ትንቢተ ኢሳይያስ 49

በአርሲ ዞን አሰኮ ወረዳ ዳግም በተቀሰቀሰ ጥቃት በሰውና ንብረት ላይ ጉዳት እየደረሰ መሆኑ ተገለጠ፤ መረጃ እንዳይወጣ የኔትወርክ አገልግሎት ተቋርጧል በአርሲ ዞን አሰኮ ወረዳ ከትናንት ጀምሮ ዳግም በተቀሰቀሰ ጥቃት በሰው ሕይወትና በንብረት ላይ ከፍተኛ ጉዳት እየደረሰ መሆኑ ተገልጿል። ​ከአካባቢው የተገኙ መረጃዎች እንደሚያመለክቱት፣ ጥቃቱ ከተቀሰቀሰበት ካለፉት ጥቂት ቀናት ጀምሮ በአካባቢው የነበረው አንጻራዊ ሰላም መናጋቱ ታውቋል። በጥቃቱ ሳቢያ የሰዎች ሕይወት መጥፋቱንና በንብረት ላይም ከባድ ውድመት እየደረሰ መሆኑ የተረጋገጠ ቢሆንም፣ በቁጥር የተደገፈ ሙሉ መረጃ ለማግኘት ግን አዳጋች ሆኗል። ​ለዚህም ዋነኛው ምክንያት ከትናንት ምሽት ጀምሮ በአካባቢው ያለው የኔትወርክና የኮሙኒኬሽን አገልግሎት ሙሉ በሙሉ እንዲቋረጥ መደረጉ እንደሆነ ተገልጿል። የኔትወርክ መቋረጡ ነዋሪዎች ያሉበትን አስቸጋሪ ሁኔታ ለቀሪው ማህበረሰብና ለሚዲያ ተቋማት እንዳያሳውቁ ትልቅ እንቅፋት ፈጥሯል። ​ከዚህም በተጨማሪ የወረዳው ካድሬዎችና አመራሮች በየቀበሌው እየዞሩ የነዋሪዎችን የግል ስልኮች በመንጠቅና የተለያዩ ማስፈራሪያዎችን በመጠቀም፣ በአካባቢው እየተፈጸመ ያለው ጥቃትና ወቅታዊ መረጃ ወደ ውጭ እንዳይወጣ ለማድረግ ከፍተኛ ጥረት እያደረጉ መሆኑ ተሰምቷል። መረጃው የመሠረት ሚድያ ነው።