Навоий вилояти Соғлиқни сақлаш бошқармаси | Расмий канали | вакцина -ягона чора!

⚡️⚡️⚡️⚡️⚡️⚡️⚡️ Навоий вилояти ахборот макони учун юксак эътироф! Меҳнат ва фидойилик ҳар доим муносиб баҳоланади. Айниқса, вилоятимизнинг ижобий қиёфасини яратиш, ислоҳотларни халққа очиқ ва тезкор етказишда кунни тунга улаб меҳнат қилаётган соҳа вакилларининг ютуқлари барчамизни қувонтиради. Навоий вилояти ҳокимлиги Ахборот хизмати раҳбари Рауфбоева Шоҳира Ҳамроевна Ўзбекистон Республикаси Президенти Администрацияси Коммуникациялар департаменти томонидан Ташаккурнома билан тақдирланди! Бу мукофот — мамлакатимизда ахборот маконини ривожлантириш, “Media haftalik”лар доирасида соҳа мутахассисларининг касбий маҳоратини ошириш ҳамда давлат ва жамият ўртасидаги очиқ мулоқотни мустаҳкамлаш йўлидаги фидокорона меҳнатнинг юксак эътирофидир. Мазкур эътироф ҳафталик давомида иштирок этган маҳаллий ва хорижий спикерлар ҳамда экспертлар ўртасида ўтказилган сўровнома асосида шакллантирилди. Унда Навоий вилоятида медиа тадбирлари юқори даражада ва профессионал ташкил этилгани алоҳида қайд этилган. Эътиборли жиҳати, ушбу йўналишдаги юксак баҳога бутун республика бўйича фақатгина иккита ҳудуд — Навоий ва Бухоро вилоятлари ахборот хизматлари лойиқ деб топилди. 👌Навоий вилояти ҳокимлиги Ахборот хизмати 🧠Veb Sayt |✈️ Telegram | 🌐Facebook | 📸Instagram | ▶️ Youtube

🔴 Bu shunchaki sahna emas. Bu minglab oilalarning achchiq haqiqatidir. ❕Bir lahzalik zavq ortida sog‘liq, orzular va butun bir kelajak yo‘qolishi mumkin. ➡️Giyohvandlik — erkinlik emas, u kelajakni o‘g‘irlaydigan qaramlikdir. Hayotni tanlang. Giyohvandlikka “Yo‘q” deng! 📍Video Zarafshon shahar Ichki ishlar bo‘limi va Zarafshon shahar Tibbiyot birlashmasi hamkorligida tasvirga olindi.

🟢 Navoiy shahrida “Sog‘lom jamiyat – kuchli davlat” shiori ostida keng qamrovli tadbir o‘tkazildi 📌 “26-iyun – Xalqaro giyohvandlikka qarshi kurash kuni” munosabati bilan Navoiy shahridagi Ma’rifat bog‘ida “Sog‘lom jamiyat – kuchli davlat” shiori ostida keng ko‘lamli targ‘ibot va tibbiy ko‘rik tadbiri tashkil etildi. ➡️ Tadbir avvalida sog‘lom turmush tarzini targ‘ib qilish maqsadida fuqarolar ishtirokida yengil sport mashqlari o‘tkazildi. Jismoniy faollikning inson salomatligidagi o‘rni, muntazam sport bilan shug‘ullanishning foydalari haqida tushuntirishlar berildi. 📈 Shundan so‘ng aholi uchun bepul chuqurlashtirilgan tibbiy ko‘rik tashkil etilib, viloyatdagi ixtisoslashtirilgan tibbiyot muassasalari mutaxassislari tomonidan tibbiy maslahat va ko‘riklar o‘tkazildi. ➡️ Tadbir davomida Navoiy shahar tibbiyot birlashmasining 200 nafar hamda Respublika ixtisoslashtirilgan narkologiya ilmiy-amaliy tibbiyot markazi Navoiy viloyat mintaqaviy filialining 100 nafar xodimi jalb etilib, giyohvandlik, alkogol va boshqa zararli odatlarning salbiy oqibatlari yuzasidan keng ko‘lamli targ‘ibot-tashviqot ishlari olib borildi. ✅ Mazkur tadbir aholi salomatligini mustahkamlash, sog‘lom turmush tarzini keng targ‘ib etish hamda yoshlarni zararli illatlardan asrashga qaratilgani bilan ahamiyatli bo‘ldi.

«Maxsus reportaj» |26-iyun Xalqaro giyohvandlikka qarshi kurash kuni @Navoiy_teleradiokanali Youtube | Telegram | Instagram | Facebook

Saida Mirziyoyeva Andijon viloyatiga tashrifi davomida tezkor yangilanishni talab etayotgan bir qator ijtimoiy obyektlar bilan tanishdi. Xususan, Oltinko‘l tumanidagi “Ko‘makay” oilaviy poliklinikasi, 9-sonli davlat maktabgacha ta’lim tashkiloti hamda 36-sonli umumta’lim maktabidagi mavjud sharoitlar ko‘zdan kechirildi. Mazkur obyektlar bugungi kun talablariga javob bermayotgani qayd etilib, ularni yangidan barpo etish belgilandi.

“Tibbiyot va ta’lim haqida gap ketar ekan, shifokor va o‘qituvchining munosib sharoitda ishlashi, ota-onaning esa farzandini maktab yoki bog‘chaga xotirjam kuzatishi eng ustuvor masaladir. Odamlar turmushini yaxshilashga qaratilgan o‘zgarishlar yillar davomida kutilmasligi kerak. Natija imkon qadar tez va amalda sezilishi lozim”, — dedi Saida Mirziyoyeva.

✅ Har bir zamonaviy maktab, bog‘cha yoki poliklinika — bu shunchaki yangi bino emas. Bu inson qadri, farzandlar kelajagi va aholining munosib hayot kechirishi uchun yaratilayotgan sharoitdir. https://t.me/Rasmiy_axborot_official

#qonunchilikdagi_yangiliklar “Korrupsiyaga qarshi kurashish to‘g‘risida”gi Qonunda: - Korrupsiyaga qarshi kurashish bo‘yicha milliy kengash tarkibi O‘zbekiston Respublikasi Prezidenti tomonidan tasdiqlanishi va Kengashning rahbar organlari qonun darajasida belgilandi; - korrupsiyaga qarshi kurashish bo‘yicha hududiy kengashlarning maqomi va vazifalari alohida moddada aniq aks ettirildi; - Korrupsiyaga qarshi kurashish agentligiga qo‘shimcha tarzda jamiyatda korrupsiyaga nisbatan murosasiz munosabatni shakllantirish bo‘yicha 8 ta yangi vazifa yuklatildi. Qonunda komplayens va korrupsiyaga qarshi ichki nazorat tuzilmalarining vazifalari va huquqlari, shuningdek, xavfsizlik kafolatlari mustahkamlandi. Unga ko'ra, komplayens va korrupsiyaga qarshi ichki nazorat tuzilmalari xodimlari davlat himoyasida bo‘ladi, ularga nisbatan tergov va protsessual harakatlar Bosh prokurorning ruxsati bilan yoki uni xabardor etgan holda amalga oshiriladi. Qonunga muvofiq, korrupsiyaga oid jinoyatlarni sodir etgan shaxslarning elektron reyestri yuritiladi. Elektron reestrga kiritilgan shaxslarga davlat xizmatiga kirish, saylanadigan tayinlanadigan lavozimlarga nomzodini ko‘rsatish, davlat xaridlari va DXSH bitimlarida ishtirokchi sifatida qatnashish taqiqlanadi. O‘z mehnat faoliyatini olib borayotgan tashkilotda korrupsiyaga oid jinoyat to‘g‘risida xabar bergan shaxslarga nisbatan Agentlikni xabardor qilmasdan 2 yil davomida intizomiy jazo qo‘llash mumkin emas. ——— Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish samaradorligini oshirish, korrupsiya uchun javobgarlik muqarrarligini taʼminlashga qaratilgan qonun qabul qilindi. Qonun bilan: - korrupsiyaga oid jinoyatlarning aniq ro‘yxati belgilandi; - korrupsiya uchun javobgarlik va jazo choralari kuchaytirilmoqda; - korrupsiya haqida xabar bergan shaxslarning himoyasi taʼminlanmoqda; - Korrupsiyaga qarshi kurashish bo‘yicha milliy va hududiy kengashlar, Korrupsiyaga qarshi kurashish agentligi hamda komplayens va ichki nazorat tuzilmalari vakolatlari asosiy qonunda aks etdi; - davlat xaridlarida korrupsiyaviy omillarni qisqartirish choralari kuchaytirildi; - korrupsiyaga nisbatan murosasiz munosabatni shakllantirish yoshlarga oid davlat siyosatining ustuvor yo‘nalishlaridan biri sifatida belgilandi. Jumladan: ▫️Jinoyat kodeksida: - “korrupsiyaga oid jinoyatlar” tushunchasiga taʼrif berilib, unga 18 turdagi jinoyat kiritildi; - korrupsiyaviy jinoyatlar uchun jazo choralari kuchaytirildi; - o‘zlashtirish yoki rastrata yo‘li bilan talon-toroj qilish, firibgarlik uchun takroran hukm qilingan va yetkazilgan zararning o‘rnini to‘liq qoplamagan, shuningdek, takroran yoki xavfli retsidivist bo‘la turib yoxud juda ko‘p miqdorda pora olish, pora berish, pora olish-berishda vositachilik qilish jinoyatlarini sodir etgan shaxslarga nisbatan jazodan muddatidan ilgari shartli ozod qilish yoki jazoni yengilrog‘i bilan almashtirish qoidalari qo‘llanilmasligi belgilandi. ▫️Maʼmuriy javobgarlik to‘g‘risidagi kodeksda: - davlat xaridlarida xarid predmetining boshlang‘ich narxini shakllantirish tartibini buzish, shuningdek, boshlang‘ich narx hamda o‘rtacha bozor narxi o‘rtasida yo‘l qo‘yiladigan tafovutning eng ko‘p miqdorini buzganlik uchun maʼmuriy javobgarlik belgilandi. ——— Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

🔴 ХАТИРЧИ ТУМАНИДА СУТ БЕЗИ САРАТОНИ ЭРТА БОСҚИЧДА АНИҚЛАНИБ, МУВАФФАҚИЯТЛИ АМАЛИЁТ ЎТКАЗИЛДИ ➡️ Ўзбекистон Республикаси Президентининг 2024 йил 18 декабрдаги ПҚ-402-сон қарори ижросини таъминлаш мақсадида Хатирчи туманида аёллар ўртасида сут бези ва бачадон бўйни саратонини эрта аниқлашга қаратилган кенг қамровли скрининг тадбирлари изчил давом эттирилмоқда. 📌 Навбатдаги скрининг текширувлари давомида 46 ёшли аёлда сут безида шубҳали патологик ўзгаришлар аниқланди. Беморга зарур лаборатор ва инструментал текширувлар тўлиқ ўтказилиб, мутахассислар консилиуми хулосасига кўра жарроҳлик давосини амалга ошириш тавсия этилди. ➡️ Хатирчи туманида Республика ихтисослаштирилган онкология ва радиология илмий-амалий тиббиёт маркази Навоий филиали онкомаммолог шифокори Комилжон Ҳасанов томонидан юқори малакали жарроҳлик амалиёти муваффақиятли ўтказилди. Ҳозирда беморнинг аҳволи қониқарли бўлиб, у мутахассислар назорати остида соғлигини тикламоқда. 🔛 Мутахассисларнинг таъкидлашича, онкологик касалликларни эрта босқичда аниқлаш даволаш самарадорлигини сезиларли даражада оширади, асоратлар хавфини камайтиради ҳамда беморнинг ҳаёт сифатини сақлаб қолиш имконини беради. ➡️Шу муносабат билан барча аёлларни ўз саломатлигига масъулият билан ёндашишга, профилактик кўриклар ва скрининг дастурларида фаол иштирок этишга чақирамиз. ❕ Эрта ташхис — соғлом ва узоқ умр гаровидир!

🔴 🟦🟦🟦 ❓ Кафолатланган пакет доирасида қандай тиббий хизматлар бепул кўрсатилади?

✅ Давлат тиббий суғуртаси тизими шу йил охиригача мамлакатимизнинг барча ҳудудида тўлиқ жорий қилиниши белгиланган. Унга кўра, бирламчи тиббий-санитария муассасалари “аҳоли жон бошига”, стационарлар эса “ҳар бир даволанган ҳолат” усулида молиялаштирилади.

❓ Хўш, янги механизм қай тартибда ишлайди ва қайси турдаги тиббий хизматлар аҳолига бепул кўрсатилади? ➡️ Бу ҳақда Соғлиқни сақлаш вазирлиги Тиббий суғуртани жорий қилишни мувофиқлаштириш бўлими бошлиғи Шуҳрат Алмарданов батафсил маълумот берди:

💬 — Кафолатган пакет доирасида юртдошларимиз, қолаверса, Ўзбекистон Республикасининг солиқ резиденти, деб эътироф этилган чет эл фуқаролари ҳамда фуқаролиги бўлмаган шахслар бепул тиббий хизматлар билан таъминланади.

💫 Бу хизматлардан фойдаланиш учун, аввало, бирламчи тиббий-санитария ёрдами кўрсатувчи ташкилот ва унга бириктирилган аҳоли (вояга етмаганлар учун ота-онаси ёки бошқа қонуний вакиллари) ўртасида битим тузилади. ‼️ Битимда фуқароларга соғлом турмуш тарзига риоя этиш, зарарли одатлардан воз кечиш, ўз тиббий саводхонлигини ошириш, шифокор кўрсатмаларига амал қилиш, профилактик ва скрининг кўриклардан белгиланган муддатларда ўтиш, оилавий шифокорга эса аҳолини белгиланган тартибда қабул қилиш ва маслаҳат (ёки йўлланма) бериш, тиббий хизматларни ўз вақтида, сифатли ва тўлиқ ҳажмда кўрсатиш, дори воситаларини тўғри тайинлаш каби мажбуриятлар юклатилади. ➡️ Кафолатланган пакетга киритилган тиббий хизматлардан бепул фойдаланиш учун оилавий шифокорга ёки тиббиёт бригадасига мурожаат қилиш талаб этилади (шошилинч ва тез тиббий ёрдам кўрсатиш бундан мустасно). 💻 Бунда оилавий шифокор даволаш ва ташхислаш стандартларига мувофиқ тор соҳа шифокорларига, зарур ҳолларда шифохоналарга электрон йўлланма беради ҳамда бемор мазкур йўлланма асосида тор соҳа шифокори томонидан кўрикдан ўтказилади ва (ёки) шифохонага ётқизилади. Ушбу тартибга риоя этилмаган ҳолларда тиббий хизматлар пулли асосда кўрсатилади. 🏵 Кафолатланган пакет барча фуқаролар учун бир хил даражада амал қилади, аммо ижтимоий тоифадаги шахслар (болалар, ёлғиз кексалар, ногиронлиги бўлган фуқаролар) кенгайтирилган хизматлардан ҳам фойдаланиши мумкин.

📆 Соғлиқни сақлаш вазирлиги ҳар йили 1 августга қадар келгуси йил учун кафолатланган пакет ҳажмларини шакллантиради. Иқтисодиёт ва молия вазирлиги билан биргаликда талаб қилинаётган маблағлар миқдори келишилади ҳамда зарур маблағлар келгуси йил учун тасдиқланадиган Давлат бюджети параметрларида назарда тутилади.

⬇️ Бирламчи тиббий-санитария ёрдами муассасаларида кафолатланган пакет доирасида: 🔴 беморларни қабул қилиш, тиббий кўрикдан ўтказиш ва маслаҳат бериш; 🟡 тиббий-профилактика хизматларини кўрсатиш; 🟢 20 турдаги профилактик кўриклар ва скрининг текширувлари; 🔵 29 турдаги диагностик ва 18 турдаги лаборатор текширувлар; 🔴 даволаш муолажалари ва амалиётлар; 🟡 паллиатив тиббий ёрдам; 🟢 меҳнатга вақтинча лаёқатсизликни экспертиза қилиш хизмати бепул кўрсатилади. Шунингдек: 💊 34 турдаги кечиктириб бўлмайдиган ҳолатлар учун қўлланиладиган дори воситалари; 💊 6 турдаги кундузги шифохона ва физиотерапия муолажалари учун дори воситалари; 💊 амбулатор шароитда аҳоли (беморлар)га бериладиган қарийб 68 турдаги дори воситалари; 💊 62 турдаги тиббий буюмлар, ташхис қўйиш ва антисептик воситалари бепул тақдим қилинади. ‼️ Кафолатланган пакетга киритилмаган тиббий хизматлар (дори воситалари, сарфлаш материаллари ва тиббий буюмлар ҳам) пулли асосда кўрсатилади. Шошилинч ва кечиктириб бўлмайдиган тиббий ёрдамлар бундан мустасно. Соғлиқни сақлаш вазирлиги Матбуот хизмати. 🔵@ssvuz|🔵@ssvmatbuotkotibi|👥Facebook | 📷Instagram

🔴 #No_comment

✅ Poytaxtimizda sog‘liqni saqlash tizimi rahbarlarining aholi muammolarini manzilli hal qilishda professional kompetensiyalarini rivojlantirishga qaratilgan maxsus o‘quv kursi boshlandi.

🖥 Tadbir joriy yil 13 mart kuni Prezident Shavkat Mirziyoyev raisligida xalq murojaatlari bilan ishlash tizimini takomillashtirish hamda jamoatchilik fikrini chuqur tahlil qilish masalalari bo‘yicha o‘tkazilgan videoselektor yig‘ilishida berilgan topshiriqlar ijrosi doirasida tashkil etildi. 🇺🇿 Uning ochilishida Prezident Administratsiyasi, Prezident Xalq qabulxonasi, Sog‘liqni saqlash vazirligi hamda Prezident huzuridagi Davlat siyosati va boshqaruvi akademiyasi mas’ullari qatnashdi. ✅ Uch kunlik o‘quv kursi davomida hududiy sog‘liqni saqlash boshqarmalari va tuman tibbiyot birlashmalari rahbarlari, Respublika ixtisoslashtirilgan ona va bola salomatligi ilmiy-amaliy tibbiyot markazi hamda Respublika tez tibbiy yordam markazi filiallari xodimlari nazariy va amaliy mashg‘ulotlarda ishtirok etadi. ‼️ Bu jarayonda ular amaliy keyslar va interaktiv sessiyalar orqali zamonaviy boshqaruv, aholi murojaatlari bilan ishlash, sohada korrupsiyaning oldini olish, tizimda raqamlashtirish jarayonlarini jadallashtirish va tibbiy xizmatlar sifatini oshirish bo‘yicha o‘z bilim va ko‘nikmalarini yanada mustahkamlaydi. 🚑  SSV Matbuot xizmati. 🌐 Web-site 🔵Telegram 👥 Fb 📷 Instagram

Oʻsma qaysi bosqichga yetganda operatsiya zarur boʻladi Onkoginekolog Dilnoza Fayzullayeva Batafsil videoda👆

Nurota tuman tibbiyot birlashmasi faoliyatidagi kamchiliklar muhokama qilindi 🟢 Viloyat sog‘liqni saqlash boshqarmasi mas'ullari hamda Nurota tuman prokurori ishtirok etgan navbatdagi kengaytirilgan yig‘ilishda Nurota tuman tibbiyot birlashmasi faoliyatida yo'l qo'yilgan xato-kamchiliklar hamda birlashmada korrupsiyani oldini olish bo'yicha qilinishi lozim bo'lgan ishlar atroflicha muhokama qilindi. ➡️Qayd etilishicha, tuman prokuraturasi tomonidan mutaxassislar ishtirokida o‘tkazilgan o‘rganish davomida tibbiyot birlashmasida aholi salomatligini muhofaza qilish, tibbiy xizmatlar sifatini ta’minlash hamda sohaga oid normativ-huquqiy hujjatlar ijrosi yuzasidan muayyan ishlar amalga oshirilgani bilan birga, ayrim kamchilik va qonunbuzilish holatlariga ham yo‘l qo‘yilgani aniqlangan. 📌 Mazkur holat yuzasidan o‘tkazilgan yig‘ilishda tuman prokurori, viloyat sog‘liqni saqlash boshqarmasi mas'ullari so'zga chiqib, aniqlangan kamchiliklarning kelib chiqish sabablari batafsil tahlil qilindii. Shuningdek, mavjud muammolarni bartaraf etish, tibbiy xizmatlar sifati va samaradorligini yanada oshirish, ichki nazorat tizimini kuchaytirish, korrupsiyani oldini olish hamda qonunchilik talablariga qat’iy rioya etilishini ta’minlash bo‘yicha aniq vazifalar belgilab olindi. ✅ Yig‘ilish yakunida yo'l qo'yilgan xato-kamchiliklar uchun rahbar va mas’ullarga intizomiy jazo chorasini belgilash yuzasidan qaror qabul qilinib, yo‘l qo‘yilgan xato va kamchiliklarni qisqa muddatlarda bartaraf etish, kelgusida bunday holatlarning takrorlanishiga yo‘l qo‘ymaslik bo'yicha tegishli topshiriqlar berildi hamda ijrosi qat’iy nazoratga olindi

#men_donorman #birgahayotnisaqlaymiz Donorlik — har bir inson amalga oshirishi mumkin bo‘lgan oddiy, ammo chinakam qahramonlik namunasidir. 💜 Navoiy viloyati Qon quyish markazida O‘zbekiston Respublikasi Prezidentining 2026-yil 19-yanvardagi PQ-19-sonli “2026–2030-yillarda qon bilan ishlash xizmatini yanada takomillashtirish chora-tadbirlari to‘g‘risida”gi qarori ijrosini ta’minlash maqsadida “Birga hayotni saqlaymiz” milliy donorlik aksiyasi bo'lib o'tdi. Mazkur ezgu tashabbusda yoshlar yetakchilari ham faol ishtirok etib, jamiyatda mehr-oqibat, hamjihatlik va ijtimoiy mas’uliyat tuyg‘ularini yanada mustahkamlashga o‘z hissalarini qo‘shdilar. ⏺Aksiya davomida topshirilgan qon va uning komponentlari onkologiya hamda gematologiya markazlarida davolanayotgan bolajonlarga beg‘araz tarzda yo‘naltirilishi ko‘zda tutilgan bo‘lib, bu inson hayotini saqlab qolishga qaratilgan yuksak saxovat va bag‘rikenglik ifodasidir.

🛑 26 IYUN – BUTUNJAHON GIYOHVANDLIKKA QARSHI KURASH KUNI MUNOSABATI BILAN ZARAFSHON SHAHAR TIBBIYOT BIRLASHMASI BOShLIG‘INING MUROJAATI Hurmatli fuqarolar! 🟢 26 iyun – Butunjahon giyohvandlikka qarshi kurash kuni munosabati bilan sizlarni samimiy qutlayman hamda barchangizni jamiyatimiz kelajagi uchun muhim bo‘lgan ushbu masalaga befarq bo‘lmaslikka chaqiraman. ❕Giyohvandlik – inson salomatligi, oila mustahkamligi va jamiyat taraqqiyotiga jiddiy xavf tug‘diruvchi ijtimoiy illatdir. U insonning nafaqat jismoniy, balki ruhiy va ma’naviy holatiga ham salbiy ta’sir ko‘rsatib, hayot sifati va mehnat qobiliyatining pasayishiga sabab bo‘ladi. ➡️Ayniqsa, yoshlar o‘rtasida sog‘lom turmush tarzini qaror toptirish, zararli odatlardan yiroq bo‘lish madaniyatini shakllantirish bugungi kunning eng dolzarb vazifalaridan biridir. Har bir ota-ona farzandining qiziqishlari, do‘stlari va bo‘sh vaqtini qanday o‘tkazayotganiga e’tiborli bo‘lishi zarur. Oiladagi mehr-oqibat va sog‘lom muhit farzandlarni turli salbiy ta’sirlardan asrashning eng muhim omilidir. ➡️Tibbiyot xodimlari sifatida biz aholi salomatligini muhofaza qilish, giyohvandlikning oldini olish hamda ushbu illatga duch kelgan shaxslarga tibbiy va psixologik yordam ko‘rsatish borasida muntazam ish olib bormoqdamiz. Biroq bu boradagi muvaffaqiyat faqatgina barcha tashkilotlar, mahalla, oila va keng jamoatchilikning hamkorligi orqali ta’minlanadi. Aziz yurtdoshlar! 📈Sog‘lom hayot tarzini tanlang, sport bilan shug‘ullaning, farzandlaringiz tarbiyasiga alohida e’tibor qarating va giyohvandlikning har qanday ko‘rinishiga nisbatan murosasiz munosabatda bo‘ling. Har birimiz sog‘lom va barkamol avlod tarbiyasiga munosib hissa qo‘shsak, yurtimizning ertangi kuni yanada porloq va farovon bo‘ladi. ✔️Barchangizga mustahkam sog‘liq, oilaviy xotirjamlik va farovon hayot tilayman. Hurmat bilan, Mirali Axmedov Shahar tibbiyot birlashmasi boshlig‘i

Quyidagilar korrupsiyaga qarshi kurashishning samarali instrumentlari sifatida qonun darajasida tartibga solinmoqda: - korrupsiyaga oid jinoyatlarni sodir etgan shaxslarning elektron reestri yuritilishi;

Elektron reestrga kiritilgan shaxslarga davlat xizmatiga kirish, saylanadigan tayinlanadigan lavozimlarga nomzodini ko‘rsatish, davlat xaridlari va DXSH bitimlarida ishtirokchi sifatida qatnashish taqiqlanadi.

- o‘z mehnat faoliyatini olib borayotgan tashkilotda korrupsiyaga oid jinoyat to‘g‘risida xabar bergan shaxslarga nisbatan Agentlikni xabardor qilmasdan 2-yil davomida intizomiy jazo qo‘llash mumkin emasligi; - davlat organlari va tashkilotlari o‘zlarining korrupsiyaviy xavf-xatarlarini majburiy aniqlashi va baholashi; - korrupsiyaviy xavf-xatarlar xaritasi shakllantirish. Ma'lumot o'rnida: Davlat organlari va tashkilotlari tomonidan korrupsiyaviy ichki xavf-xatarlarni aniqlash uslubiyoti Korrupsiyaga qarshi kurashish agentligi va Adliya vazirligi tomonidan tasdiqlanadi.

Korrupsiyaga oid jinoyatlarni sodir etgan shaxslarning elektron reestri va korrupsiyaviy xavf-xatarlar xaritasi Agentlik tomonidan yuritiladi.

Shuningdek, “Davlat xaridlari to‘g‘risida”gi Qonunda davlat buyurtmachisiga tovar, ish va xizmatlar narxi hamda uning o‘rtacha bozor narxi o‘rtasidagi tafovutning eng ko‘p yo‘l qo‘yiladigan aniq chegarasiga amal qilish majburiyati yuklatilmoqda. Hukumat qarori bilan tasdiqlanadigan Nizomda davlat xaridlarida tovar, ish va xizmatlarning qiymatini baholash tartibi, shuningdek, narxlarni o‘rganish modulini joriy qilish nazarda tutilmoqda. Hisob palatasining korrupsiyaga qarshi ichki nazorat tuzilmalari faoliyatini nazorat qilish bo‘yicha vakolatlari qonundan chiqarilmoqda. Shuningdek, yoshlarda korrupsiyaga nisbatan murosasiz munosabatni shakllantirish yoshlarga oid davlat siyosatining asosiy yo‘nalishlaridan biri sifatida belgilanmoqda. ——— Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

Komplayens va korrupsiyaga qarshi ichki nazorat tuzilmalari ning vazifalari va huquqlari, shuningdek, xavfsizlik kafolatlari qonunda aks ettirilmoqda. Vazifalari: - korrupsiyaga qarshi ichki idoraviy siyosatni amalga oshirish; - samarali mexanizmlar va nazorat tizimini joriy etish; - sohaga aloqador bo‘linmalar faoliyatini muvofiqlashtirish; - korrupsiyaga qarshi murosasiz muhit va aholining ijobiy fikrini shakllantirish; - tekshiruvlar o‘tkazish va b. Xavfsizlik kafolatlari: komplayens va korrupsiyaga qarshi ichki nazorat tuzilmalari xodimlari davlat himoyasida bo‘ladi, ularga nisbatan tergov va protsessual harakatlar Bosh prokurorning ruxsati bilan yoki uni xabardor etgan holda amalga oshirilishi belgilanmoqda. Ularga quyidagi 6 ta qo‘shimcha huquqlar berilmoqda: - hodisa va jarayonlarni kuzatish va qayd etish; - uchinchi shaxslar bilan maxfiylik asosida hamkorlik o‘rnatish; - korrupsiyaga qarshi kurashish borasida tergovga qadar tekshiruv va tergov organlari bilan hamkorlik qilish hamda materiallarni taqdim etish; - birinchi rahbarning korrupsiyaga aloqadorlik alomatlari aniqlanganda, yuqori turuvchi tuzilmalar bilan kelishgan holda boshqaruv qarorlarini qabul qilishni vaqtincha to‘xtatish yoki tegishli shaxslarni vazifasini bajarishdan vaqtincha chetlatish. ——— Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

Oliy Majlis Senatining ayni paytda bo'lib o'tayotgan yalpi majlisida korrupsiyaga qarshi kurashish samaradorligini oshirish, korrupsiya uchun javobgarlik muqarrarligini ta'minlashga qaratilgan qonun ma'qullandi. Ushbu hujjat bilan 9 ta qonun hujjatlariga qo‘shimcha va o‘zgartirishlar kiritilmoqda. Unda quyidagi asosiy yangiliklar nazarda tutilmoqda: Jinoyat kodeksida: - “korrupsiyaga oid jinoyatlar” tushunchasiga ta’rif berilib, unga 18 turdagi jinoyat kiritilmoqda; - korrupsiyaviy jinoyatlar uchun jazo choralari kuchaytirilmoqda; - o‘zlashtirish yoki rastrata yo‘li bilan talon-toroj qilish, firibgarlik uchun takroran hukm qilingan va yetkazilgan zararning o‘rnini to‘liq qoplamagan, shuningdek, takroran yoki xavfli retsidivist bo'la turib yoxud juda ko'p miqdorda pora olish, pora berish, pora olish-berishda vositachilik qilish jinoyatlarini sodir etgan shaxslarga nisbatan jazodan muddatidan ilgari shartli ozod qilish yoki jazoni yengilrog'i bilan almashtirish qoidalari qo'llanilmasligi belgilanmoqda. Ma’muriy javobgarlik to‘g‘risidagi kodeksda: - davlat xaridlarida xarid predmetining boshlang‘ich narxini shakllantirish tartibini buzish, shuningdek, boshlang‘ich narx hamda o‘rtacha bozor narxi o‘rtasida yo‘l qo‘yiladigan tafovutning eng ko‘p miqdorini buzganlik uchun ma’muriy javobgarlik (12,4 mln so‘mgacha, takroran sodir etganlik uchun 12,4 – 20,6 mln so‘m jarima) belgilanmoqda. “Korrupsiyaga qarshi kurashish to‘g‘risida”gi Qonunda: - Korrupsiyaga qarshi kurashish bo‘yicha milliy kengash tarkibi O‘zbekiston Respublikasi Prezidenti tomonidan tasdiqlanishi va Kengashning rahbar organlari qonun darajasida belgilanmoqda; - korrupsiyaga qarshi kurashish bo‘yicha hududiy kengashlarning maqomi va vazifalari alohida moddada aniq belgilanmoqda; - Korrupsiyaga qarshi kurashish agentligiga qo‘shimcha tarzda jamiyatda korrupsiyaga nisbatan murosasiz munosabatni shakllantirish bo‘yicha 8 ta yangi vazifa yuklatilmoqda. ——— Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz. Facebook|Telegram |YouTube|Instagram|Twitter|Veb-sayt

🇺🇿🇧🇾 XALQARO HAMKORLIK ALOQALARI YANADA MUSTAHKAMLANMOQDA 🟢 2026-yil 12–13-iyun kunlari Respublika o‘rta tibbiyot va farmatsevtika xodimlari malakasini oshirish va ularni ixtisoslashtirish markazi Navoiy filiali direktori, PhD, dotsent Turakulov Vali Norkulovich xizmat safari bilan Belorussiya Respublikasida bo‘ldi. ➡️Tashrifning ilk kunida Belorussiya davlat akkreditatsiya va simulyatsiya markaziga tashrif buyurilib, markaz direktori Mironchuk Natalya Vaselyevna tomonidan qabul qilindi. Uchrashuv davomida simulyatsiya markazining tuzilishi, zamonaviy jihozlari, o‘quv dasturlari, innovatsion mulyaj va manekenlardan foydalanish tajribasi bilan yaqindan tanishildi. Shuningdek, tibbiyot xodimlari uchun klinik senariylar ishlab chiqish hamda ularni akkreditatsiyadan o‘tkazish bosqichlari o‘rganildi. Muzokaralar yakunida yangi o‘quv dasturlarini yaratish, akademik mobillikni rivojlantirish va ikki tomonlama memorandum imzolash yuzasidan kelishuvga erishildi. 🔛 2026-yil 13-iyun kuni esa Vali Turakulov “Antonov nomidagi Vitebsk davlat tibbiyot kolleji”da tashkil etilgan o‘rta tibbiyot xodimlarining malakasini oshirishda ilmiy yondashuv mavzusidagi xalqaro konferensiyada ishtirok etdi. Konferensiya doirasida xizmat safari davomida o‘tkazilgan seminar va master-klasslar natijalari yuzasidan o‘zaro fikr almashildi hamda hamkorlik istiqbollari muhokama qilindi. 📈 Tashrif yakunida ikki muassasa o‘rtasidagi hamkorlikni yangi bosqichga olib chiqish, tibbiyot xodimlarining kasbiy salohiyatini oshirish hamda aholiga ko‘rsatilayotgan tibbiy xizmatlar sifatini yanada yaxshilash maqsadida “Nogironligi bo‘lgan shaxslarga parvarish jarayonini tashkil qilish” mavzusidagi xalqaro o‘quv dasturini birgalikda amalga oshirish bo‘yicha kelishuvga erishildi. Mazkur dastur yaqin vaqt ichida o‘quv jarayoniga tatbiq etilishi rejalashtirilgan. ✔️ Ushbu tashrif Navoiy filiali va Belorussiyaning yetakchi ta’lim hamda simulyatsiya markazlari o‘rtasidagi xalqaro hamkorlikni mustahkamlash, ilg‘or tajribalarni o‘rganish va zamonaviy tibbiy ta’limni rivojlantirish yo‘lidagi muhim qadam bo‘ldi

🩸 14 июнь – Бутунжаҳон донорлар куни муносабати билан вилоят қон қуйиш станциясида тантанали тадбир ташкил этилди. Тадбирда вилоят Соғлиқни сақлаш бошқармаси бошлиғи Нурали Сафоев, соҳа мутасаддилари, фахрий донорлар ҳамда жамоатчилик вакиллари иштирок этди. Тадбир давомида 40 маротаба беғараз қон топширган 5 нафар фуқаро “Ўзбекистон Республикаси фахрий донори” кўкрак нишони, гувоҳнома ва рағбатлантирувчи ваучер билан тақдирланди. Кўкрак нишонлари ва гувоҳномалар вилоят Соғлиқни сақлаш бошқармаси бошлиғи Нурали Сафоев томонидан тантанали равишда топширилди. Шунингдек, аҳоли орасида беғараз донорлик ҳаракатини ривожлантириш ва қон заҳирасини бойитишга муносиб ҳисса қўшган ташкилотларга “Қон хизматининг фахрий дўсти” сертификатлари топширилди. Тадбир якунида донорлик ҳаракатини қўллаб-қувватлаб келаётган фаол донорлар муносиб рағбатлантирилди. ❤️ Донорлик – инсон ҳаётини сақлаб қолувчи энг олий инсонпарварлик намунасидир. #DonorlarKuni #BirTomchiInsoniylik #Donorlik #QonXizmati #14Iyun #SogliqniSaqlash

🇺🇿⚽️ Тарихий он! Олға, Ўзбекистон! 🏆 Футбол бўйича Ўзбекистон миллий терма жамоаси илк бор Жаҳон чемпионати йўлланмасини қўлга киритди! Бу нафақат спортдаги ғалаба, балки бутун халқимизнинг орзуси, ифтихори ва бирдамлигининг ёрқин тимсолидир. ✨ 👏 Шу муносабат билан Республика ихтисослаштирилган руҳий саломатлик илмий-амалий тиббиёт марказининг Наркология хизмати бўйича Навоий вилояти филиали жамоаси миллий терма жамоамизни чин қалбдан табриклайди ва қўллаб-қувватлайди! 💙 🔥 Майдондаги ҳар бир ҳаракатингиз — халқ юрагидаги ишонч ва ғурур аксидир! ⚽️ Сизларга: 💪 мустаҳкам ирода, ✨ юқори кайфият, 🥇 ёрқин ғалабалар, 🌍 Жаҳон чемпионатида улкан муваффақиятлар тилаймиз! 🤝 Бугун бутун Ўзбекистон бир овозда: 🇺🇿 ОЛҒА, ЎЗБЕКИСТОН! ОЛҒА, ТЕРМА ЖАМОА! 🏆⚽️ Сизларнинг ғалабангиз — миллатимизнинг ғалабаси! 💚 📍 Республика ихтисослаштирилган руҳий саломатлик илмий-амалий тиббиёт маркази Наркология хизмати бўйича Навоий вилояти филиали 🩺💙