EB Media

ህዝቤ ሆይ! እስኪ ቆም ብለን እናስተውል። ሰሞኑን በቲክቶክ መንደር የምንሰማው የእናትና የልጅ ታሪክ ልብ ሰባሪ ብቻ ሳይሆን፣ በየግል ሁላችንንም መስተዋት ፊት የሚያቆም ትልቅ ማህበራዊ ትምህርት ነው። ታሪኩን በአጭሩ ስናየው፦ .**** በአንድ ወቅት በመረጠችው ትዳር ምክንያት ከእናቷ ጋር የተጣላች ሴት ልጅ፣ ትዳሯን መርጣ ወደ ወደደችው ወንድ ሄዳለች። በዚህም ምክንያት ከእናቷ ጋር በመካከላቸው ያለው ግንኙነት ሙሉ በሙሉ ይቋረጣል። በየሚዲያው መሰዳደቡ እና መወራረዱ ግን ቀጥሎ ነበር። .**** ነገር ግን ጉዳዩ የቤተሰብ ገመና ሆኖ መቅረት ሲገባው፣ የሚዲያ ተጠቃሚዎች ሁሉ እየገቡ ሀሳብ የሚሰጡበት ጎራ ለይተው የሚነታረኩበት እጅግ አስቀያሚ የእናት እና ልጅ ጭቅጭቅ ወደ ሶሻል ሚዲያ አደባባይ ወጣ። መፍትሄ ከመፈለግ ይልቅ አጀንዳ ሆኖ ተባባሰ። እናት እና ልጅም በአደባባይ ተዘላለፉ ተረጋገሙ ፍፁም ጠላት ሆኑ! .**** ከብዙ መለያየት በኋላ፣ ያቺ እናት "ልጄ ናፈቀችኝ" ብላ በግልፅ አደባባይ ብታለቅስም፣ ልጅቱ ነገሩን በዝምታ አለፈችው። ይባስ ብላ አሁን ማን ያርዘኛል መውለድ ፈራሁ ብላ በአደባባይ እናት እንደሌለው ሆና ቪዲዮ ሰራች። እናትም ይሄን ቪዲዮ የሰማች ጊዜ ካለችበት ሀገር መጥታ ኢትዮጵያ ነበረች አሉ። ይሄኔ ድንገት እስትሮክ መትቷት ሆስፒታል ገባች። .* አሁን ግን የሚሰማው መርዶ ይረብሻል። ያቺ ልጇን የናፈቀች ምስኪን እናት ከዚህ ዓለም በሞት ተለየች እየተባለ ነው። ልጅቱ እድሜ ልክ የማትፋቀው ፀፀት ታቅፋ ልትኖር ነው! እግዚአብሔር የሚወራውን ውሸት ያደርግላት እንዳልል ነገሩ እውነት ነው። ነገር ግን ከዚህ ታሪክ ጀርባ እኛስ ልንመረምራቸው የሚገቡ እውነታዎች አሉ። .**** ባሻዪ! እውነቱን እንነጋገር ከተባለ፣ ወንዶችም ሆኑ ሴቶች በወጣትነት (በቲኔጀር) እድሜያቸው ማንንም መስማት አይፈልጉም። በተለይ በዚህ የዕድሜ ክልል ውስጥ ቤተሰብ ትልቁ ጠላት እንደሆነ አድርገው ያስባሉ። .**** ከዚህም በላይ ደግሞ "አፈቀርኩ" ሲሉ ሙሉ ህሊናቸው ይደፈናል፤ ፍቅር አይናቸውን ያውረዋል። ማስተዋልን አጥተው ማንንም አይሰሙም፤ ይባስ ብሎ የቤተሰብ ገበናቸውን አደባባይ ላይ አውጥተው ሲያሰጡት ምንም አይፈሩም፣ አያፍሩምም። .**** ነገር ግን ይሄ ጊዜያዊ ስሜትና "እንጠጥ እንጠጥ ዝልል ዝልል" የሚለው የወጣትነት ግልብነት መጨረሻው የት እንደሆነ አያስተውሉትም። በህይወት ውስጥ እንዳታረፍዱ የሚባለው ለዚህ ነው። ማርፈድ ፀፀትን ያወርሳል፤ ፀፀት ደግሞ ከባድ የእግር እሳት የሆነ የእድሜ ልክ ስቃይ ነው! .**** ሌላው የሚገርመኝና ልብ የሚሰብረው ነገር በዚሁ የሶሻል ሚዲያ መንደር የምናያቸው ሰዎች ባህሪ ነው። በእናትና በልጅ መካከል ገብተው ለእናት አግዘው ልጅቱን የሚሰድቡ፣ ወይም ለልጅቷ አግዘው እናትን የሚያንቋሽሹ ደጋፊዎች ነገር በእጅጉ ይገርማል። እዛጋ ይሰማል? በቤተሰብ መሃል ገብቶ እሳት መጫር ማንን ጠቀመ? .**** በዚህ መሃል ግን ሞት ቀጠሮ የለውምና መጥቶ እናትን ሲነጥቅ ለልጅቷ ስነልቦና ምን እንደሚፈጠር መገመት አያቅትም። "ልጅቷ አሁን ምንም ላይሰማት ይችላል። ነገር ግን አሁን እርጉዝ ነች። ነገ ስትወልድ ከወሊድ ጋር የሚመጣው ድብርት ወይም በእንግሊዘኛ Postpartum Stress የእናቷ ድንገተኛ ሞት፣ እና የባሏ በቅርብ እርቀት አለመኖር ተደማምሮ፣ የሚዲያውም ጫጫታ ተጨምሮበት ገና ብዙ የስነ-ልቦና ቀውስ እንደሚፈጠርባት መገመት አይከብድም።" .**** ማጠቃለያ የእኔ ምክር! ጎበዝ! በዚህ ዘመን መታወቅ እና ማወቅ የተለያዩ ነገሮች ሆነዋል። በቲክቶክ ላይ መታወቅን እንጂ ነገሮችን አርቆ ማወቅን አጥተናል። በስተመጨረሻ የምንገነዘበው ግን የጊዜን ክፉኛ ማርፈድ ብቻ ነው። እናቶች ሲኖሩ ክብር እንስጣቸው፤ ሚዲያ ላይ ገመናን መዘርገፍ ትርፉ የዕድሜ ልክ ጠባሳ ነው። ይህ ታሪክ ለሁላችንም ትልቅ ማስጠንቀቂያ ይሁን። በህይወታችሁ እንዳታረፍዱ!