Беларускі ПЭН
Навіны культуры. Аператыўная інфармацыя Беларускага ПЭНа.
إظهار المزيد451
المشتركون
-124 ساعات
-27 أيام
لا توجد بيانات30 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
🔏Працягваем хроніку парушэнняў правоў чалавека ў сферы культуры.
На 15 траўня 2024 года: Людзей Слова ў няволі – не менш за 37, дзеячаў культуры ў няволі – не менш за 156.
📍 У дачыненні да палітзняволенага грамадскага дзеяча і літаратара Змітра Дашкевіча распачалі новую крымінальную справу.
📍 Паводле палітычна матываванай крымінальнай справы судзілі фатографку Аляксандру Мельнічак.
📍 Затрымалі музыку Дзмітрыя Глушчанку за ўдзел у паслявыбарчых пратэстах 2020 года.
📍 «Экстрэмісцкімі матэрыяламі» прызналі кнігі «Выбраныя творы» Вацлава Ластоўскага (1997) і «Выбраныя творы» Алеся Петрашкевіча (2017).
📍 Менеджар культурніцкіх праектаў і пісьменнік Сяргей Макарэвіч асуджаны на 2 гады абмежавання волі з накіраваннем у папраўчую ўстанову адкрытага тыпу («хімія»).
🗝 Больш інфармацыі пра затрыманні і арышты дзеячаў культуры, умовы ў месцах пазбаўлення волі, звальненні за грамадзянскую пазіцыю, катаванні зняволеных чытайце на сайце ПЭНа.
Падтрымаць нашу дзейнасць на Patreon🔖
💔 3
Photo unavailableShow in Telegram
Сёння расказваем адразу пра тры літаратурныя рэзідэнцыі!
І. Праграма «Visiting Fellows» у Вене
Арганізатары прапануюць правесці месяц у Вене ў з ліпеня па снежань 2024 года, працуючы над уласным праектам. Вітаюць тых, хто займаецца праектамі з дэкаланіяльным поглядам на гісторыю, палітыку, грамадства і экалогію, і тых, хто вывучае аўтарытарныя сістэмы, супраціўленне і праблемы гендарнай роўнасці.
⌛️ Дэдлайн: 25 траўня.
Падаць заяўку тут.
ІІ. Літаратурная рэзідэнцыя ў Гранадзе, Іспанія
Арганізатары прапануюць правесці 30 дзён у Гранадзе з 4 лістапада па 3 снежня. Для ўдзелу ў конкурсе трэба мець як мінімум дзве выдадзеныя кнігі і ведаць англійскую або іспанскую мову.
⌛️ Дэдлайн: 20 чэрвеня.
Падаць заяўку тут.
ІІІ. Творчая рэзідэнцыя ў Швейцарыі
Запрашаюцца творчыя людзі, якія працуюць у любых жанрах і кірунках, на рэзідэнцыю ў віле «Sonnenberg». Віла была загарадным маёнткам, сямейным рэстаранам і рэзідэнцыяй кампазітара, мастака і пісьменніка Пэтэра Міга.
⌛️ Дэдлайн: 31 траўня.
Падаць заяўку тут.
🔥 3
Photo unavailableShow in Telegram
«Галасы беларускай літаратуры ў замежжы»
Ужо сёння ў Бібліятэцы Кангрэса ЗША адбудзецца анлайн-сустрэча «Галасы беларускай літаратуры ў замежжы». Удзел у сустрэчы возьмуць вядомыя аўтаркі Таццяна Заміроўская, Юля Цімафеева і Вальжына Морт.
🇺🇸 Сустрэча адбудзецца на англійскай мове.
Літаратура ў выгнанні прапануе эфектыўную прастору для суперажывання і дакументавання сучаснай гісторыі ў працэсе яе развіцця. Беларуская літаратура ў выгнанні цяпер асабліва багатая, бо яна робіць акцэнт на мове, ідэнтычнасці і памяці ў гістарычны момант, калі краіну падпарадкаваў сабе дыктатар. Беларускія аўтаркі падзеляцца сваім творчым самавыяўленнем і досведам для англамоўнай аўдыторыі.
Каб атрымаць спасылку на сустрэчу, зарэгіструйцеся, калі ласка.
Таксама вы можаце задаць пытанне аўтаркам (на любой мове) праз форму.
📆 16 траўня
⏰ 12:00 вашынгтонскага часу / 18:00 варшаўскага часу / 19:00 мінскага і віленскага часу
❤ 2
Photo unavailableShow in Telegram
Палітзняволены праваабаронца і сябра Беларускага ПЭНа Алесь Бяляцкі 15 траўня стаў ганаровым сябрам Нарвежскага ПЭНа ❤️
На ўручэнні ганаровага звання прысутнічала жонка Алеся Наталля Пінчук. Наталля не ведае, ці зможа Алесь атрымаць паведамленне ў турме, але ўсё ж верыць, што яно надасць яму сіл:
«Прызначаючы Алеся ганаровым сябрам Нарвежскага ПЭНа, вы выказваеце яму салідарнасць, падтрымку і прызнанне. Не ведаю, калі можна будзе данесці навіну, але гэтае прызначэнне сведчыць пра супольнасць сярод пісьменнікаў – і пра тое, што яго памятае ўвесь вольны свет. Нарвежскі ПЭН становіцца голасам Алеся ў свеце, а гэта значыць, што ўсе спробы прымусіць Алеся замаўчаць бессэнсоўныя».❗️ Беларускі ПЭН заклікае падтрымліваць Алеся Бяляцкага і іншых беларускіх палітвязняў па ўсім свеце. Вы можаце даведацца болей пра Людзей Слова ў няволі і пра Алеся Бяляцкага на нашым сайце. 📸 Фота: spring96.org.
❤ 4
Photo unavailableShow in Telegram
Грузія: рэпрэсіўны закон аб «замежных агентах» прыняты на фоне гвалтоўнага разгону пратэстоўцаў
📌 Беларускі ПЭН далучаецца да заявы PEN International адносна прынятага ў Грузіі закона аб «замежных агентах» на фоне жорсткага разгону пратэстоўцаў.
PEN International і PEN Georgia асуджаюць рашэнне парламента Грузіі ўхваліць закон аб «замежных агентах» у расійскім стылі, нягледзячы на масавыя пратэсты, азмрочаныя паліцэйскім гвалтам і жорсткімі нападамі невядомых на мірных дэманстрантаў. Усе вінаватыя ў незаконным ужыванні сілы і гвалтоўных нападах на пратэстоўцаў павінны быць прыцягнутыя да адказнасці, а рэпрэсіўнае заканадаўства тэрмінова адмененае.
Грамадзянская супольнасць і крытыкі закона аб «замежных агентах» паабяцалі працягваць дэманстрацыі, PEN International і PEN Georgia будуць сачыць за сітуацыяй і рэагаваць на развіццё падзей.
👉 Цалкам заяву чытайце на нашым сайце.
💔 5
Стэнд незалежных беларускіх выдаўцоў “Вольная Беларусь” на Варшаўскім кніжным кірмашы 🌼
23 – 26 траўня ў Варшаве праходзіць Варшаўскі кніжны кірмаш
(Międzynarodowe Targi Książki w Warszawie). На кірмашы будзе працаваць стэнд незалежных беларускіх выдаўцоў “Вольная Беларусь”.
📚На стэндзе можна будзе набыць кнігі выдавецтваў SkarynaPress, Chabor, hochroth Minsk, Miane Niama, "Янушкевіч", Słowianka, Полацкія лабірынты, Fundacja Kamunikat.org, Gutenberg Publisher і іншых.
🕰 Час працы стэнда:
23 траўня, чацвер: 10.00 – 18.00
24 траўня, пятніца: 10.00 – 19.00
25 траўня, субота: 10.00 – 19.00
26 траўня, нядзеля: 10.00 – 17.00
*У праграме стэнда магчымыя змены.
Арганізатар стэнда – Інстытут беларускай кнігі.
👀 З поўнай праграмай Варшаўскага кірмашу можна азнаёміцца тут.
📍Палац культуры і навукі, стэнд 138, Мармуровая заля
(Pałac Kultury i Nauki, plac Defilad, stoisko nr 138 w Sali Marmurowej)
❤ 6👍 1
Photo unavailableShow in Telegram
⚡️Wonju City of Literature Writers’ Residency – літаратурная рэзідэнцыя ў Паўднёвай Карэі
Запрашаюць літаратарак і літаратараў, аўтарак і аўтараў.
⏰ Калі: 1 верасня – 31 кастрычніка 2024 года.
Арганізатары запрашаюць у Вонджу папрацаваць у Культурным цэнтры Тодзі. Пісьменнікі і пісьменніцы мусяць быць з літаратурных гарадоў ЮНЕСКА або мець цесную сувязь з гэтымі гарадамі. Трэба ведаць англійскую мову на ўзроўні B2. Літаратары будуць жыць разам з пісьменнікамі з іншых краін.
📄 Неабходна даслаць матывацыйны ліст на 1000–2000 знакаў, у якім распавесці:
〰️ пра сябе
〰️ пра сваю творчасць і ўзнагароды
〰️ пра сваё літаратурнае асяроддзе і культуру
〰️ пра жаданне паехаць на літаратурную рэзідэнцыю
Арганізатары прапануюць:
✅ праезд
✅ пражыванне
✅ харчаванне.
⏳ Дэдлайн: 31 траўня
💻 Падаць заяўку тут.
Крыніца: Telergam-канал sekktor.
❤ 4👍 1
🗽 І ЎЗЫХОДЗІЦЬ СОНЦА: РАДЫЁ СВАБОДА
Фрагменты успамінаў дырэктара Беларускай службы Радыё Свабода (1998-2023)
У сябра Беларускага ПЭНа, лаўрэата прэміяў імя Фрацішка Багушэвіча і Алеся Адамовіча Аляксандра Лукашука выходзіць новая кніга «Там, дзе няма цемнаты: Радыё Свабода». У ёй аўтар расказвае, як стваралася Свабода, што яна рабіла з аўдыторыяй, журналістамі і з ім самім.
Беларускі ПЭН з нагоды выхаду кнігі публікуе з яе два фрагменты. У першай часты Аляксандар Лукашук распавядае аб тым, як з'явілася «Бібліятэка Свабоды», а ў ёй — Святлана Алексіевіч. Заахвочваем да прыемнага чытання на нашым сайце.
Кніга выходзіць у выдавецтве «Вясна» ў гэтым месяцы. Плануюцца яе прэзентацыі ў розных гарадах – сачыце за навінамі.
✏️ 17 траўня, 18:00
📍 Вільня, Віленскі беларускі музей імя І. Луцкевіча (Vilniaus g. 20). Падрабязней тут.
✏️ 24 траўня, 13:00
📍 Варшава, Варшаўскі кнішны кірмаш (PKiN, plac Defilad 1)
🔥 2👍 1
У Сенаце Польшчы адкрылася выстава, прысвечаная Алесю Бяляцкаму
Выстава была падрыхтаваная Беларускім домам у Варшаве ў супрацы з Сенатам Польшчы і маршалкам Сената Малгажатай Кідава-Блоньскай. Мэта – звярнуць увагу польскіх і замежных палітыкаў на праблему беларускіх палітвязняў.
Выстава зробленая на польскай мове. Яе англійскі варыянт ужо быў паказаны ў офісе прадстаўніцтва беларускіх дэмакратычных сілаў у Бруселі і ў Еўрапарламенце.
✏️ Як прайшло адкрыццё выставы, чытайце ў рэпартажы радыё «Рацыя».
Станам на 30 красавіка 2024 года ў няволі застаюцца не менш за 156 дзеячаў культуры, сярод іх – і нобелеўскі лаўрэат Алесь Бяляцкі. Мы раім пачытаць на нашым сайце:
✅ хроніку зняволення Алеся Бяляцкага;
✅ маніторынг парушэнняў культурных правоў і правоў чалавека ў дачыненні да дзеячаў культуры ў Беларусі за студзень – сакавік 2024 года.
Фота: радыё «Рацыя»
❤ 11👍 1👏 1
Photo unavailableShow in Telegram
Грузія на мяжы аўтарытарызму: улады павінны неадкладна спыніць рэпрэсіі супраць незалежных галасоў
Беларускі ПЭН, як адзін са стваральнікаў Беларускага Дома правоў чалавека і як праваабарончая арганізацыя, далучаецца да сумеснай заявы Міжнароднай Сеткі Дамоў правоў чалавека з нагоды нападаў на Тбіліскі Дом правоў чалавека (HRHT) у Грузіі.
Мы заклікаем урад Грузіі неадкладна спыніць рэпрэсіі, якія працягваюцца супраць незалежных галасоў. Мы асуджаем выкарыстанне незаконнай і непрапарцыйнай сілы супраць пераважна мірных пратэстоўцаў, фізічныя напады на прадстаўнікоў грамадзянскай супольнасці, меркаванае незаконнае затрыманне вядомага блогера, скаардынаваную кампанію паклёпу, пераследу і запалохвання журналістаў, праваабаронцаў і членаў іх сем’яў, у тым ліку дзяцей.
📌 Цалкам заяву чытайце тут: па-англійску і ў скарочанай версіі па-беларуску.
Падтрымайце грамадзянскую супольнасць і народ Грузіі – далучайцеся ў сацсетках да кампаніі #StandWithGeorgia ❤️
❤ 13