Islom.uz

🥳 «Hilol-Nashr»: 15 йиллик байрамга марҳабо!   Азиз китобхонлар! 📚 Фазилатли шайх Муҳаммад Содиқ Муҳаммад Юсуф ҳазратлари асос солган «Hilol-Nashr» нашриётининг 15 йиллиги муносабати билан катта байрам тадбири ўтказиляпти. Тадбирда юртимизнинг пешқадам устозлари, зиёлилар, жамоат фаоллари билан учрашувлар, суҳбатлар ташкил этилади. Байрамда севимли муаллифларингиздан дастхат олишингиз ҳам мумкин бўлади. Меҳмонларга нашриёт томонидан эсдалик ҳадялар берилади, китоб сайли бўлиб ўтади. 🎉 Байрамимиз 10 октябрь, шанба куни Тошкент шаҳридаги «Dream Park» хиёбонида («Ғафур Ғулом» боғида) соат 14:00 да бошланади. Барчангизни кутамиз!   @islomuz & @hilolnashr

#Кун_дуоси Никоҳ битими тузилаётганда айтиладиган нарсалар يُسْتَحَبُّ أَنْ يَخْطُبَ بَيْنَ يَدَيِ العَقْدِ خُطْبَةً تَشْتَمِلُ عَلَى مَا ذَكَرْنَاهُ فِي البَابِ الَّذِي قَبْلَ هَذَا، وَتَكُونُ أَطْوَلَ مِنْ تِلْكَ، وَسَوَاءٌ خَطَبَ العَاقِدُ أَوْ غَيْرُهُ، وَأَفْضَلُهَا: Никоҳ битими тузилаётганда (ҳамд, салавот ва ташаҳҳудларни ўз ичига олувчи) хутба ўқимоқ мустаҳабдир. Бунда битим тузувчими ёки бошқасими баробардир. Қуйидаги хутбани ўқиш эса, афзалроқдир: مَا رَوَينَا فِي «سُنَنِ أَبِي دَاوُودَ» وَ«التِّرْمِذِيِّ» وَ«النَّسَائِيِّ» وَ«ابْنِ مَاجَهْ» وَغَيْرِهَا بِالأَسَانِيدِ الصَّحِيحَةِ عَنْ عَبْدِ اللهِ بْنِ مَسْعُودٍ رَضِيَ اللهُ عَنْهُ قَالَ: عَلَّمَنَا رَسُولُ اللهِ صَلَّى اللهُ عَلَيْهِ وَسَلَّمَ خُطْبَةَ الحَاجَةِ: «الحَمْدُ للهِ نَسْتَعِينُهُ وَنَسْتَغْفِرُهُ، وَنَعُوذُ بِهِ مِنْ شُرُورِ أَنْفُسِنَا، مَنْ يَهْدِهِ اللهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إِلَهَ إِلَّا اللهُ، وَأَشْهَدُ أَنَّ مُحَمَّداً عَبْدُهُ وَرَسُولُهُ، {يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا، وَبَثَّ مِنْهُمَا رِجَالًا كَثِيراً وَنِسَاءً، وَاتَّقُوا اللهَ الَّذِي تَسَاءَلُونَ بِهِ وَالأَرْحَامَ، إِنَّ اللهَ كَانَ عَلَيْكُمْ رَقِيباً} [النساء: 1]، {يَا أَيُّهَا الَّذِينَ آمَنُوا اتَّقُوا اللهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ} [آل عمران: 102]، {يَا أَيُّهَا الَّذِينَ آمَنُوا اتَّقُوا اللهَ وَقُولُوا قَوْلًا سَدِيداً * يُصْلِحْ لَكُمْ أَعْمَالَكُمْ، وَيَغْفِرْ لَكُمْ ذُنُوبَكُمْ، وَمَنْ يُطِعِ اللهَ وَرَسُولَهُ فَقَدْ فَازَ فَوْزاً عَظِيماً} [الأحزاب: 71]، هَذَا لَفْظُ إِحْدَى رِوَايَاتِ أَبِي دَاوُودَ [د 2118، ت 1105، س 3/104، ق 1892]. وَفِي رِوَايَةٍ لَهُ أُخْرَى - بَعْدَ قَوْلِهِ: «وَرَسُولِهِ» -: «أَرْسَلَهُ بِالْحَقِّ بَشِيراً وَنَذِيراً بَيْنَ يَدَيِ السَّاعَةِ، مَنْ يُطِعِ اللهَ وَرَسُولَهُ.. فَقَدْ رَشَدَ، وَمَنْ يَعْصِهِمَا.. فَإِنَّهُ لَا يَضُرُّ إِلَّا نَفْسَهُ، وَلَا يَضُرُّ اللهَ شَيْئاً» قَالَ التِّرْمِذِيُّ: حَدِيثٌ حَسَنٌ [د 2119]. Абдуллоҳ ибн Масъуд розияллоҳу анҳудан ривоят қилинади: «Расулуллоҳ соллаллоҳу алайҳи васаллам бизга ҳожат хутбасини ўргатдилар: «Алҳамду лиллааҳ, настаъийнуҳу ва настағфируҳ, ва наъуузу биҳи мин шуруури анфусинаа. Ман яҳдиҳиллааҳу фалаа мудилла лаҳу, ва ман юдлил фалаа ҳаадия лаҳ, ва ашҳаду аллаа илааҳа иллаллоҳу ва ашҳаду анна Муҳаммадан ва ъабдуҳу ва росуулуҳ.* Йаа айюҳан наасут тақуу роббакумуллазий холақакум мин нафсин вааҳидаҳ, ва холақо минҳаа завжаҳаа ва басса минҳумаа рижаалан касийрон ва нисаа`а, ватттақуллоҳаллазии тасаа’алууна биҳии вал арҳаам, инналлоҳа каана ъалайкум роқийба»;[1] «Йаа айюҳаллазийна ааманут-тақуллоҳа ҳаққо туқоотиҳии, ва лаа тамуутунна иллаа ва антум муслимуун»;[2] «Йаа айюҳаллазийна ааманут-тақуллоҳа ва қуулуу қовлан садийда, юслиҳ лакум аъмаалакум ва йағфир лакум зунуубакум, ва ман ютиъиллааҳа ва росуулаҳу, фақод фааза фавзан ъазийма».[3] Маъноси: «Албатта, ҳамд Аллоҳгадир! Ундан ёрдам сўраймиз, Ундан мағфират сўраймиз. У Зотдан нафсимизнинг ёмонликларидан паноҳ сўраймиз. Аллоҳ кимни ҳидоят қилса, уни залолатга кетказувчи йўқ ва кимни залолатга кетказса, уни ҳидоят қилувчи йўқ. Гувоҳлик бераманки, Аллоҳдан ўзга илоҳ йўқ, гувоҳлик бераманки, Муҳаммад Унинг бандаси ва Расулидир». Абу Довуднинг бошқа ривоятида «Ва росулуҳу» сўзидан кейин: «Арсалаҳу бил ҳаққи Баширон ва назийрон, байна ядайис-сааъа, ман ютиъиллааҳа ва Росуулаҳу фа қод рошада, ва ман яъсиҳимаа фаиннаҳу лаа ядурру иллаа нафсаҳу, ва лаа ядурруллоҳа шайъа», деб айтилган. Маъноси: У зот пайғамбарни Қиёмат олдидан башорат берувчи ва огоҳлантирувчи қилиб ҳақ билан юборган. Ким Аллоҳ ва Унинг Расулига итоат қилса, рушд топибди. Ким уларга осий бўлса, фақат ўзига зарар беради, Аллоҳга ҳеч бир зарар бера олмас». Абу Довуд, Термизий, Насаий ва Ибн Можалар саҳиҳ санад билан ривоят қилишди. Бу Абу Довуд ривоятлари лафзидан бири. 🔗 Тўлиқ ўқиш Дин ишлари бўйича қўмитанинг 2290-сонли хулосаси 🕋 @islomuz

81. Moida surasi (1-3-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐  YouTube 🕋 @islomuz

#Ислом_адабиёти «Ўткан кунлар»ни ўқиб... Аёлнинг эрига муомаласи қандай бўлиши керак? «Ўткан кунлар» романи эр ва аёлнинг ўзаро муҳаббати қандай бўлиши кераклиги ҳақида ҳам яхшигина дарс бера олади. Буни китобдаги бир нукта орқали ўрганиб кўрамиз. Романда Ҳомид Отабек номидан Кумушга талоқ хати юборган жойини эсланг. Кампир хатни олиб келишидан олдин Кумуш эрини кутаётган бўлади. Эрини кутиб олиш учун қора атлас кийиб олади... Энди хотирингизга Кумуш ота-онаси билан Тошкентга келган кунини олиб келинг. Ўшанда ҳам Кумуш қора атласда эди... Қутидорнинг оиласи ўзига тўқ эди. Буни Ҳасаналининг Ўзбек ойимга айтган гапи билан қувватлаймиз: «Марғилонлиқ қудаларингизнинг давлати олдида бизникини йўқ, деса бўладир». Яъни Кумушнинг оиласи битта кийим кийиб юрадиган эмас эди, кийимлари кўп эди. Аммо ҳар сафар битта – қора кийим кийишга ошиқишининг сабаби нима эди? Ҳа, шундай, китобда айтилганидек, Отабекнинг назарида ушбу кўйлакда Кумуш янада гўзал кўринар эди: Кумуш эрига ёқиш, уни хурсанд қилиш учун биз эслаган ҳар икки лавҳада ҳам қора атлас кийиб олган эди... Аслида Кумуш Отабекни у ҳибсга олинганидан бошлаб то талоқ хати сохта эканлигини билгунгача бўлган даврда кутганди. Шунинг ўзи аёлнинг эрига бўлган муҳаббати, садоқати қанчалар эканини кўрсатади. Аммо Кумуш фақат шу билан кифояланмай кичик ишларда ҳам жуфти ҳалолига ёқишга ҳаракат қилар эди. Кумушнинг ўлими унинг мана шундай сифатлари, муҳаббатининг соф ва самимийлиги учун ҳам кўпчилик китобхонларнинг қалбига умрбоқий ғам олиб кирган бўлса не ажаб? 🔗 Тўлиқ ўқиш Дин ишлари бўйича қўмитанинг 2026 йил 14 майдаги 03/07/4229-сонли хулосаси 🕋 @islomuz

Ўзбекистон делегацияси Ғазни, Майдон-Вардак, Балх вилоятлари раҳбарлари билан учрашди Кобул шаҳрида бўлиб ўтган "Имом Бурҳониддин Марғиноний илмий меросининг замонавий исломшуносликдаги ўрни ва мавқеи" мавзусида халқаро конференция доирасида Ўзбекистон делегацияси Афғонистоннинг маҳаллий ҳокимият органлари ҳамда илмий-маданий муассасалари раҳбарлари билан ҳам муҳим учрашувлар ўтказди. Жумладан, Ғазни, Майдон-Вардак, Балх вилоятлари раҳбарлари ҳамда Афғонистон Фанлар академияси бош директори билан расмий мулоқотларда ижтимоий-иқтисодий, маданий-гуманитар ва илмий алоқаларни ривожлантириш масалалари муҳокама қилинди. Учрашувлар якунида дўстлик рамзи сифатида ўзаро эсдалик совғалари алмашилди. Шунингдек, мезбонлар томонидан Афғонистон Фанлар академияси кутубхонаси, Этнография музейи, Абу Райҳон Беруний, Санои Ғазни, Маҳмуд Ғазнавий, қадимий миноралар, тарихий обидалар ҳамда Мозори Шариф шаҳридаги ҳазрати Али мақбарасига зиёратлар ташкил этилди. Имом Бухорий мадрасаси қурилиши билан танишилди. Шу билан Ўзбекистон делегациясининг Афғонистонга сафари якунига етди. 🕋 @islomuz

#Силаи_раҳм Мискинга таом бериш... Мискинга таом бериш Исломда кенг тарғиб қилинган ишлардан биридир. Бу хайрли амал ҳақида Қуръони Каримда кўплаб оятлар келган бўлиб, ушбу бобда улардан баъзиларини ўрганиб чиқамиз. Аллоҳ таоло Инсон сурасида хайрли ишларни қилувчи аброр бандаларнинг сифатлари баёнида айтади: «Ўзлари таомни яхши кўриб турсалар ҳам, уни мискин, етим ва асирларга берарлар» (8-оят). Аброрлар ўзларига таом керак бўлиб, ҳожатлари тушиб турса ҳам, мискин, етим, асирларни ўзларидан устун қўйиб, таомни уларга берадилар. Таом яхши бўлса, албатта, кишида уни кўпроқ тановул қилишга мойиллик бўлади. Ана шундай ҳолларда уни фақирга бериш бойнинг камбағални ҳурмат қилишидан келиб чиқади. Бу эса ўз навбатида улар орасида тенглик бўлишига олиб келади. Оятдаги «мискин» сўзининг алоҳида таъкидланиши ҳам айнан шунга қаратилган. Чунки мискинга, яъни ўзи ва оиласи учун етарли еб-ичадиган таоми бўлмаган одамга ёрдам бериш ўзига тўқларнинг бурчидир. 🔗 Тўлиқ ўқиш Дин ишлари бўйича қўмитанинг 2022 йил 5 октябрдаги 03-07/7613-сонли хулосаси 🕋 @islomuz

#Саҳобалар_ҳаёти Ҳазрати Али розияллоҳу анҳунинг илмлари Пайғамбар соллаллоҳу алайҳи васалламдан ривоят қилинган «Мен илмнинг шаҳриман, Али унинг эшигидир», дедилар» деган ҳадиси шариф ҳазрати Али ибн Абу Толиб розияллоҳу анҳунинг илмлари қай даражада эканини яққол кўрсатиб турибди. Бу ҳадиси шариф воқеъликда қандай тасдиқланганини бир оз бўлса ҳам кўриб чиқайлик. Ибн Саъд Саъид ибн Мусаййибдан ривоят қилади: «Саҳобалардан Алидан бошқаси «Қани, мендан сўранглар», демас эдилар». Масруқ розияллоҳу анҳу айтадилар: «Расулуллоҳ соллаллоҳу алайҳи васалламнинг саҳобаларидан Умар, Али, Ибн Масъуд ва Абдуллоҳ розияллоҳу анҳум илмнинг интиҳосига етган эдилар». 🔗 Тўлиқ ўқиш Дин ишлари бўйича қўмитанинг 2020 йил 10 мартдаги 1801-сонли хулосаси 🕋 @islomuz

#Уламолар Довуд Антокий табобат ва ақлий илмлар билимдони Тўлиқ исми ва таваллуди Довуд ибн Умар Антокий Ҳаким Зарир ҳижрий 950 йили Ҳалаб шаҳри яқинида, ҳозирги Туркия ҳудудида жойлашган Антокия шаҳрида таваллуд топган (баъзи манбаларда Суриянинг Идлиб шаҳрида туғилган, Антокияда улғайган деб ёзилган). Довуд ибн Умар «Моҳир», «Фарид» (ўз бобида ягона), «Ҳозиқ табиб», «Мукаммал олим», «Аллома табиб», «Кўзи ожиз доричи», «Замонасининг Буқроти» ва «Ўз асрининг мўъжизаси» лақабларини олган. Синов Довуд Антокий ҳам кўзи ожиз туғилган. Илм йўли Довуд Антокий тиб илмини ўз даврининг мусулмон табибларидан ҳам, ғайримусулмон юнон табибларидан ҳам ўрганган. Илм излаб, Шом, Дамашқ, Онадўли, Қоҳира ва бошқа турли диёрларга сафар қилган. Ёшлик чоғиданоқ беморларга аниқ ташхис қўйиши, уларни муваффақиятли даволаши билан машҳур бўлган. 🔗 Тўлиқ ўқиш Дин ишлари бўйича қўмитанинг 2025 йил 11 июндаги 03-07/3368-сонли хулосаси 🕋 @islomuz

#Ҳаж Жумумдаги Фатҳ масжиди Жумум — Марриз Заҳрон водийсидаги жой бўлиб, Бану Сулайм қабиласининг сув манбаи ўша жойдадир. У Мадинаи Мунаввара йўлида, Макканинг шимолида 25 км узоқликда жойлашган. Танъим масжидидан 18 км узоқликдадир. Расулуллоҳ соллаллоҳу алайҳи васаллам у ерга ҳижратнинг 6-йили рабиъул аввал ойида Зайд ибн Ҳориса розияллоҳу анҳу бошчилигида отлиқ аскар юбордилар. Бир хотинга йўлиқишган эди, у отлиқларни Бану Сулаймга қарашли бир маҳаллага йўллаб қўйди. Улар бу ерда бир қанча неъмат ва асирларни қўлга киритишди. Ҳижратнинг 8-йили Расулуллоҳ соллаллоҳу алайҳи васаллам мана шу ерга тушиб, Макка фатҳ этилишидан олдин бир кеча тунаб қолдилар. Ўша куни у зот билан 10 минг нафар саҳоба бирга эди. Ҳамда Бану Сулайм қабиласидан бир қанча жамоа ҳам мазкур куни иштирок этишди. Абу Суфён шу куни мусулмон бўлди. 🔗 Тўлиқ ўқиш Дин ишлари бўйича қўмитанинг 2022 йил 7 сентябрдаги 03-07/ 6905-сонли хулосаси 🕋 @islomuz

Hazil niqobidagi fahsh Ustoz Ismoil Muhammad Sodiq 🕋 @islomuz

Афғонистонда Бурҳониддин Марғиноний меросига бағишланган халқаро конференция бўлиб ўтмоқда Шу йилнинг 3–7 октябрь кунлари Афғонистоннинг Кобул шаҳрида «Имом Бурҳониддин Марғиноний илмий меросининг замонавий исломшуносликдаги ўрни ва мавқеи» мавзусида халқаро конференция бўлиб ўтмоқда. Анжуманда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков бошчилигидаги диний-маърифий соҳа вакилларидан иборат юртимиз делегацияси қатнашмоқда. Асосий тадбирда аллома бобомиз Бурҳониддин Марғиноний умрини ислом ҳуқуқшунослиги ва фиқҳ қоидаларини пухта тизимга солишга бағишлагани алоҳида эътироф этилди. У зотнинг қаламига мансуб «Бидоят ал-мубтадий» асари, 80 жилддан ошиб тугалланмай қолган «Кифоят ал-мунтаҳий» шарҳи ҳамда 13 йил давомида сайқал бериб ёзилган шоҳ асар бўлмиш «Ал-Ҳидоя»нинг бизгача етиб келгани катта илмий ютуқ экани таъкидланди. Шунингдек, алломанинг «Фатаво ан-Навазил», «Маносик ал-ҳаж», «Мазид фий фуруъ ал-фиқҳ» ва «Кашф ал-осор» каби ноёб манбалари асрлар оша Шарқу Ғарб мадрасаларида энг ишончли қўлланма бўлиб хизмат қилаётгани қайд этилди. Анжуманда сўзга чиққанлар икки мамлакат халқларини боғлаб турувчи тарихий, илмий ва маънавий алоқаларни янада ривожлантириш, умумий меросни чуқур ўрганиш ҳамда ҳамкорликни мустаҳкамлаш муҳимлигини таъкидлади. Сўнгги йилларда давлатлар раҳбарлари саъй-ҳаракатлари туфайли икки томонлама алоқалар ривожланаётгани, хусусан, Ўзбекистон Президенти томонидан халқаро минбарларда Афғонистонда тинч, осойишта ҳаёт барқарор топиши йўлида илгари сурилаётган ташаббуслар, Балҳ вилоятида муҳташам Имом ал-Бухорий мадрасасининг барпо этилаётгани каби хайрли ишлар тилга олинди. Тадбир доирасида Бурҳониддин Марғиноний ҳаёти ва илмий меросига бағишлаб чоп этилган янги китоб конференция иштирокчиларига тақдим қилинди. Меҳмонлар Кобул шаҳридаги «Калимот» илмий-тадқиқот маркази, Кобул миллий музейи ҳамда Заҳириддин Муҳаммад Бобур боғи ва мақбарасини зиёрат қилиб, мазкур масканларнинг фаолияти билан ҳам яқиндан танишди. Шуни алоҳида таъкидлаш жоизки, делегация таркибида Тошкент ислом институти "Ақоид ва фиқҳий фанлар" кафедраси катта ўқитувчиси, ЎМИ Уламолар кенгаши аъзоси Яҳё домла РАЗЗОҚОВ ҳамда Тошкент ислом институти катта ўқитувчиси, Ўзбекистон мусулмонлари идораси Фатво маркази катта илмий ходими Ҳабибуллоҳ домла Жўрабоев ҳам қатнашмоқда. 🕋 @islomuz

#Тарих Саккизинчи салиб юриши (1270 йил) Салибчиларнинг Яқин Шарқдаги мағлубияти 1250 йилларнинг иккинчи ярмида христианларнинг Сурия ва Фаластиндаги позицияси бироз мустаҳкамланди. Чунки бу вақтда мусулмон давлатлари мўғул-татар истилосига қарши курашишларига тўғри келган эди. Аммо 1260 йилда Миср султони Бийбарс Сурияни ўзига бўйсундирди ва аста-секин салибчилар қалъаларини забт эта бошлади: 1265 йилда у Қайсарияни забт қилди, 1268 йилда Ёфани қўлга киритди, шу йили Антокияни забт этиб, Антокия князлигига барҳам берди. Людовик IX, Сиқиллия қироли Карл Анжуйский (1264–1285) ва Арагон қироли ­­Хайме I (1213–1276) бошчилигидаги саккизинчи салиб юриши салибчи мамлакатларга кўмак кўрсатиш учун уюштирилган сўнгги уриниш бўлди. Дастлаб Тунисга, сўнг Мисрга ҳужум қилиш режалаштирилди. 1270 йилда салибчилар Тунисга келишди, бироқ ўзаро тарқалган вабо сабабли улар юришни тўхтатишга мажбур бўлишди (вафот этганлар орасида Людовик IX ҳам бор эди). Тунис султони билан тинчлик сулҳи тузилди. Унга кўра, у Сиқиллия қиролига ўлпон тўлаш ва католик руҳонийларига ўз тасарруфидаги ўлкаларда ибодатларни эркин амалга ошириш ҳуқуқини бериш мажбуриятини олди. Мазкур муваффақиятсизлик Сурия ва Фаластиндаги салибчиларнинг инқирозини муқаррар қилиб қўйди. 1289 йилда мусулмонлар Тораблусни ишғол этиб, шу номдаги графликка барҳам беришди, 1291 йилда эса Байрут, Сидон ва Тир забт қилинди. Шу йили тамплиерлар ва иоаннитлар жон-жаҳдлари билан ҳимоя қилган Акранинг йўқотилиши христианларнинг Шарқдаги ҳукмронлигига барҳам берди. 🔗 Тўлиқ ўқиш Дин ишлари бўйича қўмитанинг 2023 йил 14 мартдаги 03-07/1733-сонли хулосаси 🕋 @islomuz

#Кун_дуоси Жимоъ пайтида айтиладиган зикрлар رَوَينَا فِي «صَحِيْحَيِ: «البُخَارِيِّ» وَ«مُسْلِمٍ» عَنِ ابْنِ عَبَّاسٍ رَضِيَ اللهُ عَنْهُمَا مِنْ طُرُقٍ كَثِيرَةٍ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «لَوْ أَنَّ أَحَدَكُمْ إذَا أَتَى أَهْلَهُ قَالَ: بِسْمِ اللهِ، اللَّهُمَّ جَنِّبْنَا الشَّيْطَانَ، وَجَنِّبِ الشَّيْطَانَ مَا رَزَقْتَنَا، فَقُضِيَ بَيْنَهُمَا وَلَدٌ.. لَمْ يَضُرَّهُ» [خ 141، م 1434]. وَفِي رِوَايَةٍ لِلْبُخَارِيِّ: «لَمْ يَضُرَّهُ شَيْطَانٌ أَبَداً» [خ 5165]. Ибн Аббос розияллоҳу анҳумодан ривоят қилинади: «Набий соллаллоҳу алайҳи васаллам: «Агар бирингиз ўз аҳлига яқинлик қилганида بِسْمِ اللهِ، اللَّهُمَّ جَنِّبْنَا الشَّيْطَانَ، وَجَنِّبِ الشَّيْطَانَ مَا رَزَقْتَنَا «Бисмиллаҳи. Аллоҳумма жаннибнааш-шайтона ва жаннибиш-шайтона маа розақтанаа», деса ва икковининг ўртасида фарзанд тақдир қилинган бўлса, унга (шайтон) зарар етказа олмайди», дедилар». Маъноси: «Аллоҳ номи билан. Аллоҳим, биздан шайтонни четлат ва шайтонни ҳам бизга ризқ қилиб берадиганингдан четда қил». Имом Бухорий ва Муслим ривояти. Бухорийнинг ривоятида: «Унга шайтон ҳеч қачон зарар келтира олмайди», деб «шайтон» лафзи билан келган. 🕋 @islomuz

#Мўминларга_эслатма Гуноҳга чорлов пайдо бўлганда... Ҳакимул уммат, Мавлоно Ашраф Али Таҳонавий қуддиса сирруҳ дедилар: «Одамлар катта иштиёқ ила: «Фалон гуноҳ кичик гуноҳми ёки каттами?» деб сўрайди. Сўрашдан мақсадлари, агар кичик гуноҳ бўлса, «қилса бўлади» деб ўйлашади, агар улкан бўлса, уни қилишга қалбларида қўрқув ва хавф сезилади. Аммо кичик ва катта гуноҳларнинг мисоли учқун билан катта чўғ кабидир. Ҳеч қачон сиз оловнинг бир кичкина учқунини «бу бор-йўғи бир учқунку» деб сандиқда сақлаган кимсани кўрмагансиз. Ақлли инсон бундай қилмайди. Чунки сандиққа солса, у аниқ оловга айланади ва сандиқдаги бор нарсани ёндириб юборади. Эҳтимол, сандиққа қўшиб, бутун уйни ҳам ёндириб юборар. Гуноҳнинг касофати ҳам шундай. Хоҳ кичик бўлсин, хоҳ катта — у учқундир. Агар сиз ўз ихтиёрингиз ила бир гуноҳ қилсангиз, эҳтимол, у бир гуноҳ сизнинг бутун ҳаётингиз бойлигини кул қилиб юборар. Шунинг учун ҳеч қачон «бу кичик гуноҳми ёки каттами?» деган ўйга тушманг. Бу масала ўйлаб ўтирадиган нарса эмас. Қилаётган ишингиз гуноҳми-гуноҳмасми, шуни ўйланг. У ишга шариат рухсат берганми-бермаганми, шуни аниқлаштиринг. Аллоҳ таоло қайтарганми-қайтармаганми, шунга қаранг. Агар Аллоҳ таоло ман этган бўлса, «Унинг ҳузурига қайси юз билан бораман?» деб ўйланг. Қачонки инсоннинг қалбида гуноҳга чорлов пайдо бўлса, ўша пайт Аллоҳ таолонинг ҳузурида туришни ўйласин ва шу орқали гуноҳни тарк қилсин». 🕋 @islomuz

Ислом молияси истиқболлари Дубайда муҳокама қилинади DIFC ва S&P Global Ratings 7 октябрь куни Дубайда 16-Annual Islamic Finance Conferenceни ўтказади. Сана: 7 октябрь 2026 йил Манзил: The Atrium, Gate District, DIFC, Дубай 08:30–13:00 Иштирок: бепул Асосий мавзу: “Islamic Finance 2026–2027: Navigating Rough Waters” Конференцияда 2026–2027 йилларда ислом молияси тармоғининг ривожланиш истиқболлари, янги имкониятлар ва мавжуд муаммолар муҳокама қилинади. Муҳокама қилинадиган асосий йўналишлар: ▪️ Ислом молиясининг глобал истиқболлари ▪️ GCC давлатларида капитал бозорларининг ривожланиши ▪️ Сукук молиялаштириши ▪️ Банклар ва корпоратив тармоқда молиялаштириш тенденциялари ▪️ Такофул тармоғининг истиқболи ▪️ Саудия Арабистонидаги молиявий ўзгаришлар ▪️ Марказий Осиё ва Кавказда исломий молия Эътиборли иштирокчилар: • Basheer Ahmad — Dubai Financial Services Authority • Abdul Kadir Hussain — Arqaam Capital • Ali Taufeeq — HSBC, Sukuk Financing • Dr. Mohamed Damak — S&P Global Ratings, Head of Islamic Finance Ўзбекистон учун муҳим жиҳатлари Конференция дастурида Марказий Осиё ва Кавказда исломий молия алоҳида сессия сифатида белгиланган. Бу Ўзбекистонда 2026 йилда шаклланаётган янги ислом банк-молия тизими, Шариат кенгашлари, сукук ва исломий капитал бозорини ривожлантириш нуқтаи назаридан айниқса қизиқ. Яъни, анжуманда нафақат Форс Кўрфази Кенгаши аъзо давлатлари (GCC) ёки Яқин Шарқ, балки Марказий Осиёга ҳам эътибор қаратилади. Диққат: тадбир офлайн форматда ўтказилади ва расмий маълумотга кўра, онлайн трансляция ёки кейинги видеоязув режалаштирилмаган. Расмий маълумот: DIFC — 16th Annual Islamic Finance Conference 🕋 @islomuz

#Мазҳабда_нажот 17 қисм | Мазҳабда нажот | Савол-жавоблар Савол: Таржиҳ қилишда эътиборга олинадиган нарса – мусулмонларнинг манфаати, яъни мусулмонларга энг фойдалиси экан. Вақтлар ўтиши, ҳолатлар ўзгариши билан таржиҳ қилинган масала ҳам ўзгариши мумкинми? 🔗 Жавоб Дин ишлари бўйича қўмитанинг 2024 йил 16 апрелдаги 03-07/2009-рақамли хулосаси 🕋 @islomuz

#Кун_дуоси Келин туширди кечасида куёвнинг айтадиган зикрлари يُسْتَحَبُّ أَنْ يُسَمِّيَ اللهَ تَعَالَى وَيَأْخُذَ بِنَاصِيَتِهَا وَيَقُولُ: (بَارَك اللهُ لِكُلِّ وَاحِدٍ مِنَّا فِي صَاحِبِهِ)، وَيَقُولُ مَعَهُ: Аёлига илк бор йўлиққанда, унинг пешона сочига қўлни қўйиб, «Барокаллоҳу ликулли вааҳидим миннаа фий соҳибиҳи» «Аллоҳ ҳар биримизни ўз жуфтига баракали қилсин», деб айтмоғи маҳбуб амалдир. Ва бу билан бирга қуйидаги ҳадисдаги дуони ҳам қўшиб айтади: مَا رَوَينَاهُ بِالأَسَانِيدِ الصَّحِيحَةِ فِي «سُنَنِ أَبِي دَاوُودَ» وَ«ابْنِ مَاجَهْ» وَ«ابْنِ السُّنِّي» وَغَيْرِهَا عَنْ عَمْرِو بْنِ شُعَيبٍ عَنْ أَبِيهِ عَنْ جَدِّهِ رَضِيَ اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «إِذَا تَزَوَّجَ أَحَدُكُمُ امْرَأَةً أَوِ اشْتَرَى خَادِماً فَلْيَقُلِ: اللَّهُمَّ إِنِّي أَسْأَلُكَ خَيْرَهَا وَخَيْرَ مَا جَبَلْتَهَا عَلَيْهِ، وَأَعُوذُ بِكَ مِنْ شَرِّهَا وَشَرِّ مَا جَبَلْتَهَا عَلَيْهِ، وَإِذَا اشْتَرَى بَعِيراً.. فَلْيأْخُذْ بِذِرْوَةِ سِنَامِهِ وَلْيَقُلْ مِثْلَ ذَلِكَ» [د 2160، ق 1918، سني 600]. وَفِي رِوَايَةٍ: «ثُمَّ لْيَأْخُذْ بِنَاصِيَتِهَا، وَلْيَدْعُ بِالْبَرَكَةِ فِي الْمَرْأَةِ وَالخَادِمِ» [2160]. Амр ибн Шуайб отасидан, у бобоси розияллоҳу анҳудан ривоят қилади: «Набий соллаллоҳу алайҳи васаллам шундай дедилар: «Бирортангиз бир аёлга уйланса ёки ходим сотиб олса, «Аллоҳумма, иннии ас’алука хойроҳаа ва хойро маа жабалтаҳа ъалайҳи, ва аъуузу бика мин шарриҳаа ва мин шарри маа жабалтаҳаа ъалайҳи», десин. Туя сотиб олса, унинг ўркачининг тепасидан ушлаб туриб ҳам худди шундай десин». Бошқа ривоятда: «Сўнгра унинг пешона сочидан ушлаб, хотин ва ходим хусусида барака тилаб дуо қилсин», деб қўшимча қилган». 🔗 Тўлиқ ўқиш Дин ишлари бўйича қўмитанинг 2290-сонли хулосаси 🕋 @islomuz

#Саҳобалар_ҳаёти Таваккул ва шукр Имом Абу Довуд ва Ибн Асокир Яҳё ибн Мурра розияллоҳу анҳудан ривоят қиладилар: «Али розияллоҳу анҳу кечаси масжидга чиқиб, нафл намоз ўқир эди. Биз у кишини қўриқлагани келдик. Фориғ бўлганидан сўнг олдимизга келиб: «Нима қилиб ўтирибсизлар?» деди. «Сизни қўриқламоқдамиз», дедик. «Осмон аҳлидан қўриқламоқдасизларми ёки ер аҳлиданми?» деди Али. «Ер аҳлидан», дедик. «Осмонда ҳукми чиқмагунча, ер юзида бир нарса бўлмас. Албатта, ҳар бир одамга икки фаришта вакил қилинган, улар уни қадари келгунча ҳимоя қилиб турадилар. Қачон қадари келса, қадари билан унинг орасини очиб қўядилар. Албатта, менинг устимда Аллоҳ томонидан мустаҳкам қўрғон бор. Қачон ажалим келса, у очиб қўйилади. Ҳеч ким, албатта, ўзига етган нарса зинҳор хато қилиши мумкин эмаслигига ва ундан ўтиб кетган нарса унга зинҳор етмаслигига ишонмагунича иймон ҳаловатини татимас», деди». 🔗 Тўлиқ ўқиш Дин ишлари бўйича қўмитанинг 2020 йил 10 мартдаги 1801-сонли хулосаси 🕋 @islomuz

#Кун_дуоси Никоҳ тузилгандан кейин эр-хотинга айтиладиган зикрлар السُّنَّةُ: أَنْ يُقَالَ لَهُ: (بَارَكَ اللهُ لَكَ)، أَوْ (بَارَكَ عَلَيْكَ، وَجَمَعَ بَيْنَكُمَا فِي خَيْرٍ). وَيُسْتَحَبُّ أَنْ يُقَالَ لِكُلِّ وَاحِدٍ مِنَ الزَّوْجَينِ: (بَارَكَ اللهُ لِكُلِّ وَاحِدٍ مِنْكُمَا فِي صَاحِبِهِ، وَجَمَعَ بَيْنَكُمَا فِي خَيْرٍ). «Барокаллоҳу лака» ёки «Барока ъалайка ва жамаъа байнакумаа фий хойрин» «Аллоҳ сенга барака берсин» ёки «Сенга барака ато қилиниб, ораларингизни яхшиликда жамласин», деб айтиш суннат амалдир. Икки жуфтнинг ҳар бирига: «Барокаллоҳу ликулли вааҳидим минкумаа фий соҳибиҳи ва жамаъа байнакумаа фий хойрин» «Аллоҳ жуфтингни баракали қилиб, ораларингизда яхшиликни жамласин», деб айтмоқ мустаҳаб амалдир. 🔗 Тўлиқ ўқиш Дин ишлари бўйича қўмитанинг 2290-сонли хулосаси 🕋 @islomuz

Albatta, amallar niyatlarga bog‘liqdir «Amallar niyatga bog'liqdir» kitobi 3-son 📖 Shayx Muhammad Sodiq Muhammad Yusuf rahimahullohning qalamiga mansub «Amallar niyatga bog'liqdir» kitobi suxandon lafzida 🎙Matnni islom.uz portali suxandoni Qamariddin Bekmuhammad o‘qigan. 🌐 https://youtu.be/VFMIHBXRjg8 🕋 @islomuz