ZAMON.UZ | LIVE
الذهاب إلى القناة على Telegram
Zamon.uz сайтининг расмий канали Реклама: @zamonuz_reklama, +998970015995 Асосий канал: @zamonuz Instagram: https://www.instagram.com/zamon.uz/ Facebook: https://www.facebook.com/zamonuzb/ YouTube: https://www.youtube.com/@zamonuzrasmiy
إظهار المزيد1 270
المشتركون
-124 ساعات
-37 أيام
-2130 أيام
أرشيف المشاركات
1 270
Yangi terminal va 3,5 mln yo‘lovchi: Andijon aeroporti imkoniyatlari kengaytiriladi
Shavkat Mirziyoyev viloyatga tashrifini aeroportdagi bunyodkorlik ishlari bilan tanishishdan boshladi.
Andijon xalqaro aeroportini rekonstruksiya qilish loyihasining 1,1 trln so‘mlik ikkinchi bosqichi davom etmoqda. Yangi terminal ishga tushgach, aeroportning yo‘lovchilarga xizmat ko‘rsatish quvvati soatiga 1 ming nafargacha oshadi.
Telegram | Live | Youtube | Instagram
1 270
Shavkat Mirziyoyev Andijonga ikki kunlik tashrif bilan boradi
Safar davomida hududning sanoat va investitsiya salohiyati, energetika, qishloq xo‘jaligi, transport, turizm hamda boshqa sohalardagi loyihalar bilan tanishiladi.
Davlat rahbari mahallalardagi bunyodkorlik ishlarini ko‘zdan kechiradi, qator yangi quvvatlarni ishga tushiradi hamda istiqbolli loyihalar qurilishiga start beradi.
Shuningdek, Andijon viloyatini yana-da rivojlantirishning ustuvor yo‘nalishlari muhokama qilinadigan yig‘ilish o‘tkaziladi.
Telegram | Live | Youtube | Instagram
1 270
+5
Transport va tibbiyot loyihalari: Saida Mirziyoyeva DFC rahbari bilan uchrashdi
Muloqot davomida O‘zbekiston va DFC o‘rtasidagi hamkorlikning amaliy yo‘nalishlari, xususan, transport va sog‘liqni saqlash sohalarida amalga oshirilishi boshlangan yirik qo‘shma loyihalar muhokama qilindi.
Saida Mirziyoyeva O‘zbekiston DFC bilan hamkorlikni bundan keyin ham kengaytirish va qo‘shma loyihalarni izchil rivojlantirishga tayyorligini ta’kidladi.
Telegram | Live | Youtube | Instagram
1 270
+8BMT Bosh Assambleyasining 81-sessiyasi doirasida 130 ga yaqin davlat delegatsiyalari Nyu-Yorkda jam bo‘ldi
BMT Bosh qarorgohida Bosh Assambleyaning 81-sessiyasi doirasida 130 ga yaqin davlatdan kelgan delegatsiyalar ishtirok etmoqda. Ular orasida O‘zbekiston delegatsiyasi ham bor.
Mamlakat vakillari sessiyaning umumiy munozaralari davomida qator davlat rahbarlarining nutq va ma’ruzalarini tingladi.
Telegram | Live | Youtube | Instagram
1 270
1 270
Bugun havo harorati 37 darajagacha koʻtariladi
O‘zgidromet ma’lumotiga koʻra, bugun havo biroz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi, faqat Farg‘ona vodiysining ba’zi joylarida va ertalab Toshkent viloyatida ayrim joylarda biroz qisqa muddatli yomg‘ir yog‘ishi, momaqaldiroq bo‘lishi mumkin. Harorat 27-32°, janubda 35-37°gacha bo‘ladi.
Toshkentda havo biroz bulutli, vaqti-vaqti bilan o‘zgaruvchan bo‘ladi, ertalab biroz qisqa muddatli yomg‘ir yog‘ishi mumkin. Kunduzi yog‘ingarchilik kutilmaydi. Harorat 30-32° bo‘ladi.
Respublikaning tog‘li hududlarida havo biroz bulutli, ba’zi joylarda o‘zgaruvchan bo‘ladi, ayrim joylarda qisqa muddatli yomg’ir yog’ishi, momaqaldiroq bo’lishi mumkin. Harorat 20-25° bo‘ladi.
Telegram | Live | Youtube | Instagram
1 270
Chilonzorda tungi yong‘in: vaziyat nazoratga olindi
Bugun, 22-sentyabr kuni soat 23:23 da Toshkent shahar Favqulodda vaziyatlar boshqarmasining navbatchilik qismiga Chilonzor tumani Kichik halqa yo‘li ko‘chasida joylashgan kafelardan birida yong‘in sodir bo‘layotgani haqida xabar kelib tushgan.
Xabarga ko‘ra, qutqaruv ekipajlari zudlik bilan voqea joyiga yetib borib, yong‘inni o‘chirish ishlarini boshlagan. Yong‘in soat 23:54 da qurshab olingan va 00:10 da to‘liq o‘chirilgan.
Hodisa oqibatida tan jarohati olganlar haqida ma’lumot kelib tushmagan.
Hozirda yong‘inning kelib chiqish sababi va yetkazilgan moddiy zarar miqdori aniqlanmoqda. Vaziyat Toshkent shahar Favqulodda vaziyatlar boshqarmasi tomonidan nazoratga olingan.
1 270
🌐 ZAMON.UZ DAYJESTI:
22- SENTYABR TAFSILOTLARI
🔺 150 mingta ish, 70 mingta bekor qilingan qaror: Prezident ma’muriy odil sudlovni yangi bosqichga olib chiqish takliflari bilan tanishdi.
🔺 2030-yilgacha yangi podstansiyalar quriladi: 5 ming kilometrlik elektr tarmog‘i barpo etiladi.
🔺 Energetika loyihalarini rejalashtirish tizimi o‘zgartiriladi: yangi boshqaruv modeli taklif qilindi.
🔺 Ish joyidagi tazyiq va zo‘ravonlik: yangi portal ishga tushiriladi.
🔺 5 yoshli qizga nisbatan jinsiy zo‘ravonlik: Namanganda bog‘cha ombor mudiri tarbiyalanuvchi qizni zo‘rladi.
🔺 O‘quvchini urib, sudragan: Toshkentda o‘qituvchi o‘quvchini kaltakladi.
🔺 Yevropa Ittifoqi Rossiyaga qarshi sanksiyalarni uzaytiradi: Alisher Usmonov ro‘yxatdan chiqariladi.
🔺 Dunyo va O‘zbekistonda sodir bo‘layotgan boshqa yangiliklarni Zamon.uz’ning ijtimoiy tarmoqlardagi sahifalarida birinchilardan bo‘lib kuzatib boring!
Telegram | Live | YouTube | Instagram
1 270
Yevropa Ittifoqi Rossiyaga qarshi sanksiyalarni uzaytiradi: Alisher Usmonov ro‘yxatdan chiqariladi
Yevropa Ittifoqi davlatlari Rossiyaga qarshi amaldagi sanksiyalarni uch yilga uzaytirishga kelishdi. Shu bilan birga, rossiyalik milliarderlar Alisher Usmonov va Mixail Fridman sanksiyalar ro‘yxatidan chiqariladi. Bu qarorga Latviya avvalgi e’tirozidan voz kechib, ovoz berishda betaraf qolganidan so‘ng erishilgan.
Ro‘yxatdagi qolgan qariyb 3 ming nafar jismoniy va yuridik shaxsga nisbatan cheklovlar uch yilga uzaytiriladi.
Telegram | Live | Youtube | Instagram
1 270
Tibbiyot chiqindilarini yo‘q qilishdagi muammolar: sog‘liqni saqlash vaziriga senator so‘rovi yuborildi
Hududlarda tibbiyot chiqindilarini ochiq yoki maishiy chiqindilar bilan birga yoqish, shuningdek, ularni maishiy chiqindi sifatida sanitariya-tozalash korxonalariga topshirish holatlari aniqlangan.
Shu sababli sog‘liqni saqlash vaziriga senator so‘rovi yuborildi. Unda tibbiyot chiqindilarining kunlik hajmini yagona elektron hisobga olish va ularni belgilangan qayta ishlash korxonalariga to‘liq yo‘naltirish bo‘yicha ma’lumot berish so‘ralgan.
Telegram | Live | Youtube | Instagram
1 270
1 270
Muhammad Alini qiynagan bokschi
93 ta professional jang, 73 ta g‘alaba, 64 ta nokaut — chempionlik kamarini taqmagan, ammo boks tarixida o‘zining chidamliligi bilan o‘chmas iz qoldirgan kanadalik bokschi Jorj Chuvalo.
Батафсил 👉 https://www.youtube.com/watch?v=T_09GcsESes
Telegram | Live | Youtube | Instagram
1 270
1 270
Yaponiyada “Dujuan” tayfuni oqibatida 4 kishi halok bo‘ldi, 6 kishi bedarak yo‘qoldi
Tokio yaqinidagi Kanagava va Chiba prefekturalarida “Dujuan” tayfuni keltirib chiqargan kuchli yomg‘irlar oqibatida ko‘chkilar yuzaga kelib, 4 kishi halok bo‘ldi, 6 kishi bedarak yo‘qoldi.
Ko‘chkilar uylarni vayron qilgan, ayrim hududlarni loy va suv bosgan. Qutqaruvchilar bedarak yo‘qolganlarni izlash ishlarini davom ettirmoqda. Tayfun oqibatida 45 mingdan ortiq xonadon elektr ta’minotisiz qolgan.
Tayfun kuchli yomg‘irlar sabab Tokio hududida ham rekord darajadagi yog‘ingarchilikni keltirib chiqargan.
Telegram | Live | Youtube | Instagram
1 270
🇺🇸 Oq uy YouTube’da 24 soatlik “Trump TV” kanalini ishga tushirdi
Oq uy “Trump TV: The Essentials Station” nomli 24 soatlik onlayn efirni ishga tushirdi. Kanal AQSh prezidenti Donald Tramp ma’muriyatining chiqishlari, bayonotlari va boshqa materiallarini namoyish etadi.
Kanal ishga tushirilishi CNN, MS NOW va Politico jurnalistlarining Oq uyga kirishi taqiqlanganidan keyin AQSh telekanallari Oq uy tadbirlarini birgalikda yoritishni to‘xtatgan paytga to‘g‘ri keldi. Mazkur uchta media tashkiloti esa Tramp ma’muriyatiga qarshi sudga murojaat qilgan.
CNN 21-sentabr kuni Trampning BMT Bosh Assambleyasiga borishini yorituvchi telepool tarkibida bo‘lishi kerak edi. Biroq boshqa yirik telekanallar CNN o‘rniga muxbir yuborishdan bosh tortgan.
Telegram | Live | Youtube | Instagram
1 270
🇹🇷 Maktabdagi otishma: Turkiyada 10 kishi yaralandi
Turkiyaning Manisa viloyatidagi maktabda otishma sodir bo‘ldi. Hodisa oqibatida 10 nafar o‘quvchi yaralangan, ulardan birining ahvoli og‘ir ekani xabar qilingan.
Dastlabki maʼlumotlarga ko‘ra, u bir kun avval maktabda janjallashgan o‘quvchilarni nishonga olgan.
Mahalliy nashrlar gumondor 2011-yilda tug‘ilgan, 9-sinfda o‘qiydigan 15 yoshli o‘quvchi ekanini yozmoqda. U otishmadan so‘ng voqea joyidan qochgan, biroq huquq-tartibot xodimlari tomonidan ushlangan.
Telegram | Live | Youtube | Instagram
1 270
Shavkat Mirziyoyev Serdar Berdimuhamedov bilan telefonda gaplashdi
22-sentabr kuni Shavkat Mirziyoyev Turkmaniston Prezidenti Serdar Berdimuhamedov bilan telefon orqali muloqot qildi.
Davlat rahbari Turkmaniston Prezidentini tavallud kuni bilan samimiy tabriklab, unga mustahkam sog‘liq, baxt-saodat va davlat faoliyatida yangi muvaffaqiyatlar tiladi.
Suhbat davomida O‘zbekiston va Turkmaniston o‘rtasidagi do‘stlik, yaxshi qo‘shnichilik va strategik sheriklik munosabatlarini yanada rivojlantirish masalalari muhokama qilindi.
Suhbat yakunida Shavkat Mirziyoyev Turkmaniston Prezidenti va xalqini yaqin kunlarda nishonlanadigan Mustaqillik kuni bilan tabrikladi.
Telegram | Live | Youtube | Instagram
1 270
Tracker rulida 5-sinf o‘quvchisi: Farg‘onada ota javobgarlikka tortildi
Farg‘ona viloyatining So‘x tumanida 5-sinf o‘quvchisi otasiga tegishli Tracker avtomobilini boshqargani aniqlandi.
Ijtimoiy tarmoqlarda voyaga yetmagan shaxsning transport vositasini boshqarayotgani aks etgan video tarqalgan. Holat yuzasidan o‘rganish olib borilganda, avtomobilni So‘x tumanidagi 11-sonli umumta’lim maktabining 5-sinf o‘quvchisi boshqargani va transport vositasi uning otasiga tegishli ekani aniqlangan.
Mazkur holat yuzasidan bolaning otasiga nisbatan Ma’muriy javobgarlik to‘g‘risidagi kodeksning 47-moddasi hamda 135-moddasi 2-qismi bilan ma’muriy bayonnoma rasmiylashtirilgan.
Telegram | Live | Youtube | Instagram
