የካ ክፍለ ከተማ ት/ፅ/ቤት mereja

የኮከበ ፅባህ ሁለተኛ ደረጃ ትምህርት ቤት በሥራና ተግባር ስርዓተ ትምህርት ያሰለጠናቸውን ተማሪዎች አስመረቀ። ( ሰኔ 14/2018 ዓ. ም ) የኮከበ ፅባህ ሁለተኛ ደረጃ ትምህርት ቤት በአዲሱ የሥራና ተግባር ስርዓተ ትምህርት በተለያዩ አምስት ዘርፎች ያሰለጠናቸውን 624 ተማሪዎች በደማቅ ሁኔታ አስመርቋል። በዕለቱ የኮከበ ፅባህ ሁለተኛ ደረጃ ትምህርት ቤት ርዕሰ መምህር አቶ ደለለኝ አስማረ፣ ምክትል ርዕሰ መምህር አቶ ሙላለም ኃይሉ፣ የትምህርት ቤቱ መምህራን፣ ተማሪዎች፣ የተማሪዎች ወላጆች እና ጥሪ የተደረገላቸው እንግዶች በመርሃ ግብሩ ተገኝተዋል። በምረቃ መርሃ ግብሩ ላይ የመክፈቻ ንግግር ያደረጉት የትምህርት ቤቱ ርዕሰ መምህር አቶ ደለለኝ አስማረ፣ በአዲሱ የትምህርት ፖሊሲ መሠረት የተግባር ትምህርት መሰጠት ከተጀመረ ወዲህ የዛሬው የምረቃ መርሃ ግብር የመጀመሪያው መሆኑን ገልጸዋል። አዲሱ የትምህርትና ስልጠና ፖሊሲ ከጽንሰ ሐሳብ ባለፈ በተግባራዊ ልምምድ ላይ ትኩረት የሚያደርግ በመሆኑ ተማሪዎችን ለሥራ ፈጠራ የሚያነሳሳና የሚያዘጋጅ መሆኑንም ጠቁመዋል። ምክትል ርዕሰ መምህር አቶ ሙላለም ኃይሉ በበኩላቸው የስልጠናው ዓላማ ተማሪዎች ከመደበኛ ትምህርታቸው ጎን ለጎን ወደዚህ ምድር የመጡበትን ዓላማ አውቀው ህልምና ራዕይ እንዲኖራቸው ማድረግ፣ እንዲሁም ነገ ሀገርን የሚረከብ አገልጋይ ትውልድ ለመፍጠር መሆኑን ገልጸዋል። በዛሬው ዕለት ለመጀመሪያ ጊዜ በተካሄደው የምረቃ ሥነ ሥርዓት ላይ የሙያ ትምህርት ስልጠናው በአምስት ዋና ዋና የስልጠና ዘርፎች ላይ ያተኮረ ሲሆን እነሱም Web Design & Development, Marketing, Journalism, Computer Maintenance እና Accounting & Finance ናቸው። https://linktr.ee/aacaebc