Беларускі ПЭН
Навіны культуры. Аператыўная інфармацыя Беларускага ПЭНа.
Ko'proq ko'rsatish460
Obunachilar
Ma'lumot yo'q24 soatlar
+17 kunlar
+230 kunlar
- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Obunachilar o'sish tezligi
Ma'lumot yuklanmoqda...
Photo unavailableShow in Telegram
«Час сэканд хэнд» Святланы Алексіевіч трапіў у спіс найлепшых кніг XXI стагоддзя па версіі The New York Times 💥
Як піша The New York Times:
«З усіх вялікіх няўдалых эксперыментаў 20-га стагоддзя, мала якія прыйшлі да больш ганебнага канца, чым амбіцыйная імперыя, вядомая на працягу ўсяго сямі дзесяцігоддзяў як СССР. Смерць мары пра камунізм адгукаецца ў вуснай гісторыі, сабранай лаўрэаткай Нобелеўскай прэміі Аляксіевіч, і яе бескампрамісны партрэт людзей, якія перажылі савецкую дзяржаву (ці не перажылі) – былых вязняў, чыноўнікаў Камуністычнай партыі, звычайных грамадзян усіх слаёў – робіць гэтую кнігу выкрывальным і ашаламляльным чытаннем».Віншуем з такой падзеяй нобелеўскую лаўрэатку і прэзідэнтку Беларускага ПЭНа 2019-2021 🎉
❤ 9
Photo unavailableShow in Telegram
💃 Падборка літаратурных імпрэзаў на найбліжэйшы тыдзень
🟢 На гэтых выхадных адбудзецца фэст TUTAKA. Акрамя музыкі, там будзе месца і літаратуры. Сустрэчы з Уладзімірам Арловым і аўтаркай кнігі пра лёсы беларусак і беларусаў Падляшша Анэтай Прымакай, спектакль «Сумны суп» паводле кнігі Вольгі Гапеевай, аўдыяпункт ад Audiobooks.by, Кніжнага возу і Kamunikat.org і, вядома, выдавецкі кірмаш.
⏰ 12–14 ліпеня
📍 Урочышча Барык каля Гарадка на Падляшшы, Польшча
👉 Уся праграма фэсту.
🟢 Сустрэча з паэткамі Настай Кудасавай і Дар’яй Бялькевіч пад Уроцлавам
Сустрэча адбудзецца ў межах Slot Art Festival і будзе прысвечаная тэме «Беларуская культура – стан пасля рэвалюцыі».
⏰ 12 ліпеня, 13:00
📍 Любёнж, Польша
👉 Падрабязнасці і квіткі на фэст тут.
🟢 Сустрэча з Ганнай Янкута ў Штутгарце
На літаратурнай сустрэчы Ганна Янкута прэзентуе свой дэбютны раман «Час пустазелля», які выйшаў у выдавецтве «Янушкевіч» у 2023 годзе.
⏰ 13 ліпеня, 14:00
📍 Theaterhaus, Saal P1, Siemensstraße 11-13, Stuttgart
👉 Падрабязней.
❤ 2👍 1
Photo unavailableShow in Telegram
Сёння гадавіна смерці Алеся Пушкіна 💔
Алесь Пушкін – вядомы беларускі мастак, перформер, рэстаўратар, палітзняволены. Ён больш чым 30 гадоў выступаў за абарону беларускай мовы і здзяйсняў акцыі за свабоду выказвання ў Беларусі.
У сакавіку 2021 года Алесь Пушкін быў затрыманы, а ў 2022 годзе асуджаны да 5 гадоў пазбаўлення волі ў калоніі ва ўмовах строгага рэжыму. 11 ліпеня 2023 года стала вядома, што мастак памёр у рэанімацыі шпіталя.
Алесь Пушкін – лаўрэат прэміі імя Францішка Аляхновіча за «Турэмны альбом». Кніга выйшла ў 2019 годзе ў серыі «Беларускае турэмнае мастацтва» праваабарончага цэнтра «Вясна». У яе ўвайшлі выявы і тэксты, зробленыя Пушкіным у 2012 годзе падчас адміністрацыйных арыштаў за мастацкія пэрформансы.
«Турэмны альбом» даступны бясплатна ў інтэрнэт-бібліятэцы kamunikat.org. Заахвочваем вас пагартаць сёння гэты альбом.
Год таму праваабарончая супольнасць Беларусі выпусціла сумесную заяву з нагоды смерці ў зняволенні мастака Алеся Пушкіна. Даведацца больш вы можаце тут.
💔 2🥰 1
Photo unavailableShow in Telegram
❤️🩹 Навіны Людзей Слова ў няволі
Мы працягваем сачыць за станам дзеячаў культуры ў зняволенні і падрыхтавалі невялікі дайджэст творчых навін пра іх.
🟣 Палітзняволены Андрэй Пачобут стаў ганаровым грамадзянінам Варшавы. Гэтую падзею пракаментаваў польскі палітык Робэрт Тышкевіч:
«У сітуацыі, калі мы не можам прымусіць рэжым яго вызваліць, мы можам зрабіць так, каб вакол ягонай справы не было цішыні»Даведацца больш пра Андрэя Пачобута. 🟣 Праект audiobooks.by агучыў кнігу Ігара Аліневіча «Еду ў Магадан». З ёй аўтар стаў першым лаўрэатам прэміі Францішка Аляхновіча за найлепшы твор, напісаны ў зняволенні. Паслухаць кнігу. Даведацца больш пра Ігара Аліневіча. 🟣 Вечар памяці Алеся Пушкіна ў Вільні. 11 ліпеня ў творчай прасторы KROPKA, якую адкрылі былы палітвязень Зміцер Фурманаў і ягоная жонка Вольга, адбудзецца вечар памяці Алеся Пушкіна – беларускага мастака, які год назад загінуў у турме. Падрабязней тут.
💔 3❤ 1
Photo unavailableShow in Telegram
Сёння ў нас дзве нагоды для віншаванняў Уладзіміра Някляева – з народзінамі і выхадам новай кнігі!
Уладзімір Някляеў – беларускі паэт, празаік і грамадска-палітычны дзеяч. Лаўрэат шэрагу ўзнагарод за літаратурную дзейнасць, у тым ліку прэміі імя Ежы Гедройця ў 2013 годзе за раман «Аўтамат з газіроўкай з сіропам і без» і прэміі імя Наталлі Арсенневай у 2017 годзе за кнігу «Толькі вершы».
Сёлета ў свой дзень народзінаў Уладзімір распавёў пра выхад новай кнігі «БЕЗ АЙЧЫНЫ. Кніга турмы і замежжа».
🎊 Мы віншуем Уладзіміра Някляева з народзінамі і зычым шчаслівага лёсу яго новай кнізе!
❤ 4🎉 2
Беларускі ПЭН выказвае пратэст і звяртае ўвагу міжнароднай супольнасці на новы кірунак рэпрэсій супраць грамадзянскай супольнасці Беларусі – пераслед за ўдзел у святкаванні Дня Волі.
👀 Чытайце заяву з пратэстам на нашым сайце.
✍️ Каб патрымаць заяву, калі ласка, запоўніце кароткую форму.
Імпрэзы з нагоды Дня Волі ў 2024 годзе прайшлі за межамі Беларусі. Пры гэтым арганізатары намагаліся забяспечыць інтэрнэт-трансляцыі, каб у святкаванні маглі сімвалічна паўдзельнічаць і людзі, якія засталіся ў Беларусі. У траўні стала вядома пра крымінальную справу супраць удзельнікаў святкавання.
Праваабарончай супольнасці вядомыя канкрэтныя выпадкі палітычна матываванага пераследу актораў, музыкаў, гісторыкаў, літаратараў, а таксама іншых удзельнікаў святкавання Дня Волі.
Беларускі ПЭН:
〰️ асуджае парушэнні гэтых фундаментальных правоў;
〰️ патрабуе спыніць пераслед удзельнікаў святкавання Дня Волі;
〰️ заклікае міжнародную супольнасць звярнуць увагу на сітуацыю ў Беларусі.
Дзяліцеся нашай заявай і далучайцеся да яе! 🫶
❤ 4
Photo unavailableShow in Telegram
🎉 Сёння дзень народзінаў адзначае сябра Беларускага ПЭНа Наталля Гардзіенка!
Наталля Гардзіенка – беларуская архівістка, рэдактарка і пісьменніца. Нарадзілася ў Мінску. Скончыла гістарычны факультэт БДУ. У 2003 годзе абараніла дысертацыю па тэме «Становішча жынчыны-шляхцянкі ў Вялікім Княстве Літоўскім у XVIII стагоддзі».
Публікуецца з 1990-х гадоў. Аўтарка кніг «Беларусы ў Аўстраліі: Да гісторыі дыяспары», «Беларусы ў Вялікабрытаніі», «Рада БНР: Падзеі. Дакументы. Асобы» (разам з Лявонам Юрэвічам) і каля 100 артыкулаў. Адказная рэдактарка альманаха «Запісы Беларускага інстытута навукі і мастацтва».
Мы зычым Наталлі плёну ў яе творчай і працоўнай дзейнасці!
🟣 Пагартаць кнігі Наталлі на сайце беларускай інтэрнэт-бібліятэкі «Камунікат».
🟡 Параўнаць разам з Наталляй паваенную і сённяшнюю хвалі эміграцыі ў спецпраекце «Паралелі» на сайце Budzma.org.
🟢 Пачытаць на нашым сайце артыкул пра Наталлю Арсенневу, напісаны з дапамогай Наталлі Гардзіенкі.
📸 Фота: з сацсетак Наталлі Гардзіенкі.
❤ 7🎉 2
Photo unavailableShow in Telegram
Творчыя магчымасці для літаратарак і літаратараў!
Не ведаеце, чым заняцца на выходных? Падрыхтавалі для вас падборку рэзідэнцый, стыпендый і праграм, звязаных з літаратурай. Выбірайце, што вам цікава, і падавайце заяўкі!
У нашай падборцы ёсць Літва, Чэхія, Эстонія, Германія, Нарвегія і нават Ганконг (з квіткамі на самалёт эканом-класа)! Ёсць класічныя літаратурныя рэзідэнцыі, ёсць міждысцыплінарныя, ёсць асобная стыпендыя для дзіцячай літаратуры і праграма бяспечных рэзідэнцый для творцаў у зоне рызыкі.
🤓 Чытайце падборку на нашым сайце 👀
🔥 4😁 1
💃 Як гучала беларуская літаратура на Hučna Fest: трымайце фотасправаздачу!
29 чэрвеня ў Варшаве на беразе Віслы прайшоў Hučna Fest.
Беларускі ПЭН ладзіў на фэсце літаратурную сцэну «БЛІЖЭЙ ДА ЦЯБЕ», прысвечаную беларускай жаночай і квір-літаратуры. Глядзіце ў фотасправаздачы, як мы разам бавілі час, слухалі сучасных беларускіх аўтарак і аўтараў і набывалі кнігі незалежных выдавецтваў ❤️
👀 Больш класных фота ў нас на сайце.
Дзякуй, што былі з намі ўжывую і анлайн!
Дзякуй літаратаркам і літаратарам за цудоўныя выступы!
Дзякуй Free Belarus Center за арганізацыю ўсяго фэсту!
📸 І дзякуй фатографам: Аляксандру Драгавозу і Аляксандру Валодзіну!
❤🔥 7❤ 3
Апошні дзень прыёму заявак на прэмію імя Ежы Гедройця!
👩💻 Паспейце падацца на прэмію! Працэдура даволі простая – трэба запоўніць адпаведную форму.
А каб вас натхніць, мы сабралі пераможцаў прэміі за апошнія пяць гадоў. Гартайце карткі і даведвайцеся (ці прыгадвайце), што за кнігі ўжо паспелі атрымаць узнагароду мінулымі гадамі. Якія з гэтых кніг вы чыталі?
Прэмія імя Ежы Гедройця прысуджаецца за найлепшую арыгінальную кнігу, напісаную на беларускай мове ў жанрах мастацкай і дакументальнай прозы.
⏳ Дэдлайн: 4 ліпеня 2024 года.
✏️ Для ўдзелу неабходна запоўніць адпаведную форму.
💡 Усе падрабязнасці чытайце на сайце.
❤ 1🔥 1
Boshqa reja tanlang
Joriy rejangiz faqat 5 ta kanal uchun analitika imkoniyatini beradi. Ko'proq olish uchun, iltimos, boshqa reja tanlang.