Rost24 | Расмий канал
Відкрити в Telegram
Бошқалардан фарқли янгиликлар, журналистик суриштирувлар Rost24 — ҲАҚИҚИЙ ЖУРНАЛИСТИКА •instagram.com/rost24uz •youtube.com/@rost24official Реклама: +99890 047 23 78 Мурожаат учун — @rost24aloqa_bot
Показати більше📈 Аналітичний огляд Telegram-каналу Rost24 | Расмий канал
Канал Rost24 | Расмий канал (@rost_24uz) у мовному сегменті Узбецька є активним учасником. На даний момент спільнота об'єднує 41 649 підписників, посідаючи 6 281 місце в категорії Новини і ЗМІ та 1 912 місце у регіоні Узбекистан.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 41 649 підписників.
За останніми даними від 01 серпня, 2026, канал демонструє стабільну активність. Хоча за останні 30 днів спостерігається зміна кількості учасників на 2 492, а за останні 24 години на -286, загальне охоплення залишається високим.
- Статус верифікації: Не верифікований
- Рівень залученості (ER): Середній показник залученості аудиторії становить 24.31%. Протягом перших 24 годин після публікації контент зазвичай збирає 20.18% реакцій від загальної кількості підписників.
- Охоплення публікацій: В середньому кожен допис отримує 10 113 переглядів. Протягом першої доби публікація в середньому набирає 8 395 переглядів.
- Реакції та взаємодія: Аудиторія активно підтримує контент: середня кількість реакцій на один пост – 54.
📝 Опис та контентна політика
Автор описує ресурс як майданчик для висловлення суб'єктивної думки:
“Бошқалардан фарқли янгиликлар, журналистик суриштирувлар
Rost24 — ҲАҚИҚИЙ ЖУРНАЛИСТИКА
•instagram.com/rost24uz
•youtube.com/@rost24official
Реклама: +99890 047 23 78
Мурожаат учун — @rost24aloqa_bot”
Завдяки високій частоті оновлень (останні дані отримано 02 серпня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Новини і ЗМІ.
41 649
Підписники
-28624 години
-8747 днів
+2 49230 день
Архів дописів
41 621
⚡️Янги энергетика вазири янги ваъдалардан эмас, эски миллиардларни ҳисоблашдан бошлаши керак
Сўнгги олти йилда энергетика соҳаси мамлакатда энг кўп инвестиция жалб қилинган тармоқлардан бири бўлган. Президент чиқишларида энергетикага миллиардлаб доллар инвестиция киритилаётгани, янги электр станциялари қурилаётгани, қайта тикланувчи энергия манбалари жадал ривожланаётгани, хусусий инвесторлар жалб қилинаётгани бир неча бор таъкидланди.
Расмий маълумотларга кўра, 2020–2025 йиллар давомида соҳага жалб қилинган инвестициялар ўнлаб миллиард доллар билан ўлчанади. Шу даврда қуввати минглаб мегаватт бўлган иссиқлик, қуёш ва шамол электр станциялари бўйича лойиҳалар бошланди, халқаро молия институтлари ва хусусий инвесторлар билан юзлаб келишувлар имзоланди.
Бироқ, миллиардлар сарфланганига қарамай, аҳолининг саволлари, муаммолари ҳамон тугамади, камаймади, аксинча, кўпайиб бораётгандек. Нега ҳар қиш фаслида электр узилишлари яна кун тартибига чиқади? Нега газ босими билан боғлиқ муаммолар ҳануз бартараф этилмаган? Нега тадбиркорлар электр энергияси узилишлари сабаб ишлаб чиқаришини вақтинча тўхтатишга мажбур бўлади? Агар инвестициялар кутилган самарани берганида, бу саволлар бугун долзарб бўлмаслиги керак эди.
Батафсил: https://rost24.uz/uz/news/2587
📱 ROST24.uz 📱Telegram📱Facebook
📱Instagram📱YouTube
41 621
41 621
+1
⚡️Мирободда болалар майдончаси ўрнидаги қурилиш юзасидан жиноят иши қўзғатилди
Тошкент шаҳрининг Миробод туманида болалар майдончаси ва спорт ўйингоҳлари ўрнида амалга оширилган қурилиш ишлари юзасидан жиноят иши қўзғатилди.
Маълум қилинишича, 30 июль куни ушбу ҳудуддаги қурилиш ишлари ўрганилган. Аниқланишича, аввал «Маҳалла» хайрия жамоат фонди балансида бўлган ҳудуд кейинчалик «Al-Latif Hearts Tower» МЧЖ тасарруфига ўтказилган. У ерда реконструкция ва қўшимча бино-иншоотлар қуриш учун тегишли рухсат ҳужжатлари расмийлаштирилган.
Бироқ «Лолазор» МФЙ ҳудудидаги кўп қаватли уйлар аҳолиси янги бино қурилишига қарши чиққан. Шунингдек, «Маҳалла» хайрия жамоат фонди билан инвестор ўртасидаги инвестиция шартномаси бекор қилинган.
Шунга қарамай, 2026 йил июнь ойида фонд балансида бўлган 172 квадрат метр майдондаги бино бузиб ташланган. Бунинг оқибатида давлат манфаатларига жиддий зарар етказилгани аниқланган.
Мазкур ҳолат юзасидан 27 июль куни туман прокуратураси томонидан «Al-Latif Hearts Tower» МЧЖ мансабдор шахслари ва бошқа шахсларга нисбатан жиноят иши қўзғатилган.
Жамиятнинг норасмий раҳбари сифатида кўрсатилаётган Аслиддин Икромов гумон қилинувчи тариқасида процессуал тартибда ушланган.
Ҳозирда тергов ҳаракатлари давом эттирилмоқда. Масъулларнинг ҳаракатларига ҳуқуқий баҳо бериш ҳамда болалар майдончасини аввалги ҳолатига қайтариш бўйича зарур чоралар кўрилмоқда.
📱 ROST24.uz 📱Telegram📱Facebook
📱Instagram📱YouTube
41 621
+2
«Чорсу», «Ўрикзор», «Қўйлиқ» «Ипподром» каби Тошкентдаги деярли барча бозорлар сотувга қўйилади
Тошкент шаҳридаги 35 та бозор ва савдо комплекси ҳамда уларнинг шохобчалари оммавий савдоларга чиқарилади. Бу ҳақда «Тошкент шаҳрини 2026–2027 йилларда ижтимоий-иқтисодий ривожлантириш бўйича қўшимча чора-тадбирлар тўғрисида»ги президент қарорида белгиланди.
Бозор ва савдо комплексларини савдога чиқаришда улар ўрнида замонавий экобозор, савдо ва хизмат кўрсатиш, кўнгилочар марказлар ҳамда кўп қаватли автотураргоҳ ташкил этиш шарт бўлади.
Қуйида оммавий савдоларга чиқариладиган бозор ва савдо комплекси ҳамда уларнинг шохобчалари тўлиқ рўйхати келтирилди:
«Наврўз деҳқон бозори» АЖ; «Чилонзор буюм савдо комплекси» АЖ; «Бек тўпи савдо комплекси» МЧЖ; «Сергели деҳқон бозори» АЖ; «Истеъмолда бўлган транспорт воситалари ва эҳтиёт қисмлари Сергели бозори» МЧЖ; «Паркент универсал савдо комплекси» АЖ; «Янгиобод ихтисослашган бозор» МЧЖ; «Авиасозлар деҳқон бозори» АЖ; «Қора-қамиш деҳқон бозори» МЧЖ; «Фарҳод деҳқон бозори» АЖ; «Ўрикзор савдо комплекси» МЧЖ; «Қўйлиқ деҳқон бозори» АЖ; «Наврўз деҳқон бозори» АЖнинг «Бўз» шохобчаси; «Наврўз деҳқон бозори» АЖнинг «Яланғоч» шохобчаси; «Наврўз деҳқон бозори» АЖнинг «Қорасув 2» шохобчаси; «Наврўз деҳқон бозори» АЖнинг «Авайхон» шохобчаси; «Наврўз деҳқон бозори» АЖнинг «Наврўз» шохобчаси; «Наврўз деҳқон бозори» АЖнинг «Улуғбек» шохобчаси; «Наврўз деҳқон бозори» АЖнинг «Ширин» шохобчас; «Юнусобод деҳқон бозори» АЖнинг «Ахмад Дониш» шохобчаси; «Юнусобод деҳқон бозори» АЖнинг «ТашГРЕС» шохобчаси; «Сергели деҳқон бозори» АЖнинг «Сергели-7» шохобчаси; «Сергели деҳқон бозори» АЖнинг «Сергели-1» шохобчаси; «Сергели деҳқон бозори» АЖнинг «Қўйлиқ-5» шохобчаси; «Сергели деҳқон бозори» АЖнинг «Қўйлиқ-6» шохобчаси; «Сергели деҳқон бозори» АЖнинг «Қурувчилар» шохобчаси; «Қора-қамиш деҳқон бозори» МЧЖнинг «Чиғатой» шохобчаси; «Қора-қамиш деҳқон бозори» МЧЖнинг «Чуқурсой» шохобчаси; «Қора-қамиш деҳқон бозори» МЧЖнинг «Шифокорлар» шохобчаси; «Қора-қамиш деҳқон бозори» МЧЖнинг «Хонаки қушлар ва аквариум балиқлари» шохобчаси; «Қора-қамиш деҳқон бозори» МЧЖнинг «Ёшлик» шохобчаси; «Янгиобод ихтисослашган бозори» МЧЖга қарашли шохоба; «Чилонзор буюм савдо комплекси» АЖга қарашли «Бек тўпи» автотураргоҳи; «Бешқўрғон савдо» МЧЖ. Ҳужжатда келтирилишича, Тошкент шаҳридаги бошқа деҳқон (озиқ-овқат) бозорлари, ихтисослаштирилган ва буюм бозорлари (савдо комплекслари)нинг шохобчалари ҳамда уларнинг бўш турган майдонлари мастер режалар ва белгиланадиган шартлар асосида баҳоланган қийматда электртон онлайн аукцион савдоларига чиқарилади. 📱 ROST24.uz 📱Telegram📱Facebook 📱Instagram📱YouTube
41 621
Тошкентда “Энергетика хавфсизлиги ойлиги” доирасида кучайтирилган гуруҳлар иш бошлади
Тошкент шаҳрида энергия ресурсларидан самарасиз ва ноқонуний фойдаланишнинг олдини олиш мақсадида кенг кўламли тадбирлар бошланди.
31 июль куни Юнусобод туманида ўтказилган йиғилишда шаҳар прокурори, ИИББ бошлиғи ҳамда шаҳар ҳокими ўринбосари томонидан масъулларга аниқ вазифалар белгилаб берилди.
Маълум қилинишича, пойтахтда 450 нафардан ортиқ ходимдан иборат кучайтирилган ишчи гуруҳлар фаолият олиб боради.
📱 ROST24.uz 📱Telegram📱Facebook
📱Instagram📱YouTube
41 621
Испания ташқи ишлар вазири Хосе Мануэль Альбарес маълум қилишича, шу ҳафта Сеутага кириб келган тахминан 60 минг нафар муҳожирнинг 48–50 минг нафари ихтиёрий ёки ҳуқуқ-тартибот органлари назорати остида Марокашга қайтарилган.
Батафсил ўқиш
@ogohuzofficial
41 621
⚡️Талабга жавоб берадиган бекатларни йўқотишдан мақсад – пойтахтда одамларни камайтиришми?
Мегаполис даражасига етаётган Тошкент шаҳрида тирбандликларни камайтириш учун машина тўхташ мумкин бўлган ҳар бир қарич ер пуллик қилинди. Аммо шахсий автотранспортни камайтириш учун аввало жамоат транспортини такомиллаштириш лозим эди.
Бироқ йўловчилар талабига жавоб берадиган мавжуд бекатлар тизимли ва онгли равишда йўқотилиб ўрнига енгил конструкцияли кичкина бекатчалар қўйилди. Бу эса йўловчиларни ҳар томонлама чорасиз қолдиришга ўхшаяпти.
Ютубда кўриш:https://youtu.be/IgNNsmJn2Ao
📱 ROST24.uz 📱Telegram📱Facebook
📱Instagram📱YouTube
41 621
⚡️АҚШда маст ҳолда машина бошқарган чет элликларнинг визаси бекор қилинди
АҚШ Давлат департаменти маст ҳолда автомобиль бошқаргани учун ҳибсга олинган беш нафар чет эл фуқаросининг визасини бекор қилмоқда.
Давлат департаменти матбуот котиби Томми Пиготтнинг айтишича, ушбу шахслар АҚШ қонунларини менсимай, хавфли ҳаракатлари билан мамлакат фуқароларининг ҳаётини хавф остига қўйган.
«Қонунларимизни бузган ва Америка фуқаролари хавфсизлигига таҳдид солган чет элликларнинг мамлакатимизда қолишига йўл қўймаймиз», деди у.
Маълум қилинишича, визаси бекор қилинганлардан бири тартибсизлик чиқариш, полицияга қаршилик кўрсатиш, маст ҳолда машина бошқариш ва оилавий зўравонликда айбланган.
Яна бир хорижлик эса вояга етмаган болани олиб кетаётган вақтда қонидаги алкоголь миқдори рухсат этилган меъёрдан қарийб икки баравар юқори бўлгани учун ҳибсга олинган.
Учинчи ҳолатда чет эл фуқаросининг қонидаги алкоголь миқдори белгиланган меъёрдан уч баравар юқори экани аниқланган. У ҳатто суд томонидан тайинланган қайта тарбиялаш дастурига ҳам маст ҳолда келган.
Қолган икки ҳолатдан бирида ҳайдовчи маст ҳолда ЙТҲ содир этиб, бошқа шахсга тан жароҳати етказган. Бешинчи фуқаро эса маст ҳолда машина бошқариш билан бирга ёнида героин сақлагани учун ушланган.
Томми Пиготтнинг таъкидлашича, АҚШ Давлат департаменти виза эгаларини мунтазам текшириб боради ва мамлакат хавфсизлигига таҳдид солувчи чет элликларга нисбатан муросасиз чора кўради.
📱 ROST24.uz 📱Telegram📱Facebook
📱Instagram📱YouTube
41 621
41 621
⚡️Марказий Осиё учун ягона туристик виза жорий этилиши мумкин
Қозоғистон ва Ўзбекистон Қирғизистоннинг Марказий Осиё давлатлари бўйлаб саёҳат қилувчи хорижликлар учун ягона туристик виза жорий этиш ташаббусини қўллаб-қувватлади.
Бу ҳақда Қирғизистон Президенти Садир Жапаров Чўлпонота шаҳрида ўтказилган Марказий Осиё давлатлари ва Озарбайжон раҳбарларининг норасмий маслаҳат учрашувида маълум қилди.
Жапаровнинг таъкидлашича, мазкур ташаббус минтақадаги барча давлатлар томонидан қўллаб-қувватланишига умид қилинмоқда.
Ягона туристик виза амалга оширилса, хорижлик сайёҳлар бир марта виза олиш орқали Марказий Осиёнинг бир нечта давлатларига эркин саёҳат қилиш имконига эга бўлади.
📱 ROST24.uz 📱Telegram📱Facebook
📱Instagram📱YouTube
41 621
⚡️Cтипендия кундалик харажатларга етмаяпти: Миқдорни ошириш таклиф қилинди
Мамлакатда талабалар олаётган стипендия кундалик харажатларга етмаётгани боис тўлов миқдорини ошириш зарур. Бу таклиф 30 июль куни Тошкент шаҳрида ўтган фискал мулоқотда билдирилди. Маълум қилинишича, ҳозирги стипендия тизимида қатор муаммолар мавжуд.
Бугун 1,6 миллион нафар талабанинг атиги 118 минг нафари ёки 7,3 фоизи стипендия олмоқда. Базавий стипендия эса минимал истеъмол харажатларидан паст ва талабанинг ижтимоий ҳолатини етарли даражада ҳисобга олмайди. Бу дегани, стипендия талабанинг кундалик харажатларини қоплашга етмаяпти.
“Манзилли стипендия қўллаб-қувватловини жорий этиш ва стипендия миқдорини минимал истеъмол харажатлари даражасигача ошириш муҳим. Шу билан бирга, турар жой ижараси учун субсидияларни сақлаш, вазирликлар, идоралар ва иш берувчиларга ҳам тўланадиган стипендияларни кенгайтириш таклиф этилади”, дейди Фискал таҳлиллар институти масъуллари.
📱 ROST24.uz 📱Telegram📱Facebook
📱Instagram📱YouTube
41 621
⚡️Яширин омбордан қарийб 1,4 млрд сўмлик сертификатсиз дори воситалари аниқланди
Наманган шаҳридаги хусусий хонадонда ташкил этилган яширин омборхонадан тахминан 1,4 млрд сўмлик сертификатсиз дори воситалари аниқланди. Бу ҳақда Давлат хавфсизлик хизмати хабар қилди.
Маълум қилинишича, аҳоли саломатлиги хавфсизлигини таъминлаш мақсадида Давлат хавфсизлик хизмати, Божхона қўмитаси ҳамда ички ишлар органлари ходимлари ҳамкорлигида ўтказилган тадбир давомида Наманган шаҳрида яшовчи, 2003 йилда туғилган фуқаронинг хонадони кўздан кечирилган. Текширув жараёнида хонадонда махсус яширин омборхона ташкил этилгани аниқланган.
Омборхонадан хорижда ишлаб чиқарилган, бироқ Ўзбекистонда муомалага чиқариш учун талаб этиладиган тегишли сифат сертификатига эга бўлмаган 28 турдаги 28 928 дона дори воситалари топилган. Улар орасида «Ортофен», «Нейрокс», «Тирозол», «Сиофор» ва бошқа турдаги препаратлар ҳам мавжуд.
Ҳуқуқни муҳофаза қилувчи органлар маълумотига кўра, ушбу дори воситалари мамлакатга ноқонуний йўллар билан олиб кирилган бўлиб, уларнинг умумий қиймати тахминан 1,4 млрд сўмни ташкил этади.
Аниқланган дори воситалари процессуал тартибда хатланиб, олиб қўйилган. Ҳозирда уларнинг сифати ва хавфсизлигини аниқлаш мақсадида экспертизалар тайинланган ҳамда ҳолат юзасидан суриштирув ишлари олиб борилмоқда.
Шу йилнинг март ойида Наманган ва Самарқанд вилоятларидаги яширин омборларда сақланган истеъмолга яроқсиз минглаб дори воситалари фош этилган эди. Шунингдек, апрель ойида Тошкент вилоятидаги яна бир яширин омборхонадан қарийб 1 млрд сўмлик дори воситалари аниқланиб, муомаладан чиқарилган.
📱 ROST24.uz 📱Telegram📱Facebook
📱Instagram📱YouTube
41 621
⚡️Тошкентда 2,8 магнитудали зилзила содир бўлди
31 июль куни соат 16:13 да Тошкент вилоятининг Зангиота тумани ҳудудида магнитудаси 2,8 бўлган зилзила қайд этилди.
Фавқулодда вазиятлар вазирлиги маълумотига кўра, ерости силкинишлари қуйидаги ҳудудларда сезилган:
Учтепа тумани — 3 балл;
Шайхонтоҳур тумани — 2–3 балл;
Чилонзор тумани — 2–3 балл;
Олмазор тумани — 2 балл;
Зангиота тумани — 2 балл;
Юнусобод тумани — 2 балл;
Яккасарой тумани — 2 балл;
Сергели тумани — 2 балл;
Миробод тумани — 2 балл.
📱 ROST24.uz 📱Telegram📱Facebook
📱Instagram📱YouTube
41 621
Президент Шавкат Мирзиёевнинг Марказий Осиё ва Озарбайжон давлат раҳбарларининг норасмий Маслаҳат учрашувидаги нутқидан асосий фикрлар
➖ Илгари тарқоқ бўлган Марказий Осиё бугунги кунда биргаликдаги саъй-ҳаракатларимиз натижасида тараққиётнинг умумий мақсадлари йўлида бирлашмоқда;
➖ Озарбайжоннинг Маслаҳат учрашувлари форматига қўшилиши ўзаро ҳамкорлигимизни сифат жиҳатидан янги – макроминтақавий даражага олиб чиқмоқда;
➖ Марказий Осиё, Жанубий Кавказ ва Афғонистонни бирлаштирувчи ягона тараққиёт маконини шакллантириш учун тарихий имконият очилмоқда;
➖ Биргаликдаги саъй-ҳаракатларимиз билан Евроосиёнинг қоқ юрагида барқарор ривожланиш, ўзаро боғлиқлик ва яхши қўшничилик учун мустаҳкам пойдевор яратишимиз зарур;
➖ Минтақавий ҳамкорликнинг барқарор архитектурасини шакллантиришга ўтиш вақти келди;
➖ Савдо-иқтисодий ва транспорт соҳасидаги ўзаро боғлиқлик мустаҳкамланади, узлуксиз саноат-технологик занжирлар кенгайтирилади, умумий рақамли хизматлар ва инвестиция платформалари ривожлантирилади;
➖ Марказий Осиё таълим, илм-фан ва катта маълумотлар соҳасида инновациялар бўйича рақобатбардош хабга айланиши керак;
➖ Экологик таҳдидлар давлат чегараларини тан олмайди, шундай экан, уларга жавоб чоралари ҳам умумий бўлиши керак;
➖ Гуманитар алоқалар Марказий Осиё давлатлари ҳамкорлигининг ўзгармас устувор йўналишларидан бири бўлиб қолади;
➖ Замонавий ҳамкорлик чуқурлашгани сари умумминтақавий ўзига хослик ва халқлар ўртасидаги ҳамжиҳатлик янада мустаҳкамланмоқда;
➖ Бизнинг умумий кучимиз – бирлик, ўзаро ишонч ва биргаликдаги яратувчанликка қатъий садоқатимиздадир.
📱 ROST24.uz 📱Telegram📱Facebook
📱Instagram📱YouTube
41 621
+2
⚡️Саида Мирзиёева: Тошкентда болалар майдончалари ва яшил ҳудудлар ноқонуний қурилишлар қурбонига айланмаслиги керак
Президент Администрацияси раҳбари Саида Мирзиёева Тошкент шаҳрининг Миробод туманидаги “Лолазор” маҳалласида дарахтлар кесиб ташлангани ва болалар майдончаси ўрнида бизнес маркази қуриш режалаштирилганини қаттиқ танқид қилди.
Унинг таъкидлашича, маҳалла аҳолиси эккан дарахтлар шафқатсизларча кесиб, қўпориб ташланган. Шунингдек, қурилишлар сабаб пойтахтдаги умумий ҳовлилар, болалар ўйин ва спорт майдончалари босқичма-босқич йўқолиб бораётгани аҳолида жиддий норозилик уйғотмоқда.
Шу муносабат билан Бош прокуратурага Тошкент шаҳридаги бундай объектларни тўлиқ инвентаризациядан ўтказиш топширилди. Текширувлар давомида қурилишларга берилган рухсатномаларнинг қонунийлиги, шаҳарсозлик меъёрларига ҳамда фуқаролар ҳуқуқларига қай даражада риоя қилингани ўрганилади.
Саида Мирзиёева қонунбузарликлар аниқланган тақдирда, масъулларга нисбатан муросасиз чоралар кўрилишини таъкидлади. Унинг сўзларига кўра, айбдор шахслар зарур ҳолларда жиноий жавобгарликка тортилиб, ҳатто озодликдан маҳрум этилиши ҳам мумкин.
📱 ROST24.uz 📱Telegram📱Facebook
📱Instagram📱YouTube
41 621
⚡️Янги энергетика вазири янги ваъдалардан эмас, эски миллиардларни ҳисоблашдан бошлаши керак
Сўнгги олти йилда энергетика соҳаси мамлакатда энг кўп инвестиция жалб қилинган тармоқлардан бири бўлган. Президент чиқишларида энергетикага миллиардлаб доллар инвестиция киритилаётгани, янги электр станциялари қурилаётгани, қайта тикланувчи энергия манбалари жадал ривожланаётгани, хусусий инвесторлар жалб қилинаётгани бир неча бор таъкидланди.
Расмий маълумотларга кўра, 2020–2025 йиллар давомида соҳага жалб қилинган инвестициялар ўнлаб миллиард доллар билан ўлчанади. Шу даврда қуввати минглаб мегаватт бўлган иссиқлик, қуёш ва шамол электр станциялари бўйича лойиҳалар бошланди, халқаро молия институтлари ва хусусий инвесторлар билан юзлаб келишувлар имзоланди.
Бироқ, миллиардлар сарфланганига қарамай, аҳолининг саволлари, муаммолари ҳамон тугамади, камаймади, аксинча, кўпайиб бораётгандек. Нега ҳар қиш фаслида электр узилишлари яна кун тартибига чиқади? Нега газ босими билан боғлиқ муаммолар ҳануз бартараф этилмаган? Нега тадбиркорлар электр энергияси узилишлари сабаб ишлаб чиқаришини вақтинча тўхтатишга мажбур бўлади? Агар инвестициялар кутилган самарани берганида, бу саволлар бугун долзарб бўлмаслиги керак эди.
Батафсил: https://rost24.uz/uz/news/2587
📱 ROST24.uz 📱Telegram📱Facebook
📱Instagram📱YouTube
41 621
⚡️Фискал таҳлиллар институти жамоат транспорти чиптаси нархини оширишни таклиф қилди
Ўзбекистонда жамоат транспорти учун йўл ҳақини иқтисодий асосланган даражага ошириш таклиф этилди. Бу ҳақда Иқтисодиёт ва молия вазирлиги ҳузуридаги Фискал таҳлиллар институти томонидан ўтказилган мулоқотда маълум қилинди.
Тақдим этилган маълумотларга кўра, бугунги кунда жамоат транспорти харажатларининг 65,1 фоизи давлат субсидиялари ҳисобидан қопланмоқда. Субсидиялар ҳажми йил сайин ортиб бормоқда: 2024 йилда бу кўрсаткич 1 триллион сўмни ташкил этган бўлса, 2025 йилда 1,2 триллион сўмга, 2026 йилда эса 1,385 триллион сўмга етган.
Институт ҳисоб-китобларига кўра, амалдаги брутто-шартномалар тизимини молиялаштириш учун ҳар йили тахминан 1,9 триллион сўм талаб этилади. Шундан 1,3 триллион сўми Тошкент шаҳри жамоат транспорти ҳиссасига тўғри келади.
Мутахассислар субсидиялар ҳажми ошиб бораётганига қарамай, жамоат транспорти тизимининг самарадорлиги ва натижадорлигини баҳолаш механизми етарлича шаффоф эмаслигини таъкидлади.
Шу муносабат билан қатор таклифлар илгари сурилди. Улар қаторида йўловчи оқими паст бўлган маршрутларни қайта кўриб чиқиш ва оптималлаштириш, автобус чипталари нархини иқтисодий асосланган даражага етказиш, ҳудудларда жамоат транспорти қамровини кенгайтириш, имтиёзли тоифадаги фуқароларни манзилли қўллаб-қувватлаш ҳамда ташувчиларга тўловларни хизмат сифати кўрсаткичлари (KPI) асосида амалга ошириш бор.
📱 ROST24.uz 📱Telegram📱Facebook
📱Instagram📱YouTube
