የሕያ ኢብኑ ኑህ | Yahya Ibnu Nuhe

ኢትዮጵያ ፌደራላዊ ስርዓት መከተል ከጀመረችበት ጊዜ አንስቶ፣ የኢትዮጵያ ሙስሊም የመብት ጥያቄዎች አፈታት እጅግ በጣም ዘገምተኛ እና አሰልቺ ሆኗል። ለዓመታት የጮኽንለትና የታገልንለት መሰረታዊ መብት አሁንም መፍትሄ አልባ ሆኖ እየተንከባለለ ይገኛል። ​በጣም የሚያሳዝነው ደግሞ፣ ትላንትና ከመዋቅሩ ውጪ ሆነው ለህዝብ ሲታገሉ የነበሩ ሰዎች፣ ዛሬ የመጅሊሱን መንበር አግኝተው የተሻለ የመፍትሄ አካል እንዲሆኑ ሲጠበቁ የሚናቸው መደብዘዝ ግን እጅግ አሳዛኝ ነው። ​ችግሮችን ከስር መሰረታቸው ቀድሞ ከመፍታት ይልቅ፣ አደጋ ሲከሰት ብቻ ከወቀሳ ለመዳን በሚመስል መልኩ ችግሩ ቦታ እየተገኙ መሯሯጥ የተለመደ ተግባር ሆኗል። ህዝቡ እና ተማሪዎች በእንደዚህ አይነት ከባድ የማንነት ፈተና ውስጥ እያሉ፣ የመጅሊስ አመራሮቹ መኖራቸውን እራሱ የምናውቀው በሚታደሙበት የበዛ ድግስ ላይ በሚኖር ምስላቸው ነው። ያለ ቅጥ ከፍተኛ በጀት እየተያዘላቸው ከሚከወኑ ድግሶች ብዛት የተነሳ ለህዝብ ብሶት ጆሮ የሚሰጡበት ጊዜ ያገኙም አይመስሉም። ይህ አካሄድ ከእስልምና የአመራርና የአማና መርህ ጋር ፍፁም የሚጣረስ ነው። ​ታላቁ ጌታችን አላህ ይህንን ከባድ የኃላፊነት ሚዛን በቅዱስ ቁርኣን እንዲህ ሲል ያስጠነቅቃል፡- ​"እናንተ ያመናችሁ ሆይ! አላህንና መልክተኛውን አትክዱ፡፡ እናንተ የምታውቁ ስትኾኑ አደራዎቻችሁንም አትክዱ፡፡" (አል-አንፋል 8፥27) ​መሪነት ምቾት ሳይሆን ከባድ ፈተና ነው። በኃላፊነት ላይ ተቀምጦ ህዝብን ችላ ማለት የሚያስከትለውን አደጋ፣ ነቢዩ ሙሐመድ (ሰ.ዐ.ወ) እንዲህ በማለት አብራርተውታል፡- ​"ማንኛውም አላህ የህዝብ መሪ ያደረገው ሰው፣ ህዝቡን በቅንነት ሳያገለግልና ሳይመክር (እያታለላቸው) ከሞተ፤ አላህ በርሱ ላይ ጀነትን እርም ያደርግበታል።" (ሰሒሕ አል-ቡኻሪ 7150) ​መሪነት አገልጋይነት እንጂ የሰርክ ድግስ ታዳሚነት አይደለም። አመራሮች ወደ ህሊናቸው ተመልሰው፣ የተቀመጡበት ወንበር የህዝብ አደራ መሆኑን ተገንዝበው እውነተኛ መፍትሄ ሊያመጡ ይገባል። ጊዜያዊ ወቀሳን ለማምለጥ ከመሯሯጥ ይልቅ፣ ዘላቂ የሆነ የህዝብን እንባ የሚያብስ ጠንካራ ስራ ሊሰራ ይገባል! የሕያ ኢብኑ ኑህ

በአማራ ክልል በሙስሊሙ ማኅበረሰብ ላይ የሚፈጸመው ግፍ፣ ሰቆቃና አፈና ማብቂያ ያጣ ይመስላል። ትናንት ምሽት በዳንግላ ከተማ የዒሻ ሶላትን አሰግደው ወደ ቤታቸው በመመለስ ላይ ሳሉ፣ በታጣቂዎች ተደብቀው የተገደሉት የሼኽ ሱፍያን አደም ሕልፈት፣ የዚህ መሪርና ቋሚ ሐዘናችን ቀጣይ ምዕራፍ ነው። ​ሼኽ ሱፍያን ከ20 ዓመታት በላይ በመስጂድ ኢማምነት ያገለገሉ፣ ከሙስሊሙም ሆነ ሙስሊም ካልሆነው ወገን ጋር በሰላም የኖሩ የመስጂድ ኢማም ናቸው። ታዲያ እንዲህ ዓይነቱን የሰላም ሰው በጨለማ ደብቆ መግደል ከጀርባው ያለው መልእክት ምንድን ነው? ​እውነታው አፍረጥርጦ የሚናገረው አንድ ነገር አለ፦ በክልሉ ውስጥ ሆን ተብሎ የሃይማኖት ግጭት ለማስነሳት፣ ሙስሊሙን ከማኅበራዊና ኢኮኖሚያዊ ህልውናው ለማፈናቀል፣ እንዲሁም ማኅበረሰቡን መሪ አልባ ለማድረግ የሃይማኖት አባቶችን ነጥሎ የማጥቃት አደገኛ ዘመቻ በስፋት እየተተገበረ ይገኛል። ​ይህ በታጣቂዎች የሚተገበረው እኩይ ተግባር፣ በአጋጣሚ የሚፈጸም ወንጀል አይደለም። ይልቁንም በተለያዩ የኦርቶዶክስ አክቲቪስቶችና ጽንፈኛ የሚዲያ አካላት፣ ለወራትና ለዓመታት ሲያረግዙትና ሲያቀነባብሩት የነበረው የጥላቻ ትርክትና የዘር ማጥፋት ፕሮፓጋንዳ የወለደው የትግበራ ውጤት ነው። ​እነዚህ አካላት ዛሬ ለሚፈሰው የንጹሐን የሃይማኖት መሪዎች ደም የመጀመሪያ ተጠያቂዎች ናቸው። ​የሼኽ ሱፍያንን ንጹሕ ደም አላህ አይተወውም! ለቤተሰቦቻቸው፣ ለዳንግላ ሙስሊሞችና ለመላው የሀገራችን ሙስሊም ማኅበረሰብ አላህ መጽናናትን ይስጠን። የዳንግላው ኢማም ግድያ

ለንግድ፣ ለህክምና ወይም ለጉብኝት ወደ ቱርክ፣ ዱባይ እና የተለያዩ ሀገራት ለመጓዝ ካሰባችሁ ፈሲሩ ትራቭል የትኬት ጉዳያችሁን በኃላፊነት ያጠናቅቃል። እንግልት የሌለበት ጉዞ ለማድረግ ስትፈልጉ በዋትስአፕ አግኙን፦ https://wa.me/qr/5CWCIMYBZLCJB1 +251911762080

ለንግድ፣ ለህክምና ወይም ለጉብኝት ወደ ቱርክ፣ ዱባይ እና የተለያዩ ሀገራት ለመጓዝ ካሰባችሁ ፈሲሩ ትራቭል የትኬት ጉዳያችሁን በኃላፊነት ያጠናቅቃል። እንግልት የሌለበት ጉዞ ለማድረግ ስትፈልጉ በዋትስአፕ አግኙን፦ +251911762080

ለንግድ፣ ለህክምና ወይም ለጉብኝት ወደ ቱርክ፣ ዱባይ እና የተለያዩ ሀገራት ለመጓዝ ካሰባችሁ ፈሲሩ ትራቭል የትኬት ጉዳያችሁን በኃላፊነት ያጠናቅቃል። እንግልት የሌለበት ጉዞ ለማድረግ ስትፈልጉ በዋትስአፕ አግኙን፦ +251911762080

"በሰዎች ላይ ጥገኛ በሆንክ ቁጥር፣ በእነርሱ ዘንድ ያለህ ክብርም ልክ ጥገኛ በሆንክበት መጠን ይቀንሳል፤ የምትለምናቸው አንዲት ጉንጭ ዉሃ እንኳን ብትሆን።" ​(ኢብኑ ተይሚያህ፥ መጅሙዕ አል-ፈታዋ 39/1) ​የሰው ልጅ በተፈጥሮው ስስ ነው። ደጋግሞ ሲጠየቅ ይሰለቻል፣ ሲደገፉበት ይከብደዋል፣ ሲለምኑትም ንቀትን ያመጣል። የቱንም ያህል የሚወድህ ቢሆን፣ ሁሌ እጅህን ወደ እርሱ ከዘረጋህ "ሸክም" መሆንህ አይቀርም። እውነተኛ የክብር ከፍታ ያለው ሰዎች ዘንድ በመተናነስ ውስጥ ሳይሆን፣ ከሰዎች እጅ በመብቃቃት ውስጥ ነው። ​ይህንን የሰው ልጅ ስነ-ልቦናዊ እውነት ታላቁ ጌታችን በቅዱስ ቁርኣን በአንድ ወሳኝ ቃል አጠቃልሎታል፡- ​"በአላህም ላይ ተመካ፡፡ መመኪያም በአላህ በቃ፡፡" (አል-አሕዛብ 33፥3) ​የሚገርመው የአላህና የሰው ልጅ ተቃራኒ ባህሪ እዚህ ጋ ነው። ሰው ስትለምነው ይንቅሃል፤ አላህ ግን ሳትለምነው ስትቀር ይቆጣል። ነቢዩ ሙሐመድ (ሰ.ዐ.ወ) ለባልደረባቸው ለሰህሉ ብኑ ሰዕድ (ረ.ዐ) የሰጡት አጭርና ወርቃማ የሕይወት ፎርሙላ ይህንኑ የሚያስረግጥ ነው፡- ​"ከዚህች ዓለም ድንበር እለፍ (ዙህድ አድርግ) አላህ ይወድሃል፤ በሰዎች እጅ ባለው ነገር ላይም አትመኝ (ተስፋ ቁረጥ) ሰዎች ይወዱሃል።" (ሱነን ኢብኑ ማጀህ 4102) ​የውስጥ ነፃነትህ የሚጀምረው "ሰው ምን ይለኛል ወይም ምን ይሰጠኛል" ከሚል ጠባቂነት ራስህን ስታላቅቅ ነው። ግንባርህን ለፈጣሪህ ብቻ አዋርድ፤ ያኔ አላህ በሰዎች ፊት ቀና ብለህ እንድትሄድ ያደርግሃል። ሰዎች ዘንድ ክብርህን ማቆየት ከፈለግክ፣ ከእነርሱ ምንም አለመፈለግን ልመድ። © የሕያ ኢብኑ ኑህ

ይህ በምስሉ ላይ በድምቀት የምትመለከቱት የ"መልካም ወጣት" ማዕከል ፕሮጀክት፣ የዘመናችን ምርጡ የቢዝነስ እና የፖለቲካ ከቨር ሆኖ ብቅ ብሏል። ጉዳዩን በጥልቀት ለተመለከተው፣ በውስጡ የሚከተሉት አስገራሚ "ተዓምራት" ይፈጸሙበታል፦ ​የመጀመሪያ ነገር ፕሮጀክቱ ዓለማዊ ሽፋን ያለው 100% ሃይማኖታዊ ፕሮጀክት ነው። ወጣቶችን ከሱስ እና ከብልሹ አሠራር "ማገገም" (Rehabilitation) የሚለው ቃል ለጆሮ እጅግ ጣፋጭ ነው። ይህን ዓለማዊ እና በጎ አድራጎታዊ ሽፋን በመጠቀም ግን የሚሰጠው ቶታሊ ሃይማኖታዊ ዶክትሪን ነው። መንግሥትም ሆነ ሕዝብ "ለወጣቶች እያሰቡ ነው" ብሎ ሲያጨበጭብ፣ ከጀርባ ያለው ዋናው ዓላማ ግን የተቋማቱን የሃይማኖት አጀንዳ ማስፈጸም ነው። ​ሌላኛው አላማው መሬት በነፃ የማግኘት "መንፈሳዊ" ጥበብ ነው። ለምን በሚሊዮኖች አውጥተህ መሬት ትገዛለህ? "ለወጣቶች ማገገሚያ" የሚል ፕሮፖዛል ይዘህ፣ በተለይም በደቡብ ክልሎች አካባቢ ብቅ ካልክ፣ የመንግሥት መሬት እንደ መና ከሰማይ ይወርድልሃል። ይህ የ"መልካም ወጣት" ሽፋን፣ ሰፋፊ መሬቶችን ለመቀበል፣ የንግድ ኔትወርኮችን ለመዘርጋት እና የኢኮኖሚ አቅምን ለማሳለጥ የተገኘ የዘመናችን ምርጥ ማስተር ፕላን ሆኗል። ​ሶስተኛው የሚደንቀኝ ነገር በማይክሮፎን የሚሰጥ "ከፍተኛው ፍርድ ቤት" ውሳኔ የሚመስለው ነገር ነው። የዚህ መድረክ አስቂኝና አሳዛኝ ገጽታ፣ የሕግ የበላይነትን በ"ሃሌሉያ" ማጠቡ ነው። በመድረኩ ላይ የሚወጡ ወጣቶች፤ "ሰው ገድያለሁ፣ ዘርፊያለሁ፣ ደብድቤያለሁ" እያሉ በአደባባይ ከባድ የወንጀል ኑዛዜ ሲያደርጉ፣ ፖሊስ ካቴና ይዞ መምጣት ሲገባው፣ ታዳሚው አሜን ብሎ ያጨበጭባል! መድረኩ የሕግ ተጠያቂነትን የሚያስቀር፣ ነፍስ ላጠፋና ወንጀል ለሠራ ሰው ያለ ስልጣኑ ምሕረት የሚሰጥ የጠቅላይ ፍርድ ቤት ሚናን ተረክቧል። ​በአጠቃላይ፣ በ"መልካም ወጣት" ስም በሚታደል የደቡብ ክልል መሬት ለማካካስ የተደረገው ይህ ስትራቴጂ... በእውነትም "የአሥር ዓመት ስኬት" ሊባልለት የሚችል ነው። © የሕያ ኢብኑ ኑህ

ኒቃብ ፊትን እንጂ አእምሮን አይሸፍንም! ​ዛሬ ከሰመራ ዩኒቨርሲቲ የተሰማው አስደሳች ዜና የተዛቡ ትርክቶችን ከመሰረቱ የሚያፈርስ እና ትልቅ መልእክት ያለው ነው። ​ሙተነቂቧ እህታችን ሀስና ኢብራሂም ከሰመራ ዩኒቨርሲቲ አጠቃላይ ተመራቂ ሴት ተማሪዎች የላቀ ውጤት በማምጣት የዋንጫ ተሸላሚ ሆናለች። ከዚህም ባለፈ ከጤናና ሕክምና ኮሌጅ ከፍተኛ ውጤት በማስመዝገብ በከፍተኛ ማዕረግ የሜዳሊያ ባለቤት ለመሆን በቅታለች። ​ይህ ድንቅ ስኬት አንድ ዐቢይ እውነታን አፍረጥርጦ ይነግረናል፣ ኒቃብ ፀጉርን እና ፊትን ከባዕድ እይታ ይጋርዳል እንጂ፣ አእምሮን፣ ዕውቀትን እና ጥበብን አይሸፍንም። ​በተለያዩ ተቋማት ኒቃብን እንደ እንቅፋት የሚቆጥሩ እና እህቶቻችንን ከትምህርት ገበታና ከሥራ ዓለም ለማግለል የሚሞክሩ አካላት መኖራቸው የአደባባይ ምሥጢር ነው። ሆኖም የሀስና ስኬት፣ እነዚህ ክልከላዎች ከጭፍን ጥላቻ የዘለለ አንዳችም ምክንያታዊ መከራከሪያ እንደሌላቸው ሕያው ምስክር ነው። የልብስን ቁመት እና የጨርቅን ቀለም እያዩ የሰውን ልጅ አቅም መመዘን እጅግ ያረጀ ኋላቀርነት መሆኑን በተግባር አሳይታናለች። ​ችግሩ ያለው በእህቶቻችን አለባበስ ላይ ሳይሆን፣ የሰዎችን ማንነት በውጫዊ ገጽታቸው ብቻ በሚመዝነው ጠባብ አመለካከት ላይ ነው። ሀስናዎች ፊታቸውን ቢሸፍኑም፣ ብሩህ አእምሯቸው ግን ለሀገርና ለወገን የሚፈነጥቅ ብርሃን መሆኑን አረጋግጠዋል። ​እንኳን ደስ አለሽ ሀስና! ይህ ስኬትሽ ለብዙ እህቶቻችን መነቃቂያ፣ መብታቸውን ለሚጋፉ ጠባብ አሳቢዎች ደግሞ ተገቢ እና በሳል ምላሽ ነው። ⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻ https://t.me/Yahyanuhe

ውብና ማራቂ ቂርኣቶችን በቴሌግራም ማዳመጥ ስትሹ፣ እነሆ ቻናል! https://t.me/Qurantilawas

የቃላት ቁጥጥር እና የትርጉም ፖለቲካ! ​ቋንቋ የቃላት ስብስብ ብቻ አይደለም፤ የአንድ ማህበረሰብ የማሰብ አድማስ፣ ዓለምን የሚያይበት እይታው የሚገለጽበት የስነ-ልቦናው ውቅር ነው። አንድን ህዝብ በወታደር ወርሮ ከመግዛት ይልቅ፣ የሚያስብበትን ቋንቋና የሚጠቀምባቸውን ቃላት ትርጉም መቆጣጠር የረጅም ጊዜ የአእምሮ የበላይነትን ያጎናጽፋል። የ1911ዱ የላክኖው ኮንፈረንስ እና ተከታታይ የሚሽነሪ የቋንቋ ጥናቶች ያረጋገጡት አንድ ትልቅ እውነት አለ፦ “የክርስትናን ዶክትሪን በምዕራባዊ የቃላት ቆዳ ከሸፈንነው ሙስሊሙ እንደ ባዕድ ነቀርሳ ይተፋዋል፤ በገዛ ቋንቋውና በለመደው የቃላት ቃና ከቀመመነው ግን እንደ ማእድ ይመገበዋል።” ይህ ንጹህ የቋንቋ ጥናት የሚመስለው፣ በውስጡ ግን ከባድ የርዕዮተ-ዓለም ዘረፋ የያዘው ስልት በምሁራዊ አጠራሩ "ስነ-ልሳናዊ ጠለፋ" (Linguistic Hijacking) ይባላል። ​ይህ ስልት መሬት ላይ ሲተገበር እጅግ አስገራሚ የሆነ የቃላት ስርቆት ይፈጽማል። ሚሽነሪዎች መጽሐፍ ቅዱስን ወይም ስነ-ጽሑፎቻቸውን ወደ አረብኛ ወይም ኦሮምኛ ሲተረጉሙ አዳዲስ ቃላትን አይፈጥሩም፤ ይልቁንም በሙስሊሙ ማህበረሰብ ዘንድ ከፍተኛ የክብር፣ የፍርሃትና የልቅና ስሜት ያላቸውን ነባር ኢስላማዊ ቃላት ይወስዳሉ። ለምሳሌ 'እግዚአብሔር' ለማለት 'አላህ' ወይም 'ረቢ'፣ 'ኢየሱስ' ለማለት 'ዒሳ'፣ 'ምዕራፍ' ለማለት 'ሱራ'፣ እንዲሁም 'ወንጌል' ለማለት 'ኢንጂል' የሚሉትን ቃላት ይጠቀማሉ። እዚህ ጋ የተፈጸመው የስነ-ልቦና ማጭበርበር ምንድነው? ቃሉ የሙስሊሙ ነው (ለምሳሌ 'አላህ')፣ በዚያ ቃል ውስጥ የተሞላው ትርጉም ግን የሥላሴ ዶክትሪን ነው። ሙስሊሙ አንባቢ ጽሁፉን ሲያነብ የራሱን ቃል ስላገኘ ንቃተ-ህሊናው የጥርጣሬ በሩን ዝግ ያደርጋል፤ በገዛ የቃላት ቋቱ ውስጥ የተሸሸገውን ባዕድ ጽንሰ-ሀሳብም ያለምንም ተቃውሞ ወደ አእምሮው ያስገባል። ​በ20ኛው ክፍለ ዘመን አጋማሽ ዩጂን ኒዳ የተባለ የቋንቋ ምሁር ያመጣው "Dynamic Equivalence" (ተለዋዋጭ አቻ ትርጉም) የተሰኘው መርህ ይህንን ስልት ወደ ላቀ የሳይንስ ደረጃ አድርሶታል። በዚህ መርህ መሠረት፣ ዋናው ቁምነገር የጥንታዊውን ጽሑፍ ቃል በቃል መተርጎም ሳይሆን፣ 'አንባቢው ጽሑፉን ሲያነብ ልክ ኦሪጂናል ጸሐፊው በሱ ቋንቋ እንደጻፈው አድርጎ እንዲሰማው ማድረግ' ነው። ለዚህም ሲባል በሚሽነሪዎች የሚዘጋጁ የአረብኛ በራሪ ጽሑፎችና ትራክቶች የሚጀምሩት በምዕራባዊ ሰላምታ ሳይሆን፣ "አሰላሙ ዐለይኩም ወረህመቱላሂ ወበረካቱሁ... የተወደዳችሁ ወገኖቼ" በሚል ጥልቅ ኢስላማዊ የቃላት ዜማ ነው። የቁርዓንን የአጻጻፍ ሪትምና ሰዋሰዋዊ ውበት ኮፒ በማድረግ፣ የክርስትናን መልእክት በኢስላማዊ የስነ-ጽሑፍ ሻንጣ ውስጥ አሽገው ያቀርቡታል። አንባቢው 'ይህ መጽሐፍ ከቫቲካን ወይም ከለንደን የመጣ ነው' ብሎ ማሰብ አቁሞ፣ የሰፈሩ ሰው የጻፈው እስኪመስለው ድረስ በቃላት ወጥመድ ይያዛል። ​ይህ የቋንቋ ጦርነት በአፍሪካ ቀንድና በኢትዮጵያ ታሪክ ውስጥ የነበረው ሚና እጅግ ሰፊ ነው። ላሚን ሳኔህ የተባለው ታዋቂው የታሪክ ምሁር "Translating the Message" በተሰኘው መጽሐፉ ላይ እንዳብራራው፣ ሚሽነሪዎች የአካባቢውን ቋንቋዎች በላቲን ወይም በራሳቸው ፊደል መዝገበ-ቃላት ሲያዘጋጁላቸው ዋነኛ አላማቸው ንባብ ማስተማር ብቻ አልነበረም። ህዝቡ ወደ አረብኛ ቋንቋና ወደ ኢስላማዊ ስነ-ጽሑፍ ከመሳቡ በፊት፣ የቋንቋውን 'የሃይማኖት መዝገበ-ቃላት' (Theological Vocabulary) በክርስትና መነጽር ቀድመው ለመቆለፍ የተደረገ የጊዜ ሩጫ ነበር። ቃላትን የፈጠረ ወይም መዝገበ-ቃላትን ያጠናቀረ አካል፣ ያ ህዝብ በሚቀጥሉት መቶ ዓመታት ስለ 'ኃጢአት'፣ ስለ 'ጽድቅ' እና ስለ 'አምላክ' የሚያስብበትን የአእምሮ ድንበር ይወስናልና። የብዕርን ጦርነት በቋንቋ ሰዋሰው ውስጥ የመሸሸግ ይህ ጥበብ፣ ያለምንም የጦር ሜዳ የህዝብን የማሰብ አቅም በቅኝ ግዛት ስር የማዋረድ የረቀቀ ፖለቲካ ነው። ​በቀጣዩ ክፍል የምንዳስሰው አጀንዳ፡ ድብቁ መረብ - "የቤት ውስጥ አብያተ ክርስቲያናት" እና ማህበረሰብን ከጓዳ ጀምሮ የመሸርሸር ስልትን በቀጣይ ክፍል - 15 በአላህ ፍቃድ እንመለከተዋለን። ​የመረጃ ምንጮች፦ • ​Lamin Sanneh, "Translating the Message: The Missionary Impact on Culture". • ​Eugene A. Nida, "Toward a Science of Translating" (Dynamic Equivalence Principles). • ​Papers and Discussions of Lucknow Missionary Conference, 1911 (Literature & Language Section). ⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻ https://t.me/Yahyanuhe

ክርስትና የኢየሱስን መሰቀል "ዓለም የዳነበት ብቸኛ መለኮታዊ እቅድ" እንደሆነ አድርጎ ያስተምራል። ነገር ግን ይሁዳ ኢየሱስን አሳልፎ ባይሰጥ ኖሮ፣ ይህ "የመዳን እቅድ" ሊፈጸም አይችልም ነበር። ​እዚህ ላይ ከባድ መሠረታዊ ጥያቄ ይነሳል፦ ይሁዳ ያንን ያደረገው በራሱ 'ነጻ ፈቃድ' ነው ወይስ አምላክ ቀድሞ የጻፈውን 'እቅድ አስፈጻሚ' ሆኖ ነው? • ​በነጻ ፈቃዱ ከሆነና ድርጊቱን ላለማድረግ ቢመርጥ ኖሮ፣ የዓለም መዳን እቅድ ሊከሽፍ ነበር? • ​የእቅዱ አስፈጻሚ ለመሆን አስገዳጅ እጣ-ፈንታ ውስጥ ከነበረ ደግሞ፣ እቅዱን ስለፈጸመ ለምን ይረገማል?ለምንስ ያንን ሁሉ ቅጣት ይቀበላል? ​ይህ ትምህርት ነጻ ፈቃድን ከመለኮታዊ ፍትህ ጋር አያጋጨውም ወይ? እስኪ ምላሻችሁን እየሰጣችሁ እንወያይበት። - ጹሁፉን ሼር በማድረግ ለሌሎች እንዲደርስ ያድርጉ። ውይይቱን በፌስቡክ ኮሜንት በማድረግ መከታተል ትችላላችሁ፣ ሙስሊሞችም ተጨማሪ ሀሳብ የማንሸራሸር መብታችሁ የተጠበቀ ነው።

ልዩ የንጽጽር እና የአቅም ግንባታ ሥልጠና! ክረምቱን በዕውቀት እና በክህሎት ማሳለፍ ለምትፈልጉ ወጣቶች በሙሉ! (ያለ ምንም ክፍያ) ​የኢትዮጵያ ሙስሊሞች ዳዕዋና ትምህርት ማህበር (ኢሙዳት) በየዓመቱ በክረምት ወቅት የሚያዘጋጀውንና በርካታ ወጣቶችን በነፃ ሲያስመርቅበት የቆየውን ልዩ የንጽጽር እና የአቅም ግንባታ ሥልጠና ዘንድሮም ይዞላችሁ መጥቷል። ​ሥልጠናው ለእነማን የተዘጋጀ ነው? (ክረምታቸውን በአዲስ አበባ ለሚያሳልፉ) • ​ለ2ኛ ደረጃ ተማሪዎች • ​ለዩኒቨርሲቲ እና ኮሌጅ ተማሪዎች • ​እንዲሁም በሃይማኖት ንጽጽር ዘርፍ ዕውቀታቸውን አዳብረው ለዲናቸው መሥራት ለሚፈልጉ ወጣቶች በሙሉ ​ከሥልጠናው ምን ያገኛሉ? በታዋቂ ኡስታዞች እና ባለሙያዎች የሚሰጠው ይህ ሥልጠና በሚከተሉት ዐበይት ጉዳዮች ላይ ያተኩራል፦ • ​የሃይማኖት ንጽጽር ዕውቀት፣ ኢማንን ማጎልበት፣ የአመራር ክህሎት (Leadership) • ​ሥነ-ጥበብ እና ኢስላማዊ ስልጣኔ • ​ወቅታዊ ማኅበረሰባዊ አይዲዮሎጂዎች እና የወጣቶች ንቃተ-ሕሊና ግንባታ ​[ የሥልጠናው ዝርዝር መረጃዎች ] • ​የሚቆይበት ጊዜ፦ ከሐምሌ 01 እስከ ጳጉሜን 05 (በሳምንት 6 ቀናት፣ በግማሽ ቀን ብቻ) • ​ሰዓት፦ ከጠዋቱ 2:30 – 6:00 ሰዓት • ​ቦታ፦ ቶታል 3 ቁጥር ማዞሪያ፣ ወደ ብስራተ ገብርኤል በሚወስደው መንገድ ገባ ብሎ (ኢሙዳት ማዕከል) ​ማሳሰቢያ፦ ያለን ቦታ ውስን በመሆኑ ቀድመው ይመዝገቡ! • ​የምዝገባ ማብቂያ፦ ሰኔ 23 ​ለመመዝገብ ይህንን ይጫኑ ​📞 ለበለጠ መረጃ፦ 0904199399 / 0913242072 / 0963262856 ​(መልእክቱን ሼር በማድረግ ለሌሎችም ያድርሱ!)

በቅርብ ጊዜያት በእስልምና እና በሙስሊሙ ማኅበረሰብ ላይ ሆን ተብሎ የሚነዛው የጥላቻ ትርክት እና የሐሰት ወሬ ከመቼውም ጊዜ በላይ በዝቷል። እውነታውን በማፈን የብዥታ ደመና ለመፍጠር የሚጥሩ ጸረ-ሙስሊም አካላት የሐሰት ፕሮፓጋንዳቸውን በስፋት እያራገቡ ይገኛሉ። ​ይህንን እኩይ ዘመቻ በተቻለ መጠን በእውቀትና በተጨባጭ መረጃ ለመመከት እጠቀምበት የነበረው፣ ሰፊ ተደራሽነት የነበረው የፌስቡክ ገጼ በቅርቡ መዘጋቱ በምሰራት ጥቂትም አበርክቶ ላይ የራሱን ክፍተት ፈጥሮ ማለፉ አይዘነጋም። ​ሆኖም ይህንን የተፈጠረውን የመድረክ ክፍተት ለመድፈን እና የተቋረጠው ማብራሪያና ምላሽ አድማሱን አስፍቶ እንዲቀጥል፣ ውድ ወንድሜ ጀማል አሊ ( Jemal Ali ) ይህንን የራሱን ገጽ ከዚህ በኋላ በቋሚነት እንድጽፍበት እና የዳዕዋ ሥራዬን እንዳስቀጥልበት በሙሉ ፈቃደኝነት ሰጥቶኛል። ወንድሜ ጀማል ለእምነቱ ካለው ጥልቅ ተቆርቋሪነት ላደረገው ለዚህ ትልቅ ውለታ እና ወንድማዊ አለኝታ፣ አላህ (ሱ.ወ) በኒያው ልክ ምንዳውን በዱንያም በአኼራም አብዝቶ ይክፈለው። ​ውድ ወንድምና እህቶች! ከዚህ በኋላ ጽሑፎቼንና ትምህርቶቼን በቋሚነት የማቀርበው በዚህ አዲሱ መድረኬ ላይ ይሆናል (የሕያ ኢብኑ ኑህ Yahya Ibnu Nuhe) ገጹን ፎሎው ያላደረጋችሁ ፎሎው በማድረግ መከታተል ትችላላችሁ። በተለይም የምናስተላልፋቸው እውነታዎች፣ ማብራሪያዎች እና ምላሾች የነገሩ እውነታ ለተሰወረባቸውና ሙስሊም ላልሆኑ ወገኖቻችን ጭምር ይደርሱ ዘንድ ፖስቶቹን ሼር በማድረግ የዚህ ኸይር ሥራ ተካፋይ ይሁኑ። ​ጀዛኩሙሏሁ ኸይራ!

እንዴው ሌላው ይቅርና ሰው ጃኬት ለብሶ ከላይ ጀለብያ ይደርባል? እኛ የምናውቀው መደበኛ ሙስሊም ጀለብያውን ለብሶ፣ ብርድ ካለው ከላይ ኮት ወይም ጃኬት ያደርጋል። ይሄኛው ግን "በደንብ ሙስሊም መሆኔ ይተማመንልኝ" ብሎ ጃኬት ለብሶ ከላይ ጀለብያ ደርቧል። ይሄ እኮ ሙስሊም መሆን ሳይሆን፣ በክረምት ሌሊት ጥበቃ የወጣ የሰፈር 'ኮሚቴ' መምሰል ነው! ያቺ የጭንቅላት ጥምጣምማ... አላህ ይስጠው! ኢትዮጵያዊ ሙስሊም መሆኑን ለማሳየት የተጠመጠመች አትመስልም። ሰውዬውን ስታየው፣ ከማሊ በረሃ ወይም ከሰሃራ አሸዋ ውስጥ ግመሉን ቸርቹ በር ላይ ፓርክ አድርጎ በቀጥታ ወደ መድረክ የመጣ ነው የሚመስለው። የ‹ሎረንስ ኦፍ አረቢያ› ፊልም ተዋናይ እንጂ የአዲስ አበባ ሰው አይመስልም። ​ሲጀመር አንድ ሰው እምነቱን ቀይሮ ቸርች ሲሄድ፣ የተለመደውን ሱሪና ሸሚዝ ለብሶ ነው የሚሄደው። እናንተ ግን "እዩልን፣ ከነ ሙሉ ትጥቁ ነው ማረክነው" ብላችሁ ለታዳሚው ለማሳየት ስትሉ፣ ኢስላማዊ የመሰላችሁን አልባሳት በሙሉ በአንድ ምስኪን ሰው ላይ አከማችታችሁታል! ​ለማንኛውም ለቀጣዩ የ"ምስክርነት" ክፍል (Season 2) ካላችሁ፣ የድራማውን በጀት ከፍ አድርጋችሁ የልብስ ባለሙያ አማካሪ ቅጠሩ። አለበለዚያ በሚቀጥለው ሳምንት ደግሞ "የየመን ቃዲ ነበርኩ" ብላችሁ፣ ሰውዬውን ፎጣ አስጠምጥማችሁና 'ቦት ጫማ' አልብሳችሁ መድረክ ላይ እንዳታወጡት! ⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻ https://t.me/Yahyanuhe

ከህመም ጀርባ ያለ ስብከት! ​የሰው ልጅ ስነ-ልቦናዊ የመከላከያ ግንብ እጅግ የሚዳከመውና ለውጫዊ ተጽዕኖ ክፍት የሚሆነው አካሉ በህመም ሲመታ ነው። ይህንን ጥልቅ ተፈጥሯዊ እውነታ በሚገባ ያጠኑት ሚሽነሪዎች፣ የህክምና ማዕከላትን እንደ ተራ የጤና ተቋም ሳይሆን፣ "መንፈሳዊ ማደንዘዣ (አንስቴዥያ)" መስጫ ቁልፍ መሣሪያ አድርገው ቀርጸዋቸዋል። በ1911ዱ የላክኖው ኮንፈረንስ ስልታዊ ሰነዶች ላይ "Medical Missions as Pre-Evangelism" (ህክምና የወንጌል መንገድ መጥረጊያ ነው) የሚል መርህ በግልጽ ተቀምጧል። አንድ በጠና የታመመ ወይም በወረርሽኝ የተያዘ ሰው በዚያ የጭንቀት ሰዓት የሚፈልገው የሃይማኖት ክርክርን ሳይሆን ማስታገሻን ነው፤ በዚህ ሞትና ህይወት በሚፋጠጡበት ቅጽበት በነጭ ጋውን ተጠቅልሎ የሚቀርብለት ዶክተር በታካሚው ንቃተ-ህሊና ውስጥ 'አዳኝ መልአክ' ሆኖ ይሳላል። ​ይህ ስልት መሬት ላይ እንዴት እንደተተገበረ የሚያሳይ የመጀመሪያውን ታሪካዊ ምሳሌ እንመልከት፦ በ20ኛው ክፍለ ዘመን መጀመሪያ በግብጽ፣ በፋርስ (ኢራን) እና በኢትዮጵያ ገጠራማ ክፍሎች የተቋቋሙት "የዓይን ህክምና እና የለምጽ ማዕከላት" ናቸው። በወቅቱ በነበረው የንጽህና ጉድለት ምክንያት የዓይን ትራኮማና ለምጽ የተለመዱ ነበሩ። ሚሽነሪዎቹ እነዚህን ማዕከላት ሲከፍቱ አንድ ጥብቅ ህግ አወጡ፦ ማንኛውም ታካሚ ሀኪም ቤት እንደገባ መጀመሪያ ጠዋት በጋራ በሚደረገው የ30 ደቂቃ 'የጸሎትና የወንጌል ንባብ' ፕሮግራም ላይ መገኘት አለበት። የዓይኑን ጠብታ ለማግኘት የሚጠብቀው ታካሚ፣ ጠብታው በዓይኑ ውስጥ ከመግባቱ በፊት የሰባኪው ቃል በጆሮው ውስጥ ይንጠባጠባል። ሳሙኤል ዝዌመር "Islam a Challenge to Faith" በተሰኘው መጽሐፉ ላይ፣ "አንድ ሙስሊም በጤንነቱ ጊዜ አንገቱን መዝዞ የሚከራከረንን ያህል፣ የሆድ ቁርጠት ወይም የዓይን ህመም ይዞት ጠረጴዛችን ላይ ሲተኛ እንደ ህጻን ታዛዥ ይሆናል" ሲል ይህንን የህመም ብዝበዛ በኩራት ዘግቦታል። ​ሁለተኛውና በዘመናችን የረቀቀው ምሳሌ ደግሞ "ተንቀሳቃሽ የገጠር ክሊኒኮች" ናቸው። ይህ ስልት በተለይ መንግስታዊ የመሰረተ ልማት ባልደረሰባቸው ራቅ ያሉ የሙስሊም መንደሮች ውስጥ ይተገበራል። አንድ የህክምና ቡድን መኪናውን ይዞ መንደሩ አደባባይ ላይ ይቆማል። ለህጻናት ነጻ የትላትል መድሃኒት፣ ለነፍሰጡሮች ደግሞ የአይረን ፎሊክ አሲድ ይታደላል። በህክምናው ሂደት ውስጥ ነርሷ ወይም ዶክተሩ የታካሚውን እጅ ይዞ፣ "መድሃኒቱን የምሰጥህ እኔ ነኝ፣ ፈውሱን ግን የሚሰጥህ ጌታ ዒሳ (ኢየሱስ) ነው፤ እስኪ ልጸልይልህ" ይለዋል። እዚህ ጋ የተፈጠረው ስነ-ልቦናዊ አጣብቂኝ እጅግ አደገኛ ነው፦ ታካሚው 'አሜን' እንዳይል እምነቱ ይከለክለዋል፣ 'አልፈልግም' ብሎ እጁን እንዳይሰበስብ ደግሞ የተዘረጋለት የህይወት አድን መድሃኒት ያዝዘዋል። በዚህ ስልታዊ አጣብቂኝ ውስጥ የሰውን ልጅ ተፈጥሯዊ የህልውና መውደድ (Survival instinct) በመጥለፍ ዶክትሪን ማጋት ይከናወናል። ​የዚህ 'የህክምና ስልት' የመጨረሻው ምሁራዊ ስሌት "የውለታ እዳ መፍጠር" ነው። አንድ ሰው በገንዘብ የተደረገላትን ውለታ መልሶ ሊከፍል ይችላል፤ በሞት አፋፍ ላይ ሆኖ የተደረገለት የህይወት አድን ህክምና ውለታ ግን 'በሞራል እዳነት' ህሊናውን ጠርንፎ ይይዘዋል። ማህበረሰቡ እነዚህን የህክምና ተቋማት ሲመለከት የሚያየው የተገነባውን ቆንጆ ቪላ እና የተደረገለትን ነጻ ህክምና ነው፤ ከነጭ ጋውኑ ጀርባ ያለውን የነፍስ ወለድ ስሌት ግን ማየት አይችልም። ዶክተር ኬኔዝ ኦስተር "Evangelism Among Muslims" በተሰኘው የዶክትሬት ጥናቱ ላይ እንዳስቀመጠው፣ "የህክምና ሚሽነሪነት ትልቁ ስኬቱ ስንት ሰው አዳነ የሚለው ሳይሆን፣ በፈወሰው ስጋ ቁጥር ልክ ስንት የተዘጋ አእምሮን ሰበረ የሚለው ነው" ይላል። ይህ ሰብዓዊነትን እንደ ርዕዮተ-ዓለማዊ ትሮጃን ፈረስ የተጠቀመበት የክፍለ ዘመናት ስውር ጥቃት ነው። ​በቀጣዩ ክፍል የምንዳስሰው አጀንዳ፡ ቋንቋን መቆጣጠር - የትርጉም ፖለቲካ እና መጽሐፍ ቅዱስን በሀገር በቀል ቋንቋዎች፣ ስሞችና የባህል ቃላት ውስጥ ሸሽጎ የማቅረብ ስልትን በቀጣይ ክፍል - 14 በአላህ ፍቃድ እንመለከተዋለን። ​የመረጃ ምንጮች፦ • ​Lucknow, 1911: Papers and Discussions of Lucknow Missionary Conference (Section on Medical Missions), pp. 46-59. • ​Kenneth S. Oster, "Evangelism Among Muslims", D.Min Dissertation, Andrews University, 1975. • ​Samuel Zwemer, "Islam a Challenge to Faith", p. 161. ⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻⁻ https://t.me/Yahyanuhe

የምወድህ ወንድሜ ጋዜጠኛ አብዱረሒም አህመድ እንኳን ወደምትወዳት ሀገርህ በሰላም መጣህ!