz 📱Telegram📱Facebook
📱Instagram📱YouTube
39 639
⚡️ Бола зўрлангандан кейин эмас, тизим жиноятдан олдин ишлаши керак
Қаттиқ қамоқ жазоси — содир этилган жиноят учун жавобгарлик. Реестр — шахс озодликка чиққанидан кейин хавфни бошқариш воситаси. Болалар билан ишлайдиган ходимларни текшириш — профилактика. Психологик ва психиатрик баҳолаш — муайян хавф омилларини аниқлаш механизми. Боланинг шикоятини эшитиш ва зудлик билан чора кўриш тизими эса жиноят давом этиб кетишининг олдини олиши мумкин.
Масалан, болалар боғчаси, мактаб, оромгоҳ, спорт тўгараги, интернат ва бошқа болалар муассасаларига ишга кираётган шахслар қандай текширилади? Болаларга қарши жинсий жиноят учун судланган шахс кейинчалик яна болалар билан боғлиқ соҳада ишлай оладими? У озодликка чиққанидан кейин хавф даражаси ким томонидан баҳоланади? Қайта жиноят содир этиш хавфи юқори бўлган шахс устидан қандай назорат ўрнатилади? Ота-она ёки муассаса раҳбари бундай шахс ҳақида маълумот олиш имконига эгами?Бу саволларга аниқ ва ишлайдиган жавоб бўлмаса, жазо муддатини оширишнинг ўзи профилактика тизимидаги бўшлиқларни тўлдирмайди. Батафсил: https://rost24.uz/uz/news/2620 📱 ROST24.uz 📱Telegram📱Facebook 📱Instagram📱YouTube
39 639
+6
Муҳаммад Алийнинг самимий мурожаати Президентгача етиб борди — Шавкат Мирзиёев болакайга мактуб ва совғалар юборди
Президент Шавкат Мирзиёевнинг Қорақалпоғистонга ташрифи чоғида Муҳаммад Алий исмли болакайнинг Президент билан учрашиш истагини билдирган самимий видеоси ижтимоий тармоқларда кенг тарқалган эди.
Кўпчиликнинг меҳрини қозонган ушбу видео Президент Шавкат Мирзиёевнинг ҳам эътиборидан четда қолмади. Давлат раҳбари болакайнинг видеомурожаатини кўриб, унга миннатдорлик мактуби ва совғалар йўллади.
“Сен ҳам улғайганингда аждодларимизга муносиб, эл-юртига фойдаси тегадиган инсон бўлишингни истайман”, — дейилади Президентнинг Муҳаммад Алийга йўллаган мактубида.Бугун ушбу мактуб ва совғалар Қорақалпоғистон Республикаси Жўқорғи Кенгесида Муҳаммад Алийга тантанали равишда топширилди. Жўқорғи Кенгес Раиси Аманбай Орынбаев Президентнинг мактубини ўқиб эшиттирди. Шунингдек, Муҳаммад Алийнинг ота-онаси ва у тарбияланаётган мактабгача таълим ташкилотига ҳам Президент совғалари топширилди. Болакайнинг тарбиячиси Гулбаҳар Сапарова эса Жўқорғи Кенгес Президиуми қарори билан “Ватан фидойиси” кўкрак нишони билан тақдирланди. Муҳаммад Алийнинг болаларча самимий орзуси Президентгача етиб борди ва жавобсиз қолмади. Давлат раҳбаридан келган мактуб ва совғалар эса болакай учун бир умр унутилмайдиган воқеага айланди. 📱 ROST24.uz 📱Telegram📱Facebook 📱Instagram📱YouTube
39 639
5 ёшли қизнинг зўрланиши ортидан боғчаларда ходимларни текшириш бошланди
Наманган вилоятининг Учқўрғон туманидаги давлат боғчасида 5 яшар қиз омбор мудири томонидан зўрлангани ҳақида хабар берилган эди. Ушбу воқеа ортидан Ишчи гуруҳ тузилиб, боғчаларда ходимларни текшириш бошланди. Бу ҳақда Мактабгача ва мактаб таълими вазирлиги хабар берди.
Қайд этилишича, юз берган кўнгилсиз ҳолатни атрофлича ўрганиш, масъулларнинг хизмат вазифасига лойиқлигини кўриб чиқиш бўйича Мактабгача ва мактаб таълими вазирлиги томонидан Ишчи гуруҳ тузилган.
Воқеага алоқадор ҳамда ўз ишига масъулиятсизлик билан ёндашган тизимдаги барча ходимлар ва мансабдор шахсларга нисбатан тегишли ташкилотлар ваколати доирасида зарур чоралар кўрилиши, айбдорлар жазоланиши таъминланади. Таълим ташкилотининг воқеага дахлдор, деб гумон қилинган ходимлари билан тузилган меҳнат шартномаси бекор қилинган.
Шунингдек, бу каби салбий ҳолатлар бошқа боғчаларда ҳам такрорланмаслиги учун вазирликнинг махсус Ишчи гуруҳ аъзолари томонидан ҳозирда барча давлат мактабгача таълим ташкилотлари ходимлари текширилмоқда ва барча зарур чоралар кўрилмоқда.
📱 ROST24.uz 📱Telegram📱Facebook
📱Instagram📱YouTube
39 639
⚡️Ўзбекистон четдан энг кўп машина ва транспорт воситаларини олиб кирмоқда
Ўзбекистон 2026 йилнинг январь–июль ойларида хориждан 29,6 млрд долларлик товар ва хизматлар импорт қилди. Бу кўрсаткич 2025 йилнинг мос даврига нисбатан 17,8 фоизга ошган.
Импорт таркибида энг катта улуш машиналар ва транспорт асбоб-ускуналари ҳиссасига тўғри келган — 9,7 млрд доллар. Бу йўналишда импорт ҳажми бир йилда 20 фоизга кўпайган.
Шунингдек, импорт таркибида:
🔹 Саноат товарлари — 4,4 млрд доллар (+10,1%);
🔹 Хизматлар — 3,6 млрд доллар (+13,3%);
🔹 Кимёвий воситалар ва шунга ўхшаш маҳсулотлар — 3,6 млрд доллар (+15,6%);
🔹 Озиқ-овқат маҳсулотлари ва тирик ҳайвонлар — 3,3 млрд доллар (+41,9%);
🔹 Минерал ёқилғи, мойлаш материаллари ва шунга ўхшаш материаллар — 2,5 млрд доллар (+10,7%);
🔹 Турли хил тайёр буюмлар — 1 млрд доллар (+14%);
🔹 Ноозиқ-овқат хомашёси — 909,8 млн доллар (+14,1%);
🔹 Ҳайвон ва ўсимлик мойлари, ёғлар ва мумлар — 363 млн доллар (+25,3%);
🔹 Ичимликлар ва тамаки — 222,2 млн доллар (+15,3%).
Энг юқори ўсиш эса озиқ-овқат маҳсулотлари ва тирик ҳайвонлар импортида қайд этилган — 41,9 фоиз.
📱 ROST24.uz 📱Telegram📱Facebook
📱Instagram📱YouTube
39 639
⚡️Қибрайда 95 килога яқин «гашиш» яширилган қоплар аниқланди
Тошкент вилояти Қибрай туманида ўтказилган тезкор тадбир давомида 95 килога яқин «гашиш» гиёҳвандлик воситаси ноқонуний муомаладан олинди.
Божхона қўмитаси ва ДХХ ходимлари ҳамкорлигида ўтказилган тезкор-қидирув тадбирида даладаги дарахтлар орасидан 4 та хўжалик қопи яширилган ҳолда топилган. Қоплар ичида жами 109 та ўрам бўлган.
Марказий божхона лабораторияси хулосасига кўра, ўрамлардаги модда салкам 95 килограмм «гашиш» гиёҳвандлик воситаси экани тасдиқланган.
Шундан сўнг наркотик моддаларни олиб кетиш учун келадиган шахсларни аниқлаш мақсадида ҳудуд бир неча кун давомида кузатувга олинган. 8 кун ўтиб, гиёҳвандлик воситаларини олиб кетиш учун келган икки нафар фуқаро қўлга олинган.
Ҳолат юзасидан Божхона қўмитасининг Суриштирув ва маъмурий амалиёт бошқармаси томонидан жиноят иши қўзғатилиб, тергов органига юборилган.
📱 ROST24.uz 📱Telegram📱Facebook
📱Instagram📱YouTube
39 639
⚡️Наманганда болага нисбатан жинсий зўравонлик ҳолати бўйича жиноят иши қўзғатилди
Наманган вилояти Учқўрғон туманида вояга етмаган болага нисбатан содир этилган жинсий зўравонлик ҳолати юзасидан жиноят иши қўзғатилган.
Маълум қилинишича, ҳолат юзасидан Учқўрғон тумани ИИБ Тергов бўлими томонидан 12 сентябрь куни Жиноят кодексининг 118-моддаси 4-қисми ва 112-моддаси 1-қисми билан жиноят иши қўзғатилган.
Шу куни жиноят содир этишда гумонланаётган К.М. процессуал тартибда ушланган. Унга нисбатан суд томонидан қамоқ эҳтиёт чораси қўлланилган.
Ҳозирда иш бўйича дастлабки тергов ҳаракатлари олиб борилмоқда.
Ҳудуддаги «Инсон» ижтимоий хизматлар маркази мутахассислари томонидан вояга етмаган жабрланувчига психологик, тиббий, ижтимоий ва ҳуқуқий ёрдам кўрсатилган. Боланинг ўзи ва унинг оиласига кўмак бериш ишлари давом этмоқда.
Болалар омбудсмани ҳам иш юритувида жабрланувчи боланинг қонуний манфаатлари таъминланишини кузатиб бормоқда.
Қайд этилишича, Жиноят кодексининг 118-моддаси 4-қисмида вояга етмаган шахсга нисбатан номусга тегиш жинояти учун 15 йилдан 20 йилгача озодликдан маҳрум қилиш жазоси белгиланган. Бундай тоифадаги жиноятлар учун жазони ўташ билан боғлиқ айрим енгилликлар қўлланилмайди.
📱 ROST24.uz 📱Telegram📱Facebook
📱Instagram📱YouTube
39 639
⚡️Оққўрғон тумани прокурори ёрдамчиси 12 минг доллар талаб қилгани айтилмоқда
Тошкент вилояти Оққўрғон тумани прокурори ёрдамчиси фуқаронинг машина олди-сотдиси билан боғлиқ масаласини ҳал қилиш ҳамда унга банкдан 600 миллион сўм имтиёзли кредит олиб бериш эвазига 12 минг АҚШ доллари талаб қилгани айтилмоқда.
Маълумотга кўра, Давлат хавфсизлик хизмати Бош прокуратуранинг Шахсий хавфсизлик бошқармаси билан ҳамкорликда тезкор тадбир ўтказган. Тадбир давомида прокурор ёрдамчиси талаб қилинган пулнинг 4700 долларини олаётган вақтда ашёвий далиллар билан ушланган.
Терговга қадар текширув жараёнида у бундан аввал ҳам худди шу фуқародан 1300 доллар олгани аниқланган.
Шу тариқа, дастлабки маълумотларга кўра, у фуқародан 12 минг доллар талаб қилган ва шундан 6000 долларини олган пайтда қўлга тушган.
Ҳозирда ҳолат юзасидан жиноят иши қўзғатиш чораси кўрилмоқда. Воқеанинг бошқа тафсилотлари, жумладан, ваъда қилинган кредитни қайси банк орқали расмийлаштириш ва машина олди-сотдиси билан боғлиқ масалани қандай ҳал қилиш режалаштирилгани ҳақида қўшимча маълумот берилмаган.
📱 ROST24.uz 📱Telegram📱Facebook
📱Instagram📱YouTube
39 639
⚡️Жиноят иши судга ошган собиқ вазир ўринбосари янги лавозимга тайинланди
Ўзбекистон Ички ишлар вазирининг собиқ ўринбосари, генерал-майор Бекмурод Абдуллаев Тошкент шаҳрининг Чилонзор тумани Ички ишлар органлари фаолиятини мувофиқлаштириш бошқармаси бошлиғи этиб тайинланди. Тегишли буйруқ Ички ишлар вазири томонидан имзолангани ва тайинлов ИИВ матбуот хизмати томонидан тасдиқланган.
Бекмурод Абдуллаев 2021 йилдан 2025 йил ноябрига қадар ички ишлар вазирининг ўринбосари, Жамоат хавфсизлиги департаменти бошлиғи лавозимида ишлаган. У 2025 йил 3 ноябрда ушбу лавозимдан озод этилган.
2026 йил январь ойида Абдуллаев ва Жазони ижро этиш департаментининг собиқ раҳбари Рустам Турсуновга нисбатан Ички ишлар вазирлиги тизимидаги давлат харидлари билан боғлиқ жиноят иши қўзғатилгани маълум қилинган. Президент раислигидаги йиғилишда давлат харидлари жараёнида 186 миллиард сўм бюджет маблағлари талон-торож қилингани ҳақида хабар берилган эди.
Абдуллаев апрель ойида давлатга етказилган зарарни қоплаганидан кейин унга нисбатан қўлланган қамоққа олиш эҳтиёт чораси гаровга ўзгартирилгани ҳақида ҳам хабар берилган. Кейинроқ иш ёпиқ суд мажлисида кўрилаётгани айтилган. Суднинг якуний натижаси бўйича очиқ расмий маълумотлар эса ҳозирча чекланган.
Шундай вазиятда собиқ юқори лавозимдаги ички ишлар амалдорининг орадан кўп ўтмай яна тизимда раҳбарлик лавозимига қайтарилиши жамоатчилик эътиборини тортиши табиий. Айниқса, унинг номи давлат маблағлари талон-торож қилиниши билан боғлиқ жиноят ишида судланувчи сифатида тилга олинган бир пайтда янги тайинлов амалга оширилган.
Айни пайтда Абдуллаевнинг айби бўйича якуний суд ҳукми очиқ манбаларда келтирилмаган.
📱 ROST24.uz 📱Telegram📱Facebook
📱Instagram📱YouTube
39 639
⚡️Қозоғистонда 25 сентябрь умуммиллий мотам куни деб эълон қилинди
Қозоғистонда 25 сентябрь умуммиллий мотам куни деб эълон қилинди. Бунга Қозоғистон Қуролли Кучлари Ҳарбий-денгиз кучларининг Каспий денгизидаги машғулоти вақтида содир бўлган фожиа сабаб бўлди.
24 сентябрь куни ҳарбий машғулотлар пайтида об-ҳавонинг кескин ёмонлашуви ва кучли шамол оқибатида 17 нафар ҳарбий денгизга оқиб кетган. Расмий маълумотларга кўра, улардан 12 нафари ҳалок бўлгани тасдиқланган. Уч нафар ҳарбий қутқарилган, яна икки нафарни қидириш ишлари давом этмоқда.
Воқеа юзасидан тегишли органлар томонидан текширув ишлари олиб борилмоқда. Ҳукумат комиссияси эса ҳодиса жойидаги қидирув ва қутқарув ишларини мувофиқлаштирмоқда.
Фожиа муносабати билан 25 сентябрь куни мамлакат бўйлаб давлат байроқлари туширилди ва оммавий тадбирлар чекланди. Қозоғистон аҳолиси ҳалок бўлган ҳарбийларнинг яқинларига таъзия билдирмоқда.
📱 ROST24.uz 📱Telegram📱Facebook
📱Instagram📱YouTube
39 639
+1
⚡️«Анорбанк» асосчиси Қаҳрамон Олимов Интерпол қидирувига берилди
«Анорбанк» асосчиси ва асосий акциядори Қаҳрамонжон Олимов Интерполнинг қидирув рўйхатига киритилди. Интерпол сайтида унга нисбатан «қизил огоҳлантириш» эълон қилинган.
Сўров Олимовнинг қаердалигини аниқлаш ва ҳибсга олиш мақсадида
берилган. У Ўзбекистонда сиртдан ҳибсга олингани ва одам ўғирлашда айбланаётгани хабар қилинган.
Олимов «Анорбанк» акцияларининг 49,4 фоизига эгалик қилади ва банк кузатув кенгаши аъзоси ҳисобланади.
📱 ROST24.uz 📱Telegram📱Facebook
📱Instagram📱YouTube
39 639
⚡️Саида Мирзиёева БМТ Бош Ассамблеясининг минбарида жуда муҳим масалаларга эътибор қаратди
Бугун энг қудратли давлатлар ҳам глобал муаммоларни ёлғиз ҳал қила олмайди. Таҳдидларнинг ҳеч бири давлатлар чегарасида тўхтаб қолмайди. Шу сабабли Бирлашган Миллатлар Ташкилотининг ўрни бугун ҳар қачонгидан ҳам муҳим. Бизга фақат қарор қабул қиладиган эмас, қарорларни амалга оширишга қодир БМТ керак. Бизга ҳар бир давлатнинг овози эшитиладиган БМТ керак.📱 ROST24.uz 📱Telegram📱Facebook 📱Instagram📱YouTube
39 639
⚡️Энди 5 йил ишлаган бўлсангиз, фарзандингиз контрактини корхона тўлаб бериши мумкин
Йиғилишда камида 1 минг нафар ишчиси бор корхоналар учун янги рағбатлантириш чоралари белгиланди. Уларда ходимларни ўқитиш, малакасини ошириш ҳамда ишга олиб келиш ва олиб кетиш транспорт харажатларининг 50 фоизи қопланади.
Бундай корхоналарда камида беш йил ишлаган ходимларнинг фарзандлари контракти ҳам қоплаб берилади. Ишчилар сони 1 минг нафарга яқинлашаётган корхоналар учун ҳам грантлар ажратилади. Бу йўналишга Андижоннинг ўзига 20 млн доллар йўналтирилади.
Мутасаддиларга кўп иш ўрни яратаётган корхоналарни қўллаб-қувватлаш бўйича қарор лойиҳасини бир ойда ишлаб чиқиш топширилди.
📱 ROST24.uz 📱Telegram📱Facebook
📱Instagram📱YouTube
39 639
⚡️Президент Шавкат Мирзиёев Андижондаги мулоқот чоғида кеча бир аёл билан бўлган суҳбатни эслади:
“Оддий бир аёл кўз ёши билан: “Жаноб Президент, Россияда ишлаб юрганман, неча йиллардан бери. Икки нафар фарзандим бор, она бўлиб ўзим тарбиялаяпман”, деди. Унинг кўзида нур бор эди. Менга айтган биринчи гапи — “Бу ерда даромадим анча юқори”, дегани бўлди”, — деди давлат раҳбари. Президентни яна бир жиҳат хурсанд қилганини айтиб, аёлнинг икки фарзандидан бири бу йил Андижон давлат тиббиёт институтига ўқишга кирганини таъкидлади. “Мен ундан: “Беш йил олдин фарзандингиз ўқишга киришига ишонармидингиз?” деб сўрадим. Бутун зал “Ҳеч қачон бундай бўлмаган”, деб жавоб берди. Бу ислоҳотларимизга берилган халқнинг баҳоси эмасми?” — деди Шавкат Мирзиёев.📱 ROST24.uz 📱Telegram📱Facebook 📱Instagram📱YouTube
39 639
⚡️Андижонда келаси йил 5 миллиард доллар инвестиция жалб қилиш вазифаси қўйилди
Президент ўсиш кўрсаткичларидан кўра, ҳар бир натижа одамлар ҳаёти ва оилавий даромадларига қандай таъсир қилаётгани муҳимлигини таъкидлади.
Андижонда кейинги 10 йилда тадбиркорликни ривожлантириш учун республика бюджетидан 20 триллион сўм, банклар томонидан эса 90 триллион сўм маблағ йўналтирилган. 2026 йилда аҳоли фаровонлигини ошириш учун яна 6 триллион сўм ажратилди.
Вилоятда саноат ва тадбиркорлик учун ажратилган 1 минг гектар ер майдони ҳисобига 7 миллиард доллар инвестиция жалб қилиш ҳамда камида 70 мингта юқори даромадли иш ўрни яратиш вазифаси қўйилди.
Батафсил: https://rost24.uz/uz/news/2618
📱 ROST24.uz 📱Telegram📱Facebook
📱Instagram📱YouTube
