Rost24 | Расмий канал

⚡️Саида Мирзиёева Дилнозахон Каттахановани янги лавозими билан табриклади Президент Администрацияси раҳбари Саида Мирзиёева Дилнозахон Каттахановани Ўзбекистон Бош вазирининг хотин-қизлар масалалари бўйича ўринбосари лавозимига тайинлангани муносабати билан табриклади. У ўз мурожаатида мазкур лавозим мамлакатдаги 19 миллиондан ортиқ хотин-қизларнинг манфаат ва эҳтиёжлари билан боғлиқ катта масъулият эканини таъкидлади. Саида Мирзиёева хотин-қизлар бандлигини таъминлаш, хорижда меҳнат қилаётган ҳамюртларни қўллаб-қувватлаш, зўравонликнинг олдини олиш ҳамда оғир ҳаётий вазиятга тушиб қолган аёлларга ёрдам бериш масалалари тизимли ёндашув асосида ҳал этилиши лозимлигини қайд этди. Шунингдек, у жазо муддатини ўтаётган, уйи ва фарзандларидан узоқда меҳнат қилаётган ҳамда оғир ҳаётий вазиятга тушиб қолган хотин-қизларга алоҳида эътибор қаратиш зарурлигини таъкидлади. Мурожаат сўнгида Саида Мирзиёева Дилнозахон Каттахановага янги фаолиятида муваффақият, қатъият ва мамлакатдаги ҳар бир аёл ҳаётида ижобий ўзгаришларга хизмат қиладиган юксак натижалар тилади. 📱 ROST24.uz 📱Telegram 📱 Facebook 📱Instagram 📱 YouTube

150 туп дарахт кесилганига чора кўрмаслик эвазига компьютер олган экология бўлими бошлиғи қўлга тушди Самарқандда 150 туп дарахт кесилганига чора кўрмаслик, табиатга етказилган зарарни камайтириш эвазига компьютер олган экология бўлими бошлиғи ушланди. Бу ҳақда Бош прокуратура ҳузуридаги департамент хабар берди. Департаментнинг Жомбой тумани бўлими томонидан ўтказилган тезкор тадбирда туман экология ва атроф муҳитни муҳофаза қилиш бўлими бошлиғи Ж.Р. “Зарафшон” МФЙ ҳудудидаги 150 туп терак дарахти кесилгани бўйича тўпланган ҳужжатлар юзасидан чора кўрмаслик ва табиатга етказилган зарарни камайтириш, транспорт воситасини жарима майдончасидан чиқариб бериш эвазига фуқаро Ж.С.дан 11 млн сўмлик компьютер жамланмасини олган вақтида ашёвий далиллар билан ушланган. Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда. 📱 ROST24.uz 📱Telegram 📱 Facebook 📱Instagram 📱 YouTube

⚡️Ўзбекистон Республикаси Президентининг тегишли қарорлари билан: Нодирбек Бахтиёрович Сайфуллаев Ўзбекистон Республикаси маданият вазирининг биринчи ўринбосари лавозимига тайинланди; Жаҳонгир Одилхўжаевич Ахмедов Ўзбекистон Республикаси маданият вазирининг биринчи ўринбосари – Ўзбекистон Республикаси Маданият вазирлиги ҳузуридаги Кинематография агентлиги директори лавозимига тайинланди; Одилжон Абдуғаниевич Абдуқаҳоров Ўзбекистон Республикаси маданият вазирининг ўринбосари лавозимига тайинланди; Санжар Бахтиёрович Бобожонов Ўзбекистон Республикаси маданият вазирининг ўринбосари лавозимига тайинланди ва шу муносабат билан Ўзбекистон Республикаси Президентининг маданият бўйича вакили бўлинмасининг бош инспектори лавозимидан озод этилди; бошқа ишга ўтиши муносабати билан Баходир Мажитович Ахмедов, Авазхон Бахадирович Тажиханов Ўзбекистон Республикаси маданият вазирининг биринчи ўринбосари лавозимидан, Муроджон Абдуллаевич Мажидов, Юсуфжон Камолдинович Усмонов Ўзбекистон Республикаси маданият вазирининг ўринбосари лавозимидан озод этилди. 📱 ROST24.uz 📱Telegram 📱 Facebook 📱Instagram 📱 YouTube

150 туп дарахт кесилганига чора кўрмаслик эвазига компьютер олган экология бўлими бошлиғи қўлга тушди Самарқандда 150 туп дарахт кесилганига чора кўрмаслик, табиатга етказилган зарарни камайтириш эвазига компьютер олган экология бўлими бошлиғи ушланди. Бу ҳақда Бош прокуратура ҳузуридаги департамент хабар берди. Департаментнинг Жомбой тумани бўлими томонидан ўтказилган тезкор тадбирда туман экология ва атроф муҳитни муҳофаза қилиш бўлими бошлиғи Ж.Р. “Зарафшон” МФЙ ҳудудидаги 150 туп терак дарахти кесилгани бўйича тўпланган ҳужжатлар юзасидан чора кўрмаслик ва табиатга етказилган зарарни камайтириш, транспорт воситасини жарима майдончасидан чиқариб бериш эвазига фуқаро Ж.С.дан 11 млн сўмлик компьютер жамланмасини олган вақтида ашёвий далиллар билан ушланган. Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда. 📱 ROST24.uz 📱Telegram 📱 Facebook 📱Instagram 📱 YouTube

⚡️Лукашенко ўзбекистонлик оилаларни Беларусга кўчиб бориб, яшаш ва ишлашга чақирди — эвазига ер ажратилишини айтди Беларусь президенти мамлакатга ишчи кучи зарурлигини таъкидлаб, Ўзбекистондан келадиган оилаларга ер ажратиб беришга тайёр эканини билдирди. У, шунингдек, ўзбекистонликларга нисбатан илиқ ва биродарона муносабатда эканини қайд этди. Шу билан бирга, у икки мамлакат мутасаддиларидан мазкур дастурни тезроқ ишга туширишни сўради. 📱 ROST24.uz 📱Telegram 📱 Facebook 📱Instagram 📱 YouTube

Президент фармони билан Музаффар Муротович Камилов Ўзбекистон Республикаси Президентининг диний-маърифий масалалар бўйича маслаҳатчиси лавозимига тайинланди ва шу муносабат билан Ўзбекистон Республикаси Президенти Администрацияси Диний-маърифий масалалар бўйича департаментининг бошлиғи лавозимидан озод этилди. 📱 ROST24.uz 📱Telegram 📱 Facebook 📱Instagram 📱 YouTube

⚡️Сардор Умрзоқов Стратегик ривожланиш ва ислоҳотлар агентлиги директори этиб тайинланди Президент фармони билан, Сардор Ўктамович Умрзоқов Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директори лавозимига тайинланди ва шу муносабат билан Ўзбекистон Республикаси Президентининг стратегик ривожланиш бўйича маслаҳатчиси лавозимидан озод этилди. Ўзбекистон Республикаси Президентининг стратегик ривожланиш бўйича маслаҳатчиси лавозими тугатилди. Абдулла Мамасаатович Абдуқодиров бошқа ишга ўтиши муносабати билан Президент ҳузуридаги Стратегик ривожланиш ва ислоҳотлар агентлиги директори вазифасини бажарувчиси лавозимидан озод этилди. 📱 ROST24.uz 📱Telegram 📱 Facebook 📱Instagram 📱 YouTube

Ўзбекистон мустақиллиги учун амалдан кетмадим – Хайриддин Султонов Ўзбекистон Президентининг спичрайтери Хайриддин Султонов давлат хизматида ўтган 35 йиллик фаолияти ҳақида гапирди.

«Баъзан мана шу одам озми-кўпми таланти бор эди, шу амалга, мансабга, мартабага берилиб кетди, шу истеъдодини амалга алмаштирди, бўлмаса яхши-яхши китоблар ёзарди, деган гапларни гоҳ-гоҳида эшитиб тураман. Ва мен бунга битта жавоб айтаманки, ҳа, буни тан оламан. Мен ҳақиқатан ҳам шу истеъдодимни, талантимни амалга алмаштирдим, буни тан оламан. Лекин бу амалнинг номи Ўзбекистон мустақиллиги деган амал эди. Бу ватаннинг озодлиги деган амал эди, мен алмашган нарса. Менинг ҳамма ёзган китобларимдан, келажакда ёзадиган китобларимдан, ҳаммасидан Ўзбекистон мустақиллиги баланд туради», деди Султонов.

📱 ROST24.uz 📱Telegram 📱 Facebook 📱Instagram 📱 YouTube

⚡️ Бош вазир ўринбосари ишдан олинди Ўзбекистон Республикаси Бош вазири ўринбосари, Оила ва хотин-қизлар қўмитаси раиси Зулайҳо Баҳриддиновна Маҳкамова лавозимидан озод этилди. Унинг ўрнига Ёшлар ишлари агентлиги директорининг биринчи ўринбосари Дилноза Каттахонова тайинланиши кутилмоқда. Маълумот учун, Зулайҳо Маҳкамова 2022 йил 1 мартдан буён мазкур лавозимни эгаллаб келаётган эди. 📱 ROST24.uz 📱Telegram 📱 Facebook 📱Instagram 📱 YouTube

⚡️18 ёшгача бўлганлар учун диний таълимга рухсат берилиши мумкин Ўзбекистонда 18 ёшгача бўлган болалар ва ўсмирларга диний таълим олиш имкониятини яратиш масаласи муҳокама қилинмоқда. Президент администрациясининг Диний-маърифий масалалар бўйича департаменти раҳбари Музаффар Камиловнинг айтишича, бу йўналишда турли ҳуқуқий ва ижтимоий жиҳатлар атрофлича таҳлил қилинмоқда. Унинг таъкидлашича, ҳозирги чекловлар нима сабабдан жорий этилгани, уларни сақлаб қолиш ёки қайта кўриб чиқиш зарурати ўрганилмоқда. Бу жараён шошма-шошарлик билан эмас, жамият манфаатлари ва мамлакатнинг дунёвий давлат тамойиллари ҳисобга олинган ҳолда амалга оширилади. Музаффар Камиловнинг сўзларига кўра, диний соҳада ислоҳотлар босқичма-босқич олиб борилиши керак. У аввалги йилларда эркинлик кескин кенгайган даврларда айрим салбий ҳолатлар ҳам кузатилганини эслатиб, бундай хатолар такрорланмаслиги учун эҳтиёткорлик муҳимлигини қайд этди. У давлатнинг вазифаси динга тўсқинлик қилиш эмас, балки қонун доирасида фуқароларнинг виждон эркинлигини таъминлаш эканини таъкидлади. Шу билан бирга, диний масалаларда ҳам, дунёвийликда ҳам меъёр сақланиши лозимлигини айтди. Камилов исломдаги «ифрот» ва «тафрит» каби икки чеккага оғиш хавфли эканини таъкидлаб, энг тўғри йўл мўътадиллик эканини қайд этди. Унинг фикрича, айнан қонун асосида белгиланган «ўрта йўл» жамиятда турли тушунмовчиликларнинг олдини олади. Президент администрацияси вакили 18 ёшгача бўлганлар учун диний таълим масаласи ҳақидаги саволга жавобан, «Кўриб чиқяпмиз, ўрганяпмиз», дея маълум қилди. Шунингдек, у Ўзбекистон бу борада бошқа давлатлар тажрибасини ўрганаётганини, бироқ ҳеч қайси мамлакат моделини тўлиқ кўчириб олмаслигини айтди. Хусусан, АҚШнинг айрим штатларидаги ижтимоий ва диний институтлар фаолияти таҳлил қилинаётгани қайд этилди. Музаффар Камиловнинг маълум қилишича, кейинги беш йил ичида мамлакатда 200 дан ортиқ янги масжид барпо этилди, олий ва ўрта махсус диний таълим муассасалари сони ҳам оширилди. Унинг таъкидлашича, диний таълим соҳасидаги эҳтимолий ўзгаришлар фақат жамият тайёрлиги, илмий таҳлиллар ва қонунчилик асосида, босқичма-босқич амалга оширилади. 📱 ROST24.uz 📱Telegram 📱 Facebook 📱Instagram 📱 YouTube

⚡️Тошкентда йирик кўчалардан бири 20 кунга ёпилади Тошкент шаҳрининг Яшнобод туманидаги «Авиасозлар» кўчасининг бир қисмида магистрал иссиқ сув қувурларини алмаштириш ишлари бошланади. Шу муносабат билан ушбу ҳудудда автотранспорт ҳаракати вақтинча чекланади. Veolia Energy Tashkent компанияси маълумотига кўра, таъмирлаш ишлари 11 июль соат 08:00 дан 31 июль соат 06:00 гача давом этади. Лойиҳа иссиқлик тармоқларини модернизация қилиш ва истеъмолчиларни барқарор ҳамда сифатли иссиқлик таъминоти билан таъминлаш мақсадида амалга оширилаётган экан. Қурилиш-таъмирлаш ишлари давомида хавфсизликни таъминлаш мақсадида, «Авиасозлар» кўчасининг тегишли қисми транспорт ҳаракати учун вақтинча ёпилади. Шу муносабат билан ҳайдовчиларга ҳаракат йўналишини олдиндан режалаштириш ва айланма йўллардан фойдаланиш тавсия этилган. Компания юзага келиши мумкин бўлган вақтинчалик ноқулайликлар учун пойтахт аҳолиси ва ҳайдовчилардан узр сўраган. 📱 ROST24.uz 📱Telegram 📱 Facebook 📱Instagram 📱 YouTube

#Рост_ҳикматлар Ёлғизлик ҳалокатга олиб келади. Зеро, инсон ўзига керакли нарсаларни фақат жамият ёрдамида қўлга киритиши мумкин. ✍️ Абу Али ибн Сино 🌟Кунингиз хайрли бўлсин! ROST24.uz | Telegram | YouTube

Саида Мирзиёева Клод Имовен бошчилигидаги делегация билан учрашди Президент Администрацияси раҳбари Саида Мирзиёева Франция тадбиркорлари халқаро ҳаракати (MEDEF International) ҳузуридаги Ўзбекистон-Франция ишбилармонлар кенгаши раиси,«Орано» компанияси директорлар кенгаши раҳбари Клод Имовен бошчилигидаги етакчи француз компаниялари вакиллари билан учрашди.  «Биз энергетика, таълим, сув таъминоти тизими, транспорт ва шаҳар инфратузилмаси каби устувор соҳаларда ҳамкорликни кенгайтиришни мақсад қилганмиз», дея маълум қилган Саида Шавкатовна.  Ушбу музокаралар яқинда Президент Эммануэл Макрон билан бўлиб ўтган олий даражадаги мулоқотимизнинг узвий ва мантиқий давомидир. 📱 ROST24.uz 📱Telegram 📱 Facebook 📱Instagram 📱 YouTube

Ўзбекистонда меҳнат низолари бўйича ихтисослашган судьялар корпуси ташкил этилади Олий суд Раёсати фуқаролик ишлари бўйича судларда меҳнат низоларини кўришга ихтисослашган судьялар корпусини шакллантириш тўғрисида қарор қабул қилди. Қарорга мувофиқ, 2026 йил 1 августдан бошлаб фуқаролик ишлари бўйича судларнинг мавжуд штат бирликлари доирасида меҳнат низоларини кўришга ихтисослашган судьялар фаолияти йўлга қўйилади. Шунга кўра: — 2026 йил 1 августдан кейин судларга келиб тушган меҳнат низоларига оид аризалар ихтисослашган судьялар ўртасида тақсимланади. — 2026 йил 31 июлгача келиб тушган, шу жумладан, иш юритувига қабул қилинган ишлар эса 2026 йил 1 августга қадар амалда бўлган тартибда кўриб чиқилиб, якунланади. Ихтисослашган судьялар корпусининг жорий этилиши меҳнат муносабатларидан келиб чиқадиган низоларни чуқурроқ ҳуқуқий таҳлил қилиш, уларни кўриб чиқишда ягона амалиётни шакллантириш ҳамда суд қарорлари сифатини оширишга хизмат қилиши кутилмоқда. 📱 ROST24.uz 📱Telegram 📱 Facebook 📱Instagram 📱 YouTube

⚡️Фермерлар нега ижтимоий солиқни вақтида тўлай олмаяпти? Ўзбекистонда ижтимоий солиқдан қарздор бўлган фермер ва корхоналарнинг барчаси ҳам тўлов интизомини бузгани учун қарзга ботмаган. Пенсия жамғармаси ўтказган ўрганишлар мавсумий даромад, кредит юки ва ҳатто техник хатолар ҳам қарздорликка сабаб бўлаётганини кўрсатди. Пенсия жамғармаси маълум қилишича, 3–4 июль кунлари ижтимоий солиқ бўйича қарзи мавжуд бўлган 622 та корхона ва фермер хўжалиги фаолияти жойига чиққан ҳолда ўрганилди. Таҳлиллар натижасида қарздорликнинг келиб чиқишида турли иқтисодий ва ташкилий омиллар муҳим ўрин тутаётгани аниқланган. Хусусан, қишлоқ хўжалиги соҳасида даромадларнинг мавсумий хусусиятга эга экани асосий сабаблардан бири сифатида қайд этилди. Фермерлар ҳар ой ижтимоий солиқ ҳисобласа-да, асосий маблағ ғалла, пахта ва бошқа қишлоқ хўжалиги маҳсулотлари сотилгандан кейин келиб тушади. Шу боис айрим даврларда маблағ етишмаслиги кузатилиб, солиқ тўловлари кечикиши мумкин. Шунингдек, корхоналарнинг ликвидлик муаммолари, кредит ва лизинг бўйича молиявий юклама, дебитор қарздорлик, Мажбурий ижро бюроси ҳамда инкассо жараёнлари ҳам қарздорликни юзага келтираётган омиллар қаторида қайд этилди. Ўрганиш давомида айрим техник хатолар ҳам аниқланган. Жумладан, тўловларнинг бошқа солиқ турига ёки нотўғри ҳудудий солиқ органи ҳисоб рақамига ўтказилиши ҳам қарздорлик сифатида акс этаётгани маълум бўлди. Пенсия жамғармаси ҳар бир ҳолат алоҳида ўрганилиши, тегишли идоралар билан ҳамкорликда муаммоларни бартараф этиш бўйича манзилли чоралар ишлаб чиқилишини маълум қилди. 📱 ROST24.uz 📱Telegram 📱 Facebook 📱Instagram 📱 YouTube

⚡️Германияда жазирама қурбонлари сони 5 мингдан ошди Германияда кузатилган аномал иссиқ ҳаво оқибатида 5 мингдан ортиқ одам ҳаётдан кўз юмди. Роберт Кох институти (RKI)нинг дастлабки ҳисоб-китобларига кўра, июнь ойи охирига қадар иссиқ билан боғлиқ ўлимлар сони тахминан 5120 нафарни ташкил этган. Бу ҳақда Deutsche Welle хабар қилди. Мутахассислар энг оғир вазият 22–28 июнь кунлари кузатилганини маълум қилди. Бир ҳафта ичида иссиқ таъсири билан боғлиқ ҳолда 4310 нафар инсон вафот этган. Таққослаш учун, 2025 йил давомида Германияда юқори ҳарорат сабабли қарийб 2600 киши ҳаётдан кўз юмган эди. Бу йилги кўрсаткич эса анча юқори бўлди. РКИ маълумотларига кўра, қурбонларнинг 80 фоиздан ортиғини 75 ёшдан катта инсонлар ташкил этган. Вафот этганлар орасида аёллар улуши кўпроқ бўлиб, мутахассислар буни кекса аҳоли таркибида аёллар сонининг юқорилиги билан изоҳламоқда. Шифокорлар таъкидлашича, жазирама кўпинча тўғридан-тўғри қуёш уриши эмас, балки инсонда аввалдан мавжуд бўлган юрак-қон томир, нафас йўллари ва бошқа сурункали касалликларни оғирлаштириши орқали ўлимга сабаб бўлади. 📱 ROST24.uz 📱Telegram 📱 Facebook 📱Instagram 📱 YouTube

⚡️Энди собиқ давлат хизматчилари ишга кирмоқчи бўлса, коррупция назорати бўлинмасининг хулосасини олиши шарт бўлади Адлия вазирлиги собиқ давлат хизматчиларини ишга қабул қилишда коррупцияга қарши ички назорат бўлинмасининг хулосасини олиш тартибини давлат рўйхатидан ўтказди. Янги тартибга кўра, давлат органида ишлаган шахс ишдан бўшаганидан кейин 2 йил ичида ўзи назорат қилган ташкилотга ишга кирмоқчи бўлса, аввалги иш жойининг коррупцияга қарши ички назорат бўлинмасидан хулоса олиниши шарт. Ички назорат бўлинмаси уч хил хулоса беради: ижобий — ишга қабул қилиш мумкин; чекловли ижобий — муайян чекловлар билан ишга қабул қилинади; салбий — ишга қабул қилиш рад этилади. Хулоса умуман олинмаган ёки салбий бўлган тақдирда номзодни ишга қабул қилиш мумкин эмас. Чекловли ижобий хулоса берилса, ходим 3 ой давомида аввал назорат қилган ташкилотга оид қарорлар қабул қилишда иштирок этмайди, унинг айрим вазифалари қайта тақсимланади ва фаолияти ички назорат бўлинмаси томонидан мониторинг қилинади. 📱 ROST24.uz 📱Telegram 📱 Facebook 📱Instagram 📱 YouTube

⚡️Энди болаларга зўравонлик қилган педагогларнинг боғчада ишлаши 1 йилга тақиқланади Сенатнинг 17-ялпи мажлисида болалар ҳуқуқларини ҳимоя қилишнинг ҳуқуқий кафолатларини кучайтиришга қаратилган қонун маъқулланди. “Болаларни ижтимоий ҳимоя қилиш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида”ги қонун билан 6 та кодекс ва 13 та қонунга қўшимча ўзгартиришлар киритиш назарда тутилган. Маъмурий жавобгарлик тўғрисидаги кодексга болалар ҳуқуқини таъминлашга қаратилган янги нормалар киритилмоқда. Жумладан, таълим ташкилотида вояга етмаган болаларни тарбиялаш ва уларга таълим бериш борасидаги мажбуриятларни ўз зиммасига юклатилган шахс томонидан тарбия ва таълим бериш жараёнида вояга етмаган болага нисбатан жисмоний зўравонлик содир этиш, шунингдек, уни камситиш ёки хўрлаш каби ҳаракатларда ифодаланган тарзда таҳқирлаш учун алоҳида маъмурий жавобгарлик назарда тутилмоқда. Бундан ташқари, педагогик фаолиятни амалга ошириш жараёнида вояга етмаганларга нисбатан жисмоний ва (ёки) руҳий зўравонликка оид ҳуқуқбузарлик содир этганлиги учун маъмурий жавобгарликка тортилган шахсларга нисбатан бир йил муддат давомида мактабгача таълим ташкилотларида педагогик фаолият билан шуғулланиши мумкин эмаслиги назарда тутилмоқда. “Ушбу қатъий норма бежизга киритилаётгани йўқ. Интернет, ижтимоий тармоқлар орқали айрим таълим муассасаларида болалар билан боғлиқ аянчли ҳолатларнинг гувоҳига айланяпмиз. Яқинда хусусий боғчаларнинг бирида йиғлаётган болани кузатув камерасига тушмайдиган жойга олиб бориб жазолаш ҳақидаги хабарлар барчамизни бирдек ларзага солди. Масаланинг янада ташвишли жиҳати, ушбу тарбиячи бундан атиги икки ой аввал ҳам болага тан жароҳати етказганлиги учун маъмурий жавобгарликка тортилган. Демак, аввалги ҳуқуқбузарликдан кейин ҳам у бола билан ишлашда давом этган. Болаларга нисбатан зўравонликка муросасиз бўлишимиз лозим. Бу масалада ҳар бир кечиккан ёки етарли даражада кўрилмаган чора янги жабрланувчилар пайдо бўлишига сабаб бўлиши мумкин. Шу нуқтайи назардан, янги киритилаётган чеклов нормаси ўз вақтида киритилаётган муҳим ҳуқуқий чора деб биламиз”, деди мажлисда сўзга чиққан сенатор Орзигул Мўйдинова. Қонун билан давлат ёки нодавлат муассасасининг тўлиқ таъминотида бўлган бола учун ота ёки онани алимент тўлашдан озод қилишга йўл қўйилмаслиги ҳам белгиланмоқда. Шу билан бирга, етим болалар ва ота-она қарамоғидан маҳрум бўлган болалар оилага тарбияга фақат уларнинг қариндошларига берилиши қоидаси жорий этилмоқда. Сенаторларнинг фикрича, ушбу қонун болаларнинг ҳуқуқ ва қонуний манфаатларини ишончли ҳимоя қилиш, таълим муассасаларида уларнинг қадр-қиммати ва дахлсизлигини таъминлаш бўйича ҳуқуқий кафолатларни мустаҳкамлашга замин яратади. 📱 ROST24.uz 📱Telegram 📱 Facebook 📱Instagram 📱 YouTube

⚡️Марказий банк йирик P2P ўтказмалари ҳақидаги маълумотларни солиқ органларига бериш таклифига қарши чиқди Марказий банк ойлик ҳажми 500 БҲМдан ошадиган P2P (картадан картага) пул ўтказмалари ҳақидаги маълумотларни солиқ органларига тақдим этиш таклифини Ўзбекистон Конституциясига зид деб ҳисобламоқда. Бу ҳақда Марказий банк раиси ўринбосари Аброрхўжа Турдалиев маълум қилди. Унинг таъкидлашича, мазкур таклиф Конституциянинг 31-моддасида кафолатланган шахсий ҳаёт дахлсизлиги, шунингдек, банк операциялари, омонатлар ва ҳисобварақлар сир сақланиши тўғрисидаги қонун нормаларига мос келмайди. Шу боис Марказий банк мазкур масала юзасидан Солиқ қўмитасига ўз эътирозларини билдирган. Регуляторнинг қайд этишича, бундай тартибнинг жорий этилиши фуқароларнинг конституциявий ҳуқуқларини чеклаши, аҳоли орасида нақд пулдан фойдаланишни кучайтириши ва маблағларнинг банк тизимидан норасмий айланмага чиқиб кетишига сабаб бўлиши мумкин. Бу эса, ўз навбатида, яширин иқтисодиёт улушининг ортишига ҳамда нақд ва нақдсиз ҳисоб-китоблар ўртасидаги номутаносибликка олиб келади. Марказий банк, шунингдек, қарор лойиҳаси Солиқ қўмитаси томонидан ишлаб чиқилганини ва айнан 500 БҲМ миқдори қандай мезонлар асосида танлангани бўйича регуляторда аниқ маълумот мавжуд эмаслигини билдирди. Шу билан бирга, банк тизимида амалдаги қонунчиликка мувофиқ, банк сири ва шахсий маълумотларни ҳимоя қилиш учун барча зарур техник ва ташкилий механизмлар мавжудлиги таъкидланди. 📱 ROST24.uz 📱Telegram 📱 Facebook 📱Instagram 📱 YouTube

⚡️Ўқишни кўчириш учун ўтиш баллари эълон қилинди: ҳуқуқ йўналиши учун 165, тиббиёт йўналиши учун 132 балл 2026–2027 ўқув йилида хорижий ва нодавлат олий таълим муассасаларидан Ўзбекистон давлат ОТМларига ўқишни кўчириш учун ўтказиладиган махсус синовлар бўйича ўтиш баллари тасдиқланди. Энг юқори талаб «Ҳуқуқ» таълим йўналишига қўйилиб, абитуриентлар камида 165 балл тўплаши керак. Олий таълим, фан ва инновациялар вазирлиги буйруғига кўра, «Сиёсатшунослик», «Халқаро муносабатлар» ҳамда «Жаҳон иқтисодиёти ва халқаро иқтисодий муносабатлар» йўналишларида ўқишни кўчириш учун 140 балл, «Соғлиқни сақлаш» соҳаси учун эса 132 балл талаб этилади. «Журналистика», «Бизнес ва бошқарув», «Санъат» ва «Ижтимоий фанлар» йўналишларида ўтиш бали 105, «Транспорт хизматлари» учун 104, «Таълим», «Тиллар», «Ахборот-коммуникация технологиялари» ва бошқа қатор соҳаларда 94 балл этиб белгиланган. Шунингдек, «Муҳандислик», «Архитектура» ва «Ишлаб чиқариш» йўналишларида 75 балл, «Ветеринария» учун эса 60 балл етарли ҳисобланади. Вазирлик хорижий олий таълим муассасаларидан Ўзбекистон давлат ОТМларининг мос ёки турдош бўлмаган бакалавриат таълим йўналишларига ўқишни кўчиришга рухсат берилмаслигини ҳам эслатди. 📱 ROST24.uz 📱Telegram 📱 Facebook 📱Instagram 📱 YouTube