Adpi.uz | Rasmiy kanal

Rahbar va yoshlar ishtirokida ochiq muloqot o‘tkazildi Andijon davlat pedagogika institutida “Payshanba — yoshlar kuni” doirasida rektor B.M. Rasulov boshchiligida yoshlar bilan ochiq muloqot tashkil etildi. Uchrashuvda mustaqillik yillarida mamlakatimizda amalga oshirilgan islohotlar, erishilgan yutuqlar hamda yoshlar uchun yaratilgan keng imkoniyatlar haqida fikr almashildi. Ta’lim olish, kasb egallash, ilmiy izlanish olib borish, iste’dod va tashabbuslarni ro‘yobga chiqarish uchun yaratilgan shart-sharoitlarga alohida to‘xtalib o‘tildi. Muloqot davomida yoshlarning jamiyat hayotidagi faolligini oshirish, ularning bilim va salohiyatini rivojlantirish, mustaqillikning mazmun-mohiyatini chuqur anglash hamda yurt taraqqiyotiga daxldorlik hissini kuchaytirish masalalari muhokama qilindi. Shuningdek, yoshlar o‘zlarini qiziqtirgan masalalar yuzasidan fikr va takliflarini bildirib, rektor bilan bevosita muloqot qildilar. Ularning tashabbus va takliflari tinglanib, bildirilgan masalalar yuzasidan tegishli fikrlar bildirildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

#Mustaqillik35 Mustaqillikning 35 yilligi: yangi imkoniyatlar va yutuqlar  Mustaqillikning 35 yilligi — mamlakatimiz taraqqiyot yo‘lida erishilgan yutuqlar, amalga oshirilgan islohotlar va xalqimiz uchun yaratilgan yangi imkoniyatlarga nazar tashlash uchun muhim fursat. Andijon davlat pedagogika instituti o‘quv ishlari bo‘yicha prorektori Muxtarov O‘tkirjon Mutalibjonovich bilan suhbatda mustaqillik yillarida ta’lim va ilm-fan sohasida yaratilgan imkoniyatlar, falsafa fanining rivoji, ilmiy izlanishlar uchun yaratilayotgan shart-sharoitlar hamda erishilgan yutuqlar haqida so‘z yuritildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

#Mustaqillik35 Mustaqillikning 35 yilligi: ta’lim va pedagogika sohasidagi yangilanishlar 🇺🇿 Mustaqillikning 35 yilligi — mamlakatimizda amalga oshirilgan keng ko‘lamli islohotlar, erishilgan yutuqlar va taraqqiyot yo‘liga nazar tashlash uchun muhim fursat. Pedagogika fanlari doktori, professor Azizbek Egamberdiyev bilan suhbatda mustaqillik yillarida ta’lim tizimida amalga oshirilgan islohotlar, pedagogika fanining rivoji, zamonaviy ta’lim yondashuvlarining shakllanishi hamda pedagog kadrlar tayyorlash borasida erishilgan natijalar haqida so‘z yuritildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

🟩🟩🟩🟩🟩🟩🟩🟩🟩🟩 Institut xodimlari o‘rtasida kitobxonlik madaniyatini oshirishga qaratilgan tadbir o‘tkazildi Andijon davlat pedagogika institutida xodimlar o‘rtasida kitobxonlik madaniyatini rivojlantirish, mutolaa orqali bilim va dunyoqarashni kengaytirish hamda tarixiy asarlarni chuqurroq o‘rganishga qiziqishni oshirish maqsadida navbatdagi ma’rifiy tadbir tashkil etildi. Tadbir davomida institutning “Kitob burchagi” maydonida mustaqillik tarixiga oid asarlar mutolaa qilinib, ular asosida fikr almashildi. Suhbatda mamlakatimizning mustaqillikka erishish yo‘lidagi tarixiy jarayonlari, xalqimizning ozodlik va istiqlol uchun olib borgan kurashi, ushbu davrni yorituvchi asarlarning mazmuni va tarixiy ahamiyati haqida mulohazalar bildirildi. Shuningdek, mutolaa qilingan asarlarda aks etgan voqea va jarayonlarning bugungi kun bilan bog‘liq jihatlari muhokama qilinib, tarixiy xotirani asrash, milliy qadriyatlarni anglash va yosh avlodga yetkazishda kitobning o‘rni haqida fikrlar ilgari surildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

ANDIJON DAVLAT PEDAGOGIKA INSTITUTIDA YOSHLAR YETAKCHISI FAOLIYATI TANQIDIY-TAHLILIY O‘RGANILDI O‘zbekiston Respublikasi Prezidentining 2026-yil 10-apreldagi “Oliy ta’lim, fan va innovatsiyalar tizimini takomillashtirishning qo‘shimcha chora-tadbirlari to‘g‘risida”gi PF–58-son Farmonida belgilangan vazifalar ijrosini ta’minlash maqsadida Andijon davlat pedagogika institutida Yoshlar ittifoqi boshlang‘ich tashkiloti Yoshlar yetakchisi va yo‘nalish koordinatorlari faoliyati tanqidiy-tahliliy o‘rganildi. O‘rganish davomida Yoshlar yetakchisi hamda koordinatorlar tomonidan amalga oshirilayotgan ishlarning tizimliligi, natijadorligi va talabalar manfaatlariga yo‘naltirilganligi, shuningdek, ularning tashkiliy va liderlik salohiyati, loyiha boshqaruvi hamda kommunikatsiya ko‘nikmalariga alohida e’tibor qaratildi. Shuningdek, institut talaba-yoshlarining bo‘sh vaqtini mazmunli tashkil etish, ularning intellektual va ijodiy salohiyatini rivojlantirish, ijtimoiy faolligini oshirish, tashabbuslarini qo‘llab-quvvatlash bo‘yicha amalga oshirilayotgan loyiha va tadbirlarning samaradorligi atroflicha tahlil qilindi. Talabalar tomonidan bildirilayotgan taklif va tashabbuslarni o‘rganish, mavjud muammolarni aniqlash, murojaatlar bilan ishlash, faol yoshlarni aniqlash va ularni institut miqyosidagi loyihalarga jalb etish borasida yo‘lga qo‘yilgan tizimga ham alohida e’tibor qaratildi. O‘rganish doirasida boshlang‘ich tashkilotning institut rahbariyati, fakultetlar, tyutorlar, tegishli bo‘lim va markazlar hamda hamkor tashkilotlar bilan o‘zaro hamkorligi, shuningdek, yoshlar bilan ishlash uchun yaratilgan moddiy-texnik sharoit va imkoniyatlar ham ko‘rib chiqildi. O‘rganish yakunlari bo‘yicha Yoshlar yetakchisi va koordinatorlar faoliyati samaradorligini yanada oshirish, mavjud muammo va kamchiliklarni bartaraf etish, talaba-yoshlarning tashabbuslarini keng qo‘llab-quvvatlash, ularning institut hayotidagi ishtirokini kuchaytirish hamda aniq natijaga yo‘naltirilgan yangi loyiha va tashabbuslar ko‘lamini kengaytirish yuzasidan tegishli taklif va tavsiyalar belgilab olindi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

INSTITUTDA YANGI O‘QUV YILIGA TAYYORGARLIK ISHLARI VAZIRLIK MAS’UL XODIMI TOMONIDAN O‘RGANILDI Andijon davlat pedagogika institutida Oliy ta’lim, fan va innovatsiyalar vazirligining 2026-yil 21-avgustdagi 356-sonli buyrug‘i ijrosini ta’minlash maqsadida 2026/2027-o‘quv yiliga tayyorgarlik jarayonlari hamda talabalarni turar joy bilan ta’minlash borasida amalga oshirilayotgan ishlar o‘rganildi. O‘rganish doirasida Oliy ta’lim, fan va innovatsiyalar vazirligining mas’ul xodimi A. Mahmudov Andijon davlat pedagogika institutida bo‘lib, yangi o‘quv yilini munosib kutib olish bo‘yicha olib borilayotgan tayyorgarlik ishlari bilan yaqindan tanishdi. Xususan, institutning o‘quv binolari va auditoriyalarining yangi o‘quv yiliga tayyorlik holati, talabalar turar joylaridagi mavjud shart-sharoitlar, talabalarning yashashi va ta’lim olishi uchun yaratilgan qulayliklar, shuningdek, ularni turar joy bilan ta’minlash bo‘yicha amalga oshirilayotgan chora-tadbirlar joyiga chiqqan holda ko‘zdan kechirildi. Shuningdek, talabalar turar joylarining sanitariya holati, xonalarning jihozlanganligi, xavfsizlik talablariga rioya etilishi hamda yangi o‘quv yilida talabalarni joylashtirish jarayonlarini tizimli tashkil etish masalalariga alohida e’tibor qaratildi. Monitoring davomida amalga oshirilgan ishlar atroflicha tahlil qilinib, mavjud imkoniyatlardan samarali foydalanish, aniqlangan kamchiliklarni o‘z vaqtida bartaraf etish, talabalar uchun yanada qulay va xavfsiz shart-sharoitlar yaratish hamda 2026/2027-o‘quv yilini sifatli va uyushqoqlik bilan boshlash yuzasidan tegishli tavsiya va ko‘rsatmalar berildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

🟥🟥🟥🟩🟩🟩 📚 Kitob o‘qib, qimmatbaho sovg‘alarga ega bo‘ling! 🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi “Kitobxon yoshlar ligasi” onlayn tanlovinining 2026-yilgi 3-mavsumini e’lon qiladi. 📚 Tanlovda qatnashish uchun ishtirokchilar @kitobtanlovbot orqali ro‘yxatdan o‘tib, 12-sentabrga qadar (rasmdagi) 3 ta kitobni o‘qishi va ular asosida tuzilgan testlarni yechishi kerak bo‘ladi.

✅Tanlov g‘oliblari quyidacha taqdirlanadi:

🔵1-o‘rin (1 nafar) – Noutbuk (core i5); 🔵2-o‘rin (2 nafar) – Smart televizor 43; 🔵3-o‘rin (3 nafar) – Samsung planshet; 🔵4-o‘rin (4 nafar) – Lenovo planshet; 🔵5-o‘rin (5 nafar) – Smart televizor 32;

✅“Eng faol targ‘ibotchi” nominatsiyasi:

🔵1-o‘rin (1 nafar) – Samsung planshet; 🔵2-o‘rin (2 nafar) – Lenovo planshet; 🔵3-o‘rin (3 nafar) – Smart televizor 32; 🔖 Tanlovda faol qatnashgan ishtirokchilar rasmiy, QR kodli elektron sertifikat bilan taqdirlanadi. ➡️Tanlov nizomini o‘qish Kitob o‘qing, testlarni ishlang. Tanlovda yuqori natijaga erishib, g‘oliblar qatoridan o‘rin egallang.

🟦🟦🟦 🟦🟦 🟦🟦🟦🟦🟦🟦🟦 Qadrli talaba-yoshlar! 🇺🇿 O'zbekiston yoshlar ittifoqi Andijon davlat pedagogika instituti boshlang'ich tashkiloti lider yoshlarni safiga chorlaydi! 🏛 Andijon davlat pedagogika instituti Boshlang'ich tashkilot Yoshlar Kengashi koordinatori hamda fakultet koordinatorligiga quyidagi yo’nalishlar bo’yicha 30 yoshdan oshmagan shijoatli, tashabbuskor, yoshlar manfaatlarini himoya qila oladigan, tabiiy yetakchilik qobiliyatiga ega nomzodlarni suhbat asosida qabul boshlanganini e’lon qiladi:

Yoshlar Kengashi koordinatorligi 1️⃣. Intelektual loyihalar koordinatori 2️⃣. Besh tashabbus loyihalar koordinatorl 3️⃣. Harbiy-vatanparvarlik loyihalari koordinatori 4️⃣. Tadbirkorlik va innovatsion loyihalar koordinatori 5️⃣. Talaba qizlar koordinatori 6️⃣. “Yoshlar daftari” va metsenatlik dasturlari koordinatori 7️⃣. Fakultet koordinatori

Munosib deb topilganlar koordinatorlikka tayinlanadi! ✅Ro'yxatdan o'tish havolasi: https://forms.gle/Ma5eChXeAB991FM16 🇺🇿Intiluvchan va tashabbuskor yoshlarni safimizga chorlaymiz! 🏛 Yangiliklardan xabardor bo‘lish uchun kanalimizni kuzatib boring! 🟦 Telegram 🟦 Facebook 🟦 Instagram 🟦 YouTube

Shavkat Mirziyoyev: "Mustaqillikning qadr-qimmati farzandlarga ta’lim-tarbiya berayotgan ustoz va murabbiylar mehnatida namoyon"

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan davlat mukofotlarini topshirish marosimi bo‘lib o‘tmoqda. Tadbirda davlatimiz rahbari yig‘ilganlarni O‘zbekiston Respublikasi davlat mustaqilligining 35 yilligi bilan samimiy tabrikladi.

– 35 yil – tarix uchun juda qisqa davr. Lekin ortda qolayotgan yillar o‘zining ko‘lami, yutuq va natijalari bilan asrga tatigulik davr bo‘ldi, desak, aslo mubolag‘a bo‘lmaydi,

– dedi Prezident. Ushbu o‘zgarishlarning haqiqiy muallifi mehnatkash va olijanob xalqimiz ekani ta’kidlandi. Davlatimiz rahbari mustaqillikning qadr-qimmati qishloqda rizq-ro‘z yaratayotgan fermer va dehqonlar, farzandlarga ta’lim-tarbiya berayotgan ustoz va murabbiylar, inson hayotini asrayotgan shifokorlar mehnatida namoyon bo‘lishini qayd etdi. Shuningdek, ilm-fan taraqqiyotiga yangi g‘oya va kashfiyotlar olib kirayotgan olimlar, zamonaviy korxonalar barpo etayotgan sanoatchi va tadbirkorlar, shahar va qishloqlarni obod qilayotgan quruvchi hamda arxitektorlarning hissasiga alohida to‘xtaldi. Facebook | Instagram | YouTube | Telegram

Yangi o‘quv yiliga tayyorgarlik masalalari muhokama qilindi Andijon davlat pedagogika institutida 2026/2027-o‘quv yiliga tayyorgarlik masalalariga bag‘ishlangan yig‘ilish o‘tkazildi. Unda dekan o‘rinbosarlari va tyutorlarning yangi o‘quv yiliga mo‘ljallangan ish rejalarini ishlab chiqish hamda belgilangan vazifalarni amalga oshirish masalalari ko‘rib chiqildi. Shuningdek, talabalarni talabalar turar joylari va ijara xonadonlariga joylashtirishda ochiqlik va shaffoflikni ta’minlash, ularning huquq va manfaatlarini himoya qilish yuzasidan vazifalar belgilandi. Yig‘ilish yakunida yangi o‘quv yiliga tayyorgarlik ishlarini yakunlash va belgilangan vazifalar ijrosini ta’minlash bo‘yicha mas’ullarga topshiriqlar berildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida “Mustaqillik soati” o‘quv-seminar treningi o‘tkazildi Andijon davlat pedagogika institutida mamlakatimiz mustaqilligining 35 yilligi munosabati bilan dekan o‘rinbosarlari hamda tyutorlar ishtirokida “Mustaqillik soati” o‘quv-seminar treningi tashkil etildi. Seminar davomida mustaqillik yillarida mamlakatimizda amalga oshirilgan keng ko‘lamli islohotlar, erishilgan yutuqlar hamda bugungi taraqqiyot jarayonlari haqida fikr yuritildi. Shuningdek, yosh avlodni vatanparvarlik ruhida tarbiyalash, ularda milliy qadriyatlarga hurmat va yurt kelajagiga daxldorlik tuyg‘usini mustahkamlash masalalariga alohida e’tibor qaratildi. O‘quv-seminar davomida ishtirokchilar mavzu yuzasidan fikr va mulohazalar almashib, mustaqillikning mamlakatimiz hayotidagi tarixiy ahamiyati, uning bugungi taraqqiyotimiz uchun tutgan o‘rni haqida zarur bilim va tushunchalarga ega bo‘ldilar. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

Ilmiy salohiyatga ega professor-o‘qituvchilar bilan individual suhbat o‘tkazildi Andijon davlat pedagogika institutida 2026–2027-o‘quv yili uchun ishga qabul qilish jarayonining dastlabki bosqichi doirasida ilmiy salohiyatga ega professor-o‘qituvchilikka nomzodlar bilan individual suhbatlar o‘tkazildi. Suhbat davomida nomzodlarning bilim va kasbiy salohiyati bilan bir qatorda, ilmiy ishlari va ixtirolari, tashabbuskorligi, kasbiga bo‘lgan mas’uliyati hamda xorijiy tillarni bilish darajasiga alohida e’tibor qaratildi. Jarayon davomida nomzodlarning ilmiy-pedagogik faoliyatdagi tajribasi va institutda samarali faoliyat olib borish imkoniyatlari ham o‘rganildi. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

🟦🟦🟦 🟦🟦 2026/2027 O'QUV YILI UCHUN “QALQON” JAMOATCHILIK GURUHIGA QABUL BOSHLANDI!

Talabalarni vatanparvarlik ruhida tarbiyalash, jamoat tartibini saqlashga ko‘maklashish, huquqbuzarliklarning oldini olish va ijtimoiy-ma’naviy muhitni mustahkamlash maqsadida faoliyat yuritayotgan “Qalqon” jamoatchilik guruhiga a’zolik uchun hujjatlar qabul qilinmoqda.

📌 Ariza yuborish muddati: 20-avgustdan 10-sentyabrgacha davom etadi. 📌 Kimlar a'zolikka olinishi mumkin? Kunduzgi va kechki ta’lim shaklida o‘qiyotgan muddatli harbiy xizmatni o‘tagan yoki shu sohaga qiziqqan faol talaba-yoshlar suhbat asosida tanlab olinadi.

✨ “Qalqon” jamoatchilik guruhining vazifalari: 🔹 Ta’lim muassasasi hududi osudaligini ta’minlash; 🔹 Huquqbuzarlik va jinoyatchilikning oldini olish; 🔹 Shubhali holatlar haqida tezkorlik bilan tegishli organlarga xabar berish; 🔹 Talabalar o‘rtasida profilaktika va targ‘ibot-tushuntirish tadbirlarini o‘tkazish; 🔹 Jamoat tartibi va xavfsizligini ta’minlashda huquqni muhofaza qiluvchi organlarga ko‘maklashish. 🔹 Talabalar o‘rtasidagi nizolarni bartaraf etishda, huquqbuzarlik sodir etgan shaxslarni aniqlash va huquqiy tarbiyaviy suhbatlar o‘tkazishda qatnashish; 🔹 O‘z faoliyatini maxsus forma va guvohnoma bilan olib borish; 🔹 Darsdan bo‘sh vaqtlarda belgilangan hududlarda navbatchilikni amalga oshirish;

🎖 A’zolarning imtiyozlari: 💴Faol a’zolar uchun har oy bazaviy stipendiyaning 50% gacha qo‘shimcha rag‘bat olish imkoniyati mavjud. 🏅 Fidoyi a’zolar davlat mukofotlari, “O‘zbekiston belgisi” va boshqa yuksak nishonlarga tavsiya etiladi. 👮🏼‍♂️ Bitiruvchi a’zolar ichki ishlar organlari, mudofaa tizimi va boshqa huquqni muhofaza qiluvchi organlarga tavsiyanoma asosida ishga joylashish huquqiga ega bo‘ladilar. 👨🏼‍✈️ Jismoniy va ruhiy jihatdan talabga mos faol a’zolar muddatli harbiy xizmatga qabul qilinishda ustuvor huquqqa ega bo‘ladilar. 👕 Barcha a’zolar maxsus forma va shaxsiy guvohnoma bilan ta’minlanadi. 👨🏻‍💻 Faol a’zolar xalqaro va respublika darajasidagi tanlovlar, musobaqalar va o‘quv-seminarlarga jalb qilinadi.

📲 Ro‘yxatdan o‘tish uchun: https://forms.gle/GxLphzXRmDGCFj5K6 🛡 “Qalqon” – intizom, mas’uliyat va sharaf ramzi! 🏛 Yangiliklardan xabardor bo‘lish uchun kanalimizni kuzatib boring! 🟦 Telegram 🟦 Facebook 🟦 Instagram 🟦 YouTube

#Magistratura2026 #Tahrirlash ⚡️26-avgust kuni soat 14:00 ga qadar magistraturaga qabul boʻyicha rad etilgan arizalarni tahrirlash mumkin

✅2026/2027-oʻquv yili uchun davlat oliy taʼlim tashkilotlari magistraturasiga qabul boʻyicha my.edu.uz elektron tizimi orqali onlayn roʻyxatdan oʻtgan talabgorlarning arizalari koʻrib chiqildi.

▪️Koʻrib chiqish natijasida ayrim arizalar turli sabablar, jumladan, tanlangan mutaxassislik bitiruvchining taʼlim yoʻnalishi boʻyicha mos yoki turdosh emasligi, xorijiy tilni bilish boʻyicha sertifikat, shuningdek, SAT sertifikati tasdiqlanmagan yoki belgilangan darajada boʻlmagan, soʻralgan hujjat oʻrniga boshqa hujjat yuklangan yoki toʻliq yuklanmagan, xorijiy tildagi ta’lim dasturini yakunlaganligi tasdiqlanmagan, hujjatlar sifatsizligi hamda boshqa sabablarga koʻra rad etilgan. ❇️Shuni inobatga olib, arizasi yuqoridagi kabi kamchiliklar sababli rad etilgan talabgorlarga 2026-yil 26-avgust kuni soat 14:00 ga qadar my.edu.uz elektron tizimi orqali arizalarini qayta tahrirlash va aniqlangan kamchiliklarni bartaraf etish imkoniyati beriladi. ❗️ E’tibor bering: 26-avgust kuni soat 14:00 dan so‘ng arizalarni tahrirlash imkoniyati berilmaydi. Aniqlangan kamchiliklar o‘z vaqtida bartaraf etilmagan arizalar ko‘rib chiqilmaydi. ☝️Muhim eslatma! ❌Xorijiy tilni bilish darajasi bo‘yicha talab etilgan milliy yoki xalqaro sertifikatga ega emasligi yoxud mavjud sertifikat talab darajasiga javob bermaganligi sababli rad etilgan arizalarni qayta tahrirlash tavsiya etilmaydi. 🚫Bunday holatda qayta tahrirlangan arizalar ham ko‘rib chiqilmaydi. Facebook | Instagram | YouTube | Telegram

#2026_2027OʻquvYili 2026/2027-o‘quv yiliga tayyorgarlik: muhim sanalar va vazifalar belgilandi Oliy ta’lim, fan va innovatsiyalar vazirining 2026-yil 21-avgustdagi 356-son buyrug‘i bilan ta’lim tashkilotlarini yangi o‘quv yiliga tayyorlash hamda O‘zbekiston Respublikasi davlat mustaqilligining 35 yilligini munosib nishonlash bo‘yicha qator vazifalar belgilandi. 📌 “Dolzarb qirq kunlik” Joriy yilning 20-avgustidan 30-sentyabrigacha bo‘lgan davr oliy ta’lim tashkilotlarida talabalarni yangi o‘quv yiliga munosib kutib olish, ularni turar joy bilan ta’minlash va yuzaga kelishi mumkin bo‘lgan muammolarni tezkor bartaraf etish maqsadida “Dolzarb qirq kunlik” etib belgilandi. 📖 2026/2027-o‘quv yili: 🔹 1-bosqich talabalari uchun — 7-sentyabrdan; 🔹 2- va undan yuqori bosqich talabalari uchun — 14-sentyabrdan boshlanadi. 💳 Talabalikka tavsiya etilgan abituriyentlar uchun Talabalikka tavsiya etilgan shaxslarga to‘lov-kontrakt mablag‘larini shartnomada belgilangan miqdor va muddatlarda to‘lagunga qadar farmoyish asosida o‘quv mashg‘ulotlarida qatnashishga ruxsat beriladi. 👩‍🎓 1-bosqich talabalari uchun Yangi o‘quv yili doirasida: ▪️ talabalarni tantanali kutib olish; ▪️ “Kredit ta’limi tizimiga kirish” haftaligi; ▪️ “Talabalikka bag‘ishlov” tadbirlarini samarali tashkil etiladi. 🇺🇿 “Mustaqillik darslari” Sentyabr oyida ta’lim tashkilotlarida “Yagona vatan, yagona xalq bo‘lib, yangi hayot va kelajak yarataylik!” shiori ostida “Mustaqillik darslari” bo‘lib o‘tadi. Darslar doirasida jadidlik harakati namoyandalari va qatag‘on qurbonlariga bag‘ishlangan mashg‘ulotlar, ma’naviy-ma’rifiy tadbirlar, davra suhbatlari, uch avlod uchrashuvlari, viktorina va ko‘rik-tanlovlar hamda sport musobaqalari o‘tkaziladi. 🗓 Shuningdek, oliy ta’lim tashkilotlari oldiga o‘quv binolari va talabalar turar joylarini yangi o‘quv yiliga tayyorlash, professor-o‘qituvchilar tarkibini shakllantirish, o‘quv-uslubiy hujjatlar bilan ta’minlash hamda ta’lim jarayonini samarali tashkil etish bo‘yicha vazifalar qo‘yildi. Facebook | Instagram | YouTube|Telegram

#Avtomobilsiz_kun 25-avgust kuni navbatdagi “Avtomobilsiz kun” aksiyasi o‘tkaziladi Aksiya munosabati bilan davlat idoralari rahbarlari va xodimlariga shaxsiy transport vositalaridan voz kechish va jamoat transporti, velosiped hamda atrof-muhitga zarar yetkazmaydigan transport turlaridan foydalanish tavsiya qilinadi. Shaharlarda ekologik toza transportdan foydalanish havoning ifloslanishini kamaytirish, energiya resurslarini tejash va aholining salomatligini mustahkamlashga yordam beradi. Birgalikdagi sa’y-harakatlar bilan yanada qulay va yashil muhit yaratish mumkin. “Avtomobilsiz kun” ommaviy aksiyasiga siz ham qo‘shiling! Facebook | Instagram | YouTube|Telegram

#DIQQAT #RASMAN Avtobuslarda 1-sentabrdan chiptasiz yo‘lovchilarni aniqlash bo‘yicha nazorat tadbirlari kuchaytiriladi. Transport nazorati inspeksiyasi hamda shahar yo‘lovchi tashishni monitoring va nazorat qilish davlat muassasasi xodimlari endilikda nazorat tadbirlarini bevosita avtobus salonlarida ham o‘tkazadi.

Oʻzbekiston Respublikasi Prezidenti Shavkat Mirziyoyev Oʻzbekiston – Ozarbayjon sammitining ikkinchi kuni tadbirlarida ishtirok etish uchun Buxoro shahriga keldi hamda Bahouddin Naqshband maqbarasini ziyorat qildi. — Президент Республики Узбекистан Шавкат Мирзиёев прибыл в город Бухару для участия в мероприятиях второго дня узбекско-азербайджанского саммита и посетил мавзолей Бахауддина Накшбанда. #Mirziyoyev #safar #Buxoro #ziyorat Prezident.uz|Facebook|Instagram|YouTube|X

🟥🟥🟥🟥 TTJ bilan ta’minlash shtabi faoliyati davom etmoqda 2026/2027-o‘quv yilining boshlanishi arafasida Andijon davlat pedagogika institutida talabalarni yotoqxonaga joylashtirish ishlari izchil davom etmoqda. Institutda tashkil etilgan TTJ bilan ta’minlash shtabi mas’ullari uzoq hududlardan keladigan talabalarning turar joy bilan ta’minlanishini ta’minlash maqsadida kecha-yu kunduz faoliyat yuritmoqda.

Shtab a’zolari tomonidan: -Talabalar arizalarini qabul qilish; -Hujjatlarni tartibga solish; -Joylashtirish jarayonlarini muvofiqlashtirish; -Yotoqxonalarda qulay shart-sharoitlarni yaratish ishlari olib borilmoqda.

Mazkur jarayonning shaffof va adolatli tashkil etilishini ta’minlash maqsadida barcha bosqichlar qat’iy nazorat ostida amalga oshirilmoqda. Institut rahbariyati talabalarning yangi o‘quv yilini qulay va xavfsiz sharoitlarda boshlashi uchun barcha imkoniyatlarni ishga solmoqda.

📌 Eslatib o‘tamiz, O‘zbekiston Respublikasi Vazirlar Mahkamasining 2023-yil 14-avgustdagi 376-son qaroriga muvofiq, talabalar turar joylariga joylashish bo‘yicha arizalar my.gov.uz portalidagi ushbu havola orqali qabul qilinadi. Reglament asosida avvalo imtiyoz va ustuvorlikka ega bo‘lgan talabalar qabul qilinadi.

#Talabaga_qulaylik 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube

🟥🟥🟥🟥 Talabalar turar joyi masalasi diqqat markazida 2026/2027-o‘quv yili arafasida Andijon davlat pedagogika institutida talabalarni turar joy bilan ta’minlash masalasi eng dolzarb vazifalardan biri bo‘lib qolmoqda. Institut tasarrufidagi 4 ta talabalar turar joyi yangi o‘quv yilida talabalarni to‘liq qabul qilishga tayyor. Biroq, mavjud ehtiyoj yuqoriligi bois, institut rahbariyati tomonidan qo‘shimcha choralar ko‘rilmoqda. Shu maqsadda institut yaqin hududlardagi mahallalarda ijara xonadonlari bazasi shakllantirilib, talabalarga ijtimoiy tarmoqlar orqali muntazam ravishda yetkazilmoqda. Bugun, 26-avgust kuni Andijon davlat pedagogika instituti yoshlar masalalari va ma’naviy-ma’rifiy ishlar bo‘yicha birinchi prorektori Muhammadjon Parpiyev boshchiligida talabalarni turar joy bilan ta’minlash va muvofiqlashtirish bo‘limi boshlig‘i O. Iminov va tyutorlar tomonidan ijara xonadonlari o‘rganildi. Ular talabalarning xavfsizligi, qulayligi va yashash sharoitlarini yaxshilash yuzasidan uy egalari bilan suhbatlashib, kelgusida talabalar uchun yanada yaxshi imkoniyatlar yaratish bo‘yicha amaliy choralarni belgilab oldilar. Institut rahbariyati talabalarning yangi o‘quv yilini xotirjam, qulay sharoitlarda boshlashlari uchun barcha imkoniyatlarni ishga solmoqda. 🟦Rasmiy sahifalarimizni kuzatib boring 🟦 Telegram 🟦 Facebook 🟦 Instagram 🟦 YouTube