EB Media

ጦርነት የመቀስቀስ እድሉ እየሰፋ ነው‼️ ፓርቲው ለ ጠ/ሚንስተር ዶ/ር አብይ አሕመድ ደብዳቤ ላከ‼️ ሳልሳይ ወያነ ትግራይ በደብዳቤው 'ከፍተኛ መስዋዕትነት የተከፈለበትና የብዙዎችን ህይወት የቀጠፈው ያለፈው አስካፊ ጦርነት ካስከተለው መጠነ-ሰፊ ውድመትና ሰብአዊ ቀውስ ገና ሳያገግም፣ በአሁኑ ወቅት በኢትዮጵያ መንግስትና በህወሓት እንዲሁም የውጭ ሀይሎች የሚሳተፉበት ተብሎ በሚገመተው አዲስ የጦርነት ደመና እያንዣበበ መምጣቱና ጫፍ መንካቱ እጅግ አሳሳቢና አደገኛ ሁኔታ ላይ ደርሷል ብሏል'። ጦርነት ትርፉ ጥፋት፣ እልቂትና የኢኮኖሚ ውድመት ብቻ መሆኑ በተደጋጋሚ የታየ እውነታ ሲሆን አሁን ሊቀሰቀስ የሚችል ማንኛውም ጦርነት ውጤቱ የማይገመት፣ የጦርነቱ ባህሪም እጅግ አደገኛ፣ የአካባቢውና የዓለም ኃያላን መንግስታት አዳዲስ የጦር መሳሪያዎቻቸውን በሁሉም ተዋጊ ሃይሎች የሚፈትኑበት የውክልና ጦርነት በመሆኑ በጣም አደገኛ ያደርገዋል። ይህ ደግሞ በትግራይ ህዝብ ብቻ ሳይሆን የሀገሪቱን ህልውና እንዲሁም ምስራቅ ኣፍሪካ ሙሉ በሙሉ ወደለየለት ጥፋት የሚያመራ ነው። በተለይም ሀገሪቱና የትግራይ ህዝብ በከፍተኛ የኢኮኖሚና የማህበራዊ ቀውስ ውስጥ ባሉበት በዚህ ደካማ ወቅት ውስጥ መገኘታችን አደጋውን እጥፍ ድርብ ያደርገዋል። የኢትዮጵያ መንግስት ጦርነትን ለማስቀረትና ሰላምን እንዲረጋገጥ ከተፈለገ፣ የትግራይ ህዝብ እውነተኛና ህዝባዊ የሆኑትን ሰብኣዊ ፣ ሕገ መንግስታዊና ፖለቲካዊ ጥያቄዎች ከተለያዩ አካላት ጋራ በማያያዝ ማጓተትና አለመመለስ በአስቸኳይ አስቁሞ የትግራይ ህገ-መንግስታዊ ግዛትና ከጦርነቱ ብኃላ የተተከሉ ህገወጥ መዋቅር በአስቸኳይ አፍርሶ ሕግ እንዲከበርና ወደ ነበረበት እንዲመለስ ማድረግ ፣ በጦርነቱ ምክንያት የተፈናቀሉና የተሰደዱ በመቶ ሺዎች የሚቆጠሩ የትግራይ ተወላጆችን ያለምንም መስተጓጎልና ስጋት ሰብአዊ መብቶቻቸዉ ተጠብቆ ወደ ቀድሞ ቀያቸው በአስቸኳይ መመለስና በዘላቂነት ማቋቋም ፣ ቀጥታ ለትግራይ ህዝብ የዕለት ተዕለት ኑሮ ወሳኝ የሆኑትን ማህበራዊና ኢኮኖሚያዊ መሰረታዊ አገልግሎቶችን (ፍትሃዊ የባጀት ክፍፍልን ጨምሮ) ያለምንም ቅድመ ሁኔታና ገደብ ሙሉ በሙሉ ስራ ላይ እንዲውሉ ማድረግ ሲገባ እነዚህን እውነተኛ የህዝብ ጥያቄዎች ከተለያዩ የፖለቲካ ጥቅሞችና አካላት በተለይ ከህወሓት ጋር በማያያዝ (በማሽመድመድ) አለመመለስ፣ ለሌላ ጦርነት መቀስቀስ ትልቁን ምክንያት እየፈጠረ መሆኑን ታውቆ፣ መንግስት ከጦርነት አማራጭ ወጥቶ በሰላማዊ መንገድና በውይይት ለችግሮቹ እውነተኛ ምላሽ እንዲሰጥ የፀና የስላም ጥሪያችንን እናቀርባለን። ሳልሳይ ወያነ ትግራይ የጦርነትን አማራጭች በመተው በሰላማዊና በሰለጠነ መንገድ መፈታት አለበት ሲል በፌደራል መንግስት የተነፈጉ የትግራይ ህዝብ እውነተኛና ህዝባዊ የሆኑትን ሰብኣዊ ፣ ሕገ መንግስታዊና ፖለቲካዊ ጥያቄዎች እንዲሁም በህወሓት የሚደረጉ እንቅስቃሴዎች ለጦርነት ከበቂ በላይ ምክንያት ስላልሆኑ ሳይሆን የትግራይ ህዝብም ሆነ መላው የኢትዮጵያ ህዝብ ዳግም ወደ እልቂትና ውድመት የሚወስደውን የጦርነት መንገድ  አይቀበለውም ብቻ ሳይሆን የጦርነት አስቃቂ ዋጋ ተጨማሪ መክፈል የለበትም በማለት ፤ ይህ መንግስት የታሪክና የህግ ተጠያቂነትን በማሰብ ፣ በቀጥታም ሆነ በእጀዙር የጦርነት ነጋሪት መምታቱን በአስቸኳይ አቁሞ፣ የትግራይ ህዝብ ጥያቄዎችን ያለምንም ቅድመ ሁኔታ በመመለስ ለሰላም ያለው ዝግጅነት ቅድሚያ እንዲሰጥ “የጦርነትን ቅስቀሳ ይቁም የሰላም ውይይቶችን አሁኑን ይጀመሩ” ሲል አሳስቧል።