Barruulee

⚠️

Miidhagina + Sammuu Argannaan bira hin darbamu!

🤍

Mallattoon fariisotaa tokko qoosaa jibbuu isaaniiti. Qoosaa kee isa hiriyoonni kee dhaggeeffatanii kolfaa jiran dhufanii takka dhaggeeffatanii, " Kun nama hin kofalchiisu" siin jedhu. Akka ilaalcha isaaniitti wanti marti 'quumnagara' ta'ee qoosanii fi taphnimmoo mallattoo bilchina dhabuutti lakkaa'amuu qaba! Kitaaba koo isa, " Ati fariisotaa?" jedhu keessaa kan fuudhame 😊

Nama tokko tokkoo jaallattee yoo duuteefiyyuu 'galatoomi' siin jechuuf yaadatee awwaala kee hin dhufu! Salphaatti waliif hin du'inaa jechuumaafan jedhe 🚶‍♂️

Hundaan-guuttuu namaati Hir'inarraa walabaa Garuu, Ilkaaniin kan dhokfattu Garaanshee gadda qaba! Gaafan ija ishee ilaalee Onnee kootu na cabe Dhukkubni isheen dhokfattu Anas dhufee na qabe! Of-dagachiisuun cimee Afaan koo maragadhee Namnis naaf hin hubatu Isan gaddasheen qabame Jaalala ishee qabe jedhanii Ollaa dhaa na hamatu! ✍

Kadhata halkani! Yaa waaq, abjuun koo siin haa miidhagu! Iccitii natti himachuu feetu abjuudhaan natti dubbadhu! Qaamnii fi qalbii koo harka keetiin naaf suphamee akka buluuf sin kadhadha! Guyyaa ani hin beekne dhufaa jiru sana gaarummaa keetiin naaf mo'i; isa ani jiraadhee dabarsaa jiru kanaafimmoo galata fudhadhu!

. Gaafa dheerattu salphaatti qal'inaaf saaxilamta! Namni gabaabaan qal'oo hin qabu! .

Barbaachi kee jalqabaa uumaa kee siif haata'u! 🙏

. "Maaf badde?" hin jedhu Har'a gaaffii geeddaraa ''Eessa turte?'' natti himi Lafa ati deemtun baraa .

. Na dhiisi jaalakoo Miidhagina keetiif maafan qalbii dhabaa? Yeroo tokko tokko Abaaboo miidhagaan bofa of jalaa qaba! .

Duuti utuu hafee jedhuu An yoo hafe garaa na nyaataa Dhagaadhaaf biyyoon suni Jireenya kana caalaa ulfaataa?! ✍

Kan akka waan jaallatan dhabuu ogeessa nama godhu hin jiru! Jalqabbiin xiinxala sammuu keenyaa yeroo muka gaaddisaaf jala boqonnu sana dhabnu dammaqa. Namni waan jaallate dhabe hiikaa jiruuf jireenyaa, jibbaaf jaalalaa, argachuuf dhabuu sirnaan yaadee hubata. Dhukkubbiin sun marti sanyii hubannaa boriiti! Namni akkasii ariifatee homaa hin amanu; yoo amanemmoo itti gaafatamummaa dhibee amanamummaan sun fidu mara beekee amana! Shakkuu fi amanuun irraa miidhaga! Lameenuu namichaaf iddoo guddaa qabu; walii isaaniis hin caalan! Ilma kee eebbisi osoo naan jedhanii egaa, " Jaalladhuu dhabi; dhaba kee sana booda jaalalli ammayyuu akka jirummoo argi!" jedheen eebbisa!

Jijjiiramuun salphaa miti

Gaafa sammuun keenya Daandii isaa geeddaruu Qooqniif qaamni keenya Salphaatti itti hin baru!

📚

"Situ jiraan jira" 🎵

Addunyaa kanarra namoota gosa lama qofa jira; an isa sadaffaadha! 😊

Aduun jaalladha jettaa gaafa aduun baatu gaaddisatti baqatta; Bokkaan jaalladha jettaa gaafa bokkaan roobu dibaabee qabatta. Sin jaalladha gaafa ati jettu anj kanaafan si sodaadha! ✍

Gaafa hiriyoonni koo liqii na gaafatan natti tola. Waanan isaan caalaa jiraachaa jiruu natti fakkaata. 🚶‍♂️