የሕያ ኢብኑ ኑህ | Yahya Ibnu Nuhe

13/ (ገጽ 199)፦ በሱረቱል አዕራፍ (7፡16) ላይ ኢብሊስ ለአላህ «بِمَا أَغْوَيْتَنِي» (ስላጠመምከኝ/በጥመት ስለፈረድክብኝ) ያለውን፣ ጸሐፊው «ሙስሊሞች በአማርኛ ስላጠመምከኝ ብለው የተረጎሙት ውሸት ነው፣ አረብኛው ስላሳሳትከኝ ነው የሚለው፣ ስለዚህ አላህ አሳሳች ነው» ብሎ የዐረብኛ ሊቅ መስሎ ተከራክሯል። የዐረብኛ ፊደል መለየት የማይችል ሰው የቁርኣን ተፍሲር ሊቃውንትን «አረብኛ አይችሉም» ማለቱ አስቂኝ ድፍረት ነው። 14/ (ገጽ 209)፦ ይህ ደግሞ በዩቲዩብ ላይቭ ላይ እንኳን ለመናገር ፈርቶ የሸሸው ታላቅ ሌብነት ነው! «ቁርኣን መላእክት 2፣ 3 ወይም 4 ክንፍ ብቻ ነው ያላቸው ይላል (ሱራ 35፡1)፣ ሐዲስ ግን ጅብሪል 600 ክንፍ አለው ይላል፤ ስለዚህ ይጋጫሉ» ብሎ ጽፏል። ይህን ለማለት ግን የሱረቱ ፋጢር (35፡1) አንቀጽን ጅራት ሆን ብሎ በመቀስ ቆርጦ ጥሎታል! ምክንያቱም አንቀጹ ቀጥሎ፦ «يَزِيدُ فِي الْخَلْقِ مَا يَشَاءُ (አላህ በፍጥረቱ ላይ የሚሻውን ይጨምራል!)» ይላል! ይህችን ዓረፍተ ነገር ቢያስገባት ክሱ ስለሚፈርስ ቆርጦ ደብቋታል! 15/ (ገጽ 214)፦ የነቢዩ (ﷺ) ደረት በልጅነታቸው በመላእክት መከፈቱንና መታጠቡን የሚገልጸውን ተአምራዊ ክስተት፣ «ሰይጣናዊ የጥንቆላ ልምምድ (Shamanism) ነው» ብሎ ጽፏል። ይህን ሲል ግን በራሱ መጽሐፍ ቅዱስ በትንቢተ ሕዝቅኤል (11፡19 እና 36፡26) ላይ እግዚአብሔር «የድንጋዩን ልብ አወጣለሁ፣ የሥጋንም ልብ እሰጣቸዋለሁ» እንዲሁም በትንቢተ ዘካርያስ (3፡4) ላይ የካህኑን እድፋም ልብስ አውልቀው ኃጢአቱን እንዳራቁለት የተጻፈውን መለኮታዊ ተምሳሌት ዘንግቶ የገዛ መጽሐፉን ወግቷል። 16/ (ገጽ 285)፦ በሱረቱል ሐاقه (69፡44–46) ላይ «በእኛ ላይም ከፊልን ቃላት (ያላልነውን) በቀጠፈ ኖሮ፤... ከዚያም ከእርሱ የልቡን ሥር (የተንጠለጠለበትን ጅማት) በቆረጥን ነበር፡፡» የሚለውን አንቀጽ፣ ከኸይበር መርዝ ጋር ለማገናኘት ሲል «ሙሐመድ ከኸይበር በኋላ ወዲያውኑ የልብ ደም ሥሩ ተቆርጦ ሞተ» የሚል ትርክት ፈጥሯል። ነቢዩ (ﷺ) የኸይበርን የተመረዘ ሥጋ ከቀመሱ በኋላ ለ3 ዓመታት (ከ7ኛው እስከ 11ኛው ዓመተ ሂጅራ) በሙሉ ጤንነት ኖረው፣ መካን ከፍተው፣ በርካታ የቁርኣን ምዕራፎች ወርደውላቸው፣ ዲኑ ተሟልቶ መሞታቸውን ከአንባቢው ደብቋል። 17/ (ገጽ 298)፦ በሱረቱ آل ዒምራን (3፡54) ላይ «وَمَكَرُوا وَمَكَرَ اللَّهُ» (አይሁዶችም) አደሙ አላህም አድማቸውን መለሰባቸው፡፡ አላህም ከአድመኞች ሁሉ በላጭ ነው፡፡) የሚለውን አንቀጽ፣ ከፊቱ ያለውን «እነሱ አሴሩ» የሚለውን ቆርጦ በመጣል «አላህ ከአጭበርባሪዎችና ከአሳሳቾች ሁሉ በላጭ ነው» ብሎ ተርጉሞታል! በዐረብኛ «መክር» ለተንኮለኞች አጸፋ መመለስን (እንደ መጽሐፍ ቅዱሱ «ከጠማማ ጋር ጠማማ ትሆናለህ» — 2ኛ ሳሙኤል 22፡27) እንደሚያመለክት እያወቀ ቃሉን አዛብቷል። 18/ (ገጽ 325 vs 330)፦ በአንድ ምዕራፍ ውስጥ በ5 ገጽ ልዩነት እርስ በርሱ የተጋጨበት አስቂኝ ቅጥፈት ደግሞ ይገርማል! በገጽ 325 ላይ ነቢዩ (ﷺ) ሥጋው እንደተመረዘ በተአምር አላወቁም ለማለት ሲል፦ «አንድ ጉርሻ አጣጥሞ መብላት በጀመረበት ወቅት ነው መርዙን በጣዕሙ ያወቀው» ብሎ ጻፈ። ከ5 ገጽ በኋላ በገጽ 330 ላይ ደግሞ «ታዲያ አብሮ የበላው ቢሽር ወዲያው ሲሞት ነቢዩ ለምን ወዲያው አልሞቱም?» የሚለውን ጥያቄ ለመሸሽ ሲል፣ በገጽ 325 የጻፈውን ረስቶ፦ «ሙሐመድ ትንሽ አኘከው እንጂ አልዋጠውም፣ ተፋው (he did not swallow it, spat it out)» ብሎ ጻፈ! ሳይውጡት የተፉት ምግብ እንዴት ከ3 ዓመት በኋላ የልብ ደም ሥርን ይቆርጣል? 19/ (ገጽ 340–341)፦ በቁርኣን የተጠቀሰው «አል-ወቲን» እና በሐዲስ የተጠቀሰው «አል-አብሀር» አንድ ናቸው ብሎ ለመከራከር፣ ቀደም ሲል «የተረት ተረት ጸሐፊዎች ናቸው፣ ነቢያቸውን ለመሸፈን የሚጽፉ ናቸው» እያለ ሲሳደብባቸው የነበሩትን እነ ኢብኑ ከሲርን እና ኢብኑል ቀይምን በገጽ 334 እና 340 ላይ፦ «ታላቁ ኢማም ኢብኑ ቀይም... ከምንም በላይ ታላቁ ሊቅ ኢብኑ ከሲር የአረብኛውን ቃል በደንብ አብራርቶታል» እያለ በምስክርነት ተማጽኗቸዋል! ውድ ሙስሊም ወንድምና እህቶች እንዲሁም ክርስቲያን ወገኖቻችን ! ይህ ከባሕር በጭልፋ የተቀዳ 19 ነጥብ ብቻ ነው! ይህ ሰው 358 ገጽ ሙሉ እንዴት ጥቅሶችን እየቆረጠ፣ ትራስን ወደ ልብስ፣ መደገፍን ወደ መንቀጥቀጥ እየቀየረ እንዳጭበረበረ የሚያሳየው ሙሉው የምላሽ መጽሐፋችን በሚቀጥለው ሳምንት በአላህ ፍቃድ በነጻ ይለቀቃል! ሼር በማድረግ እውነቱን ለሁሉም አድርሱ!

«የጽልመቱ ጥላ» ወይስ «የቅጥፈቱ ጥላ»?! - ጸሐፊው አንባቢን ለማታለል ሆን ብሎ የፈጸማቸው 19 ሌብነቶች! አንድ ሰው በሃይማኖት ዙሪያ መጽሐፍ ሲጽፍ ቢያንስ ለሚጠቅሳቸው ምንጮችና ለአንባቢዎቹ ታማኝ መሆን ይጠበቅበታል። የ«የጽልመቱ ጥላ» ጸሐፊ ግን አንባቢው የዐረብኛም ሆነ የእንግሊዘኛ ምንጮችን ተመልሶ አያጣራም በሚል ንቀት፣ 358 ገጽ ሙሉ በመቀስ የተቆራረጡ ጥቅሶችን፣ የተፈበረኩ ታፔላዎችንና የተገለበጡ ትርጉሞችን አጭቆታል። ሙሉው የምላሽ መጽሐፋችን ከመውጣቱ በፊት፣ የሰውዬውን የቅጥፈት ጥግ የሚያሳዩ 19 እጅ ከፍንጅ የተያዙ ማጭበርበሮችን ከነገጻቸው እንሆ፦ 1/ (ገጽ 9–10)፦ ነቢዩ (ﷺ) «ለጣዖቷ አል-ዑዛ ነጭ በግ ሰውተዋል» ለማለት ሲል፣ በእስልምና የሐዲስ ሊቃውንት ዘንድ በውሸታምነቱ (መትሩክ/ዷዒፍ) የሚታወቀውን የሂሻም ኢብኑ አል-ከልቢን «ኪታቡል አስናም» የተባለ የፈጠራ ወሬ እንደ ትክክለኛ (ሰሒሕ) ኢስላማዊ ማስረጃ አድርጎ አቅርቧል። አንባቢው የዘገባውን ደካማነት እንዳያውቅ ሲል ሆን ደግሞ ብሎ ምንጩን ደብቆ አታልሏል። 2/ (ገጽ 14)፦ በሱረቱ አል-ኢኽላስ (112፡1) ላይ «አላህ አንድ ነው» የሚለውን የአማርኛ ትርጉም ለማጣጣል፣ የዐረብኛው «أَحَدٌ» (አሐድ) የሚለው ቃል «አንድ ማለት ሳይሆን ከብዛት ውስጥ አንዱ ማለት ነው» ብሎ ዓይን ያወጣ የቋንቋ ውሸት ጽፏል። በዐረብኛ «አሐድ» ማለት ምንም አቻ፣ ክፍልፋይና ሁለተኛ የሌለው ፍጹም አንድ ማለት ሲሆን፣ ጸሐፊው ግን አንባቢን ለማሳሳት የቃሉን ትርጉም ገልብጦ ተርጉሞታል። 3/ (ገጽ 17)፦ ነቢዩ (ﷺ) በሒራ ዋሻ የመጀመሪያው መገለጥ የመጣላቸው «በእውናቸው ሳይሆን በሕልማቸው (በቅዠት) ነው» ብሎ ለማታለል፣ በታሪክ መጽሐፍ (ኢብኑ ኢስሐቅ) ላይ የሚገኘውን «ተኝቼ ሳለሁ» የሚል ደካማ ወሬ አምጥቶ ከስሩ "Sahih Muslim 160a" የሚል የውሸት ታፔላ ለጥፎበታል! ሰሒሕ ሙስሊም 160a ላይ ግን «ተኝቼ ሳለሁ» የሚል አንድም ቃል የለም፤ የአንድን መጽሐፍ ጥቅስ በሌላ መጽሐፍ ስም መለጠፍ የጠራራ ፀሐይ ሌብነት ነው። 4/ (ገጽ 25–27)፦ ጅብሪል (ዐ.ሰ) ነቢዩን «የሞተ እስኪመስለው ድረስ ጨምቆ ከለቀቀው በኋላ፣ በጉልበቱና በሁለት እጆቹ በዳዴ እየተንፏቀቀ ወደ ኸዲጃ ሄደ» ብሎ የሌለ ታሪክ ፈጥሯል። በየትኛውም የሐዲስ መጽሐፍ ላይ ነቢዩ (ﷺ) ከሒራ ተራራ ወርደው እስከ መካ ድረስ «በዳዴ እየተንፏቀቁ ሄዱ» የሚል ዘገባ የለም፤ ጸሐፊው ነቢዩን ለማንቋሸሽ ከራሱ ጭንቅላት ፈጥሮ የጨመረው ቅጥፈት ነው። 5/ (ገጽ 43)፦ የመካ ቁረይሾች ነቢዩን (ﷺ) «ድግምተኛ ነው» ማለታቸውን ጠቅሶ፣ «በሙሐመድ ጊዜ የነበሩ ሰዎች እንኳ መገለጡ በድግምት እንደሆነ ተስማምተዋል» ብሎ ደምድሟል። ነገር ግን በዚያው በጠቀሰው ታሪክ ውስጥ የቁረይሾቹ መሪ ወሊድ ኢብኑል ሙጊራህ «የሙሐመድን ንግግር ሰምቻለሁ፣ የድግምተኛም የጠንቋይም ንግግር አይደለም! ነገር ግን ሕዝቡን ከእሱ ለመከፋፈል ሲባል ድግምተኛ በሉት» ብሎ የመከረውን ክፍል ሆን ብሎ ቆርጦ ደብቆታል። 6/ (ገጽ 58–59)፦ ይህ የጸሐፊው የእውቀት ክፍተት እና የሌብነት ጥግ የታየበት ክፍል ነው! ነቢዩ (ﷺ) «መገለጥ በመጣላቸው ቁጥር በሴት ልብስ ውስጥ ተደብቀው ይንቀጠቀጡ ነበር» ለማለት ሲል፣ ሰሒሕ ኢብኑ ሂባን 5843ን ጠቅሶ፦ "Aisha said... I saw the Messenger of Allah shivering over them (ሲንቀጠቀጥባቸው አየሁት)" ብሎ ጽፏል። ትክክለኛው የኢብኑ ሂባን 5843 ሐዲስ ግን ስለ መገለጥም ሆነ ስለ መንቀጥቀጥ ፈጽሞ አያወራም! ዓኢሻ (ረ.ዐ) ምስል ያለበትን መጋረጃ ቆርጣ ሁለት ትራሶች (ውሳደተይን) እንደሰራችና ነቢዩም በትራሶቹ ላይ ሲደገፉ (የርተፊቁ / يَرْتَفِقُ) አየኋቸው ነው የምትለው! ጸሐፊው «መደገፍ» (የርተፊቁ) የሚለውን ከ«መንቀጥቀጥ» (የርተዒዱ) ጋር አምታቶ፣ «ትራሶቹ» የሚለውን ደግሞ ቆርጦ በመጣል «በሴት ልብስ ውስጥ ሲንቀጠቀጥ» ብሎ አንባቢውን በጠራራ ፀሐይ አጭበርብሯል! 7/ (ገጽ 96 እና 111 vs 274)፦ በገጽ 96 እና 111 ላይ ዓኢሻና ሰሐቦቹ «ሰይጣን (ቀሪን) ስላለባቸው እንድትዋሽ ያደርጋታል፣ ስለዚህ የተናገሩት ሐዲስም ሆነ ቁርኣን ሊታመን አይችልም» ብሎ ጽፏል። በዚያው መጽሐፍ በገጽ 274 እና 330 ላይ ግን ነቢዩ በመርዝ መታመማቸውን ለማስረዳት ሲፈልግ፦ «ዓኢሻ የተናገረችውን አለማመን እንዴት ይቻላል? እሷ ውሸታም ከሆነች ማን ሊታመን ይችላል?» ብሎ ከራሱ ጋር ተጋጭቷል! 8/ (ገጽ 123 እና 167)፦ የሱኒ ሙስሊሞችን ለመተቸት «የእናንተው ሶሒሕ መጻሕፍት ናቸው» እያለ፣ በሱኒ ሙስሊሞች ዘንድ ተቀባይነት የሌላቸውን የሺዓ መጻሕፍት (እንደ አል-ካፊ እና ሐያቱል ቁሉብ) ከ8 ጊዜ በላይ በማስረጃነት ጠቅሷል። ይህ ልክ አንድ ሙስሊም የኦርቶዶክስን እምነት ለመተቸት የይሖዋ ምስክሮችን ወይም የሞርሞኖችን መጽሐፍ እንደ ማስረጃ እንደመጥቀስ ያለ የአካዳሚክ ማጭበርበር ነው። 9/ (ገጽ 97-99)፦ ጸሐፊው በሰሒሕ አል-ቡኻሪ 3286 ላይ የሚገኘውን «ማንኛውም የአዳም ልጅ ሲወለድ ሰይጣን በጣቱ ይወጋዋል፣ ዒሳና እናቱ መርየም ሲቀሩ» የሚለውን ሐዲስ ጠቅሶ፣ «ሙሐመድም ሲወለድ ሰይጣን ወግቶታል፣ ስለዚህ የሰይጣን ተጽዕኖ አለበት» ብሎ ደምድሟል። ይህን ሲል ግን ሁለት ታላላቅ ማጭበርበሮችን ፈጽሟል፦ አንደኛ፣ በዚያው በጠቀሰው ሐዲስ ላይ ይህ የሰይጣን መውጋት «ሕፃኑ ሲወለድ የሚያሰማው የመጀመሪያ ጩኸት (ልቅሶ) ምክንያት» መሆኑንና በነቢያት ሕይወት ላይ ምንም የኃጢአትም ሆነ የሰይጣን የበላይነት እንደማያመጣ የተገለጸውን ቆርጦ ጥሏል። ሁለተኛ፣ በዚህ ሐዲስ መሠረት ከዒሳ (ዐ.ሰ) በስተቀር በመጽሐፍ ቅዱስ የሚገኙት ታላላቅ ነቢያት ሁሉ (አብርሃም፣ ሙሴ፣ ዳዊት፣ ሰለሞን፣ መጥምቁ ዮሐንስ) ሲወለዱ አልቅሰዋልና እነሱንም «ሰይጣን የወጋቸውና የሰይጣን ተጽዕኖ ያለባቸው ናቸው» ብሎ የገዛ ነቢያቱን በሙሉ አብሮ ወግቷል! 10/ (ገጽ 156–157)፦ ስለ «ገራኒቅ» (የሰይጣን ጥቅሶች) ክስ ሲጽፍ፣ ታላቁ ሊቅ ኢማም አል-ቁርጡቢ ይህ ታሪክ «መሠረት የሌለው ደካማና ውድቅ (ዷዒፍ)» መሆኑን መናገራቸውን በገጽ 157 ላይ ራሱ ጠቅሶ ሲያበቃ፣ ያንኑ ውድቅ የተባለ ተረት ግን የምዕራፍ 6 ዋና ማስረጃ አድርጎ አቅርቦታል! 11/ (ገጽ 166)፦ «ኢብሊስ ከመላእክት ወገን ነበር ወይስ ከጂኒ? ቁርኣን ይጋጫል» ብሎ ለማታለል፣ በዐረብኛ ሰዋስው የሚታወቀውን «ኢስቲስናእ ሙንቀጢዕ» (ከተለየ ወገን ነጥሎ ማውጣት) ሕግ ደብቋል። በሱረቱል ከህፍ (18፡50) ላይ አላህ «ኢብሊስ ከጂኒዎች ነበር» ብሎ በግልጽ ማስቀመጡን እያወቀ፣ ከመላእክት ጋር አብሮ ስለነበረ ብቻ በጥቅል ትዕዛዝ መካተቱን እንደ ግጭት አድርጎ አቅርቧል። 12/ (ገጽ 272–273 እና 278)፦ ነቢዩ (ﷺ) በለቢድ ኢብኑ አል-አዕሰም ድግምት (ሲሕር) ተደርጎባቸው በነበረ ጊዜ፣ ድግምቱ የነበረው በሰውነታቸው (ከሚስቶቻቸው ጋር በነበራቸው ግንኙነት) ላይ ብቻ እንጂ በአእምሯቸውና በወሒይ (በመገለጥ) ላይ ምንም ተጽዕኖ እንዳልነበረው የሐዲስ ሊቃውንት ያስቀመጡትን ማብራሪያ ቆርጦ በመጣል፣ «ቁርኣንን የተቀበለው በድግምት እየቃዠ ነው» ብሎ ቀጥፏል።

የምሥራች! - "የእባቡን ጭንቅላት ቀጥቅጠነዋል፤ አሁን ጅራቱ ብቻ ይቀረናል!" (ዘፍጥረት 3፡15፣ ሮሜ 16፡20) አልሐምዱሊላህ! ከሰሞኑ የጀመርነው ታላቅ የምላሽ ሥራ ወደ ፍጻሜው ተቃርቧል። ባለፉት ሳምንታት ረጅም ጊዜና ከፍተኛ ልፋት ወስዶብን በትኩረት ስንሠራው የነበረው "የጽልመቱ ጥላ" የተሰኘው መጽሐፍ የምላሽ ሥራ፣ በአላህ ፈቃድ ፍጻሜው አምሮ ማጠቃለያው ላይ ደርሰናል። ስለሆነም በቀጣይ ቀናት በአላህ ፍቃድ፦ • በሚቀጥለው ሳምንት፦ ሙሉ የምላሽ መጽሐፉ ለሁሉም አንባቢያን በነጻ በፒዲኤፍ ተለቆ እጃችሁ የሚደርስ ይሆናል፣ ኢንሻአላህ! • እንደተለመደው፦ ማንኛውም አንባቢ እውነታውን በራሱ ማረጋገጥ እንዲችል፣ ምላሽ የተሰጠበት የመጽሐፉ ሙሉ ክፍል ከምላሻችን ጀርባ አብሮ ይያያዛል። • በሚቀጥለው ሳምንት ቅዳሜ፦ መጽሐፉን በተመለከተ እና በተዘጋጁት አዳዲስ ምላሾች ዙሪያ እጅግ ደስ የሚልና ልዩ የቲክቶክ ላይቭ ቆይታ ይኖረናል! (ማሳሰቢያ፦ ዛሬ ምሽት መደበኛው የቲክቶክ ላይቭ ፕሮግራማችን አይኖረንም።) አልሐምዱሊላህ!

ሲያጠምቁ "እልልታ"፣ ሲሰልሙ "ተገደው ነው"?! ይህችን ያረጀች ፕሮፓጋንዳ ተዋት! በምስሎቹ ላይ እንደምትመለከቱት፣ አንደኛው ወገን በገዛ ገጹ "23,199 ነፍሳት ተጠመቁ" እያለ በኩራት ዜና ሲሰራና ሲያጨበጭብ ይታያል። ይህ ለእነሱ "ጻድቅ" እና "ኖርማል" ተግባር ነው፤ ማኅበራዊ ሚዲያቸውም በ"እልልታ" እና "አሜን" ይሞላል። በሌላ በኩል ደግሞ፣ መቶ እንኳን የማይሞሉ ሰዎች በራሳቸው ፍላጎት እስልምናን ሲቀበሉ ምስሉ ላይ እንደምታዩት አይናቸው ይቀላል፤ "ከሚሞቱ ብለው ነው" ወይም "ተገደው ነው" እያሉ የሃሰት ጩኸታቸውን በማህበራዊ ሚዲያ ያቀልጡታል። ይህ ዓይነቱ የተንሸዋረረ አመለካከትና የለቅሶ ፕሮፓጋንዳ በዋናነት ሁለት ዓላማዎችን ያነገበ ነው፦ 1ኛ በዳዕዋ መስክ የገጠማቸውን ትልቅ ሽንፈት በሌላው ላይ ለማላከክና እውነታውን ለመሸሸግ የሚደረግ መፍጨርጨር ነው። 2ኛ እስካሁን ባለው የሙስሊሙ እንቅስቃሴ "ዳዕዋ በሰፊው ተሰርቷል" ተብሎ ባይገመትም እንዲሁም ክፍተቶች ቢኖሩትም፤ በአቅማቸው የሚለፉና የሚታገሉ አካላትን መልካም ድካም ጥላሸት በመቀባት፣ ታጋዮቹን ለማሸማቀቅና ሞራል ለመስበር የታለመ ነው። እጅግ የሚያሳዝነው የዚህ አስተሳሰብ ባለቤቶች ለራሳቸው ያላቸው የተለጠጠ አመለካከት ነው። ሀገረ ስብከቶቻቸው በየዓመቱ በ10 ሺዎች የሚቆጠሩ ሰዎችን "አጠመቅን" እያሉ ዜና ሲሰሩ፣ የሙስሊሙ ትግል ግን እጅግ ይረብሻቸዋል፤ ጥቂት ሰዎች ሲሰልሙም ፈጥነው ፍርጃ ውስጥ ይገባሉ። በእነሱ እምነት "ሰው መቀበል ያለበት እኛን ብቻ ነው፤ እኛ ጋር ሲመጣ ኖርማል ነው፣ ሌላው ጋር ሲሄድ ግን አእምሮውን ስቶ ወይም ተገዶ ነው" የሚል ያረጀና ያፈጀ ትምክህት ነው። የራሳቸው ሲሆን ጽድቅ፣ የሌላው ሲሆን ወንጀል አድርጎ ስያሜ በመስጠት ሌላውን ለማሸማቀቅ ይሞክራሉ። ነገር ግን አንድ ሊያውቁት የሚገባ እውነት አለ፤ በእንደዚህ አይነት ርካሽ የ"አስገደዱን" ፕሮፓጋንዳ የሚሸወድ ጅል በዚህ ዘመን የለም! የሰዎችን ንቃተ ህሊና ንቆ የፈጠራ ክስ ከመደርደር ይልቅ፣ እውነታውን ተቀብሎ መኖር ይሻላል። የዳዕዋ ስራችን ይቀጥላል!

🎉ልዩ የበጋ ስልጠና በኢሙዳት(የኢትዮጵያ ሙስሊሞች ዳዕዋና ትምህርት ማህበር)🎉     ኢሙዳት በየአመቱ በጋ ወቅት አጠቃላይ የንፅፅር እውቀት ብልፅግና ላይ የሚያተኩሩ ስልጠናዎችን ያለ ምንም ክፍያ በታዋቂ ኡስታዞች እና አሰልጣኞች በመስጠት ተማሪዎችን እንደሚያስመርቅ ይታወቃል። በመሆኑም በዘንድሮ በጋ ልዩ የሆነ ስልጠና በዋነኝነት በአዲስ አባባ እና ዙርያዋ ለሚገኙ  2ኛ ደረጃ ት/ት ተማሪዎችና ለዩኒቨርሲቲ/ኮሌጅ  በተጨማሪም በማንኛውም ዘርፍ ላይ ያሉ በሃይማኖት ንጽጽር  ዘርፍ ለኢስላም መስራት የሚፈልጉ ወጣቶችን ለይቶ ስልጠናዎችን ለመስጠት ዝግጅቱን አጠናቋል።      ስልጠናው የሚያጠነጥነው የንፅፅር እውቀት፣ ኢማንን ማጎልበት፣ የሊደርሽፕ ፣ አርት እና ኢስላማዊ ስልጣኔ፣ የማህበረሰባዊ አይዲዮሎጂዎች እና መሰል የወጣቶችን ንቃተ ሕሊናን የሚያጎለብቱ ጉዳዮች ላይ ሲሆን ስልጠናውም ቅዳሜ እና እሁድ ለግማሽ ቀን ከህዳር እስከ ሰኔ መጨረሻ የሚቆይ ይሆናል     በመሆኑም ከላይ የተጠቀሰውን መስፈርት የምታሟሉ ትምህርቱን በቋሚነት መከታተል የምትችሉ ወጣቶች (ወንድ እና ሴት) ይህንን ቅፅ በመሙላት መመዝገብ የምትችሉ መሆኑን እናሳውቃለን። 🏢ኢሙዳት(የኢትዮጵያ ሙስሊም ዳእዋና ትምህርት ማህበር) 🕹ቶታል 3ቁጥር ማዞሪያ ወደ ብስራተ ገብርኤል በሚወስደው መንገድ ገባ ብሎ ⏰ 02:30-06:00LT ለበለጠ መረጃ ☎️ 0904199399                               0960281050                             0963262856 ይደውሉ። ✨ያለን ቦታ ውስን ስለሆነ ፈጥነው ይመዝገቡ። 🛑ምዝገባ ህዳር 1 የሚጠናቀቅ ይሆናል። 🙌ማሰራጨት አይርሱ🙌 የመመዝገቢያ Link👇 https://forms.gle/a2ETk8Fm3GG4MCRi6

በቅርቡ በምዕራቡ ዓለም፣ በተለይም በአሜሪካ በሚገኙ አብያተ-ክርስቲያናትና የሃይማኖት መሪዎች ዘንድ የተከሰተ አንድ ያልተጠበቀ ሁነታ በማኅበራዊ ሚዲያና በታወቁ የመገናኛ ብዙኃን ዘንድ ሰፊ መነጋገሪያ ሆኗል። በኦሃዮ ስቴት በሚገኘው LifeWorks Church የተሰኘ ቤተ ክርስቲያን መሪና "ነቢይ" ነኝ የሚለው እስራኤል ፎርድ፣ ከአንድ በላይ ማግባት መጽሐፍ ቅዱሳዊ እንደሆነና በተግባርም እየኖሩበት እንደሚገኙ በይፋ ለአማኞቻቸው አስታውቀዋል። በቪዲዮው ላይ እንደሚታየው፣ የፓስተሩ የመጀመሪያ ሚስት ሊዲያ በቤተ ክርስቲያኑ መድረክ ላይ በመቆም ማይክሮፎን በመያዝ፣ የባሏን ሁለተኛ ሚስት ሚኒስተር ሻካይላን ለምዕመናኑ በደስታና በፍቅር ታስተዋውቃለች። ሁለቱ ሚስቶች በመድረክ ላይ ተቃቅፈው ሰላምታ ከተለዋወጡ በኋላ፣ ሁለተኛዋ ሚስት ደግሞ ይህንን የብዙ ሚስት አምልኮና ሕይወት "የእግዚአብሔር ፈቃድ" እንደሆነና ለ3 ዓመታት ያህል በዚሁ መርህ አብረው ሲኖሩ መቆየታቸውን ለአማኙ ታስረዳለች። ይህ "ነቢይ" ነኝ ባይ ፓስተር በማኅበራዊ ሚዲያ ገጹና በትምህርቱ ላይ ባሰፈረው ጽሑፍ "አንድ ሚስት ብቻ ማግባት ከመጽሐፍ ቅዱስ አስተምህሮ ውጭ ነው" ሲል ይሞግታል። አስተዋይ ህሊና የሚታዘበው እውነታ፦ ለዘመናት ምዕራባውያንና አብዛኞቹ የክርስትና ተሟጋቾች፣ በእስልምና አስተምህሮ ውስጥ ያለውን ከአንድ በላይ የማግባት ፈቃድ እንደ ትልቅ የአቋም ስህተትና የትችት መነሻ አድርገው ሲያቀርቡት ቆይተዋል። ነገር ግን ታሪክና ጊዜ የራሳቸውን ፍርድ መስጠታቸው አልቀረም። ዛሬ በራሳቸው በምዕራባውያኑ ቤተ-ክርስቲያናት ውስጥ፣ የራሳቸውን መጽሐፍ ቅዱስ ዋቢ በማድረግ ከአንድ በላይ ማግባት ተፈጥሮአዊ፣ ምክንያታዊና መጽሐፍ ቅዱሳዊ መሆኑን አምነው በአደባባይ መተግበር ጀምረዋል። እስልምና ከአንድ በላይ ማግባትን በግልጽ፣ ደንግጎ ያስቀመጠው ከ1400 ዓመታት በፊት ቢሆንም፤ ዛሬ ላይ የምዕራቡ ዓለም ቤተ-ክርስቲያን መሪዎች የሰው ልጅ ተፈጥሮአዊ ፍላጎትና ማኅበራዊ እውነታን መካድ አቅቷቸው፣ በዘልማድ ሲቃወሙት የነበረውንና ከመጽሀፍ ቅዱስ ጋር ግን ተቃርኖ ያልነበረውን ተግባር ተቀብለው በራሳቸው መድረክ ላይ ሁለተኛ ሚስቶቻቸውን ለአማኙ እስከ ማስተዋወቅ ደርሰዋል። https://t.me/Yahyanuhe

በቪዲዮው ላይ በካሜራ ፊት ቀርቦ እኛ ያቀረብንለትን በማስረጃ የተደገፈ ምላሽ ሲያጣጥልና ሲዘባበት ታይቷል፦ «ማነው የተጠቀሰው? ኢብኑ ሐጀር አል-አስቀላኒ? ፈትሑል ባሪ? በ15ኛው ክፍለ ዘመን የነበረ ሰውዬ ተረት ተረት ለምን እንቀበላለን?» በማለት ታላቁን የእስልምና ሊቅና የምርምር ሥራቸውን ለማቃለል ሞክሯል። ነገር ግን እውነታው ሲገለጥ አስደንጋጭ ነው! ግለሰቡ በገዛ እጁ ባሳተመው "የጽልመቱ ጥላ" በተሰኘው መጽሐፉ ገጽ 36 (ማስታወሻ 30) እና ገጽ 214 (ማስታወሻ 138) ላይ ይኸው በካሜራ ፊት ያፌዘበትን ሊቅ «አል-ሓፊዝ ኢብኑ ሐጀር፣ ፈትሑል ባሪ» እያለ በታላቅ ክብር ዋቢ አድርጎ አቅርቦታል! ለመሆኑ አንድ ጸሐፊ ራሱ በመጽሐፉ ውስጥ ደጋግሞ የተጠቀመውን ዋነኛ ምንጭ በካሜራ ፊት እንዴት ሊረሳውና "ተረት ተረት" ብሎ ሊያንቋሽሸው ይችላል? እውነታው ከሁለት ነጥቦች ሊወጣ አይችልም፦ ወይ መጽሐፉን ራሱ አልጻፈውም፦ በውስጡ ያለውን እንኳን የማያውቅ፣ ከሌሎች ገጾች ኮፒ-ፔስት ተደርጎ የተሰጠውን ጽሑፍ በስሙ ብቻ ያተመ ሰው ነው፤ ወይም ደብል ስታንደርድ የሚጠቀም አጭበርባሪ ነው፦ ለራሱ የሐሰት ትርክትና ጥቃት ሲመቸው "አል-ሓፊዝ" እያለ የሚያከብረውን ሊቅ፣ ሙስሊሞች ስህተቱን ሲያጋልጡበትና ሲያፈርሱበት "ተረት ተረት" ብሎ የሚሸሽ ፍጹም እምነት የማይጣልበት ግለሰብ ነው! የገዛ መጽሐፉን ገጾችና የራሱን ንግግር እንኳ ማስታረቅ የማይችል አካል፣ እንዴት ሆኖ ነው በዕውቀትና በሐቅ ላይ የተመሠረተ ሞገት አቀረብኩ ሊል የሚችለው? ህሊና ያለው አስተዋይ አንባቢ ይፍረደው!

የፌስቡክ ፔጄ ያለወትሮው ስድቡ ቀነስ አድርጓል፣ ምን ተፈጠረ? ክርስቲያን ወገኖቻችን ስለዚህ ሀሳብ ጸጥ ብለዋል። ቢያንስ "የፈለገ ቢሆን እንከተለዋለን" የሚለውን መከላከያም ቢሆን እየሰጣችሁ "አቃቢያችሁ" ተከላከሉ። ገባ ገባ በሉ

የእፎይ መጽሐፍ የፕሮቴስታንት ነገረ-መለኮትን በኦርቶዶክስ ስም ሲሰብክ... (ከገጽ 353 የተወሰደ) በምስሉ ላይ እንደሚታየው፣ ጸሐፊው "የጽልመቱ ጥላ" በተሰኘው መጽሐፉ ገጽ 353 ላይ እንዲህ ሲል ይጽፋል፦ “ኢየሱስ የአይሁዶች መድኃኒትና ንጉሥ ነው። ምንም እንኳ በክርስቶስ የማያምኑ አይሁዶች ቢኖሩም ኢየሱስ ግን የአይሁድ ንጉሥ እና መድኃኒት ነው” ለመሆኑ ይህ አስተምህሮ የኦርቶዶክስ ተዋሕዶ ነገረ-መለኮት ነውን? በፍጹም አይደለም! በኦርቶዶክስ ተዋሕዶ ትምህርት፣ ከክርስቶስ ስቅለትና ትንሣኤ በኋላ "የእግዚአብሔር ሕዝብ" ወይም "እስራኤል ዘነፍስ" የተባለችው በክርስቶስ ያመነችው ቤተ ክርስቲያን እንጂ በሥጋ የተወለዱት አይሁዶች አይደሉም። ጳውሎስ በሮሜ 9፡6-8 እና በገላትያ 3፡28-29 ላይ በግልጽ እንደሚያስተምረው፣ በክርስቶስ የማያምኑ የሥጋ አይሁዶች በሥጋ አብርሃማዊ ስለሆኑ ብቻ ልዩ የቃል ኪዳን ሕዝብ ወይም "ኢየሱስ መድኃኒታቸው የሆነላቸው" ሊባሉ አይችሉም። ታዲያ እፎይ ይህንን የፕሮቴስታንት ትምህርት እንዴት ወደ መጽሐፉ አስገባው? መልሱ እጅግ ቀላል ነው! ጸሐፊው የራሱ ቤተ ክርስቲያን የሆነችውን የኦርቶዶክስ ነገረ-መለኮት እንኳን በቅጡ የሚያውቅ ዕውቀት የለውም። ይልቁንም፣ መጽሐፉን ለመጻፍ የተጠቀማቸው ዋና ዋና ምንጮች የምዕራባውያን የኢቫንጀሊካል ወይንም የፕሮቴስታንት ፀረ-እስልምና ድረ-ገጾች ናቸው። በምዕራቡ ዓለም ያሉ የፕሮቴስታንት "Christian Zionists" ወይንም ዲስፔንሴሽናሊስቶች በክርስቶስ የማያምኑ አይሁዶች አሁንም "ልዩ የአምላክ ሕዝብ ናቸው" የሚል እሳቤ አላቸው። እፎይ ደግሞ የነገረ-መለኮት ዕውቀት ስለሌለው፣ የእነዚያን የፕሮቴስታንት ጸሐፊዎች ጽሑፍ ያለ ምንም ማጣሪያ በቀጥታ ኮፒ-ፔስት በማድረግ፣ የፕሮቴስታንቱን ዶክትሪን እንደ ትክክለኛ ትምህርት አድርጎ አስቀምጦታል። የገዛ ሃይማኖቱን ነገረ-መለኮት ከሌላ ሃይማኖት መለየት የማይችል አካል፣ እንዴት ሆኖ ነው የሌላውን ሃይማኖት (እስልምናን) ሊሞግት የሚነሳው? ህሊና ያለው አስተዋይ አንባቢ ይፍረደው!

ዐይን ያወጣ ማጭበርበር በገዛ መጽሐፉ ሲጋለጥ... (ከገጽ 209 የተወሰደ) በተያያዘው ምስል ላይ እንደምትመለከቱት፣ ጸሐፊው "የጽልመቱ ጥላ" በተሰኘው መጽሐፉ ገጽ 209 ላይ፣ ሱረቱል ፋጢርን (35:1) ሲተረጉም የፈጸመው ዐይን ያወጣ ማጭበርበር እጅግ አስገራሚና እጅ በአፍ የሚያስጭን ነው! ግለሰቡ የመላእክትን የክንፍ ብዛት በሁለት፣ በሦስትና በአራት ብቻ እንደተገደበ ለማስመሰል እና ከሐዲስ (ሰሒሕ ሙስሊም 174b) ጋር ይጋጫል ለማለት የተጠቀመበት ተንኮል ስለማንነቱና አካሔዱ ብዙ ትምህርት ይሰጠናል። ምስሉ ላይ በግልጽ እንደሚታየው፤ ዐረብኛውን ሙሉ ለሙሉ አስቀምጦ፣ በአማርኛው ትርጉም ላይ ግን ሆን ብሎ በነጠብጣብ (...) ትርጉሙን ቆርጦ አስቀርቶታል። ለመሆኑ ጸሐፊው በነጠብጣቡ (...) ውስጥ ሆን ብሎ የደበቀው ቃል ምንድን ነው? ከተባለ ጸሐፊው ሆን ብሎ የደበቀውና የቆረጠው ቀጣዩ የቁርኣን ቃል «በፍጥረቱ ውስጥ የሚሻውን ይጨምራል» (يَزِيدُ فِي الْخَلْقِ مَا يَشَاءُ) የሚለውን ታላቅ መልእክት ነው! ይህ አንቀጽ አላህ በመላእክት ክንፍ ላይ የፈለገውን ያህል ገደብ የለሽ ጭማሪ እንደሚያደርግ በግልጽ እያሳየ ሳለ፣ እውነታውን ሸሽጎ፣ የቁርኣኑን ሰፊ መልእክት በማጥበብ አንባቢን በሐሰት ለማደናገር መሞከሩ አሳፋሪ ነው። ጸሐፊው ይህንን ሐቅ ሆን ብሎ በመደበቅ፣ "በግልፅ ቁርኣን ላይ ስለ መላእክት ክንፎች ሲናገር... አራት አራት እንደሆነ ነው" በማለት፣ ቁርኣን ከመላእክት ክንፍ ብዛት ጋር ተያይዞ ጅብሪል 600 ክንፍ እንዳለው ከሚናገረው ሐዲስ ጋር እንደሚጋጭ አድርጎ የፈጠራ ሞኝነቱን አቅርቧል። አየህ እፎይ... ቃሉን ሳትቆርጥ፣ ማጭበርበርህን ትተህ ሙሉውን ዐረብኛ (በቢጫ ያቀለምኩትን) ፊደል በፊደል ብትተረጉመው ኖሮ፤ አላህ ለጅብሪል 600 ክንፍ የመስጠት ሙሉ ችሎታ ("በፍጥረቱ የሚሻውን ይጨምራልና") እንዳለው፣ በገዛ ራስህ መጽሐፍ ላይ ባሰፈርከው የቁርኣን አንቀጽ ውስጥ መልሱን ታገኘው ነበር! ግን እሱን ከጨመርክ ያመጣሀው አርጊውመንት እርባና ቢስ እንደሚሆን ስላወቅክ ቆርጠህ አስቀራሀት። ውድ አንባቢዎች (በተለይ ክርስቲያን ወገኖቻችን)... ይህ ሰው የራሱን የጥላቻ ትርክት በቅጥፈት ለመሸጥ ሲል ምን ያህል መረጃን እያጣመመና እየቆረጠ እንደሚያደናግራችሁ ከዚህ በላይ ተግባራዊ ማሳያ የለም። እውነታው ይህ ነው! መመዘኑን ለህሊናችሁ ትተነዋል። https://t.me/Abuyusra3

ዐይን ያወጣ ማጭበርበር በገዛ መጽሐፉ ሲጋለጥ... (ከገጽ 209 የተወሰደ) በተያያዘው ምስል ላይ እንደምትመለከቱት፣ ጸሐፊው "የጽልመቱ ጥላ" በተሰኘው መጽሐፉ ገጽ 209 ላይ፣ ሱረቱል ፋጢርን (35:1) ሲተረጉም የፈጸመው ዐይን ያወጣ ማጭበርበር እጅግ አስገራሚና እጅ በአፍ የሚያስጭን ነው! ግለሰቡ የመላእክትን የክንፍ ብዛት በሁለት፣ በሦስትና በአራት ብቻ እንደተገደበ ለማስመሰል እና ከሐዲስ (ሰሒሕ ሙስሊም 174b) ጋር ይጋጫል ለማለት የተጠቀመበት ተንኮል ስለማንነቱና አካሔዱ ብዙ ትምህርት ይሰጠናል። ምስሉ ላይ በግልጽ እንደሚታየው፤ ዐረብኛውን ሙሉ ለሙሉ አስቀምጦ፣ በአማርኛው ትርጉም ላይ ግን ሆን ብሎ በነጠብጣብ (...) ትርጉሙን ቆርጦ አስቀርቶታል። ለመሆኑ ጸሐፊው በነጠብጣቡ (...) ውስጥ ሆን ብሎ የደበቀው ቃል ምንድን ነው? ከተባለ ጸሐፊው ሆን ብሎ የደበቀውና የቆረጠው ቀጣዩ የቁርኣን ቃል «በፍጥረቱ ውስጥ የሚሻውን ይጨምራል» (يَزِيدُ فِي الْخَلْقِ مَا يَشَاءُ) የሚለውን ታላቅ መልእክት ነው! ይህ አንቀጽ አላህ በመላእክት ክንፍ ላይ የፈለገውን ያህል ገደብ የለሽ ጭማሪ እንደሚያደርግ በግልጽ እያሳየ ሳለ፣ እውነታውን ሸሽጎ፣ የቁርኣኑን ሰፊ መልእክት በማጥበብ አንባቢን በሐሰት ለማደናገር መሞከሩ አሳፋሪ ነው። ጸሐፊው ይህንን ሐቅ ሆን ብሎ በመደበቅ፣ "በግልፅ ቁርኣን ላይ ስለ መላእክት ክንፎች ሲናገር... አራት አራት እንደሆነ ነው" በማለት፣ ቁርኣን ከመላእክት ክንፍ ብዛት ጋር ተያይዞ ጅብሪል 600 ክንፍ እንዳለው ከሚናገረው ሐዲስ ጋር እንደሚጋጭ አድርጎ የፈጠራ ሞኝነቱን አቅርቧል። አየህ እፎይ... ቃሉን ሳትቆርጥ፣ ማጭበርበርህን ትተህ ሙሉውን ዐረብኛ (በቢጫ ያቀለምኩትን) ፊደል በፊደል ብትተረጉመው ኖሮ፤ አላህ ለጅብሪል 600 ክንፍ የመስጠት ሙሉ ችሎታ ("በፍጥረቱ የሚሻውን ይጨምራልና") እንዳለው፣ በገዛ ራስህ መጽሐፍ ላይ ባሰፈርከው የቁርኣን አንቀጽ ውስጥ መልሱን ታገኘው ነበር! ግን እሱን ከጨመርክ ያመጣሀው አርጊውመንት እርባና ቢስ እንደሚሆን ስላወቅክ ቆርጠህ አስቀራሀት። ውድ አንባቢዎች (በተለይ ክርስቲያን ወገኖቻችን)... ይህ ሰው የራሱን የጥላቻ ትርክት በቅጥፈት ለመሸጥ ሲል ምን ያህል መረጃን እያጣመመና እየቆረጠ እንደሚያደናግራችሁ ከዚህ በላይ ተግባራዊ ማሳያ የለም። እውነታው ይህ ነው! መመዘኑን ለህሊናችሁ ትተነዋል። https://t.me/Abuyusra3

ቪዲዮውን እራሳችሁ መመልከት ከፈለጋችሁ፣ ይኸው።

በቀናነት የቀረበ የህሊና ጥሪ! በቅርቡ በአንድ ቤተ ክርስቲያን ውስጥ የእየሱስ ክርስቶስ ምስል ወይንም ሐውልት ወድቆ የአንድ ቄስ ህይወት ማለፉን ተከትሎ፣ ከላይ በምስሉ የምታዩት አሳዛኝ እና አስተማሪ ትዕይንት ተፈጥሯል። ሰዎች "አምላክ" ነው ብለው ያቆሙትን ምስል በላያቸው ላይ እንዳይወድቅባቸው በብረት ሰንሰለት ወጥረው አስረውታል፤ የሃይማኖት አባቱም ራሱን ለማዳን የካስኮ (የአደጋ መከላከያ) ቆብ አድርጎ ይታያል። ይህን ጉዳይ የማነሳው ለመሳለቅ ወይም ለማንኳሰስ ሳይሆን፣ ጤናማ አእምሮ ላለው ሰው ጥልቅ የህሊና ጥያቄን ስለሚጭር በጨዋነት ሀሳብ ለማንሳት ነው። የራሳችሁን "አምላክ" በእጃችሁ ቀርጻችሁ ከሰራችሁ በኋላ፣ ተመልሳችሁ "እንዳይጎዳን" ብላችሁ በሰንሰለት ካሰራችሁትና በስጋት ቆብ ካጠለቃችሁ፣ እምነቱ የት ላይ ነው? ራሱን ከውድቀት መጠበቅ ለማይችልና በሰንሰለት ለታሰረ ግዑዝ አካል እንዴት "ከአደጋ ጠብቀን" ብላችሁ ጸሎት ማድረግ ትችላላችሁ? ይህ ድርጊት ታላቁ ነቢይ ኢብራሂም (ዐ.ሰ) ህዝቦቻቸውን የሞገቱበትን ታሪካዊ ጥያቄ ያስታውሰናል። ኢብራሒም ህዝባቸውን በተመለከተ እንዲህ ማለታቸውን ቁርኣን ይነግረናል፦ "አላቸው «የምትጠርቡትን ትግገዛላችሁን? አላህ እናንተንም የምትሠሩትንም የፈጠረ ሲኾን፡፡»" (ሱረቱ አስ-ሷፋት 37፡95-96)። እጅግ ኃያል፣ በሰው እጅ የማይቀረጽ፣ የማይታይ፣ ነገር ግን የሁሉ ነገር ፈጣሪና ጠባቂ የሆነውን አንዱን አምላክ አላህን ብቻ ማምለክ ሲቻል፤ በገዛ እጅ ተቀርጾ ከዚያም ደግሞ ወድቆ እንዳይጎዳ ተፈርቶ በሰንሰለት የሚታሰርን ሀውልት መማጸን እንዴት የህሊና እረፍት ይሰጣል? ይህን በቅንነት፣ ከስሜት ርቃችሁ በምክንያታዊነት ብቻ እንድታስተነትኑት እጋብዛለሁ።

«ይቅርታ» ወይስ የውርደት ሽሽት? - ግመሏን ሰርቆ ጅራቷን ስለተሳሳተው ሰውዬ! አንድ ሰው የሰፈሩን ግመል ከነጭነቷ በጠራራ ፀሐይ ሰርቆ ሲሮጥ እጅ ከፍንጅ ይያዝና ሸንጎ ይቀርባል። ታዲያ ዳኛው ፊት ሲቆም ዓይኑን በጨው አጥቦ፦ «ክቡር ዳኛ! ሰፈሩ ለወር ያህል ሲፈልግ ቆይቶ ትላንት ማታ አንድ ከባድ ስህተት አግኝቶብኛል፤ የሰረቅኳት ግመል ጅራቷ ላይ ያለው ጸጉር ሦስት ሳይሆን ሁለት ነበር፣ ስለዚህ ሕዝቡን በትህትና ይቅርታ እጠይቃለሁ!» ቢል ምን ይባላል? ዛሬ «እፎይ» በሚል ስም የተለቀቀችው የ«ይቅርታ» ጽሑፍ ልክ ይህንን አስቂኝ ድራማ ትመስላለች። ግለሰቡ «ለወር በዘለቀው እንከን ፍለጋ ትላንት ማታ አንድ ከባድ ስህተት አግኝተውብኛል» ይልና፣ የተገኘበት ብቸኛ ስህተት ነቢዩ (ﷺ) «ሸፍኑኝ» ያሉትን «ሦስት ጊዜ ሳይሆን ሁለት ጊዜ ነው» የሚለው የቁጥር እርማት ብቻ እንደሆነ አስመስሎ ለማቅረብ ሞክሯል። ይህ በስነ-ልቦናው ዓለም «ትንሿን ጥፋት አምኖ ትልቁን ወንጀል የመሸፈን» የከሰረ የፕሮፓጋንዳ ስልት ይባላል። ለተከታዮቹ፦ «አያችሁ! ኡስታዞቹ ወር ሙሉ መጽሐፌን ፈትሸው ያገኙብኝ ስህተት ሁለትን ሦስት ማለቴን ብቻ ነው» የሚል የሐሰት መፅናኛ ለመስጠት የተሰራች የጭንቀት ድራማ ናት። ነገር ግን እውነታው ምንድን ነው? በዚያው በጠቀሰው አንድ ገጽ (ገጽ 17) ላይ ብቻ የተጋለጡበትና በ«ይቅርታ» ጽሑፉ ላይ እንደ እሳት የሸሻቸው ግዙፍ የማጭበርበር ተግባራት የሚከተሉት ነበሩ፦ 1/ የሐዲስ ምንጭን በጠራራ ፀሐይ ማጭበርበር፦ በገጽ 17 ላይ «Sahih Muslim 160a» ብሎ በደማቁ ከጻፈ በኋላ፣ በሰሒሕ ሙስሊም ውስጥ ጭራሽ የሌለውንና «ተኝቼ ሳለሁ... ከእንቅልፌ ነቃሁ» የሚለውን የኢብኑ ኢስሐቅን ሰንሰለቱ የተቋረጠ ጽሑፍ በሰሒሕ ሙስሊም ስም አጭበርብሮ ለጥፎታል። ታዲያ ይህንን ግዙፍ የምንጭ ሌብነት ትቶ ስለ «ሁለትና ሦስት» ቁጥር ማውራት ማንን ለማታለል ነው? 2/ በዚያችው የ«ይቅርታ» ጽሑፍ ውስጥ እንኳን የደገመው የፈጠራ ውሸት፦ ይህ ግለሰብ ይቅርታ እጠይቃለሁ ባለበት በዚያችው አጭር ጽሑፍ ውስጥ እንኳን «የከዲጃን ቀሚስ ይዞ... ሸፍኚኝ እንዳላት አስፍሬ ነበር» ብሎ በድጋሚ ዋሽቷል! በየትኛው የሐዲስ ወይም የታሪክ መጽሐፍ ውስጥ ነው «የኸዲጃን ቀሚስ ይዞ አስጥይኝ እያለ ጮኸ» ወይም «እብድ ውሻ እንዳየ እያለከለከ መጣ» የሚል ቃል ያለው? በየትኛውም መጽሐፍ ውስጥ የሌለን የመንደር ስድብ ከራስ ኪስ አውጥቶ በሐዲስ ስም መጻፍ «አሳማኝ ስህተት» አይደለም ወይ? 3/ ከካረን አርምስትሮንግ ልብ-ወለድ እስከ ቡኻሪ 5499 የእንግሊዘኛ ትርጉም ስርቆት፦ በገጽ 8 ላይ የሰሒሕ አል-ቡኻሪን (5499) የእንግሊዘኛ ትርጉም ሆን ብሎ ደብቆ የሌለ የውይይት ትርክት መፍጠሩ፣ በገጽ 26 ላይ የካረን አርምስትሮንግን የእንግሊዘኛ ድርሰት ከሰሒሕ ሙስሊም ጋር ደባልቆ «በዳዴ ተንፏቀቀ» ብሎ መቅጠፉ፣ እንዲሁም በራሱ በቀጥታ ስርጭቱ ላይ «ፈትሑል ባሪ (ኢብኑ ሐጀር) ማነው? እኔ ቡኻሪን እየጠቀስኩ ለምን ፈትሑል ባሪ ትጠቅሳላችሁ?» ብሎ የቡኻሪን ማብራሪያ ከቡኻሪ ጋር ሲያጋጭ ማምሸቱ የት ተረሱ? ውድ ወገኖች! ሰውዬው አጣብቂኝ ውስጥ ሲገባና በየገጹ የፈጸማቸው የምንጭ ማጭበርበሮች እና የትርጉም ሸፍጦች አንድ በአንድ ሲጋለጡበት፣ ትኩረት ለማስቀየር ሲል «ሁለቴ ያለውን ሦስቴ በማለቴ ይቅርታ!» የሚል የጅል ቀልድ ይዞ ብቅ ብሏል። በጽሑፉ መጨረሻ ላይ፦ «ውድ ሙስሊም እህት ወንድሞቼ መጽሐፉን እያነበባችሁ እንዲህ አሳማኝ ስህተት ካገኛችሁ አሳውቁኝ» ብሏል። እኛም በአክብሮት የምንለው፦ ወገናችን! በመጽሐፉ ውስጥ ያሉትን ቅጥፈቶችና የማጣቀሻ ስርቆቶች ለማረም ከፈለግክ፣ «ሁለትና ሦስት» የሚሉ ቁጥሮችን በላጲስ ማጥፋት ሳይሆን መጽሐፉን ከነሙሉ ሽፋኑ ሰብስቦ እንደ አዲስ መጻፍ ወይንም ማስጻፍ ነው የሚጠበቅብህ! እውነት በማስረጃ ትገለጣለች፤ የጭንቀት ሳይኮሎጂ ግን የፈረሰን ሙግት አያድንም! - የሕያ ኢብኑ ኑህ