OSHO
Відкрити в Telegram
📈 Аналітичний огляд Telegram-каналу OSHO
Канал OSHO (@kgosho) у мовному сегменті Киргизька є активним учасником. На даний момент спільнота об'єднує 58 727 підписників, посідаючи 2 886 місце в категорії Освіта та 20 місце у регіоні Киргизстан.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 58 727 підписників.
За останніми даними від 08 жовтня, 2026, канал демонструє стабільну активність. Хоча за останні 30 днів спостерігається зміна кількості учасників на 1 554, а за останні 24 години на 2, загальне охоплення залишається високим.
- Статус верифікації: Не верифікований
- Рівень залученості (ER): Середній показник залученості аудиторії становить 25.82%. Протягом перших 24 годин після публікації контент зазвичай збирає 25.91% реакцій від загальної кількості підписників.
- Охоплення публікацій: В середньому кожен допис отримує 15 176 переглядів. Протягом першої доби публікація в середньому набирає 15 228 переглядів.
- Реакції та взаємодія: Аудиторія активно підтримує контент: середня кількість реакцій на один пост – 0.
📝 Опис та контентна політика
Автор описує ресурс як майданчик для висловлення суб'єктивної думки:
“@kgoshobot суроолоруңуз болсо чат ботко кайрылыңыз”
Завдяки високій частоті оновлень (останні дані отримано 09 жовтня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Освіта.
58 727
Підписники
+224 години
-1557 днів
+1 55430 днів
Архів дописів
58 727
🌳 Бишкекте бир тургунга 3,5 чарчы метрден гана жашыл аймак туура келет
Бишкекте парктар шаардын жалпы аймагынын 3%ын гана ээлейт. Ар бир тургунга коомдук пайдалануудагы жашыл аймактардан орточо 3,5 чарчы метрден туура келет.
Бул Кыргызстандагы 6 чарчы метрлик нормадан жана Дүйнөлүк саламаттык сактоо уюмунун 15–25 чарчы метрлик сунушунан кыйла аз.
📊 2026-жылдын жайында жүргүзүлгөн мониторингдин жыйынтыгында:
• Бишкек тургундарынын 66%ынын жөө жетүүгө мүмкүн болгон парк же сквери жок;
• «Ак-Ордо-3» конушунда 44 миңге жакын адам жашаса да, жашыл аймактар жок;
• «Келечек» конушунда 6,6 миң тургунга болгону 980 чарчы метр жашыл аймак туура келет. Норма боюнча бул жерде 4 гектар болушу керек;
• «Аламүдүн-1» кичи районунда бир тургунга болгону 0,43 чарчы метр жашыл аймак туура келет.
🌱 Экологдордун айтымында, жашыл аймактардын жетишсиздиги экологияга гана эмес, шаар тургундарынын ден соолугуна жана жашоо сапатына да таасир этет.
@kgosho Билип жаша!
58 727
⛽️ Көмүр кымбаттабашы үчүн «Кыргызкөмүргө» дизель майын субсидиялоо сунушталды
Кыргызстанда «Кыргызкөмүр» ААК үчүн дизель майынын баасын жеткирүү, салыктар жана милдеттүү төлөмдөр менен кошо литрине 92,85 сом деп белгилөө сунушталууда. Тиешелүү токтом долбоору коомдук талкууга чыгарылды.
📌 Дизель майын «Кыргызкөмүргө» «Кыргызская нефтяная корпорация» ЖЧКсы жеткирип берет. Импорттолгон күйүүчү майдын чыныгы баасы менен белгиленген баанын ортосундагы айырманы мамлекет республикалык бюджеттен субсидия катары компенсациялайт.
Мунун максаты — «Кыргызкөмүрдү» күйүүчү май менен үзгүлтүксүз камсыздап, көмүр казуунун чыгымдарынын жана калкка сатылуучу көмүрдүн баасынын өсүшүнө жол бербөө.
💰 Компенсацияны 2026-жылдын 23-июнунан тартып эсептөө сунушталууда.
Ошондой эле күйүүчү май импорттоочуларга жана сатуучуларга берилүүчү субсидияларды көзөмөлдөө күчөтүлөт. Антимонополиялык жөнгө салуу кызматы эсептөөлөрдү жана документтерди кошумча текшерип, компенсациянын өлчөмүн өзгөртүү боюнча сунуш киргизе алат.
Каржылоо бюджетте субсидияларга каралган каражаттын чегинде жүргүзүлөт. Кошумча бюджеттик чыгым каралган эмес.
@kgosho Билип жаша!
58 727
🏛️ Мамлекеттик башкаруу академиясын бюджеттен каржылоо сунушталды
Кыргызстанда президентке караштуу Жусуп Абдрахманов атындагы Мамлекеттик башкаруу академиясын республикалык бюджеттен туруктуу каржылоого мүмкүндүк берген мыйзам долбоору Жогорку Кеңешке киргизилди.
📌 Учурда өзгөчө макамга ээ мамлекеттик жогорку окуу жайлар бюджеттик системадан тышкары каржыланат. Долбоор президенттин карамагындагы окуу жайларга бул эрежеден өзгөчөлүк киргизүүнү сунуштайт.
Академия 2025-жылдан тартып бакалавриат программаларына студент кабыл алууну токтоткон. Натыйжада анын атайын каражаттарынын кирешеси жылына орточо 12,5 млн сомго азайган. 2025–2028-жылдар аралыгындагы жалпы жоготуу 50,1 млн сомдон ашат деп эсептелүүдө.
💰 Азыр академия убактылуу укуктук режимдин негизинде бюджеттен каржыланууда. Мыйзам долбоору бул тартипти туруктуу негизде бекитүүнү көздөйт.
Ошондой эле академиянын мамлекеттик сатып алууларына жалпы мыйзамдын талаптарын колдонуу сунушталууда. Бул бюджеттик каражаттардын сарпталышын көзөмөлдөөгө жана сатып алуулардын ачыктыгын камсыздоого багытталган.
@kgosho Билип жаша!
58 727
🇰🇬 Садыр Жапаров КМШ мамлекет башчыларынын жыйынына катышууда
Президент Садыр Жапаров Түркмөнстандын Аваза шаарында өтүп жаткан КМШ мамлекет башчыларынын кеңешинин жыйынына катышууда.
Жыйындын алдында аны Түркмөнстандын президенти Сердар Бердымухамедов тосуп алды. Андан соң лидерлер биргелешип сүрөткө түшүп, чакан курамдагы сүйлөшүүлөр үчүн жыйындар залына өтүштү.
🌍 Жыйынга Азербайжан, Беларусь, Казакстан, Россия, Тажикстан, Өзбекстан жана Ирандын президенттери, ошондой эле Армениянын премьер-министри катышууда.
📌 Садыр Жапаров Түркмөнстанга 8-октябрда иш сапары менен барган. Анын программасында КМШ мамлекет башчыларынын жыйыны, Борбор Азия өлкөлөрүнүн жана Азербайжандын лидерлеринин консультативдик жолугушуусу, ошондой эле эки тараптуу сүйлөшүүлөр каралган.
@kgosho Билип жаша!
58 727
🤖 Дүйнөлүк банк: Кыргызстанда жасалма интеллект үчүн эсептөөлөр дүйнөдөгү эң арзан болушу мүмкүн
Дүйнөлүк банктын аймактык экономикалардын келечеги тууралуу баяндамасында Кыргызстан электр энергиясынын өздүк наркы боюнча эсептелгенде, ЖИ үчүн дүйнөдөгү эң арзан эсептөө кызматтарын сунуштай алышы мүмкүн экени айтылды.
⚡ Экономист Михаил Локшиндин эсептөөлөрүнө ылайык, Кыргызстанда NVIDIA H100 SXM жасалма интеллект акселераторунун бир саат иштөөсү 1,58 долларга бааланат. Бул изилдөөгө кирген өлкөлөрдүн ичиндеги эң төмөнкү көрсөткүч.
Салыштыруу үчүн:
• 🇪🇹 Эфиопияда — 1,59 доллар;
• 🇽🇰 Косоводо — 1,60 доллар;
• 🇨🇦 Канадада — 1,60 доллар;
• 🇹🇯 Тажикстанда — 1,60 доллар;
• 🇲🇪 Черногорияда — 1,60 доллар.
💰 Дүйнөлүк банктын болжолунда, кубаттуулугу 40 МВт болгон маалымат борбору жылына 630–950 млн доллар дүң киреше алып келиши мүмкүн. Бул Кыргызстандын товардык экспортунун 15 пайызынан ашкан сумма.
📌 Адистердин белгилешинче, жасалма интеллект моделдерин окутууда маалыматты берүү ылдамдыгындагы кечигүү анчалык маанилүү эмес. Ошондуктан мындай эсептөөлөрдү электр энергиясы арзан өлкөлөрдө жүргүзүүгө болот.
Бирок бул азырынча мүмкүнчүлүктүн экономикалык баасы гана. Аны ишке ашыруу үчүн маалымат борборлоруна, жабдууларга жана туруктуу электр менен камсыздоого инвестиция керек.
@kgosho Билип жаша!
58 727
🇬🇧 Улуу Британия Кыргызстанда катталган үч компанияга санкция киргизди
Улуу Британия 8-октябрда Кыргызстанда катталган «Процессинг КейДжи» ААК, «ТокенСпот» ЖАК жана «Цунами Пейментс» ЖЧКсына санкция киргизди.
Мындан тышкары, «Процессинг КейДжи» компаниясынын директору Улан Букабаевге да жеке санкциялар салынды.
📌 Чектөөлөр Россияга байланыштуу британ санкциялык режиминин алкагында киргизилген.
«Процессинг КейДжи» компаниясына карата чаралар:
• активдерин тоңдуруу;
• төлөмдөрдү иштетүүгө тыюу салуу;
• интернет-сервистерди колдонууга чектөө;
• британдык кредиттик жана каржы уюмдары менен корреспонденттик банктык мамилелерге тыюу салуу;
• трасттык кызматтарга жана директорлорго байланыштуу чектөөлөр.
🇬🇧 Британ бийлиги компания Россиянын өкмөтүнө экономикалык жактан маанилүү ишмердүүлүк аркылуу колдоо көрсөтүп жатышы мүмкүн деп эсептейт.
Компаниянын санкциялык маалыматына processing-kg.com жана vexpay.net сайттары да киргизилген. Ошентип, британ тарап VexPay төлөм платформасын «Процессинг КейДжи» менен түздөн-түз байланыштырган.
Улан Букабаевге активдерин тоңдуруу, Улуу Британияга кирүүгө тыюу салуу жана башка чектөөлөр киргизилди.
@kgosho Билип жаша!
58 727
⚖️ КМШ өлкөлөрүндө соттук электрондук документ жүгүртүү системасы түзүлүшү мүмкүн
КМШ өлкөлөрү ортосунда соттук электрондук документтерди коопсуз алмашуу каналын түзүү сунушталды. Бул маселе Минск шаарында өткөн КМШга мүчө мамлекеттердин Жогорку сотторунун төрагаларынын кеңешинде талкууланды.
📌 Жыйындын жүрүшүндө үч демилге каралды:
• Соттук документтерди электрондук түрдө коопсуз алмашуучу мамлекеттер аралык канал түзүү;
• КМШ өлкөлөрүнүн соттук практикасы боюнча маалыматтык колдонмо даярдоо;
• Санариптик сот адилеттиги боюнча туруктуу жумушчу топ түзүү.
Жумушчу топтун ишин методикалык жактан Лебедев атындагы Россия мамлекеттик адилеттик университети камсыз кылышы сунушталды.
Жыйынга Беларусь, Кыргызстан, Тажикстан жана Өзбекстандын Жогорку сотторунун төрагалары катышты.
@kgosho Билип жаша!
58 727
🇰🇬 Кыргызстанда демографиялык саясат боюнча кеңеш түзүлдү
Кыргызстанда 2040-жылга чейинки демографиялык саясат концепциясын ишке ашыруу үчүн атайын кеңеш түзүлдү. Тиешелүү тескемеге Министрлер кабинетинин төрагасы Адылбек Касымалиев кол койду.
📌 Тескеме менен кеңештин курамы жана иштөө тартиби бекитилди. Анын катчылыгынын милдети Эмгек, социалдык камсыздоо жана миграция министрлигине жүктөлдү.
Кеңештин курамына:
• Министрлер кабинетинин төрагасынын орун басары;
• эмгек, социалдык камсыздоо жана миграция министри;
• саламаттык сактоо министри;
• балдардын укуктары боюнча ыйгарым укуктуу өкүл кирди.
Кеңештин негизги максаты — өлкөнүн демографиялык саясатын 2040-жылга чейинки концепцияга ылайык ишке ашырууга көмөктөшүү.
@kgosho Билип жаша!
58 727
🌱 Кыргызстандык фермерлерге лабораториядан текшерилген үрөндөрдү тандоо сунушталды
Айыл чарба өсүмдүктөрүн жана багбанчылыкты экспертизалоо департаменти фермерлерге лабораториялык анализден өткөн үрөндөрдү колдонууну сунуштады.
🔬 Атайын лабораторияларда үрөндөрдүн:
• өнүп чыгуу жөндөмдүүлүгү;
• өнүү ылдамдыгы жана энергиясы;
• тазалыгы жана сортко шайкештиги текшерилет.
Мындай анализ сапатсыз, булганган же оорулуу үрөндөрдү колдонуп алуу коркунучун азайтат.
🌾 Текшерилген үрөндөр түшүмдүүлүктү жогорулатууга, чыгымды азайтууга жана мамлекеттик жана экспорттук талаптарга жооп берүүгө жардам берет.
Адистердин айтымында, сапаттуу үрөн тандоо фермер үчүн түшүмгө, кирешеге жана чарбанын туруктуулугуна кепилдик берет.
@kgosho Билип жаша!
58 727
🇺🇳 Кыргызстан БУУнун Коопсуздук Кеңешиндеги алдыдагы мүчөлүгүнө даярданууда
Бишкекте Кыргызстан менен Улуу Британиянын тышкы иштер министрликтеринин өкүлдөрү БУУнун Коопсуздук Кеңешинин күн тартиби боюнча консультация өткөрүштү.
Тараптар эл аралык күн тартибиндеги актуалдуу маселелерди, Коопсуздук Кеңешинин ишинин артыкчылыктарын жана өз ара кызматташуу мүмкүнчүлүктөрүн талкуулашты.
📌 Негизги көңүл Кыргызстандын 2027–2028-жылдардагы БУУнун Коопсуздук Кеңешине мүчөлүгүнө даярдыгына, ошондой эле Кеңештин башка мүчө мамлекеттери менен өз ара аракеттенүүгө бурулду.
Жолугушуунун жыйынтыгында тараптар БУУнун алкагында конструктивдүү жана мазмундуу кызматташтыкты улантууга даяр экенин билдиришти.
@kgosho Билип жаша!
58 727
☕️ Германияда көрүстөндөрдөгү кафелер популярдуу болууда
Германиянын Берлин, Гамбург, Бавария жана Түндүк Рейн — Вестфалия аймактарында көрүстөндөрдө ачык асман алдындагы кафелер көбөйүүдө.
Мисалы, Бавариянын Фюрт шаарындагы көрүстөндө мындай кафе 6 жылдан бери иштеп келет. Уюштуруучу Леандер Вирт атайын жабдылган жүк велосипедден кофе жана пирог сатып, келгендерден символикалык гана кайрымдуулук алат.
🌿 Мындай жайлардын максаты — адамдардын баарлашуусуна шарт түзүү. Социологдордун айтымында, коомдо көрүстөндөргө болгон мамиле өзгөрүп, алар акырындап кайгы-муң жайынан коомдук мейкиндикке айланып баратат.
Ал жерде адамдар жакындарынын мүрзөсүн карап, сейилдеп, балдар жалбырак чогултуп жүрүшөт. Айрыкча жакынын жоготкон же жалгыздыкты сезген адамдар үчүн мындай жолугушуулар маанилүү экени айтылууда.
🍂 Көпчүлүк кафелер жылуу мезгилде гана иштейт. Бирок быйыл айрымдары күз-кыш мезгилинде да жабылбоону чечишкен.
@kgosho Билип жаша!
58 727
📦 Wildberries Өзбекстанда логистикалык комплекс курат
Россиялык маркетплейс Wildberries Өзбекстандын Ташкент облусунда жаңы логистикалык хаб курууну пландап жатат.
🇺🇿 Бул боюнча Wildberries менен Өзбекстандын Инвестициялар, өнөр жай жана соода министрлиги келишимге кол койду.
🏗 Долбоорду 2027–2028-жылдары ишке ашыруу пландалууда. Комплекстин аянты 180 миң чарчы метр, инвестициянын көлөмү 140 млн доллар деп бааланууда.
Келишим Өзбекстан менен Россиянын III Аймактар кеңешинин жыйынтыгында түзүлдү. Жыйынга эки өлкөнүн аймактарынан өкүлдөр жана 400гө жакын ишкер катышкан.
@kgosho Билип жаша!
58 727
💰 Кыргызстанда мамлекеттик USDKG стейблкоинин чыгарган компания жоюлат
Кыргызстанда мамлекеттик USDKG стейблкоин долбоору токтотулат. Тиешелүү чечим Министрлер кабинетинин 2026-жылдын 20-августундагы токтому менен кабыл алынган.
USDKG 2025-жылдын ноябрында ишке киргизилген. Доллардын курсуна байланыштырылган жана физикалык алтын менен камсыздалган токендерди «Эмитент Виртуальных Активов» компаниясы чыгарган. Анын 100% акциясы Финансы министрлигине таандык болгон.
🇬🇧 Быйыл май айында Улуу Британия бул компанияга санкция киргизген. Андан кийин компания «ЭВА» деп кайра аталган. Эми аны жоюу чечими кабыл алынды.
Ошондой эле Кыргызстандагы биринчи мамлекеттик криптобиржа болгон «Коин Номад Эксчейндж» да жабылат.
📌 Бул чечимдер Кыргызстанда санкциялык тобокелдиктерди азайтуу боюнча жүргүзүлүп жаткан чаралардын алкагында кабыл алынууда.
@kgosho Билип жаша!
58 727
🏠 Кыргызстанда жыл сайын 1,3 миңдей адам риэлторлорго байланыштуу милицияга кайрылат
Кыргызстанда жыл сайын 1,3 миңге жакын адам риэлторлордун мыйзамсыз аракеттеринен жабыркаганын айтып, укук коргоо органдарына кайрылат. Бул тууралуу парламентте экономика жана коммерция министринин орун басары Беназир Нурланова билдирди.
💰 Риэлторлордун аракеттеринен жарандарга келтирилген жалпы зыян 1 млрд сомго жакын деп бааланууда.
Көпчүлүк арыздар алдамчылыкка байланыштуу. Айрым учурларда камакта турган же соттук талашка байланышкан үйлөр сатылып, кээде бир эле үй эки же андан көп адамга сатылып кеткен.
📋 Риэлторлорду атайын окутуп, сертификат берүү жана каттоодон өткөрүү сунушталууда.
Бүгүнкү күндө Кыргызстанда болжол менен 3,2 миң риэлтор бар. Алардын ичинен 200гө жакыны гана окуудан өтүп, сертификат алган.
📱 Мындан тышкары, сертификаты жана каттоосу жок адамдарга, анын ичинде блогерлерге турак жайды жарнамалоого тыюу салуу сунушталууда.
Айып пул:
• жеке адамдарга — 1 миң сом;
• компанияларга — 5 миң сом.
Жогорку Кеңеш мыйзам долбоорун биринчи окууда кабыл алды.
@kgosho Билип жаша!
58 727
🇺🇿 2027-жылы КМШга төрагалык кылуу Өзбекстанга өтөт
2027-жылдын 1-январынан тарта Көз карандысыз Мамлекеттер Шериктештигине (КМШ) Өзбекстан төрагалык кылат.
Бул чечимди Түркмөнстанда 8–9-октябрда өтө турган КМШ мамлекет башчыларынын саммитинде кабыл алуу пландалууда.
🇺🇿 Өзбекстандын президенти Шавкат Мирзиёев төрагалык кылуу мезгилиндеги өлкөнүн негизги артыкчылыктарын тааныштырат.
Ошондой эле саммитте КМШ мамлекет башчыларынын кийинки жолугушуусу Өзбекстанда өтөрү жарыяланат. Анын так датасын Өзбекстан кийинчерээк билдирет.
📌 Өзбекстан КМШга экинчи жолу төрагалык кылат. Биринчи жолу бул милдетти 2020-жылы аткарган.
Быйыл КМШга Түркмөнстан төрагалык кылууда.
@kgosho Билип жаша!
58 727
🔥 Бишкекте «DIGITAL-КАЗАН — 2026» бизнес-форуму өттү
1-октябрда Бишкекте маркетинг, технологиялар, жасалма интеллект жана бизнести өнүктүрүүгө арналган «DIGITAL-КАЗАН — 2026» форуму өттү.
Форумду digital-маркетинг боюнча «Пекло» студиясы өзүнүн 10 жылдыгына карата уюштурган. Иш-чарага ишкерлер, компания жетекчилери жана маркетологдор катышып, 7 спикер Борбор Азиядагы жана башка рыноктордогу тажрыйбалары менен бөлүштү.
🤖 Негизги темалар:
• ЖИнин SEO жана издөө системаларына таасири;
• маркетингдин натыйжалуулугун кардарлардын саны эмес, бизнеске алып келген киреше аркылуу баалоо;
• жаш аудитория менен иштөө жана бренддер;
• бизнести жергиликтүү рыноктон глобалдык деңгээлге чыгаруу;
• нейротармактарды жарнамада, модада жана кинодо колдонуу;
• B2B-маркетинг жана компанияны масштабдоо.
📈 Форумда практикалык кейстер жана Борбор Азиядагы бизнес изилдөөлөрү да сунушталды. «Пекло» студиясы 10 жыл ичинде 26 өлкөдөгү долбоорлор менен иштегенин белгиледи.
@kgosho Билип жаша!
58 727
🇰🇬 Садыр Жапаров 8–9-октябрда Түркмөнстанга барат
Президент Садыр Жапаров 8–9-октябрда Түркмөнстанга иш сапары менен барат.
Ал Түркмөнстандын президенти Сердар Бердымухамедовдун чакыруусу менен Борбор Азия мамлекет башчыларынын жана Азербайжандын VIII консультативдик жолугушуусуна, ошондой эле КМШ мамлекет башчыларынын кеңешинин жыйынына катышат.
📌 8-октябрда лидерлер аймактык кызматташтык, саясий диалог, соода-экономикалык жана транспорттук-логистикалык байланыштар, энергетика жана экология маселелерин талкуулашат.
9-октябрда Жапаров Түркмөнстандын төрагалыгы алдында өтө турган КМШ мамлекет башчыларынын кеңешинин жыйынына катышат.
Жыйында КМШ алкагындагы кызматташтыктын актуалдуу маселелери жана көп тараптуу байланыштарды мындан ары өнүктүрүү жолдору каралат.
@kgosho Билип жаша!
58 727
🇷🇺 Россия — Борбор Азия мигранттары үчүн эң ири эмгек рыногу
Россия Борбор Азия өлкөлөрүнөн, анын ичинде Кыргызстандан барган эмгек мигранттары үчүн негизги эмгек рыногу бойдон калууда. Бул тууралуу РФ Тышкы иштер министрлигинин КМШ өлкөлөрү боюнча департаментинин директору Александр Стерник билдирди.
Анын айтымында, Өзбекстан, Тажикстан жана Кыргызстандан келген мигранттардын саны бир аз азайганына карабастан, географиялык жана маданий-тилдик жакындыктан улам Россия алар үчүн эң ири эмгек рыногу болуп калууда.
📉 2026-жылдын биринчи жарымында бул үч өлкөдөн Россияга кирген эмгек мигранттарынын саны былтыркы ушул мезгилге салыштырмалуу 15%га азайган.
@kgosho Билип жаша!
58 727
⚠️ Кыргызстанда санкциялык тобокелдиги жогору дагы 35 компания жоюлушу мүмкүн
Кыргызстанда ишмердүүлүгүндө санкциялык жана комплаенс тобокелдиги жогору деп табылган 35ке жакын юридикалык жакты мажбурлап жоюу процедурасы башталды.
Экономика жана коммерция министрлигинин маалыматына караганда, айрым компаниялар эл аралык санкцияларды айланып өтүүгө байланыштуу операцияларга катышы болушу мүмкүн.
📌 Буга байланыштуу министрлик Юстиция министрлигине компанияларды мажбурлап жоюу процедурасын баштоо боюнча кайрылуу жөнөткөн.
Бул мындай чаралардын биринчи толкуну эмес:
• июлда 3 компаниянын иши токтотулган;
• августта дагы 19 компанияны жоюу чечими кабыл алынган;
• 2-октябрда 16 компания боюнча материалдар сотко жөнөтүлгөн.
🏦 Мамлекеттик банктар да текшерүүнү күчөтүүдө. 2-октябрга карата «Элдик Банк» болжол менен 126 компаниянын, «АБанк» 100гө жакын компаниянын эсептерин жапкан.
Максат — экинчи даражадагы санкциялардын тобокелдигин азайтуу жана Кыргызстандын банктык системасы менен тышкы соода каналдарын санкцияларды айланып өтүү үчүн колдонууга жол бербөө.
@kgosho Билип жаша!
58 727
🎭 Жогорку Кеңеште чыгармачыл союздарды кайра уюштуруу жана жоюу маселеси талкууланды
Кыргызстанда чыгармачыл союздардын ишмердүүлүгүн жөнгө салган мыйзам долбоору Жогорку Кеңеште талкууланды. Документти депутат Камила Талиева иштеп чыккан.
Мыйзам долбоору чыгармачыл союздарды түзүү, иштетүү, кайра уюштуруу жана жоюу тартибин аныктоону көздөйт. Ошондой эле алардын мүчөлөрүнө мамлекеттик колдоо жана социалдык коргоо чаралары каралат.
📌 Долбоорго ылайык, чыгармачыл союздар:
• мамлекеттик саясатты жана мыйзам долбоорлорун иштеп чыгууга катыша алат;
• грант жана мамлекеттик каржылык колдоо ала алат;
• мүчөлөрүн мамлекеттик сыйлыктарга көрсөтө алат;
• чыгармачыл кызматкерлердин кесиптик жана социалдык укуктарын коргой алат.
Талкууга Жазуучулар, Сүрөтчүлөр, Композиторлор, Архитекторлор, Эстрада ишмерлери жана Журналисттер союздарынын жетекчилери, ошондой эле Маданият министрлигинин өкүлдөрү катышты.
@kgosho Билип жаша!
