የአቡ ሱለይማን ዳውድ ያሲን የመማማሪያ መድረክ

ከስልክዎ ጀርባ ያለው ድብቅ እውነት፤ ማትረፍ ወይስ መክሰር? ይህ ሁላችንም ራሳችንን ልንጠይቀው የሚገባ በጣም አስፈላጊ ጥያቄ ነው። አላህ የለገሰን ይህ ኒዕማ እርሱን በሚያስደስት ነገር ላይ እየተጠቀምንበት ነው ወይስ አይደለም? ስልክዎ የቁርኣን ዊርድንና ዚክርን ለመጠበቅ፣ ጠቃሚ እውቀትን ለመቅሰም እና መልካም አጋጣሚዎችን ለመጠቀም የሚረዳዎ መተግበሪያ (وسيلة) ሊሆን ይችላል። በሌላ በኩል ደግሞ ሳያውቁት ዕድሜዎ ምንም ጥቅም በሌላቸው ነገሮች ላይ እንዲባክን ምክንያት ሊሆን ይችላል። ዕድሜዎ ደግሞ በዚህች ምድር ላይ ያለዎት ዋና ካፒታልዎ (رأس مال) ሲሆን፣ በቂያማ ቀንም በእርግጠኝነት ይጠየቁበታል። ነቢዩ ﷺ እንዲህ ብለዋል፦ «በቂያማ ቀን የአላህ ባሪያ ስለ እድሜው በምን ላይ እንዳሳለፈው ሳይጠየቅ እግሮቹ ከቆሙበት ንቅንቅ አይሉም።» ነገሩ ደግሞ ጊዜን ከማባከን በላይ የከፋ ሊሆን ይችላል፤ ወደ ሐራም ፣ ወደ ማጠራጠሪያዎች (ሹብሃት) እና ወደ ስሜት ፍላጎቶች (ሸህዋት) መግቢያ በር ሊሆን ይችላልና። ስለዚህ ራስዎን በታማኝነት ይጠይቁ፦ • ስልክዎ ጊዜዎን በአግባቡ ለመጠቀም እየረዳዎት ነው ወይስ እያባከነብዎት? • ወደ አላህ ያቀርብዎታል ወይስ ያርቅዎታል? • የመልካም ነገር በር ነው ወይስ የክፋት? ምርጫው አሁንም በእጅዎ ነው፤ በዱንያ ላይ የሚጠቅምዎትንና በቂያማ እለት ደግሞ ነጃ የሚያወጣዎትን  መንገድ ይምረጡ።