Ethiopian Enterprise Development (የኢትዮጵያ ኢንተርፕራይዝ ልማት)

የምርጥ ተሞክሮ ቅመራና ማስፋት የአሠራር ሥርዓት   EED መስከረም 12/2018 ዓ.ም   የኢትዮጵያ ኢንተርፕራይዝ ልማት ከመላው ሀገሪቱ ለተውጣጡ የአነስተኛና መካከለኛ ማኑፋክቸሪንግ ዘርፍ አመራሮችና ባለሙያዎች የሚሰጠውን ሀገራዊ የአቅም ግንባታ ስልጠና አጠናክሮ ቀጥሏል። በስልጠና ውሎውም “የምርጥ ተሞክሮ ቅመራና ማስፋት የአሠራር ሥርዓት” ቀርቦ ሰፊ ስልጠናና ውይይት ተካሂዶበታል።   ምርጥ ተሞክሮ ማለት የሚፈለገውን ውጤት በዘላቂነት ለማስመዝገብ እንዲያስችል በጥናትና በልምድ የተረጋገጠ ውጤታማ የአሠራር ስርዓት ነው።   አነስተኛና መካከለኛ ማኑፋክቸሪንግ ኢንተርፕራይዞች በሀገሪቱ የመዋቅራዊ ኢኮኖሚ ሽግግር ውስጥ የሚኖራቸውን ከፍተኛ አበርክቶ በዘላቂነት ለማስቀጠል፣ ውጤታማ የሆኑ የመንግስት ድጋፍ አሰጣጥና የኢንተርፕራይዝ አሰራር ስርዓቶችን መለየት፣ መቀመርና ማስፋት ከፍተኛ ሀገራዊ ፋይዳ አለው። ይህንን ታሳቢ በማድረግም የምርጥ ተሞክሮ ልየታ፣ ቅመራና ማስፋት የአሰራር ስርዓት ተዘጋጅቷል።   👉የአሠራር ስርዓቱ ዋና ዓላማ ውጤታማነቱ በጥናት የተረጋገጠ የመንግስት ድጋፍ አሠጣጥን እና የአነስተኛና መካከለኛ ማኑፋክቸሪንግ ኢንተርፕራይዞችን አሰራር ለመለየት፣ ለመሰነድና ለማስፋት የሚያስችል ስርዓት መዘርጋት ነው። ይህም ለዘላቂ የኢንተርፕራይዝ ምርታማነትና ተወዳዳሪነት መሻሻል ምቹ ሁኔታን ይፈጥራል።   👉የምርጥ ተሞክሮ ዋነኛ ጥቅሞች ምርታማነትን ማሳደግ፡ የኢንተርፕራይዞችን ልዩ ውጤታማነትና አፈጻጻም ማጎልበት፣   ዕውቀትና በራስ መተማመንን ማዳበር፡ የባለሙያዎችንና የአመራሩን የፈጠራና የችግር መፍታት አቅም ማደራጀት፣   የአሰራር ሥርዓትን ማስተካከል: ሂደቶችን በማቃለል ውጤታማ አሰራርን መተግበር፣   👉የምርጥ ተሞክሮ ትግበራ ሂደት ማቀድና ልየታ (Planning & Identification) ቡድን ማቋቋም (Team Formation) መረጃ መሰብሰብ (Data Collection) መሰነድ (Documentation) ማስፋት (Scaling & Dissemination)   👉ምርጥ ተሞክሮን ለመለየት የሚያገለግሉ መስፈርቶች ውጤታማነትና ስኬታማነት፦ የታለመውን ግብ በግልጽ ማሳካቱ የተረጋገጠ፣ ተዛማጅነት፦ ከዘርፉ ስትራቴጂካዊ ግቦች ጋር የተጣጣመ፣ ዘላቂነትና የመስፋት አቅም፦ በሌሎች አካባቢዎችና ኢንተርፕራይዞች በቀላሉ ሊደገም የሚችል፣ የባለድርሻ አካላትና የተጠቃሚዎች ተሳትፎ፦ የሚመለከታቸውን ባለድርሻ አካላት ያሳተፈ፣ የአመራር ቁርጠኝነት፦ ትግበራውን ለመደገፍ የሚያስችል አስተዳደራዊ ዝግጁነት ያለው፣   #ኢትዮጵያ_ታምርት #እኛም_እንሸምት!   ለተጨማሪ መረጃ የማህበራዊ ሚዲያ ገጻችንን ይጎብኙ፦ 👉 https://linktr.ee/ethiopianenterprisedevelopmentlease