OSHO

💰 Кыргызстанда салыктан тышкаркы бюджеттик кирешелер өсүүдө Кыргызстандын бюджетине түшкөн салыктан тышкаркы кирешелер 2025-жылы 88 млрд сомго өсүп, жалпы 189,5 млрд сомду түздү. 📈 Финансы министрлигинин маалыматына ылайык, алардын ИДПдагы үлүшү бир жыл ичинде 6,4%дан 9,6%га жогорулаган. 💵 Салыктан тышкаркы кирешелердин негизги булактары: • мамлекеттик акциялардан түшкөн дивиденддер; • Улуттук банктын бюджетке которгон пайдасы; • мамлекеттик акы төлөнүүчү кызматтар; • ар кандай жыйымдар жана төлөмдөр; • башка салыктан тышкаркы түшүүлөр. 📊 Орто мөөнөттүү прогноз боюнча, 2027-жылы бюджетке 149,2 млрд сом салыктан тышкаркы киреше түшөт деп күтүлүүдө. Ал эми 2031-жылга карата бул көрсөткүч 189,9 млрд сомго жетиши мүмкүн. @kgosho Билип жаша!

🚨 Кыргызстанда аялдардын кылмыштуулугу 22%га өстү Кыргызстанда 2026-жылдын январь–июль айларында укук коргоо органдары 13 490 укук бузуучуну аныктады. Бул өткөн жылдын ушул мезгилине салыштырмалуу 11,4% көп. 👩 Аялдар арасындагы кылмыштуулук кыйла тездик менен өскөн. Мыйзам бузган аялдардын саны 22%га көбөйүп, 1 899 адамга жетти. Алар жалпы көрсөткүчтүн 14,1%ын түзөт. 👨 Эркек укук бузуучулардын саны 9,8%га өсүп, 11 591 адамды түзгөн. 📊 Жаш курак боюнча: • 29 жаштан жогоркулар — 8 428 адам (+13,1%); • 18–24 жаштагылар — 3 003 адам (+31,7%). ⚠️ Укук бузгандардын дээрлик үчтөн экиси — 8 727 адам (64,7%) — кармалган учурда иштеген да, окуган да эмес. 👦 Өспүрүмдөр арасындагы кылмыштуулук 40,1%га азайган. Жети айда жашы жете электер тарабынан 572 кылмыш жасалган. Алардын 75,9%ы мыйзамды биринчи жолу бузган. 👧 Ошол эле учурда 7 айда кылмыштан 832 бала жабыркаган. Алардын 37си каза болуп, 181и денесинен жаракат алган. 👩‍🦰 Аялдарга каршы 7 129 кылмыш катталган. Жабыркаган аялдардын көбү алдамчылыкка (45,7%) жана уурулукка (26,4%) туш болгон. 👴 Улгайган адамдарга карата 1 262 кылмыш жасалган. Алардын жарымынан көбү — алдамчылык (51,3%). 📍 Аялдарга жана балдарга каршы кылмыштардын эң көп бөлүгү Бишкекте катталган. @kgosho Билип жаша!

🏕️ В Кырчыне ачыла турган «Евразия» боз үйү конокторду интерактивдүү программага чакырат АНО «Евразия» VI Дүйнөлүк көчмөндөр оюндарынын расмий өнөктөшү болду. 🏡 Өнөктөштүктүн алкагында Кырчын капчыгайындагы «Көчмөндөр ааламы» этношаарчасынын ичинде «Евразия» боз үйү иштейт. Бул жерде коноктор жөн гана көрүүчү болбостон, ар кандай программаларга өздөрү да катыша алышат. 🎯 Программада: • улуттук оюндар; • мастер-класстар; • маданият жана салт-санаа боюнча презентациялар; • интерактивдүү иш-чаралар; • атайын программалар уюштурулат. 🌍 Быйыл Кырчын капчыгайында 500гө жакын боз үй тигилип, этношаарча күнүнө 100 миңге чейин конокту кабыл ала алат. 🏹 Ошондой эле бул жерде улуттук спорттун түрлөрү, жаа атуу, ордо, салбуруну, ат оюндары, этно ырлар жана акындардын айтышы боюнча мелдештер өтөт. 📅 VI Дүйнөлүк көчмөндөр оюндары 31-августтан 6-сентябрга чейин Кыргызстанда өтөт. Негизги маданий-этнографиялык программа Ысык-Көл облусунда, анын ичинде Кырчын капчыгайында уюштурулат. @kgosho Билип жаша!

👨‍👩‍👧 «Үй-бүлөгө көмөк» жөлөкпулун алуу тартиби 1-сентябрдан өзгөрөт Кыргызстанда балдары бар аз камсыз болгон үй-бүлөлөргө берилүүчү «үй-бүлөгө көмөк» ай сайынкы жөлөкпулун дайындоо эрежелерине өзгөртүүлөр киргизилди. 📅 Жаңы тартип 2026-жылдын 1-сентябрынан күчүнө кирет. 💰 1. Кепилденген минималдуу киреше көбөйөт Жөлөкпул алууга укукту аныктоодо колдонулган көрсөткүч 1 000 сомдон 1 500 сомго чейин жогорулатылат. 🏠 2. Үй-бүлөнүн мүлкү да эске алынат Жөлөкпулга муктаждыкты аныктоодо кошумча критерийлер киргизилет: 🚗 Унаа боюнча: Мурда 20 жылга чейинки унаасы бар үй-бүлөлөр эсепке алынбаса, эми бул чектөө 15 жылга түшүрүлөт. Башкача айтканда, 15 жылдан эски унаасы бар үй-бүлөлөр жөлөкпул алуу мүмкүнчүлүгүнө ээ боло алышат. 🏡 Экинчи турак жай: Эки же андан көп турак жайы бар үй-бүлөлөр потенциалдуу алуучулардын катарынан чыгарылат. Себеби экинчи турак жайды ижарага берип, кошумча киреше алууга болот деп эсептелет. 🌾 Жер тилкеси: Айыл жерлериндеги жер жана короо-жай тилкелеринен түшүүчү кирешени эсептөө нормативдери жаңыланат. Алар административдик-аймактык реформаны, айылдардагы реалдуу бааларды жана айыл чарба продукциясын өндүрүүгө кеткен чыгымдарды эске алуу менен аныкталат. 📌 Өзгөртүүлөрдүн негизги максаты — муктаж үй-бүлөлөрдү кеңири камтуу жана социалдык жардамды даректүү кылуу. @kgosho Билип жаша!

🇰🇿 Казакстанга кирүүнүн жаңы эрежелери: кыргызстандыктар азырынча эркин бара алышат Казакстанда чет өлкөлүктөр үчүн жаңы санариптик миграциялык механизмдер киргизиле баштады. Алардын бири — өлкөгө кирүүгө алдын ала уруксат алуу системасы QazETA. 📱 QazETA аркылуу чет өлкөлүк жарандар үчүн миграциялык кызматтарды бирдиктүү санариптик система аркылуу көрсөтүү пландалууда. Системаны 2026-жылдын август–декабрь айларында этап-этабы менен киргизүү каралган. 🇰🇬 Кыргызстандыктар үчүн азырынча өзгөрүү жок. Кыргызстандын Тышкы иштер министрлиги билдиргендей, КР жарандарына Казакстанга баруу үчүн алдын ала электрондук уруксат талап кылынбайт. 🤝 Бул маселе Жогорку Кеңештин депутаты Улукбек Карыбек уулу менен Кыргызстандын Алматыдагы башкы консулу Жеңишбек Асанкуловдун жолугушуусунда да талкууланды. 📌 Депутат ЕАЭБдин алкагындагы миграциялык нормаларды жана эки өлкөнүн учурдагы келишимдерин талдап, кыргызстандыктарга Казакстанга кирүү жана ал жерде болуу эрежелериндеги өзгөрүүлөр тууралуу өз убагында маалымат берип турууну сунуштады. ⚠️ Жыйынтык: азыркы учурда кыргызстандыктар Казакстанга кирүүдө QazETA аркылуу алдын ала уруксат алышпайт. Жаңы система этап-этабы менен киргизилип жатат. @kgosho Билип жаша!

⛽ Күйүүчү май импортуна берилген субсидиялар жыл аягына чейин узартылды Кыргызстандын Министрлер кабинети күйүүчү-майлоочу майларды импорттоону субсидиялоо механизмин 2026-жылдын 31-декабрына чейин узартты. 📌 Субсидияны эсептөө үчүн белгиленген баалар: • ⛽️ АИ-92 бензини — $960 / тонна • 🛢️ Дизель майы — $1 050 / тонна • 🚗 Суюлтулган газ — $650 / тонна ❗️ Бирок маанилүү өзгөрүү бар: мындан ары субсидия АИ-92 бензинине гана берилет. Буга чейин АИ-95 да камтылган. 💰 Субсидия импорттолгон күйүүчү майдын белгиленген баасы менен иш жүзүндөгү келишимдик наркынын, анын ичинде ташуу чыгымдарынын айырмасынын негизинде эсептелет. 🇷🇺 Кыргызстан керектүү күйүүчү майдын болжол менен 95%ын Орусиядан импорттойт. Буга чейин жеткирүүдөгү көйгөйлөрдөн улам бензин жана дизель майы кымбаттап, айрым май куюучу жайларда АИ-95 жана дизель тартыштыгы жаралган. 📅 Жаңы чечим 2026-жылдын 1-августунан тартып күчүнө кирет. @kgosho Билип жаша!

🇰🇬 Кыргызстандын калкы 7,46 миллионго жетти Кыргызстандын туруктуу калкы 2026-жылдын биринчи жарымында 56,5 миң адамга көбөйүп, 1-июлга карата 7 млн 461 миң адамды түздү. 📈 Калктын өсүшүнүн негизги себеби — табигый өсүш. Алты айда өлкөдө 50 миң 304 адамга көбөйүү катталган. 👶 Январь–июнь айларында Кыргызстанда 66 272 наристе төрөлгөн. Бул өткөн жылдын ушул мезгилине салыштырмалуу 0,6% көп. 🕊️ Ошол эле учурда 6 айда 15 968 адам каза болгон. 📍 Табигый өсүштүн эң жогорку көрсөткүчү: • Баткен облусунда — 18,2 адам / 1 миң калкка; • Ош облусунда — 16,8; • Жалал-Абад облусунда — 16,1. 🏙️ Эң төмөн көрсөткүч Бишкекте — 7,6. 📊 Калктын санынын өсүү темпи боюнча Бишкек жана Ош шаарлары алдыда. Бишкекте калк 1,1% өсүп, 1 млн 373 миңге, Ошто 490,3 миңге жетти. @kgosho Билип жаша!

📈 Кыргызстандын бюджетинин профицити 2030-жылы 103 млрд сомдон ашышы мүмкүн Кыргызстандын бийлиги 2027–2031-жылдары мамлекеттик бюджетте профицит болот деп болжолдоодо. 💰 Финансы министрлигинин эсебине ылайык: • 2027-жыл — 32,4 млрд сом • 2028-жыл — өсүү уланат • 2030-жыл — эң жогорку көрсөткүч, 103,6 млрд сом • 2031-жыл — 99,2 млрд сом 📊 2027-жылы бюджеттин кирешеси 789,5 млрд сом, чыгашасы 758,7 млрд сом болот деп күтүлүүдө. Ал эми 2031-жылга карата: 💵 киреше — 1,15 трлн сом 💸 чыгаша — 1,05 трлн сом 🧾 Бюджеттин негизги киреше булагы болуп салыктар кала берет. Салыктык түшүүлөр 2027-жылы 628,2 млрд сомдон 2031-жылы 954,2 млрд сомго чейин көбөйүшү күтүлүүдө. 🏗️ Капиталдык чыгымдарга 2027-жылы 122,1 млрд сом каралмакчы. 💡 Өкмөт профициттен түшкөн каражаттарды экономиканы өнүктүрүүгө, мамлекеттик үлүшү бар компаниялардын уставдык капиталын көбөйтүүгө жана бюджеттик кредиттерди берүүгө багыттоону пландап жатат. Ошондой эле каражаттын бир бөлүгү мамлекеттик карызды төлөөгө жумшалат. @kgosho Билип жаша!

🇰🇿 Казакстандын жаңы Курултайындагы 145 мандат кандай бөлүштүрүлдү? Казакстандын Борбордук шайлоо комиссиясы Курултайга өткөн шайлоонун жыйынтыгын бекитип, 145 мандатты беш партияга бөлүштүрдү. 🏆 «Әділет» партиясы 71,17% добуш алып, 110 мандатка ээ болду. 📊 Калган мандаттар: • «Ауыл» — 6,26% → 10 мандат • Respublica — 5,56% → 9 мандат • «Ак жол» — 5,21% → 8 мандат • ОСДП — 5,11% → 8 мандат ❌ Калган партиялар 5%дык босогодон өтө алган жок: • Казакстандын Элдик партиясы — 3,11% • «Байтақ» — 1,07% • «Баарына каршы» — 2,51% 📌 Жыйынтык: жаңы 145 орундуу бир палаталуу парламентте «Әділет» партиясы басымдуу көпчүлүктү — 110 мандатты алды. @kgosho Билип жаша!

💰 Кыргызстанда 15 салык жеңилдиги 2031-жылга чейин сакталат Кыргызстанда натыйжалуулугу үчүнчү этапта бааланган 15 салыктык жеңилдиктин мөөнөтү 2031-жылдын 1-январына чейин узартылат. 📊 2025-жылы берилген салык жеңилдиктеринин жалпы көлөмү 70 млрд сомго жеткен. 2024-жылы бул көрсөткүч 64,1 млрд сом болгон. Демек, бир жылда жеңилдиктердин көлөмү 5,9 млрд сомго же 9,2%га өскөн. 📌 Сакталуучу жеңилдиктердин арасында: 🔹 коммерциялык эмес уюмдардын айрым кирешелерин пайда салыгынан бошотуу; 🔹 ата мекендик жана чет элдик уюмдардан алынган дивиденддерге жеңилдик; 🔹 кайрымдуулук уюмдарын пайда салыгынан бошотуу; 🔹 айрым операцияларга жана товарларга КНСтен бошотуу; 🔹 эл аралык авиация үчүн реактивдүү отунга КНС колдонбоо; 🔹 ата мекендик чийки заттан айыл чарба продукциясын кайра иштеткен ишканалар үчүн КНСти 80%га азайтуу; 🔹 социалдык тармакта, билим берүүдө, медицинада, илимде, маданиятта жана спортто иштеген коммерциялык эмес уюмдарга салыктык жеңилдиктер. ⚡️ Мындан тышкары, жеңилдиктер энергияны үнөмдөөчү жабдууларды, медициналык кызматтарды, айыл чарба продукциясын кайра иштетүүнү жана эл аралык авиацияны колдоого багытталган. 📌 Кыргызстанда салык жеңилдиктеринин натыйжалуулугу мезгил-мезгили менен бааланып, аларды мындан ары сактоо зарылдыгы аныкталат. @kgosho Билип жаша!

⛽️ Акылбек Жапаров: күйүүчү майдын көйгөйү нанга да таасир этиши мүмкүн Экс-министрлер кабинетинин төрагасы Акылбек Жапаров Кыргызстанда күйүүчү май маселеси бааларга тез таасир этиши мүмкүн экенин билдирди. 🥖 Анын айтымында, бир бөлкө наннын өздүк наркынын болжол менен 27%ын күйүүчү-майлоочу майларга кеткен чыгым түзөт. 🌾 Өзгөчө азыр, түшүм жыйноо маалында, өкмөт күйүүчү май маселесин тез арада чечиши керек деп эсептейт. 🏭 Бул үчүн Жапаров: • «Джунда» НПЗсын; • «Кыргыз Петролеум Компани» заводун модернизациялоону аяктоону; • заводдорду Орусия, Казакстан, Иран жана Кытайдан чийки зат менен камсыздоону сунуштады. 📈 Ошондой эле инфляцияны 10%дан төмөн деңгээлде кармоо зарыл экенин белгиледи. Болбосо баалардын өсүшү калкка олуттуу оорчулук жаратышы мүмкүн. @kgosho Билип жаша!

🏅 Спортсмендер үчүн Кыргызстанда жаңы жеңилдиктер киргизилиши мүмкүн Жогорку Кеңештин депутаттары кесипкөй спортчуларга байланыштуу бир катар жаңы чараларды сунушташты. 📌 Мыйзам долбоорунда төмөнкү өзгөртүүлөр каралган: 🛡️ Милдеттүү камсыздандыруу Кыргызстандын улуттук курама командасынын спортчулары машыгуу жана расмий мелдештер учурунда өмүрү жана ден соолугу боюнча милдеттүү түрдө камсыздандырылат. Чыгымдар республикалык бюджеттен жана мыйзамда уруксат берилген башка булактардан каржыланат. 🎖️ Спортчулар үчүн өзгөчө аскердик бөлүктөр Улуттук курама команданын спортчуларына машыгуу жана мелдештерин үзгүлтүккө учуратпоо үчүн спорттук роталарда аскердик кызмат өтөө мүмкүнчүлүгү түзүлөт. 💰 Олимпиада байгелери үчүн мамлекеттик стипендия Олимпиада оюндарында 1–5-орундарды ээлеген спортчуларга мамлекеттик стипендия төрт жылга — бир олимпиадалык циклге дайындалат. ⚠️ Бирок стипендияны алуу үчүн антидопинг талаптарын сактоо шарт. Спортчу допинг эрежесин бузса, кылмыш жасаса же жарандыгын өзгөртсө, төлөм токтотулат. 👨‍🏫 Машыктыруучулар да колдоого алынат Олимпиада чемпиондорун жана байге ээлерин даярдаган биринчи жана жеке машыктыруучулар үчүн да социалдык колдоо каралууда. 📊 Кыргызстанда спортчуларга буга чейин да стипендия төлөнүп келген. Депутаттар мурда анын көлөмүн көбөйтүүнү сунуштап, азыркы эң жогорку төлөм 60 миң сом экенин белгилешкен. @kgosho Билип жаша!

🇨🇦🇺🇸 Соода согушу күчөдү: Канада АКШнын товарларына жооп иретинде бажы төлөмдөрүн киргизди Канада АКШдан импорттолгон товарларга жалпы көлөмү болжол менен $20 млрд болгон жооп иретиндеги бажы төлөмдөрүн киргизди. 📦 Тизмеге болот, сүт азыктары, тиричилик техникасы, айыл чарба жабдуулары менен катар күнүмдүк керектелүүчү товарлар — деңиз азыктары, сыр, кийим-кече, косметика жана даараткана кагазы да кирди. 💰 Айрым товарларга тариф 50%га чейин жетет. 🇨🇦 Канаданын каржы министри Франсуа-Филипп Шампань өлкө бул жаңжалды өзү баштабаганын айтып, экономикалык интеграция «өз ара пайдалуу өнөктөштүктүн негизи эмес, курал катары колдонулганда» Канада жооп кайтарууга аргасыз экенин билдирди. 🛒 Өнөр жай министри Мелани Жоли канадалыктарды жергиликтүү өндүрүштөгү товарларды көбүрөөк сатып алууга чакырды. Анын айтымында, бул жумуш орундарын сактоого жардам берет. ⚔️ Канаданын жообу АКШ президенти Дональд Трамптын администрациясы канадалык товарларга 50%дык тариф киргизгенден кийин болду. Бул чечим соода сүйлөшүүлөрү ийгиликсиз аяктагандан кийин кабыл алынган. 📉 Эки өлкөнүн тирешүүсү дүйнөдөгү эң ири соода мамилелеринин бирине коркунуч жаратып, америкалык компаниялар менен керектөөчүлөрдүн чыгымдарын көбөйтүү коркунучун жаратууда. @kgosho Билип жаша!

🐄 Ар бир мал эсепке алынат: Кыргызстанда малды идентификациялоо системасы өзгөртүлөт Кыргызстанда малды идентификациялоо, каттоо жана эсепке алуу системасын жаңылоо сунушталууда. Тиешелүү мыйзам долбоору коомдук талкууга чыгарылды. 📌 Өзгөртүүлөр мамлекеттик органдардын, ветеринардык мекемелердин, жергиликтүү бийликтин жана мал ээлеринин укук-милдеттерин тактоону карайт. 🎯 Негизги максат — малдын эсебин так жүргүзүү жана маалыматтарды жаңыртып туруу. Ошондой эле идентификацияланган малдардын бирдиктүү мамлекеттик реестриндеги маалыматтарды толук жана ишенимдүү кылуу пландалууда. 🇰🇬🇰🇿🇷🇺🇧🇾🇦🇲 Өзгөртүүлөр ЕАЭБдин алкагындагы процесстерге да байланыштуу. Биримдикке кирген өлкөлөр айыл чарба жаныбарларын жана жаныбарлардан алынган продукцияны идентификациялоо, каттоо жана көзөмөлдөө боюнча бирдиктүү ыкмаларды түзүп жатышат. 💻 Келечекте ЕАЭБ өлкөлөрүнүн улуттук маалымат системалары электрондук форматта маалымат алмаша алышы мүмкүн. 🐑 Мыйзам кабыл алынса, идентификацияланган мал тууралуу маалыматтарды киргизүү жана жаңыртуу боюнча так эрежелер белгиленип, мал ээлеринин жоопкерчилиги жана милдеттери да такталат. 🔎 Мындан тышкары, малды жана ветеринардык документтерди санариптик көзөмөлдөө системасын өнүктүрүүгө укуктук шарт түзүлөт. 🇪🇺 Авторлордун пикиринде, өзгөртүүлөр Кыргызстандагы малдын эсебин ачык-айкын жүргүзүүгө жана улуттук системаны ЕАЭБдин башка өлкөлөрүнүн маалыматтык системалары менен интеграциялоого даярдоого мүмкүндүк берет. @kgosho Билип жаша!

🏙️ Бишкекте бир катар көчөлөрдүн аталышы өзгөртүлүүдө: толук тизме Бишкекте административдик-аймактык реформадан кийин аталыштары кайталанган көчөлөрдү бирдиктүү аталышка бириктирүү иштери аяктап жатат. 📌 Тиешелүү чечимди Бишкек шаардык кеңеши 2026-жылдын 31-майында кабыл алган. 🔹 Өзгөртүлгөн көчөлөрдүн негизги тизмеси: • Михаил Фрунзе көчөсү (Новопавловка), Дэн Сяопин, Чүй жана Шабдан Баатыр проспектилери → Чүй проспекти; • 7-Апрель жана Курманжан Датка көчөлөрү → Курманжан Датка көчөсү; • Жайыл Баатыр көчөсү, Абсамат Масалиев жана Аалы Токомбаев проспектилери, Кайыков көчөсү → Аалы Токомбаев проспекти; • Анварбек Чортеков жана Кривоносов көчөлөрү → Абсамат Масалиев көчөсү; • Лев Толстой, Путепроводная жана Сары-Өзөн көчөлөрү → Шабдан Баатыр көчөсү; • Чыңгыз Айтматов проспекти жана Манас көчөсү → Чыңгыз Айтматов проспекти; • Жаш Гвардия бульвары жана Махатма Ганди көчөсү → Иманалы Айдарбеков көчөсү; • Селекционная жана Муромская көчөлөрү → Махатма Ганди көчөсү; • Юлиус Фучик көчөсү жана Васильевский тракты → Манас көчөсү; • Жибек Жолу жана Жеңиш проспектилери → Жибек Жолу проспекти; • Максим Горький жана Анкара көчөлөрү → Анкара көчөсү; • Чалагыз Иманкулов жана Карыбек Тыналиев көчөлөрү → Карыбек Тыналиев көчөсү; • Байтик Баатыр, Жусуп Абдрахманов, Абдынасыр Элебесов жана Борбордук көчөлөр → Жусуп Абдрахманов көчөсү; • Береговая, Окраинная, Көк-Сай, К. Курманалиев жана Набережная көчөлөрү → Дэн Сяопин көчөсү. 🏠 Азырынча техникалык иштер жүрүп жатат. Жер ресурстары, кадастр, геодезия жана картография боюнча мамлекеттик агенттиктин Бишкек филиалы дарек номерлерин жаңы аталыштарга ылайык өзгөртүп жатат. 🚏 Андан кийин мэрия жаңы көчө белгилерин орнотуп, коммуналдык кызматтардын жана коомдук транспорттун маалыматтарын жаңыртат. 🗺️ Ошондой эле жаңыртылган даректер 2ГИС жана «Яндекс Карты» картографиялык сервистерине жөнөтүлүп, алардын базаларындагы маалыматтар да өзгөртүлөт. @kgosho Билип жаша!

🇰🇿 Казакстанда электросамокат менен тротуарда жүрүүгө тыюу салынды 🛴🚫 Казакстанда 25-августтан тарта электросамокаттар менен тротуарларда жана жөө жүргүнчүлөр өтүүчү жолдордо жүрүүгө тыюу салынды. Бул тууралуу өлкөнүн Башкы прокуратурасы билдирди. 🚲 Эми электросамокат айдагандар велосипед жолдору же веложол тилкелери менен жүрүшү керек. Эгер алар жок болсо, жолдун оң четинен же жол жээгинен жүрүүгө уруксат берилет. 👤 Унаа жүрүүчү жолго 18 жаштан улуу, айдоочулук күбөлүгү бар адамдар гана чыга алат. Алар коргоочу каска кийүүгө, ал эми караңгы убакта жарык чагылдыруучу элементтерди колдонууга милдеттүү. 🚶‍♀️ Жөө адамдар өтүүчү өтмөктөн жолду кесип өтүүдө самокаттан түшүп, аны жанына жетелеп өтүү керек. 🚫 Ошондой эле жүргүнчү ташууга жана рулду кармабай туруп телефон колдонууга тыюу салынат. 💰 Тротуарда самокат айдаган адамга 2 айлык эсептик көрсөткүч өлчөмүндө — 8 650 теңге (болжол менен 1 650 сом) айып пул салынат. 📊 Казакстандын Башкы прокуратурасынын маалыматына караганда, жыл башынан бери электросамокат айдоочуларынын күнөөсү менен 47 жол кырсыгы катталган. Мындан тышкары, самокат айдагандарды сүзүп кеткен 145 учур катталган. @kgosho Билип жаша!

⛽️ Мамлекет күйүүчү май импорттоочуларга баадагы айырманы компенсациялоону улантат Кыргызстанда бензиндин чекене баасын туруктуу кармап туруу үчүн мунайзаттарын импорттогон компанияларга 956,1 млн сом субсидия берилди. Бул тууралуу Министрлер кабинетинин төрагасы Адылбек Касымалиев билдирди. 💰 Каражат күйүүчү майдын иш жүзүндөгү баасы менен чекене сатуу баасынын ортосундагы айырманы жабууга багытталган. Мунайзаттын түрүнө жараша айырма литрине болжол менен 20–40 сомду түзөт. 📌 Касымалиевдин айтымында, субсидия берүү — калкты жана экономиканы мамлекеттик колдоонун чараларынын бири. Күйүүчү майдын кымбатташы жарандардын жашоо деңгээлине терс таасирин тийгизбеши керек. 🏪 Субсидиялар өз убагында берилсе, компаниялардын май куюучу жайлары аймактарда толук көлөмдө жана чектөөсүз иштеши керектиги белгиленди. 📊 Жыйындын катышуучуларына: • күйүүчү майдын үзгүлтүксүз жеткирилишин камсыз кылуу; • рынокко мониторингди күчөтүү; • импорттоочу компаниялар менен ишти жакшыртуу; • күйүүчү май жеткирүү боюнча жаңы келишимдерди түзүү; • импорттун кошумча механизмдерин издөө; • мамлекеттик чек арадагы логистикалык маселелерди чечүү тапшырылды. 🏭 Мындан тышкары, Кыргызстандагы мунай иштетүүчү заводду модернизациялоону белгиленген мөөнөттө аяктоо жана ички рынокту күйүүчү май менен камсыз кылуу боюнча зарыл чараларды өз убагында көрүү тапшырылды. @kgosho Билип жаша!

🇰🇬 Кабмин мамлекеттик жерлер чет элдик инвесторлорго кандай берилерин аныктады Министрлер кабинети улуттук инвестициялык долбоорлорду жана мамлекеттик маанидеги долбоорлорду ишке ашыруу үчүн мамлекеттик жер тилкелерин ажыратуу тартибине өзгөртүүлөрдү киргизди. Тиешелүү токтомго Министрлер кабинетинин төрагасы Адылбек Касымалиев 24-августта кол койгон. 🏠 Документке ылайык, мындай жер тилкелери Кыргызстандын жеке жана юридикалык жактарына менчикке, ал эми чет элдик жарандарга жана юридикалык жактарга убактылуу пайдаланууга гана берилет. 🔨 Жерди убактылуу пайдалануу укугу аукциондун жыйынтыгы боюнча берилет. Жеңүүчүнүн кепилдик төгүмү жер тилкеси үчүн төлөмдүн эсебине чегерилет. 📄 Соода аяктагандан кийин баланс кармоочу жеңүүчү менен тиешелүү келишим түзөт. Анда төлөмдүн өлчөмү, аны төлөө тартиби жана шарттары көрсөтүлөт. ⚖️ Эгер жерди сатып алуучу же пайдалануучу аныкталган мыйзам бузууларды 30 календардык күндүн ичинде жойбосо, баланс кармоочу сотко кайрылат. Соттон келишимди бузуу, жер тилкесин мамлекеттик менчикке кайтаруу, ошондой эле мамлекет тарткан чыгымдарды жана алынбай калган кирешени өндүрүү талап кылынышы мүмкүн. 📅 Токтом 10 күндөн кийин күчүнө кирет. @kgosho Билип жаша!

🇰🇬 Кыргызстанда Көчмөндөр оюндарына карата «Тайган жарыш» аттуу күмүш тыйын чыгарылды 🐕🥈 🏅 Улуттук банк 25-августтан тарта «Тайган жарыш» коллекциялык күмүш тыйынын жүгүртүүгө чыгарды. Тыйындын чыгарылышы VI Дүйнөлүк көчмөндөр оюндарына арналган. 🐕 Тыйындын бетинде кыргыздын тоолорунун фонунда жарышка катышкан үч тайгандын сүрөтү түшүрүлгөн. Ошондой эле Көчмөндөр оюндарынын эмблемасы, улуттук оймо-чийме, номиналы, сынамы жана салмагы көрсөтүлгөн. 🔄 Арткы бетинде Кыргызстандын герби, тайгандын башынын сүрөтү, «Дүйнөлүк көчмөндөр оюндары / World Nomad Games» деген жазуу жана чыгарылган жылы жайгашкан. 💰 Номиналы — 10 сом. 🪙 Сатуу баасы — 8 900 сом. ✨ Күмүштүн сынамы — 925 ⚖️ Салмагы — 28,28 грамм 📦 Нускасы — 1 000 даана 🎁 Ар бир тыйын акрил капсулага салынып, өзүнчө кутуга таңгакталган. Ага сапат сертификаты да кошо берилет. 🏦 Тыйынды Улуттук банктын мекемелериндеги кассалардан иш күндөрү саат 09:00дөн 14:00гө чейин сатып алууга болот. 🇰🇬 Тыйын Кыргызстандын аймагында расмий төлөм каражаты статусуна ээ. @kgosho Билип жаша!

📢 «Газпром Кыргызстан» 1-сентябрда Бишкектеги филиалдарынын иш тартибин өзгөртөт 🏢 Бишкектеги «Газпром Кыргызстан» компаниясынын калкты тейлөө борборлору 1-сентябрда иштебейт. 📌 Компаниянын маалыматына ылайык, иш графигинин өзгөрүшү Шанхай кызматташтык уюмунун саммитине байланыштуу. 🌍 Ал эми аймактардагы филиалдар жарандарды кадимки тартипте кабыл алууну улантат. 📱 Керектүү кызматтарды аралыктан да алууга болот. Бул үчүн «Мой газ» мобилдик тиркемесин же компаниянын сайтындагы жеке кабинетти колдонсоңуз болот. @kgosho Билип жаша!