¡Ya disponible! Investigación de Telegram 2025 — los principales insights del año 
OSHO
Ir al canal en Telegram
📈 Análisis del canal de Telegram OSHO
El canal OSHO (@kgosho) en el segmento lingüístico de Kirguís es un actor destacado. Actualmente la comunidad reúne a 33 969 suscriptores, ocupando la posición 5 665 en la categoría Educación y el puesto 39 en la región Kirguistán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 33 969 suscriptores.
Según los últimos datos del 04 julio, 2026, el canal mantiene una actividad estable. En los últimos 30 días la variación de miembros fue de 9 809, y en las últimas 24 horas de 64, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 21.00%. Durante las primeras 24 horas tras publicar, el contenido suele obtener 20.87% de reacciones respecto al total de suscriptores.
- Alcance de las publicaciones: Cada publicación recibe en promedio 6 998 visualizaciones. En el primer día suele acumular 6 954 visualizaciones.
- Reacciones e interacción: La audiencia responde de forma activa: el promedio de reacciones por publicación es 6.
📝 Descripción y política de contenido
El autor describe el recurso como un espacio para expresar opiniones subjetivas:
“@kgoshobot суроолоруңуз болсо чат ботко кайрылыңыз”
Gracias a la alta frecuencia de actualizaciones (últimos datos recibidos el 05 julio, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Educación.
33 969
Suscriptores
+6424 horas
+2 2977 días
+9 80930 días
Archivo de publicaciones
33 969
🔬 Кыргызстанда окумуштуулардын бирдиктүү санарип базасы түзүлүүдө
Кыргызстанда өлкөдөгү жана чет өлкөлөрдө иштеп жаткан окумуштууларды бириктирген бирдиктүү санарип платформа түзүлүп жатат.
📌 Бул тууралуу илим, жогорку билим берүү жана инновациялар министри Гүлзат Исаматова “Кабар подкастка” берген маегинде билдирди.
Анын айтымында, министрлик окумуштуулардын бирдиктүү базасын түзүү ишин баштады.
Бул иштерди жыл аягына чейин бүтүрүү пландалууда.
🔎 Министр Кыргызстанда 72 илимий-изилдөө институту бар экенин, алардын көбү Улуттук илимдер академиясына караштуу экенин айтты.
Мындан тышкары, 21 илимий-изилдөө институту университеттерге интеграцияланган, дагы бир нечеси айыл чарба жана саламаттык сактоо тармактарында иштейт.
✅ Бирдиктүү база илимий кызматташтыкты күчөтүп, окумуштуулардын өз ара байланышын натыйжалуу кылууга жардам берет деп күтүлүүдө. @kgosho Билип жаша!
33 969
🚌 Бишкекте “Тулпар” системасы бир жол жүрүүгө 9 жолу акы алынган учур катталды
Бишкекте 1-июлдан тарта коомдук транспортто накталай эмес төлөм милдеттүү болгондон кийин айрым жүргүнчүлөр “Тулпар” системасына нааразы болууда.
Бишкектин тургундарынын бири №118 автобуста QR-код аркылуу төлөгөндөн кийин бир төлөмдүн ордуна акча 9 жолу алынганын билдирген.
Анын айтымында, ал автобуска саат 14:45те чыгып, 10 мүнөттөн кийин түшүп калган, бирок кийин да төлөмдөр каттала берген.
📱 Жүргүнчү далил катары төлөм тарыхынын скриншотторун көрсөткөн, анда бир эле секунд ичинде төрт жолу акча алынганы көрүнүп турат.
Башка жүргүнчүлөр да картаны бир эле жолу тийгизгенине карабай эки же төрт жолу төлөм алынганын айтышууда.
⚠️ Мындан тышкары, бишкектиктер бир саат ичиндеги акысыз пересадка системасы да туура иштебей, кайрадан акча кармалып жатканын билдиришүүдө.
✅ Азырынча мэрия расмий жооп бере элек. @kgosho Билип жаша!
33 969
🏦 “Почта Банк” 2027-жылдын январында ишке кириши мүмкүн
Кыргызстанда түзүлүп жаткан “Почта Банк” 2027-жылдын январында ишин башташы пландалууда.
📌 Бул тууралуу “Кыргыз почтасы” ААКсынын башкы директору Марат Черикчиев Kaktus.media сайтына билдирди.
Анын айтымында, учурда долбоор макулдашуу жана керектүү жөнгө салуучу процедуралардан өтүп жатат.
“Почта Банк” өз алдынча банк катары түзүлүп, “Кыргыз почтасы” менен өнөктөштүктө иш алып барат.
📮 “Кыргыз почтасы” өлкө боюнча кеңири агенттик тармагы аркылуу долбоордун негизги өнөктөшү болот.
Черикчиевдин айтымында, банкты ачуу айрыкча аймактарда жашаган калктын финансылык кызматтарга жеткиликтүүлүгүн кеңейтет.
✅ Ошол эле учурда “Кыргыз почтасы” пенсия жана социалдык төлөмдөрдү алыскы аймактарга жеткирүү сыяктуу социалдык функциясын улантат.
@kgosho Билип жаша!
33 969
🌿 Бишкек жана Ош экологиялык прокуратуралары ишин баштады
📌 Башкы прокуратуранын маалыматына караганда, алар жер казынасын пайдалануу, өзгөчө корголуучу жаратылыш аймактарын сактоо, суу объектилерин коргоо жана башка экологиялык маанилүү тармактарда мыйзамдардын аткарылышын көзөмөлдөйт.
Иштин жүрүшүндө жер казынасын пайдалануу тармагында милдеттүү салык жана рекультивациялык төлөмдөрдөн качуу фактылары аныкталып, мамлекеттин кирешесине 250 млн сомдон ашык каражат өндүрүлгөн.
Ошондой эле мыйзамсыз трансформацияланган 200 гектар жер кайра өзгөчө корголуучу жаратылыш аймактарынын курамына кайтарылды.
🏔️ Мындан тышкары, 400 гектардан ашык мөңгүнүн сакталышы камсыздалып, мөңгүлөр жайгашкан жерлерди кен казуу максатында мыйзамсыз берүү фактыларына бөгөт коюлду.
Жарандар экологиялык мыйзамдардын бузулушу боюнча Бишкек жана Ош экологиялык прокуратураларына кайрыла алышат.
☎️ Бишкек: +996 312 323 508, +996 555 758 677
☎️ Ош: +996 500 993 330, +996 552 547 647
@kgosho Билип жаша!
33 969
🎼 Жаш музыканттар үчүн эл аралык конкурс: арыздар кабыл алынууда
Кыргызстандык жаш музыканттар “П. И. Чайковскийдин мекенинде” аттуу II эл аралык балдар жана өспүрүмдөр конкурсуна катыша алышат.
📌 Сынакка Кыргызстан, Россия жана башка өлкөлөрдөн 10 жаштан 22 жашка чейинки музыканттар чакырылат.
Конкурс фортепиано, кылдуу аспаптар, жыгач жана жез үйлөмө аспаптар, ошондой эле элдик аспаптар багыттары боюнча өткөрүлөт.
🎻 Катышууну каалагандар 2026-жылдын 15-августуна чейин толтурулган жана кол коюлган арызды электрондук почта аркылуу жөнөтүшү керек.
Арыздар konkurs@operaizh.ru дарегине кабыл алынат.
🎶 Сынактын очный этабы 11–14-октябрь күндөрү Россиянын Ижевск жана Воткинск шаарларында өтөт.
✅ Жол кире катышуучунун эсебинен, ал эми тамак-аш жана жатакана уюштуруучулар тарабынан камсыздалат.
@kgosho Билип жаша!
33 969
🚗 Кыргызстандагы мамлекеттик авто мектеп алгачкы айдоочуларды чыгарды
Кыргызстанда быйыл март айында иштей баштаган мамлекеттик авто мектептин алгачкы бүтүрүүчүлөрү күбөлүк алышты.
📌 Окууну ийгиликтүү аяктаган курсанттарга CE категориясы боюнча кайра даярдоо жана A категориясы боюнча даярдоо программаларынын күбөлүктөрү тапшырылды.
Салтанаттуу иш-чарага президенттин иш башкаруучусу Каныбек Туманбаев катышып, бүтүрүүчүлөрдү куттуктады.
Маалыматка ылайык, CE категориясы боюнча эки айлык кайра даярдоо курсуна 100 курсант кабыл алынган.
Алардын ичинен 57 адам окууну ийгиликтүү аяктаган.
🚦 Мамлекеттик авто мектептер Кыргызстанда айдоочуларды даярдоо системасын реформалоонун алкагында 2026-жылы иштей баштаган.
✅ Бийлик бул кадам окуунун сапатын жогорулатуу, айдоочулук күбөлүк алуудагы коррупциялык схемаларды азайтуу жана жол коопсуздугун күчөтүү үчүн зарыл экенин билдирген.
@kgosho Билип жаша!
33 969
♿ Майыптыгы бар жарандар мамлекеттик кызматка конкурссуз кире алышат
Президент Садыр Жапаров мамлекеттик жана муниципалдык кызмат жөнүндө мыйзамга өзгөртүүлөрдү киргизген документке кол койду.
📌 Мыйзамга ылайык, квалификациялык талаптарга жооп берген майыптыгы бар жарандар мамлекеттик жана муниципалдык кызматка конкурссуз кабыл алынышы мүмкүн.
Алар жеке арызынын негизинде кызматка орношо алышат.
Мындан тышкары, мамлекеттик органдардын жана жергиликтүү өз алдынча башкаруу органдарынын жетекчилери майыптыгы бар адамдарды ишке алуу боюнча квоталарды сактоого милдеттендирилет.
💼 Бош кызмат орундарына дайындоо белгиленген талаптарга жооп берген майыптыгы бар жарандардын кадрдык резервинен жүргүзүлөт.
Талапкерлерди тандоо тартибин ыйгарым укуктуу мамлекеттик орган аныктайт.
✅ Мыйзам расмий жарыялангандан кийин 10 күндөн соң күчүнө кирет.
@kgosho Билип жаша!
33 969
✈️ Кыргызстан Кытай менен Европаны байланыштырган жаңы логистикалык көпүрө болушу мүмкүн
Кытайдын ири логистикалык компаниясы ZTO Express “Кыргызстан аэропорттору” ААКсы менен жаңы эл аралык жүк ташуу багытын ачуу боюнча сүйлөшүү жүргүзүүдө.
📌 Долбоор Кытайдан келген жүктөрдү Кыргызстан аркылуу Европага тез жеткирүүгө багытталган.
Планга ылайык, жүктөр алгач автоунаа менен Кыргызстанга жеткирилип, андан соң “Манас” эл аралык аэропортунда иштетилип, учак менен Европага жөнөтүлөт.
Бул мультимодалдык схема Азия менен Европанын ортосундагы жеткирүү мөөнөтүн кыскартууга мүмкүнчүлүк берет.
📦 Долбоор ишке ашса, жүк ташуучу авиакаттамдардын көлөмү көбөйүп, жаңы транзиттик агымдар тартылып, кошумча жумуш орундар түзүлүшү мүмкүн.
“Кыргызстан аэропорттору” компаниясынын жетекчиси Манасбек Самидинов өлкө жаңы логистикалык хаб болууга умтулуп жатканын белгиледи.
✅ Анын айтымында, ZTO Express сыяктуу ири компаниялардын кызыгуусу Кыргызстандын ишенимдүү өнөктөш жана келечектүү транспорттук борбор катары аброю өсүп жатканын көрсөтөт.
@kgosho Билип жаша!
33 969
💥 Германия прокуратурасы “Түндүк агымын” жардырууга буйрук Киевден берилгенин ачыктады
Германиянын прокуратурасы “Түндүк агымы” жана “Түндүк агымы-2” газ түтүктөрүндөгү жардыруу боюнча Украинаны уюштуруучу тарап катары атады.
📌 DW жазгандай, немис прокуратурасынын версиясы боюнча, 2022-жылдагы диверсияны украиналык Сергей Кузнецов жана анын алты шериги Киевден берилген буйрук менен ишке ашырган.
Маалыматта Кузнецов ал учурда украин армиясынын офицери, ал эми шериктери аскер кызматкерлери болгон деп айтылат.
Прокуратуранын билдирүүсүндө жардыруунун максаты газ жеткирүүнү толук токтотуу жана Россияны газ сатуудан түшкөн кирешеден ажыратуу болгону белгиленген.
⚠️ Негизги шектүү Сергей Кузнецов айыптоолорду четке кагууда.
Ал 2025-жылы Италияда кармалып, кийин Германияга экстрадицияланган.
✅ 1-июлда Германиянын федералдык прокуратурасы ага жарандык энергетикалык инфраструктурага кол салуу боюнча айып такты.
@kgosho Билип жаша!
33 969
♻️ Бишкектеги таштанды заводунда кытайлык адистердин саны көбөйүшү мүмкүн
Кабмин Бишкектеги таштандыны кайра иштетүүчү заводдо иштей турган кытайлык адистердин санын көбөйтүүнү сунуштап жатат.
📌 Тиешелүү токтом долбоору коомдук талкууга коюлду.
Документке ылайык, консулдук жыйымдардан бошотулган Кытай жарандарынын лимити 500дөн 700 адамга чейин көбөйтүлүшү мүмкүн.
Сөз катуу тиричилик калдыктарын кайра иштетип, электр энергиясын өндүрүү боюнча инвестициялык долбоорго тартылган адистер тууралуу болууда.
🏭 Кабминдин маалыматына караганда, Бишкек санитардык полигонундагы экотехнологиялык комплекс 2025-жылдын 1-декабрында ишке берилген.
Бирок ишкананын толук кандуу иштеши үчүн жабдууларды жөндөө, кепилдик тейлөө, сервис, ошондой эле кыргызстандык адистерди окутуу зарыл экени айтылууда.
✅ Долбоордун авторлору инвестор кийин технологияларды жана тажрыйбаны жергиликтүү адистерге этап-этабы менен өткөрүп берүүнү пландап жатканын белгилешти.
@kgosho Билип жаша!
33 969
🎓 Кыргызстанда колледждерге тапшыруу үчүн өтүү баллдары бекитилди
Илим, жогорку билим берүү жана инновациялар министрлиги 2026/2027-окуу жылына колледждерге кабыл алуу үчүн босого баллдарды бекитти.
📌 Көпчүлүк адистиктер боюнча негизги тесттин минималдуу босогосу 90 балл деп белгиленди.
Педагогикалык жана саламаттык сактоо багыттары үчүн гранттык орундарга 95 балл, контракттык окууга 90 балл талап кылынат.
Айыл чарба адистиктери боюнча минималдуу босого 80 балл болот.
📚 Профилдик предметтер боюнча эң төмөнкү босого 40 балл деп аныкталды.
Орто кесиптик билим берүү уюмдарына тапшыруу үчүн жалпы минималдуу босого 70 баллды түзөт.
✅ Эске салсак, 2026-жылдан тарта ОРТ жыйынтыгы ЖОЖдорго гана эмес, 11-класстын базасында колледждерге тапшыруу үчүн да милдеттүү болуп калды. Колледждерге кабыл алуу 6-июлдан башталышы пландалууда.
@kgosho Билип жаша!
33 969
⚖️ “75тин каты” иши боюнча өкүм чыкты: үч фигурант 4 жылга кесилди
Бишкектин Биринчи май райондук соту “75тин каты” боюнча чуулгандуу кылмыш ишине өкүм чыгарды.
📌 Өкүмдү төрагалык кылуучу судья Азирет Медеров ачык жарыялады, бирок соттук териштирүү негизинен жабык режимде өткөн.
Сот Камчыбек Ташиевди, Курманкул Зулушевди жана Нурланбек Тургунбек уулун күнөөлүү деп таап, ар бирин мүлкүн конфискациялоо менен 4 жылга эркинен ажыратты.
Ал эми Бекболот Талгарбеков, Аалы Карашев, Эмилбек Узакбаев, Курсан Асанов жана Курманбек Дыйканбаев күнөөсүз деп табылды.
⚠️ Буга чейин мамлекеттик айыптоочулар бардык фигуранттарга 9 жылдан жаза сураган.
Иш саясатчылар жана коомдук ишмерлердин мөөнөтүнөн мурда президенттик шайлоо өткөрүү тууралуу кайрылуусуна байланыштуу козголгон.
Тергөө “75тин каты” өлкөдөгү кырдаалды туруксуздаштыруу жана бийликти алмаштыруу аракети болгон деп эсептеген.
✅ Айыпталуучулар күнөөнү мойнуна алышкан эмес, адвокаттар өкүмгө даттанабы же жокпу азырынча белгисиз.
@kgosho Билип жаша!
33 969
⚖️ Сотко чейин — медиатордон милдеттүү түрдө өтүү: Кыргызстанда талаштарды кароо тартиби өзгөрүшү мүмкүн
Юстиция министрлиги сотко чейин милдеттүү медиативдик маалыматтык жолугушуу киргизүүнү сунуштап жатат.
📌 Тиешелүү токтом долбоору коомдук талкууга коюлду.
Документке ылайык, айрым жарандык, үй-бүлөлүк, эмгек талаштары жана анча оор эмес кылмыш иштеринде тараптар сотко кайрылардан мурда медиатор менен жолугушууга милдеттүү болот.
Бул жолугушуу медиациянын өзү эмес, болгону эки саатка чейинки түшүндүрүүчү этап болуп саналат.
👥 Медиатор тараптарга маселени тынч жол менен чечүүнүн артыкчылыктарын түшүндүрүп, алардын сүйлөшүүгө даярдыгын баалайт.
Эгер арыз менен кошо мындай жолугушуудан өткөнү тууралуу маалымкат берилбесе, сот арызды 30 күнгө чейин кыймылсыз калтырып, кийин кайтарышы мүмкүн.
📲 Тараптарды чакыруу “Түндүк” порталы, кат, WhatsApp, Telegram жана телефон чалуу аркылуу жүргүзүлөт.
✅ Айрым жарандар үчүн кызмат акы төлөнүүчү болот, ал эми мамлекет кепилдеген юридикалык жардам алууга укуктуулардын чыгымын бюджет жабат.
@kgosho Билип жаша!
33 969
🌐 ТИМ Кыргызстандын бардык госоргандарынын тышкы саясатын координациялайт
Президент Садыр Жапаров 29-июнда мамлекеттик органдардын тышкы саясаттагы өз ара аракеттенүүсү боюнча жарлыкка кол койду.
📌 Документке ылайык, Тышкы иштер министрлиги Кыргызстандын тышкы саясий багытын координациялаган жалгыз ыйгарым укуктуу орган болуп белгиленди.
Эми бардык министрликтер, ведомстволор, жергиликтүү администрациялар жана өз алдынча башкаруу органдары чет өлкөлөр жана эл аралык уюмдар менен байланышкан демилгелерин ТИМ менен макулдашууга милдеттүү.
Мамлекеттик органдардын жетекчилери эл аралык ишмердүүлүктүн негизги багыттарын жыл сайын ТИМ менен макулдашып, эл аралык келишимдердин аткарылышы боюнча квартал сайын отчет берип турушат.
🗣 Тышкы саясат боюнча расмий билдирүүлөрдү президент, Кабмин төрагасы, тышкы иштер министри жана алар ыйгарым укук берген адамдар гана жасай алат.
Уруксатсыз тышкы саясий билдирүү же расмий позицияга каршы аракет үчүн жетекчилер жеке жоопкерчилик тартат.
✅ Жарлык расмий жарыялангандан кийин 10 күндөн соң күчүнө кирет.
@kgosho Билип жаша!
33 969
Кыргызстандык окуучулар Россиядагы физика олимпиадасында 4 медаль жеңди
Кыргызстандык мектеп окуучулары Россияда өткөн ISPhO 2026 физика олимпиадасында 1 күмүш жана 3 коло медаль жеңип алышты.
Олимпиада 21–30-июнь күндөрү Москва физика-техникалык институтунда өттү. Ага 30 өлкөдөн 148 күчтүү окуучу катышкан.
Кыргызстандын атынан 10 окуучу жана 4 жетекчиден турган курама команда барган.
Күмүш медаль:
Айтегин Эмилбеков — «Газпром Кыргызстан» мектебинин 11-классынын окуучусу.
Коло медалдар:
Темирхан Салиев — «Газпром Кыргызстан» мектебинин 11-классынын окуучусу;
Умар Туташбаев — «Газпром Кыргызстан» мектебинин 10-классынын окуучусу;
Ахмед Абылаев — «Сейтек-СТЕМ» мектебинин 11-классынын окуучусу.
Мындан тышкары, кыргызстандык окуучулар үч ардак грамотага ээ болушту.
Улуттук кураманы Салижан Кылычбеков, Андрей Сидоренко, Чынтемир Сабыров жана Эмир Анаралы уулу даярдаган.
@kgosho Билип жаша!
33 969
АКШ менен Ирандын делегациялары Али Хаменеи жерге берилгенден кийин сүйлөшүүгө отурат
АКШ жана Иран өкүлдөрүнүн кезектеги кыйыр сүйлөшүүлөрү Ирандын жогорку лидери Али Хаменеини акыркы сапарга узатуу зыйнаты аяктагандан кийин өтөт.
Катар ТИМинин расмий өкүлү Мажид аль-Ансаринин билдиришинче, Катар жана Пакистан ортомчулары Дохада АКШ жана Иран өкүлдөрү менен өз-өзүнчө жолугушууларды өткөргөн. Ал сүйлөшүү процессинде оң жылыш бар экенин белгиледи.
Буга чейин Иран делегациясы Дохада Катар жана Пакистан өкүлдөрү менен Тегеран менен Вашингтон кол койгон меморандумдун пункттарын ишке ашыруу боюнча эки жолугушуу өткөргөнү кабарланган.
Ирандын тышкы иштер министринин орун басары Казем Гарибабади Жакынкы Чыгыштагы коопсуздук АКШнын аймактан кетиши, мамлекеттердин суверенитетин урматтоо жана жаңы геосаясий реалдуулуктарды кабыл алуу аркылуу камсыздаларын билдирди.
Ал эми АКШнын Борбордук командачылыгынын башчысы, адмирал Брэд Купер Бахрейнде Жакынкы Чыгыштагы 12 өлкөнүн коргоо ведомстволорунун өкүлдөрү менен жолугуп, аймактык коопсуздук маселелерин талкуулаган.
Али Хаменеи менен коштошуу зыйнаты 4–9-июль күндөрү Ирандын ар кайсы аймактарында өтөт. Аны жерге берүү зыйнаты 9-июлда Мешхед шаарында болот.
@kgosho Билип жаша!
33 969
🌳 Садыр Жапаров Караколдогу жаңыланган Пушкин паркын көрдү
Президент Садыр Жапаров 1-июлда Ысык-Көл облусуна болгон иш сапарынын алкагында Каракол шаарындагы А. С. Пушкин атындагы парктын реконструкциясы менен таанышты.
📌 Мамлекет башчысына парктын жалпы аянты 7,5 гектар экени маалымдалды.
Реконструкциянын алкагында административдик имарат, амфитеатр, дөңгөлөк аттракциону жана америкалык тоолор сыяктуу 8 заманбап аттракцион орнотулган.
Ошондой эле каскаддык жана кургак фонтандар, балдар аянтчасы, скейт-парк, жөө жүргүнчүлөр жолдору, унаа токтотуучу жайлар, автоматтык сугаруу жана жарыктандыруу системалары курулган.
🏗️ Президентке мындан тышкары Караколдо ишке ашып жаткан бир катар инфраструктуралык долбоорлор да көрсөтүлдү.
Алардын арасында ЖЭБ куруу, 22 чакырым шаардык жолду оңдоо, тарых музейин реставрациялоо, көп функциялуу спорт комплексин жана Сатылганов атындагы мектеп-интернаттын кошумча корпусун куруу долбоорлору бар.
🎭 Ошондой эле жалпы аянты 14,8 миң чарчы метрден ашкан Конгресс-холлдун башкы планы тааныштырылды.
✅ Садыр Жапаров Караколдун шаардык инфраструктурасын комплекстүү өнүктүрүү жана заманбап коомдук жайларды түзүү маанилүү экенин белгиледи.
@kgosho Билип жаша!
33 969
🛢️ ОПЕК+ өлкөлөрү августта мунай өндүрүүнү көбөйтүшү мүмкүн
ОПЕК+ уюмуна кирген жети өлкө август айында мунай өндүрүүнүн көлөмүн көбөйтүүнү пландап жатат.
📌 Бул тууралуу Reuters агенттиги жазды.
Маалыматка караганда, өлкөлөр мунай казып алуу квотасын суткасына 188 миң баррелге көбөйтүүнү кайрадан макулдашы мүмкүн.
Ушундай эле чечимди Россия, Сауд Арабиясы, Ирак, Кувейт, Казакстан, Алжир жана Оман акыркы эки айда да кабыл алган.
Бул кадам Бириккен Араб Эмираттарынын ОПЕКтен чыгуу тууралуу билдирүүсүнөн кийин жасалууда.
⛽ ОПЕК+ мүчөлөрүнүн жакынкы жолугушуусу 5-июлда өтөт.
✅ Жети өлкө мунай өндүрүүнүн көлөмүн өз ара координациялап жаткан мамлекеттер тобу катары каралууда.
@kgosho Билип жаша!
33 969
🛂 Кыргызстан Global Passport Index рейтингинде 78-орунду ээледи.
📌 Бул рейтинг паспортторду үч негизги көрсөткүч боюнча баалайт: мобилдүүлүк, инвестициялык жагымдуулук жана жашоо сапаты.
Маалыматка ылайык, Кыргызстандын жарандары алдын ала виза албай же визаны барганда алып, 60 өлкөгө бара алышат.
Инвестиция жагынан Кыргызстан өз категориясында туруктуу шарттарды сунуштаган өлкө катары белгиленген.
⚠️ Ал эми жашоо сапаты боюнча медицина жана инфраструктуранын деңгээли негизги чектөөчү факторлор катары көрсөтүлгөн.
Борбор Азияда эң жогорку орунду Казакстан ээледи — 62-орун. Андан кийин Кыргызстан, Өзбекстан, Тажикстан жана Түркмөнстан жайгашты.
✅ Рейтингдин алдыңкы үчтүгүнө Сингапур, Япония жана Түштүк Корея кирди.
@kgosho Билип жаша!
33 969
🧳 Кыргызстанда туристтерди милдеттүү камсыздандыруу сунушталууда
Экономика жана коммерция министрлиги туроператорлордун жарандык жоопкерчилигин милдеттүү камсыздандырууну киргизүүнү сунуштап жатат.
📌 Тиешелүү токтом долбоору коомдук талкууга коюлду.
Документке ылайык, туроператорлор туристтер үчүн камсыздандыруу келишимин түзүүгө милдеттүү болот.
Инициаторлордун айтымында, бул издөө-куткаруу жана жабыркагандарды эвакуациялоо чыгымдарын азайтууга жардам берет, анткени учурда мындай иштерге көбүнчө мамлекет каражат жумшайт.
💰 Сунушталган лимиттер боюнча салттуу туризм үчүн камсыздандыруу жоопкерчилиги 3 млн сом, ал эми экстремалдык туризм үчүн 5 млн сом болушу мүмкүн.
Алдын ала эсеп боюнча, бир турист үчүн камсыздандыруу күнүнө 400–500 сом, ал эми бүт тур үчүн 3 миңден 10 миң сомго чейин чыгышы мүмкүн.
🏔️ Экстремалдык туризмде камсыздандыруу келишими кеминде үч суткалык издөө-куткаруу иштеринин чыгымдарын жабышы керек.
✅ Камсыздандыруу келишими жок туроператорлор мамлекеттик реестрден чыгарылып, ишмердүүлүгүнө тыюу салынышы мүмкүн.
@kgosho Билип жаша!
