OSHO

👷‍♂️ Кыргызстанда эмгек миграциясына квота 120 миң адамга чейин көбөйтүлдү Кыргызстан 2027-жылы чет өлкөдөн иштөө үчүн келе турган эмгек мигранттарына квотаны 120 миң адамга чейин көбөйттү. 📈 Акыркы жылдары квота бир нече эсеге өстү: 🔹 2025-жыл — 25 миңден 42 миңге көбөйтүлгөн 🔹 2026-жыл — 52 миңден 100 миңге көбөйтүлгөн 🔹 2027-жыл — 120 миң адам 🌍 Кыргызстанда иштөөгө квота сураган өлкөлөрдүн арасында Кытай, Индия, Түркия, Пакистан жана башка мамлекеттер бар. ❗️Квота өлкөлөрдүн ортосунда кандай бөлүштүрүлгөнү жана кайсы тармактарда чет элдик жумушчуларга суроо-талап жогору экени азырынча айтылган жок. 📌 2025-жылдан тарта эмгек квоталарын бөлүштүрүү иши Тышкы иштер министрлигине өткөрүлгөн. @kgosho Билип жаша!

🔴PLINKO чоң утуштар🔴 👉Түймөнү бас, катталып, акчаны ал 💸Сени MOSTKG26 промокоду боюнча 445 FS жана 100 000 СОМ чейин бонус күтүп турат 🔥🔥🔥🔥🔥 жеңүү оңой. Азыр байкап көрүңүз! 🔜ОЙНОО🔙

📚 Жаштар арасында Чыңгыз Айтматовдун чыгармачылыгына арналган эссе сынагы өтөт 🇰🇬 Илим, жогорку билим берүү жана инновациялар министрлиги менен Интеллектуалдык менчиктин мамлекеттик фонду жаштар арасында Чыңгыз Айтматовдун чыгармачылыгына арналган республикалык эссе сынагын жарыялады. 👥 Сынакка 15 жаштан 35 жашка чейинкилердин баары катыша алат. 📝 Эссе үчүн темалар: 🔹 «Айтматовдун чыгармаларындагы гуманизм философиясы» 🔹 «Айтматовду окуганда…» 🔹 «Айтматовдун чыгармаларындагы илим жана техника» 🔹 «Жазуучунун чыгармачылыгындагы экологиялык көйгөйлөрдүн актуалдуулугу» 🔹 «Айтматовдун чыгармаларындагы балдардын образдары» 📄 Эссенин көлөмү 4 беттен ашпашы керек. ⏰ Эмгектерди 2026-жылдын 23-октябрына чейин тапшыруу зарыл. 🏆 Жеңүүчүлөргө дипломдор жана баалуу белектер тапшырылат. @kgosho Билип жаша!

🌙 Кыргызстанда балдардын түнкүсүн антикафе жана антикинотеатрларга баруусун чектөө сунушталды Кыргызстанда балдардын ата-энесиз же мыйзамдуу өкүлдөрүсүз түнкүсүн антикафе жана антикинотеатрларда болушуна чектөө киргизүү сунушталууда. 📌 Тиешелүү мыйзам долбоорун Эмгек, социалдык камсыздоо жана миграция министрлиги коомдук талкууга чыгарды. ⚠️ Министрликтин маалыматына караганда, мындай жайлардын айрымдары 24 саат иштеп, ичинде жабык жана ичинен кулпуланган бөлмөлөрү бар. Демилгечилер бул балдардын коопсуздугуна, анын ичинде сексуалдык кол тийбестигине, ошондой эле алкоголдук ичимдиктерди, тамеки жана баңгизаттарды колдонуу коркунучуна алып келиши мүмкүн экенин белгилешет. 🕙 Документте өспүрүмдөрдүн антикафе жана антикинотеатрларда 22:00–23:00дөн кийин чоңдордун көзөмөлүсүз көпкө чейин жүргөн учурлары айтылат. 📋 Ошондуктан бул жайларды балдардын түнкү убакта болушуна чектөө коюлган объектилердин тизмесине өзүнчө киргизүү сунушталууда. ⚖️ Мыйзам кабыл алынса, Министрлер кабинети тиешелүү нормативдик актыларды жаңы талаптарга ылайыкташтырышы керек болот. @kgosho Билип жаша!

💰 Иранга каршы согуш АКШ бюджетине $38 млрд чыгым алып келди — Конгресс АКШнын Конгрессинин Бюджет башкармалыгынын жаңы маалыматына ылайык, 1-августка карата Иранга каршы аскердик операцияларга Пентагон болжол менен $38 млрд короткон. 📉 Эгер согуштун азыркыдай төмөн интенсивдүүлүгү сакталса, АКШ үчүн ар бир кийинки ай болжол менен $2 млрд, ал эми кагылышуулар күчөсө $3 млрдга чейин чыгым алып келиши мүмкүн. 🪖 Чыгымдар ок-дары жана техниканы толуктоого, авиациянын көбүрөөк колдонулушуна, кошумча операцияларга жана күйүүчү майга кеткен каражаттарды камтыйт. 💵 Буга чейин АКШ администрациясы Иран менен согушка кошумча $87,6 млрд сураган. ⚠️ БУУ жана башка эл аралык уюмдар үчүн эмес, бул жерде сөз АКШнын Коргоо министрлигинин аскердик чыгымдары тууралуу болуп жатат. @kgosho Билип жаша!

🪪 Кыргызстандыктарга төрт түрк өлкөсүнө ID-карта менен баруу жеңилдеши мүмкүн 🇰🇬🇰🇿🇺🇿🇦🇿🇹🇷 Кыргызстандын, Казакстандын, Өзбекстандын, Азербайжандын жана Түркиянын жарандарына бул өлкөлөрдүн ортосунда чет элдик паспортсуз, ID-карта менен саякаттоого мүмкүнчүлүк түзүлүшү мүмкүн. Бул тууралуу Түрк мамлекеттер уюмунун (ТМУ) башкы катчысы Кубанычбек Өмүралиев билдирди. 📌 Учурда мындай тартип Азербайжан менен Түркиянын ортосунда гана иштейт. Эми аны калган үч өлкөгө да жайылтуу боюнча даярдык жүрүп жатат. 🗣️ Өмүралиевдин айтымында, маселе күн тартибинде турат жана тиешелүү иштер мүмкүн болушунча кыска мөөнөттө бүткөрүлүшү пландалууда. ⏳ Бирок жаңы тартиптин так качан ишке кирери азырынча айтылган жок. 🌍 Түрк мамлекеттер уюму 2009-жылы түзүлгөн. Ага Кыргызстан, Казакстан, Өзбекстан, Азербайжан жана Түркия кирет. @kgosho Билип жаша!

🇷🇺 Кыргызстанда Мамлекеттик Думага шайлоо үчүн 4 участок ачылат Россиянын Кыргызстандагы жарандары 20-сентябрда Мамлекеттик Думанын IX чакырылышына шайлоого катыша алышат. 🗳️ Кыргызстанда 4 шайлоо участкасы иштейт. Алар саат 08:00дөн 20:00гө чейин, тыныгуусуз иштейт: 📍 Бишкек — Россиянын элчилигинде 📍 Ош — Башкы консулдукта 📍 Кант — №20022 аскер бөлүгүндө 📍 Каракол — №87366 аскер бөлүгүндө 🪪 Добуш берүү үчүн жарактуу Россия жаранынын паспорту керек. Айдоочулук күбөлүк, студенттик билет жана башка сүрөтү бар документтер кабыл алынбайт. 🔎 Бюллетень берилер алдында шайлоочу буга чейин добуш берген-бербегени «Стоп-дубль» системасы аркылуу текшерилет. ⚠️ Бишкектеги №8159 участокто жеке текшерүү жүргүзүлөт. Чоң сумка, рюкзак жана кооптуу буюмдарды алып кирүүгө болбойт. Телефон, планшет жана фото-видео жабдууларын колдонууга тыюу салынат. 🚫 Шайлоо күнү үгүт иштерине тыюу салынат. Саясий ураандар же символдор түшүрүлгөн кийимдеги жана буюмдары бар адамдар участокко киргизилбейт. 🤝 Россиянын элчиси Сергей Вакунов шайлоочулардын активдүүлүгү жогору болорун күтүп жатканын билдирди. Кыргыз тарап шайлоону уюштурууга көмөк көрсөтүп, кабиналар, маалымат такталары жана башка жабдууларды берген. @kgosho Билип жаша!

📈 Кыргызстанда Россияга каршы санкциялардын фонунда экономикалык бум байкалууда — NYT Кыргызстандын экономикасы 2025-жылдын жыйынтыгы боюнча 11% өсүп, өлкөдө экономикалык өсүш күчөгөнүн The New York Times басылмасы жазды. 🚛 Азия өнүктүрүү банкынын маалыматтарына таянган басылманын маалыматына караганда, өсүштүн олуттуу бөлүгүнө Батыштын санкцияларынан улам Россияга товарларды кайра экспорттоо таасир эткен. 📦 Акыркы төрт жылда реэкспорт Кыргызстандын экономикалык өсүшүнүн 30–40%ын камсыздаган. Кыргызстан аркылуу Россияга автоунаалар, электроника жана жабдуулар, анын ичинде кош багытта колдонулушу мүмкүн болгон товарлар жеткирилгени айтылат. 💰 Өсүшкө алтындын кымбатташы, каржы жана криптовалюта секторлорунун өнүгүшү, ошондой эле мамлекеттин курулушка жумшаган чыгымдары да салым кошкон. 🏗️ Бишкекте экономикалык жандануу масштабдуу курулуштар менен коштолууда: жолдор, аэропорттор жана башка инфраструктуралык объектилер жаңыланууда. ⚠️ Бирок айрым ишкерлер бул өсүш түбөлүккө созулбай турганын эскертишет. Өкмөт болсо экономикалык өсүштү реэкспорт менен гана байланыштырбайт. Премьер-министр Адылбек Касымалиев салык жана бажы төлөмдөрү көбөйгөнүн, ал эми негизги капиталга мамлекеттик инвестициялар 2021-жылдан бери 16 эсеге өскөнүн белгилеген. 🌍 Ошол эле учурда Кыргызстан Батыш өлкөлөрүнүн басымына туш болууда. Россияга товар жеткирүүгө байланыштуу жергиликтүү компанияларга санкциялар киргизилип жатканы айтылат. 2025-жылы Евробиримдиктен Кыргызстанга экспорт болжол менен $2,5 млрд болуп, 2021-жылга салыштырмалуу 8 эсеге өскөн. @kgosho Билип жаша!

🦠 Эболанын очогу: Конгодо 3,5 миң адам каза болду Демократиялык Конго Республикасында (ДКР) Эбола вирусунун жайылышы дагы деле күчтүү бойдон калууда. 📍 Өлкөнүн 7 провинциясында 7,2 миңге жакын учур катталып, алардын 3,5 миңи өлүм менен аяктаган. 🌍 БУУ жана Дүйнөлүк саламаттык сактоо уюму (ДСУ) эл аралык коомчулукту Конгого жардамды күчөтүп, эпидемияны көзөмөлгө алууга чакырды. ⚠️ Айрым аймактарда абал турукташып жатканы менен, өзгөчө Түндүк Кивуда ооругандардын саны өсүүдө. Медиктердин ишин инфраструктуранын жетишсиздиги жана аларга жасалган кол салуулар да татаалдаштырууда. 💰 Негизги көйгөйлөрдүн бири — каржылоонун жетишсиздиги. Эбола менен күрөшүүгө жана кеңири гуманитардык жардам көрсөтүүгө кошумча каражат керек. Азырынча гуманитардык операциянын бюджети 49% гана каржыланган. 🚨 БУУ жана ДСУ эпидемиянын алгачкы белгилери басаңдаса да, чараларды бошоңдотууга болбой турганын эскертти. Маалыматтар боюнча, бул ДКР тарыхындагы эң ири Эбола очогу болуп жатат. @kgosho Билип жаша!

🌿 «Эко» жана «био» деген негизсиз белгилер үчүн айып пул салынышы мүмкүн Кыргызстанда органикалык эмес продукцияга «органикалык», «экологиялык», «биологиялык», «эко», «био» деген белгилерди негизсиз колдонгондорго айып пул салуу сунушталууда. 📌 Тиешелүү мыйзам долбоору коомдук талкууга чыгарылды. 💰 Сунушталган айып пул: 👤 Жеке жактарга — 3 миң сом 🏢 Юридикалык жактарга — 15 миң сом Ошондой эле сертификатталган органикалык азыктарды туура эмес жайгаштыруу же сатуу үчүн да ушундай эле айып пул каралууда. Аларды дүкөндөрдө жайгаштыруу жана сатуу тартибин Министрлер кабинети аныктайт. 🛒 Демилгечинин пикиринде, өзгөртүү керектөөчүлөргө чыныгы сертификатталган органикалык продукцияны кадимки товардан айырмалоого жардам берип, кардарларды адаштырууга жол бербейт. ⚖️ Мыйзам кабыл алынса, айып пулдар расмий жарыялангандан 6 ай өткөндөн кийин күчүнө кириши сунушталууда. @kgosho Билип жаша!

💻 Жогорку Кеңеште кагаз документтерден баш тартуу сунушталды Жогорку Кеңешке депутаттык кайрылууларды, түзөтүүлөрдү, билдирүүлөрдү жана башка документтерди кагаз нускасыз, электрондук форматта тапшырууга мүмкүндүк берген мыйзам долбоору киргизилди. 📲 Долбоорго ылайык, кагаз жана электрондук документтер бирдей юридикалык күчкө ээ болот. Электрондук документтер электрондук цифралык кол тамга менен бекитилет. Өзгөртүү спикерликке талапкерлерди көрсөтүү, парламент жетекчилигинин жана комитеттердин кызматтан кетүү тууралуу арыздары, мыйзам долбоорлоруна сунуштар жана парламенттик иликтөө жүргүзүү демилгелерине да тиешелүү. 🔐 Кызматтык пайдалануудагы жана мамлекеттик сырларды камтыган документтер үчүн өзүнчө тартип сакталат. 📑 Ошондой эле биринчи окуудан өткөн, мазмуну окшош мыйзам долбоорлорун бириктирүүгө уруксат берүү сунушталууда. Бирок акыркы чечимди Жогорку Кеңеш добуш берүү аркылуу кабыл алат. 💰 Демилгечилердин айтымында, өзгөртүү кагаз, басып чыгаруу, жеткирүү жана документтерди сактоо чыгымдарын азайтып, алардын парламенттеги өтүшүн тездетет. Республикалык бюджеттен кошумча каражат талап кылынбайт. @kgosho Билип жаша!

📚 Мектептерде китеп жетишпейт, базарда болсо эркин сатылып жатат — депутат Жогорку Кеңештин депутаты Дастан Бекешев «Дордой» базарынан сатууга тыюу салынган мамлекеттик окуу китептерин эркин сатылып жаткан жеринен тапканын билдирди. 📕 Ал 3-класс үчүн математика китебин 650 сомго сатып алган. Китеп «Учкун» мамлекеттик басмаканасынан чыгарылып, сыртында «Сатууга болбойт» деген жазуу бар. ❗️Бекешевдин айтымында, мектептерде жаңы китептер жетишсиз болуп, ата-энелер китеп сатып алууга аргасыз болуп жаткан учурда мамлекеттик каражатка басылган окуу китептеринин базарда сатылышы боюнча суроолор жаралууда. 💰 Билим берүү министрлиги жаңы китептер этап-этабы менен чыгарылып жатканын билдирди. 2025-жылы окуу китептерин басып чыгарууга 900 млн сомго жакын, 2026-жылы 1 млрд 350 млн сом бөлүү пландалган. Министрлик мамлекеттик мектептер үчүн арналган китептердин базарларда, дүкөндөрдө жана интернетте сатылган учурларын ырастап, Башкы прокуратурага, УКМКга жана ИИМге чара көрүү үчүн расмий кайрылган. ⚠️ Министрлик жарандарды жана ишкерлерди мамлекеттик окуу китептерин мыйзамсыз сатпоого жана таратууга ортомчу болбоого чакырды. @kgosho Билип жаша!

📈 Кыргызстандын экономикасы 11% өстү — Кабмин башчысы Министрлер кабинетинин төрагасы Адылбек Касымалиев өлкөнүн январь–август айларындагы экономикалык жыйынтыктарын билдирди. 🇰🇬 ВВП 1 трлн 397 млрд сомго жетип, экономикалык өсүш 11%ды түздү. 📊 Негизги көрсөткүчтөр: 🔹 Негизги капиталга инвестиция — +61,2% 🔹 Курулуш — +61% 🔹 Өнөр жай — +8,8% 🔹 Айыл чарбасы — +6,4% 🏗️ Эгемендүүлүк күнүнө карата өлкө боюнча 105 социалдык объект пайдаланууга берилсе, 60 жаңы өнөр жай ишканасы ишке киргизилди. Касымалиев өсүштүн сандык көрсөткүчтөрү менен гана чектелбестен, жаңы жумуш орундарын түзүүгө жана жарандардын жашоо деңгээлин жакшыртууга басым жасоо керектигин белгиледи. 🏥 Жыйында ошондой эле бөйрөктүн өнөкөт ооруларын алдын алуу, аныктоо жана дарылоо боюнча 2026–2030-жылдарга мамлекеттик программа жактырылды. Аймактарды өнүктүрүү программасына да өзгөртүүлөр киргизилди. Негизги максат — аймактарды тең салмактуу өнүктүрүү, жеринде жумуш орундарын түзүү жана калктын жашоо шартын жакшыртуу. @kgosho Билип жаша!

🛣️ Кыргызстанда 1 чакырым жол куруунун баасы айтылды Кыргызстанда төрт тилкелүү жолдун 1 чакырымы 1,3–1,8 млн доллар, ал эми эки тилкелүү жол 800 миңден 1 млн долларга чейин турат. Бул тууралуу Транспорт жана коммуникациялар министринин орун басары Бактылуу Аскар уулу Жогорку Кеңештин тиешелүү комитетинин жыйынында билдирди. 💰 Жолдун баасы анын категориясына, кайсы аймакка курулуп жатканына жана жердин шарттарына жараша өзгөрөт. 🏙️ Шаарларда жол куруу кымбатыраак болот. Себеби коммуникациялар көп. Ал эми сугат системасы жана тротуарлары менен кошо курулган эки тилкелүү жолдун 1 чакырымы болжол менен 1,3 млн долларга чыгышы мүмкүн. @kgosho Билип жаша!

🌍 Кыргызстан эл аралык уюмдарга 3,1 млрд сом төлөйт 🇰🇬 Министрлер кабинети 2026-жылы Кыргызстан мүчөлүк жана үлүштүк төлөмдөрдү жүргүзө турган эл аралык уюмдардын жаңыртылган тизмесин бекитти. 💰 Жалпы каралган каражат — 3 млрд 107,1 млн сом. Эң чоң төлөмдөр: • 🇹🇷 Түрк инвестициялык фондуна — 1 млрд 901,6 млн сом; • 🌐 Эл аралык финансы корпорациясына — 325,3 млн сом; • 🇪🇺 ЕАЭБге — 278,7 млн сом; • 🌏 Кавказ, Борбор Азия жана Монголия үчүн потенциалды өнүктүрүү боюнча аймактык борборго — 174,9 млн сом. 📌 Тиешелүү чечим 9-сентябрда кабыл алынган. @kgosho Билип жаша!

🏥 Молдовановка айылында ГСИНге караштуу психиатриялык оорукана куруу сунушталды Министрлер кабинети соттун чечими менен мажбурлап медициналык дарылоо чаралары колдонулган адамдар үчүн өзүнчө психиатриялык оорукана курууну сунуштады. 📍 Мекеме үчүн жер Чүй облусунун Молдовановка айылынан тандалган. Бул маселе Жогорку Кеңештин тиешелүү комитетинин жыйынында каралды. 🛏️ Ооруканада 200 орун болот. Учурда республикалык эки психиатриялык ооруканада мындай категориядагы 165 адам кармалууда. 👨‍⚕️ Долбоордо эркектер жана аялдар үчүн өзүнчө корпустар, ошондой эле жашы жете электер үчүн өзүнчө корпус каралган. 📌 Мыйзам долбоору жаза аткаруу жана саламаттык сактоо тармагындагы айрым мыйзамдарга өзгөртүү киргизүүнү көздөйт. @kgosho Билип жаша!

♿️ Кыргызстанда мүмкүнчүлүгү чектелген адамдар үчүн 2 социалдык ишкана ачылат Кыргызстанда мүмкүнчүлүгү чектелген адамдарды кесипке үйрөтүп, жумуш менен камсыз кылуу үчүн эки социалдык ишкана ишке киргизилет. 🤝 Бул боюнча Эмгек, социалдык камсыздоо жана миграция министрлиги Германиянын DVV International уюмунун Кыргызстандагы өкүлчүлүгү жана Билим берүүнү өнүктүрүү ассоциациясы менен үч тараптуу меморандум түздү. 👩‍💼 Социалдык ишканаларда жарандар кесиптик көндүмдөрдү өздөштүрүп, иш жүзүндө колдонуп, киреше табууга мүмкүнчүлүк алышат. 📊 Быйыл министрликке мүмкүнчүлүгү чектелген 1 054 адам жардам сурап кайрылган. Алардын ичинен: • 💼 120 адам жумушка орношкон; • 🎓 93 адам кесиптик курстарга жөнөтүлгөн; • 💵 254 адам акы төлөнүүчү коомдук иштерге тартылган; • 🏪 183 адам мамлекет менен социалдык келишим түзүп, өз ишин баштоого мүмкүнчүлүк алган. @kgosho Билип жаша!

🇬🇧 Шотландия, Уэльс жана Түндүк Ирландия Британиядан чыгуу укугу боюнча меморандумга кол коюшту Шотландия, Уэльс жана Түндүк Ирландиянын лидерлери Улуу Британиянын курамынан чыгуу укугу боюнча биргелешкен меморандумга кол коюшту. 📜 Документке ылайык, үч аймак Англиядан бөлүнүү боюнча референдум өткөрүү маселесин биргелешип көтөрүүнү көздөйт. 🔹 Негизги талаптар: • 🗳️ өз тагдырын өзү аныктоо укугу; • 💷 күчтүү жана адилеттүү экономика; • 🇪🇺 Европа биримдиги менен байланышты бекемдөө; • 🌱 кайра жаралуучу энергия жаатындагы кызматташтык. 🏴 Шотландия 2031-жылга чейин көз карандысыздык боюнча референдум өткөрүүнү каалайт. ☘️ Түндүк Ирландия, Ирландия Республикасы менен биригүү маселесин көтөрүүнү көздөйт. 🏴 Уэльс болсо өзүнүн ыйгарым укуктарын кеңейтүүнү талап кылууда. ⚠️ Британиянын премьер-министринин кеңсеси өлкөнүн бөлүнүшү идеясын колдобой турганын билдирип, экономикалык көйгөйлөрдү реформалар аркылуу чечүүгө чакырды. @kgosho Билип жаша!

🏫 Ошто биринчи класстын окуучуларынын 73%ы орус тилин тандады Ош шаарында быйыл 10 миңден ашык бала 1-класска кабыл алынды. Алардын 73%ы орус тилдүү класстарда билим алууну тандаган. 🇰🇬 Кыргыз тилдүү класстар үчүн 4 330 орун бөлүнүп, анын 2 790у толгон. 🇷🇺 Орус тилдүү класстарда 7 866 орун каралып, анын 7 613ү ээленди. 📊 Ош шаардык мэриясынын маалыматына караганда, 1-класска кабыл алынган балдардын саны дагы өзгөрүшү мүмкүн. @kgosho Билип жаша!

🥩 Кыргызстанда эттин баасын төмөндөтүү үчүн эт интервенциясы жүргүзүлөт 🇰🇬 Министрлер кабинети этти ортомчуларсыз түз сатуу аркылуу анын баасын төмөндөтүүнү пландап жатат. Бул тууралуу Министрлер кабинетинин төрагасынын биринчи орун басары Эрлист Акунбеков билдирди. 🐄 Агрохолдингдин алдында мал чарбачылыгы түзүлүп, учурда анда 600 баш мал бар. Максат — малдын санын 10 миң башка чейин көбөйтүү жана керектүү жайларды куруу. 🛒 Алгачкы этапта этти социалдык баада сатуу үчүн фудкарлар ачылган. Эми экинчи этапта өндүрүүчүдөн керектөөчүгө чейинки чынжырдагы ортомчулардын санын азайтуу каралууда. 💬 Акунбековдун айтымында, малдын базардагы баасы анча жогору эмес, бирок даяр эттин баасы кымбат. Ошондуктан өкмөт ортомчулардын ролун кыскартууну көздөп жатат. 📉 Долбоор ишке ашса, этти түздөн-түз рынокко чыгарып, бааны кармап турууга жана калкка жеткиликтүү баада сатууга шарт түзүлөт. @kgosho Билип жаша!