Islom.uz

Қоҳирада Ўзбекистондаги Ислом цивилизацияси марказининг халқаро тақдимоти бўлиб ўтди Қоҳира, 2026 йил 13 июнь. Пирамидалар этагида жойлашган дунёнинг энг йирик музей мажмуаларидан бири — Grand Egyptian Museumда Янги Ўзбекистоннинг энг йирик маданий-маърифий ва илмий лойиҳаларидан бири бўлган Ўзбекистондаги Ислом цивилизацияси маркази тақдимотига бағишланган «Ўзбекистон – Миср: цивилизациялар ва исломий мерос мулоқоти» халқаро медиа-тадбири бўлиб ўтди. Тадбир Ўзбекистондаги Ислом цивилизацияси маркази, Ўзбекистон Республикаси Ташқи ишлар вазирлиги, Ўзбекистон Республикасининг Миср Араб Республикасидаги элчихонаси ҳамда Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти (WOSCU) ҳамкорлигида ташкил этилди. 🔗 Тўлиқ ўқиш 🕋 @islomuz

#Ислом Азимат юлдузлари Азимат ва олий ҳиммат эгалари ҳақида сўз кетар экан, аввало Расулуллоҳ соллаллоҳу алайҳи васалламнинг нубувват мадрасаларида таҳсил олган толиблар – саҳобаи киромларни айтиб ўтиш керак. Улар Исломнинг илк даврида руҳий тазйиқларга учраган, мол-мулкидан айрилган, кейин эса жисмоний машаққатларга ҳам дучор бўлишган. Саҳобаларнинг орасида туғилганида ёки кейинчалик кўзи ожиз бўлиб қолган, жангларда ёки дард туфайли бирор аъзосини йўқотган, сурункали касалликка чалиниб, узоқ йиллар тўшакка михланиб қолганлар бор. 🔗 Тўлиқ ўқиш Дин ишлари бўйича қўмитанинг 2025 йил 11 июндаги 03-07/3368-сонли хулосаси 🕋 @islomuz

#Тарих Бувайҳийлар ҳукмронлиги ва бошқа воқеалар Ҳижрий 320-447 (милодий 932-1055) йиллар ораси бувайҳийлар ўз ҳукмини ўтказган давр бўлди. Улар дайламлик шийъалар бўлиб, Исломга қарши ҳиқду ҳасадлари бор эди. Улардан Исломга зид бўлган мункар ишлар содир бўлди. Шийъа давлатларининг ҳукмронлиги Ушбу давр унда шийъалар ҳукмронлик қилгани, кенг жойларни эгаллаб олгани билан ўзига хосдир. Уларга бир қанча подшоҳликлар ва давлатлар мансуб бўлди. Бувайҳийлар давлати Форс, Ироқ, Рай, Гурч ва Аҳвозни ўз ичига олди. Убайдийлар (фотимийлар) давлати эса Мағриб, Миср ва Шомнинг бир бўлагида ҳукмронлик қилишди. Ҳамадонийлар давлати Мосул ва Шомни, қарматийлар эса Баҳрайн ва Ҳижозни эгаллаб олишди. Ушбу даврда ­шийъа­чиликнинг илк асослари пайдо бўлди. Оли байт номидан улардан ҳеч қачон содир бўлмаган турли гап-сўзлар, ёлғонлар тўқишди. Уларнинг тўқилишига шийъа давлатининг устунлиги сабаб бўлди. Урушлар кўпайди, суннийлар ва шийъалар ўртасида фитналар урчиди. 🔗 Тўлиқ ўқиш Дин ишлари бўйича қўмитанинг 2023 йил 14 мартдаги 03-07/1733-сонли хулосаси 🕋 @islomuz

Миллий кутубхонада анжуман ўтказилди 2026 йил 8 июнь куни Алишер Навоий номидаги Миллий кутубхонасида Ўзбекистон Миллий ноширлари ва китоб савдоси миллий ассоциацияси билан ҳамкорликда анжуман бўлиб ўтди. Бу ҳақда yenisafak.com сайти хабар берди. Ушбу анжуманда 90 га яқин нашриёт вакиллари, таржимонлар ва моҳа мутахассислари иштирок этишди. Жумладан, Туркиянинг халқаро муаллифлик ҳуқуқи ва нашриёт соҳасидаги муҳим ташкилотларидан бири бўлган «İntrotema Agency» агентлиги ҳам қатнашиб, турк нашриёт соҳасининг тажрибасини ўзбекистонлик ҳамкасблари билан ўртоқлашди. Сўнгги йилларда Ўзбекистон ва Туркия ўртасида маданий алоқалар мустаҳкамланиб бормоқда. Сўзимиз исботи сифптида мазкур тадбирда ҳам муаллифлик ҳуқуқлари, нашриёт ускуналари, халқаро лицензиялаш жараёнлари ва маданий ҳамкорлик масалалари муҳокама қилинди. 🔗 Тўлиқ ўқиш 🕋 @islomuz

#Мазҳабда_нажот 5 қисм | Мазҳабда нажот | Савол-жавоблар Савол: Аҳли сунна мазҳаблари ичида шиъалардан таъсирланганлар ҳам борми? Маълумки, имом Абу Ҳанифа баъзи шиъаларнинг имомларидан ҳам дарс олган. Жавоб: Жуда ноёб савол бўлди. Аввало, у пайтларда шиъалар бугунги кўринишда бўлишмаган. Қолаверса, Абу Ҳанифа роҳматуллоҳи алайҳ Аҳли байт уламолардан илм олган ёки уларнинг баъзи ҳадисларини қабул қилган бўлса, у киши шиъаларга мансуб, деган хулоса келиб чиқмайди. Шуни ҳам билишимиз керакки, аҳли байт уламоларнинг ўзлари шиъаларнинг «Ўн икки имом ва ғойиб имом бор», деган фикрларини айтишмаган. Аслида у зотларнинг бу тоифага алоқаси ҳам йўқ. Барчамиз «Аҳли байт имомлар – Расулуллоҳ соллаллоҳу алайҳи васалламнинг Алий розияллоҳу анҳу ҳамда Фотима розияллоҳу анҳодан тарқалган авлодларидир», деган сўз устида бирлашамиз. Улардан илм олиш, ҳадисларини қабул қилиш борасида ривоят ва хабарлар жуда кўп. Улардан илм олган одам шиъаликка алоқадор бўлади, деган гап йўқ. 🔗 Тўлиқ ўқиш Дин ишлари бўйича қўмитанинг 2024 йил 16 апрелдаги 03-07/2009-сонли хулосаси 🕋 @islomuz

Malasiyada bolalar uchun dastur #yangiliklar 🕋 @islomuz

#Кун_дуоси Барча яхшиликларни ато қилган Аллоҳга ҳамд бўлсин وَرَوَينَا فِي «كِتَابِ ابْنِ السُّنِّيِّ» عَنْ عَبْدِ اللهِ بْنِ عَمْرِو بْنِ العَاصِ رَضِيَ اللهُ عَنْهُمَا، عَنِ النَّبِيِّ صَلَّى اللهُ عَلَيْهِ وَسَلَّمَ: أَنَّهُ كَانَ يَقُولُ فِي الطَّعَامِ إِذَا فَرَغَ: «الحَمْدُ للهِ الَّذي مَنَّ عَلَيْنَا وَهَدَانَا، وَالَّذِي أَشْبَعَنَا وَأَرْوَانَا، وَكُلَّ الإِحْسَانِ آتَانَا» [سني 466 وانظر الملحق].   Абдуллоҳ ибн Амр ибн Осс розияллоҳу анҳумодан ривоят қилинади: Набий соллаллоҳу алайҳи васаллам овқатланиб бўлганларидан кейин:  الحَمْدُ للهِ الَّذي مَنَّ عَلَيْنَا وَهَدَانَا، وَالَّذِي أَشْبَعَنَا وَأَرْوَانَا، وَكُلَّ الإِحْسَانِ آتَانَا «Алҳамду лиллаҳил лазий манна ъалайнаа ва ҳадаанаа, валлазий ашбаъанаа ва арваанаа ва куллал эҳсаани аатаанаа», деб айтардилар. Маъноси: «Бизга неъматлар бериб, ҳидоят қилган ва тўйдириб-суғорган ҳамда барча яхшиликларни ато қилган Аллоҳга ҳамд бўлсин». Ибн Сунний ривояти. Дин ишлари бўйича қўмитанинг 2290-сонли хулосаси 🕋 @islomuz

33. Ilmsiz kishining ilmiy gaplarga aralashishi va noo'rin savollar berish 2-qism (Kalomning ofatlari) «Din nasihatdir» kitobi 33-son 📖 Shayx Muhammad Sodiq Muhammad Yusuf rahimahullohning qalamiga mansub «Din nasihatdir» kitobi suxandon lafzida 🎙Matnni islom.uz portali suxandoni Qamariddin Bekmuhammad o‘qigan. 🌐 YouTube 🕋 @islomuz

#Жамият Усмонли одатлари Сув ва қаҳва: Меҳмонларга бир пиёла сув билан бирга бир пиёла қаҳва берилар, меҳмон қаҳва олдидан сув ичганида, у очлигини ва унга овқат тайёрлаш кераклигини билдирарди. Агару сув олдидан қаҳва ичганида, бу унинг тўқлигини англатарди. Қизил атиргул ва сариқ атиргул:  Сариқ атиргул касал одам бўлган уйнинг олдига қўйилган, бу ўткинчиларга ва қўшниларга оҳиста бўлиш ва касал одамни безовта қилмаслик кераклиги билдирилган. Қизил атиргул қўйилган бўлса, уйнинг ичида никоҳ ёшига етган қиз борлиги, унга никоҳ таклиф қилиш мумкинлиги ва унинг ҳис-туйғуларини ҳурмат қилган ҳолда уй яқинида беҳаё сўзларни айтиш тақиқлангани билдирилган. 🔗 Тўлиқ ўқиш Дин ишлари бўйича қўмитанинг 2020 йил 10 мартдаги 1801-сонли хулосаси 🕋 @islomuz

#Мўъжизалар Мудскиппер ҳақида эшитганмисиз? Мудскиппер ҳақида эшитганмисиз? Бу оддий балиқ эмас, ер юзида юра оладиган, ҳатто дарахтларга ҳам чиқа оладиган балиқ тури. Оёқ вазифасини бажарадиган махсус қанотлари туфайли бу балиқ узоқ вақт давомида сувдан ташқарида сайр қила олади Мудскиппер қуруқликда овқатланишни афзал кўради - майда ҳашаротлар, қисқичбақасимонлар ва моллюскаларни ушлайди (кучли тишлари ва жағларига қарамай, бошқа кичик балиқларга ҳужум қилмайди) Бу ажойиб балиқ тропикларда яшайди ва бир вақтнинг ўзида сувда ва қуруқликда умр кечиради. Аллоҳ таолонинг қудратига ва азаматига далолат қиладиган жонзотлардан бўлмиш ушбу балиқ яшаш учун барча аъзо ва имкониятлар билан таъминланган. Дин ишлари бўйича қўмитанинг 2026 йил 30 январдаги 03-07/666-сонли хулосаси 🕋 @islomuz

#Кун_дуоси Аллоҳим, Сенга ҳамд бўлсин وَرَوَينَا فِي «سُنَنِ النَّسَائِيِّ» وَ«كِتَابِ ابْنِ السُّنِّيِّ» بِإِسْنَادٍ حَسَنٍ عَنْ عَبْدِ الرَّحْمَنِ بْنِ جُبَيرٍ التَّابِعِيِّ: أَنَّهُ حَدَّثَهُ رَجُلٌ خَدَمَ النَّبِيَّ صَلَّى اللهُ عَلَيْهِ وَسَلَّمَ ثَمَانٍ سِنِينَ: أَنَّهُ كَانَ يَسْمَعُ النَّبِيَّ صَلَّى اللهُ عَلَيْهِ وَسَلَّمَ إِذَا قَرَّبَ إِلَيْهِ طَعَاماً.. يَقُولُ: «بِسْمِ اللهِ»، فَإِذَا فَرَغَ مِنْ طَعَامِهِ.. قَالَ: «اللَّهُمَّ أَطْعَمْتَ وَسَقَيْتَ، وَأَغْنَيْتَ وَأَقْنَيْتَ، وَهَدَيْتَ وَأَحْيَيْتَ.. فَلَكَ الحَمْدُ عَلَى مَا أَعْطَيْتَ» [سك 6871، سني 465 وانظر الملحق].   Тобеъин Абдураҳмон ибн Жубайр розияллоҳу анҳудан ривоят қилинади: «Набий соллаллоҳу алайҳи васалламга саккиз йил хизмат қилган бир ходим у зот овқатланганларида «Бисмиллаҳ», дейишларини, агар овқатланиб бўлсалар  اللَّهُمَّ أَطْعَمْتَ وَسَقَيْتَ، وَأَغْنَيْتَ وَأَقْنَيْتَ، وَهَدَيْتَ وَأَحْيَيْتَ فَلَكَ الحَمْدُ عَلَى مَا أَعْطَيْتَ  « Аллоҳумма атъамта ва сақойта ва ағнайта ва ақнайта ва ҳадайта ва аҳяйта, фалакал ҳамду ъалаа маа аътойта», деб айтишларини эшитган экан». Маъноси: «Аллоҳим, (мени) таомлантириб, суғориб, беҳожат қилиб, қаноатлантириб, ҳидоятли этиб, мени тирик қилдинг, (менга) берган нарсаларингда Сенга ҳамд бўлсин. Имом Насаий ва Ибн Сунний ривояти. Дин ишлари бўйича қўмитанинг 2290-сонли хулосаси 🕋 @islomuz

Talaba bo'lish baxtiga juda yaqinsiz! 🤩 ​"Yangi Asr universiteti" sizga nafaqat diplom, balki yuqori sifatli bilim va zamonaviy ta'lim muhitini kafolatlaydi. ​💡 Nega aynan Yangi Asr universiteti? ​Kunduzgi va kechki ta'lim yo'nalishlari ​Sifatli bakalavr va magistratura dasturlari ​Hujjatlarni tez va oson onlayn topshirish imkoniyati ​Joylar cheklangan, hoziroq ro'yxatdan o'ting: https://yangiasr.uz/uz/cv/oddiy/?id=Islmtg

63. Niso surasi (13-21-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐  YouTube 🕋 @islomuz

#Саҳобалар_ҳаёти Ҳазрати Алининг уйланишлари Вақт ўтиши билан Али ибн Абу Толиб каррамаллоҳу важҳаҳу Пайғамбар соллаллоҳу алайҳи васалламнинг хонадонларида истиқомат қилишга хижолат бўла бошладилар. У зот алайҳиссаломнинг оилалари кенгая борди. Сўнгра Маккада қолган қизлари Умму Кулсум ва Фотималар ҳам ҳижрат қилиб келишди. Фотима розияллоҳу анҳони кўз остига олиб юрганлар совчи қўя бошладилар. Жумладан, Абу Бакр Сиддиқ ва Умар розияллоҳу анҳумо ҳам сўрадилар. Пайғамбар соллаллоҳу алайҳи васаллам уларнинг ҳаммаларига ўта мулойимлик билан рад жавобини берар эдилар. Бу масала тез орада кўпчиликни қизиқтириб қолди. Пайғамбар соллаллоҳу алайҳи васалламнинг ўзларини тутишларидан баъзи кишилар ўзларича хулоса чиқара бошладилар. Уларнинг фикрича, Расулуллоҳ соллаллоҳу алайҳи васаллам Фотимаи Заҳрони ҳазрати Али ибн Абу Толиб розияллоҳу анҳуга илинаётган бўлишлари керак эди. 🔗 Тўлиқ ўқиш Дин ишлари бўйича қўмитанинг 2020 йил 10 мартдаги 1801-сонли хулосаси 🕋 @islomuz

Отангга силаи раҳм қилганни кесма – нуринг сўнади

عَنْ سَعْدِ بْنِ عُبَادَةَ الزَّرَقِيِّ؛ أَنَّ أَبَاهُ قَالَ: كُنْتُ جَالِسًا فِي مَسْجِدِ الْمَدِينَةِ مَعَ عَمْرِو بْنِ عُثْمَانَ، فَمَرَّ بِنَا عَبْدُ اللهِ بْنُ سَلَامٍ مُتَّكِئًا عَلَى ابْنِ أَخِيهِ، فَنَفَذَ عَنِ الْمَجْلِسِ، ثُمَّ عَطَفَ عَلَيْهِ فَرَجَعَ عَلَيْهِمْ، فَقَالَ: مَا شِئْتَ؟ عَمْرَو بْنَ عُثْمَانَ! - مَرَّتَيْنِ أَوْ ثَلَاثًا - فَوَالَّذِي بَعَثَ مُحَمَّدًا بِالْحَقِّ إِنَّهُ لَفِي كِتَابٍ اللهِ عَزَّ وَجَلَّ مَرَّتَيْنِ: لَا تَقْطَعْ مَنْ كَانَ يَصِلُ أَبَاكَ، فَيُطْفَأُ بِذَلِكَ نُورُكَ.   Саъд ибн Убода Зароқий отасидан ривоят қилади: «Мадина масжидида Амр ибн Усмон билан ўтирган эдим. Олдимиздан Абдуллоҳ ибн Салом акасининг ўғлига суяниб ўтиб қолди. Ўтирган жойимиздан ўтиб кетди, кейин ўгирилиб қараб: «Нима истайсан, Амр ибн Усмон?! – деб икки ёки уч марта айтди ва: – Муҳаммад соллаллоҳу алайҳи васалламни ҳақ ила юборган Зотга қасамки, Аллоҳ азза ва жалланинг Китобида икки марта «Отангга яхшилик қилганни узма, ўша ила нуринг сўниб қолмасин», дейилган», деди».

Шарҳ: Абдуллоҳ ибн Салом розияллоҳу анҳунинг миллати яҳудий бўлиб, Исломга кирган, ниҳоятда яхши бўлган улкан саҳобийлардан биридир. Бу ривоятдаги ҳолат у киши ўта қариб қолган чоғлари экан. Жиянлари у кишини суяб олиб кетаётган экан. Мазкур мажлисга етганда уларга бир қайрилиб қараб: «Амр ибн Усмонмисан? Нимани истайсан?» деб бир неча марта сўрабдилар. Сўнгра «Муҳаммад соллаллоҳу алайҳи васалламни ҳақ ила Расул қилиб юборган Зотга қасамки, Аллоҳ таолонинг Китобида икки марта «Отанг боғлаган алоқани узмагин, акс ҳолда нуринг сўнади», деган гап бор», деган эканлар. Албатта, бундай гап Қуръони Каримда айнан шу шаклда келмаган. Лекин саҳобалар истилоҳида исломий ҳақиқат бўлиб қолган ҳадис, оятларнинг маъносидан келиб чиққан қоидаларни ана шундай тарзда – «Аллоҳнинг Китобида бор», деб айтиш одат бўлиб қолган. Демак, бу ерда ҳам фарзанд ўз ота-онаси боғлаб юрган алоқаларни улар ўтиб кетгандан кейин узмасдан, ота-онасининг ўрнига алоқаларни сақлаб, ота-онасига яхшилик қилиб юрган кишиларга яхшиликни давом эттиришлари кераклиги, акс ҳолда, Аллоҳ сақласин, юқорида айтилганидек, нури сўниб қолиши таъкидланган. Дин ишлари бўйича қўмитанинг 4380-сонли хулосаси 🕋 @islomuz

Hojilarga mushaf sovga qilindi #yangiliklar 🕋 @islomuz

#Мўъжизалар Океанларни ларзага келтирадиган гигант Бу улкан денгиз жонивори — кашалот ажойиб сирни ўзида мужассам этган. У тинч ва осойишта кўринса-да, кучли овозни яширади, бу уни океанларнинг ҳақиқий шоҳи қилади. Тасаввур қилинг-а, бундай ўлчамдаги объект космик кеманинг парвоз қилиш овозидан кучлироқ товуш чиқариши мумкин. Кашалотларнинг энг баланд товушлари қисқа босиш товушларидир. Олимлар уларни сув остида 236 десибел даражасида қайд этишди, бу ҳаводаги 174,5 дБ га тенг. Кашалотлар чиқарадиган товушнинг интенсивлиги 236 десибелга етади. Энг ажабланарлиси шундаки, бу юқори частотали товуш инсон қулоғига эшитилмайди. Қандай қилиб объект биз эшитмасдан шундай кучли товуш чиқариши мумкин? Бу кит томонидан чиқарилган товушнинг табиатига боғлиқ, бу бизнинг қулоқларимиз қабул қила олмайдиган жуда юқори частотали кетма-кет босишлардир. Тасаввур қилинг-а, бу турдаги иккита кит океандаги улкан масофалар бўйлаб бир-бири билан мулоқот қилишлари мумкин. Тинч океанидаги кит Атлантика океанидаги бошқа кит билан «сўзлашиши, мулоқот» қилиши мумкин. Бу маълумотлар онгимизда мазкур жонзотлар бир-бири билан қандай алоқа қилишлари ва улар ўзларининг мураккаб жамиятларини қандай қуришлари ҳақидаги янги уфқларни очади. Аллоҳ таоло барчамизни Ўзининг ҳидоятидан айирмасин, гуноҳларимизни мағфират айласин ва хотимамизни чиройли қилсин! Дин ишлари бўйича қўмитанинг 2026 йил 30 январдаги 03-07/666-сонли хулосаси 🕋 @islomuz

Магистрантларнинг диссертация ҳимоялари бошланди Бугун Ўзбекистондаги Ислом цивилизацияси марказида Имом Бухорий номидаги Тошкент ислом институти тарихида илк бор магистрантларнинг диссертация ҳимоялари бошланди. Мазкур тарихий воқеа юртимизда диний-маърифий соҳани янги босқичга олиб чиқиш ва юқори малакали илмий кадрлар тайёрлаш борасидаги ислоҳотларнинг амалий натижасидир. Давлатимиз раҳбари Шавкат Мирзиёевнинг 2023 йилдаги ташаббуси билан ташкил этилган ушбу магистратура босқичида бугунги кунда «Теология (Ислом илоҳиёти, фалсафаси ва мотуридийлик таълимоти)» ҳамда «Теология (Ҳадис илмлари)» йўналишлари бўйича жами 20 нафар магистрант таҳсил олмоқда. 🔗 Тўлиқ ўқиш 🕋 @islomuz

Диний-маърифий соҳадаги магистр ва докторантлар учун стипендия жорий этилади

Дунё бўйлаб Ўзбекистон маданий мероси доимий мониторинг қилинади, маданий мерос объектларининг ягона рақамли маълумотлар базаси ва халқаро реестри шакллантирилади, Марказий Осиёда ягона бўлган замонавий илмий-тадқиқот лабораторияси ташкил этилади.

Президент Шавкат Мирзиёев Ўзбекистондаги Ислом цивилизацияси марказининг фаолияти натижалари ва уни янада ривожлантириш режалари юзасидан тақдимот билан танишди. Мамлакатимизда миллий ўзликни англаш, бой тарихий-маънавий меросимизни чуқур ўрганиш, улуғ алломаларимиз илмий меросини халқаро миқёсда кенг тарғиб этишга алоҳида эътибор қаратилмоқда. Ўзбекистондаги Ислом цивилизацияси маркази эса айни шу йўналишда миллий ва халқаро аҳамиятга эга замонавий маданий-маърифий платформа сифатида шаклланмоқда. Тақдимотда ўтган даврда марказ томонидан амалга оширилган ишлар ҳақида ахборот берилди. 🔗 Тўлиқ ўқиш 🕋 @islomuz

📣 ПРИГЛАШАЕМ НА РАБОТУ! Издательский дом «Hilol-Nashr» объявляет набор на должность редактора русского языка. Требуется квалифицированный специалист с опытом редакторской работы. Обращаться в Telegram-бот: @islamuzadminbot Или по линку: @admislamuz При обращении в бот укажите контактный номер телефона для обратной связи. Издательско-типографический производственный комплекс «Hilol-Nashr» @hilolnashr